13948	PSA 1:5	Imuac niŋac ic ʒipiliŋ ʒapalaŋa ieneŋ imi Anutunéŋ kitiwa biria meleŋ énécmiyu hia ménda naŋselimu. Waŋu képésic ic ieneŋ ic solaŋa iniguc momacnec kecmuac séc qahac.
13963	PSA 3:2	(Dawidinéŋ eŋeya naŋa Apsalomac wésia igucnec néŋgacma keŋec nalé imuaru oyec.) Yawe, haʒéc hécna imi yei sasala yanda. Ic embac haʒéc wannémma yaré qewiŋ ʒéma yacma nanʒu imi sasala yanda.
13964	PSA 3:3	Ic embac sasalanéŋ nuac yomuhuc ʒéanʒu; Anutunéŋ aŋgéŋa ménda tianʒac. (Ohec)
13969	PSA 3:8	Aŋgéŋ titi imi Yawe guac murunec. Miŋ kewuac mériaŋ imi ic embachécga qacginaiguc mama heanʒac. Imuac niŋac, Yawe, gi yacna! Oh nuac Anutu, ni aŋgéŋna tina. Nuac haʒéchécna nekaŋgina kuma ic ʒipiliŋ ʒapalaŋa ionac ʒécgina héʒéŋgéna.
13972	PSA 4:2	(Legic galeŋawac; waŋgoŋ hésiaguc, Dawidiac legic ʒéra.) Anutu, nuac solaŋa miŋina, ni guac qacma guruwa acna meleŋ némbésémaŋ, ni baec wéŋwéŋgiaiguc kecba baec kondoŋa mihicŋi nénnec, imuac ewa hia niŋnémma ʒéwelecna niŋna.
13983	PSA 5:4	Yawe, siŋunec séc geŋ nuac ac ewana niŋanʒaŋ. Acna meleŋ némbésémaŋ niŋac siŋunec ʒéwelecma bénʒéŋnec mambéc kecanʒua.
13990	PSA 5:11	Anutu, ionac imi képésic ginaguc ʒéénécmina. Waiénécmina eŋaŋ niniŋ bétaciguc eŋaoc hiŋgacgic inimac. Ieneŋ Miŋ Kewu andé qeanʒu, imuac niŋac wawaŋ memegina biria imuac niŋac wamma nesi énécmina kemmu.
14005	PSA 7:2	(Benʒaminac ɋelia méŋ Kusinéŋ ac wammiyu Dawidinéŋ ara bakia meleŋmiyec.) Yawe, nuac Anutuna, ni Miŋ Kewunawac muru saŋgi saŋgina mihicŋizua. Nesinénʒu mocʒoŋ yanda ionac murunec aŋgéŋna tima kératacnec népésina.
14007	PSA 7:4	Yawe, nuac Anutuna, ni haka yomuhuc waŋi iguc, nuac méranaiguc hakana biria yomuhuc hezaciguc wai énécmina imuhuc hia waŋ némmu.
14010	PSA 7:7	Yawe, qeri biricgaguc yacbésémaŋ. Nuac haʒéchécna geric bélaŋginaguc haʒéc waŋ énécmima yacbésémaŋ. Anutuna, yacma nambésémaŋ. Héna ac nénézénec imuac séhaiguc waŋ énécmiwésémaŋ.
14014	PSA 7:11	Eŋeŋa miŋina, Anutu, nuac saiwa kecʒac. Inéŋ ic embac qeri solaŋ kecʒu imi aŋgéŋ tiénécmianʒac.
14015	PSA 7:12	Anutu imi ʒégésigési ic solaŋa. Inéŋ naléya naléya qeri biric niŋénécmianʒac.
14016	PSA 7:13	Ieneŋ ewa qerigina ménda mindiŋimuiguc Anutunéŋ souya ʒéra qericma tewiya héré muimaŋac ʒé ʒéréŋ qéréŋ wammac.
