23223	MAT 1:10	Kỹ Ezequias vỹ Manassés han. Kỹ Manassés vỹ Amom han. Kỹ Amom vỹ Josias han.
23228	MAT 1:15	Kỹ Eliúde vỹ Eleazar han. Kỹ Eleazar vỹ Matã han. Kỹ Matã vỹ Jacó han.
23229	MAT 1:16	Kỹ Jacó hã vỹ José han, Maria fi mén ẽn ti. Maria ẽn fi ki Jesus tóg mur ja nĩ, hã vỹ: Cristo, he mũ.
23233	MAT 1:20	Ti tỹ ver fi tovãnh to jykrén kỹ Topẽ tỹ jẽnẽ jafã tóg ti mỹ vẽnh ven mũ sir, ti vẽnh péti kỹ. Kỹ tóg ti mỹ: “José,” he mũ. “Tỹ ã Davi krẽ'krẽ ag kã ũ nĩ,” he tóg. “Maria fi to jykrén kónãn tũg nĩ. Fi tovãnh sór tũg nĩ. Ũ tũ pijé', Topẽ kuprĩg tỹ fi mỹ gĩr han ja vẽ.
23315	MAT 5:12	Mỹ sér nỹtĩm nĩ, krĩ kuprã nỹtĩm nĩ. Kanhkã tá ãjag tóg nén há kar venh ke mũ, vẽnh kato. Ge ja ag tóg nĩgtĩ gé vãsỹ, Topẽ vĩ tó tĩ ag mỹ, ãjag jo ke ag mỹ. Ag ri kén ãjag tóg tag venh ke mũ,” he tóg, Jesus ti.
23320	MAT 5:17	“Ãjag hỹn iso: “Moisés tỹ ẽg mỹ nén tó ja ẽn tỹ tóg, tũ' he sór mũ',” he mũ. “Hã tũ vẽ. Sỹ ki króm kãn sór vẽ,” he tóg.
23397	MAT 7:12	“Ãjag tỹ ũ to: “ti tỹ inh mỹ tag han ra tóg há tĩ vẽ,” hen kỹ inhhã ti mỹ han nĩ, fi mỹ ke gé. Moisés tỹ ẽg jyvẽn hã vẽ, Topẽ vĩ tó tĩ ag tỹ ẽg jyvẽn hã vẽ,” he tóg, Jesus ti.
23412	MAT 7:27	Kejẽn ta tóg kutẽ mũ, kỹ goj vỹ var mũ sir. Kóho jũ vỹ kãtĩ mũ gé, ĩn to, kỹ ĩn tóg vom ke tére kỹ kutẽ mũ sir. Mráj kãn tóg mũ sir, ĩn ti. Ge ti nĩ, ãjag tỹ inh vĩ kri fig tũ nĩn kỹ,” he tóg, Jesus ti.
23418	MAT 8:4	Kỹ Jesus tóg ti mỹ: “ker ũ mỹ tó hẽ',” he mũ. “Ha tĩg. Topẽ tũ ki rĩr tĩ hã mỹ tóm nĩ. Kỹ Topẽ mỹ Moisés tỹ vãsỹ ẽg mỹ nén tó ja ẽn nĩm nĩ. Hã tugrĩn vẽnh kar vỹ ã tỹ há' he mũ tag ki kanhrãn mũ,” he tóg ti mỹ. Kỹ tóg tĩ mũ sir.
23434	MAT 8:20	Hã ra Jesus tóg ti mỹ: “hã ra tóg jagy tĩ,” he mũ. “Ðn tũ sóg nĩ. Mĩg vỹ kré nỹgtĩ. Sẽsĩ vỹ jagfe nỹgtĩ gé. Ag jãvo isỹ hẽ tá nũr ke tóg tũ tĩ. Tỹ sóg ẽprã ke fi kósin nĩ,” he tóg.
23457	MAT 9:9	Kỹ Jesus tóg ti jamã tá kã kutẽ kỹ tĩ mũ sir. Kỹ tóg Mateus vég mũ. Governo mỹ tóg jãnkamy mãg tĩ, imposto kaja ti, kỹ tóg ti rãnhrãj han nĩ nĩ. Kỹ tóg ti mỹ: “inh mré kãtĩg,” he mũ. Kỹ tóg jẽgnẽ kỹ ti mré tĩ mũ sir.
