23280	MAT 4:2	Kurã tỹ 40 han tóg, ẽmã tũ ja tá nĩ ki. Kỹ tóg jẽg tũ nĩ, kurã tỹ 40 ẽn ki, kuty mré hã. Kỹ tóg, vãhã kókĩr mũ sir, vẽjẽn tũ tĩn kỹ.
23616	MAT 13:8	Ti fy ũ tóg vãhã, ga há ki krãn kỹ nĩ, kỹ tóg mur há han mũ, mog há han tóg mũ gé, kanẽn há han tóg mũ gé sir. Ũ tóg kanẽ tỹ 100 han mũ, jo ũ vỹ kanẽ tỹ 60 han mũ gé, jo ũ vỹ tóg kanẽ tỹ 30 han mũ.
23631	MAT 13:23	Ti fy ũ tóg ga há ki krãn kỹ nĩ. Ũ vẽ gé. Topẽ vĩ mẽg tóg mũ gé. Mẽ kỹ tóg to jykrén mũ sir. Kỹ tóg kanẽn há han mũ sir. Kỹ ũ vỹ tóg kanẽ tỹ 100 han, jo ũ vỹ tóg kanẽ tỹ 60 han mũ, jo ũ vỹ tóg kanẽ tỹ 30 han mũ gé,” he tóg.
23808	MAT 18:12	“Tag to jykrén nĩ. Ũ tóg carneiro tỹ 100 tỹ mẽg nĩ. Hã ra kejẽn ti mẽg pir tóg vãfor mũ. Kỹ tóg ti mẽg ẽn ag ré kỹ ũn pir ẽn jãvãnh tĩ mũ sir.
23818	MAT 18:22	Kỹ Jesus tóg ti mỹ: “vó,” he mũ. “Vẽnh pãte fón tỹ 7 (ke) vỹ pir nĩ,” he tóg. “Vẽnh pãte fón tỹ 70 tỹ 7 (ke) vỹ pãgsĩ nĩ,” he tóg.
23820	MAT 18:24	Kỹ tóg vég mũ. Hã ra ti camarada ũ tóg ti mỹ név mág jẽ, hã vỹ: 10 mil (ke), he mũ.
23885	MAT 20:24	Hã ra ũ tỹ 10 ag tóg mẽg mũ, ũn régre ag tỹ Jesus mỹ tag to vĩ ja ti. Kỹ ag tóg ag to jũ mũ.
24010	MAT 23:23	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Krĩ régre ãjag nỹtĩ, kỹ Topẽ vỹ ãjag ve kónãn,” he tóg. “Ón kỹ ãjag tóg, Topẽ mỹ ãjag jakré ki dízimo vin tĩ. Ãjag jakré tỹ hortelã tỹ 10 (ke) nỹtĩn kỹ ãjag tóg Topẽ mỹ ũn pir nĩm tĩ, ãjag jakré tỹ erva doce tỹ ke gé, ãjag jakré tỹ cominho tỹ ke gé. Há ti nĩ vẽ. Hã ra ãjag tóg, ti tỹ ẽg jyvẽn mũ ẽn han tũ nĩgtĩ. Vẽjykre kuryj han tũ ãjag tóg nĩgtĩ. Ũn jagtar ag jagãgtãn tũ ãjag tóg nĩgtĩ. Topẽ vĩ kri fig tũ ãjag tóg nĩgtĩ. Ãjag tỹ ti vĩ ki króm mré hã ãjag jakré ki dízimo vin ra tóg, há tĩ vẽ, ha mẽ. Hã ra ãjag tóg ki króm sór tũ nĩgtĩ.
24078	MAT 25:1	Kỹ Jesus tóg ag mỹ ti kãtĩg mãn ke ẽn kãmén mãn mũ. “Tytãg fag ri ke ti nĩnh mũ,” he tóg. “Tytãg tỹ 10 (ke) fag vỹ nỹtĩ. Vẽnh kyprũg ve jé fag tóg, lampião vyn kỹ mũ mũ, ũn prũg mũ ẽn kato.
24093	MAT 25:16	Kỹ ũ tỹ ti kãmur tỹ 5 (ke) mãg mũ ẽn vỹ ti jãnkamy ẽn tỹ rãnhrãj mág han mũ. Kỹ tóg kejẽn, ũ tỹ 5 (ke) ũ mãg mũ, kỹ ti tũ vỹ tỹ ti kãmur tỹ 10 (ke) nỹtĩ sir.