14017	PSA 7:14	Anutunéŋ ʒérabéra humumia ʒéréŋqéréŋ wandaru hezac. Inéŋ tewi geric bélaŋaguc miyacgéyu hezac.
14033	PSA 9:2	(Legic galeŋawac; Dawidiac legic ʒéra; Soŋgoŋ legic ‘Naŋa humuzac’ imuac ewaiguc.) Oh, Miŋ Kewu, ni ewa qerina mocʒoŋnec Yawe qacma mepési génʒua. Ai welicwelicgia wamma menec imi mocʒoŋ ʒéau énécmimaŋ.
14049	PSA 9:18	Kaiʒiliweŋ ic ieneŋ humuc ic ionac baec saŋgeŋaiguc liliŋgéma kendacmu. Anutuac eluŋ unuyec imi eneŋ mocʒoŋ imuhuc wandacmu.
14056	PSA 10:4	Ic birianéŋ séwi eŋeŋ ac kic tanecya wamma Yawenéŋ ménda kic hima néŋanʒac ʒéma niniŋa imuac me imuac séc Anutu ménda kecʒac. ʒéma niŋanʒac.
14063	PSA 10:11	Waŋu ic birianéŋ ewa qeriiguc yomuhuc ʒéanʒac; Anutunéŋ eluŋ qeyu kecanʒac. Waŋu kic tanera imi usuyaguc imuac hémbénaŋa hémmacac séc qahac.
14064	PSA 10:12	Yawe, yacma nanna. Anutu, méraga meyacna eŋu. Ic maqeqeya helanʒi énécmimiawac eluŋ ménda gumac.
14065	PSA 10:13	Ic birianéŋ Anutu mematiti wammima Inéŋ hakana biria yomuac ménda ʒéqesi waŋ némmac. ʒéma niŋanʒac imuac niŋac imuhuc ʒézua.
14080	PSA 12:3	Ic ieneŋ ama momac hécgina ac ikoc waŋ énécmima kecanʒu. Ac haléc ʒéma qeriginanéŋ lukeŋ luha waŋu ac ʒéanʒu.
14090	PSA 13:4	Yawe nuac Anutu, niŋnémma acna meleŋ némbésémaŋ. Kicna meɋeli nénna gau yanda hewi niŋac.
14093	PSA 14:1	(Legic galeŋawac; Dawidiac legic ʒéra.) Ic qelaŋanéŋ ewa qerianéŋ ʒéma Anutu ménda kecʒac ʒéanʒac. Ic imuhucya eneŋ houdacma haka ewa loloŋa Anutuac wammianʒu. Imuac haka hiabiawac waŋanʒac imi méŋ ménda kecʒac.
14094	PSA 14:2	Yawenéŋ baeciguc ic méŋnéŋ niŋtegic qiŋtegicyaguc wamma Anutuac niŋkewu waŋanʒac méŋ kecʒac me qahac imi inicyacgémaŋ ʒé kurumeŋ igucnec sicgéma kic hiyu mazac.
14096	PSA 14:4	Képésic wamma saméŋ neanʒu ésécnec nuac ic embachécna neénécmianʒu. Waŋu Anutugina ni ménda nuruanʒu imi eneŋ niniŋgina qahac kecanʒu me?
14097	PSA 14:5	Waŋu Anutunéŋ ic solaŋaguc kecanʒac imuac niŋac ieneŋ imuaru ʒénéŋ hirihiri wamma kecʒu.
14105	PSA 16:1	(Dawidiac legic ʒéra.) Anutu, demiŋ menénna, ni néŋgacma guac muru hazua.
14108	PSA 16:4	Anutu méŋac muru sese hai énécmianʒu ionac imi yéwéri toroqe énécmiyu emmac. Sac muluac sokoc ieneŋ hai énécmianʒu imi ni ménda haimaŋ. Waŋu imuac qara acguc ménda ʒéwa kua tasénaiguc emmac.
