23216	MAT 1:3	Kỹ Judá vỹ Peres han. Zera ti kegé, ti prũ tỹ Tamar fi ki. Kỹ Peres vỹ Esrom han. Kỹ Esrom vỹ Arão han.
23241	MAT 2:3	Pã'i tỹ Herodes tỹ ag vĩ tag mẽ kỹ tóg ti mỹ e tĩ, kỹ tóg krĩ kufy nĩ sir.
23268	MAT 3:7	Kỹ pã'i tỹ Fariseu ag vỹ ti tá junjun mũ gé sir, pã'i tỹ Saduceu ag ke gé. Ón kỹ ag tóg ti to kãmũ mũ, ti tỹ ag kygpe jé. Kỹ tóg ag jyvẽn tar han mũ sir. “Pỹn ri ke ãjag nỹtĩ, ãjag jykre pãno nỹtĩn kỹ,” he tóg ag mỹ. “Ũ nỹ ãjag mỹ: Topẽ vỹ ãjag to jũnh ke tũ nĩ, he tĩ'?
23286	MAT 4:8	Kỹ Japo tóg, ti mré tĩg mãn mũ. Pãnónh téj ra ag tóg mũ mũ sir. Kỹ tóg, ti mỹ ga kar ven kãn mũ, ga kri mũ kar ag ke gé. Ti sĩnvĩ kar ẽn ven kãn tóg ti mỹ.
23296	MAT 4:18	Kỹ tóg kejẽn, goj nig mág tỹ Galiléia ẽn fyr jagma tĩ mũ. Kỹ tóg tá ũn régre ag vég mũ, hã vỹ: Simão Pedro mré ti jãvy tỹ André, he mũ. Kur tỹ pirã kugmĩ jafã tỹ ag tóg, goj kã ki fón mũ. Ag rãnhrãj hã vẽ.
23297	MAT 4:19	Kỹ Jesus tóg ag mỹ: “inh mré kãmũjẽg,” he mũ. “Pirã kugmĩ há ãjag nỹtĩ. Ãjag kanhrãn jé sóg ke mũ, ãjag tỹ ẽprã ke ag tỹ inh ki ge han jé,” he tóg.
23341	MAT 5:38	“Topẽ tỹ vãsỹ ẽg jo ke ag jyvẽn ũ tag mẽ ãjag huri, hã vỹ: “ũ tỹ ã kanẽ pir ki tãnh kỹ vẽnh kato ti kanẽ pir ũ hã ki tãnh nĩ gé,” he ja tóg nĩ. “Ũ tỹ ã jã pir ki tãnh kỹ mranh kỹ vẽnh kato ti jã pir hã ki tãnh kỹ mranh nĩ gé. Pãtén tũg nĩ,” he ja tóg nĩ, Topẽ ti.
23391	MAT 7:6	“Hã ra kasor jykre ri ke ag mỹ Topẽ jykre sĩnvĩ ẽn tó tũg nĩ. Porko jykre ri ke ẽn ag mỹ ke gé, fag mỹ ke gé. Jykre kavéj ag nỹtĩ, hã kỹ ag tóg, Topẽ jykre to é henh ke mũ. Tỹ tũ' he sór ag tóg tĩ, ti sãn kỹ, kar kỹ ag tóg sir, ã to jũ sór mũ gé, ha vem nĩ, ã tỹ ag mỹ Topẽ jykre sĩnvĩ tó ja hã ra,” he tóg, Jesus ti.
23410	MAT 7:25	Kejẽn ta tóg kutẽ mũ, kỹ goj vỹ var mũ sir. Kóho jũ vỹ kãtĩ mũ gé, ĩn to, hã ra tóg kutẽ tũ nĩ sir, ĩn ti. Pãró kri tóg nỹtĩ, ti nũna ti, hã kỹ tóg kutẽ tũ nĩ. Ge ti nĩ, ãjag tỹ inh vĩ kri fi kỹ.
