23234	MAT 1:21	Gré ti nỹnh mũ, ha vem nĩ. Kỹ ti mỹ: Jesus, hem nĩ. Ãjag krenkren han jé tóg ke mũ, ãjag tỹ Topẽ vĩ mranh mũ ra,” he tóg.
23260	MAT 2:22	Tá junjun kỹ fag tóg pã'i mág tãg jiji jẽmẽg mũ. Hã ra tóg tỹ Arquelau nĩ. Herodes kósin vẽ. Ti panh ri kén tóg tỹ pã'i mág nĩ, ga tỹ Judéia tá. Kỹ tóg ti kamẽg mũ. Kỹ Topẽ tóg ti vẽnh péti kỹ ti mỹ: “ga tỹ Judéia tá nĩ mãn sór tũg,” he mũ. Kỹ tóg ga tỹ Galiléia ra tĩ mũ sir.
23274	MAT 3:13	Ẽn kã kejẽn Jesus tóg João tá jun mũ gé sir, goj tỹ Jordão tá. Ga tỹ Galiléia tá tóg kãtĩ mũ. Kỹ tóg João mỹ: “ha inh kypé,” he mũ sir.
23290	MAT 4:12	Kejẽn ag tóg João ség mũ sir, kỹ Jesus tóg mẽg mũ. Kỹ tóg ga tỹ Galiléia ra vỹn ke mãn mũ.
23293	MAT 4:15	“Zebulom ag jamã tá ti nĩnh mũ, Naftali ag jamã tá, goj nig mág tá, goj tỹ Jordão mã tá. Fóg ag jamã tá ti nĩnh mũ, Israel tũ ag jamã tá, ũ tỹ Topẽ ki kagtĩg ag jamã tá, goj nig mág tỹ Galiléia fyr ki.
23295	MAT 4:17	Ga ẽn tá nĩ kỹ tóg, ag mỹ Topẽ vĩ tó mũ, kỹ tóg ag mỹ: “ãjag jykre pãno tovãnh ra,” he mũ, “ãjag tỹ ũri ũ tỹ kanhkã tá nĩ ẽn tỹ tỹ ẽg pã'i nĩ ve jé,” he tóg, Jesus ti.
23296	MAT 4:18	Kỹ tóg kejẽn, goj nig mág tỹ Galiléia ẽn fyr jagma tĩ mũ. Kỹ tóg tá ũn régre ag vég mũ, hã vỹ: Simão Pedro mré ti jãvy tỹ André, he mũ. Kur tỹ pirã kugmĩ jafã tỹ ag tóg, goj kã ki fón mũ. Ag rãnhrãj hã vẽ.
23301	MAT 4:23	Kỹ Jesus tóg, ga tỹ Galiléia kar mĩ tĩ mũ sir, ag mré. Judeu ag vẽnh kanhrãn jafã krẽm tóg ag kanhrãn mũ. Ag mỹ tóg Topẽ vĩ sér tó mũ, ũ tỹ kanhkã tá nĩ ẽn tỹ tỹ ẽg pã'i nĩ tĩ. Ũn kagyga kar ag hynhan tóg, fag kar ke gé, gĩr kar ke gé.
23303	MAT 4:25	Hã kỹ ũn tỹ hẽn ri ke ag tóg, ti mré mũ mũ sir. Ũ ag tóg, ga tỹ Galiléia tá kãmũ mũ, kỹ ũ ag tóg, ẽmã tỹ Decápolis tá kãmũ mũ gé, Jerusalém tá ke gé, ga tỹ Judéia tá ke gé, goj tỹ Jordão mã tá ke gé.
23315	MAT 5:12	Mỹ sér nỹtĩm nĩ, krĩ kuprã nỹtĩm nĩ. Kanhkã tá ãjag tóg nén há kar venh ke mũ, vẽnh kato. Ge ja ag tóg nĩgtĩ gé vãsỹ, Topẽ vĩ tó tĩ ag mỹ, ãjag jo ke ag mỹ. Ag ri kén ãjag tóg tag venh ke mũ,” he tóg, Jesus ti.
23317	MAT 5:14	“Ga kri mũn kỹ ãjag tóg, jẽngrẽ ri ke nỹtĩ, ãjag tỹ vẽjykre há han kỹ, ag tỹ ãjag ki Topẽ jykre há ve jé. Ẽmã mág tỹ pãnónh kri nỹn kỹ tóg kuvar há tá ve há nĩgtĩ. Ti pijé vẽnh péju kỹ nỹ'.
23319	MAT 5:16	Gem nĩ, néj gru ri ke nỹtĩm nĩ. Topẽ jykre han nĩ, vẽnh kar tỹ ãjag jykre há ve jé. Kỹ ag tóg, Topẽ mỹ vĩ há han ke mũ, ẽg jóg tỹ kanhkã tá nĩ ẽn mỹ,” he tóg, Jesus ti.