14111	PSA 16:7	Ac pakeŋ waŋnéŋanʒac Yawe i simiŋ héimima ʒéhiaru mimaŋ. Siŋia séc nuac wéiwécnanéŋ ac pakeŋ waŋnéŋanʒac.
14117	PSA 17:2	Ac ʒésolaŋi nénéŋa imi ʒéna guac wéséga igucnec hamac. Kicganéŋ solaŋana hémbésémaŋ.
14121	PSA 17:6	Anutu gi acna niŋanʒaŋ imuac guruwa gezac haima acna niŋnémbésémaŋ.
14133	PSA 18:3	Yawe imi nuac ʒamanʒiŋ, nuac demiŋ seli, aŋgéŋ titi ic, nuac Anutu, hoc seli musaŋgé nénéŋa, nuac saiwa, aŋgéŋ titiac iliha, neuŋ kiropo selina wanʒac.
14137	PSA 18:7	Waŋu ni ʒérabéraiguc Yawe ézéma nuac Anutu qacmiwa inéŋ iwac ocmuŋ téréyaiguc nuac ewana niŋu, wésiaiguc ʒésiacnanéŋ kemma gezawaiguc héiyu niŋec.
14152	PSA 18:22	Ni Yaweac héna ac tohotoho wamma ic biria ésécnec ménda wamma Anutu ménda waiyi imuac niŋac imuhuc wannéŋec.
14159	PSA 18:29	Miŋ Kewu geŋ mia nuac kifana otorianʒaŋ. Yawe nuac Anutunanéŋ nuac tunumaŋ measarianʒac.
14160	PSA 18:30	Ni guac muru héima namma haʒéchécna sucginaiguc usuŋnec keŋha waŋanʒua. Nuac Anutuac muru héima namma demiŋ héʒicgé nénéŋa imi hia técgélogima keŋanʒua.
14161	PSA 18:31	Anutuac héna acnéŋ solaŋa wanʒac. Yaweac ackuaʒécnéŋ gocya qahac. Inéŋ eŋeya muru néŋgacma haanʒu séc saiwa waŋ énécmianʒac.
14162	PSA 18:32	Mérénéŋ Anutu kecʒac? Yawenéŋ sac Anutu kecʒac. Mérénéŋ neŋaŋ ʒamanʒiŋ wanʒac? Anutunéŋ sac neŋaŋ ʒamanʒiŋ wanʒac.
14163	PSA 18:33	Anutu iminéŋ kucyanéŋ rikuŋna menémma nuac héna mesolaŋanianʒac.
14177	PSA 18:47	Nuac ʒamanʒiŋ Yawe kekecyaguc, simiŋ héima ʒéhiaru mimia waŋu. Nuac aŋgéŋ titiac Anutu, meyac mimia waŋu.
14178	PSA 18:48	Anutu iminéŋ mia nuac wamma haʒéchécna bakia meleŋ énécmima baera baera ic embac méra bacnaiguc onoporec.
14183	PSA 19:2	(Legic galeŋawac; Dawidiac legic ʒéra.) Kurumeŋnéŋ Anutuac edamuya ʒéauanʒac. Waŋu iwawai iwac mérianéŋ meyec imi ou sawanéŋ mewininianʒac.
14185	PSA 19:4	Ac qahac ewa méŋ ménda niŋanʒiŋ, néŋ
14186	PSA 19:5	ac ewa imi baec séc keŋha wandaru ackuaʒéc iminéŋ baec tetecgia séc kereŋdacʒac. Anutunéŋ kaiwe niŋac wamma kurumeŋ imi hali ésécnec héréyec.
14198	PSA 20:2	(Legic galeŋawac; Dawidiac legic ʒéra.) Ʒérabéraiguc Yawenéŋ guac acga niŋgémmac. Qara qacna Yakoboac Anutunéŋ ou eŋeŋaiguc goporu tacbésémaŋ.
14201	PSA 20:5	Ewa siŋga hezac séc niŋgémmac. Ai memaŋ ʒé niŋareŋgéna hezac séc héla mihicŋi gémmac.
14202	PSA 20:6	Aŋgéŋ tinénécmina hériaŋ legic héima neŋaŋ Anutuac qaraiguc filacnina meyacni emmac. Yawenéŋ guac ʒéwelecga mocʒoŋ niŋgémmac niŋac wanʒua.
