338	GEN 14:1	Go raburi Amrapel Sina-na aamudu-para, Ariok Elasa-na aamudu-para, Kedolaoma Elam-na aamudu-para, Tidal Goim-na aamudu alare,
342	GEN 14:5	Wala mali meda popenalomea Kedolaoma rapu ralasimi aa mudunumi yada pua pumea go ruru wini pisimi. Repaim ruru Estorot Kanaim aisimi-para, Susi ruru Am adare-para pati page, mo Em ruru awaro paune su Kiriataim pati page,
343	GEN 14:6	mo Or ruru so Seir rudu pati page, ora pua mo kapune suna rugi Elparan pua pabo tu kiritisimi.
344	GEN 14:7	Goa pua nimumi wala pereketua En Mispat pisimi (go suri abiare Kedes teme). Goa pua aamudu malapu-na rurumi Ameleke-na su ada luabu pabotu rubisimi. Nimumi mo Asason Tama su-para pati Amori ruru page pabo rubisimi.
346	GEN 14:9	Kedolaoma Elamana aamudu-para, Tidal Goimana aamudu-para, Amrapel Sinana aamudu-para, Ariok Elasana aamudu aala rapu yada pisimi. Gore nimu aamudu malapu rapu aamudu supu rapu yada pisimi.
350	GEN 14:13	Aa meda pogola pisa aamere, Hibru aa Abram apo remaa rayo epa lakesa. Go raburi Amorait aa meda Mamri-na repena puti para Abram rapu epa asa. Mamri para nipuna ame Esko-para Ane lapo, nimu Abram rapu upasimi.
361	GEN 14:24	Ni yae meda na-mealua pare na aanumi aba nameya yaenu komea meano, go page nirapu puame aa repo Ane-para Eskol-para Mamre aalana komea nina iyanu rapu yada pamega go repare kalaina.
363	GEN 15:2	Gore Abram-me lalo: O Adaa Aa mudu neme niri ake gialiya? Niri naki meda namadu idega, Ninaa oyae rayore Eliesa gode Damaskas aame mealia.
381	GEN 15:20	Et onaa-para, Peris onaa-para, Repaa onaa-para,
383	GEN 16:1	Abram-na ore Sera nogo-naaki na madiasa. Yapare nipuna kogono pae, Isip nogo Ega asimi.
385	GEN 16:3	Abram-me nipu Kenan mali 10 awa ore Sera-me nipuna kogono pae Isip nogo Ega mua aani ore ma-aulainalo kasa.
386	GEN 16:4	Abram Ega rapu patisa, goa pua naaki pada pirisa. Nipu naaki pada pirisa makuawa nipuna surube onana rolo para napiri agaa napagisa.
388	GEN 16:6	Abram-me lalo: Nena kogono nogore nena kina iya. Nena kone-para paliare pape, gore Sera-me Ega udipa pisa pulu nipu pogola pisa.
389	GEN 16:7	Adaa Aa-na Ensol-me Ega mo ipa repaa-para su kapune pare adesa. Go ipare mo Sur pora paginane popea.
390	GEN 16:8	Gore Ensol-me lalo: Ega, Serana kogono nogo, apara awa, wala apara polalo pi? Nina surube ona Sera pogola pulu.
391	GEN 16:9	Gore Adaa Aa-na Ensol-me nipu goa lakesa: Nena surube ona Sera piri wala pua, nipuna agaa pagape.
392	GEN 16:10	Ensol-me lalo: Nena rururi ma-adayalua, goa pua dipiape rupa page maralimi.
393	GEN 16:11	Adaa Aa-na Ensol-me wala lalo: Nere naki pada-pi pulu naki madiali. Nipuna biri Ismael lape, akoloya, Adaa Aa-me nena re-e pagade.