24105	MAT 25:28	Kỹ tóg porisa ag mỹ: “ti tũ ma ra. Kỹ ũ tỹ ti kãmur tỹ 10 (ke) mãg mũ ẽn mỹ nĩm,” he mũ.
24138	MAT 26:15	Tá jun kỹ tóg ag mỹ: “sỹ ãjag mỹ Jesus fẽg ke vẽ, ãjag tỹ ti se jé. Ãjag mỹ inh mỹ kajãm mũ'?“ he mũ. Kỹ ag tóg: “hỹ,” he kỹ ti mỹ jãnkamy tỹ 30 (ke) vin mũ sir.
24201	MAT 27:3	Hã ra Judas tóg, ag tỹ ti tén ke vég mũ. Kỹ tóg vãhã ti mỹ e tĩ. Ti tỹ to jykrén mãn kỹ tóg jãnkamy tỹ 30 (ke) ẽn ma kãtĩg kỹ Topẽ tũ to pã'i ag mỹ ven mũ, kófa ag mỹ.
24207	MAT 27:9	Hã ra Topẽ vĩ tó tĩ tỹ Jeremias vỹ Judas to tag rán ja nĩgtĩ, ha mẽ: “jãnkamy tỹ 30 (ke) tỹ tóg, ẽprã ke ũ kajãm vén ke mũ, ti kaja tỹ ag mỹ há nỹn kỹ.
24297	MRK 1:13	Kurã tỹ 40 (ke) han tóg mũ, ẽmã tũ ja tá nĩ ki. Kỹ vãhã Satanás vỹ ti tỹ ti jóg vĩ mranh han sór mũ, hã ra tóg ke tũ nĩ. Tá misu ag vỹ nẽn kã mĩ mũgtĩ gé, ẽmã tũ ja ẽn tá. Hã ra Topẽ tỹ jẽgnẽ jafã ag tóg tá ti ki rĩr mũ sir.
24400	MRK 4:8	Ti fy ũ tóg ga há kri kutẽ mũ. Kỹ tóg ti mur kỹ mog há han mũ. Kanẽn há han tóg mũ gé. Ũ tóg kanẽ tỹ 30 (ke) han, jo ũ vỹ kanẽ tỹ 60 (ke) han, jo ũ vỹ kanẽ tỹ 100 (ke) han.
24412	MRK 4:20	Kỹ ti tỹ ga há ki krãn mũ ẽn vỹ tỹ Topẽ vĩ mẽg mũ ag nỹtĩ gé. Hej, he ag tóg mũ sir, kanẽn há han ag tóg mũ, ũ tóg kanẽ tỹ 30 (ke) han mũ, ũ tóg kanẽ tỹ 60 (ke) han mũ, ũ tóg kanẽ tỹ 100 (ke) han mũ,” he tóg.
24516	MRK 6:40	Kỹ ag tóg vẽnhmãn kỹ nĩ', vẽnhmãn kỹ nĩ' he mũ. Ũ vỹ tóg 100 (ke) nĩ' he mũ, jo ũ tóg 50 (ke) nĩ' he mũ, ag vẽnhmãn ũ.
24563	MRK 7:31	Kỹ Jesus tóg ẽmã tỹ Tiro ki ga ki kutẽ mũ. Kỹ tóg ẽmã tỹ Sidom mĩ tĩ mũ gé sir. Ẽmã tỹ 10 (ke) fĩn rãm kỹ tóg ga tỹ Galiléia ki goj nig mág tá jun mũ sir.
24687	MRK 10:30	“Ẽn vỹ tóg sir vẽnh kato ũ tỹ 100 (ke) venh ke mũ, ũri hã ra, hã vỹ: ẽmã kar, jãvy kar, kãke kar, ve kar, mỹnh kar, ẽpỹ kar ve jé tóg ke mũ. Hã ra ag tóg ti vóg kónãn ke mũ gé. Kar kỹ tóg vãhã sir rĩr krỹg ja tũ venh ke mũ gé,” he tóg.
24698	MRK 10:41	Hã ra ũ tỹ 10 (ke) ag tóg mẽg mũ, kỹ ag tóg ag to jũ mũ sir.
25064	LUK 2:22	Kurã tỹ 40 (ke) tũg kỹ fi vãkre tóg tũ' he mũ. Moisés vỹ vãsỹ Judeu ag mỹ vẽjykre tag rán ja nĩ, fag tỹ gĩr ve kar kỹ vẽnh kykũnh ke ti.