14203	PSA 20:7	Yawenéŋ eŋeya buŋa qemima halécnéŋ météré mimia imi aŋgéŋa tianʒac imi deguc ni ninʒua. Anutuac méra héiyaiguc aŋgéŋ titiac kuha hezac. Inéŋ kurumeŋ téréyaiguc iwac ara nimmima kuha iminéŋ mia méra mimac.
14204	PSA 20:8	Tosara imi karisiiginawac, tosara imi becosicginawac niŋɋelianʒu, néŋ nini imi Yawe Anutuninawac qarawac niŋɋelianʒiŋ.
14222	PSA 22:2	(Legic galeŋawac; Dawidiac legic ʒéra. Legic méŋ Siŋunecac dia yaŋ imuac ewaiguc.) Nuac Anutu, nuac Anutu, némac niŋac wainénʒaŋ? Némac niŋac lakec namma méra ménda nénʒaŋ? Némac niŋac nuac ʒésilacna ménda niŋnénʒaŋ?
14223	PSA 22:3	Nuac Anutu, ni kaiweiguc qacma siŋiya acguc ac ewana ménda qaiyu guruwa acna ménda meleŋ nénʒaŋ.
14231	PSA 22:11	Ni hicŋihicŋinaiguc guac buŋa ʒénénéŋa. Waŋu neŋgocnawac héri qeri igucnec hicŋiyi imuarunec geŋgaoc nuac Anutuna waŋnecac waŋanʒaŋ.
14246	PSA 22:26	Aʒoaʒoroiguc nuac mepé qepési imi guac murunec haanʒac. Eega héianʒu ionac sucginaiguc ac koroma ʒézé seli ac ʒéyi imi mocʒoŋ meselimaŋ.
14263	PSA 24:5	Ic imuhucya imi Yaweac muru mériaŋ mema aŋgéŋ titiac Anutu iwarunec képésic solaŋ mihicŋimac.
14264	PSA 24:6	Imuhucya imi hicŋisai Yaweac hochoc wamma Yakoboac Anutu guac kic tanecgawac waŋanʒu. (Ohec)
14270	PSA 25:2	Nuac Anutu, ni guac muru héima nanʒua. Imuac méra nénna, gamuna mihicŋiwi niŋac. Nuac haʒéc hécnanéŋ nogicbu niŋac.
14273	PSA 25:5	Guac ac hélanéŋ ni ku némma ʒéqindiŋi nénna. Gi imi nuac aŋgéŋ titiac Anutu, imuac ni kaiwe herec guac ewa kewu wamma kecʒua.
14290	PSA 25:22	Anutu, Israel ʒérabéra hénia hénia imuacnec boŋhérégina meénécmina.
14306	PSA 27:4	Ni Anutunéŋ yomuhuc waŋ némmac niŋac qesimiyi imuac wamma kecmaŋ. Inéŋ niŋu sécgéyu ni ménda humumanec Yaweac ocmuŋ téréyaiguc emma kecma Yaweac hénia héŋsorocya imuac kic hihi wamma ocmuŋ téréyaiguc qerinanéŋ iwac wamma kecmaŋ.
14311	PSA 27:9	Guac kic tanecga imi ménda musaŋgé nénna. Guac weleŋ qeqe icga qeri biric nimma ménda nesinénna. Gi imi méra néŋannecac néŋanʒaŋ. Nuac aŋgéŋ titina Anutu ni ménda wainémma kembésémaŋ.
14317	PSA 28:1	(Dawidiac legic ʒéra.) Yawe ni guac qacma guruzua. Nuac ʒamanʒiŋ gi gezacga ménda héʒicgéna. Acga qaiyu kecbésémaŋiguc ni imi kic suaŋiguc higacbi niŋac.
14328	PSA 29:3	Yaweac ewa hétéŋ imi doku qahaiguc hicŋima hezac. Anutu edamuyaguc inéŋ parandaŋ mihicŋianʒac imuac Yawe imi doku yanda qahaiguc kecʒac.
