23218	MAT 1:5	Kỹ Salmom vỹ Boaz han, ti prũ tỹ Raabe fi ki. Kỹ Boaz vỹ Obede han, ti prũ tỹ Rute fi ki. Kỹ Obede vỹ Jessé han.
23224	MAT 1:11	Kỹ Josias vỹ Jeconias han, ti jãvy ag ke gé. Israel ag tỹ ẽmã tỹ Babilônia ra sigse kỹ mũ mũ ẽn kã tóg ag hynhan.
23230	MAT 1:17	Abraão krẽ'krẽ ag tóg 14 (ke) nỹtĩ, Davi mré nĩgkrén kỹ. Kỹ Davi krẽ'krẽ ag tóg 14 (ke) nỹtĩ gé, ag tỹ ag nĩgkrén kỹ, ag tỹ ẽmã tỹ Babilônia ra ag tatĩ mũ mũ ẽn kã. Ag tỹ tá vỹnvỹn ke ẽn kar kỹ ag krẽ'krẽ vỹ 14 (ke) nỹtĩ gé, Cristo mré nĩgkrén kỹ. Cristo jógjóg ve ag hã vẽ.
23239	MAT 2:1	Fi tỹ Jesus ve ẽn kã fag tóg ẽmã tỹ Belém tá nỹtĩ, ga tỹ Judéia tá. Ẽn kã Herodes vỹ tỹ pã'i mág nĩ. Kỹ kejẽn ũ ag tóg kuvar há tá kãmũ mũ, rã jur ja tá. Ũn estudo mág ag vẽ, krĩg to ag tóg estudar he mág han tĩ.
23243	MAT 2:5	Kỹ ag tóg ti mỹ: “Belém tá ke nẽji, ga tỹ Judéia tá,” he mũ. “Topẽ vĩ tó tĩ ũ vỹ vãsỹ ti to tag rán ja nĩgtĩ, ha mẽ:
23244	MAT 2:6	“Sĩ ti nĩ, ẽmã tỹ Belém ti, ga tỹ Judéia tá. Ti sĩ nĩ ra tóg ẽmã mág kar kãfór nĩ, pã'i mág ẽn tỹ tá mur ke tugrĩn. Tỹ tóg ẽg povo kri pã'i mág jẽnh ke mũ,” he ja tóg nĩ,” he ag tóg.
23246	MAT 2:8	Kỹ tóg Belém ra ag jẽgnẽg mũ sir. “Vẽnh kar ki ti jẽmẽm nĩ. Ãjag tỹ ti ve kỹ inh mỹ tónh kãmũm nĩ. Kỹ sóg ti venh tĩg ke mũ gé, sỹ ti mỹ nén ũ há nĩm jé,” he tóg.
23254	MAT 2:16	Hã ra Herodes tóg fagrĩnh mỹ fóg ẽn ag jãvãnh ja nĩ. Vãhã tóg: “ag tỹ inh mỹ tó tũg hỹn,” he mũ. Kỹ ti fe tóg gỹm ke mũ sir. Kỹ tóg ti porisa ag mỹ: “Belém ra gĩr ag kãgtén mũjẽg, ũn kri prỹg tỹ 2 anos tá krỹg tũ ẽn ag tãvĩ,” he mũ. Ag mỹ tóg 2 anos tó, fóg ag tỹ ti mỹ: “1 ano kãfór ti nĩ ha, ẽg tỹ ti kri krĩg ve ja ti,” hen kỹ.
23262	MAT 3:1	Kejẽn João Batista tóg ẽmã tũ ja ra tĩ mũ, ga tỹ Judéia tá ga kórég ẽn ra. Tá jẽ kỹ tóg ag jyvẽn mũ sir.
23462	MAT 9:14	Kỹ João Batista mré mũ tĩ ag tóg, Jesus tá junjun kỹ ti mỹ: “ẽg hã ne tóg vãkrég tĩ', Fariseu mré ke ag ke gé. Ẽg jãvo ã mré mũ tĩ ag tóg vãkrég tũ nĩgtĩ. Hẽ ri ken kỹ?“ he ag tóg.
23489	MAT 10:3	Filipe ke gé, Bartolomeu ke gé, Tomé ke gé, Mateus ke gé, governo mỹ jãnkamy mãg tĩ ja ẽn ti, Tiago ũ ke gé, Alfeu kósin tag ti, Tadeu ke gé,
23511	MAT 10:25	Ũn vẽnh kanhrãn mũ tỹ ũ tỹ ti kanhrãn mũ ri ke nĩn kỹ tóg há tĩ. Ũn camarada tỹ ti patrão ri ke nĩn kỹ tóg há tĩ gé. Iso ag tóg: Belzebu, he ja nĩgtĩ, inh kato vãsãnsãn mũ ag, hã vỹ: Japo, he mũ. Tỹ sóg ũ tỹ ãjag kanhrãn mũ ri ke nĩ, ãjag patrão ri ke. Ag tỹ iso: Japo, hen kỹ ag tóg ãjag to vĩ kónãn mũ gé, ha vem nĩ, ãjag tỹ inh jykre hã han ti kỹ,” he tóg, Jesus ti.