23428	MAT 8:14	Kỹ Jesus tóg sir Pedro ĩn kã ra rã mũ. Hã ra ti prũ fi mỹnh fi tóg kaga nỹ nĩ, rỹg kỹ.
23488	MAT 10:2	Jesus tỹ ũn vin mũ ag jijin hã vẽ, ha mẽ. Ũn ve vỹ tỹ Simão nĩ, kỹ ti jiji ũ hã vỹ: Pedro, he mũ. Kar kỹ ti jãvy vỹ nĩ gé, hã vỹ: André, he mũ, Tiago ke gé, Zebedeu kósin tag ti, ti jãvy tỹ João ke gé,
23502	MAT 10:16	“Carneiro vỹ, vẽnh jy nĩgãn ki kagtĩg nỹtĩ, mĩg tỹ ag mãn sór mũ ra. Ri ke ãjag nỹtĩ, hã ra sóg ãjag jẽgnẽnh mũ, ũ tỹ tỹ mĩg ri ke ag to, hã ra Topẽ hã vỹ ãjag jy nĩgãn ke mũ sir. Hã kỹ vẽnh ki rĩr há han nĩ. Pỹn jykre ri ke han nĩ. Vãjig tóg tĩ, kỹ ẽg tóg kãnhmar ti tỹ hẽ ri ke tũ nĩgtĩ. Kỹ sórãg jykre ri ke han nĩ gé. Jũ vãnh pẽ ti nĩ, nén ũ vẽnh mỹ han tũ ti nĩgtĩ.
23505	MAT 10:19	Pã'i ag tỹ ãjag jé ke kỹ to jykrén tũg nĩ, ãjag tỹ ag mỹ nén tónh ke mũ to. Topẽ kuprĩg hã ne, ãjag krĩn ke mũ', kỹ ãjag tóg ti tỹ ãjag mỹ nén tó mũ ẽn hã tónh ke mũ, óra ẽn kã.
23582	MAT 12:24	Kỹ Pã'i ag tóg mẽg mũ sir, Jesus tỹ ti tỹ há' he ẽn ti. Hã kỹ ag tóg Jesus to: “jagrẽ kórég ti nĩ,” he mũ. “Nén-Kórég ag pã'i tỹ ti jagrẽ nĩ, Belzebu ẽn tỹ. Hã kỹ tóg Nén-Kórég ag pan tĩ,” he ag tóg mũ.
23592	MAT 12:34	Pỹn ri ke ãjag nỹtĩ. Kórég tãvĩ ãjag nỹtĩ, hã ra ãjag tóg, ón kỹ nén ũ há tó sór tĩ. Ẽg jẽnky ki tóg kãkutẽ tĩ, ẽg tỹ nén to jykrén mũ ti. Ẽg jykre kórég tãvĩ nỹtĩn kỹ ẽg tóg, nén ũ kórég tãvĩ tó tĩ. Hã kỹ ãjag pijé tó há han tĩ'.
23623	MAT 13:15	Povo tag ag vỹ, krĩ tũ nỹtĩ. Nĩgrẽg kutu ag nỹtĩ. Kanẽ kyvó ag nỹtĩ gé, ag tỹ inh ki ge sór tũ nỹtĩn kỹ. Hã kỹ sóg ag tỹ há' henh ke tũ nĩ gé,” he tóg, Topẽ ti, he ja tóg nĩ, Isaías ti, povo tag to,” he tóg.
23677	MAT 14:11	Kỹ tóg ti krĩ kym mũ sir. Pénky kã kã nĩm kỹ tóg, fi mỹ nĩm mũ, tytãg fi mỹ, ti krĩ ti. Kỹ fi tóg fi mỹnh fi mỹ ma tĩ mũ.
23694	MAT 14:28	Kỹ Pedro tóg ti mỹ: “ã hã mỹ'? Kỹ inh mỹ tó, isỹ ã to tĩg jé, goj kri tĩg kỹ,” he mũ.
23695	MAT 14:29	Kỹ Jesus tóg ti mỹ: “kunĩg ge,” he mũ. Kỹ Pedro tóg canoa ki kãkutẽ kỹ goj kri tĩ mũ sir, Jesus to.
23710	MAT 15:8	“Povo tag vỹ ag nũnẽ hã tỹ inh mỹ vĩ há han tĩ, hã ra ag jykre pijé tỹ inh jykre nỹ',” he ja tóg nĩ.
23714	MAT 15:12	Kỹ ti mré mũ tĩ ag tóg ti to kãmũ kỹ ti mỹ: “ha mẽ,” he mũ. “Pã'i ag vỹ ã to jũ nỹtĩ, ã tỹ ag mỹ: vẽjẽn pijé ẽg kavénh tĩ', hen kỹ,” he ag tóg ti mỹ.