25117	LUK 3:23	Jesus vỹ 30 anos han mũ, ti tỹ vẽnh kar mỹ Topẽ kãmén ve ki. “José kósin vẽ,” he ag tóg tĩ ti to, hã ra tóg tỹ ti kósin tũ nĩgtĩ. Eli kósin vẽ, Jesus ti, kỹ Eli ẽn vỹ tỹ ti vovô nĩ. Ti jo ke ag jigjin hã vẽ, hã vỹ: Eli,
25134	LUK 4:2	Kỹ tóg ẽmã tũ ja ra tĩ mũ sir, ga kórég ra. Tá tóg kurã tỹ 40 (ke) han mũ, ẽmã tũ ja tá. Kỹ Japo vỹ ti tỹ ti jóg vĩ mranh han sór mũ, hã ra Jesus tóg ke tũ nĩ. Jẽg tũ tóg nĩ, kurã tỹ 40 (ke) ki. Kỹ tóg kókĩr mũ sir.
25305	LUK 7:41	Kỹ tóg: “kejẽn patrão ũ tóg nĩgtĩ,” he mũ. “Ti mỹ rãnhrãj tĩ régre ag tóg ti mỹ név nỹtĩ. Ũn név vỹ tỹ 500 (ke) nĩ, kar ũn név vỹ tỹ 50 (ke) nĩ gé.
25322	LUK 8:8	Ti fy ũ tỹ tóg ga há ki krãn mũ. Kỹ tóg mur há han mũ. Kanẽn há han tóg mũ. Kanẽ tỹ 100 (ke) han tóg mũ sir, ga há ẽn ki,” he tóg. Kỹ tóg prẽr mũ. “!..Ũ nĩgrẽg nỹtĩ tỹ tỹ jẽmẽ jé..!” he tóg, prẽr kỹ, Jesus ti.
25384	LUK 9:14	Ũ tỹ 5 mil (ke) ag vẽ mỹr, ag tãvĩ, fag mré tó tũ ra. Hã ra fag tóg tá e nỹtĩ gé, gĩr mré ke gé. Kỹ Jesus tóg ag mỹ: “ag mỹ tugtó, ag nĩgnĩ jé,” he mũ. “Ũ tỹ 50 (ke) ag tỹ vyr mỹ vẽnh mãn kỹ nĩ nĩ he jé,” he tóg.
25433	LUK 10:1	Kỹ Jesus tóg ũ tỹ 70 (ke) ag vin mũ gé sir, ag tỹ ti jo mũ jé. Ũn régre tĩn', ũn régre tĩn' he tóg. Ag mỹ tóg: “ẽmã kar mĩ Topẽ vĩ kãmén mũjẽg,” he mũ. Ag nón tóg ra tĩg sór mũ gé.
25516	LUK 11:42	“Fariseu', Topẽ vỹ ãjag ve kónãn. Ón kỹ ãjag tóg Topẽ mỹ ãjag jakré tỹ dízimo han kãn tĩ. Ãjag jakré tỹ hortelã tỹ 10 nĩn kỹ ãjag tóg Topẽ mỹ ũn pir nĩm tĩ, ãjag jakré tỹ arruda tỹ ke gé, ãjag jakré kar tỹ mỹr. Hã ra ãjag tóg vẽjykre kuryj han tũ nĩ jãvo. Topẽ to há tũ ãjag tóg nỹtĩ, ti vĩ jẽmẽ jãvãnh ãjag tóg nỹtĩ. Ãjag tỹ ti tỹ ẽg jyvẽn ki króm mré hã ãjag jakré tỹ dízimo han kỹ tóg há tãvĩ tĩnh mũ vẽ. Hã ra ãjag tóg ki króm sór tũ nĩgtĩ,” he tóg.
25653	LUK 14:31	“Kar kỹ pã'i mág to jykrén nĩ gé. Pã'i ũ tỹ ti mré vẽnh génh han sór kỹ tóg ti krẽm ke ag nĩkrén vén ke mũ gé sir, vẽnh génh ke to hã. “10 mil (ke) ẽg nỹtĩ,” he jé tóg ke mũ. “Ẽg mỹ ag tỹ hẽn ri kenh mũ vỹ? 20 mil (ke) ag nỹtĩ. Ag mỹ ẽg tỹ tũ' he kãn ke tũ nĩ vỹ?” he jé tóg ke mũ.
25661	LUK 15:4	“Ũ mẽg tỹ mé vỹ tỹ ũ tỹ 100 (ke) nỹtĩ. Hã ra kejẽn ti mẽg pir tóg vãfor mũ. Kỹ tóg ti kanẽnh tĩ mũ sir, ũn e ẽn ag ré kỹ.
