23233	MAT 1:20	Ti tỹ ver fi tovãnh to jykrén kỹ Topẽ tỹ jẽnẽ jafã tóg ti mỹ vẽnh ven mũ sir, ti vẽnh péti kỹ. Kỹ tóg ti mỹ: “José,” he mũ. “Tỹ ã Davi krẽ'krẽ ag kã ũ nĩ,” he tóg. “Maria fi to jykrén kónãn tũg nĩ. Fi tovãnh sór tũg nĩ. Ũ tũ pijé', Topẽ kuprĩg tỹ fi mỹ gĩr han ja vẽ.
23236	MAT 1:23	“ũn mén ja tũ fi vỹ kufy nĩnh mũ. Fi tỹ ti ve kỹ ag tóg ti to: Emanuel, henh ke mũ,” he ja nĩ. Emanuel to ken hã vẽ, hã vỹ: Topẽ vỹ ẽg ki rĩr há han ke mũ, he mũ.
23239	MAT 2:1	Fi tỹ Jesus ve ẽn kã fag tóg ẽmã tỹ Belém tá nỹtĩ, ga tỹ Judéia tá. Ẽn kã Herodes vỹ tỹ pã'i mág nĩ. Kỹ kejẽn ũ ag tóg kuvar há tá kãmũ mũ, rã jur ja tá. Ũn estudo mág ag vẽ, krĩg to ag tóg estudar he mág han tĩ.
23268	MAT 3:7	Kỹ pã'i tỹ Fariseu ag vỹ ti tá junjun mũ gé sir, pã'i tỹ Saduceu ag ke gé. Ón kỹ ag tóg ti to kãmũ mũ, ti tỹ ag kygpe jé. Kỹ tóg ag jyvẽn tar han mũ sir. “Pỹn ri ke ãjag nỹtĩ, ãjag jykre pãno nỹtĩn kỹ,” he tóg ag mỹ. “Ũ nỹ ãjag mỹ: Topẽ vỹ ãjag to jũnh ke tũ nĩ, he tĩ'?
23293	MAT 4:15	“Zebulom ag jamã tá ti nĩnh mũ, Naftali ag jamã tá, goj nig mág tá, goj tỹ Jordão mã tá. Fóg ag jamã tá ti nĩnh mũ, Israel tũ ag jamã tá, ũ tỹ Topẽ ki kagtĩg ag jamã tá, goj nig mág tỹ Galiléia fyr ki.
23323	MAT 5:20	“Fariseu ag ri ke nỹtĩ sór tũg nĩ. Ón kỹ ag tóg Topẽ vĩ ki króm sór tĩ, hã ra ag tóg, ki króm há han tũ nĩgtĩ. Ag jykre pijé kuryj nỹ'. Ãjag tỹ kanhkã ve sór nỹtĩn kỹ vẽjykre kuryj han nĩ,” he tóg, Jesus ti.
23328	MAT 5:25	“Kejẽn ã tóg, ã mré ke ũ mỹ név jẽ, ã mré ke ũ fi mỹ ke gé. Kỹ fi tóg pã'i ag mỹ ã kãmén tĩg ke mũ. Fi tỹ tónh tĩg ke ẽn jo fi mré vĩm nĩ, ti mré ke gé. “Kajãm jé sóg ke mũ,” hem nĩ. Ke tũ nĩ mũ ra pã'i vỹ, ã jykre pãno venh ke mũ, kỹ tóg ti porisa mỹ: “ti se ra,” henh ke mũ.
23335	MAT 5:32	Sỹ ũri ãjag jyvẽn hã vẽ, ha mẽ: ãjag prũ fón tũg nĩ. Ã tỹ fi fón kỹ fi tỹ ũ tỹ mén mãn kỹ fi tóg, ã tugrĩn Topẽ vĩ mranh mũ sir, ã tỹ tỹ fi mén pẽ ra. Fi tỹ ã jãvo vẽsóg ki ũ mré nỹ ja nĩn kỹ tóg, há sĩ nỹ, ã tỹ fi mỹ: ha tĩg, hen kỹ. Kỹ fi mén tỹ fi fón kỹ fi tỹ prũg sór tũg nĩ gé. Ã prũ tũ fi vẽ, fi mén tỹ fi fón ja nĩn kỹ,” he tóg, Jesus ti.