23530	MAT 11:2	Kejẽn João Batista tóg se kỹ nĩ nĩ. Ti tỹ se kỹ nĩ ra tóg Jesus kãme mẽg mũ. Kỹ tóg ti mỹ vẽnh vĩ jẽnẽg mũ, ti mré mũ tĩ ag tỹ.
23549	MAT 11:21	Kỹ tóg: “ẽmã tỹ Corazim ki ke ag mỹ sóg tag tó sór mũ, ẽmã tỹ Betsaida tá ke ag mỹ ke gé, ha mẽ,” he mũ. “Kórég ve jé ãjag tóg ke mũ. Milagre tỹ hẽn ri ke hynhan isóg ãjag mỹ, hã ra ãjag tóg, ãjag jykre tovãnh sór tũ nĩ. Ẽmã tỹ Tiro tá, ẽmã tỹ Sidom tá sóg hynhan ja tũ nĩ. Sỹ tá hynhan ra ag tóg vãsỹ, ag jykre tovãnh ke mũ vẽ. Kygfỹ ag mũ vẽ, ag jykre pãno tỹ ag mỹ e tĩn kỹ,” he tóg.
23582	MAT 12:24	Kỹ Pã'i ag tóg mẽg mũ sir, Jesus tỹ ti tỹ há' he ẽn ti. Hã kỹ ag tóg Jesus to: “jagrẽ kórég ti nĩ,” he mũ. “Nén-Kórég ag pã'i tỹ ti jagrẽ nĩ, Belzebu ẽn tỹ. Hã kỹ tóg Nén-Kórég ag pan tĩ,” he ag tóg mũ.
23585	MAT 12:27	“Belzebu tỹ tóg Nén-Kórég ag pan tĩ,” he ãjag tóg tĩ iso. Jãvo ãjag mré ke ag hỹn vẽjykre tỹ ne tỹ vẽjagrẽ kórég pan tĩ? Ag mỹ Nén-Kórég ag jykre tỹ ag pan tĩ gé', Topẽ jykre tỹ, vó? Topẽ jykre tỹ ag tóg ag pan tĩ. Ãjag tỹ tag to jykrén kỹ ãjag tóg inh jykre há ẽn ki kanhrãn ke mũ vẽ,” he tóg.
23668	MAT 14:2	Kỹ tóg ti camarada ag mỹ: “João Batista hỹn, ãjag tỹ inh mỹ ũ tó mũ ẽn ti,” he mũ. “Ti hỹn rĩr mãn, sỹ ti tén kar kỹ, hã kỹ tóg milagre tỹ hẽn ri ke hynhan tĩgtĩ,” he tóg, Herodes ti, Jesus to.
23674	MAT 14:8	Kỹ fi tóg fi mỹnh fi mỹ tó mũ. Kỹ fi mỹnh fi tóg, fi krĩn mũ, fi tỹ João krĩ to vĩ jé. Kỹ fi tóg: “inh mỹ ũri João Batista krĩ tỹ pénky kã kã nĩm,” he mũ.
23755	MAT 16:14	Kỹ ag tóg ti mỹ. “ũ ag tóg ã to: “João Batista vẽ,” he tĩ. Jãvo ũ ag tóg: Elias vẽ, he tĩ. Jãvo ũ ag tóg: Jeremias vẽ, he tĩ gé, jãvo ũ ag tóg: Topẽ vĩ tó tĩ ũ vẽ, he tĩ gé,” he mũ.
23782	MAT 17:13	Kỹ ag tóg vãhã to jykrén mũ. “João Batista to ke ja vẽ, ẽg kygpég tĩ ẽn to, hã vỹ: Elias, he mũ, ti tỹ tỹ Elias ẽn ri ke ja nĩn kỹ,” he ag tóg mũ sir, ti mré mũ tĩ ag.
23896	MAT 21:1	Ag mũn kỹ ag tóg Jerusalém to hã junjun mũ, ẽmã tỹ Betfagé tá, krĩ tỹ Oliveiras tá. Kỹ Jesus tóg ũn régre ag mỹ:
23900	MAT 21:5	“Sião tá ke fag mỹ: “ha vé, ãjag pã'i mág tóg ãjag ki jun ke mũ,” hem nĩ. Vẽnh kar to tóg fe há nĩ, jũ vãnh nĩn kỹ, ãjag Senhor ti. Burrica kri tóg nĩ nĩ, fi kósin kri, ẽg tu tĩ ẽn fi kósin kri mỹr,” he tóg, Topẽ vĩ tỹ rán kỹ nĩ ki.
