24343	MRK 2:14	Ti tĩg mãn kỹ tóg Levi vég mũ, Alfeu kósin. Hã ra tóg ti rãnhrãj han nĩ nĩ. Governo mỹ tóg imposto kaja mãg tĩ. Kỹ Jesus tóg ti mỹ: “inh mré kãtĩg,” he mũ. Kỹ tóg jẽgnẽ kỹ ti mré tĩ mũ sir.
24963	LUK 1:1	Lucas tỹ rá vẽ. Sỹ ã mỹ rán vẽ, Teófilo'. Ũ tỹ hẽn ri ke ag tóg Jesus kãme rán huri.
25095	LUK 3:1	Kejẽn tóg Tibério tỹ Roma tá tỹ vẽnh kar kri pã'i mág pẽ nĩ kri 15 (ke) anos han mũ. Ẽn kã Pôncio Pilatos vỹ tỹ, ga tỹ Judéia kri pã'i tỹ governador nĩ. Kỹ Herodes vỹ tỹ Galiléia kri pã'i tỹ governador nĩ gé. Jo ti jãvy tỹ Filipe vỹ tỹ ga tỹ Ituréia tá pã'i tỹ governador nĩ gé, ga tỹ Traconites tá ke gé. Jãvo Lisânias vỹ tỹ ga tỹ Abilene tá tỹ pã'i tỹ governador nĩ.
25118	LUK 3:24	Matate, Levi, Melqui, Janai, José,
25123	LUK 3:29	Josué, Eliézer, Jorim, Matate, Levi,
25130	LUK 3:36	Cainã, Arpaxade, Sem, Noé, Lameque,
25188	LUK 5:12	Kỹ tóg kejẽn ẽmã ũ tá nĩ nĩ. Hã ra ũ tỹ vẽnh kaga kren vãnh han kỹ nĩ ũ tóg ti tá jun mũ. Lepra he mũ ẽn tóg ti kri rũm ke kãn ja nĩ. Jesus krẽm grĩnh ke kỹ tóg ti mỹ: “ã mỹ isỹ há' he sór tũ? To tar ã tóg nĩ,” he mũ.
25203	LUK 5:27	Kar kỹ tóg tĩg mãn mũ. Kỹ tóg ũ tỹ governo mỹ imposto kaja mãg tĩ vég mũ, ti jiji hã vỹ: Levi, he mũ. Ti rãnhrãj han tóg nĩ nĩ. Kỹ tóg ti mỹ: “inh mré kãtĩg,” he mũ.
25205	LUK 5:29	Kỹ Levi tóg ti mỹ fénhta mág han mũ. Kỹ ũ tỹ governo mỹ jãnkamỹ mãg tĩ ũ ag vỹ tá nỹtĩ gé, ag mré ke ũ ag ke gé.
25709	LUK 16:20	Kỹ ũn jagtar tóg nĩgtĩ gé. Ti jiji hã vỹ: Lázaro, he mũ. Vẽnh kaga fugfo han vãnh ẽn han kỹ tóg nĩ, kỹ tóg nỹ nĩ, ũn riko ẽn ĩn jãnkã kã.
25712	LUK 16:23	Hã ra tóg nũgme ki kutẽ mũ, ti kuprĩg ti. Inferno tá ti vẽsỹrénh jagy han mũ sir. Kejẽn tóg kanhkã ki ẽvãnh mũ, kỹ tóg tá Abraão vég mũ, Lázaro ke gé, kuvar há tá.
25713	LUK 16:24	Kỹ tóg ag mỹ prẽr mũ. “!..Ijóg'..! !..Abraão'..!” he tóg. “!..Ijagãgtãn ra..!” he tóg. “Lázaro jẽnẽ ra, ti tỹ ti nĩjuja junun mrãn kỹ inh nũnẽ mrãn sĩ han jé. Inh mỹ tóg rỹjgy tãvĩ tĩ, pĩ kã ki,” he tóg.
25714	LUK 16:25	Kỹ Abraão tóg ti mỹ: “inh kósin,” he mũ. “Ã tỹ ga kri tĩ ja ẽn ki ẽkré. Tá ã tóg há tĩ ja nĩgtĩ, jãvo Lázaro tóg jagtar ja nĩgtĩ. Kỹ tóg tag ki há tĩ nĩ, jo ã tóg vẽsỹrénh jẽ nĩ, ã tỹ ti jagãgtãn ja tũ nĩn kỹ.
