23288	MAT 4:10	—Catanhue, Satanas. Papan huisha janin ta nea joi jaiqui: Miin Hihbo Dios huesti qui tah min raboxonen tisquihahpaquetihi. Jaa huesti tah min nincatihi —Jesusen jaquin.
23420	MAT 8:6	—Hihbon, heen joni ta yoran honanyamajaquetax heen xoboho racatihqui. Hihti hisin ta jaiqui —hahquin.
23435	MAT 8:21	Huetsa rihbi sca jahuen haxenica jahui. Joxon: —Hihbon, mihbetan capanan tah hen heen papa mahuataiya mihinax pari hen cayaxihqui mihbetan —hahquin.
23446	MAT 8:32	—Botannahue, tahca —hahscaquin. Jaa jonibo jenebahini sca cochi qui sca bocani. Yoshin jato qui nocotah, cahi, bishquihihcanahi cahi, tirisihpaquetax jene qui paquetax hahsacani, jatihibi.
23450	MAT 9:2	Jano ta yora honanyamajaquetax racatai joni sca Jesus qui hihuecannishqui. Jahuen racatininbi huaquehihnixon hihuecanquin. Jaa jan jato rohajaxontihi shinancoinai jisxon, racatai joni Jesusen yohiquin: —Raqueyamahue, baquen. Miin hohcha tah hen sohuaxonai.
23470	MAT 9:22	Jaatian rabejaquexon jaa haibo jisxon, Jesusen yohiquin: —Raqueyamahue, baquen. Shinancoinax copi tah min roha sca jai —hahquin. Jaatianbi ta haibo rohanishqui.
23531	MAT 11:3	Nocoxon: —¿Hoa jahui joni hen yohini mia quin? ¿Jahui jatihquin huetsa, non mananon? —hahcanquin, Juan chaninoxon.
23696	MAT 14:30	Caquin bi behchon jisish, raquerihbiscai. Jene meran hihquicatsi sca jaax sai saihihquish: —Hihbon, hea bihhue —hih sca jai.
23725	MAT 15:23	Hihti yocacah bi jahua hihyamahi. Jahuen haxenicabaan sca Jesus pataxxon yohiquin: —Yohihue, jan catannon. Sai saihihanan ta noque chibanbenahiqui —hahcanquin.
23742	MAT 16:1	Fariseobo betan saduceobo sca becani. Jesus qui joxon: —Papan coshiyaxon hahhue —hahcanquin, jan hahcai jisxon hahqui chaniscanoxon sca jascajacanquin.
23784	MAT 17:15	—Hihbon, jenquetsaha ra heen baque hea jaxonhue. Tehquehihqui ta hihti jomihiqui. Hicha coti ta chihi janin paquetihqui. Jeneho rihbi ta paqueresiqui.
23847	MAT 19:16	Huetsa joni sca jahui, beronan tahni. —Maestron, ¿queyoyamanox mananoxon jahua siri shinanti hen pishinain? —hahquin yocaquin.
23859	MAT 19:28	—Nincanahue, hen mato yohinon. Hea chibanaibo hihquish tah man nete behna tian sca hapobo sca man jihuetihi. Quiquin hihbo hihxon hen jatihibi hihbojahi tian tah man Papan israeli baquebo jatihibi jisxontihi, hapo rahsixon.
23891	MAT 20:30	Jaa bahi quexabi ta rabe benche janishqui, huinotaibo nincaresi tsahotai. Huinotai ta Jesus qui, hihquibo nincacax sca quenácahincani. —Hihbon, noquehon shinanhue, Davidinin baquen —hihcani.
23906	MAT 21:11	—Nea ta Papan joiya jahui joni qui, Jesus. Galilea mai mehax nocoti jahui, Nazaret jema janinhax nocoti jahui —hihcani, tsamajaquetaibo.
23914	MAT 21:19	Bahi quexabi bimi jihui huesti meraxon, bimi bichi caha bi yamahi. Pehi rahsi jai. —Jahuentianbi bimiyamaxihhue —hahquin, jihui. Jan yohihah, xanacahinscai.