23398	MAT 7:13	“Ũ tỹ inh ki rã mũ vỹ, jãnkã sĩ fĩn rãm sór ri ke nĩ. Fĩn rãm jé ẽg tóg, vãsãn tĩ. Jãnkã mág vỹ nĩ gé. Fĩn rãm há ti nĩ, ti mág nĩn kỹ. Hã kỹ ũ tỹ hẽn ri ke ag vỹ fĩn rãm tĩ. Hã ra ũ tỹ fĩn rãm mũ ẽn ag vỹ, kãgter pẽ han ke mũ, nũgme ki vár kỹ.
23462	MAT 9:14	Kỹ João Batista mré mũ tĩ ag tóg, Jesus tá junjun kỹ ti mỹ: “ẽg hã ne tóg vãkrég tĩ', Fariseu mré ke ag ke gé. Ẽg jãvo ã mré mũ tĩ ag tóg vãkrég tũ nĩgtĩ. Hẽ ri ken kỹ?“ he ag tóg.
23463	MAT 9:15	Kỹ tóg ag mỹ: “hỹ,” he mũ. “Vẽnh kyprũg venh kãmũ mũ ag pijé vãkrég tĩ',” he tóg. “Fénhta vẽ mỹr, kỹ ũn prũg mũ ẽn mré ke ag tóg ti venh kãmũ tĩ. Hã ra sóg, ũn prũg mũ ẽn ri ke nĩ, hã kỹ tóg inh mré mũ tĩ ag mỹ sér tĩ ver,” he tóg. “Vãhã tóg jun, inh kurã ti, ag tỹ inh pére mũnh ke ti. Ẽn kã hã ag tóg vãkrenh ke mũ,” he tóg.
23489	MAT 10:3	Filipe ke gé, Bartolomeu ke gé, Tomé ke gé, Mateus ke gé, governo mỹ jãnkamy mãg tĩ ja ẽn ti, Tiago ũ ke gé, Alfeu kósin tag ti, Tadeu ke gé,
23499	MAT 10:13	Fag tỹ ãjag mỹ vĩ há han kỹ fag tóg, krĩ kuprã nỹtĩnh mũ. Fag tỹ ãjag mỹ vĩ há han tũ nĩn kỹ fag tóg, krĩ kuprã nỹtĩnh ke tũ nĩ. Fag jãvo ãjag tóg, krĩ kuprã nỹtĩnh mũ.
23504	MAT 10:18	Fóg tỹ pã'i mág mỹ ag tóg, ãjag ven ke mũ, pã'i mág ũ ag mỹ ke gé. Isugrĩn ãjag tóg, vẽnh jagtar tag venh ke mũ, ãjag tỹ ag mỹ inh vĩ ti tó jé, fóg ag kar mỹ, kanhgág ag kar mỹ ke gé.
23596	MAT 12:38	Kỹ Topẽ vĩ to ẽg kanhrãn tĩ ũ ag tóg Fariseu ũ ag mré Jesus mỹ: “Senhor, ẽg tỹ ã tỹ milagre ũ han venh há tóg tĩ,” he mũ.
23605	MAT 12:47	Kỹ ũ tóg ti mỹ tónh kãtĩ mũ. “Ã mỹnh fi vỹ re tá jẽ, ã jãvy ag mré. Fag tỹ ã mré vẽmén ke nẽji,” he tóg, Jesus mỹ.
23669	MAT 14:3	Herodes vỹ João se ja nĩ, Herodias fi tugnĩn. Ti jãvy tỹ Filipe prũ ja fi vẽ, hã ra tóg fi tỹ prũg mũ, Herodes ti. Hã kỹ João tóg ti mỹ:
23670	MAT 14:4	“ã hã ne tóg, ã mré ke prũ fi tỹ prũg mũ',” he ja nĩ. “Fi ki ã tóg Topẽ vĩ mranh mũ,” he tóg, João ti, Herodes mỹ.
23711	MAT 15:9	“Fagrĩnh mỹ ag tóg iso grĩnhgrĩnh ke tĩ, hã ra ag tóg ẽprã ke ag jykre to: Topẽ tỹ tón hã vẽ, he tĩ,” he ja tóg nĩgtĩ, Isaías ti. Ki hã tóg tó ja nĩ, ãjag to, ãjag jykre régre nỹtĩn kỹ,” he tóg, Jesus ti.
23747	MAT 16:6	Kỹ Jesus tóg tag to ag kanhrãn mũ. “Fariseu mré Saduceu ag tỹ fermento há kamẽg nĩ,” he tóg mũ.
23752	MAT 16:11	Kỹ tóg ag mỹ: “kỹ inh vĩ to jykrén nĩ,” he mũ. “Ẽmĩ tó tũ sóg nĩ. Fermento pẽ tó tũ sóg nĩ gé. To jykrén há han nĩ, ha mẽ. Fariseu mré Saduceu ag tỹ fermento há kamẽg nĩ,” he tóg, Jesus ti.
