23218	MAT 1:5	Kỹ Salmom vỹ Boaz han, ti prũ tỹ Raabe fi ki. Kỹ Boaz vỹ Obede han, ti prũ tỹ Rute fi ki. Kỹ Obede vỹ Jessé han.
23220	MAT 1:7	Kỹ Salomão vỹ Roboão han. Kỹ Roboão vỹ Abias han. Kỹ Abias vỹ Asa han.
23256	MAT 2:18	“ẽmã tỹ Ramá tá ẽg tóg vẽnh kygfỹ mẽnh mũ, vẽsỹrénh mág ke gé. Raquel fi krẽ ag vỹ tũ' he kãn, hã kỹ fi tóg vẽsỹrénh mũ,” he ja tóg nĩ.
23318	MAT 5:15	Ri ke ti nĩ, néj gru ti. Ẽg tỹ grug kỹ ẽg pijé lata krẽm fẽg tĩ'. Ti fẽg jafã hã kri ẽg tóg fẽg tĩ. Kỹ ĩn kã tá nỹtĩ kar tóg ẽn vég tĩ sir.
23379	MAT 6:28	Kỹ kur to krĩ kufy han tũg nĩ gé. Ka fej to jykrén nĩ. Jatun mỹ tóg mog tĩ. Rãnhrãj tũ tóg nĩgtĩ, kur han tũ tóg nĩgtĩ.
23502	MAT 10:16	“Carneiro vỹ, vẽnh jy nĩgãn ki kagtĩg nỹtĩ, mĩg tỹ ag mãn sór mũ ra. Ri ke ãjag nỹtĩ, hã ra sóg ãjag jẽgnẽnh mũ, ũ tỹ tỹ mĩg ri ke ag to, hã ra Topẽ hã vỹ ãjag jy nĩgãn ke mũ sir. Hã kỹ vẽnh ki rĩr há han nĩ. Pỹn jykre ri ke han nĩ. Vãjig tóg tĩ, kỹ ẽg tóg kãnhmar ti tỹ hẽ ri ke tũ nĩgtĩ. Kỹ sórãg jykre ri ke han nĩ gé. Jũ vãnh pẽ ti nĩ, nén ũ vẽnh mỹ han tũ ti nĩgtĩ.
23542	MAT 11:14	João vỹ Elias ri ke nĩ, Elias kãtĩg mãn ke ẽn ti, Cristo kãtĩg ke ẽn jo. Rán kỹ tóg nĩ. Ti hã vẽ, João hã vẽ, Elias kãtĩg mãn ẽn ti.
23577	MAT 12:19	Vĩ jũ han ke tũ ti nĩ, jũ kỹ vĩ tar han ke tũ ti nĩ gé. Re tá ag tóg ti vĩ mẽnh ke tũ nĩ gé. Komẽr hã tóg vĩnh ke mũ, he tóg, Topẽ ti.
23655	MAT 13:47	“Ẽg tỹ Topẽ tỹ tỹ ẽg pã'i nĩ venh ke kãme ũ vẽ gé, ha mẽ,” he tóg mũ gé. “Rede ri ke tóg nĩ, ẽg tỹ tỹ pirã kugmĩ jafã ẽn. Ti fón ẽg tóg tĩ, goj kã ki, ẽg tỹ pirã kugmĩ jé, kãkufár ke gé.
23743	MAT 16:2	Hã ra Jesus tóg ag mỹ: “ta to jykrén há ãjag nỹtĩ, ẽmé to ke gé,” he mũ. “Rãkãnh kỹ ãjag tóg kanhkã ki ẽvãnh tĩ. Rãren kỹ ãjag tóg: “ẽmãn ke vẽ,” he tĩ.
23771	MAT 17:2	Kỹ tóg ag jo vẽnh ve ũ han mũ sir, kỹ ti kakã tóg kókov nĩ. Rã ri ke tóg nĩ, ti kakã ti. Ti kur vỹ kópréj nĩ gé, jẽngrẽ ri ke.