25716	LUK 16:27	Kỹ ũn riko ja tóg ti mỹ: “kỹ sóg ã mỹ nén ũ tó sór mũ, ha mẽ,” he mũ. “Ã mỹ inh jóg ĩn ra Lazaro jẽnẽnh ke tũ? Tá inh mré ke ag vỹ nỹtĩ.
25748	LUK 17:28	Ló tỹ ga mĩ tĩg ki tóg hã ri ke pẽ ja nĩ gé. Jẽn ja ag tóg nĩgtĩ gé. Kronkron ja ag tóg nĩgtĩ gé. Nén vẽne he ja ag tóg nĩgtĩ gé. Ẽkrãn ja ag tóg nĩgtĩ gé. Ðn hynhan ja ag tóg nĩgtĩ gé.
25749	LUK 17:29	Ẽn kã Ló tóg kejẽn ẽmã tỹ Sodoma tá kãkutẽ ja nĩ, kỹ pĩ tóg kanhkã tá kãtére ja nĩ, ẽmã ẽn kri, pó tỹ enxofre nĩja ke gé. Kỹ ẽn tóg ag kãgtén kãn ja nĩ. Topẽ tỹ ag vóg kónãn ke to jykrén ja tũ ag tóg nĩgtĩ.
25752	LUK 17:32	Ló prũ fi to jykrén nĩ, ãjag tỹ fi tỹ vẽsỹjãm ẽvãnh ẽn ri ke han tũ nĩ jé.
26132	JHN 1:19	Kejẽn Judeu ag pã'i ag vỹ João mỹ vẽnh vĩ jẽnẽg mũ. Topẽ tũ ki rĩr tĩ ag jẽgnẽg ag tóg mũ, Levi krẽ'krẽ ag mré, ag tỹ ti mỹ: “ũ nỹ tỹ ã nĩ?“ he jé.
26593	JHN 11:1	Kejẽn ũ tỹ Jesus to há ũ tóg kaga nỹ nĩ, ẽmã tỹ Betânia tá. Ti jijin hã vỹ: Lázaro, he mũ. Ti ve fi vỹ tỹ Maria fi nĩ, Marta fi ke gé. Betânia tá fag ẽmã nỹtĩ gé.
26597	JHN 11:5	Jesus vỹ Marta fi to há tãvĩ nĩ, fi jãvy fi to ke gé, Lázaro to ke gé.
26598	JHN 11:6	Hã ra Jesus tóg, ti tỹ Lázaro kaga mẽg mũ ra ver ti venh tĩ tũ nĩ. Ti tỹ hẽ tá nĩ ẽn tá tóg ver kurã régre han.
26603	JHN 11:11	Kỹ tóg ag mỹ: “ũ tỹ ẽg to há nĩ ẽn vỹ nũr nỹ, Lázaro ti,” he mũ. “Isỹ ti tỹ mrin ke han tĩg ke nẽ ha,” he tóg.
26609	JHN 11:17	Kỹ ag tóg Betânia tá junjun mũ. Hã ra Lázaro vỹ vẽnh kej tá nỹ nĩ. Kurã tỹ 4 (ke) vẽ sir, ag tỹ vẽnh kej tá ti fón ja kri.
26635	JHN 11:43	Kỹ tóg jamã há ra prẽr mũ. “!..Lázaro, kuneg..!“ he tóg.
26650	JHN 12:1	Fénhta tỹ Páscoa to hã ke vẽ sir, kurã tỹ 6 (ke) vỹ jy nỹ ha. Kỹ Jesus tóg Betânia ra tĩg mãn mũ, Lázaro jamã ra, ũn rĩr mãn mũ ẽn jamã ra.
26651	JHN 12:2	Tá fag tóg Jesus mỹ fénhta han mũ. Kỹ Marta fi tóg vẽjẽn ki rĩr mũ. Lázaro vỹ Jesus mré nĩ nĩ, mesa to.
26658	JHN 12:9	Kỹ Judeu tỹ hẽn ri ke ag vỹ mẽg mũ, Jesus tỹ Betânia tá nĩ ti, kỹ ag tóg ti venh kãmũ mũ. Hã ra ag tóg Lázaro ve sór mũ gé, ũn rĩr mãn mũ ẽn ti.