23753	MAT 16:12	Kỹ ag tóg vãhã to jykrén há han mũ sir. Ti tỹ fermento pẽ tó pijé'. Ti tỹ Fariseu mré Saduceu ag jykre tó ja vẽ. Ag jykre régre nỹtĩ hã to tóg: “ẽn kamẽg nĩ,” he ja nĩ, Jesus ti.
23754	MAT 16:13	Kỹ Jesus tóg ẽmã tỹ Cesaréia Filipe ra tĩ mũ. Kỹ tóg ag mỹ: “tỹ sóg ẽprã ke fi kósin nĩ. Kỹ ag iso hẽ ri ke tĩ?“ he mũ.
23792	MAT 17:23	Ag tỹ isén ke vẽ. Ag tỹ isén kar kỹ sóg hã ra rĩr mãn mũ, kurã tãgtũ tũg kỹ,” he tóg. Ag tỹ ti vĩ tag mẽ kỹ tóg ag mỹ e tãvĩ tĩ sir. Fe kaj ag tóg mũ sir, ti mré mũ tĩ ag.
23835	MAT 19:4	Kỹ tóg ag mỹ: “Topẽ vĩ rá ki vem nĩ,” he mũ. “Ki tóg rán kỹ nĩ, Topẽ tỹ nén han mũ ti. Ti tỹ nén kar han ve ki tóg ti mré fi han. Hã kỹ tóg tag tó mũ, ha mẽ. “Hã kỹ ũn gré tóg ti prũ fi to ti panh tovãnh kỹ tĩg mũ, ti mỹnh fi tovãnh kỹ ke gé. Ti prũ fi mré tóg tĩnh mũ. Fi mré tóg tỹ ũn pir nĩ sir, ti prũ fi mré,” he tóg, Topẽ ti.
23837	MAT 19:6	Hã kỹ fag tóg tỹ ũn pir nỹtĩ. Fag pijé tỹ ũn régre nỹtĩ'. Hã kỹ fag tỹ vẽnh kãpãm tũg nĩ. Topẽ tỹ fag tỹ ũn pir han vẽ mỹr,” he tóg.
23846	MAT 19:15	Kỹ tóg ag mẽgmẽ kãn mũ sir, ti nĩgé tỹ. Fag mẽgmẽ kãn kar kỹ tóg tá kãkutẽ mũ sir.
23897	MAT 21:2	“ẽmã ẽn ra mũjẽg, ẽg jo ẽmã nĩ ẽn ra,” he mũ. “Tá ãjag tóg burrica fi venh mũ. Se kỹ fi jẽ. Fi kósin vỹ fi mré jẽ nĩ. Ẽn fi kavãn kỹ fi pére kãmũm nĩ.
23902	MAT 21:7	Fi pére ag tóg kãmũ mũ, fi kósin mré. Kỹ ag tóg ag kur tỹ fi kri vãm mũ, kỹ tóg kri nĩ mũ.
23914	MAT 21:19	Kỹ tóg ka tỹ figueira vég mũ sir, kỹ tóg ra tĩ mũ, ti kanẽ ko jé. Hã ra tóg kanẽ tũ jẽ. Féj tãvĩ tóg jẽ, kỹ tóg ti mỹ vĩ mũ. “Kanẽn mãn ke tũ ã nĩ ha,” he tóg mũ. Kỹ tóg tóg mũ sir vẽsỹmér, ka ti.
23975	MAT 22:34	Kỹ Fariseu ag tóg mẽg mũ, Jesus tỹ Saduceu ag mỹ vĩ há han ja ti, kỹ ag tỹ ti mỹ kafãn ke tóg tũ tĩ sir.
23982	MAT 22:41	Kỹ Jesus tóg Fariseu ag mỹ:
23988	MAT 23:1	Kỹ Jesus tóg vyr mỹ Fariseu ag mré vẽmén kar kỹ vãhã vẽnh kar kanhrãn mũ sir. Kỹ tóg ag mỹ:
23993	MAT 23:6	Fénhta ki ag tóg jẽn vén sór tĩ. Vẽnh kanhrãn jafã krẽm ag tóg vẽnh kãpóv kỹ nỹtĩ.
24000	MAT 23:13	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ũ ag tóg ũ tỹ kanhkã tá nĩ ẽn tỹ tỹ ẽg pã'i nĩ ve sór nỹtĩ, hã ra ãjag tóg ag mỹ kanhkã ti nenh tĩ. Ag jãvo ãjag tóg, ve sór tũ nĩgtĩ,” he tóg.