23921	MAT 21:26	Jonibaan res rahan hih tah non jatimaribihi. Tsamataibaan noque jenquetsah ra jamis. Juan Papan joi yohinica hihpahoni ta shinancaniqui —hihcani, jaabo rahsibi yohinani.
23965	MAT 22:24	—Maestron, Moisesnin ta noque yohinishqui, noquen bocha baquejahaxma hihxonaiya non jahuen yononma bihxon hahqui sca noquen bocha non baquejaxonti.
23977	MAT 22:36	—Maestron, ¿jahue meha non Moisesnin huishani joibo jaa pari hashoan nincati jain? —hahquin.
24088	MAT 25:11	Chini sca nachiti marotani jahui xontacobo nocorihbihi. Nocoxon, jemanxon quenacanquin: —Patoron, noque quehpenxonhue, patoron.
24101	MAT 25:24	Huetsa sca jahui, huesti borasa bihnish. —Hapon, mia yonomis hihqui tah hen honannihqui. Mianbi banahahmabo tah min tsinquihi. Mianbi jahuen chishpo potaxonma tah min bichi.
24165	MAT 26:42	Jascacahini sca Papa yocaqui caribihi. —Papan, hea janoxihquibo jatimajati yamahiya mia queenai quesca janon jahue —hahquin.
24191	MAT 26:68	Rishquixon yocacanquin: —Yohihue, Criston. ¿Tsoan mia rishquihiquin?
24227	MAT 27:29	Moxa maitijaxon, maimaxon, tahua xecomaxon, jaa bebon raboxonen nihxon hosan hosancanquin. —Jee, judiobaan quiquin hapon —hahcanquin.
24261	MAT 27:63	Nocoxon: —Hapon, hoa paranmis bihyamaparixon tah non yohuanai nincaquipiqui. Jaa tah non rahma shinanai. Quimisha neten hihquipish tah hen teehihribiyaxihqui hih ta jaipishqui.
24430	MRK 4:38	Jascarai bi Jesus nonti chishqui quiri hoxahi. Nonti tsahotinin racatax tepitinin tepihax hoxahi. Mohinxon sca yocacanquin: —Maestron, ¿non mahuataiya mia jahua hihtimahin? —hahcanquin.
24467	MRK 5:34	Jaa cahen Jesusen yohiquin: —Baquen, min shinancoinai copi tah min rohascai. Shinanquin sirijahax caresscatanhue, miin hisin rohascaax caresscatanhue —hahquin.
24474	MRK 5:41	Xontaco metsonxon: —Talita, cumi —hahquin. Haibo pishcan, mia tah hen yohihi huenihue, hihcatsihqui.
24612	MRK 9:5	Yohuanaibaan bi Pedronen sca Jesus yohiquin: —Maestron, noque neno hihqui ta siri qui. Quimisha tapasnonhue. Mina huesti, Moisesnina huesti rihbi, Eliasnena huesti rihbi —hahquin.
24626	MRK 9:19	—Nincayosmabon, jascapahbo tah man qui. ¿Jahuentiho basi hen mato betan jatihin? ¿Jahuentiho basi hen mato tenetihin? Neno hehqui hihuenahue —jato jaquin.
24671	MRK 10:14	Jascajahibo jisish sinaxon jato yohiquin: —Panteyamanahue, hehqui baquebo behabo. Jascapah ta Papan jihuemati qui.
24718	MRK 11:9	Bebohibo betan chini cahibo coshin yohuanbonacani: —Hahxonhue, Papan. Nete Hihbaan raanah ta jahuiqui. Miin shinan siri jaa hinanhue, Papan.
24730	MRK 11:21	Jan yohuanipi shinanrihbixon sca Pedronen yohiquin: —Jise, Hihbon. Hoa bimi jihui min hahqui yohuanipi ta pehua sca jaiqui —hahquin.
24785	MRK 12:43	Jahuen haxenicabo quenaxon sca Jesusen jato yohiquin: —Nincanahue, mato yohinon. Jatihibi coriqui nanehibo mentan ta nea yononmanen hashoan nanehiqui.
24787	MRK 13:1	Papan xobohoh quehax cainaiton sca jahuen haxenica huestichin yohiquin: —Maestron, yotihoparahbo macanbo, yotihoparahbo xobo jise —hahquin.