23869	MAT 20:8	Rãké ra 6 horas ki patrão ẽn tóg ti tũ ki rĩr tĩ mỹ: “ha ag jé prẽr,” he mũ. “Ag mỹ ti kaja ti nĩm. Ũn tỹ rãkãnh kỹ kãmũ mũ ag mỹ nĩm vén, kar kỹ ũ tỹ kusãg ki kãmũ mũ ag mỹ nĩm rén,” he tóg.
23934	MAT 21:39	Kỹ ag tóg ti kãgmĩg mũ sir. Ró pãte ag tóg ti tén kỹ ti fón mũ sir.
23954	MAT 22:13	Kỹ tóg: “ti mrĩnh ra, ti pẽn, ti nĩgé. Re tá ti fón,” he mũ. Re tán kuty nĩ. Tá ag tóg jagtar tĩ. Ag jã tỹ ag tóg gángán ke tĩ sir, vẽso jũgjũ kỹ.
23981	MAT 22:40	Vẽnh jyvẽn tag vỹ vẽnh jyvẽn kar kãfór nỹtĩ. Régre ti nỹtĩ, Topẽ tỹ ẽg jyvẽn kãfór ti. Ẽg tỹ tag ki króm kỹ ẽg tóg Topẽ jykre ki króm kãn mũ,” he tóg, Jesus ti.
24052	MAT 24:26	“Kejẽn ag tóg ãjag mỹ: “ẽmã kórég tá tóg jẽ, Cristo ti,” henh ke mũ. Ra ti venh mũ tũg nĩ. Ag tỹ ãjag mỹ: “ĩn kã tá tóg nĩ nĩ,” he mũ ra kri fi tũg nĩ.
24059	MAT 24:33	Ri ke ti nĩ, ãjag tỹ inh kãtĩg mãn ke kurã ki kanhró nỹtĩnh ke ti. Ãjag tỹ isỹ ãjag mỹ nén tó mũ tag ve kỹ tóg, kakó tãvĩ tĩ sir, inh kãtĩg mãn ke ti, ẽn kã.
24143	MAT 26:20	Rã pur kar kỹ Jesus tóg tá jun kỹ ũ tỹ 12 (ke) ag mré ko mũ sir.
24243	MAT 27:45	Rã tỹ ẽg nĩno kã sa ra tóg kuty' he mũ sir, ga kar mĩ hã. Kuty ẽn tóg óra tãgtũ han mũ.
24255	MAT 27:57	Rãké tóg nỹ ha, kỹ ũn há tóg jun mũ. Arimatéia tá tóg kãtĩg ja nĩ. Ti jijin hã vỹ: José, he mũ. Jesus mré ke ũ vẽ gé.
24314	MRK 1:30	Hã ra Pedro prũ fi mỹnh fi vỹ kaga nỹ nĩ. Rỹg fi tóg nỹ nĩ. Kỹ ag tóg Jesus mỹ fi tó mũ.
24355	MRK 2:26	Topẽ ĩn kã ra tóg rã. Ẽn kã Abiatar vỹ tỹ Topẽ tũ to pã'i nĩ. Tá tóg Topẽ jamĩ ẽn kó, tỹ ti tỹ konh ke tũ ra. Topẽ tũ ki rĩr tĩ ag hã tỹ konh ke vẽ vẽ. Hã ra tóg kó, ti mré mũ ag ke gé. Rán kỹ tóg nĩ nĩ,” he tóg.
24388	MRK 3:31	Kỹ ti mỹnh fi tóg ti jãvy ag mré ti venh kãtĩ mũ. Re tá fag nỹtĩ. Kỹ fag tóg ũ jẽnẽg mũ, ti to.
24750	MRK 12:8	Kỹ ag tóg ti kãgmĩ kỹ ti tén mũ sir. Ró pãte ag tóg ti fón mũ sir,” he tóg.
24787	MRK 13:1	Kỹ tóg Topẽ ĩn tá kãkutẽ mũ sir. Re tá ti mré tĩ ũ tóg ti mỹ: “ve ra ha, Senhor,” he mũ. “Pó sĩnvĩ tãvĩ tỹ tóg há nỹtĩ, ĩn tag ti”, he tóg, Topẽ ĩn to.