23489	MAT 10:3	Filipe ke gé, Bartolomeu ke gé, Tomé ke gé, Mateus ke gé, governo mỹ jãnkamy mãg tĩ ja ẽn ti, Tiago ũ ke gé, Alfeu kósin tag ti, Tadeu ke gé,
23514	MAT 10:28	Mũmẽg tũg nĩ, ag kamẽg tũg nĩ, pã'i ag. Ẽg tén há ag nỹtĩ, hã ra ag tóg nũgme ki ẽg fón ki kagtĩg nỹtĩ. Ũn pir hã kamẽg nĩ, hã vỹ: Topẽ, he mũ. Ti hã ne ẽg tén kar kỹ nũgme ki ẽg fón ki kanhró nĩ'. Kỹ ti hã kamẽg nĩ.
23549	MAT 11:21	Kỹ tóg: “ẽmã tỹ Corazim ki ke ag mỹ sóg tag tó sór mũ, ẽmã tỹ Betsaida tá ke ag mỹ ke gé, ha mẽ,” he mũ. “Kórég ve jé ãjag tóg ke mũ. Milagre tỹ hẽn ri ke hynhan isóg ãjag mỹ, hã ra ãjag tóg, ãjag jykre tovãnh sór tũ nĩ. Ẽmã tỹ Tiro tá, ẽmã tỹ Sidom tá sóg hynhan ja tũ nĩ. Sỹ tá hynhan ra ag tóg vãsỹ, ag jykre tovãnh ke mũ vẽ. Kygfỹ ag mũ vẽ, ag jykre pãno tỹ ag mỹ e tĩn kỹ,” he tóg.
23622	MAT 13:14	Hã ra Isaías tóg tag rán ja nĩ gé, ha mẽ. “Mẽ jé ãjag tóg ke mũ, ón kỹ, hã ra tóg ãjag tỹ to jykrén tũ tĩnh mũ, hã kỹ ãjag tóg ki kagtĩg nỹtĩnh mũ.
23631	MAT 13:23	Ti fy ũ tóg ga há ki krãn kỹ nĩ. Ũ vẽ gé. Topẽ vĩ mẽg tóg mũ gé. Mẽ kỹ tóg to jykrén mũ sir. Kỹ tóg kanẽn há han mũ sir. Kỹ ũ vỹ tóg kanẽ tỹ 100 han, jo ũ vỹ tóg kanẽ tỹ 60 han mũ, jo ũ vỹ tóg kanẽ tỹ 30 han mũ gé,” he tóg.
23663	MAT 13:55	Ðn han tĩ ẽn kósin vẽ mỹr. Ti mỹnh fi vỹ tỹ Maria fi nĩ, kỹ ti jãvy ag vỹ ki nỹtĩ, Tiago, José, Simão, Judas.
23696	MAT 14:30	Ti tỹ goj kri tĩg kỹ tóg vãhã, kãka ki ẽvãnh mũ, kỹ tóg mũmẽg mũ sir. Mũmẽg kỹ tóg goj ki pun ke kỹ ter kren mũ. Kỹ tóg prẽr mũ. “Senhor, inh kren han nĩ,” he tóg.
23719	MAT 15:17	“Mỹ ãjag tỹ to jykrén tũ tĩ'?“ he tóg. “Ha vé, ẽg tỹ ẽg jẽn tỹ ẽg jẽnky kã ra rãg kỹ tóg ẽg nug kã ra rã mũ, kar ẽg tóg fón mũ sir.
23741	MAT 15:39	Kỹ Jesus tóg ag jẽgnẽg mũ, ag jẽn kar kỹ, ag jamã ra. Kỹ tóg canoa ki rã mũ sir, ẽmã tỹ Magadã tá ga ra tĩg jé, ti mré mũ tĩ ag mré.
23745	MAT 16:4	Kórég ãjag nỹtĩ, ãjag tỹ Topẽ ki ge jãvãnh nỹtĩn kỹ. Ũri ke kar vỹ kórég nỹtĩ gé, ãjag ri ke. Milagre venh ke tũ ãjag tóg nĩ. Vãsỹ Topẽ vĩ tó tĩ ũ tóg nĩgtĩ, hã vỹ: Jonas, he mũ. Jonas tỹ nén ve ja ẽn ri ke hã ve jé ãjag tóg ke mũ, ũri,” he tóg, Jesus ti. Kỹ tóg ag ré kỹ tĩ mũ sir.