23717	MAT 15:15	Kỹ Pedro tóg ti mỹ: “ẽg mỹ kãmén há han nĩ, ã vĩ tag,” he mũ.
23757	MAT 16:16	Kỹ Simão Pedro tóg ti mỹ: “tỹ ã Cristo nĩ. Topẽ kósin vỹ tỹ ã nĩ. Ũn rĩr nĩ ẽn kósin vỹ tỹ ã nĩ,” he mũ.
23759	MAT 16:18	“Ha mẽ, tỹ ã Pedro nĩ, hã vỹ: pó, he mũ. Pó tag kri sóg isũ han mũ, tỹ ĩn ri ke ẽn, hã vỹ: “ã tỹ ag mỹ inh vĩ tó tugrĩn ag tóg inh ki genh ke mũ,” he mũ. Kỹ ũ tỹ inh ki ge kỹ nỹtĩ ag vỹ tỹ Topẽ ĩn ri ke nỹtĩ. Ag fár tỹ tũ' he mũ ra ag tóg rĩnrĩr mãn ke mũ. Tũ' henh ke tũ ag tóg nĩ.
23760	MAT 16:19	Ẽprã ke ag vỹ kanhkã ra mũnh ke mũ, ã vĩ ki. Ã hã mỹ sóg ti nón jafã finh ke mũ sir, save ti. Kỹ ã tỹ ũ mỹ: “kanhkã ra tĩg jé ã tóg ke mũ,” hen kỹ tóg ra tĩg mũ. Kỹ ã tỹ ũ mỹ: “kanhkã ra tĩg ke tũ ã nĩ,” hen kỹ tóg ra tĩg ke tũ nĩ,” he tóg, Pedro mỹ.
23763	MAT 16:22	Kỹ Pedro tóg ti pin kỹ ti mỹ: “Senhor, Topẽ jé ã jy nĩgãn, ã tỹ ã jagtar ke tag vég tũ nĩ jé,” he mũ.
23764	MAT 16:23	Hã ra Jesus tóg vẽsỹjãm ẽvãnh kỹ ti mỹ vĩ tar han mũ sir, ti to jũ kỹ. “Kutĩg, Satanás,” he tóg, Pedro mỹ. “Isỹ Topẽ vĩ mranh han sór ã tóg mũ. Ã pijé Topẽ jykre tó mũ'. Ẽprã ke jykre vẽ, ã tỹ inh mỹ nén tó mũ tag ti,” he tóg.
23770	MAT 17:1	Kar kurã tỹ 6 tũg kỹ Jesus tóg ag mỹ: “mũ nỹ, vyr mỹ,” he mũ. Pedro mỹ tóg ke mũ. Tiago mỹ ke gé, ti jãvy tỹ João mỹ ke gé. Ag hã mré tóg tĩ mũ, pãnónh ra.
23773	MAT 17:4	Kỹ Pedro tóg Jesus mỹ: “Senhor,” he mũ. “Tag ki tóg sér tĩ,” he tóg. “Ẽg mỹ pãjó tãgtũ han mũ', ã mỹ', Moisés mỹ', Elias mỹ ke gé'?“ he tóg.
23774	MAT 17:5	Pedro tỹ ver vẽmén jẽ ra kanhkã góg kókov tóg ag kri rũm ke mũ. Kỹ vãhã vẽnh vĩ tóg mẽ há tĩ', kanhkã góg ẽn kã tá, kỹ tóg: “inh kósin pir hã vẽ,” he mũ. “Ti vĩ jẽmẽ ra,” he tóg, Topẽ ti.
23793	MAT 17:24	Kỹ ag tóg mũ mãn kỹ ẽmã tỹ Cafarnaum tá junjun mũ sir. Kỹ imposto kaja mãg tĩ ag tóg Pedro mỹ vĩ mũ, Topẽ ĩn jé imposto mãg tĩ ag. Imposto ẽn kaja hã vỹ: jãnkamy régre, he mũ. Pedro mỹ ag tóg: “ãjag Senhor mỹ kajãm tũ nĩgtĩ'?“ he mũ.
23795	MAT 17:26	Kỹ Pedro tóg: “ag mré ke tũ ag mỹ ag tóg: “kajãm nĩ,” he tĩ,” he mũ. Kỹ Jesus tóg: “hỹ, hã vẽ,” he mũ. “Kỹ ẽg kajãm ke tũ nĩ vẽ.