24795	MRK 13:9	“Rẽngag nĩ. Ãjag jyvẽn tar han jé ag tóg ke mũ. Vẽnh kanhrãn jafã krẽm ag tóg ãjag mrãnmrãn ke mũ, isũgrĩn. Ãjag jé ag tóg prẽr ke mũ gé, pã'i mág tỹ ãjag ve jé, pã'i mág kar ti, ãjag tỹ ag mỹ inh vĩ tugtó jé.
24815	MRK 13:29	Ri ke ti nĩ, ãjag tỹ inh kãtĩg mãn ke kurã ki kanhró nỹtĩ ti. Ãjag tỹ sỹ ãjag mỹ nén tó mũ tag ve kỹ tóg kakó tãvĩ tĩ ha, inh kãtĩg mãn ke ti.
24840	MRK 14:17	Rã pur ja ra Jesus tóg ũ tỹ 12 (ke) ag mré tá jun mũ sir.
24916	MRK 15:21	Hã ra ũ tóg vãnh kã tákãtĩ mũ, ti jiji hã vỹ: Cirene tá Simão, he mũ. Ti krẽ ag vỹ tỹ Alexandre mré Rufo nỹtĩ. Ẽn mỹ ag tóg vĩ tar han mũ, ti tỹ Jesus krunh vỹn jé.
24928	MRK 15:33	Rã tỹ ẽg nĩno kã sa ra tóg kuty' he mũ sir, ga kar mĩ hã. Kỹ kuty ẽn tóg óra tãgtũ tũg mũ.
24937	MRK 15:42	Rãké tóg nỹ ha, vẽnh kán ke kurã to hã.
24948	MRK 16:6	Kỹ kyrũ ẽn tóg fag mỹ: “vẽnh mỹ' he tũg,” he mũ. “Ãjag hỹn Jesus jãvãnh mũ, Nazaré tá ke ti, ag tỹ krunh to ũn sãg mũ ẽn ti. Rĩr ti jẽ nĩ, tag ki ti tũ nĩ ha. Ag tỹ ti fi jan hã vẽ ha,” he tóg.
25095	LUK 3:1	Kejẽn tóg Tibério tỹ Roma tá tỹ vẽnh kar kri pã'i mág pẽ nĩ kri 15 (ke) anos han mũ. Ẽn kã Pôncio Pilatos vỹ tỹ, ga tỹ Judéia kri pã'i tỹ governador nĩ. Kỹ Herodes vỹ tỹ Galiléia kri pã'i tỹ governador nĩ gé. Jo ti jãvy tỹ Filipe vỹ tỹ ga tỹ Ituréia tá pã'i tỹ governador nĩ gé, ga tỹ Traconites tá ke gé. Jãvo Lisânias vỹ tỹ ga tỹ Abilene tá tỹ pã'i tỹ governador nĩ.
25121	LUK 3:27	Joanã, Resa, Zorobabel, Salatiel, Neri,
25129	LUK 3:35	Serugue, Reú, Pelegue, Éber, Selá,
25170	LUK 4:38	Kỹ tóg vẽnh kanhrãn jafã ẽn ki kutẽ kỹ Simão Pedro ĩn ra tĩ mũ. Hã ra ti má fi vỹ kaga kỹ nỹ nĩ. Rỹg jagy han kỹ fi tóg nỹ nĩ. Kỹ ag tóg ti mỹ fi tó mũ.
25172	LUK 4:40	Rã tỹ pun ke kar kỹ ag tóg ũn kagyga ag tatĩ kãmũ mũ. Kỹ tóg ti nĩgé tỹ ag mẽgmẽ kỹ ag tỹ hághá' he kãn mũ.