26659	JHN 12:10	Pã'i ag tóg Lázaro tén sór mũ gé sir.
26660	JHN 12:11	Judeu tỹ hẽn ri ke ag vỹ Jesus ki ge kỹ nỹtĩ, ti tỹ Lázaro rĩn mãn ja tugrĩn, hã kỹ ag tóg ti tén sór mũ.
26666	JHN 12:17	Ũ tỹ Jesus mỹ prẽnprẽr mũ ag kã mĩ ũ ag tóg Lázaro ve ja nĩ, Jesus tỹ ti rĩn mãn kỹ. Ti tỹ vẽnh kej kã kã nỹ ra Jesus tóg ti jé prẽr kỹ ti rĩn mãn ja nĩ. Ũ tỹ tag vég mũ ẽn ag vỹ jagnẽ mỹ kãmén mũ sir.
26913	JHN 19:19	Hã ra Pilatos tóg Jesus to vẽnh rá han ja nĩ, kỹ ag tóg ti krĩg mỹ vẽnh rá ẽn sa ja nĩ, hã vỹ: “Nazaré tá Jesus vẽ, Judeu ag pã'i tỹ rei vẽ,” he mũ, vẽnh rán ki. Hebreu vĩ ki tóg rán kỹ nĩ, Latim vĩ ki ke gé, Grego vĩ ki ke gé.
26993	ACT 1:1	Teófilo, inh Livro ve ki sóg ã mỹ Jesus tỹ nén han mũ kar tó ja nĩ, ti tỹ nén han vén mũ ẽn ti, ti tỹ nén han rén ẽn ti ke gé. Ti tỹ ẽg kanhrãn mũ ẽn rán sóg huri ke gé.
27028	ACT 2:10	Frígia tá, Panfília tá, Egito tá, ga tỹ Líbia tá, ẽmã tỹ Cirene ẽn mã tá. Ũ ag tóg ẽmã tỹ Roma tá kãmũ mũ gé.
27127	ACT 4:36	Kỹ ũ tóg nĩ gé, ti jiji hã vỹ: José, he mũ. Jesus tỹ ũn vin mũ ag tóg ti to: Barnabé, he tĩ. Levi krẽ'krẽ ũ vẽ. Goj vãso tỹ Chipre tá ke vẽ.
27317	ACT 9:32	Kejẽn Pedro tóg vẽnh kar ag vigvenh tĩ mũ. Kỹ tóg ẽmã tỹ Lida ra tĩ mũ gé, tá Topẽ tũ ag vigve jé.
27320	ACT 9:35	Kỹ tóg vẽsỹmér jẽgnẽ mũ. Kỹ Lida tá ke kar ag vỹ ti vég mũ, ẽmã tỹ Sarona tá ke kar ag ke gé. Kỹ ag tóg ti ve kỹ Jesus ki ge mũ gé sir.
27323	ACT 9:38	Jo Jope tóg Lida to hã nĩ, hã ra Pedro tóg Lida tá nĩ nĩ. Kỹ Jope tá ke ag tóg ti ki kanhró nỹtĩ. Kỹ ag tóg ũn régre ag jẽgnẽg mũ, ag tỹ ti mỹ: “kur kãtĩg mẽ han,” he jé.
27432	ACT 13:1	Antioquia tá ũ ag tóg nỹtĩ, Topẽ vĩ tó tĩ ũ ag, Jesus jykre tỹ vẽnh kanhrãn nỹtĩ ag ke gé. Kỹ ũ jijin hã vỹ: Barnabé, he mũ, kar ũ jijin hã vỹ: Simão Negro, he mũ. Ũ tóg tỹ Lúcio nĩ, Cirene tá ke tag ti. Kỹ ũ tóg tỹ Manaém nĩ, pã'i tỹ Herodes mré mog mũ tag ti. Kỹ ũ tóg tỹ Saulo nĩ gé.
27489	ACT 14:6	Hã ra Paulo ag tóg mẽg mũ, kỹ ag tóg ẽmã tỹ Listra ra mũ mũ, ẽmã tỹ Derbe ra ke gé. Ẽmã tỹ Licaônia rã hã ẽmã ag vẽ.