23796	MAT 17:27	Hã ra ag tóg ẽg to jykrén kónãn sór mũ, ẽg tỹ tỹ Topẽ krẽ nỹtĩ ra. Kỹ ẽg hỹn tóg kajãm ke mũ. Hã kỹ pirã sygsam tĩg, nig ẽn tá. Ã tỹ ũn sam vén mũ ẽn jẽnky kã tá tugnỹm nĩ. Jãnkamy vỹ kã kã nĩ, ã tỹ ijo kajãm jé, vẽnh jo ke gé,” he tóg. Kỹ Pedro tóg tĩ mũ sir. Jãnkamy vég tóg mũ sir. Kỹ tóg tỹ imposto kajãm tĩ mũ.
23817	MAT 18:21	Kỹ Pedro tóg ti to kãtĩg kỹ ti mỹ: “Senhor,” he mũ. “Kejẽn inh régre tóg vẽjykre pãno han ja nĩnh mũ. Kỹ inh mỹ ti mỹ vẽnh pãte fón e han mũ'? Vẽnh pãte fón tỹ hẽ ri ke nỹ hỹn há nĩnh mũ? Ke tỹ 7 mỹ há nĩ'?“ he tóg, Pedro ti.
23819	MAT 18:23	“Ha vé, ũ tỹ kanhkã tá nĩ ẽn tỹ tỹ ẽg pã'i nĩnh ke vỹ tag ri ke nĩ, ha mẽ. Pã'i mág ri ke ti nĩ. Camarada e ti nĩ. Kỹ tóg kejẽn ag tũ ve sór mũ, ag tỹ ti mỹ név ti.
23858	MAT 19:27	Kỹ Pedro tóg ti mỹ: “ha vé, nén kar ré kỹ ẽg mũ mũ, ã mré. Tag to ẽg hỹn ne venh ke mũ?“ he mũ.
23904	MAT 21:9	Kỹ ũ ag tóg ti jãmĩ mũ mũ, jo ũ ag tóg ti nón mũ mũ. Ẽn ag tóg prẽnprẽr mũ sir. “!..Viva, Davi krẽ'krẽ..!“ he ag tóg mũ. “!..Sér tóg tĩ, pã'i vỹ ẽg tá jun, ẽg Pã'i mág tỹ ti jẽnẽn kỹ..! !..Topẽ tá tóg kãtĩg, ũ tỹ kynhmỹ nĩ ẽn tá, viva..!“ he ag tóg, prẽnprẽr kỹ.
23943	MAT 22:2	“Pã'i mág ri ke ti nĩ. Ti kósin prũg ken kỹ tóg to fénhta mág han sór mũ.
24020	MAT 23:33	“Pỹn ri ke ãjag nỹtĩ, mĩg ri ke ãjag nỹtĩ. Ãjag pijé nũgme ki vár tũ nĩnh mũ', inferno ki'.
24118	MAT 25:41	“Kỹ sóg inh jakãnh tá nỹtĩ ag mỹ: inh panh vỹ ãjag mỹ vĩ kónãn. Pĩ nhyr vãnh ra mũjẽg. Nén-Kórég mỹ tóg kar kỹ nĩ, pĩ nhyr vãnh ẽn ti, ti tỹ jẽgnẽ jafã ag mỹ ke gé. Ẽn ra mũjẽg.
24125	MAT 26:2	“kurã régre tũg kỹ tóg tỹ, ẽg fénhta mág tỹ Páscoa nĩ,” he mũ. “Ẽn kã ag tóg, ẽprã ke fi kósin ti senh ke mũ, kỹ ag tóg, ka to ti sanh ke mũ. Inh hã vẽ,” he tóg, Jesus ti.
24126	MAT 26:3	Hã ra Topẽ tũ to pã'i ag vỹ vẽnh mãn mũ sir, Topẽ vĩ to ẽg kanhrãn tĩ ag mré hã, kófa ag ke gé, Pã'i mág tỹ Caifás, he mũ ĩn tá.
24130	MAT 26:7	Ti jẽg nĩ ra ũ fi tóg, tá jun mũ, garrafa vyn kỹ. Pó kupri tãnãj tỹ tóg há jẽ, garrafa ti. Ti ki jẽ vỹ tỹ, nén ger há jẽ, ũn kaja e ẽn. Ti gãnh tãg fi tóg mũ, ger há ẽn tỹ.
24141	MAT 26:18	Kỹ tóg ag mỹ: “ẽmã mág ẽn ra ũ tỹ ẽg to há nĩ ẽn venh mũjẽg,” he mũ. “Ti mỹ: “ẽg Senhor vỹ ã mỹ: inh kurã vỹ kakó tĩ ha, kỹ tóg sỹ ã ĩn krẽm Páscoa konh há tĩ, inh mré mũ tĩ ag mré, he ti,” hem nĩ ti mỹ,” he tóg.