23772	MAT 17:3	Kỹ vãhã Moisés tóg ag mỹ vẽnh ven mũ sir, Elias ti ke gé. Jesus mré ag tóg vẽmén mũ.
23773	MAT 17:4	Kỹ Pedro tóg Jesus mỹ: “Senhor,” he mũ. “Tag ki tóg sér tĩ,” he tóg. “Ẽg mỹ pãjó tãgtũ han mũ', ã mỹ', Moisés mỹ', Elias mỹ ke gé'?“ he tóg.
23838	MAT 19:7	Kỹ ag tóg ti mỹ ke mãn mũ. “Hã ra Moisés tóg ẽg mỹ: “fi mỹ vẽnh rá nĩm kar kỹ fi fón nĩ,” he ja nĩ. Ti tỹ ne jé ẽg mỹ tag tó ja nẽ?“ he ag tóg.
23892	MAT 20:31	Kỹ ag tóg ag to jũgjũ mũ, ti nón mũ ũ ag. “Mẽ kã nỹtĩ,” he ag tóg mũ. Hã ra ag tóg prẽr mãn', prẽr mãn' he mũ, jamã há ra. “!..Senhor, Davi krẽ'krẽ', ẽg jagãgtãn ra..!“ he ag tóg mũ.
23933	MAT 21:38	Kỹ ag tóg ti kósin ti ve kỹ jagnẽ mỹ: “kejẽn ẽkré tag vỹ tỹ ti tũ nỹnh ke mũ,” he mũ. “Mũ nỹ, ti tén jé, ti tũ tag tỹ tỹ ẽg tũ nỹn jé,” he ag tóg mũ, patrão kósin to.
23958	MAT 22:17	Hã kỹ ẽg mỹ ã tỹ nén to jykrén mũ tóm nĩ. Mỹ há nỹ', ẽg tỹ governo mỹ imposto kajãm jé'? Ẽg mỹ hỹn ti mỹ nĩm mũ', vó mỹ vó?“ he ag tóg mũ.
23965	MAT 22:24	Kỹ ag tóg: “Senhor,” he mũ gé. “Moisés tỹ ẽg mỹ vẽjykre nĩm kỹ tóg: “ã régre tỹ krẽ tũ ra ter kỹ ã tỹ ti prũ fi tỹ prũg ke vẽ. Ã tỹ ã régre mỹ ã krẽ han ke vẽ, fi ki,” he ja nĩgtĩ.
23989	MAT 23:2	“Moisés vỹ ẽg jóg ag kanhrãn ja nĩgtĩ,” he mũ. “Ti nón Topẽ vĩ to ẽg kanhrãn tĩ ag tóg, ẽg kanhrãn sór mũ gé, pã'i ũ ag ke gé.
24032	MAT 24:6	Vẽnh génh kãme mẽgmẽ jé ãjag tóg ke mũ, tag ki vẽnh génh to, kuvar há tá vẽnh génh to ke gé. Mũmẽg tũg nĩ, hã ra. Vẽnh génh enh ke vẽ. Hã ra kurã tỹ ẽgno to hã ke vẽ ver.
24160	MAT 26:37	Kỹ tóg Pedro mré Zebedeu krẽ ag mỹ: “inh mré kãmũ jẽg,” he mũ. Fe kaj tóg nĩ sir. Mũmẽg tóg mũ gé.
24162	MAT 26:39	Kỹ tóg tĩg sĩ han kỹ mũg ke mũ sir, ga kri tóg nỹ mũ. Topẽ mré tóg vĩ mũ. “Panh',” he tóg. “Mỹ ã tỹ inh jagtar ke tag tỹ tũ' he jãvãnh?“ he tóg. “Hã ra isỹ ã mỹ nén to vĩ mũ tag han tũg nĩ. Ã tỹ nén han ke mũ ẽn hã han nĩ,” he tóg.
24188	MAT 26:65	Kỹ pã'i mág tóg, jũ kỹ ti kur tỹ jaran' ke mũ sir. Kỹ tóg: “Topẽ kato vĩ kónãn ti huri,” he mũ. “Mẽ kãn ẽg tóg, kỹ ẽg tóg ũ tỹ ti jykre kórég tónh ke mũ ũ jãvãnh mãn ke tũ nĩ ha.