25219	LUK 6:4	Topẽ ĩn kã ra tóg rã, Davi ti. Tá tóg Topẽ jamĩ ẽn kó. Ti tỹ konh ke tũ vẽ vẽ, Topẽ tũ ki rĩr tĩ ag hã tỹ konh ke vẽ vẽ. Hã ra tóg kó, ti mré mũ tĩ ag mỹ tóg vẽnh kãpópãm gé. Rán kỹ tóg nĩ nĩ mỹr,” he tóg.
25472	LUK 10:40	Hã ra Marta fi tóg ag mỹ vẽjẽn han to vẽnh kutãn mũ. Kỹ Marta fi tóg ti mỹ: “Senhor',” he mũ. “Rãnhrãj mág han tĩ sóg nĩ, hã ra fi tóg nĩ nĩ. Fi mỹ ké, fi tỹ inh mré vẽjẽn ki rĩr jé,” he fi tóg mũ.
25555	LUK 12:27	Ka fej to jykrén nĩ gé. Jatun mỹ tóg mog tĩ. Rãnhrãj tũ tóg nĩgtĩ, kur han tũ tóg nĩgtĩ. Hã ra tóg sĩnvĩ nỹtĩgtĩ. Kỹ pã'i mág tỹ Salomão ẽn kur tóg ri ke tũ nỹtĩ ja nĩgtĩ, ti sĩnvĩ ja ra. Ki hã sóg tó mũ mỹr.
25657	LUK 14:35	“Ti kãhór nĩn kỹ tóg kórég nĩ. Fón ẽg tóg tĩ. Ẽg pijé ẽg japỹ ki ti fón tĩ', ẽg jakré tỹ tóg há' henh ke tũ nĩ gé. Ti fón pẽ han jé ẽg tóg ke mũ. Ri ke ãjag nỹtĩ, ãjag tỹ inh mré mũ pẽ han tũ nĩn kỹ. Jẽmẽ há han nĩ, sỹ ãjag mỹ nén tó mũ tag ti,” he tóg.
25727	LUK 17:7	“Ãjag camarada jykre to jykrén nĩ,” he tóg. “Ãjag japỹ ki tóg rĩr tĩ, ke tũ nĩ kỹ ãjag mẽg ki. Rãkãnh kỹ tóg ti rãnhrãj ja tá kãtĩ tĩ. Kỹ ãjag pijé ti mỹ: “kunĩg, jẽn jé,” he tĩ'.
25875	LUK 20:27	Kỹ Saduceu ag tóg ti tá junjun mũ gé, ti ki jẽmẽ jé. Hã ra Saduceu ag tóg: “ẽg ter ja tá ẽg tóg vỹn ke mãn ke tũ nĩ. Rĩr mãn ke tũ ẽg tóg nĩ,” he tĩ.
25885	LUK 20:37	Rĩnrĩr mãn jé ag tóg ke mũ, ũn kãgter mũ ag, ha vem nĩ. Hã kỹ Moisés tóg Topẽ to tag tó ja nĩ, ha mẽ. Ti tỹ vãnh pũr nĩ ẽn tá ti mré vẽmén kar kỹ tóg Topẽ to: “Abraão mré Isaque mré Jacó ag tỹ ũn to: Topẽ, he mũ ẽn vẽ,” he ja nĩ.
26089	LUK 24:29	Kỹ ag tóg ti mỹ: “ẽg mré nĩm nĩ. Rãké tóg nỹ ha. Kutyg tóg rã ha,” he mũ. Kỹ tóg ag mré rã mũ.
26151	JHN 1:38	Kỹ tóg ag mỹ: “ne nẽ?“ he mũ. Kỹ ag tóg: “Rabi', ã hẽ tá ẽmã nĩ?“ he mũ. Rabi to ken hã vẽ, hã vỹ: ẽg kanhrãn tĩ, he mũ.
26152	JHN 1:39	Kỹ tóg: “mũ jé ha, ve jé,” he mũ. Kỹ ag tóg ti mré mũ mũ sir. Ti mré ag kurã ẽn tũg mũ. Rã ké ti nỹ ha, 4 óra hỹn hẽn ri ke mũn.