24001	MAT 23:14	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ãjag ne tóg ũn mén ter ja fag tũ mãn kãn tĩ'. Kar kỹ ãjag tóg ón kỹ Topẽ mré vĩ téj han mũgtĩ, ẽg tỹ ãjag to: “há ag nỹtĩ,” he jé. Hã kỹ Topẽ vỹ, ãjag vóg kónãn kãfór han ke mũ,” he tóg.
24002	MAT 23:15	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ãjag ne tóg kuvar há ra mũ tĩ', ga mĩ, goj mĩ ke gé, ãjag tỹ ũ tỹ Israel ag jykre han sór mũ ũ jãvãnh jé. Ãjag tỹ ũ ven kỹ ãjag tóg ti tỹ Japo krẽ han mũ sir, ti tỹ ón kỹ Topẽ vĩ mẽ jé, ãjag ri ke, ti tỹ ãjag mré nũgme ki kutẽ jé. Kỹ ti jykre pãno vỹ ãjag jykre pãno kãfór nỹ sir,” he tóg, Jesus ti.
24010	MAT 23:23	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Krĩ régre ãjag nỹtĩ, kỹ Topẽ vỹ ãjag ve kónãn,” he tóg. “Ón kỹ ãjag tóg, Topẽ mỹ ãjag jakré ki dízimo vin tĩ. Ãjag jakré tỹ hortelã tỹ 10 (ke) nỹtĩn kỹ ãjag tóg Topẽ mỹ ũn pir nĩm tĩ, ãjag jakré tỹ erva doce tỹ ke gé, ãjag jakré tỹ cominho tỹ ke gé. Há ti nĩ vẽ. Hã ra ãjag tóg, ti tỹ ẽg jyvẽn mũ ẽn han tũ nĩgtĩ. Vẽjykre kuryj han tũ ãjag tóg nĩgtĩ. Ũn jagtar ag jagãgtãn tũ ãjag tóg nĩgtĩ. Topẽ vĩ kri fig tũ ãjag tóg nĩgtĩ. Ãjag tỹ ti vĩ ki króm mré hã ãjag jakré ki dízimo vin ra tóg, há tĩ vẽ, ha mẽ. Hã ra ãjag tóg ki króm sór tũ nĩgtĩ.
24012	MAT 23:25	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Krĩ régre ãjag nỹtĩ, kỹ Topẽ vỹ ãjag ve kónãn,” he tóg. “Kópa venja kupég ãjag tóg tĩ, pénky venja, hã ra tóg kã tá kavéj nĩ. Kỹ ãjag ge nỹgtĩ gé. Jykre há nỹtĩ ve ãjag tóg nỹtĩ gé, hã ra ãjag tóg vẽjykre pãno han tĩ, hã vỹ: jãnkamy to ag lograr he tĩ, he mũ, ãjag prũ tũ fag mré nỹ tĩ, he mũ gé.
24013	MAT 23:26	Kyvó ãjag nỹtĩ, ãjag tỹ tỹ Fariseu nỹtĩ ra. Ãjag jykre pãno tovãnh nĩ, ãjag jãnhkri nỹtĩ jé. Kỹ vãhã vẽnh kar vỹ, ãjag jykre há venh mũ,” he tóg.
24014	MAT 23:27	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Krĩ régre ãjag nỹtĩ, kỹ Topẽ vỹ, ãjag ve kónãn,” he tóg. “Vẽnh kej sĩnvĩ ri ke ãjag nỹtĩ. Sĩnvĩ nĩ ve ti nĩ, vẽnh kej ti, ẽg tỹ pó tỹ kri tam kỹ, kar tinta tỹ to tĩn kỹ. Ti sĩnvĩ nĩ ve ra tóg ti kã tá kórég nĩ. Vẽser vỹ krẽm nỹ nĩ, vẽser vag mũ ti, ti kuka.
24016	MAT 23:29	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Krĩ régre ãjag nỹtĩ, kỹ Topẽ vỹ ãjag ve kónãn,” he tóg. “Ãjag jógjóg ag vỹ Topẽ vĩ tó tĩ ag kãgtén ja nĩgtĩ. Jãvo ãjag tóg ag kej sĩnvĩ han tĩ, ũn jykre kuryj ja ag kej ti.