23370	MAT 6:19	“Ga kri mũn kỹ rikon ke to vãsãn sór tũg nĩ. Ga vỹ ãjag tỹ nén kar konh ke mũ. Kỹ ãjag jãnkamy vỹ vẽso jãgfanh ke mũ gé sir. Kỹ ag tóg pigju kỹ ma mũnh ke mũ gé sir, ãjag tỹ nén ti, ti e nĩn kỹ.
23374	MAT 6:23	Ti kórég nĩn kỹ tóg, ẽg mỹ kuty tĩnh mũ. kỹ kuty tag vỹ kuty kar kãfór nĩ. Ge ti nĩ, ẽg jykre kórég nĩn kỹ. Ẽg kanẽ kórég ri ke ti nĩ,” he tóg, Jesus ti.
23377	MAT 6:26	Sẽsĩ to jykrén nĩ. Ag mỹ ẽkrãn tĩ? Vó. Ag mỹ pãjó krẽm vin tĩ? Vó. Ge ra ẽg jóg tỹ kanhkã tá nĩ ẽn tóg ag ki rĩr nĩ nĩ. Ãjag mỹ jẽsĩ kãfór tũ nỹtĩ', Topẽ mỹ'? Vó, sẽsĩ kãfór ãjag tóg nỹtĩ.
23380	MAT 6:29	Ge ra tóg sĩnvĩ nỹtĩ, ka fej ti, pã'i mág tỹ Salomão kur sĩnvĩ kãfór, ti tỹ ẽprã ke ag kur sĩnvĩ kãfór ja ra. Ki hã sóg tó mũ mỹr.
23396	MAT 7:11	Jykre pãno ãjag nỹtĩ. Ge ra ãjag tóg ãjag krẽ mỹ nén ũ há vin tĩ. Ge ti nĩ gé, ãjag tỹ Topẽ mỹ nén ũ to vĩn kỹ. Nén ũ há tãvĩ hã vin jé tóg ke mũ. Hã ra tóg ãjag kãfór han tĩ, ẽg jóg tỹ kanhkã tá nĩ ẽn ti,” he tóg, Jesus ti.
23405	MAT 7:20	Ge ag nỹtĩ, ón kỹ Topẽ vĩ tó tĩ ag. Ag tỹ Topẽ vĩ mranh mũ ra ag tóg, ón kỹ Topẽ vĩ tó tĩ. Ag tỹ nén han mũ ki ẽg tóg, ag jykre kórég vég mũ, fag ke gé“ he tóg, Jesus ti.
23410	MAT 7:25	Kejẽn ta tóg kutẽ mũ, kỹ goj vỹ var mũ sir. Kóho jũ vỹ kãtĩ mũ gé, ĩn to, hã ra tóg kutẽ tũ nĩ sir, ĩn ti. Pãró kri tóg nỹtĩ, ti nũna ti, hã kỹ tóg kutẽ tũ nĩ. Ge ti nĩ, ãjag tỹ inh vĩ kri fi kỹ.
23412	MAT 7:27	Kejẽn ta tóg kutẽ mũ, kỹ goj vỹ var mũ sir. Kóho jũ vỹ kãtĩ mũ gé, ĩn to, kỹ ĩn tóg vom ke tére kỹ kutẽ mũ sir. Mráj kãn tóg mũ sir, ĩn ti. Ge ti nĩ, ãjag tỹ inh vĩ kri fig tũ nĩn kỹ,” he tóg, Jesus ti.
23424	MAT 8:10	Kỹ tóg ti mỹ e tĩ. Kỹ tóg ti mré mũ ag mỹ: “ha mẽ, Israel ag vỹ ti ri ke tũ nỹtĩ,” he mũ. “Ki kanhró tóg nĩ mỹr, kỹ tóg inh ki rã kỹ jẽ. Ge ve ja tũ sóg nĩ,” he tóg.
23432	MAT 8:18	Kejẽn ag tóg, Jesus pénĩn e nỹtĩ, fag ke gé, hã kỹ tóg ti mré mũ tĩ ag mỹ: “mũ jé ha,” he mũ. “Goj kafã ũ ra ẽg tóg mũnh mũ,” he tóg.
23442	MAT 8:28	Kỹ Jesus tóg ti mré mũ tĩ ag mré fĩn rãm kỹ kafã ũ tá jun mũ sir, Gadara tá. Kỹ ũn régre ag tóg ti kato tẽgtẽ mũ, ũn jagrẽ kórég ag. Vẽnh kej tá ag tóg kãmũ mũ. Ag jamã vẽ, vẽnh kej ti. Jũgjũ mẽ ag tóg nỹtĩ, kỹ ũ ag tóg hẽn ra mũ vãnh nỹtĩ, ag kamẽg kỹ.