25665	LUK 15:8	“Kỹ ũn tỹtá fag tóg ge nỹtĩ tĩ gé, ha mẽ. Ũ fi tóg jãnkamy tỹ 10 (ke) tỹ tũ nĩ. Kejẽn ũn pir tóg fi mỹ vãfor mũ. Kỹ fi tóg néj grug kỹ fi ĩn kã mĩ prun kãn mũ gé, jãnkamy ẽn kanẽn jé.
25695	LUK 16:6	Kỹ tóg ti mỹ: “azeite lata tỹ 100 (ke) ki inh néve jẽ,” he mũ. Kỹ tóg ti mỹ: “hỹn, ã vẽnh rán ti, sỹ ã mỹ ã néve térem kỹ 50 (ke) rán jé,” he mũ.
25696	LUK 16:7	Kỹ tóg ũ mỹ: “jo ã?” he mũ gé. Kỹ tóg ti mỹ: “trigo sako tỹ 100 (ke) vẽ,” he mũ. Kỹ tóg ti mỹ: “hỹn, ã vẽnh rán ti, sỹ ã mỹ térem kỹ 80 (ke) rán jé,” he mũ gé.
25732	LUK 17:12	Tá tóg ẽmã ũ ki rã mũ. Hã ra ũ tỹ 10 (ke) ag tóg ti kato kãmũ nĩ, vẽnh kaga kren vãnh hynhan kỹ nỹtĩ ag. Ag tỹ ti ve kỹ ag tóg kór há tá nỹtĩ nĩ.
25737	LUK 17:17	Kỹ tóg: “ũ tỹ 10 (ke) ag vỹ há' he kãn,” he mũ. “Hã ra ũn pir ne kyrã'. Hỹn, ũ ag, ũ tỹ 9 (ke) ẽn ag?” he tóg.
25813	LUK 19:13	Ti tĩg ke to hã tóg ti camarada tỹ 10 (ke) ag mỹ jãnkamy pir nĩm' nĩm' he mũ. Ag mỹ tóg: “ha inh mỹ tỹ rãnhrãj,” he mũ. “Kejẽn sóg vỹn kenh mũ, kỹ sóg ãjag rãnhrãj tugnỹm ke mũ, ti,” he tóg. Kar tóg tĩ mũ sir.
25816	LUK 19:16	Kỹ ũ tóg ti tá jun kỹ ti mỹ: “jãnkamy pir nĩm ã tóg. Hã ra sóg kri ũ tỹ 10 (ke) gỹjỹ hé,” he mũ.
25817	LUK 19:17	Kỹ tóg: “jykre há tãvĩ ã tóg nĩ,” he mũ. “Nén sĩ ki rĩr há han ã tóg, hã kỹ ã tóg ẽmã tỹ 10 (ke) ki rĩr ke mũ ha,” he tóg.
25824	LUK 19:24	Kỹ tóg tá nỹtĩ ag mỹ: “ti nĩgã ti tũ mã,” he mũ. “Ũ tỹ jãnkamy tỹ 10 (ke) mãn ja ẽn mỹ nĩm, ti tũ pir ti,” he tóg mũ sir.
26170	JHN 2:6	Hã ra goj né tỹ 6 (ke) vỹ tá nỹtĩ. Pó tỹ há vẽ, goj né ẽn ti. Éhé ti nỹtĩ, balde fór tỹ 10 (ke) tỹ ẽg tóg ũn pir fãn tĩ. Judeu ag vỹ vẽnh kygpe e han tĩ, ag tỹ Topẽ mỹ há nỹtĩ jé. Hã jé goj né ẽn tóg tá nỹtĩ.
26507	JHN 8:57	Kỹ Judeu ag tóg ti mỹ: “50 (ke) anos han tũ ã nĩ ver,” he mũ. “Hã ra ã tóg: Abraão ve inh, he mũ. Vĩ vẽnh mỹ han ã tóg,” he ag tóg.
26975	JHN 21:8	Hã ra ag tóg ti nón barco kã mĩ mũ mũ gé. Rede ẽn raran ag tóg mũ mũ. Kakó ti nĩ ha, goj fyr ti, 100 (ke) metros hỹn.
26978	JHN 21:11	Kỹ Pedro tóg barco kã ra rã kỹ rede ẽn raran tĩ mũ, goj fyr kukãm. Hã ra tóg fór nĩ, rede ti, pirã tỹ, 150 (ke) hỹn, pirã mág tãvĩ. Hã ra rede tóg jar ja tũ nĩ, ti e tãvĩ nỹtĩ ra.