23912	MAT 21:17	Tag tó kar kỹ tóg ag ré kỹ tĩ mũ sir. Ẽmã ẽn tá tóg kãkutẽ mũ, ẽmã tỹ Betfagé ra tĩg jé. Tá tóg sir nũr mũ.
24022	MAT 23:35	Hã kỹ tóg ãjag tỹ ũn jykre kuryj kar kãgtén mũ ri ke nĩ. Ũn tỹ hẽn ri ke ag kãgtén ag tóg huri, ẽprã ke ag, hã ra tóg, ãjag tỹ ag kãgtén kãn ri ke nĩ sir, Abel ti, ti nón ke ag mré hã, Zacarias ẽn mré hã, Baraquias kósin ẽn. Ẽn tỹ ãjag tóg Topẽ ĩn krẽm ti tén ja nĩ, Topẽ mỹ nén ũ pũn jafã ẽn tá, Zacarias ẽn.
24129	MAT 26:6	Ẽn kã Jesus tóg kejẽn ẽmã tỹ Betânia tá nĩ nĩ, Simão ĩn krẽm, vẽnh kaga kren vãnh han ja ẽn ti.
24214	MAT 27:16	Ẽn kã ũ tóg se kỹ jẽ nĩ, vẽnh kar tỹ ũn ki kanhró ẽn, ti jijin hã vỹ: Jesus Barrabás, he mũ.
24215	MAT 27:17	Jãvo ag tóg tá vẽnhmãn kỹ nỹtĩ, Judeu kar ag. Kỹ Pilatos tóg ag mỹ: “inh ãjag mỹ ũ tỹ hẽ kavãn ha? Mỹ Jesus Barrabás, Jesus Cristo mỹ vó?” he mũ.
24218	MAT 27:20	Hã ra Topẽ tũ to pã'i ag tóg, vẽnh kar krĩn mũ sir, kófa ag mré, vẽnh kar tỹ Barrabás kavar ve sór jé, ag tỹ Jesus ter hã ve sór jé.
24219	MAT 27:21	Kỹ fóg tỹ pã'i tóg, ag ki jẽmẽ mãn mũ. “Inh hỹn ũn régre tag ag kã ũ tỹ hẽ kavãn ha?“ he tóg. Kỹ ag tóg ti mỹ: “Barrabás“ he mũ.
24224	MAT 27:26	Kỹ Pilatos tóg Barrabás kavãg mũ sir. Jesus to tóg porisa ag mỹ: “ha ti mrãnmrãn,” he mũ sir. Ag tỹ ti mrãnmrãn kar kỹ tóg ag mỹ ti fẽg mũ, ag tỹ ka to ti sa jé.
24287	MRK 1:3	Ẽmã tũ ja tá tóg jẽnh ke mũ, ga kórég tá. Tá tóg ag mỹ: “ẽg Senhor kãtĩg ke jo vẽnh jãnhkrigkrig nĩ,” henh ke mũ. “Ãjag jykre pãno tovãnh nĩ, ẽg Senhor kãtĩg ken jo,” he jé tóg ke mũ,” he ja tóg nĩ. João Batista to tóg ke mũ.
24288	MRK 1:4	Kỹ João Batista tóg ẽmã tũ ja tá jẽ nĩ. Ag jyvẽn tóg tĩ, kỹ tóg: “ã kype jé sóg ke mũ, ã tỹ ã jykre kórég tovãnh kỹ, Topẽ tỹ ã tỹ ti vĩ mranh tỹ ã mỹ vẽnh pãte fón jé,” he tĩ sir, vẽnh kar mỹ.
24374	MRK 3:17	Tiago ke gé, ti jãvy tỹ João mré, Zebedeu krẽ tag ag. Jesus tỹ ag jiji ũ hã vỹ: Boanerges, he mũ, ẽg vĩ ki ke hã vỹ: ta tỹ tỹrỹr he ri ke ag, he mũ,
24375	MRK 3:18	André ke gé, Filipe ke gé, Bartolomeu ke gé, Mateus ke gé, Tomé ke gé, Tiago ke gé, Alfeu kósin tag ti, Tadeu ke gé, Simão ke gé, ag tỹ ũ to: Zelote, he mũ tag ti,
24379	MRK 3:22	Kỹ Topẽ vĩ to ẽg kanhrãn tĩ ag tóg tá junjun mũ gé, ti ve jé. Jerusalém tá ag tóg kãmũ jẽg. Ag tỹ ti to: “Japo tỹ tóg jagrẽ nĩ. Hã kỹ tóg vẽjagrẽ kórég ag pan tĩ,” hen kỹ. “Belzebu jykre han tóg tĩ, Nén-Kórég ag pã'i mág ẽn jykre ti,” he ag tóg.