23457	MAT 9:9	Kỹ Jesus tóg ti jamã tá kã kutẽ kỹ tĩ mũ sir. Kỹ tóg Mateus vég mũ. Governo mỹ tóg jãnkamy mãg tĩ, imposto kaja ti, kỹ tóg ti rãnhrãj han nĩ nĩ. Kỹ tóg ti mỹ: “inh mré kãtĩg,” he mũ. Kỹ tóg jẽgnẽ kỹ ti mré tĩ mũ sir.
23481	MAT 9:33	Kỹ Jesus tóg, ti jagrẽ kórég kutẽm mũ sir. Kỹ tóg vĩ há' he mũ sir. Kỹ tóg vẽnh kar mỹ e tĩ. “Ge ve ja tũ ẽg tóg nỹtĩ, ẽg povo kar kãmĩ,” he ag tóg mũ.
23485	MAT 9:37	Kỹ tóg ti mré mũ tĩ ag mỹ: “sỹ ag ve kỹ sóg ẽg jakré mĩ ẽkrég tĩ,” he mũ. “Ti éhé nỹn kỹ ẽg tóg kejẽn kre kãn tũ nĩgtĩ, ẽg pir nỹtĩn kỹ. Ge ti nĩgtĩ. Ũn e ag tóg inh ki ge sór mũ, hã ra ũ tỹ ag mỹ tónh ke tóg tũ tĩ,” he tóg.
23501	MAT 10:15	Ha mẽ, ki hã sóg tó mũ. Kurã tỹ ẽgno kã, isỹ vẽnh kar jykre tugnỹm ke kurã ẽn kã ag tóg, jagtar nỹtĩnh mũ sir, ag tỹ ãjag vĩ mẽ jãvãnh nỹtĩn kỹ. Ẽmã tỹ Sodoma mré ẽmã tỹ Gomorra tá ke ag tóg jykre pãno nỹtĩ ja nĩgtĩ. Kỹ ag tóg jagtar nỹtĩnh ke mũ gé. Hã ra ũn tỹ ãjag vĩ jẽmẽ jãvãnh ẽn ag tóg ag jagtar kãfór han ke mũ mỹr, ha vem nĩ,” he tóg.
23512	MAT 10:26	“Ge ra ag kamẽg tũg nĩ, pã'i ag. Ẽg tỹ vẽnh péju kỹ nén han mũ tóg vẽnh ven kãn ke mũ. Ẽg tỹ vẽnh kar vatánh tá nén to jykrén mũ tóg vẽnh ven kãn ke mũ gé.
23539	MAT 11:11	Ki hã sóg tó mũ, ha mẽ. Ẽprã ke ag kãfór kar ti nĩ, Topẽ vĩ tón ki. Ge ra ũ tỹ Topẽ tỹ tỹ ẽg pã'i nĩ vég mũ ag vỹ ti kãfór nỹtĩnh mũ, ag kãsir nỹtĩ ra,” he tóg.
23544	MAT 11:16	“Ũri ãjag ge nỹtĩ gé, ha mẽ. Gĩr ri ke ãjag nỹtĩ. Gĩr ag vỹ, jagnẽ mré kanhinnhir mũgtĩ. Kỹ ag tóg kejẽn jagnẽ to jũgjũ tĩ gé.
23546	MAT 11:18	Gĩr tag ag ri ke ãjag nỹtĩ, João to, iso ke gé. João vỹ vãkre ja nĩgtĩ, jẽg tũ, kron tũ ke gé. Kỹ ãjag tóg ti to: jagrẽ kórég ti nĩ, he ja nĩgtĩ, ti vãkre to.
23584	MAT 12:26	Ge ti nĩ gé. Nén-Kórég tỹ Nén-Kórég ũ kutẽm kỹ tóg Nén-Kórég ag tỹ jagnẽ kato tẽgtẽ han mũ sir. Kỹ ag tóg jagnẽ tỹ tũ' henh ke mũ gé, Nén Kórég ag.
23587	MAT 12:29	“Ẽg tỹ ũn jũ mẽ tũ mãn sór kỹ ẽg tóg ti se vén tĩ, ke tũ nĩ mũ ra tóg ti tũ ki rĩr ke mũ. Ẽg tỹ ti se kar kỹ hã ẽg tóg ti tũ mãn ke mũ sir,” he tóg. “Ge ti nĩgtĩ, sỹ nén han mũ ti. Japo vỹ tar nĩ. Hã ra sóg hur ti sé, hã kỹ sóg ti tũ ag kygvãn ke mũ sir. Ag jagrẽ kórég pan jé sóg ke mũ gé,” he tóg.