24828	MRK 14:5	Jaa nardo xeni maromaxon ta trescientos denarios, hashoan rihbi, bihquehaniqui jahuabijomabo sca coriqui pishca hinannoxon —hihcani, haibo qui rainyamahi.
24859	MRK 14:36	—Papan, hea janoxihquibo jayamanoxahnon jahue, jatimajati hahtipahxon. Mian tah min jatihibi hahti hahtipahi. Jaabi hea queenai quescayamahi bi mia queenai quescahue —hahquin.
24913	MRK 15:18	—Jihuehue, judiobaan quiquin hapon —hahcanquin hapojahicamaxon.
24929	MRK 15:34	Bari racapaquetaiya sca Jesus coshin yohuani: —Eloi, Eloi, ¿lama sabactani? —hahquin. Papan Dios, Papan Dios, ¿jahua jenquetsahin min hea jenescain? hihcatsihqui.
24930	MRK 15:35	Jan jascahi nincaxon: —Jisnahue, Elías ta quenahiqui —hahcanquin jano nichibaan.
24934	MRK 15:39	Jesus bebon nihxon jan jascari mahuatai jisish capitan sca yohuani: —Hihcoini, nea ta Diosen baque qui —hahquin.
24975	LUK 1:13	—Raqueyamahue, Zacarian. Min yocacai ta Papan nincaquihqui. Min hahqui baquejaha ta miin haibaan tohoscaxon baque bihyaxihquiqui. Jaa pishca tah min Juan janeyaxihqui.
24992	LUK 1:30	Rahtetaiton sca: —Raqueyamahue, Marian, noquen Papa ta mihon jenimahiqui.
25076	LUK 2:34	—Noquen Papan ta matohon shinanihqui —hihxon, baquexon mama bejisahnan sca, jahuen baquexo yohihi yohuani— Jise. Nea copi ta hicha noquen caibo jascabi behnoti sca jaticaniqui. Hicha rihbi ta nea copi jascabi sca jihuetihiqui. Hahqui ta caibo rihbi tiromahi yohuanyaxihquiqui. Noquen Papa hahan honantihi bi tiromabohi yohuani.
25109	LUK 3:15	Juaman jascajahiya manahihti quenichibo shinamehti: —Jaa tsi ra Papan caisai joni quin —hihcani, Juan yohihi jaton jointinin shinamehti.
25184	LUK 5:8	Yotihi ra jisish raquescaax Jesus bebonxon raboxonen tisquihahpaquexon: —Hea jenebahinhue, Hihbon. Hea tah hen hohchayahpa joni qui —hahquin, Simon Pedronen.
25186	LUK 5:10	Zebedeon baque rabe rihbi ta jascarihbihi raquenishqui, Jacobo betan Juan, Simoman companihrobo rabe. Raquescaiboya: —Raqueyamahue, Simoman. Rahma tah min joni bihnicah sca jatihi —hahquin Jesusen.
25211	LUK 5:35	Huetsa tian ta jaton huanomati yamascatihiqui, Papan jato bichinah. Jaatian pari ta benáxon piti teneyaxihcanihqui —hahxon, honanahbo hihxon sca jaa patax queha joi jato yohiquin.
25280	LUK 7:16	Hihti rahte sca jacani. —Papan ta noque hahxoniqui. Jahuen joi nincamanica janon ta noque quiha huesti Papan caisnishqui —hahcanquin, Jesus yohihi. —Noque jahuen jonibohon ta Papan shinanihqui —hihcanahi boribicani.
25368	LUK 8:54	Xontaco mehuetanxon sca coshin yohiquin: —Huenihue, baquen —hahquin Jesusen.
25378	LUK 9:8	—Elías yamanica rah ta noque qui caini joribiscaiqui —hihcani, Jesus jaa hihqui shinanax. —Neateman jihuepahonish bi teehihribiscai Papan joi yohixonnicah ra tah qui —hihqui caibo rihbi sca. Jascapa nincaxon Herodesnin masa shinanquin.
25403	LUK 9:33	Yamanica rabe caresscacatsihquiya sca Pedronen Jesus yohiquin. —Noque neno jaah ta siri qui, maestron. Quimisha tapasnonhue, mina huesti, Moisesnina huesti rihbi, Eliasnena huesti rihbi —hahquin, jahua yohuanti honanxonma jascajaquin.