24156	MAT 26:33	Kỹ Pedro tóg ti mỹ: “inh pijé, ã ré kỹ tĩg mũ', ag kar tỹ ã ré kỹ mũ mũ ra,” he mũ.
24158	MAT 26:35	Kỹ Pedro tóg: “hã ra sóg ã mré ter ke mũ. Kỹ sóg ã to: ti ki kagtĩg sóg nĩ, henh ke tũ pẽ nĩ,” he mũ. Kỹ ti mré mũ tĩ ag tóg hã tó mũ gé sir.
24160	MAT 26:37	Kỹ tóg Pedro mré Zebedeu krẽ ag mỹ: “inh mré kãmũ jẽg,” he mũ. Fe kaj tóg nĩ sir. Mũmẽg tóg mũ gé.
24162	MAT 26:39	Kỹ tóg tĩg sĩ han kỹ mũg ke mũ sir, ga kri tóg nỹ mũ. Topẽ mré tóg vĩ mũ. “Panh',” he tóg. “Mỹ ã tỹ inh jagtar ke tag tỹ tũ' he jãvãnh?“ he tóg. “Hã ra isỹ ã mỹ nén to vĩ mũ tag han tũg nĩ. Ã tỹ nén han ke mũ ẽn hã han nĩ,” he tóg.
24163	MAT 26:40	Kar kỹ tóg, ti mré mũ tĩ ag venh tĩ mũ sir, hã ra ag kar tóg nũgnũr ja nĩ. Kỹ tóg Pedro mỹ: “mỹ óra pir ki nũr tũg kórég?“ he mũ.
24168	MAT 26:45	Kỹ tóg ag venh tĩg mãn kỹ ag mỹ: “ãjag ne tóg ver nũgnũr nỹtĩ',” he mũ. “Vẽnhkán ja ãjag tóg nĩ'. Pétẽm ti huri, óra ti. Ti tỹ Topẽ vĩ mranh tĩ ag mỹ inh fẽg ke nẽ ha, isỹ tỹ ẽprã ke fi kósin nĩn kỹ,” he tóg.
24181	MAT 26:58	Hã ra Pedro tóg, Jesus nón kãtĩ mũ, kuvar há tá, kỹ tóg Topẽ tũ to pã'i mág ĩn kã ra rã mũ. Ti tỹ ag tỹ Jesus tỹ hẽn ri ke ẽn ve sór vẽ.
24192	MAT 26:69	Hã ra Pedro vỹ, re tá nĩ nĩ, ĩn vãso kã. Kỹ pã'i camarada ũ fi tóg ti venh kãkutẽ kỹ ti mỹ: “Jesus mré ã tóg tĩ ja nĩ gé, Galiléia tá ke ẽn mré,” he mũ.
24195	MAT 26:72	Hã ra tóg: “vó,” he mãn mũ. “Ti ki kagtĩg sóg nĩ, Topẽ vỹ ki kanhró nĩ,” he tóg, Pedro ti.
24198	MAT 26:75	Kỹ Pedro tóg Jesus vĩ ja ẽn to jykrén mũ, ti tỹ ti mỹ: “iso ã tóg: ti ki kagtĩg sóg nĩ, he tãgtũ han ke mũ, galo kyr ke to hã,” he ja ẽn mĩ. Kỹ Pedro tóg mĩ ẽkrén kỹ tá kãkutẽ mũ sir. Fỹ jagy han tóg mũ sir.
24200	MAT 27:2	Kỹ ag tóg ti mrĩnh mũ sir. Ti pére mũ kỹ ag tóg pã'i mág tỹ governador mỹ ti fẽg mũ sir, Pilatos mỹ.
24211	MAT 27:13	Kỹ Pilatos tóg ti mỹ: “mỹ ã mỹ tỹ nén ũ tũ nĩ, ag tỹ ã kato vĩ mág han mũ tag ti?“ he mũ.
24212	MAT 27:14	Hã ra Jesus tóg vĩ mãn tũ nĩ, kỹ tóg Pilatos mỹ e tĩ sir.
24213	MAT 27:15	Hã ra Pilatos tóg ag mỹ fénhta tỹ Páscoa kar ki vẽse pir kavãg tĩ, ag tỹ ũn to vĩ mũ. Ti jykre vẽ.
24215	MAT 27:17	Jãvo ag tóg tá vẽnhmãn kỹ nỹtĩ, Judeu kar ag. Kỹ Pilatos tóg ag mỹ: “inh ãjag mỹ ũ tỹ hẽ kavãn ha? Mỹ Jesus Barrabás, Jesus Cristo mỹ vó?” he mũ.