26162	JHN 1:49	Kỹ tóg ti mỹ e tĩ. “Topẽ kósin vỹ tỹ ã nĩ, Rabi',” he tóg. “Ẽg povo tỹ Israel kri pã'i vỹ tỹ ã nĩ,” he tóg.
26204	JHN 3:15	Kỹ ũ tỹ inh ki rã mũ ẽn vỹ kren ke mũ. Rĩr krỹg ja tũ ve jé tóg ke mũ. Hã jé ag tóg ka to isanh ke mũ.
26225	JHN 3:36	Hã kỹ ũ tỹ ti kósin ki rã mũ vỹ ter mãn ke tũ nĩ. Rĩr krỹg ja tũ ve jé tóg ke mũ. Ũ tỹ ti vĩ han sór tũ ẽn vỹ rĩr krỹg ja tũ tag venh ke tũ pẽ nĩ. Topẽ vỹ ti vóg kónãn ke mũ. Kỹ ti jagtar ke tóg tũ' henh ke tũ nĩ,” he tóg, João ti.
26231	JHN 4:6	Kỹ Jacó poço vỹ tá nĩ gé. Jesus tỹ poço ẽn tá jun kỹ tóg tá vẽnhkán kỹ nĩ nĩ, poço ẽn rã hã. Rã tỹ ẽg nĩno kã sa ra ke ja vẽ.
26303	JHN 5:24	“Ãjag mỹ sóg tag tó mũ, ha mẽ. Ki hã sóg tó mũ, ha mẽ. Ũ tỹ inh vĩ jẽmẽg mũ ẽn vỹ ter ke tũ nĩ. Rĩr krỹg ja tũ ve jé tóg ke mũ, ti tỹ ũ tỹ inh jẽnẽg mũ ẽn ki rã kỹ jẽn kỹ. Ẽn to tóg jũnh ke tũ nĩ, Topẽ ti. Ti ter ke vẽ vẽ, hã ra tóg ter ke tũ nĩ.
26468	JHN 8:18	Hã kỹ sóg vẽnh kãmén mũ. Hã ra inh panh tóg inh jẽnẽ, kỹ ti hã tóg inh kãmén mũ gé. Régre ẽg nỹtĩ, he tóg.
26565	JHN 10:15	Ri ke ti nĩ gé, inh panh mré. Inh ki kanhró tóg nĩ, kỹ sóg ti ki kanhró nĩ gé. Kỹ sóg inh mẽg jagfy ter ke mũ.
26600	JHN 11:8	Kỹ ag tóg ti mỹ: “Senhor, ẽg tỹ tá nỹtĩn kỹ pã'i ag tóg ã tén sór ja nĩ, pó tỹ ã pin kỹ. Ra tĩg sór tũg nĩ,” he mũ.
26640	JHN 11:48	Ẽg tỹ ti kato vãsãn tũ nĩn kỹ vẽnh kar vỹ ti ki genh ke mũ. Kỹ fóg tỹ Romano ag vỹ ẽg kato vãsãnsãn ke mũ. Topẽ ĩn kókén jé ag tóg ke mũ, kỹ ag tóg ẽg kãgtén kãn ke mũ gé, ha vem nĩ,” he ag tóg.
26739	JHN 14:2	Inh panh jamã tá ãjag ĩn vỹ e nỹtĩ, ki hã sóg tó mũ. Ti tỹ tá tũ nỹtĩ ra sóg tónh ke tũ nĩ vẽ. Ra tĩg jé sóg ke mũ, isỹ ãjag mỹ ãjag ĩn kãnkãn jé.
26756	JHN 14:19	Kãnhmar ũ tỹ inh ki ge jãvãnh ẽn ag tóg inh ve mãn ke tũ nĩ. Ag jãvo ãjag tóg inh ve mãn ke mũ. Rĩr inh nĩ nĩ, kỹ ãjag tóg inh ri kén rĩnrĩr mãn ke mũ gé.