25408	LUK 9:38	Jato tocan huesti joni coshin yohuanhonahi jahui. —Maestron, mia tah hen hihti yocacai. Heen baque jisxonhue. Jaa huesti heen baque tah qui.
25419	LUK 9:49	—Maestron, tiroma yoshinbo miin jane yohixon camahi joni tah non jisiqui. Jaa tah non Jascajayamahue hahbenanai, jan noque betanbi nihyamahi copi —hahscaquin Juaman.
25428	LUK 9:58	Jascahiya: —Caman hinobo ta jaton mai quini jaiqui. Pehiyahpabo rihbi ta nahayahpa qui. Hea noquebaque tah hen jascayamahi. Hea noquebaque tah hen jahuenbi hoxati yamahi —hahxon, huetsa sca yohiquin:
25457	LUK 10:25	Jaatian nihxon judiobaan haxemanicahton jenquetsahaxon yocaxon non Jesus tiromahi yohuanmatihin hihxon yocascaquin: —Maestron, ¿jenquetsahax hen queyoyamanox manatihin? —hahquin.
25519	LUK 11:45	Noquen Hihbaan jascajaquin yohihiya sca Moisesnin joi haxemanica huesti jano tsahoxon yohiquin: —Maestron, jascajaquin yohiquin tah min noque rihbi cahehi —hahquin.
25529	LUK 12:1	Quexehibaan bi hicha bi res jonibo jano tsinquijaqueti. Hihti caibo tsamatax, joni huetsa qui tsehquesihcanahi bohiboya jahuen haxenicabo Jesusen yohiquin, behna joi sca: —Coirametahi man. Fariseobaan coro pahe mato qui mahnemis —hahquin, fariseobaan hahcoinicamati shinan yohiquin.
25541	LUK 12:13	Jaatian, tsinquijaquetaibo tocan nihxon, huesti jonin yohiquin: —Maestron, heen bocha yohihue, noquen papa yamanicaton jahuaborabo jan hea texe hinannon —hahquin.
25599	LUK 13:12	Jaa meraxon mequeman mehehax Jesus coshin yohuani: —Rohascahue, chocan —hahquin.
25602	LUK 13:15	Jato jascajahiton Jesusen sca pontejaquin yohiquin: —Quesan, ¿xehpohipixon tantiti netenbi man maton vaca pecaxon, jaa hihyamahiya maton cabacho pishca pecaxon, hioxon man jene xehamayamahin?
25610	LUK 13:23	—Hihbon, ¿Papan jihuemahibo hichatahmabo quin? —hahquin huetsan.
25795	LUK 18:38	—Jesusen, Davidi baquen, hehon shinanhue —hahquin, coshin.
25805	LUK 19:5	Hinatax manatai bi jaa jihui ponte sca nocoxon bejisihnixon bototi Jesusen yohiquin: —Botopaquehue, Zaqueon, histon. Rahma tah hen miin xoboho tantihi cacatsihqui.
25808	LUK 19:8	Reren rerenaibaan bi nihinaxon: —Hihbon, texe heen coriqui hena hihnon tah hen jatíhi rihbi jahuajomabo hinannoxihqui. Paranxon hen bichinnihbo rihbi tah hen chosco coti jatíhi rihbi tsamanxon jato hinanrihbitihi, hihbon —hahquin Zaqueonen.
25854	LUK 20:6	Jonibaan res yohihah rahan hih non jaiya ta nea tsamajaquetaibaan noque macaman tsacaxon rehtetihiquin. Papan joi yohinica ta Juan janishqui hah ta jacanihqui jatihixonbi, hih ca hen jaihsen —hihcani, jaabo rahsibi yohuani.
25864	LUK 20:16	Joxon ta jahuen hinantahnibo rehtepaqueyaxihquiqui. Jato queyobahinxon sca ta huetsabo sca jahuen huai hinantihiqui —jato jaquin. —Jascajayama jacanpahinon —hihscacani, nincacax.