24490	MRK 6:14	Kỹ pã'i mág tỹ Herodes tóg Jesus kãme mẽg mũ. Vẽnh kar vỹ ti kãmén tĩ, hã kỹ tóg mẽg mũ. Kỹ tóg: “João Batista hỹn, “ he mũ. “Ti ter ja tán hỹn vỹn ké. Hã kỹ tóg ẽg tỹ nén han vãnh hynhan tĩ,” he tóg, Jesus to.
24501	MRK 6:25	Kỹ fi tóg vẽsỹmér ti to vẽnhvãg tĩ kỹ ti mỹ: “inh mỹ ũri João Batista krĩ tỹ pénky kã kã nĩm,” he mũ.
24521	MRK 6:45	Vẽsỹmér Jesus tóg ti mré mũ tĩ ag mỹ: “ijo kafã ũ ra mũjẽg, ẽmã tỹ Betsaida ra,” he mũ. “Isỹ ũn e tag ag mỹ: ha mũjẽg, henh ke vẽ ver,” he tóg.
24591	MRK 8:22	Kỹ ag tóg kafã ũ tá junjun mũ sir, ẽmã tỹ Betsaida tá. Kỹ tá ke ag tóg ũn kyvó pére kãmũ mũ, ti tỹ ti nĩgé tỹ ti mẽ kỹ ti tỹ há' he jé.
24597	MRK 8:28	Kỹ ag tóg ti mỹ: “João Batista vẽ, he ag tóg tĩ, ã to. Jãvo ũ ag tóg: Elias vẽ, he tĩ. Jãvo ũ ag tóg: Topẽ vĩ tó tĩ ũ vẽ, he tĩ gé, “ he mũ.
24703	MRK 10:46	Kejẽn tóg ti mré mũ tĩ ag mré ẽmã tỹ Jericó tá jun mũ. Ag tỹ Jerusalém ra mũ vẽ. Kỹ ag tóg Jericó ki pa mũ gé. Vẽnh e tãvĩ tóg ag mré mũ mũ. Hã ra ag tóg ũn kyvó vég mũ. Bartimeu vẽ, Timeu kósin vẽ. Ẽpry kri nĩ kỹ tóg vẽnh kar mỹ: “inh mỹ nén ũ nĩm,” he nĩgtĩ.
24710	MRK 11:1	Vãhã ag tóg Jerusalém to hã nỹtĩ. Kỹ ag tóg ẽmã tỹ Betânia tá junjun vén mũ, ẽmã tỹ Betfagé tá, krĩ tỹ Oliveiras tá ke gé. Kỹ Jesus tóg ti mré mũ tĩ régre ag jẽgnẽ kỹ ag mỹ:
24713	MRK 11:4	Kỹ ag tóg mũ mũ sir. Burrica fi krẽ vég ag tóg mũ. Jãnkã rã tóg se kỹ jẽ. Kỹ ag tóg ti kavãg mũ sir.
24720	MRK 11:11	Gen kỹ tóg Jerusalém ra rã mũ sir, Topẽ ĩn ra. Kỹ tóg nén kar ki ẽvãnh mũ, kar kỹ tóg rãké ra Betânia ra tĩg mãn mũ, ũ tỹ 12 (ke) ag mré.
24721	MRK 11:12	Tỹ vaj kỹ, ag tỹ Betânia tá kãmũ kỹ tóg kókĩr mũ.
24826	MRK 14:3	Ẽn kã tóg kejẽn ẽmã tỹ Betânia tá nĩ nĩ, Simão ĩn krẽm, vẽnh kaga tỹ lepra han ja ẽn ĩn krẽm. Ti jẽg nĩ ra ũ fi tóg tá jun mũ, garrafa vyn kỹ. Pó tỹ alabastro tỹ tóg há jẽ, garrafa ti. Ti ki jẽ vỹ tỹ nén ger há nĩ, hã vỹ: nardo, he mũ. Ũn kaja e pẽ vẽ. Garrafa ẽn nunh mranh kỹ fi tóg ti ki jẽ ẽn tỹ Jesus gãnh tãg mũ sir.
24902	MRK 15:7	Hã ra ũ tóg se kỹ nĩ, ti jijin hã vỹ: Barrabás, he mũ. Vẽnh génh kutẽm tĩ ag mré tóg se kỹ jẽ nĩ. Vẽnh génh kỹ ag tóg ũ kãgtén ja nĩgtĩ, hã kỹ ag tóg sigse kỹ nỹtĩ.
24906	MRK 15:11	Hã ra pã'i ag tóg vẽnh kar krĩn ja nĩ, ag tỹ ti mỹ: “Barrabás hã kava ra,” he jé.
24910	MRK 15:15	Kỹ tóg ag mỹ Barrabás kavãg mũ sir. Jesus mrãnmrãn tóg mũ sir, mrãn ke jafã tỹ, kỹ tóg ag mỹ ti fẽg mũ sir, ag tỹ ka to ti sa jé.