26860	JHN 18:6	Jesus tỹ ag mỹ: “inh hã vẽ,” hen kỹ ag tóg ti jo ranh ke mũ. Rom ke ag tóg mũ sir, ẽprã.
26908	JHN 19:14	Rã tỹ ẽg nĩno kã sa ra ke vẽ. Tỹ vaj kỹ ag tóg fénhta tỹ Páscoa ẽn han sór mũ, hã kỹ ag tóg ũri vẽjẽn tỹ hẽn ri ke kãn mũ. Ẽn kã Pilatos tóg Judeu ag mỹ: “ãjag pã'i mág hã vẽ ha,” he mũ.
26952	JHN 20:16	Kỹ tóg fi mỹ: “Maria',” he mũ, fi jiji tó kỹ. Kỹ fi tóg vãhã ti ki kanhrãn mũ sir, ti tỹ fi mỹ fi jiji tó kỹ. Kỹ fi tóg ti mỹ: “Raboni', ã hã mỹ'?“ he mũ. Hebreu vĩ ki fi tóg tó mũ. Ẽg vĩ ki ẽg tóg tag to: “Senhor,” he tĩ.
26975	JHN 21:8	Hã ra ag tóg ti nón barco kã mĩ mũ mũ gé. Rede ẽn raran ag tóg mũ mũ. Kakó ti nĩ ha, goj fyr ti, 100 (ke) metros hỹn.
27028	ACT 2:10	Frígia tá, Panfília tá, Egito tá, ga tỹ Líbia tá, ẽmã tỹ Cirene ẽn mã tá. Ũ ag tóg ẽmã tỹ Roma tá kãmũ mũ gé.
27094	ACT 4:3	Hã kỹ ag tóg Pedro ag sigség mũ. Vẽseja kã tá ag tóg ag vãm mũ, ag tỹ tá nũgnũr pir han jé. Rãké ti nỹ ha, hã kỹ ag tóg: “ha ver kã tá nũgnũr,” he mũ.
27228	ACT 7:43	Ón kỹ topẽ tỹ Moloque kãgrá va ãjag tóg mũ ja nĩgtĩ, krĩg kãgrá ke gé, hã vỹ: Renfã, he mũ. Ẽn to ãjag tóg jãnjãn ja nĩgtĩ. Hã kỹ sóg ãjag vóg kónãn kỹ Babilônia tá ke ag jẽgnẽnh mũ, ag tỹ ãjag tatĩ mũ jé, he tóg, Topẽ ti, ti vĩ tó tĩ tỹ,” he tóg, Estêvão ti.
27288	ACT 9:3	Hã jé tóg Damasco ra tĩ mũ. Ti tỹ to hã tĩ ra vãhã jẽngrẽ tar tóg vẽnh ven mũ, kanhkã tá. Rã kãfór tóg nĩ, hã ra tóg Saulo ki kómkóm ke mũ sir.
27419	ACT 12:13	Kỹ tóg ĩn jãnkã tỹ tórón' tórón' ke mũ. Kỹ fi mỹ rãnhrãj tĩ fi tóg venh kãtĩ mũ. Fi jiji hã vỹ: Rode, he mũ.
27420	ACT 12:14	Kỹ fi tóg Pedro vĩ ki kanhrãn mũ, hã ra fi tóg ti jy nón tũ nĩ. Róm tũ fi nĩ, jãnkã ti, fi fe tỹ mrin ke mũ ra. Fi tỹ ĩn kã ra rã kỹ fi tóg vẽnh kar mỹ: “Pedro vỹ ró to jẽ,” he mũ.
27442	ACT 13:11	Ha vé, Topẽ vỹ ã vóg mũ, kỹ ã tóg kyvãn ha. Rã venh ke tũ ã nĩ ha, kurã tỹ hẽn ri ke ki,” he tóg, Paulo ti. Kỹ tóg vẽsỹmér ti mỹ kuty' he mũ. Kyvó tóg nĩ sir. Kỹ tóg jẽmĩg mũ. Ũ jé tóg prẽr mũ, ti tỹ ti pére tĩg jé.