395	GEN 16:13	Ega-me Adaa Aa go bi kasa: Akoloya ni Ade Gote. Nipumi lalo: Abiare ni adea Gote-re adalo.
397	GEN 16:15	Ega-me Abram-na naki madiasa, goa pua Abram-me, Ega-me madiasa nakina biri Ismail sa.
398	GEN 16:16	Abram-na mali 86 patinaloa Ega-me naki madiasa.
417	GEN 17:19	Go rabu Gote-me lalo: E, yapare, nena ore Sarah-me nena naki mada madialia, goa paliaga, nipuna biri Aisak lape. Nina rogae agare nipurapu palua, go rogalipade aagare orope maralaliade ruru rapu page pa sama lama palia.
451	GEN 18:26	Adaa Aa-me lalo: Epe onaa 50 piralimi-dare gore pana bina natalua.
459	GEN 19:1	Aebore mo Ensol lapo Sodom pua opapaisipi. Gore Lot-re adarena kerepo para pirisaya. Nipumi nimu adoare, rekataboa nimu madata pisa, goa pua iniaga su kaloa ma kubunaisa.
473	GEN 19:15	Riba rekore mo Ensol lapome, Lot aipapulu ma rekaisipi. Nipumi goa sipi: Aipapu tapa! Go aeme nena ore para wane lapo page. Gore go ada kagure talawa nimi talia.
474	GEN 19:16	Lot-me aipapu na sa raburi, mo Ensol lapome kimina misipi, ore wane lapona ki mina mua aipapulu adarena amanane mea pisipi, gore Adaa Aa-me nimu odome omesa.
502	GEN 20:6	Gore Gote-me wala epana ipua goa sa: E, gore pa epea pi kone saede, pare ne mo onarapu naa pataedere, ni repara waea palilo neme ma-parude. Goane mo ona naa oraina-laawade.
523	GEN 21:9	Goyapare Sarah-me adisapare Ega mo Isip oname Abraham-na madiasa nakimi giri giri lala pirisa,
528	GEN 21:14	Wala riba-rekore Abraham-me eta-para ipa lapo noria pua Ega na pasana mariasa. Goa pua naki agiaya rapasa. Nipu aagiaya pua Besiba su kapune-pare opopawa pua pamudipiasipi.
531	GEN 21:17	Gote-me mo nakina re lalaina pagesa. Gote-na Ensol-me yaa-para awa Ega yasaa: Ega, akepeada lae? Neme pala naomape, Gote-me nena sina re pagade.
559	GEN 22:11	Go rabu Adaa Aa-na Ensol-me soyapara awa yasa: Abraham! Abraham! Nipumi lalo: Go ayoda.
563	GEN 22:15	Adaa Aa-na Ensel-me soyapara awaa rana laapopa Abraham yaloa lalo:
7131	RUT 1:2	Go aana biri Elimalek pare orena biri Naomi yade. Si lapona biri Malon-para Kilion lapo. Pirisimi nimuri Eprata ruru gore Juda ruruna Betlem supara aawoa pisimi. Nimu Moap aata pisimi.
7132	RUT 1:3	Go yapare Elimalek omesa raburi Naomi nipu si lapo raapu pirisa.
7152	RUT 2:1	Boas-re Elimalek-na ruru-para ada aa pirisa. Nipuri Naomi-na abana aanina ruru aa.
7154	RUT 2:3	Gore Rut maapu-para mo kogono aanu ratamea pua rais bali-na ini pua makiroatasa. Go maapuri Elimelek-na ame Boas-na maapu kone na-isa. Boas-me Rut epea pisa.
7165	RUT 2:14	Eta nape raburi Boas-me Rut wala goa lakesa: Ne go-pare ipua bret meda epa mua wain-para pataawa naa. Go rabu Rut nipu kogono ona meda raapu pirisa. Go rabu Boas-me repena egaana irini bali medaloma kasa. Mea nisa rabu Rut-na robaa rubisada medaloma pa isa.
7179	RUT 3:5	Rut-me agaa gupa abusa: Epeta. Neme nena agaa rayo ratalua.
7183	RUT 3:9	Go rabu nere api-ya palo agaa misa. Rut-me lalo: Ni Rut nena kogono ona meda yade. Nere Elimelek-na yapiga neme ni raba mua surubape.