27491	ACT 14:8	Listra tá ke ũ tóg nĩ nĩ, ũn tĩg vãnh. Ti pẽn vỹ kãnhgrĩ nỹtĩ. Ge tóg nĩ, ti mur mũn kã.
27494	ACT 14:11	Kỹ tóg vẽnh kar ẽn mỹ e tĩ, ag tỹ Paulo tỹ nén han mũ ven kỹ. Kỹ ag tóg ag vĩ ki jagnẽ mỹ ke mũ, vĩ tỹ Licaônica he mũn ki. Jamã há ra ag tóg: “topẽ ag vỹ ẽg ki junjun,” he mũ. “Ẽg ri ke ag nỹtĩ, topẽ ag,” he ag tóg, Paulo ag to.
27504	ACT 14:21	Tá ag tóg Jesus kãme sér tó mũ gé. Kỹ ũ tỹ hẽn ri ke ag tóg Jesus ki ge mũ sir, fag mré hã. Kar kỹ ag tóg ẽmã tỹ Listra ra vỹnvỹn ke mũ, ẽmã tỹ Icônio ra ke gé, Antioquia ra ke gé, ag tỹ hẽ tá kãmũ ja ẽn ra.
27553	ACT 16:1	Kỹ Paulo ag tóg ẽmã tỹ Derbe tá junjun mũ, ẽmã tỹ Listra tá ke gé. Hã ra ũ tóg tá nĩ nĩ, Jesus mré ke ũ, ti jiji hã vỹ: Timóteo, he mũ. Ti mỹnh fi tóg tỹ Judeu nĩ', hã ra fi tóg Jesus ki rã ja nĩgtĩ. Ti panh tóg tỹ fóg nĩ.
27554	ACT 16:2	Kỹ Listra tá Jesus mré ke ag tóg Timóteo to vĩ há han mũ, Icônio tá ke ag ke gé.
27566	ACT 16:14	Tá ũ fi tóg nĩ nĩ, fi jiji hã vỹ: Lídia, he mũ. Kur kósóg vẽne he fi tóg nĩ nĩ. Tỹ fi tóg ẽmã tỹ Tiatira tá ke nĩ. Topẽ kamẽg fi tóg tĩ. Ẽn fi vỹ Paulo vĩ mẽg mũ sir. Kỹ Topẽ tóg fi mỹ krĩ há nĩm mũ, kỹ fi tóg Paulo vĩ jẽmẽ kỹ Jesus ki rã mũ.
27592	ACT 16:40	Ag tỹ vẽse ja ki pa kỹ ag tóg Lídia fi ĩn ra mũ mũ sir. Jesus mré ke ag vég ag tóg mũ. Kỹ ag tóg ag jyvẽn mũ. Kar kỹ ag tóg ẽmã ẽn ki pa mũ sir.
27828	ACT 23:26	“Cláudio Lísias tỹ rá vẽ,” he mũ. “Isỹ Governador tỹ Félix mỹ rán hã vẽ, ã tỹ inh kãfór nĩn kỹ. Ã mỹ sóg: ã mỹ há? he mũ.
27844	ACT 24:7	“Hã ra Lísias tóg kãtĩ mũ, soldado ag pã'i mág ẽn ti. Kỹ tóg ẽg kuju ki ti kãgmĩ kỹ ti tỹ hãn ke mũ, jũ kỹ,” he tóg.
27859	ACT 24:22	Kỹ Félix tóg kurã ũ kã ti ve mãn sór mũ. Jesus jykre ki kanhró tóg nĩ. Hã kỹ tóg: “pã'i tỹ Lísias kãtĩg kỹ sóg ãjag ki jẽmẽ kãn mũ,” he mũ.
27928	ACT 27:5	Kỹ ẽg tóg goj kafã tũ kã mĩ mũ mũ, ga tỹ Cilícia fyr to, ga tỹ Panfília fyr to ke gé. Kỹ ẽg tóg ẽmã tỹ Mirra tá junjun mũ sir, ga tỹ Lícia tá.
27931	ACT 27:8	Creta fyr to hã tĩg tóg jagy tĩ. Kỹ ẽg tóg vãhã komẽr hã “canoa sag ja há” he mũ tá junjun mũ. Ẽmã ũ vỹ tá kakó nĩ, ti jiji hã vỹ: Laséia, he mũ.