26995	ACT 1:3	Ti ter kar kỹ Jesus tóg ag mỹ vẽnh ven tỹ hẽn ri ke han ja nĩ, kurã tỹ 40 (ke) ki, ti tỹ ũn kuprẽg ja ẽn ag mỹ. Ag tỹ ti ve kỹ ti mré vẽmén kỹ ag tóg ti rĩr jẽ ki kanhrãn mũ, apóstolo ag. Ag mỹ tóg Topẽ tỹ tỹ ẽg pã'i nĩ kãmén mũ.
27007	ACT 1:15	Kejẽn Jesus mré ke tỹ hẽn ri ke ag vỹ tá nỹtĩ nĩ, vẽnh mãn kỹ, ũ tỹ 100 kri 20 (ke) hỹn.
27113	ACT 4:22	Hã ra ũn kãnhgrĩ ja ẽn tóg tĩ nĩ sir. 40 (ke) anos kãfór han tóg, kỹ Topẽ tóg ti tỹ há' hé.
27164	ACT 5:36	“Pedro ag jo ke ũ tóg jẽ ja nĩ gé, ti jiji hã vỹ: Teudas, he mũ. Ti hã ne tóg vẽsỹ pã'i mág han ja nĩ, kỹ ũ tỹ 100 tỹ 4 (ke) ag vỹ ti nón mũ kỹ ti tén ja nĩgtĩ sir. Kỹ ũ tỹ ti vĩ han mũ ag tóg tã mĩ mũ ja nĩ, kỹ tóg tũ' he mũ.
27191	ACT 7:6	Kỹ Topẽ tóg ti mỹ: ã krẽ ag tỹ fóg ũ ag mré mũnh ke vẽ, fóg ẽn ag jamã ra, he mũ. Ag tỹ ag mré rãnhrãj ke vẽ, kỹ ag tóg ag vóg kónãn ke mũ, prỹg tỹ 100 tỹ 4 (ke) ki, he tóg.
27199	ACT 7:14	Kỹ José tóg ti panh tỹ Jacó jé prẽr mũ, ti tỹ vẽnh kar tatĩn kãtĩg jé. Ũ tỹ 70 kri 5 (ke) ag vẽ, ti kanhkã ag.
27208	ACT 7:23	“Vãhã tóg prỹg tỹ 40 (ke) han mũ. Kỹ tóg ti kanhkã pẽ ag to jykrén mũ, ti povo tỹ Israel to, ag tỹ nén han mũ venh tĩg jé.
27215	ACT 7:30	Prỹg tỹ 40 (ke) tũg kỹ Topẽ tỹ jẽnẽ jafã vỹ ti mỹ vẽnh ven mũ, ti tỹ ẽmã tũ ja mĩ tĩ mũ ra, krĩ tỹ Sinai tá. Vãnh gru ki tóg ti vég mũ.
27221	ACT 7:36	Moisés tóg sir ẽg tỹ nén han vãnh hynhan, ga tỹ Egito tá, goj kafã tũ tá ke gé, goj kusũg he mũ ẽn tá ke gé. Kỹ ag tóg ẽmã tũ mĩ mũ mũ, prỹg tỹ 40 (ke) ki, ti kanhkã ag. Kỹ tóg tá ẽg tỹ nén han vãnh hynhan mũ gé, ti tỹ ag jo tĩn kỹ,” he tóg.
27227	ACT 7:42	Hã ra Topẽ tóg vẽnh kaja jé ag tovãnh mũ gé, hã kỹ ag tóg rã to jãnjãn mũ, kysã to, krĩg kar to ke gé. Hã kỹ Topẽ vĩ tó tĩ ũ tóg ag to rán mũ gé, kỹ tóg: Judeu', he mũ. Ãjag tỹ prỹg tỹ 40 (ke) ki ẽmã tũ ja mĩ mũn kỹ ãjag tóg inh mỹ nén ũ pũn ja tũ nĩgtĩ, hã ra ãjag tóg topẽ ũ ag mỹ kugprũn ja nĩgtĩ, he tóg.
27329	ACT 10:1	Ẽmã tỹ Cesaréia tá ũ tóg nĩ nĩ, ti jiji hã vỹ: Cornélio, he mũ. Soldado tỹ 100 (ke) ag to pã'i vẽ, ag tỹ ũ to: ga tỹ Itália tá ke ag, he mũ ẽn ag to capitão vẽ.