25046	LUK 2:4	Kỹ José tóg tĩ mũ gé, ti prũnh ke fi mré, Maria fi. Ẽmã tỹ Nazaré tá fag tóg pa mũ. Kỹ fag tóg ga tỹ Judéia ra mũ mũ, ẽmã tỹ Belém ra, Davi jamã ja ra. Davi krẽ'krẽ vẽ, José ti. Kỹ ti prũnh ke fi vỹ ti mré tĩ mũ, hã ra fi tóg kufy jagy nĩ.
25126	LUK 3:32	Jessé, Obede, Boaz, Sala, Nassom,
25209	LUK 5:33	Kỹ Fariseu ag tóg ti mỹ: “João Batista mré mũ tĩ ag vỹ vãkrég tĩ, vẽjẽn ki. Kỹ ag tóg Topẽ mré vĩ mág han tĩ gé. Kỹ Fariseu mré ke ag tóg vãkrég tĩ gé. Jo ã mré mũ tĩ ag ne tóg vãkrég tũ nĩgtĩ. Jẽg ag tóg tĩ, kurã kar ki,” he ag tóg mũ.
25229	LUK 6:14	Ag hã vẽ, ha mẽ: Simão, ti jiji ũ hã vỹ: Pedro, he mũ, ti jãvy tỹ André ke gé, Tiago ke gé, ti jãvy tỹ João mré, Filipe ke gé, Bartolomeu ke gé,
25282	LUK 7:18	Ẽn kã João Batista vỹ se kỹ jẽ nĩ. Kỹ ti mré mũ tĩ ag tóg ti mỹ Jesus tỹ nén han mũ tó kãn mũ sir.
25284	LUK 7:20	Kỹ ag tóg ti mỹ: “João Batista vỹ ẽg jẽgnẽ, ẽg tỹ ã ki jẽmẽ jé,” he mũ. “Ã hã mỹ'? he tóg. Ẽg mỹ ũ jãvãnh mãn ke tũ nĩ ha', ã pãte? he tóg, João ti,” he ag tóg mũ.
25292	LUK 7:28	“João Batista tóg ẽprã ke ag kãfór kar nĩ, Topẽ vĩ tón ki. Ũ tỹ hã ra Topẽ tỹ tỹ ẽg pã'i nĩ vég mũ tóg ti kãfór nĩ ha,” he tóg.
25299	LUK 7:35	Hã ra ũ tỹ Topẽ jykre to há kar ag tóg ti tỹ ki hã tó mũ ki kanhró nỹtĩ, komẽr hã, fag mré hã,” he tóg, Jesus ti. Ti tỹ ag mỹ João Batista kãmén hã vẽ.
25377	LUK 9:7	Kỹ pã'i mág tỹ Herodes vỹ ti tỹ nén han mũ mẽg mũ sir. Kỹ tóg ti mỹ e tĩ. Ti tỹ to jykrén tũ tóg tĩ. Hã ra ũ ag tóg ti to: “João Batista vẽ,” he tĩ. “João hỹn ti ter kar kỹ rĩr mãn,” he ag tóg tĩ.
25380	LUK 9:10	Kejẽn Jesus tỹ ũn vin mũ ag vỹ ti to vỹnvỹn ke mũ, ti tỹ ag jẽgnẽ ja ẽn tá. Ti mỹ ag tóg kãmén mũ sir. Kỹ tóg ag mré vẽnh péju kỹ tĩ mũ, ẽmã tỹ Betsaida ra, vyr mỹ ag mré vẽmén jé.
25389	LUK 9:19	Kỹ ag tóg ti mỹ: “ũ ag vỹ: João Batista vẽ, he tĩ, jãvo ũ ag vỹ: Elias vẽ, he tĩ gé, jãvo ũ ag vỹ: vãsỹ Topẽ vĩ tó tĩ ũ vỹ rĩr mãn, he tĩ gé, ã to,” he mũ.
25445	LUK 10:13	Kỹ tóg: “sỹ ẽmã tỹ Corazim ki ke ag mỹ tag tó sór vẽ, ẽmã tỹ Betsaida ki ke ag mỹ ke gé,” he mũ. “Kórég ve jé ãjag tóg ke mũ,” he tóg. “Ẽg tỹ nén han vãnh tỹ hẽn ri ke hynhan isóg ãjag mỹ, hã ra ãjag tóg ãjag jykre tugvãnh sór tũ nĩgtĩ,” he tóg. “Ẽmã tỹ Tiro tá, ẽmã tỹ Sidom tá sóg ẽg tỹ nén han vãnh ẽn hynhan ja tũ nĩ. Sỹ tá hynhan ra ag tóg ag jykre kórég tugvãnh ke mũ vẽ, vãsỹ,” he tóg. “Ag jykre pãno to ag jykrén ke mũ vẽ, kygfỹ jé ag tóg ke mũ vẽ, ag mỹ ti e tĩnh mũ vẽ, sỹ ag mỹ tó ra. Ag jãvo ãjag tóg to jykrén sór tũ pẽ nĩ',” he tóg.