23591	MAT 12:33	“Ẽg tỹ ka kanẽ ko há krãn kỹ ti kanẽ vỹ, ko há nĩ, ẽg tỹ ka kanẽ ko vãnh krãn kỹ ti kanẽ vỹ, ko kórég nĩ gé. Ẽg tỹ ti kanẽ ve kỹ ẽg tóg: “ũn kanẽ ko vãnh ja vẽ,” he tĩ. Ge ti nĩgtĩ, ẽg jykre ti. Ũn jykre há tóg há nĩ, jãvo ũn jykre kórég tóg kórég nĩ gé.
23598	MAT 12:40	Jonas ẽn vỹ, goj tãn nug kã kã nĩ ja nĩgtĩ, kurã tãgtũ ki. Tag ri ke ve jé sóg ke mũ gé. Ga krẽm sóg nỹnh mũ, kurã tãgtũ ki. Tỹ sóg ẽprã ke fi kósin nĩ,” he tóg.
23601	MAT 12:43	Kỹ tóg: “kejẽn sóg ũ ki vẽjagrẽ kórég kutẽm mũ,” he mũ. “Kỹ tóg ga kórég ra tĩ mũ, ti jagrẽ ẽn ti. Goj venh ke tũ tóg nĩ, tá. Vẽnhkán ke tũ tóg nĩ gé, ti tỹ hẽ ri ken kỹ vẽnhkán ke tũ tĩn kỹ.
23613	MAT 13:5	Ti fy ũ tóg, pãró kri krãn kỹ nĩ, ga e tũ ki. Ge ra tóg kãnhmar mur mũ vẽ, ga sĩ ẽn ki.
23625	MAT 13:17	Ha mẽ, vãsỹ ke tỹ hẽn ri ke ag vỹ, inh ve sór e ja nĩgtĩ, ãjag tỹ ũri vég mũ tag ti. Hã ra ag tóg inh kãtĩg ke jo kãgter kãn. Topẽ vĩ tó tĩ ag vẽ. Jykre kuryj ja ag nỹtĩ. Ge ra ag tóg inh ve ja tũ nĩgtĩ. Ãjag hã ne inh vĩ mẽg mũ', inhhã',” he tóg, Jesus ti, ti mré mũ tĩ ag mỹ.
23646	MAT 13:38	“Ga hã to sóg: ẽpỹ, he mũ. Kỹ inh jakré vỹ tỹ, Topẽ krẽ ag ri ke nỹtĩ, kỹ vãnh vỹ tỹ, Nén-Kórég krẽ ag ri ke nỹtĩ gé.
23656	MAT 13:48	Goj ki fón kar kỹ ẽg tóg nỹgnỹn tĩ sir, kỹ ẽg tóg, pirã mré kãkufár gég tĩ. Génh kỹ ẽg tóg, ũn mág hã kuprẽg tĩ, ma mũ jé. Ũn kãsir ẽn tugvãnh ẽg tóg tĩ.
23657	MAT 13:49	Ge ti nĩnh mũ, kurã tỹ ẽgno kã. Topẽ tỹ jẽgnẽ jafã ag tóg, ũn jykre kuryj ag kuprẽg ke mũ, Topẽ mỹ.
23700	MAT 14:34	Kỹ ag tóg kafã ũ tá junjun mũ sir, ga tỹ Genesaré tá.
23724	MAT 15:22	Ti tỹ tá jun kỹ fóg ũ fi tóg ti venh kãtĩ mũ. Ga tỹ Canaã tá ke fi vẽ. Kỹ fi tóg Jesus tá jun kỹ prẽr mũ. “!..Senhor, Davi krẽ'krẽ..!“ he fi tóg. “!..Inh jagãgtãn ra..!“ he fi tóg. “!..Inh kósin fi vỹ jagrẽ kórég tãvĩ nĩ, inh mỹ tóg ã tỹ fi mỹ kutẽm há tĩ..!“ he fi tóg, prẽr kỹ.
23727	MAT 15:25	Ge ra fi tóg ti tá jun mũ sir. Ti krẽm fi tóg grĩnh ke mũ. Kỹ fi tóg ti mỹ: “Senhor,” he mũ. “Ã mỹ inh jagãgtãn ke tũ?“ he fi tóg.
23731	MAT 15:29	Kỹ Jesus tóg ẽmã ẽn tá kãkutẽ kỹ goj nig mág tỹ Galiléia ẽn fyr jagma tĩ mũ. Kỹ tóg krĩ to tãpry kỹ tá nĩ mũ.