24024	MAT 23:37	Kỹ tóg Jerusalém ki ke ag to vẽmén mũ. Fe kaj han kỹ tóg: “Topẽ vĩ tó tĩ ag kãgtén ag tóg tĩ, pó tỹ ag pin kỹ,” he mũ. “Isỹ ag vẽnh mãn há tóg tĩ vẽ, isỹ ag ki rĩr jé, hã kỹ sóg ag jé prẽr tỹ hẽn ri ke han mũ. Garĩnh fi vỹ fi krẽ kri jẽ nĩ. Fi tỹ ag vẽsỹrénh tũ nĩ jé ke vẽ. Ẽn ri ke han sór sóg mũ vẽ, hã ra ag tóg ke jãvãnh nỹtĩ.
24081	MAT 25:4	Fag jãvo ũn jykre há fag vỹ vyrmỹ tỹ ki mĩn jafã ma mũ mũ.
24087	MAT 25:10	Kỹ fag tóg mũ mũ. Fag gunja tá tóg jun mũ sir, ũn prũg mũ ti. Kỹ fag tóg ti mré mũ mũ sir, ũn lampião gru nỹtĩ fag. Tá junjun kỹ ag tóg jãnkã ti nĩfénh mũ sir, ũn jykre kórég fag jy.
24135	MAT 26:12	Fi tỹ inh kãn vẽ, ag tỹ vẽnh kej tá inh fón ke jo, hã jé fi tóg, ger há tag tỹ inh kri kujẽg mũ.
24160	MAT 26:37	Kỹ tóg Pedro mré Zebedeu krẽ ag mỹ: “inh mré kãmũ jẽg,” he mũ. Fe kaj tóg nĩ sir. Mũmẽg tóg mũ gé.
24198	MAT 26:75	Kỹ Pedro tóg Jesus vĩ ja ẽn to jykrén mũ, ti tỹ ti mỹ: “iso ã tóg: ti ki kagtĩg sóg nĩ, he tãgtũ han ke mũ, galo kyr ke to hã,” he ja ẽn mĩ. Kỹ Pedro tóg mĩ ẽkrén kỹ tá kãkutẽ mũ sir. Fỹ jagy han tóg mũ sir.
24254	MAT 27:56	Fag kã ũ fi vỹ tỹ Maria Madalena fi nĩ, jo ũ fi tóg tỹ Maria fi nĩ gé, José mré Tiago mỹnh fi. Kỹ ũ fi vỹ tỹ Zebedeu krẽ ag mỹnh fi nĩ gé. Fag mré ke ũ fag vỹ tá nỹtĩ gé.
24272	MAT 28:8	Kỹ fag tóg, ti kej tá kãpa kỹ fũrũrũn mũ mũ sir. Fag mỹ tóg e tĩ. Ge ra tóg fag mỹ sér pẽ tĩ, hã kỹ fag tóg pétẽ mũ sir, fag tỹ Jesus mré mũ tĩ ag mỹ tó jé.
24273	MAT 28:9	Fag mũ ra Jesus tóg, fag kato tẽ mũ', kỹ tóg fag mỹ: “mỹ sér nỹtĩm nĩ,” he mũ. Vãhã fag tóg, ti to grẽn ke mũ sir. Ti pẽn kãgmĩg fag tóg mũ, kỹ fag tóg, ti krẽm mũg ke mũ gé.
24275	MAT 28:11	Fag mũn kỹ porisa tỹ Jesus kej ki rir mũ ẽn ag tóg, ẽmã ra mũ mũ. Tá junjun kỹ ag tóg, Topẽ tũ to pã'i ag mỹ tó kãn mũ, ag tỹ nén vég mũ ẽn ti. Kỹ tóg ag mỹ e tĩ.
24345	MRK 2:16	Hã ra Topẽ vĩ to ẽg kanhrãn tĩ ũ ag vỹ tỹ Fariseu nỹtĩ gé. Jesus vég ag tóg mũ, ti tỹ Topẽ vĩ mranh tĩ ag mré jẽn kỹ. Kỹ ag tóg ti mré mũ tĩ ag mỹ: “ti ne tóg ũn jykre pãno ag mré jẽg mũ',” he mũ.
24347	MRK 2:18	Kejẽn João mré mũ tĩ ag tóg vãkrég mũ, Fariseu ag ke gé. Jẽg tũ ag nĩ, ag tỹ Topẽ mỹ há nỹtĩ jé. Kỹ ag tóg Jesus mỹ: “João mré mũ tĩ ag vỹ tóg vãkrég mũ, Fariseu mré mũ tĩ ag ke gé,” he mũ. “Jo ã mré mũ tĩ ag ne tóg vãkrég tũ nĩ',” he ag tóg.