24216	MAT 27:18	Pilatos vỹ pã'i ag jykre ki kanhró nĩ, ag tỹ ón kỹ Jesus to jũ nỹtĩn ki. Ti há nĩ hã tugrĩn ag tóg ti to jũ mũ. Hã kỹ tóg ti kavãn sór mũ.
24224	MAT 27:26	Kỹ Pilatos tóg Barrabás kavãg mũ sir. Jesus to tóg porisa ag mỹ: “ha ti mrãnmrãn,” he mũ sir. Ag tỹ ti mrãnmrãn kar kỹ tóg ag mỹ ti fẽg mũ, ag tỹ ka to ti sa jé.
24256	MAT 27:58	Ẽn tóg, Pilatos venh tĩ mũ, kỹ tóg ti mỹ Jesus to vĩ mũ, ti ter kar kỹ. Kỹ Pilatos tóg: “he,” he mũ.
24258	MAT 27:60	Kỹ tóg, vẽnh kej kã kã ti fig mũ sir. Pó kã ki tóg han ja nĩgtĩ, kỹ tóg tãg nĩ, vẽnh kej ti. José tũ vẽ. Ẽn kã kã tóg ti fig mũ sir, kỹ tóg, pó tãpér tĩn kỹ tỹ vẽnh kej jãnkã nĩfénh mũ sir. Kar kỹ tóg tĩ mũ.
24260	MAT 27:62	Tỹ vaj kỹ, vẽnh kán ke kurã ki Topẽ tũ to pã'i ag tóg, vẽnh mãn mũ sir. Kỹ ag tóg, Pilatos venh mũ mũ.
24262	MAT 27:64	Ẽg mỹ tóg, porisa ag tỹ ti kej ki rĩr há tĩ, kurã tãgtũ ki. Jãvo tóg ẽg mỹ, ti mré mũ tĩ ag tỹ ti to nón kỹ ti péjunh ha mẽ tĩ, kỹ tóg ẽg mỹ ag tỹ vẽnh kar mỹ: “rĩr mãn ti, ti ter kar kỹ,” henh ha mẽ tĩ gé,” he ag tóg, Pilatos mỹ.
24263	MAT 27:65	Kỹ Pilatos tóg ag mỹ: “he,” he mũ. “Vỹ nỹtĩ, ti kej ki rĩr ke mũ ag,” he tóg, porisa ũ ag to. “Ti kej ki rĩr há han nĩ, ge kỹ,” he tóg.
24299	MRK 1:15	Kỹ tóg: “Pétẽm ti huri, ẽg tỹ Topẽ tỹ tỹ ẽg pã'i nĩ venh ke ti,” he mũ. “Kỹ ãjag jykre kórég tovãnh nĩ. Ti vĩ kri fim nĩ, ãjag tỹ ti tỹ tỹ ẽg pã'i nĩ ẽn ve jé,” he tóg.
24300	MRK 1:16	Kejẽn tóg goj nig mág tỹ Galiléia ẽn fyr jagma tĩ mũ. Ti tĩ ra tóg Simão Pedro vég mũ, ti jãvy tỹ André ke gé. Pirã kugmĩ jafã tỹ ag tóg goj ki fón nỹtĩ nĩ, rede tỹ, ag tỹ pirã kugmĩ jé. Ag rãnhrãj hã vẽ.
24301	MRK 1:17	Kỹ tóg ag mỹ: “inh mré kãmũjẽg,” he mũ. “Pirã kugmĩ há ãjag nỹtĩ. Ãjag kanhrãn jé sóg ke mũ, ãjag tỹ ẽprã ke ag tỹ inh ki ge han jé,” he tóg.
24302	MRK 1:18	Kỹ ag tóg vẽsỹmér ag rede tovãnh kỹ ti mré mũ mũ, Pedro ti, André ti ke gé.
24310	MRK 1:26	Kỹ ti jagrẽ tóg ti ter tĩ han mũ sir. Prẽr tóg mũ. Kỹ tóg ti tovãnh mũ.
24313	MRK 1:29	Kar kỹ Jesus tóg ag vẽnh kanhrãn jafã tá kãkutẽ kỹ Simão Pedro ĩn kã ra rã mũ sir. André mré ti ĩn vẽ. Tiago vỹ João mré ra rã mũ gé.