27449	ACT 13:18	Ag to tóg fen mág mũ, ag tỹ ẽmã tũ ja mĩ mũn kỹ, prỹg tỹ 40 (ke) ẽn ki.
27451	ACT 13:20	Kỹ tóg ag mỹ pã'i ag vin mũ gé, ag jyvẽn ke mũ ag, 100 tỹ 4 kri 50 anos ki. Kar kỹ Samuel vỹ Topẽ vĩ tó tĩ nĩ gé.
27452	ACT 13:21	Kỹ ag tóg pã'i mág ve sór mũ. Kỹ ag tóg Topẽ mỹ to vĩ mũ. Hã kỹ Topẽ tóg Saul fẽg mũ, Quis kósin ẽn. Benjamim krẽ'krẽ ũ vẽ, Saul ti. 40 anos ki tóg tỹ pã'i mág nĩ.
27673	ACT 19:19	Ũ ag tóg kujá tũ han ja nĩgtĩ. Kỹ ag tóg ag vẽnh rá gé kãmũ mũ, kujá tỹ vẽnh rá ẽn ti. Kỹ ag tóg kugprũn kãn mũ sir, vẽnh kar rĩnve. Ag tỹ ti kaja nĩkrén kỹ tóg kaja e ja nĩ, jãnkamy tỹ 50 mil (ke) hỹn.
27815	ACT 23:13	Ũ tỹ 40 (ke) kãfór ag vẽ, jagnẽ mré jykrén mũ ag.
27823	ACT 23:21	“Ag mỹ: he, he tũg nĩ. Ũ tỹ 40 (ke) ag tóg, ti jo vãjig mũ. Ti tén ke jo ag nẽji nén ũ konh ke tũ nĩ. Ke tũ nĩ mũ ra Topẽ nẽji ag vóg kónãn mũ,” he tóg, kyrũ ti, pã'i mág mỹ.
27825	ACT 23:23	Kỹ pã'i mág tóg capitão régre ag mỹ: “ãjag tũ kãnkãn ra! Ẽmã tỹ Cesaréia ra ãjag mũnh mũ, kuty tag kã 9 óra ki,” he mũ. “Kỹ soldado tỹ 200 (ke) ag vỹ ãjag mré mũnh mũ, kãvãru kri mũ tỹ 70 (ke) ag ke gé. Kỹ ũ tỹ 200 (ke) ũ ag vỹ rógro pu gé mũnh mũ,” he tóg.
27870	ACT 25:6	Kỹ tóg Jerusalém tá nĩ sĩ han mũ ver, kurã tỹ 8 (ke) hỹn hẽn ri ke mũn, ke tũ nĩ kỹ kurã tỹ 10 (ke) hỹn. Kỹ tóg Cesaréia ra vỹn ke mũ. Tá jun kỹ tóg tỹ vaj kỹ ti tỹ kri nĩg kỹ ag jyvẽn jafã kri nĩ mũ. Kỹ tóg soldado mỹ: “Paulo pére kãtĩg,” he mũ.
28109	ROM 4:19	Topẽ tỹ Abraão mỹ ti kósin ke tag tó kỹ tóg 100 (ke) anos pétẽm. Si há ti nĩ ja nĩgtĩ, ti prũ tỹ Sara fi ke gé. Gĩr han vãnh fag nỹtĩ. Ẽn hã kã Topẽ tóg ti mỹ ti tỹ krẽ e hynhan ke tó ja nĩgtĩ. Kỹ tóg ti vĩ kri fi ja nĩgtĩ. To krónh ke ja tũ tóg nĩgtĩ. “Hỹ mỹ vỹ?“ he ja tũ ti nĩgtĩ, Topẽ vĩ tag to. Ti vĩ kri fi kỹ tóg Topẽ to: “ũn mág vỹ tỹ ti nĩ,” he ja nĩgtĩ.
28792	1CO 15:6	Kar kỹ tóg ũ tỹ 500 (ke) kãfór ag mỹ vẽnh ven gé, vẽnh ven pir ki, ag vẽnh mãn kỹ nỹtĩ ẽn ki. Ẽn ag kã mĩ ũn pipir ag tóg kãgter ja nĩgtĩ, hã ra ũn e ag tóg ver ẽg mré nỹtĩ.
29186	GAL 3:17	Moisés mur ke to hã ke ja vẽ. Tag pãte, 430 (ke) anos tũg kỹ tóg Moisés mỹ ti tỹ ẽg jyvẽn ke ẽn nĩm. Ge ra tóg ti tỹ Abraão mỹ vẽjykre tó ja ẽn tỹ tũ' he ja tũ nĩ.