25829	LUK 19:29	Kỹ tóg ẽmã tỹ Betfagé to hã jun mũ, ẽmã tỹ Betânia tá, pãnónh tỹ Oliveiras he mũ ẽn tá. Tá jun kỹ tóg ti mré mũ tĩ régre ag mỹ:
26022	LUK 23:18	Hã ra vẽnh kar ag tóg vãhã prẽnprẽr mũ sir. “!..Ti tén ra..!“ he ag tóg mũ. “!..Barrabás tovãnh ra..!“ he ag tóg.
26023	LUK 23:19	Barrabás vỹ vẽnh génh to se kỹ jẽ nĩ. Ẽmã tá tóg vẽnh génh han ja nĩgtĩ, ẽn kã tóg ũ tén ja nĩgtĩ, hã to tóg se kỹ jẽ nĩ.
26110	LUK 24:50	Kỹ tóg ag jãmĩ tĩ mũ, ẽmã tỹ Betânia ra. Tá tóg ti nĩgé tỹ ag kri ven mũ. Kỹ tóg ag mỹ vĩ há han mũ sir.
26141	JHN 1:28	Ẽmã tỹ Betânia tá ag tóg ti venh kãmũ ja nĩgtĩ, goj tỹ Jordão mã tá. Tá tóg ag kygpég jẽ nĩ.
26157	JHN 1:44	Hã ra Filipe vỹ tỹ Betsaida tá ke nĩ, André mré Simão jamã ẽn tá ke.
26180	JHN 2:16	Ũ tỹ sórãg vẽne he tĩ ag mỹ tóg: “ãjag tũ ma mũjẽg,” he mũ. “Inh panh ĩn krẽm nĩgóso han sór tũg nĩ. Bodega pijé', inh panh ĩn ti,” he tóg.
26281	JHN 5:2	Tá goj nig tóg nĩgtĩ, ẽmã jy ró jãnkã rã hã. Jãnkã ẽn jijin hã vỹ: carneiro jo jãnkã, he mũ. Goj ẽn pénĩn vẽnh kaga jo ĩn tỹ 5 (ke) vỹ nỹtĩ. Goj ẽn jiji hã vỹ: Betesda, he mũ.
26439	JHN 7:42	“Topẽ vĩ rá ki tóg: “Davi krẽ'krẽ vỹ tỹ ti nĩ, Cristo ti,” he mũ, “ẽmã tỹ Belém tá ke vỹ tỹ ti nĩ, Davi jamã ja ẽn tá,” he tóg, Topẽ vĩ tỹ rán kỹ nĩ ki. Hã kỹ tóg ẽg mỹ tỹ Cristo tũ nĩ,” he ag tóg.
26593	JHN 11:1	Kejẽn ũ tỹ Jesus to há ũ tóg kaga nỹ nĩ, ẽmã tỹ Betânia tá. Ti jijin hã vỹ: Lázaro, he mũ. Ti ve fi vỹ tỹ Maria fi nĩ, Marta fi ke gé. Betânia tá fag ẽmã nỹtĩ gé.
26609	JHN 11:17	Kỹ ag tóg Betânia tá junjun mũ. Hã ra Lázaro vỹ vẽnh kej tá nỹ nĩ. Kurã tỹ 4 (ke) vẽ sir, ag tỹ vẽnh kej tá ti fón ja kri.
26610	JHN 11:18	Hã ra ag tóg Jerusalém kakó ki nỹtĩ, 3 (ke) quilômetros hỹn, ẽmã tỹ Betânia ki.
26650	JHN 12:1	Fénhta tỹ Páscoa to hã ke vẽ sir, kurã tỹ 6 (ke) vỹ jy nỹ ha. Kỹ Jesus tóg Betânia ra tĩg mãn mũ, Lázaro jamã ra, ũn rĩr mãn mũ ẽn jamã ra.
26658	JHN 12:9	Kỹ Judeu tỹ hẽn ri ke ag vỹ mẽg mũ, Jesus tỹ Betânia tá nĩ ti, kỹ ag tóg ti venh kãmũ mũ. Hã ra ag tóg Lázaro ve sór mũ gé, ũn rĩr mãn mũ ẽn ti.
26664	JHN 12:15	“Kamẽg tũg nĩ, Sião tá ke kar',” he tóg. “Ãjag pã'i mág vỹ ũri jun ke mũ ha. Burrico sĩ kri tóg jun ke mũ ha,” he ja tóg nĩ, Topẽ vĩ rán ki, Jesus to.