27940	ACT 27:17	Vãhã ag tóg ti kãtãnfyn mũ. Kar ag tóg canoa mág tógfĩg mũ, ti tỹ vãm ke tũ nĩ jé. Hã ra ag tóg rỹnhrỹj kamẽg mũ, rỹnhrỹj tỹ Sirte he mũ ẽn. Ga tỹ Líbia fyr tá ti nỹ. Hã kỹ ag tóg kur tỹ canoa kri sa ẽn kunũg mũ sir, kãka tỹ ti tĩn tũ nĩ jé.
28425	ROM 16:21	Inh mré Topẽ rãnhrãj han mũ tỹ Timóteo vỹ ãjag mĩ ẽkrég tĩ gé, Lúcio ti ke gé, Jasão ke gé, Sosípatro ke gé, inh kanhkã ag.
29562	COL 2:1	Ha vé, ãjag jagfy sóg vẽnh rãnhrãj mág pẽ to vãsãn tĩ, Laodicéia tá ke ag jagfy ke gé, ũ tỹ inh ve ja tũ ag jagfy ke gé.
29622	COL 4:13	Ãjag hã ki tóg ẽkrég tĩ, tag vég sóg tĩ. Kỹ tóg Laodicéia tá ke ag mĩ ẽkrég tĩ gé, Hierápolis tá ke ag mĩ ke gé.
29623	COL 4:14	Lucas vỹ ãjag mĩ ẽkrég tĩ gé, médico ẽn ti, ũ tỹ ẽg to há tãvĩ ẽn ti, kar kỹ Demas ti ke gé.
29624	COL 4:15	Laodicéia tá ẽg régre ag mỹ tóm nĩ, sỹ ag mĩ ẽkrég mũ ti. Ninfa fi mĩ sóg ẽkrég tĩ gé, fi ĩn tá vẽnh mãn jafã ẽn ki.
29625	COL 4:16	Ãjag tỹ vẽnh rán tag to ke kar kỹ Laodicéia tá Topẽ ki ge kỹ nỹtĩ ag mỹ jẽnẽm nĩ. Kỹ tá ke ag tũ to kem nĩ gé, vẽnh kato, sỹ ag mỹ carta jẽnẽg mũ ti.
29881	2TI 1:5	Jesus ki rã há han kỹ ã tóg nĩ, ã vóvó tỹ Lóide fi ri ke, ã mỹnh tỹ Eunice fi ri ke. Ki kanhró sóg nĩ.
29931	2TI 3:11	Ag tỹ inh vóg kónãn ve ja ã nĩ gé, isỹ nén ũ jagy vég tĩ ẽn ti. Inh vóg kónãn tỹ hẽn ri ke han ja ag tóg nĩ, Antioquia tá, Icônio tá, Listra tá ke gé. Ter kren pẽ han inh, tá. Hã ra ẽg Senhor tóg ijy nĩgãn.
29948	2TI 4:11	Lucas vỹ inhhã inh mré nĩ nĩ. Marcos pére kãtĩg, ti tỹ inh rãnhrãj han jé. Tag to tóg tar nĩ.
29958	2TI 4:21	Kur kãtĩg mẽ han, kusa tá krỹg tũg ki. Êubulo vỹ ã mĩ ẽkrég tĩ, Prudente ti ke gé, Lino ti ke gé, Cláudia fi ke gé, ẽg régre kar ag mré hã.
30029	PHM 1:24	Marcos vỹ ãjag mĩ ẽkrég tĩ gé, Aristarco ti ke gé, Demas ti ke gé, Lucas ti ke gé. Inh mré ag tóg rãnhrãj mũgtĩ, tag ag.
30110	HEB 5:13	Gĩr kãsir ri ke ãjag nỹtĩ, ãjag tỹ Jesus kãme ẽn ki kanhrãn kãn tũ nĩn kỹ ver. Leite hã kron ag tóg tĩ, ag tỹ ver kãsir nỹtĩn kỹ.
30136	HEB 7:5	Ũ tỹ Israel ag kã mĩ dízimo mãg tĩ ag vỹ tỹ Levi krẽ nỹtĩ, ũ tỹ Topẽ tũ ki rĩr tĩ ẽn ag. Ag mré ke ag ki ag tóg dízimo ẽn mãg tĩ, ag kar tỹ tỹ Abraão krẽ'krẽ nỹtĩ ra.