24215	MAT 27:17	Jãvo ag tóg tá vẽnhmãn kỹ nỹtĩ, Judeu kar ag. Kỹ Pilatos tóg ag mỹ: “inh ãjag mỹ ũ tỹ hẽ kavãn ha? Mỹ Jesus Barrabás, Jesus Cristo mỹ vó?” he mũ.
24254	MAT 27:56	Fag kã ũ fi vỹ tỹ Maria Madalena fi nĩ, jo ũ fi tóg tỹ Maria fi nĩ gé, José mré Tiago mỹnh fi. Kỹ ũ fi vỹ tỹ Zebedeu krẽ ag mỹnh fi nĩ gé. Fag mré ke ũ fag vỹ tá nỹtĩ gé.
24259	MAT 27:61	Hã ra Maria Madalena fi vỹ tá nĩ nĩ, Maria ũ fi ke gé. Ti kej rã fag tóg nĩgnĩ kỹ nỹtĩ nĩ.
24265	MAT 28:1	Vẽnhkán ke kurã tỹ semana kurã ve ki Maria Madalena fi tóg, ti kej venh tĩ mũ, kusãg pẽ ki, Maria ũ fi mré.
24328	MRK 1:44	“ker ũ mỹ tó hẽ'. Topẽ tũ ki rĩr tĩ hã mỹ tóm nĩ, kỹ Topẽ mỹ Moisés tỹ vãsỹ ẽg mỹ nén tó ja ẽn nĩm nĩ. Hã tugrĩn vẽnh kar vỹ ã tỹ há' he mũ tag ki kanhrãn mũ,” he tóg.
24375	MRK 3:18	André ke gé, Filipe ke gé, Bartolomeu ke gé, Mateus ke gé, Tomé ke gé, Tiago ke gé, Alfeu kósin tag ti, Tadeu ke gé, Simão ke gé, ag tỹ ũ to: Zelote, he mũ tag ti,
24419	MRK 4:27	Krãn kar kỹ tóg jatun mỹ nĩ nĩ. Kejẽn tóg vãhã venh tĩ mũ. Hã ra ti fy ẽn vỹ mur ja nĩ. Mog ja tóg nĩ. Kỹ tóg: “ti hẽ ri ken kỹ mur'?” he mũ.
24430	MRK 4:38	Hã ra Jesus tóg nũr nỹ, fakrĩnh kỹ, canoa nér tá. Kỹ ag tóg ti rĩn kỹ ti mỹ: “Senhor, ẽg kãgter ha mẽ tóg tĩ. Mỹ ã mỹ tỹ nén ũ tũ?“ he mũ.
24442	MRK 5:9	Kỹ tóg ti mỹ: “ã jiji hẽ ri ke tĩ,” he mũ. Kỹ tóg: “Mil,” he mũ. “E tãvĩ ẽg nỹtĩ,” he tóg, Nén-Kórég ti.
24459	MRK 5:26	Médico ag mỹ fi tóg vẽnh ven tỹ hẽn ri ke han, to fi tóg fi tỹ nén vãm kãn, hã ra fi tóg há' he tũ nĩ, ke han han fi tóg.
24479	MRK 6:3	Ðn han tĩ ẽn vẽ mỹr. Maria fi kósin vẽ, Tiago, José, Judas, Simão ag kãke vẽ mỹr, kỹ ti ve fag vỹ ẽg mré nỹtĩ gé. Ti tỹ ne jé ẽg kãfór nĩ sór nẽ?“ he ag tóg. Kỹ tóg ag mỹ ũ nỹ.
24524	MRK 6:48	Hã ra ag tóg canoa vóg kỹ ronron mũ sir. Mũ kónãn ag tóg mũ sir, kãka tỹ ag kato tẽn kỹ. Hã ra Jesus tóg kurã ke ra ag to kãtĩ mũ, goj kri tĩg kỹ, ti pẽn kã mỹr. Kỹ tóg ag tá jun kỹ ag pãtén sór ve nĩ.
24532	MRK 6:56	Ti tỹ ẽmã ũ tá jun kỹ ag tóg vẽnh kaga gé kãmũ tĩ. Kỹ ag tóg ĩn prur ki ag vin tĩ. Ẽmã mág tá ag tóg ge tĩ, ẽmã kãsir mĩ, vãnh kã mĩ ke gé. “Mỹ ã mỹ há, ẽg tỹ ã kur tóv mẽ jé?“ he ag tóg tĩ. Kỹ ag tóg há' há' he kãn tĩ sir, ag tỹ ti kur tóv mẽn kỹ.