7186	RUT 3:12	E abiare ora lae. Niri nena aanina yapi meda yapulu neme ne mada surubalua. Go yapare aba ririnane aya aame go kogono rayo palia.
7187	RUT 3:13	Abiare ne go-pare aape. Ekeraa yapipuri go aa-na kone adola palua. Ne surubalua teadare mada pare dia teare gore neme ne surubalua. Neme ora lalo Adaa Aa-me makuaaya. Abiare wala abi pata.
7193	RUT 4:1	Oropere Boas adare-na poragape-nane onaa kiritae-pare pua pirisa. Mo aba lade aa Elimelek-na medapara pati repera ipasa. Boas-me adami Aa ya loa go pare ipua epa pira. Nin go pare pua pirisa.
7195	RUT 4:3	Nipumi nipuna yapi medagupa lakesa: Naomi-ri Moap gimoa wala epade pare sana yapi Elimalek-na sudere medame kabenalo rapata.
7201	RUT 4:9	Oropere Boas-me aa mudunu-para pa onaa medaloma-para goa sa: Nimi rayome adalepa Abare Naomi-para Elimelek-para Kilion-para Malon aalana oyae rayo sarude. Go yapare abiare go oyae raayome neme apo kabaloda.
7203	RUT 4:11	Onaa rayome talo: E Goa rayo apo adoa makuatema-da. Aa mudunu-mi lalo: Go onare abia nena ada-para epena gore Adaa Aa-me nipu ma-epeaina. Goa pua Resel-para Lea lapo-rupa ma-epaina. Niaa Israel ruruna aaya lapo rupa pirina. Nere Eprata ruruna adaa aa pirua Betlem suna adaa bi ina.
7210	RUT 4:18	Gore Peres na ruru pua Devit mada lo kirutu: Peres-re Esron-na aaraa pirisa.
7211	RUT 4:19	Esron-re Ram-na aaraa pirisa. Ram-re Aminadap-na aaraa pirisa.
16472	PRO 1:2	Go Epe agaa-me niaa epe kone gua niaa maredepo yalia. Go agaa rayo waru adalima rabu niaa epe kone sua epe pora ratape-rupa mogealia.
16490	PRO 1:20	Epe konena porare ona meda-me pora-nini aawa page maket-nini aawa page onaa yaloaaya-rupare epe kone go-rupa epea.
16502	PRO 1:32	Epe kone na-imi onaame ni maasa rilaeme. Goa peme-pulu nimu alupalimi. Goa pua nimuna bipa maeyaawa waea rayo nimumi makuaema kone imi. Go koneme nimuna bipa oyalimi.
16505	PRO 2:2	Epe makuae-yae waru mua teme agaa rayo waru ratua epe naaki nogo mada piralimina.
16506	PRO 2:3	Epe konena agaa ne madaa epena go agaa meape. Gore onaa yateme rabu pimide rupa mada piralimina.
16512	PRO 2:9	Nogo naaki nimi epe kone adoa ratalimi-dare epe pora luabu adoa pamualimi. Epe agaa rateme aanu medaloma page epe kone rumaawa epe pora mada mea watea.
16514	PRO 2:11	Epe kone ratali raburi epea luabumi ne raana gua ne madaa rubia kuma gialia.
16523	PRO 2:20	Epe pora ratamea pope kone salidare neme epe pora ratua mada niminaali.
16524	PRO 2:21	Epe aanuri go su-ama oro yalo epe pora ratua pa piralimi.
16541	PRO 3:16	Epe kone agu suali-dare ne epe kone oro yalo sua oyae page adaapu sua go su-amaa adaalu-pu mada piruaawa onaanumi nena bi minasaalimi.
16542	PRO 3:17	Epe koneme nena pu robaa-para raana waru gua go su-amaa adaalu-pu pirape yae page ora ma-epeaalia.
16543	PRO 3:18	Epe koneme-re onaa epe-rupa piraama pope kone mea gialia. Gore oro-yalo kagaa piraama laama popena paa kato nona piane repena-rupa aalimi.