14338	PSA 30:2	(Dawidiac legic, ocmuŋ téréya ɋelia Anutuac buŋa qemima legic yomi héiyec.) Yawe geŋ mia meyac nénna haʒéchécna ieneŋ nuac niŋ ségiségi wammuac séc qahac waŋec. Imuac gi meyacgénʒua.
14339	PSA 30:3	Yawe Anutu ni guac qachéhéliwa mehiaru nénnec.
14349	PSA 30:13	Imi mia acna ménda qaiyu nuac kekec uŋananéŋ gi mepési gémmaŋ niŋac imuhuc waŋ néŋanʒaŋ. Yawe nuac Anutu ni nalé tetecgia qahac ewa hia ac ʒégémmaŋ.
14355	PSA 31:6	Ni nuac qeri uŋana guac méragaiguc haizua. Haka hélawac Anutu gi boŋ héréna menec.
14361	PSA 31:12	Haʒéchécna ieneŋ ʒédesi waŋnéŋanʒu, waŋu ama momachécna imi eneŋ acguc ogicma imuhuc waŋnéŋanʒu. Alahécna eneŋ néŋqacgéma keŋanʒu. Waŋu ic tosara imi hénaiguc mihicŋi némma néŋgacanʒu.
14364	PSA 31:15	Néŋ ni imi Yawe guac muru héima namma gi imi nuac Anutu ʒéanʒua.
14380	PSA 32:6	Imuac niŋac, Anutu eeya héimima kecanʒu imi wai énécmina, gi mihicŋi géŋgéŋa wammac nalé imuaru gi ʒéwelec waŋgémmu. Imuhuc waŋgic doku ɋaoŋ érémac imi ionac hia ménda emma énépésimac.
14397	PSA 33:12	Yaweac neŋaŋ Anutu ʒémima aŋgéŋ tigic Anutuac ic embac buŋa ʒéénécmiyu kecʒu imi eneŋ ségiségi ginaguc.
14409	PSA 34:2	(Dawidinéŋ ic kewu Awimelekac wésiaiguc ic moroha tanec haka waŋu nesimigic mayec nalé imuaru legic yomi oyec.) Ni Yawe nalé séc mepési mimaŋ. Mepé qepésiya imi nuac kuaiguc susucnec hemac.
14453	PSA 35:23	Nuac Anutu, Miŋ Kewuna gau igucnec hetecgéma yacma nuac acna ʒégési wambésémaŋ.
14454	PSA 35:24	Yawe, nuac Anutu, guac haka solaŋaiguc ʒégési néŋna. Ieneŋ nuac niŋac ségiségi ménda wammu.
14460	PSA 36:2	(Legic galeŋawac; Yaweac weleŋqeqe ic Dawidiac legic ʒéra.) Ic biria ionac héniagina biriawac niŋtegic qiŋtegic ac méŋ ewa qerinaiguc yomuhuc hicŋizac; Iwac kiwaiguc Anutuac bac yandi yandi méŋ ménda hezac.
14465	PSA 36:7	Solaŋga imi Anutuac baec boŋa ésécnec. Guac ʒégésigésinéŋ konduŋ ésécnec. Yawe geŋ imi ic embac ʒéma yaŋ momacnec ninicgaleŋ waŋ nénécmianʒaŋ.
14466	PSA 36:8	Anutu guac goi héihéiganéŋ yei eeyaguc yanda wanʒac. Baec ic mocʒoŋ guac qeŋgaŋga amiayaiguc néŋgacma saŋgianʒu.
14502	PSA 37:31	Iwac ewa qeriaiguc imi Anutuac héna acnéŋ heyu keŋkeŋ hahaiguc tisuqisurac ménda wammac.
14509	PSA 37:38	Ac qeqe ic ieneŋ momacnec biridacmu. Kaiʒiliweŋ ic ionac tetecgia imi humu qaiyaguc.
14527	PSA 38:16	Yawe ni guac niŋkumuma kecanʒua. Nuac Miŋ Kewu Anutu, gi acna meleŋ némbésémaŋac hezac.
14533	PSA 38:22	Yawe gi ménda wainémma kenna. Nuac Anutu lakec ménda kecbésémaŋ.
14552	PSA 40:4	Legic ɋelia Anutuac mepé qepésiac buŋa, kuanaiguc haiyu ic embac sasalanéŋ némma bac yandi yandi wamma Yaweac muru héima nammu.