25876	LUK 20:28	—Maestron, Moisesnin ta huishanishqui, noquen bocha baquejahaxma hihxonaiya non jahuen yononma bihxon hahqui noquen huetsa yamanica non baquejaxonti.
25903	LUK 21:8	—Coiramenahue, mato parancanmis. Hea tah hen qui hihqui ta heen janen hicha joyaxihquiqui. Nete ta queyocatsihscaiqui hih ta jaribiyaxihcanihqui. Jascascaibaan bi jato nincayamaxahnnahue.
25939	LUK 22:6	—Mato tah hen bihmacointihi —hihquish, Jahua hora jonibo yamahiquin, Jaatianbi bihmahah ta siri qui hihscai Judas, shinamehti.
25964	LUK 22:31	—Simoman, nincahue, Simoman. Bimi bero rahsi bihcatsihquin tohaquin hahcajaquin mato tana tananoxon hihxon ta Satanasnen coshin yocacaxqui.
25971	LUK 22:38	—Jise, Hihbon. Neno tah non machito rabe jai —hihcani. —Jascabi sca janon jenenahue —hahquin.
25975	LUK 22:42	—Papan, rahma janoxihquibo hea cahnemahue, queenxon. Jaabi, hea queenai quescarihma bi mia queenai quesca janoxihnon —hahquin.
26045	LUK 23:41	Noque rabe non tiromajani copi tah non rahma mahuatai. Non caibo hahni quescaja ta noque jacanihqui. Noque quescayamahi ta nea jahua tiromayamanishqui —hahxon, Jesus sca yohiquin:
26067	LUK 24:7	Hohchayahpabo qui tah hen hea noquebaque hinamehti jai, jihuin hueonxon rehtescaabo. Jaa pecaho tah hen jahuen quimisha neten sca hahquirihbi teehihtihi hah ta mato jahoxqui —hahcanquin, sanareneni jahuibaan.
26172	JHN 2:8	—Huehaxon, fiesta hihbo nomimatannahue —Jesusen jaah sca, huehaxon nomimacanquin.
26256	JHN 4:31	Jasca sca jaiboya: —Pihue, maestron —jahuen haxenicabaan Jesus jaquin.
26626	JHN 11:34	—¿Jahuen man tsahonipiquin? —jato jaquin. —Jisihue, hihbon —hahcanquin.
26633	JHN 11:41	Jaatian sca macan janabohancanquin. Bochiqui sca jisxon: —Papan, hen yocacah tah min nincacai. Hahxon tah min hea jai.
26635	JHN 11:43	Jascajaxon coshin bi res quenaquin: —Lazaron, picohue —hahquin.
26636	JHN 11:44	Jaatian sca hihquipi joni picoti. Jahuen mequen, jahuen tahe chopa quexen yabi yabihah, payoman rihbi bebepohipibo. —Pecanahue, jan nihtatahnon —Jesusen jato jaquin.
26879	JHN 18:25	Xoboho pari jaabo jai bi jemanhihtin Pedro nichi pehchihi. —¿Mia rihbi min jahuen haxenicama quin? —hahcanquin. —Jaama tah hen qui —hahquin, Jesus qui paramehquin.
26885	JHN 18:31	—Boxon, maton xenibaan huishanihbo joi jisxon jaa joi jai quescajaquin hahnahue matonbi —Pilatonen jato jaquin. —Noquen cah non rehteti hahtipahyamahi. Noquen rehtetima joi ta jaiqui —hahcanquin.
26894	JHN 18:40	—Jaama bi Barrabas —hahcanquin, coshin bi res. Barrabas ta yometsoh hihpahonishqui.
26897	JHN 19:3	Sahuemaxon hahqui jori jorixon: —Jihuehue, judiobaan quiquin hapon —hahcanquin. Jascajaxon tihibi tantashahcanquin.
26982	JHN 21:15	Piquin jaabijahiboya Simon Pedro sca Jesusen yohiquin: —Simon, Juaman baquen, ¿neabo hehon queenai bi hashoan bi res min hehon queenain? —hahquin. —Jeen. Mihon ta hen queenai, Hihbon. Min tah min honanai —hihqui Simon.