30139	HEB 7:8	Levi krẽ'krẽ ẽn ag vỹ tỹ ẽprã ke nỹtĩ gé, ũ tỹ ag mré ke ki dízimo mãg tĩ ẽn ag. Hã ra Melquisedeque vỹ ter ja tũ nĩ nẽji, hã kỹ tóg rán kỹ nĩ, Topẽ vĩ ki. Ũn ter ke tũ ẽn vỹ Abraão ki dízimo mãn ja nĩ, hã vỹ: Melquisedeque, he mũ.
30140	HEB 7:9	Kỹ, Abraão tỹ ti mỹ dízimo nĩm ẽn kã tóg ti krẽ'krẽ tỹ Levi jagfy ti mỹ nĩm ja nĩ gé. Hã kỹ ag tóg ag mré ke ag ki dízimo vég' he ja nĩgtĩ gé sir.
30141	HEB 7:10	Abraão tỹ ti mỹ dízimo nĩm ẽn kã Levi vỹ, mur ja tũ nĩ ver, hã kỹ ti jógjóg ve tỹ Abraão vỹ ti jagfy dízimo nĩm ja nĩ. Nĩm kar kỹ tóg kejẽn Levi vovo han mũ sir, Melquisedeque tỹ ti mré vẽmén kar kỹ.
30142	HEB 7:11	Topẽ tỹ Levi krẽ'krẽ ag mỹ: “isũ ki rĩrm nĩ,” he mũ ẽn kã tóg ag mỹ tag to vẽjykre nĩm ja nĩgtĩ gé. Ag hã tỹ ki rĩr há han ke vẽ vẽ. Hã ra ag tóg ki rĩr kãn jã tũ nĩ. Hã kỹ Topẽ tóg ũ tỹ ki rĩr ke mũ ũ jẽnẽ ja nĩ, ũ tỹ Melquisedeque ri ke ẽn, hã vỹ: Jesus Cristo, he mũ. Ag tỹ ki rĩr há han ja nĩ ra Topẽ hỹn ti jẽnẽnh ke tũ nĩ vẽ.
30144	HEB 7:13	Hã kỹ tóg ki rĩr nĩ nĩ sir. Ti pijé tỹ, Levi krẽ'krẽ ag kã ũ nĩ'. Judá krẽ'krẽ ag kã ũ vỹ tỹ ti nĩ. Ge ra tóg Topẽ tũ ki rĩr mũ. Judá krẽ'krẽ ũ tóg ki rĩr ke tũ nĩ vẽ. Kỹ Moisés tóg, ag to nén ũ tó ja tũ nĩ gé, ti tỹ Topẽ tũ ki rĩr ke tag rán kỹ. Hã ra Jesus tóg Topẽ tũ ag ki rĩr jẽ. Topẽ tỹ ti mỹ vẽjykre tãg nĩm hã vẽ.
30146	HEB 7:15	Levi krẽ'krẽ ag vỹ, Topẽ rãnhrãj han kãn ki kagtĩg ja nỹtĩgtĩ. Hã kỹ Topẽ tóg, ti tũ ki rĩr ke mũ ũ jé prẽr, ũ tỹ Melquisedeque ri ke ẽn, hã vỹ: ẽg Senhor tỹ Jesus, he mũ.
30151	HEB 7:20	Moisés tỹ Levi krẽ'krẽ ag mỹ: “Topẽ tũ ki rĩrm nĩ,” he mũ ra tóg: “tũ' henh ke tũ ti nĩ, ãjag tỹ ki rĩr ti,” he ja tũ nĩ.
30574	2PE 2:7	Ẽmã ẽn tá ũn pir vỹ kren, hã vỹ: Ló, he mũ. Ẽn vỹ jykre há nĩ ja nĩgtĩ, kỹ ti mré ke ag jykre kórég vỹ ti mỹ e tĩ ja nĩgtĩ.
30575	2PE 2:8	Kurã kar ki tóg ag jykre pãno ve ja nĩgtĩ. Kỹ ti krĩ tóg kufy jagy nĩ ja nĩgtĩ, ti tỹ ag jykre kórég ve kỹ, ag vĩ kórég ke gé. Ẽn vỹ ti pir mỹ kren, Ló ti.