14554	PSA 40:6	Yawe nuac Anutuna, wawaŋ meme welic welicgia geŋ wannec imi sasala. Waŋu niniŋga nonac niŋ wamma niŋna hiŋgacanʒac imi acguc sasala waŋu ni olomma ʒémaŋac séc qahac wanʒac.
14557	PSA 40:9	O, nuac Anutu, ni guac ewa siŋ niŋtohomaŋ ʒé ségiségi waŋanʒua! Imuac guac héna acnéŋ nuac ewa qerinaiguc heanʒac.
14566	PSA 40:18	Ni imi maqeqeya kecma imuac me imuac hocanʒua. Imuac niŋac Yawe imi nuac niŋnémmac. Gi imi nuac méra nénéŋ ʒéma metec metec miŋna. Anutuna, nalé ménda mehorugina.
14576	PSA 41:10	Ala sorocna ninʒéŋgé miwa nuac saméŋ momacnec neaŋic i acguc haʒéc wannémma sou andianéŋ qéfacgé néŋec.
14580	PSA 41:14	Miŋ Kewunina, Israelac Anutu hénihénia qahac, tetecgia qahac, mepési mimia wammac, hélacnec! hélacnec!
14582	PSA 42:2	(Legic galeŋawac; Korawac ɋelihéra ionac legic ʒéra niŋtegic qiŋtegicyaguc.) Anutu, dia yaŋ déméŋa qaŋgararaŋ qeyu hakhak géma doku téfara niŋac hocanʒac ésécnec nuac kekec uŋananéŋ guac ewa ewa waŋanʒac.
14583	PSA 42:3	Nuac kekec uŋananéŋ Anutu kekec miŋinawac déméŋa kérakérasia wanʒac. Ni némac naléiguc kemma Anutu wésiaiguc wininimaŋ.
14584	PSA 42:4	Ic embac eneŋ kaiwe herec nuac ac ʒénémma guac Anutu imi dimia ʒéma ʒézé qesi waŋ néŋgic nuac kic masinéŋ siŋi kaiwe nenena éséc waŋanʒac.
14585	PSA 42:5	Ni becnec nalé téréyawac tacniniŋ kecaŋgic iniguc momacnec keŋha wamma ʒézé ségiségi wamma mepé qepési legic héima onagicma kemma Anutuac ocmuŋ téréyaiguc onopocaŋi. Waŋu deguc haka silicna imuac niŋɋelima ewa biric wamma ewa howucna qocgézua.
14586	PSA 42:6	Kekec uŋana, gi némac niŋac niŋméima waiʒalaŋ nukecʒaŋ? Gi imi Anutuac niŋkumu wambésémaŋ. Ni imi iwac aŋgéŋ titiac kic tanera niŋac néwéc i mepésimimaŋ.
14587	PSA 42:7	Anutuna, kekec uŋananéŋ qerinaiguc niŋméima mayu, ni Yodan baec ʒéma Herimon ʒéma Miza baec boŋaiguc gi niŋɋeli gémmaŋ.
14589	PSA 42:9	Kaiweiguc Yawenéŋ goi héihéiya waŋ némma siŋiyaiguc legicnéŋ nuac muru henéŋu, kekecnawac Anutu ʒéwelec mimaŋ.
14590	PSA 42:10	Ʒamanʒiŋna Anutu, yomuhuc ʒézua; Némac niŋac nuac eluŋ guzac? Némac niŋac haʒéc hécnanéŋ helanʒi néŋgic ewa biric wamma keŋha waŋanʒua me?
14591	PSA 42:11	Sounéŋ sicna nézac ésécnec haʒéchécna eneŋ ʒébiri qébiri wannémma Anutuga imi dimia? ʒéanʒu.