27564	ACT 16:12	Tá pa kỹ ẽg tóg ẽmã tỹ Filipos ra mũ mũ. Ga tỹ Macedônia ki ẽmã ve vẽ. Ẽg tỹ tá junjun vén jan hã vẽ. Fóg tỹ Romano ag jamã ũ vẽ. Tá ẽg tóg kurã tỹ hẽn ri ke han mũ.
27573	ACT 16:21	Vẽjykre vẽnh mỹ tó ag tóg mũ, ẽg tỹ nén han ke tũ tó ag tóg mũ. Tỹ ẽg tóg Romano nỹtĩ, kỹ ag jykre tóg ẽg mỹ ũ nỹ,” he ag tóg.
27578	ACT 16:26	Kỹ vãhã ga tóg jũrũn ke mũ. Vẽse ja krẽm tóg jũrũn ke mũ. Kỹ vẽsỹmér jãnkã kar vỹ nognor kr kãn mũ. (Rómróm kãn tóg mũ.) Kỹ vẽsigse ag kar se ja tỹ ferro ẽn tóg kygvar' he kãn mũ.
27579	ACT 16:27	Kỹ vẽse ja ki rĩr tĩ ẽn tóg rĩr mũ. Hã ra vẽse ja jãnkã kar vỹ nognor kỹ nỹtĩ nĩ. (Rómróm kỹ tóg nỹtĩ nĩ.) Kỹ tóg ti rógro ẽn kunũnh kỹ vẽnh kusón sór mũ. “Vẽsigse kar ag hỹn vẽnh pigju kãn,” he tóg.
27589	ACT 16:37	Kỹ Paulo tóg ti mỹ: “tỹ ẽg Romano nỹtĩ, ag mré, hã ra ag tóg vẽnh ó to ẽg mrãnmrãn ja nĩ,” he mũ. “Kỹ vẽnh kar vỹ ve kãn. Ẽg ki jẽmẽg mẽ kã ag tóg vẽse ja kã ki ẽg vãm. Jó ag tóg vẽnh kar vatánh tá ẽg mỹ: hã mũ jẽg, he sór mũ. Mũnh ke tũ ẽg nĩ. Ag hã tóg kãmũ kỹ ẽg tatĩ mũnh mũ, pã'i ag,” he tóg.
27590	ACT 16:38	Kỹ porisa ag tóg pã'i ag mỹ tag tó mũ sir. Kỹ tóg ag mỹ e tĩ. Ag tỹ Romano ũ vóg kónãn ke tũ vẽ vẽ, hã kỹ pã'i ag fe tóg jũrũn ke mũ.
27628	ACT 18:2	Tá Judeu ũ tóg nĩ nĩ, ti jiji hã vỹ: Áquila, he mũ. Ponto tá ke vẽ. Ga tỹ Itália tá tóg kãtĩg ja nĩ, ti prũ fi mré. Fi jiji hã vỹ: Priscila, he mũ. Pã'i mág tỹ imperador tỹ Cláudio he mũ tóg Judeu kar ag mỹ: “ẽmã tỹ Roma ki pa jẽg,” he ja nĩgtĩ. Hã kỹ fag tóg ẽmã tỹ Corinto tá junjun ja nĩgtĩ.
27675	ACT 19:21	Kar kỹ Paulo tóg ga tỹ Macedônia mĩ kutẽ sór mũ, ga tỹ Grécia mĩ, Jerusalém ra tĩg jé. “Isỹ Jerusalém ra tĩg kar kỹ sóg ẽmã tỹ Roma ra tĩg sór mũ gé,” he tóg.