24542	MRK 7:10	Moisés tỹ ãjag mỹ Topẽ vĩ tó kỹ tóg ãjag mỹ: “ã mỹnh fi mré ã panh kamẽg nĩ, fag jagãgtãn nĩ,” he ja nĩgtĩ. “Ũ tỹ ti han mũ fag mỹ vĩ kónãn mũ ẽn tén jé ã tóg ke mũ,” he ja tóg nĩgtĩ.
24543	MRK 7:11	Moisés jãvo ãjag tóg: “ã tỹ ã han mũ fag jagãgtãn sór tũ nĩn kỹ fag mỹ ón kỹ: “Topẽ tũ vẽ, isỹ nén ti,” hem nĩ,” he tĩ. Gen kỹ tóg fag jagãgtãn tũ nĩ. Ti tỹ fag to é he vẽ. Ãjag jykre kórég hã vẽ,” he tóg.
24587	MRK 8:18	Ãjag kanẽ ra ãjag kyvó nỹtĩ ve nĩ. Ãjag nĩgrẽg ra ãjag tóg kutu nỹtĩ ve nĩ. Mĩ ẽkrén nĩ,
24611	MRK 9:4	Kỹ Elias tóg sir vẽnh ven mũ, Moisés ke gé. Jesus mré ag tóg vẽmén mũ.
24612	MRK 9:5	Kỹ Pedro tóg Jesus mỹ: “Senhor, tag ki tóg há nĩ,” he mũ. “Ẽg tỹ tag ki pãjó tãgtũ han kỹn hỹn há nĩnh mũ vẽ, ã mỹ, Moisés mỹ, Elias mỹ ke gé,” he tóg.
24660	MRK 10:3	Kỹ tóg: “Moisés vỹ ãjag mỹ hẽ ri ké?“ he mũ.
24689	MRK 10:32	Kar kỹ Jesus tóg ti mré mũ tĩ ag mré tĩ nĩ sir, Jerusalém ra. Ag jãmĩ tóg tĩ nĩ. Hã ra tóg ag mỹ e tĩ. Mũmẽg ag tóg mũ sir. Kỹ tóg ũ tỹ 12 (ke) ag mỹ ti tỹ nén venh ke mũ ẽn kãmén mãn mũ, vyr mỹ.
24729	MRK 11:20	Tỹ vaj kỹ ag tóg ẽmã mág ẽn ra mũ mãn mũ sir. Mũ kỹ ag tóg sir ka tỹ figueira ẽn ve mãn mũ, hã ra tóg tóg ja nĩ, ti jãre mré hã.
24749	MRK 12:7	Ti tỹ tá jun kỹ ag tóg jagnẽ mỹ: “kejẽn ẽkré kar vỹ tỹ ti tũ nĩnh mũ, ha vem nĩ. Mũ nỹ, ti tén jé, ti tũ tag tỹ tỹ ẽg tũ nỹ jé,” he mũ.
24756	MRK 12:14	Ag tỹ ti tá junjun kỹ ag tóg ón kỹ ti mỹ: “Senhor, ã jykre kuryj nĩ ki kanhró ẽg nỹtĩ,” he mũ. “Vẽjykre pir hã han ã tóg tĩ, vẽnh kar mỹ. Hã kỹ ã tóg Topẽ japry to ẽg kanhrãn há han tĩ. Mỹ há nỹ', ẽg tỹ governo mỹ jãnkamy nĩm ke ti', imposto kajãm ke ti'?
24761	MRK 12:19	“Senhor, Moisés tóg ẽg mỹ vẽjykre tag nĩm ja nĩ, ha mẽ,” he mũ. “Ẽg mỹ tóg: ã régre tỹ ti krẽ tũ ra ter kỹ ti prũ fi tỹ prũg nĩ, ã tỹ ã régre mỹ ã krẽ han jé, fi ki, he ja nĩ,” he ag tóg.
24767	MRK 12:25	Ẽg tỹ ẽg ter ja tá vỹn ke kỹ ẽg tóg tỹ Topẽ tỹ jẽgnẽ jafã ag ri ke nỹtĩnh mũ, kanhkã tá. Kỹ ẽg prũg ke tũ nĩ. Mén ke tũ fag nĩ gé,” he tóg.