24314	MRK 1:30	Hã ra Pedro prũ fi mỹnh fi vỹ kaga nỹ nĩ. Rỹg fi tóg nỹ nĩ. Kỹ ag tóg Jesus mỹ fi tó mũ.
24315	MRK 1:31	Kỹ tóg fi nĩgé kãgmĩ kỹ fi nĩm mũ. Kỹ fi rỹ ẽn tóg tũ' he mũ sir. Ag ki fi tóg rĩr mũ sir, Pedro má fi.
24373	MRK 3:16	Ũ tỹ 12 (ke) ag hã vẽ, ha mẽ: Simão, Jesus tỹ ti jiji ũ hã vỹ: Pedro, he mũ,
24381	MRK 3:24	“Pã'i pir krẽm ke ag tỹ jagnẽ kato tẽgtẽn kỹ ag tóg jagnẽ kãgtén kãn ke mũ.
24438	MRK 5:5	Kuty mré kurã ki tóg prẽr tĩgtĩ, vẽnh kej tá. Pãró ẽn ki pó génh kỹ tóg tỹ vẽsãnh tĩgtĩ.
24440	MRK 5:7	Prẽr tóg mũ, kỹ tóg: “!..Jesus'..!“ he mũ, “!..kynhmỹ Topẽ kósin'..! Ã isỹ hẽ ri kenh mũ,” he tóg. “!..Topẽ jiji tó kỹ sóg ã mỹ to vĩ mũ, ã tỹ inh vóg kónãn tũ nĩ jé..!” he tóg.
24470	MRK 5:37	Kỹ tóg ũn e ag mũ kamẽg kỹ ag mỹ: “Pedro hã vỹ tĩg mũ inh mré, Tiago ke gé, Tiago jãvy tỹ João ke gé,” he mũ.
24504	MRK 6:28	Kỹ tóg ti krĩ ma kãtĩ mũ sir. Pénky kã kã nĩm kỹ tóg tytãg fi mỹ nĩm mũ. Kỹ fi tóg fi mỹnh fi mỹ ma tĩ mũ.
24517	MRK 6:41	Kỹ tóg ẽmĩ mré pirã génh kỹ kanhkã ki ẽvãnh mũ. Kỹ tóg Topẽ mré vĩ mũ sir. Kỹ tóg ẽmĩ kupãg mũ sir. Ti mré mũ tĩ ag mỹ tóg vin mũ, ag tỹ ũn e ẽn mỹ kãnhkrén jé. Pirã régre tỹ tóg vẽnh kãpópãm mũ gé sir.
24598	MRK 8:29	Kỹ tóg: “ag jãvo ãjag iso hẽ ri ke tĩ?“ he mũ. Kỹ Pedro tóg ti mỹ: “tỹ ã Cristo nĩ,” he mũ.
24601	MRK 8:32	Ag mỹ tóg jamã há ra tó mũ. Hã ra Pedro tóg ti pin kỹ ti mỹ: “vĩ tỹ ge han tũg nĩ,” he mũ.
24602	MRK 8:33	Hã ra Jesus tóg vẽsỹjãm ti mré mũ tĩ ag ki ẽvãnh kỹ Pedro to jũ mũ. “Kutĩg, Satanás'! Ã pijé Topẽ jykre tó mũ',” he tóg. “Ẽprã ke jykre vẽ, ã tỹ inh mỹ nén tó mũ tag ti,” he tóg.
24609	MRK 9:2	Kurã tỹ 6 (ke) tũg kar kỹ Jesus tóg ag mỹ: “mũ nỹ, vyr mỹ,” he mũ. Pedro mỹ tóg ke mũ, Tiago mỹ ke gé, João mỹ ke gé. Ag hã mré tóg pãnónh ra tĩ mũ. Kỹ tóg ag jo vẽnh ve ũ han mũ.
24612	MRK 9:5	Kỹ Pedro tóg Jesus mỹ: “Senhor, tag ki tóg há nĩ,” he mũ. “Ẽg tỹ tag ki pãjó tãgtũ han kỹn hỹn há nĩnh mũ vẽ, ã mỹ, Moisés mỹ, Elias mỹ ke gé,” he tóg.