29839	1TI 5:9	Tá ũn mén ter ja fag vỹ fag jiji ránrán sór mũ, fag tỹ igreja ki rĩr jé. Ũn sanh há fag jiji hã rán nĩ, ũ tỹ 60 (ke) anos kãfór nỹtĩ fag, ũn mén pir han kỹ nỹtĩ ja fag.
30071	HEB 3:9	“Ẽn kã ag tóg iso vĩ pãtigtén ja nĩgtĩ gé. “Ẽg tỹ ti vĩ mranh mũ ra tóg ẽg vóg konãn ke tũ nĩ,” he ja ag tóg nĩgtĩ, ag tỹ isỹ nén han mũ ẽn ve ja ra, isỹ prỹg tỹ 40 (ke) ẽn ki ag ki rĩr há han mũ ra.
30079	HEB 3:17	Kỹ Topẽ hỹn ũ tỹ hẽ to jũ ja nĩgtĩ, prỹg tỹ 40 (ke) ẽn ki? Ũ tỹ ti vĩ mranh ja ẽn ag hã to tóg jũ ja nĩ, hã kỹ ag tóg ga kórég ẽn ki tũ' he kãn.
30133	HEB 7:2	Kỹ Abraão vỹ ti mỹ dízimo ẽn nĩm mũ sir Ti tũ tỹ 10 (ke) kar ki tóg ũn pir nĩm mũ sir, Melquisedeque mỹ, ti tỹ ũn kato tẽ mũ ẽn ag tũ mãn ja tỹ. Ti jiji to ken hã vẽ, hã vỹ: vẽjykre kuryj to pã'i, he mũ, hã vỹ: Melquisedeque, he mũ. Kỹ tóg tỹ, ẽmã tỹ Salém to pã'i nĩ, hã vỹ: ũn krĩ kuprã ẽn ag pã'i, he mũ.
30795	REV 2:10	Ãjag jagtar han jé ag tóg ke mũ, isugrĩn. Mũmẽg tũg nĩ hã ra. Japo vỹ ãjag kato vãsãn ke mũ. Kỹ ag tóg vẽseja kã tá ãjag vãm ke mũ. Kurã tỹ 10 (ke) ki ke vẽ, ag tỹ ãjag vóg kónãn ke ti. Isovãnh tũg nĩ. Kỹ ãjag tóg rĩr krỹg ja tũ venh ke mũ. Kỹ tóg ãjag mỹ sér tĩnh mũ, he tóg,” hem nĩ, vẽnh rán ki,” he tóg inh mỹ.
30882	REV 7:4	Kỹ tóg ag ránrán tĩ mũ. Ũ tỹ 140 mil (ke) ag hã vẽ, fag mré hã, ti tỹ Israel krẽ'krẽ ag kar kã mĩ ũn ránrán mũ ag. Ti número mẽ inh.
30924	REV 9:16	Ag krẽm soldado ag número mẽ inh, ũ tỹ kãvãru kri mũgtĩ ag. 200 mil (ke) ag nỹtĩ, ag krẽm soldado ag.
30943	REV 11:3	Ũ tỹ inh vĩ tó tĩ régre ag jẽgnẽ jé sóg ke mũ. Kur kórég rĩnh kỹ ag tóg isỹ ag mỹ nén tónh ke mũ ẽn tónh ke mũ, kurã tỹ 1260 (ke) ẽn ki,” he tóg inh mỹ, ag kã mĩ ũ ti.
30953	REV 11:13	Kỹ ga tóg jũrũn ke mũ sir. Ẽmã tá tóg ĩn vẽnh kãpóv tỹ 10 (ke) ag kã ũn pir kókén kãn mũ, ga tỹ jũrũn ke ti. Ẽprã ke tỹ 7 mil (ke) vỹ kãgter mũ, ẽn kã. Ũn kãgter tũ ag tóg kanẽ jur mũ. Ag mũmẽg vỹ ag kãgtén kren mũ. Kỹ ag tóg Topẽ to: “ũn mág vỹ tỹ ti nĩ,” he mũ vãhã.
30962	REV 12:3	Kỹ kanhkã tá nén ũ ũ tóg vẽnh ven mũ gé. Mĩg fẽr kusũg tóg vẽnh ven mũ. Ti pir ra tóg krĩ tỹ 7 (ke) nĩ, nĩka tỹ 10 (ke) ti nĩ gé. Ti krĩ tógfĩ tóg nỹtĩ, ti krĩ tỹ 7 (ke) to.