24768	MRK 12:26	“Topẽ vĩ ũ to jykrén nĩ. Topẽ tóg vãnh pũr kã ki Moisés mỹ: “Abraão vỹ iso: Topẽ, he tĩ, Isaque ke gé, Jacó ke gé,” he ja nĩ. Kãgter ag huri, hã ra Topẽ tóg: “tỹ inh ag Topẽ nĩ,” he ja nĩ, ag kãgter mũ ra.
24771	MRK 12:29	Kỹ tóg ti mỹ Moisés tỹ ag jyvẽn ja tó mũ, hã vỹ: “ha mẽ, povo tỹ Israel! Ẽg pã'i vỹ tỹ Topẽ nĩ, ẽg pã'i vỹ tỹ ũn pir nĩ.
24860	MRK 14:37	Kỹ tóg ti mré mũ tĩ ag venh tĩ mũ, hã ra ag tóg nũgnũr ja nĩ, kỹ tóg Pedro mỹ: “Simão, ã mỹ nũr'? Mỹ ã tỹ óra pir ki nũr tũg jé hẽ ri ke?“ he mũ.
24899	MRK 15:4	Kỹ tóg ti mỹ ke mãn mũ. “Mỹ ã tỹ ag mỹ nén ũ tó jãvãnh? Ha mẽ, ã to ag tóg vĩ kónãn mũ,” he tóg.
24935	MRK 15:40	Kỹ ũn tỹtá fag tóg tá nỹtĩ gé. Kuvar há tá nỹtĩ kỹ fag tóg ti vég nỹtĩ nĩ. Fag kã ũ fi vỹ tỹ Maria Madalena fi nĩ, kỹ ũ fi tóg tỹ Salomé fi nĩ gé, kỹ ũ fi tóg tỹ Maria fi nĩ gé, José mré Tiago sĩ mỹnh tag fi.
24942	MRK 15:47	Hã ra Maria Madalena fi tóg vég mũ, Maria tỹ José mỹnh fi ke gé.
24943	MRK 16:1	Vẽnhkán ke kurã tũg kỹ, kuty ẽn kã fag tóg nén ger há mãg mũ. Maria Madalena fi vẽ, kar kỹ Salomé fi ke gé, kar kỹ Maria tỹ Tiago mỹnh fi ke gé. Fag tỹ ti fár ger há han sór vẽ.
24951	MRK 16:9	Semana kurã ve ẽn ki Jesus tóg ti rĩr mãn kỹ, kusãg ki Maria Madalena fi mỹ vẽnh ven vén mũ, ti tỹ ũn ki vẽjagrẽ kórég tỹ 7 (ke) pan ja ẽn fi mỹ.
24989	LUK 1:27	Tá tytãg ũ fi tóg nĩ nĩ. Ũn mén ja tũ fi vẽ. Fi jiji hã vỹ: Maria, he mũ. Fi mén ke vỹ tỹ José nĩ. Davi krẽ'krẽ ũ vẽ, José ti.
25004	LUK 1:42	Kỹ fi tóg jamã hára Maria fi mỹ: “Topẽ vỹ ã ve há han, fag kar kã mĩ tóg ã kuprẽg,” he mũ. “Kỹ Topẽ vỹ ã kósin ve há han mũ gé, ã tỹ ũn venh ke mũ tag ti.
25007	LUK 1:45	Ã hã ne tóg Topẽ vĩ kri fi', ti tỹ ã mỹ vẽnh vĩ jẽnẽn kỹ. Hã kỹ tóg ã ve há han. Kỹ ã tóg venh ke mũ, ti tỹ ã mỹ nén tó ja ti,” he fi tóg, Isabel fi, Maria fi mỹ.
25008	LUK 1:46	Kỹ Maria fi tóg: “Topẽ mỹ sóg vĩ há han ke mũ gé,” he mũ. “Inh mỹ tóg tỹ ũn mág nĩ, ẽg Senhor ti.
25046	LUK 2:4	Kỹ José tóg tĩ mũ gé, ti prũnh ke fi mré, Maria fi. Ẽmã tỹ Nazaré tá fag tóg pa mũ. Kỹ fag tóg ga tỹ Judéia ra mũ mũ, ẽmã tỹ Belém ra, Davi jamã ja ra. Davi krẽ'krẽ vẽ, José ti. Kỹ ti prũnh ke fi vỹ ti mré tĩ mũ, hã ra fi tóg kufy jagy nĩ.