24685	MRK 10:28	Kỹ Pedro tóg ti mỹ: “ha vé, ẽg tỹ nén ũ kar ré kỹ ẽg tóg ã mré mũ mũ,” he mũ.
24730	MRK 11:21	Kỹ Pedro tóg Jesus vĩ ja ẽn mĩ ẽkrén kỹ ti mỹ: “ha vé, Senhor,” he mũ. “Ã vĩ ja ẽn hã vẽ. Ã tỹ ka tỹ figueira mỹ vĩ kónãn ja ẽn vỹ tóg ja nĩ,” he tóg.
24743	MRK 12:1	Kỹ tóg ag kanhrãn kỹ ag mỹ: “kejẽn ũ tóg uva krãn mũ. Pénĩn tóg rón mũ, kã ki tóg kũm mũ, uva jẽgmĩ jafã han jé. Ki tóg pãjó han mũ gé,” he mũ. “Kỹ tóg ũ tỹ ki rĩr tĩ ag mré to jykrén kar kỹ tĩ mũ, ga ũ ra, ag tỹ ti jo ki rĩr jé.
24752	MRK 12:10	Kỹ tóg ag mỹ: “Topẽ vĩ rá tag to jykrén nĩ, ha mẽ,” he mũ. “Pó fón ag tóg, pó tỹ ĩn han tĩ ag. Ag mỹ tóg kórég ja nĩ. Hã ra Topẽ tóg pó ẽn hã tỹ ĩn nũna han mũ.
24774	MRK 12:32	Kỹ Topẽ vĩ to ẽg kanhrãn tĩ ẽn tóg ti mỹ: “ke tóg tĩ. Ã tỹ ke há vẽ. Pir ti nĩ, Topẽ ti, ũ pijé ti ri ke nĩ',” he mũ.
24787	MRK 13:1	Kỹ tóg Topẽ ĩn tá kãkutẽ mũ sir. Re tá ti mré tĩ ũ tóg ti mỹ: “ve ra ha, Senhor,” he mũ. “Pó sĩnvĩ tãvĩ tỹ tóg há nỹtĩ, ĩn tag ti”, he tóg, Topẽ ĩn to.
24789	MRK 13:3	Kar kỹ tóg krĩ tỹ Oliveiras ra tĩg kỹ tá nĩ nĩ sir, Topẽ ĩn kakãm. Kỹ Pedro, Tiago, João, André ag tóg ag pin kỹ ti mỹ:
24794	MRK 13:8	“Nação ag tỹ jagnẽ kato tẽgtẽnh ke vẽ. Pã'i krẽm ke ag tỹ pã'i ũ krẽm ke ag to jũnh ke vẽ gé. Kỹ ga tỹ ragrag ke tỹ hẽn ri ke han ke vẽ gé, ẽmã tỹ hẽn ri ke ki. Vẽjẽn tỹ tũ' henh ke vẽ gé. Ãjag jagtar ke vẽnh ven vén vẽ ha,” he tóg.
24824	MRK 14:1	Hã ra fénhta tỹ Páscoa kã tákurã tãgtũ vẽ sir, ẽmĩ jãgja tũ konh ke kã tá. Kỹ Topẽ tũ ki rĩr tĩ ag tóg, Jesus vatánh tá ti se sór mũ, ti tén jé.
24826	MRK 14:3	Ẽn kã tóg kejẽn ẽmã tỹ Betânia tá nĩ nĩ, Simão ĩn krẽm, vẽnh kaga tỹ lepra han ja ẽn ĩn krẽm. Ti jẽg nĩ ra ũ fi tóg tá jun mũ, garrafa vyn kỹ. Pó tỹ alabastro tỹ tóg há jẽ, garrafa ti. Ti ki jẽ vỹ tỹ nén ger há nĩ, hã vỹ: nardo, he mũ. Ũn kaja e pẽ vẽ. Garrafa ẽn nunh mranh kỹ fi tóg ti ki jẽ ẽn tỹ Jesus gãnh tãg mũ sir.
24835	MRK 14:12	Ẽmĩ jãgja tũ konh ke kurã ve vẽ sir, mé sĩ tãnh ke kurã vẽ sir, Páscoa kã. Kỹ ti mré mũ tĩ ag tóg Jesus mỹ: “ẽg hỹn hẽ tá ã mỹ carneiro sĩ tãnh mũ, ẽg tỹ kon jé?“ he mũ.