16553	PRO 3:28	Nena adami aame oyae agaa mealia rabu katalo paliri, pa ogesi-da puaa adoaa nalape. Ekera wala epali rabu gialua-ga lo gorupa nalape.
16560	PRO 3:35	Epe kone imi aanu-ri onaa luabumi epe bi kateme. Go yapare kone wae-imi aanuri nimuna bipa nimuna bi ma-oyatalo peme.
16583	PRO 4:23	Epe koneme ne maredepo yatalo nena kone-para epaliare, ipa naaku-para yokoa epeade-rupa epea. Oroyalo nena pora pamuape page nena kone wasupa luabu waru maredepo yaawa pamuape.
16649	PRO 7:4	Epe kone-para epe makuae yae lapo rata nena kone-para inaloa aape. Gore nena baani-para epe aa yago raapu aatede-rupa mada aape.
16673	PRO 8:1	Epe redepone konere ona meda rekaawa onaa yaata-rupa madaa.
16681	PRO 8:9	Epe kone sua makuae yae waru meme aanumiri neme to agaa-na re-re waru makuaeme. Goa pea-ga go agaa ora riae yade kone sua waru makuatepape.
16704	PRO 8:32	Epea-para epe kone lapo-me agaa mone mone go-rupa ta. Go nogo naakinu nimimi naa agaa waru pagoa nina kone luabu waru ratalepape. Nimimi goa palimiri epe raaname rubini onaa piralimina.
16709	PRO 9:1	Epe koneme epe pora waatalo ada pigi kerepo (7) pua ponoa awea. Gore nipumi epe kone sua go ada pigi eto napape-rupa awea. Go ada pigimi puri paloa ainalo pisa.
16713	PRO 9:5	Eta page ipa waini epe rede-pi aba managala ia-ga ipua epa nalepa.
16719	PRO 9:11	Epe kone-me ne go su-amaa ora adaalupu mapiraalia rabu kris-maali adaapu mada pirali.
16725	PRO 9:17	Gore neme ipa meda paake mua nali rabu go ipa kogaroa redepi ipa nali. Eta meda page pake mua nali rabu, go eta page rede waru palia.
16734	PRO 10:8	Epe kone-i aanumiri pa aa medame epa-ta agaa page waru aina madu pageme. Pare yaa-agaa loa agaa ipa rukini ritimi aanuri nimu ora pa-rupa oteme.
16735	PRO 10:9	Epe kone sua epe-rupa piri onaare redepone-rupa pirualimi. Go yapare onaa waea palimidere, nimuna peme wae yaenu kudiri-pu na-i pename salia.
16737	PRO 10:11	Epe redepone aanuna agaa-re ora epe ipa laipi kata ipa-rupa yade. Go yapare wae aanuna kone pa kudiripu sabaawa onaa mabebola teme.
16740	PRO 10:14	Epe pora ratua epe kone imi aanuri makuae yae waru mua aipapulu nalapaeme. Aa medame yaa-agaa teadare, wae yae aipapulu gopara opapaaya.
16746	PRO 10:20	Epe redepone aana agaa-re epe aana silipa-me adea. Go yapare wae aanuna kone-re bebolo-tea.
16747	PRO 10:21	Epe redepone aa-na agaa-mere onaa adaapu waru rabamea. Goa pea pare onaa epe kone nasalimi-daare go onaa nimu ora omalimi. Akolo ya? Nimuna kone ora oyotea-pulu nimu omalimi.
16749	PRO 10:23	Epe kone naimi aanu nimu waea pape mada raana waru omoa pupitagi neme. Go yapare epe kone imi aanuri, nimu epea papena raana omoa epea peme.
16756	PRO 10:30	Epe redepone aanuri nimuna ada kagure-para epe-rupa piruaeme. Go yapare wae pupitagi ne onaare nimu go rupa napiruaeme.