23791	MAT 17:22	Kejẽn ag tóg ga tỹ Galiléia tá nỹtĩ. Kỹ Jesus tóg ag mỹ: “ẽprã ke fi kósin vỹ jagtar nĩnh mũ. Inh hã vẽ,” he mãn mũ. “Ẽprã ke ag vỹ ag tỹ inh ki nén han sór mũ ẽn han ke mũ.
23800	MAT 18:4	“Gĩr pijé ũn sanh kãfór nĩ sór tĩ'. Hã kỹ jagnẽ kãfór nĩ sór tũg nĩ. Ũn sĩ vỹ tỹ inh nĩ, gĩr ri ke, hem nĩ, ãjag tỹ kar kỹ tỹ ũn mág nỹtĩ jé, Topẽ tỹ tỹ ẽg pã'i nĩn kỹ.
23832	MAT 19:1	Kỹ Jesus tóg ag mỹ tó kãn ja nĩ, ti tỹ nén tó sór mũ ti. Kỹ tóg Galiléia tá kãkutẽ kỹ goj tỹ Jordão mãra tĩ mũ sir. Israel ag jamã ũ vẽ gé.
23845	MAT 19:14	Hã ra Jesus tóg ag mỹ: “vĩ tũg nĩ, gĩr ag mỹ. Gĩr fag tỹ iso kãmũ kamẽg tũg nĩ,” he mũ. “Ũ tỹ ge hã vỹ ũ tỹ kanhkã tá nĩ ẽn tỹ tỹ pã'i nĩ ẽn krẽm nỹtĩ nĩ,” he tóg.
23906	MAT 21:11	Kỹ ag tóg ag mỹ: “Topẽ vĩ tó tĩ ẽn vẽ,” he mũ. “Jesus vẽ, Nazaré tá ke ẽn vẽ, Galiléia tá ke ẽn,” he ag tóg mũ sir.
23910	MAT 21:15	Hã ra Topẽ tũ ki rĩr tĩ ag tóg tá nỹtĩ, Topẽ vĩ to ẽg kanhrãn tĩ ag ke gé. Ti tỹ ag tỹ há' he vég ag tóg mũ. Gĩr ag vĩ mẽg ag tóg mũ gé. Topẽ ĩn krẽm ag tóg nỹtĩ, gĩr ag, kỹ ag tóg Jesus mỹ prẽnprẽr mũ. “!..Viva, Davi krẽ'krẽ..!“ he ag tóg mũ, prẽnprẽr kỹ. Kỹ pã'i ag tóg ti to jũgjũ mũ.
23927	MAT 21:32	João vỹ ãjag mỹ Topẽ vĩ tó ja nĩgtĩ, ãjag tỹ ti jykre kuryj jagma mũ jé. Hã ra ãjag tóg ti vĩ kri nĩm ja tũ nĩ. Ãjag jãvo ũ tỹ governo mỹ jãnkamy mãg tĩ ag vỹ ti vĩ kri fi ja nĩ, ũn mén tũ fag ke gé. Tag ve ãjag mỹr. Ge ra ãjag tóg ãjag jykre tovãnh tũ nĩ. João vĩ kri nĩm tũ ãjag nĩ,” he tóg.
23946	MAT 22:5	Ge ra ag tóg kãmũ sór tũ nĩ. Ũ tóg ti japỹ ra tĩ mũ, jó ũ tóg ti tỹ nén han sór mũ nón tĩ mũ gé, pã'i ẽn to é he kỹ.
23955	MAT 22:14	Ge ti nĩ. Ũ tỹ hẽn ri ke tóg mẽgmẽg mũ, hã ra tóg pipir nỹtĩ, ũn kuprẽg kỹ nỹtĩ ag, ũ tỹ to jykrén há han mũ ag,” he tóg, Jesus ti.
24024	MAT 23:37	Kỹ tóg Jerusalém ki ke ag to vẽmén mũ. Fe kaj han kỹ tóg: “Topẽ vĩ tó tĩ ag kãgtén ag tóg tĩ, pó tỹ ag pin kỹ,” he mũ. “Isỹ ag vẽnh mãn há tóg tĩ vẽ, isỹ ag ki rĩr jé, hã kỹ sóg ag jé prẽr tỹ hẽn ri ke han mũ. Garĩnh fi vỹ fi krẽ kri jẽ nĩ. Fi tỹ ag vẽsỹrénh tũ nĩ jé ke vẽ. Ẽn ri ke han sór sóg mũ vẽ, hã ra ag tóg ke jãvãnh nỹtĩ.