30776	REV 1:11	Kỹ tóg inh mỹ: “rán nĩ, ã tỹ nén vég mũ tag ti,” he ja nĩ. “Livro ki rán nĩ. Inh mré ke ag mỹ jẽnẽm nĩ, ẽmã tỹ Éfeso ra, ẽmã tỹ Esmirna ra, ẽmã tỹ Pérgamo ra, ẽmã tỹ Tiatira ra, ẽmã tỹ Sardes ra, ẽmã tỹ Filadélfia ra, ẽmã tỹ Laodicéia ra ke gé,” he ja tóg nĩ, vẽnh vĩ ẽn ti.
30828	REV 3:14	Kỹ tóg: “ũ tỹ ẽmã tỹ Laodicéia tá inh ki ge kỹ nỹtĩ ag ki rĩr mũ ẽn mỹ tag rán nĩ, ha mẽ,” he mũ gé. “Ũ tỹ ã mỹ vẽnh vĩ jẽnẽg mũ jijin hã vỹ: “ki hã tó tĩn hã vẽ,” he mũ, hem nĩ,” he tóg. “Ti hã tugrĩn Topẽ tóg nén ũ kar han ja nĩgtĩ, hem nĩ iso,” he tóg.
30836	REV 3:22	“Ũ nĩgrẽg nỹtĩ ag tỹ tỹ jẽmẽ jé, Topẽ kuprĩg vĩ ti. Ũ tỹ inh ki ge kỹ nỹtĩ ag hã mỹ tóg tónh ke mũ,” he tóg, ũ tỹ tỹ ẽprã ke nĩ ve ẽn ti. Ti tỹ ẽmã tỹ Laodicéia tá ke ag mỹ vẽnh vĩ jẽnẽg mũn hã vẽ.
30848	REV 5:1	Kỹ sóg livro vég mũ. Livro ẽn vỹ grĩn kỹ nỹ. Ũ tỹ nĩgja sĩnvĩ kri nĩ ẽn vỹ livro ẽn mãn kỹ nĩ nĩ, ti pẽgja tỹ. Kã tá tóg rán kỹ nĩ, ti ven ja tá ke gé. Tógfĩn kỹ tóg nĩ nĩ, livro ti. Tógfĩn ja tỹ 7 (ke) tóg nĩ.
30885	REV 7:7	Simeão krẽ tỹ 12 mil (ke) ke gé, Levi krẽ tỹ 12 mil (ke) ke gé, Issacar krẽ tỹ 12 mil (ke) ke gé,
30931	REV 10:2	Livro sĩ tỹ tóg jén ke kỹ mãn kỹ jẽ nĩ. Ti pẽgja tỹ tóg goj kafã tũ sãn mũ. Kỹ tóg ti jakãnh tỹ ga sãn mũ.
30937	REV 10:8	Kỹ kanhkã tá ke ũ tóg inh mré vẽmén mãn mũ. Inh mỹ tóg: “ha tĩg,” he mũ. “Livro sĩ tỹ jén ke kỹ nĩ ẽn mãn tĩg,” he tóg. “Ũ tỹ goj mré ga sãn kỹ jẽ ẽn ki livro mãn tĩg,” he tóg.
31119	REV 20:12	Kỹ sóg vẽser kar vigvég mũ, ũn mág ag, ũn kãsir ag ke gé. Nĩgja kupri ẽn jo ag tóg nỹtĩ. Kỹ livro vỹ tá nỹtĩ gé. Livro ẽn kygvãg ag tóg mũ. Vẽnh kar jykre vỹ ki ránrán kỹ nỹtĩ. Kỹ livro ũ vỹ tá nĩ gé. Ẽn kavãg ag tóg mũ gé. Ũ tỹ rĩr krỹg ja tũ venh ke mũ ag jygji vỹ ki ránrán kỹ nỹtĩ. Kỹ Topẽ tóg ũn kãgter mũ kar jykre tugnỹm ke mũ. Kỹ tóg ag mỹ ag tỹ nén venh ke mũ ti tónh ke mũ. Ag tỹ ag jykre tỹ livro ki ránrán kỹ nỹtĩ ẽn kajãm kãn ke vẽ.