26670	JHN 12:21	Ẽn ag vỹ Jesus ve sór mũ. Hã kỹ ag tóg Filipe mré vĩ mũ. Tỹ tóg ga tỹ Galiléia tá ẽmã tỹ Betsaida tá ke nĩ, Filipe ti. Kỹ fóg tỹ Grego ẽn ag tóg ti mỹ: “ẽg tỹ Jesus venh há tóg tĩ,” he mũ.
26894	JHN 18:40	Hã ra ag kar tóg prẽnprẽr mũ sir. “!..Jesus pijé'..! Barrabás kava ra..!“ he ag tóg mũ sir, prẽnprẽr kỹ. Hã ra Barrabás ẽn vỹ tỹ ũn jykre kórég pẽ nĩ.
27005	ACT 1:13	Ũ tỹ tá kãmũ mũ ag hã vẽ, hã vỹ: Pedro, João, Tiago, André, Filipe, Tomé, Bartolomeu, Mateus, Tiago ũ, Alfeu kósin ẽn, Simão, Judas ũ, Tiago kósin ẽn, he mũ, Jesus tỹ ũn vin mũ ẽn ag.
27015	ACT 1:23	Kỹ ag tóg ũn régre ag vin mũ, hã vỹ: José, he mũ, ti jiji ũ hã vỹ: Barsabás, he mũ. Ti mré ag tóg Matias fẽg mũ gé.
27127	ACT 4:36	Kỹ ũ tóg nĩ gé, ti jiji hã vỹ: José, he mũ. Jesus tỹ ũn vin mũ ag tóg ti to: Barnabé, he tĩ. Levi krẽ'krẽ ũ vẽ. Goj vãso tỹ Chipre tá ke vẽ.
27228	ACT 7:43	Ón kỹ topẽ tỹ Moloque kãgrá va ãjag tóg mũ ja nĩgtĩ, krĩg kãgrá ke gé, hã vỹ: Renfã, he mũ. Ẽn to ãjag tóg jãnjãn ja nĩgtĩ. Hã kỹ sóg ãjag vóg kónãn kỹ Babilônia tá ke ag jẽgnẽnh mũ, ag tỹ ãjag tatĩ mũ jé, he tóg, Topẽ ti, ti vĩ tó tĩ tỹ,” he tóg, Estêvão ti.
27312	ACT 9:27	Kỹ Barnabé tóg ti mré vĩ kỹ Jesus tỹ ũn vin mũ ag to ti pére tĩ mũ. Kỹ tóg ag mỹ ti tỹ Jesus ve ja ẽn kãmén mũ, ẽpry kri. “Kar kỹ tóg Damasco tá ke ag mỹ Jesus kãmén ja nĩ gé, ti tỹ mũmẽg tũ nĩn kỹ,” he tóg. Kỹ tóg ag mỹ sér tĩ sir.
27398	ACT 11:22	Kỹ Jerusalém tá ũ tỹ Jesus ki ge kỹ nỹtĩ ag tóg mẽg mũ, fóg ag tỹ Jesus vĩ kri fig mũ ti. Kỹ ag tóg Barnabé jẽnẽg mũ, ti tỹ Antioquia ra tĩg jé, tá ve jé.
27400	ACT 11:24	Barnabé vỹ tỹ ũn vĩ há nĩ, Topẽ kuprĩg tỹ tóg jagrẽ nĩ. Jykre pir han kỹ tóg nĩ nĩ. Kỹ ũ tỹ hẽn ri ke ag vỹ Jesus ki ge mũ gé sir, ti tỹ ag jyvẽn kỹ.
27401	ACT 11:25	Kỹ Barnabé tóg ẽmã tỹ Tarso ra tĩ mũ, Saulo jãvãnh jé, tá.
27402	ACT 11:26	Ti tỹ ti ve kỹ tóg ti pére tĩ mũ, Antioquia ra. Tá ag tóg prỹg pir han. Jesus ki ge kỹ nỹtĩ ag tỹ vẽnh mãn kỹ ag tóg ag kanhrãn tĩ, Barnabé ti, Saulo ti ke gé. Kỹ ũn e vỹ ag vĩ jẽmẽg tĩ. Antioquia tá ag tóg Jesus mré mũ ag to: “Cristo mré ke ag,” he vén ja nĩ. Kỹ ẽg jiji vẽ sir, hã vỹ: Cristo mré ke ag, he mũ.
27406	ACT 11:30	Kỹ ag tóg Barnabé jẽnẽg mũ, Saulo ke gé, ag tỹ gé(g) mũ jé, igreja to kófa ag mỹ vin jé, ag tỹ Jesus ki ge kỹ nỹtĩ ag mỹ kãnhkrén jé.