16757	PRO 10:31	Epe aanu nimu oro yalo epe kone sua epe pora rateme-pulu, nimu onaa luabu epe agaa lakelo-aeme. Goa pea pare wae agaa teme aa luaburi nimu oyalimi.
16762	PRO 11:4	Epe mone oyae adapu salipare go oyaeme ne omali rabu mada naraba mealia. Go yapare neme epe kone sua epe pora ratu aali-dare ne go su-amaa page adaalupu pirua epe su page meali.
16763	PRO 11:5	Epe kone imi aanu nimuna epe koneme epe pora mea wata rabu nimu epe-rupa pirua nimu epe kone sua epeanu peme. Goa pea pare waea peme aanu nimuna peme wae yaenumi nimu malopaaya rabu nimu lopeme.
16764	PRO 11:6	Epe redepone aanu nimuri nimuna epe kone maredepoyaya rabu nimu epe-rupa pimi. Go yapare aanu oyae madaa omeme-pi kone sua wae pora ratulalo peme aanu nimu lopoa wae-rupa pimi.
16768	PRO 11:10	Epe aanu nimuna pirape yae puaa redepota raburi onaa nimu luabu ora raana omoa epe-rupa piruaeme. Go yapare aa padaneme oroyalo waea puawa nipu omea rabu onaa luabumi epe ta kone sua raana omeme.
16769	PRO 11:11	Epe redepone aanumi nimuna ada kagure-para epea peme rabu nimuna ada kagure page ora epe-rupa surubeme rabu epe-rupa aaya. Go yapare wae pupitagine aanu mi waea pulalo peme rabu go teme agaame mo ada kagure page ma-oyaaeme.
16781	PRO 11:23	Adaa Aa-me onaa luabuna imi kone-para pameme pora go rayo aba ado kiritea. Epe redepone aanu madaare epe kone luabu rubita. Go pea pare waea peme onaanumi epe oyaenu mealimi rabu onaa medalomame nimu madaa wae kone imi.
16788	PRO 11:30	Epe aana kone-re epe repena kagaa laama pope repena aaya-rupa aalia. Aa meda nipu ora epe kone sua makuae aa pia raburi pa aanu medaloma nipu raapu epa piruaina kone ia.
16789	PRO 11:31	Gore niaame aba adema. Epe-rupa pimi aanuna pemeare nimu go su-amaa pirua oyae adaapu epe yoto-rupa mua pimi. Goa pea pare wae aanu nimuna wae yoto ora mealimi-ga nimu ora pakealimi kone nasamina. Dia Adaa Aa-me nimuna wae yaena yoto ora katea.
16794	PRO 12:5	Epe redepo ne aa-mere oro yalo epea pape madaa raaname waru omea. Go yapare wae kone sua waea pea aamere oro yalo yala poloa onaana kone mabebola pena wae pora mea watalo pea.
16795	PRO 12:6	Wae aanuna agaa-re aa medalomame kudiripu yada sua aa yago tulalo pemede-rupa kone imi. Go yapare epe redepone aanuna agaa-me onaa medaloma kedaa rua yaina omeme rabameapena kone sua agaa teme. Epe-rupa pirina kone sua agaa teme.
16799	PRO 12:10	Epe redepone aanumi nimuna mena oyae luabu madaa odome waru omoa epe-rupa surubeme. Go yapare wae aanu nimuna mena oyaenu page waru epe-rupa nasurubeme.
16801	PRO 12:12	Wae aanu pupitagi noa oyae adaapu wae-rupa meme. Goa pua nimumi oyaenu madaa epame waru omeme. Epe redepone aanu nimuna meme yaenuri nimuna mo peme epe konena ini raloa meme. Goa pua nimumi oyae ora adaapu imi.
16805	PRO 12:16	Epe kone naimi aanumi waea meda pulalo peme raburi nimumi go madaa ratu aipapulu yaweme. Go yapare epe kone i aa meda ero agaa teme raburi go aa nipu epe kone ia-pulu pinawa kone sua gimalia.