30965	REV 12:6	Kỹ ũn tỹtá ẽn fi tóg ga kórég ra tĩ mũ, mĩg fẽr jo vẽnh péju kỹ. Tá Topẽ tóg fi mỹ fi tỹ ki vẽnh péjunh ke han ja nĩ. Tá ũ tóg fi mỹ vẽjẽn vin tĩ, kurã tỹ 1260 (ke) ki.
30978	REV 13:1	Kỹ mĩg ũ tóg goj mág kã tá kãkutẽ mũ. Ti pir ra tóg krĩ tỹ 7 (ke) nĩ. Nĩka tỹ 10 (ke) ti nĩ gé. Ti krĩ tógfĩ tóg ti nĩka kri nỹtĩ. Kỹ ti jygji tóg ti krĩ kri ránrán kỹ nỹtĩ. Hã ra tóg tỹ Topẽ to vĩ kónãn tãvĩ nỹtĩ, ti krĩ to ránrán kỹ nỹtĩ ẽn ti.
31015	REV 14:20	Ẽmã fyr tá tóg jẽ nĩ, uva jẽgmĩ jafã ẽn ti. Kỹ ag tóg uva jẽgmĩg mũ sir, Topẽ tỹ jẽgnẽ jafã ẽn ag. Kỹ ag tóg tá ag kyvénh kujẽg mũ, ẽprã ke ag kyvénh ti. Kỹ tóg tãra tĩ mũ, 300 (ke) quilômetros ra. Tỹ tóg goj mág nỹ ve nĩ, ag kyvénh ti.
31047	REV 17:3	Kỹ Topẽ kuprĩg tóg inh krĩn mũ, kỹ sóg ga kórég ra tĩ mũ. Topẽ tỹ jẽnẽ jafã ẽn vỹ inh pére tĩ mũ. Tá ũn tỹtá fi tóg nĩ nĩ. Fi mẽg tỹ mĩg kri fi tóg nĩ nĩ. Hã ra tóg kusũg jẽ, fi mẽg ti. Vẽnh jygji tóg fi mẽg kri ránrán kỹ nỹtĩ. Vẽnh jigji ẽn tóg Topẽ to vĩ kónãn kỹ nỹtĩ. Fi mẽg vỹ ti pir ra krĩ tỹ 7 (ke) nĩ. Nĩka tỹ 10 (ke) ti nĩ gé.
31051	REV 17:7	Kỹ Topẽ tỹ jẽnẽ jafã tóg inh mỹ: “mỹ ã mỹ e?“ he mũ. “Nhỹ ã mỹ fi kãmén, fi mẽg tỹ mĩg ti ke gé, fi mẽg krĩ tỹ 7 (ke) ẽn, fi mẽg nĩka tỹ 10 (ke) ẽn ti,” he tóg.
31056	REV 17:12	Ti nĩka tỹ 10 (ke) vỹ tỹ pã'i tỹ 10 (ke) nỹtĩ gé. Ẽn ag vỹ ver kãmũ tũ nĩ. Fi mẽg mré ag tóg tỹ pã'i nỹtĩnh ke mũ, hã ra ag tóg nỹtĩg sĩ pẽ han ke mũ gé.
31060	REV 17:16	“Kỹ fi mẽg vỹ ti nĩka tỹ 10 (ke) ẽn mré fi to kórég tãvĩ nỹtĩnh ke mũ. Fi tũ kunũnh kãn jé ag tóg ke mũ, fi kur mré hã. Kỹ fi tóg kator nĩnh ke mũ, ũn kórég ẽn fi. Fi nĩ ko jé ag tóg ke mũ gé. Kỹ ag tóg fi pũn ke mũ gé.
31061	REV 17:17	Ag tỹ ki kagtĩg ra Topẽ tóg ag krĩn tĩ, ag vatánh tá. Kỹ ag tóg Topẽ tỹ ag mỹ fi to vẽjykre nĩm ja ẽn hã han tĩ. Kỹ ag tóg jagnẽ mré vẽjykre pir hã han tĩ. Kỹ ag tóg fi mẽg mỹ vẽnh vin tĩ gé, pã'i tỹ 10 (ke) ẽn ag. Gen kỹ ag tóg nén kar kãnkãn ke mũ ẽn pétẽm ke mũ, Topẽ tỹ vãsỹ tó ja ẽn kar ti,” he tóg.