24348	MRK 2:19	Kỹ tóg ag mỹ: “vẽnh kyprũg venh kãmũ mũ ag pijé vãkrég tĩ',” he mũ. “Fénhta vẽ mỹr, vẽnh kyprũg ti, kỹ ũn prũg mũ ẽn mré ke ag tóg ti venh kãmũ tĩ. Ge ti nĩ, inh mré mũ tĩ ag mỹ. Isỹ ag mré nĩn kỹ tóg ver ag mỹ sér tĩ.
24350	MRK 2:21	“Fag pijé vãfe kygnej tũ tỹ kur si jar ki hynhan tĩ'. Fag tỹ ũn kygnej tũ tỹ ki hynhan kỹ tóg jaran kenh mũ. Kỹ kur si jar ẽn tóg mág mũ sir. Ũn kygnej hã tỹ fag tóg ki hynhan tĩ, kỹ tóg jaran ke tũ nĩgtĩ,” he tóg, ti jykre tãg to.
24353	MRK 2:24	Kỹ Fariseu ũ ag tóg Jesus mỹ: “ha vé, ag tỹ ne jé vẽnhkán ke kurã ki ag tỹ nén han ke tũ han nẽ?“ he mũ.
24362	MRK 3:5	Kỹ tóg jũ mũ sir. Fe kaj tóg nĩ sir, ag krĩ tũ nỹtĩn kỹ. “Ã nĩgé tỹ krỹg' hé,” he tóg ti mỹ. Kỹ tóg há' he mũ sir, vãhã.
24363	MRK 3:6	Kỹ vãhã Fariseu ag tóg mũ mũ sir, jagnẽ mré ti to jykrén jé, pã'i mág tỹ Herodes mré ke ag mré ke gé. “Ẽg hỹn hẽ ri ken kỹ ti tén mũ?“ he ag tóg mũ.
24375	MRK 3:18	André ke gé, Filipe ke gé, Bartolomeu ke gé, Mateus ke gé, Tomé ke gé, Tiago ke gé, Alfeu kósin tag ti, Tadeu ke gé, Simão ke gé, ag tỹ ũ to: Zelote, he mũ tag ti,
24389	MRK 3:32	Jesus pénĩn tóg fór tĩ, kỹ tóg ti mỹ: “ã mỹnh fi vỹ re tá jẽ, ã jãvy ag mré. Fag tỹ ã mré vẽmén sór vẽ,” he mũ.
24472	MRK 5:39	“ãjag tỹ ne jé kygfỹ nẽ,” he mũ. “Ãjag tỹ ne jé vẽsỹrénh nẽ? Ter tũ fi nĩ. Fi nũr vẽ,” he tóg. Ũn vẽsỹrénh jagy han mũ ẽn fag mỹ tóg ke mũ.
24474	MRK 5:41	Fi nĩgé kãgmĩ kỹ tóg fi mỹ: “talitá cumi,” he mũ. Ẽg vĩ ki ke, hã vỹ: “nĩ ra, jỹ,” he mũ.
24493	MRK 6:17	Herodes vỹ João se ja nĩ, vẽse ja kã ki tóg ti fón ja nĩ, Herodias fi tugrĩn. Tỹ fi Filipe prũ fi nĩ, ti jãvy, hã ra tóg fi tỹ prũg mũ.
24498	MRK 6:22	Fénhta ẽn ki fi kósin tytãg fi tóg ag mỹ vẽnh grén mũ, kỹ fi tóg Herodes ag mỹ sĩnvĩ tãvĩ jẽ. Kỹ tóg fi mỹ: “ã tỹ nén to vĩ mũ tỹ sóg ã mỹ nĩm mũ,” he mũ.
24499	MRK 6:23	Fi mỹ tóg: “sỹ ke há vẽ,” he mũ. “Ã tỹ nén to vĩ mũ kar nĩm jé sóg ke mũ, isỹ nén kar kuju mré hã,” he tóg.
24533	MRK 7:1	Kejẽn Fariseu ag tóg Jesus to vẽnhmãn mũ, Topẽ vĩ to ẽg kanhrãn tĩ ag mré. Jerusalém tá ag kãmũ ja nĩ.
24535	MRK 7:3	Fariseu ag tóg nĩgpe kar kỹ tỹ jẽg tĩ, ag tỹ Judeu ag si ag jykre han kỹ.
24537	MRK 7:5	Kỹ Fariseu ag tóg Jesus mỹ: “ã mré mũ tĩ ag tỹ hẽ ri ken kỹ ẽg si ag jykre han tũ nĩ nẽ? Ag tỹ ne jé ag nĩgé to tỹ kó he tũ ra jẽn nẽ?“ he mũ.