25058	LUK 2:16	Kỹ ag tóg fũrũnrũn mũ mũ sir. Ag tỹ tá junjun kỹ ag tóg Maria fi vég mũ, José ti ke gé, gĩr sĩ ti ke gé. Koso kã kã tóg pãg kỹ nỹ nĩ.
25061	LUK 2:19	Kỹ Maria fi tóg to jykrén mũ gé sir. Fi pijé kã jatun mũ', to jykrén tãvĩ han fi tóg nĩ nĩ.
25064	LUK 2:22	Kurã tỹ 40 (ke) tũg kỹ fi vãkre tóg tũ' he mũ. Moisés vỹ vãsỹ Judeu ag mỹ vẽjykre tag rán ja nĩ, fag tỹ gĩr ve kar kỹ vẽnh kykũnh ke ti.
25065	LUK 2:23	Topẽ vĩ ki tag vỹ rán kỹ nĩ gé, hã vỹ: “Judeu fag kósin ve tỹ gré nỹn kỹ tóg tỹ ẽg Jóg Mág tỹ Topẽ tũ nỹ,” he mũ.
25071	LUK 2:29	“Ẽg Jóg Mág,” he tóg. “Vãhã ã tóg inh jé prẽr ke mũ, kỹ sóg jatun mỹ tĩg ke mũ ha. Ã tỹ inh mỹ nén tó jan han ã tóg huri,” he tóg.
25081	LUK 2:39	Kỹ fag tóg Moisés tỹ vẽnh kykũnh to nén rán ja ẽn han kãn mũ sir. Kar kỹ fag tóg sir fag jamã ra vỹnvỹn ke mũ, Nazaré ra.
25118	LUK 3:24	Matate, Levi, Melqui, Janai, José,
25119	LUK 3:25	Matatias, Amós, Naum, Esli, Nagai,
25120	LUK 3:26	Maate, Matatias, Semei, José, Jodá,
25122	LUK 3:28	Melqui, Adi, Cosã, Elmadã, Er,
25123	LUK 3:29	Josué, Eliézer, Jorim, Matate, Levi,
25125	LUK 3:31	Meleá, Mena, Matatá, Natã, Davi
25131	LUK 3:37	Matusalém, Enoque, Jarede, Malalel, Cainã,
25155	LUK 4:23	Kỹ Jesus tóg ag mỹ: “ãjag hỹn iso jykrén kónãn sór mũ,” he mũ. “Médico mỹ ẽg tóg: kur vẽsỹ há' hé,” he tũ nĩgtĩ. Ãjag hỹn inh mỹ: ẽmã tỹ Cafarnaum tá ã tóg ũn kagyga ag tỹ há' hé, kỹ kur tag ki ẽg tỹ há' he gé, ã tỹ vẽnh kar tỹ há' he sór nĩn kỹ, he sór mũ,” he tóg.
25190	LUK 5:14	Kỹ tóg ti mỹ: “ker ũ mỹ tó hẽ',” he mũ. “Topẽ tũ ki rĩr tĩ hã mỹ tóm nĩ. Kỹ Topẽ mỹ Moisés tỹ vãsỹ nén tó ja ẽn nĩm nĩ. Hã tugrĩn vẽnh kar vỹ ã tỹ há' he mũ tag ki kanhrãn mũ,” he tóg.
25230	LUK 6:15	Mateus ke gé, Tomé ke gé, Tiago ke gé, Alfeu kósin tag ti, Simão ke gé, ag tỹ ũ to: Zelote, he mũ tag ti,
25238	LUK 6:23	“Mỹ sér nỹtĩm nĩ, krĩ kuprã nỹtĩm nĩ, ag tỹ isugrĩn ãjag vóg kónãn mũ ra. Kỹ ãjag tóg kanhkã tá nén ũ há kar venh ke mũ, vẽnh kaja jé, isugrĩn. Ge ja ag tóg nĩgtĩ, ũ tỹ ãjag vóg kónãn mũ ag jógjóg ag. Vãsỹ Topẽ vĩ tó tĩ ag vóg kónãn he ja ag tóg nĩgtĩ gé,” he tóg.