24028	MAT 24:2	Kỹ tóg ag mỹ: “ãjag mỹ pó tỹ ĩn mág tag vigvég mũ'?“ he mũ. “Kejẽn pó tag tóg jagnẽ kri nỹtĩ mãn ke tũ nĩ. Gũm ke kãn jé tóg ke mũ. Ki hã sóg tó mũ,” he tóg
24033	MAT 24:7	Nação ag tỹ jagnẽ kato tẽgtẽnh ke vẽ, pã'i ag ke gé. Ũ tỹ hẽn ri ke ag tỹ, jagnẽ to jũnh ke vẽ gé. Ga tỹ ragra ke tỹ hẽn ri ke han ke vẽ, ẽmã tỹ hẽn ri ke mĩ. Vẽjẽn tỹ tũ' henh ke vẽ gé.
24065	MAT 24:39	Hã ra tóg ag mỹ tỹ nén ũ tũ tĩ, ti tỹ canoa kã ra rã ẽn ti. Kejẽn ta tóg kutẽ mũ, kỹ goj tóg var mũ sir. Kỹ ag tóg vãhã, kãgter kãn mũ sir. Ge ti nĩnh mũ, ẽprã ke fi kósin kãtĩg mãn kỹ mỹr.
24070	MAT 24:44	Ge ti nĩ, ẽprã fi kósin kãtĩg mãn ke ti. Ha vẽnh kãn, ha vẽnh ki ẽmẽ. Ãjag tỹ inh kãtĩg ke to jykrén tũ ra sóg kãtĩg ke mũ,” he tóg, Jesus ti.
24155	MAT 26:32	“Hã ra sóg iser kar kỹ rĩr mãn ke mũ. Ẽn kã sóg ãjag jo tĩg ke mũ, ga tỹ Galiléia ra,” he tóg.
24159	MAT 26:36	Kỹ Jesus tóg ag mré ka kré tá jun mũ sir. Ka kré jijin hã vỹ: Getsêmani, he mũ. Kỹ tóg ag mỹ: “ha ver nĩgnĩ, tag ki,” he mũ. “Sỹ ver Topẽ mré vĩnh ke vẽ, tãtá,” he tóg.
24191	MAT 26:68	“Cristo nẽji tỹ ã nĩ , kỹ ã nẽji nén kar ki kanhró nĩ,” he mũ. “Ũ nỹ ã tãnh?“ he tóg. Gen kỹ ag tóg ti to é he mũ.
24192	MAT 26:69	Hã ra Pedro vỹ, re tá nĩ nĩ, ĩn vãso kã. Kỹ pã'i camarada ũ fi tóg ti venh kãkutẽ kỹ ti mỹ: “Jesus mré ã tóg tĩ ja nĩ gé, Galiléia tá ke ẽn mré,” he mũ.
24231	MAT 27:33	Kỹ ag tóg, Gólgota tá junjun mũ sir. Gólgota to ẽg tóg: vẽnh krĩ kuka, he tĩ, ẽg vĩ ki.
24252	MAT 27:54	Hã ra capitão tóg, porisa ag mré Jesus ki rĩr jẽ nĩ. Ga tỹ ragra ke ẽn vég ag tóg mũ, nén kar ti, Jesus ter ẽn kã. Kỹ tóg ag mỹ e tĩ. Kỹ ag tóg: “Topẽ kósin ja vẽ mỹr,” he mũ.
24253	MAT 27:55	Kỹ ũn tỹtá fag vỹ, tá nỹtĩ gé, ũ tỹ hẽn ri ke fag. Kuvar há tá nỹtĩ kỹ fag tóg ti vég nỹtĩ nĩ. Ti mré fag tóg kãmũ ja nĩ, ga tỹ Galiléia tá. Ti ki fag tóg rĩr ja nĩgtĩ.
24271	MAT 28:7	Kuri, ha ti mré mũ tĩ ag mỹ tónh mũjẽg, ti rĩr mãn ti. Ha vé, ãjag jo tóg tĩg mũ, Galiléia ra. Tá ãjag tóg ti venh mũ, ha vem nĩ. Inh vĩ kã jatun tũg nĩ,” he tóg, Topẽ tỹ jẽnẽ jafã ti, ũ tỹtá fag mỹ.
24272	MAT 28:8	Kỹ fag tóg, ti kej tá kãpa kỹ fũrũrũn mũ mũ sir. Fag mỹ tóg e tĩ. Ge ra tóg fag mỹ sér pẽ tĩ, hã kỹ fag tóg pétẽ mũ sir, fag tỹ Jesus mré mũ tĩ ag mỹ tó jé.
24274	MAT 28:10	Kỹ Jesus tóg fag mỹ: “kamẽg tũg nĩ,” he mũ. “Ha mũjẽg, inh régre ag mỹ tó jé, ag tỹ ga tỹ Galiléia ra mũ jé. Tá ag tóg inh venh ke mũ,” he tóg.