24539	MRK 7:7	Fagrĩnh mỹ ag tóg iso grĩnh ke tĩ, hã ra ag tóg ẽprã ke ag jykre to: Topẽ tỹ tón hã vẽ, he tĩ,” he ja tóg nĩgtĩ, Isaías ti,” he tóg, Jesus ti. “Hã ra tóg ãjag to ki hã tó ja nĩ, ãjag jykre régre nỹtĩn kỹ.
24557	MRK 7:25	Kỹ vẽsỹmér fóg ũ fi tóg kãtĩ mũ. Fi kósin fi vỹ jagrẽ kórég nĩ. Kỹ fi tóg ti krẽm mũg ke mũ, ti tỹ fi mỹ fi kósin fi jagrẽ kórég ẽn kutẽm jé.
24558	MRK 7:26	Hã ra fi tóg Grego vĩ hã tó tĩ. Ga tỹ Siro-Fenícia tá ke fi vẽ. Ti mỹ fi tóg to vĩ mãn', to vĩ mãn' he mũ.
24562	MRK 7:30	Kỹ fi tóg fi ĩn ra tĩ mũ sir. Fi tỹ tá jun mũ ra fi kósin fi tóg nỹ nĩ, kỹmỹ kri, hã ra fi jagrẽ kórég ẽn vỹ kutẽ ja nĩ.
24577	MRK 8:8	Kỹ ag tóg ko kãn mũ sir. Funfór ag tóg mũ. Hã ra tóg kén mũ sir. Kre tỹ 7 (ke) fãn tóg mũ, ti ke ẽn ti, ag tỹ génh kỹ.
24580	MRK 8:11	Kỹ Fariseu ag tóg ti tá junjun mũ, ón kỹ ti ki jẽmẽ jé. Kỹ ag tóg ti mỹ nén han vãnh to vĩ mũ, ti tỹ ag mỹ han jé. Ag tỹ ti jykre to: “Topẽ jykre mỹ vỹ?“ he sór vẽ.
24584	MRK 8:15	Hã ra tóg ag mỹ: “ha mẽ, Fariseu tỹ fermento há kamẽg nĩ. Herodes tỹ fermento há kamẽg nĩ gé,” he mũ.
24590	MRK 8:21	Kỹ tóg ag mỹ: “ge ra ãjag tóg ki kagtĩg nỹtĩ,” he mũ. Ti tỹ ag mỹ Fariseu ag jykre tó jan hã vẽ, Herodes jykre ti. Ag jykre hã to tóg: ag tỹ fermento há, he ja nĩ.
24596	MRK 8:27	Kỹ Jesus tóg ti mré mũ tĩ ag mré tĩg mãn mũ gé sir, ẽmã tỹ Cesaréia Filipe tá ga ra. Ẽpry jagma tĩg kỹ tóg ag mỹ:“ag iso hẽ ri ke tĩ?“ he mũ.
24610	MRK 9:3	Ti kur vỹ tóg kókov tãvĩ nĩ sir, kópréj. Fag tỹ kur kupri fa kỹ ti kupri kãfór tóg nĩ.
24659	MRK 10:2	Kỹ Fariseu ag tóg ti tá junjun mũ gé sir. Ag tỹ ón kỹ ti ki vẽnh prũ fón ke jẽmẽ sór vẽ. Kỹ ag tóg ti mỹ: “ẽg tỹ ẽg prũ fi mỹ: ha tĩg, he tag mỹ kórég nỹ'?“ he mũ.
24665	MRK 10:8	Fi mré tóg tỹ ũn pir nĩ sir, he ja tóg nĩ, Topẽ ti. Hã kỹ fag tóg tỹ ũn pir nỹtĩ. Fag pijé tỹ ũn régre nỹtĩ'.
24673	MRK 10:16	Kỹ tóg gĩr nunh jagma ti pẽ fón mũ sir. Ti nĩgé tỹ tóg ag mẽ kãn mũ sir. Fag to tóg Topẽ mré vĩ mũ sir.
24679	MRK 10:22	Kỹ Jesus vĩ tag tóg ti mỹ vẽnh mỹ tĩ. Fe kaj tĩ tóg mũ sir, ti tũ e nĩn kỹ.
24755	MRK 12:13	Hã ra ag tóg ti to Fariseu ũ ag jẽgnẽg mũ gé sir, pã'i tỹ Herodes mré ke ũ ag ke gé, ag tỹ ti vĩ to ti se jé.