27426	ACT 12:20	Herodes tóg ẽmã tỹ Tiro tá ke ag to jũ mũ, ẽmã tỹ Sidom tá ke ag to ke gé. Ẽn ag tóg Herodes nĩgja tá junjun mũ. Kỹ ag tóg pã'i sĩ mré vĩ mũ, ti jiji hã vỹ: Blasto, he mũ. Herodes vỹ ti tỹ pã'i han ja nĩ. Ẽn mỹ ag tóg to vĩ mũ, ti tỹ ag jagfy vĩ jé, Herodes mré. Ti tỹ ag to jũ nĩn kỹ ag tóg tá vẽjẽn ve mãn tũ nĩ sir. Hã kỹ ag tóg ti fe tỹ há' he sór mũ, ti tỹ ag mỹ vẽjẽn vẽne he mãn jé.
27431	ACT 12:25	Kỹ Barnabé vỹ Saulo mré ag tỹ nén gé kãmũ mũ ẽn vin mũ, Jerusalém tá ke ag mỹ. Prỹg tĩn kỹ Jesus ki ge kỹ nỹtĩ ag tóg Jerusalém tá ke ag mỹ vẽjẽn jẽgnẽ ja nĩgtĩ. Ag mỹ vẽjẽn ẽn vin kar kỹ ag tóg vỹnvỹn ke mũ sir, Barnabé ti, Saulo ti ke gé. Kỹ ag tóg João Marcos pére mũ mũ.
27432	ACT 13:1	Antioquia tá ũ ag tóg nỹtĩ, Topẽ vĩ tó tĩ ũ ag, Jesus jykre tỹ vẽnh kanhrãn nỹtĩ ag ke gé. Kỹ ũ jijin hã vỹ: Barnabé, he mũ, kar ũ jijin hã vỹ: Simão Negro, he mũ. Ũ tóg tỹ Lúcio nĩ, Cirene tá ke tag ti. Kỹ ũ tóg tỹ Manaém nĩ, pã'i tỹ Herodes mré mog mũ tag ti. Kỹ ũ tóg tỹ Saulo nĩ gé.
27433	ACT 13:2	Kejẽn ag tóg jagnẽ mỹ Topẽ jykre tó mũ, ag jẽg tũ nĩn kỹ. Kỹ Topẽ kuprĩg tóg ag mỹ: “Barnabé fẽg ra, Saulo mré,” he mũ, “ag tỹ inh rãnhrãj han jé, isỹ nén to jykrén mũ ẽn ti, ag tỹ inh jykre tó jé, vẽnh kar mỹ,” he tóg.
27437	ACT 13:6	Goj vãso mĩ ag tóg pa mũ. Kỹ ag tóg ẽmã tỹ Pafos tá junjun mũ, Topẽ vĩ kãmén kỹ. Tá ũ tóg nĩ nĩ, kujá ũ. Ón kỹ tóg Topẽ vĩ tó sór mũ. Judeu ũ vẽ, ti jiji hã vỹ: Bar Jesus, he mũ.
27438	ACT 13:7	Governador mré tóg nĩ nĩ. Ti jiji hã vỹ: Sérgio Paulo, he mũ. Krĩ há ti nĩ, governador ti, kỹ tóg Barnabé ag jé prẽr mũ. Ti tỹ Topẽ vĩ jẽmẽ sór vẽ.
27452	ACT 13:21	Kỹ ag tóg pã'i mág ve sór mũ. Kỹ ag tóg Topẽ mỹ to vĩ mũ. Hã kỹ Topẽ tóg Saul fẽg mũ, Quis kósin ẽn. Benjamim krẽ'krẽ ũ vẽ, Saul ti. 40 anos ki tóg tỹ pã'i mág nĩ.
27495	ACT 14:12	Kỹ ag tóg Barnabé to: Júpiter, he mũ. Paulo to ag tóg: Mercúrio, he mũ sir, ti vĩ mág to. Ón kỹ ag topẽ jigji vẽ, hã vỹ: Júpiter mré Mercúrio, he mũ. Hã ra Paulo ag tóg ag vĩ ki kagtĩg nỹtĩ.
27496	ACT 14:13	Júpiter ĩn vỹ ẽmã fyr tá jẽ nĩ, kỹ ti tũ ki rĩr tĩ tóg tá nĩ gé. Kỹ tóg monh gé tĩ mũ, ka fej tỹ coroa ke gé. Ẽmã jy ró jãnkã mãra tóg gé tĩ mũ. Tá tóg monh kugprũn sór mũ, Barnabé mỹ, Paulo mỹ ke gé.
27503	ACT 14:20	Kỹ Jesus mré ke ag tóg ti venh kãmũ mũ, hã ra tóg jẽgnẽ mũ. Ẽmã ẽn kã ra tóg rã mãn mũ. Tỹ vaj kỹ tóg hã ra ẽmã tỹ Derbe ra tĩ mũ, Barnabé mré.