24280	MAT 28:16	Kỹ ti mré mũ tĩ ag tóg, ga tỹ Galiléia ra mũ mũ, pãnónh ra, Jesus tỹ ag mỹ: “ẽn ra mũm nĩ,” he ja ẽn ra.
24292	MRK 1:8	“Goj hã tỹ sóg ãjag kygpenh ke mũ. Jãvo ũ tỹ inh nón kãtĩg ke mũ ẽn vỹ Topẽ kuprĩg tỹ ãjag jagrẽ han ke mũ. Ti tỹ ãjag kygpenh ken hã vẽ,” he tóg, vẽnh kar mỹ.
24293	MRK 1:9	Kejẽn Jesus tóg ẽmã tỹ Nazaré tá kãtĩ mũ, ga tỹ Galiléia tá. Kỹ tóg João tá jun mũ, kỹ João tóg ti kypég mũ sir, goj tỹ Jordão ki.
24298	MRK 1:14	Kejẽn ag tóg João ség mũ. Ag tỹ ti se kar kỹ Jesus tóg ga tỹ Galiléia ra tĩ mũ. Tá tóg ag mỹ Topẽ tỹ tỹ ẽg pã'i nĩnh ke kãmén mũ, vẽnh vĩ sér ẽn ti.
24300	MRK 1:16	Kejẽn tóg goj nig mág tỹ Galiléia ẽn fyr jagma tĩ mũ. Ti tĩ ra tóg Simão Pedro vég mũ, ti jãvy tỹ André ke gé. Pirã kugmĩ jafã tỹ ag tóg goj ki fón nỹtĩ nĩ, rede tỹ, ag tỹ pirã kugmĩ jé. Ag rãnhrãj hã vẽ.
24312	MRK 1:28	Kỹ ti kãme tóg vẽnh kar kri rũm mũ, Galiléia tá ke kar kri.
24323	MRK 1:39	Kỹ ag tóg ga tỹ Galiléia kar mĩ mũ mũ. Vẽnh kanhrãn jafã krẽm tóg ag mỹ Topẽ vĩ tó mũ sir. Ag jagrẽ kórég pan tóg mũ gé.
24329	MRK 1:45	Ge ra ũn kaga ja ẽn tóg vẽnh kar mỹ Jesus tỹ ti tỹ há' he tó mũ sir. Kỹ ti kãme ẽn vỹ vẽnh kar kri rũm mũ. Hã kỹ Jesus tóg ẽmã ũ ki vẽnh ven tũ nĩgtĩ. Ẽmã tũ mĩ tóg tĩgtĩ, hã ra ag tóg ẽmã kar tá ti to kãmũ tĩ.
24341	MRK 2:12	Kỹ tóg vãhã jẽgnẽ mũ sir. Ti kur gég tóg mũ sir, kỹ tóg ag rĩnve tĩg há han mũ sir, ũn kãnhgrĩn kỹ nỹ ja ẽn ti. Vẽnh kar mỹ tóg e tĩ, kỹ ag tóg Topẽ to: “ẽg jykre kãfór ti nĩ,” he mũ. “Ge ve ja tũ ẽg nỹtĩ,” he ag tóg mũ sir.
24342	MRK 2:13	Kỹ Jesus tóg tĩg mãn mũ, goj nig mág tỹ Galiléia ra. Kỹ vẽnh e ag tóg ti pénĩn vẽnh mãn mãn mũ sir. Kỹ tóg ag kanhrãn mũ, fag ke gé.
24343	MRK 2:14	Ti tĩg mãn kỹ tóg Levi vég mũ, Alfeu kósin. Hã ra tóg ti rãnhrãj han nĩ nĩ. Governo mỹ tóg imposto kaja mãg tĩ. Kỹ Jesus tóg ti mỹ: “inh mré kãtĩg,” he mũ. Kỹ tóg jẽgnẽ kỹ ti mré tĩ mũ sir.
24348	MRK 2:19	Kỹ tóg ag mỹ: “vẽnh kyprũg venh kãmũ mũ ag pijé vãkrég tĩ',” he mũ. “Fénhta vẽ mỹr, vẽnh kyprũg ti, kỹ ũn prũg mũ ẽn mré ke ag tóg ti venh kãmũ tĩ. Ge ti nĩ, inh mré mũ tĩ ag mỹ. Isỹ ag mré nĩn kỹ tóg ver ag mỹ sér tĩ.