26983	JHN 21:16	—Heen carnerobo pimahue —hahxon yocarihbiquin jahuen rabe coti sca: —Simon, Juaman baquen, ¿min hehon queenain? —hahquin. —Jeen. Mihon tah hen queenai, Hihbon. Min tah min honanai —hihqui. —Heen carnerobo pimaxonhue —hahscaquin Jesusen.
26984	JHN 21:17	Jahuen quimisha coti sca yocarihbiquin: —Simon, Juaman baquen, ¿min hehon queenain? —hahquin. Min hehon queenain hahquin jan quimisha coti yocacai copi Pedronen masa shinanscaquin. —Mian tah min jatihibi honanai, Hihbon. Mihon tah hen queenai. Min tah min honanai —hahquin Pedronen. —Heen carnerobo pimaxonhue.
27016	ACT 1:24	Jaatian cahen Papa yocacanquin: —Hihbon, mian tah min jatihibi jonibaan shinan honanai. Criston raantibaan tee ta Judasen potabahinhoxqui jano jan cacatsihquiton canoxon. Rabe joni tah non naponbi nihmahi. ¿Jahuemeha min caisain Judasen tee jan hihbojanon? Noque jismahue non honannon —hahcanquin.
27115	ACT 4:24	Yohiha jatihixonbi Papa yocacanquin: —Hihbon, naiyahpa mai, hian, janobo jai jatihibi rihbi tah min hahniqui.
27289	ACT 9:4	Main paquerenenxon sca yohuanai joi nincaquin. —Saulon, Saulon. ¿Jahua copi min hea tiromajacatsihquin chibanain?
27319	ACT 9:34	—Enin, Jesucriston ta mia rohajahiqui. Huenixon miin cacajati bihhue —hahquin Pedronen. Yohihah cahen hueniscai.
27325	ACT 9:40	Jato jatihibi picomaxon raboxonen nihxon Papa yocaxonquin Pedronen. Yocaxonxon mahuatah haibo jisxon sca: —Tabitan, huenihue —hahquin. Jascahah jahuen bero peehahtanxon Pedro jisish tsahohihnascai.
27341	ACT 10:13	—Huenihue, Pedron. Rehtexon pihue —hihqui nincascaquin.
27423	ACT 12:17	Netetahbo jahuen mequen sanaxon sipo xobo janinhah noquen Hihbaan jaa picohah jato yohiquin. —Jacobo, noquen huetsabo rihbi yohiscatannahue —jato jabahini huetsa xoboho caresscai.
27933	ACT 27:10	—Jisnahue, amicobaan. Nontin cahax non querabequemis. Behchoman ta noque tsahcatihiqui, man bohi jahuabora manoscanon, nea nonti rihbi manoscanon, noque rihbi hihquiscanon —jato jaquin.
30872	REV 6:11	Jato tari joxoni hinanpaquexon sca: —Manátahnahue, mahbe teexonnicahbo pari rehtehahbo, maton huetsabo rihbi rehtehahbo, mato rehterahsi quescajaquin senenjahabo manátahnahue —jato jaquin.
30913	REV 9:5	Jato rehteti tah hen mato hinanyamahi. Pichca hoxne jaa hisin tenehahbo tah hen mato jatíhi hoxne hisinjati mato hinanai. Jato hahtannahue —hahcá, jonibo hahqui becani. Hahca, nibon hahca quescapi hisincani.
31071	REV 18:9	Hahbetan hihresax hohchapahoni hapobo ta jaya huaohihnoxihquiqui, jaya jiihihqui. Mapohax hani cohin xohtóhihnatai hochoxon jisish ta huaohihquish jahuen casticanti qui raquetax hocho res nihrenennoxihcanihqui. —Hahrai, noquen hani jema, noquen coshi Babilonia jema. Jaatian huesti ta jatihibi pahen mia merahihqui, Diosen raanah —hih ta janoxihcanihqui, hapobo.
31078	REV 18:16	—Hahrai, noquen hani jema, joxo chopa sahuehi haibo quesca tah min siripahonihqui, yanconiboya joshini rajotiboyahpa quescapah hihpahonish bi tah min jascayamascai. Oro rajotiboyahpa quescapahax, siri macan beroya joxoni moroyahpa hihpahonish bi tah min jascayamascai.