24781	MRK 12:39	“Ẽg tỹ vẽnh kanhrãn jafã krẽm ag tóg vẽnh kãpãm kỹ nỹtĩgtĩ. Fénhta ki ag tóg jẽn vén tĩ, ag tỹ tỹ ũn mág nỹtĩn kỹ,” he tóg.
24782	MRK 12:40	“Hã ra ag tóg ũn mén ter ja fag tũ mãn kãn tĩ. Fag tũ mãn kãn kỹ ag tóg ón kỹ Topẽ mré vĩ mág han mũgtĩ, ẽg tỹ ag to: “ũn há vỹ tỹ ag nỹtĩ,” he jé. Hã to ag vẽsỹrénh mág tãvĩ han ke mũ,” he tóg, Jesus ti.
24785	MRK 12:43	Kỹ tóg ti mré mũ tĩ ag jé prẽr kỹ ag mỹ: “ve ra ha. Ũn riko tỹ vin kãfór han fi tóg, fi tũ sĩ hã ra,” he mũ. “Tỹ nén ũ tũ fi tóg nĩ. Fi mén vỹ hur ter.
24831	MRK 14:8	“Fi tỹ nén han sór mũ han fi tóg huri. Inh kãn fi tóg huri, vẽnh kej tá inh fón ke to.
24935	MRK 15:40	Kỹ ũn tỹtá fag tóg tá nỹtĩ gé. Kuvar há tá nỹtĩ kỹ fag tóg ti vég nỹtĩ nĩ. Fag kã ũ fi vỹ tỹ Maria Madalena fi nĩ, kỹ ũ fi tóg tỹ Salomé fi nĩ gé, kỹ ũ fi tóg tỹ Maria fi nĩ gé, José mré Tiago sĩ mỹnh tag fi.
24943	MRK 16:1	Vẽnhkán ke kurã tũg kỹ, kuty ẽn kã fag tóg nén ger há mãg mũ. Maria Madalena fi vẽ, kar kỹ Salomé fi ke gé, kar kỹ Maria tỹ Tiago mỹnh fi ke gé. Fag tỹ ti fár ger há han sór vẽ.
24944	MRK 16:2	Tỹ vaj kỹ kusãg pẽ ki fag tóg ti kej ra mũ mũ. Fag mũ ki rã tóg jun ke kỹ sa nĩ. Semana kurã ve ki ke vẽ.
24946	MRK 16:4	Fag tỹ tá junjun mũ ra ti kej nĩfe tóg nor nĩ nĩ. Pó mág ẽn tóg tĩn kỹ nĩ nĩ.
24950	MRK 16:8	Kỹ fag tóg ti kej tá fũrũrũn kãpa mũ. Pétẽ fag tóg mũ mũ sir, fag mỹ e tĩn kỹ, fag tỹ jũrũn ke kỹ. Fag pijé ũ mỹ nén ũ tó mũ mỹr', fag kanẽ jur kỹ.
24975	LUK 1:13	Hã ra tóg ti mỹ: “inh kamẽg tũg nĩ,” he mũ. “Topẽ vỹ ã vĩ ẽn mẽ, kỹ tóg ã mỹ han ke mũ ha. Ã prũ fi kufyg jé ã tóg ke mũ, Isabel fi. vỹ kósin ke mũ. Fi tỹ ti ve kỹ tóg gré nỹnh mũ. Kỹ ã tỹ ti jijin kỹ ti mỹ: João, hem nĩ,” he tóg.
24989	LUK 1:27	Tá tytãg ũ fi tóg nĩ nĩ. Ũn mén ja tũ fi vẽ. Fi jiji hã vỹ: Maria, he mũ. Fi mén ke vỹ tỹ José nĩ. Davi krẽ'krẽ ũ vẽ, José ti.
24990	LUK 1:28	Fi hã mỹ tóg vẽnh ven mũ sir. Kỹ tóg fi mỹ: “ã mỹ há?” he mũ. “Topẽ vỹ ã jagãgtãn, kỹ tóg ã ve há han mũ,” he tóg mũ.
24991	LUK 1:29	Fi tỹ ti ve kỹ fi tóg jũrũn ke mũ. Ti vĩ tóg fi mỹ e tĩ. “Ti tỹ ne tó nẽ, hỹn?” he fi tóg mũ.