24364	MRK 3:7	Hã ra Jesus tóg ti mré mũ tĩ ag mré goj nig mág tỹ Galiléia ra tĩ mũ, vẽnh e tũg ja ra. Ge ra vẽnh e ag tóg ti nón mũ mũ. Ga tỹ Galiléia tá ag tóg kãmũ mũ, ga tỹ Judéia tá ke gé,
24384	MRK 3:27	Ẽg tỹ ũ tar ĩn tá ti tỹ nén ũ péju sór kỹ ẽg tóg, ti se vén tĩ. Kar kỹ hã ẽg tóg ti tũ mãn ke mũ sir. Ge ti nĩgtĩ, sỹ nén han mũ ti. Japo vỹ tar nĩ, hã ra sóg hur ti sé. Hã kỹ sóg ti tũ ag kygvãg mũ sir. Ag jagrẽ kórég ẽn pan sóg mũ sir,” he tóg.
24393	MRK 4:1	Kejẽn Jesus tóg goj nig mág tỹ Galiléia fyr tá ag kanhrãn mãn mũ. Hã ra vẽnh e vỹ ti pénĩn nỹtĩ, vẽnh e tãvĩ, hã kỹ tóg canoa kã ra rã kỹ kã kã nĩ mũ. Hã ra vẽnh e vỹ nig fyr tá vẽnh mãn kỹ nỹtĩ.
24434	MRK 5:1	Kỹ ag tóg goj nig mág kafã ũ tá junjun mũ sir, Gerasa tá ke ag tá.
24529	MRK 6:53	Kỹ ag tóg canoa kã mĩ pa kỹ ga tỹ Genesaré tá junjun mũ. Tá ag tóg canoa nỹgnỹn mũ sir.
24543	MRK 7:11	Moisés jãvo ãjag tóg: “ã tỹ ã han mũ fag jagãgtãn sór tũ nĩn kỹ fag mỹ ón kỹ: “Topẽ tũ vẽ, isỹ nén ti,” hem nĩ,” he tĩ. Gen kỹ tóg fag jagãgtãn tũ nĩ. Ti tỹ fag to é he vẽ. Ãjag jykre kórég hã vẽ,” he tóg.
24545	MRK 7:13	Kỹ tóg ag mỹ: “Topẽ vĩ mranh ãjag tóg tĩ, ti jẽgja ki ãjag tóg ẽprã ke ag jykre hã ki króm sór tĩ. Ge tỹ hẽn ri ke han ãjag tóg tĩ, ón kỹ,” he mũ.
24556	MRK 7:24	Kỹ tóg tá kãkutẽ mũ sir, ẽmã tỹ Tiro ra tĩg jé, ẽmã tỹ Sidom ra ke gé. Tá tóg ĩn ũ krẽm rã mũ, kỹ tóg: “ker ũ inh nĩgja ki kanhrãn hẽ',” he mũ. Ge ra ag tóg ki kanhrãn mũ.
24558	MRK 7:26	Hã ra fi tóg Grego vĩ hã tó tĩ. Ga tỹ Siro-Fenícia tá ke fi vẽ. Ti mỹ fi tóg to vĩ mãn', to vĩ mãn' he mũ.
24563	MRK 7:31	Kỹ Jesus tóg ẽmã tỹ Tiro ki ga ki kutẽ mũ. Kỹ tóg ẽmã tỹ Sidom mĩ tĩ mũ gé sir. Ẽmã tỹ 10 (ke) fĩn rãm kỹ tóg ga tỹ Galiléia ki goj nig mág tá jun mũ sir.
24637	MRK 9:30	Kỹ ag tóg tá kãpa kỹ Galiléia mĩ mũ mũ. Kỹ tóg: “ker ũ ẽg tỹ mĩ mũ ki kanhrãn hẽ',” he mũ.
24644	MRK 9:37	“Gĩr tỹ ge ri ke nỹtĩm nĩ. Ãjag tỹ isugrĩn ũn sĩ to há nỹtĩn kỹ tóg inh mỹ há tĩ, kỹ ãjag tóg ũ tỹ ijẽnẽg mũ ẽn to há nỹtĩ gé sir. Tỹ ũn mág nĩ to ken hã vẽ,” he tóg.
24671	MRK 10:14	Kỹ tóg vég mũ, kỹ tóg ti mré mũ tĩ ag to jũ mũ. “Vĩ tũg nĩ, gĩr ag mỹ. Gĩr fag tỹ iso kãmũ kamẽg tũg nĩ. Ũ tỹ ge hã vỹ Topẽ krẽm nỹtĩ nĩ, ti tũ vỹ tỹ fag nỹtĩ',” he tóg.
24672	MRK 10:15	“Sỹ ke há vẽ. Gĩr ag vỹ iso hapẽ nỹtĩ. Ũn kãsir tag fag ri ke nỹtĩm nĩ. Ke tũ nĩ mũ ra ãjag tóg fag jãvo venh ke tũ pẽ nĩ,” he tóg.