27706	ACT 20:12	Hã ra ag tóg kyrũ ẽn pére kãmũ mũ. Rĩr tóg nĩ nĩ, kỹ ag fe tóg há' he mũ sir.
27733	ACT 21:1	Vãhã ẽg tóg ag mỹ: “ẽg mũ sór vẽ,” he mũ. Kỹ tóg ẽg tỹ ag ré kỹ mũ kỹ ag mỹ jagy tĩ. Ge ra ẽg tóg tá pa mũ. Kỹ ẽg tóg vẽsỹmér canoa mág kã mĩ mũ mũ, goj vãso tỹ Cós kukãm. Tỹ vaj kỹ ẽg tóg goj vãso tỹ Rodes tá junjun mũ. Kar ẽg tóg ẽmã tỹ Pátara tá junjun mũ sir.
27778	ACT 22:6	“Isĩg kỹ sóg Damasco tá jun mũ. Kỹ vãhã jẽngrẽ tar pẽ tóg inh ki kómkóm ke mũ. Kanhkã tá ke vẽ. Rã tỹ ẽg nĩno kã sa ra tóg ke mũ.
27797	ACT 22:25	Kỹ ag tóg ti ség mũ, nén fár tỹ, ag tỹ ti mrãnmrãn jé. Hã ra Paulo tóg capitão ẽn mỹ: “mỹ ã mỹ há', ag tỹ inh mrãnmrãn ke ti? Tỹ sóg Romano nĩ, hã ra ag tóg inh mrãnmrãn sór mũ, ũ tỹ inh ki jẽmẽg tũ ra,” he mũ.
27798	ACT 22:26	Kỹ tóg capitão mỹ e tĩ, kỹ tóg pã'i mág mỹ tónh tĩ mũ. Ti mỹ tóg: “ã tỹ ne han ke nẽ ha? Romano vẽ mỹr,” he mũ.
27799	ACT 22:27	Kỹ pã'i mág tóg ti to kãtĩ kỹ ti mỹ: “kỹ ã mỹ tỹ Romano nĩ'?“ he mũ. Kỹ tóg: “hỹ,” he mũ.
27800	ACT 22:28	Kỹ tóg ti mỹ: “isỹ tỹ Romano nĩ jé sóg jãnkamy tỹ hẽn ri ke tỹ kajãm,” he mũ. Kỹ Paulo tóg ti mỹ: “inh mur mũ kã sóg tỹ Romano nĩ hã ra,” he mũ.
27801	ACT 22:29	Kỹ ag tóg ti tovãnh mũ sir, ũ tỹ ti mrãnmrãn ke mũ ẽn ag. Hã ra tóg pã'i mág mỹ e tĩ. Ti tỹ ũn tỹ tỹ Romano nĩ senh ke tũ vẽ vẽ, hã kỹ tóg ti mỹ e tĩ.
27813	ACT 23:11	Tỹ kuty kỹ Jesus tóg Paulo mré vĩ mũ. “Kamẽg tũg ra. Jerusalém tá ã tóg inh vĩ tó há han. Ge jé ã tóg ke mũ, ẽmã tỹ Roma tá,” he tóg.
27829	ACT 23:27	Tag vỹ tỹ Judeu ag vẽse jẽ. Ti tén kren ag tóg. Hã ra sóg ti tỹ tỹ Romano nĩ jẽmẽ, kỹ sóg inh soldado ag mré ti kren han.
27876	ACT 25:12	Kỹ Festo tóg ti mré jykrén mũ ag mré vĩ mũ, kỹ tóg ti mỹ: “ã tỹ Imperador ve sór kỹ ã tóg ti venh tĩg ke mũ, Roma ra,” he mũ.
27880	ACT 25:16	“Kỹ sóg ag mỹ: ẽg jykre tóg ge tũ nĩ, he mũ. Tỹ ẽg Romano nỹtĩ. Kỹ ẽg pijé kãnhmar ũ to: ti tén ra, he tĩ', he sóg. Ti kato vĩ mũ ag tỹ ti rĩnve inh mỹ ti jykre kórég tónh ke vẽ. Kar kỹ tóg vẽnh kãmén ke mũ. Tag pãte ẽg tóg ti vóg kónãn ke mũ. Ẽg jykren hã vẽ, he sóg ag mỹ,” he tóg.
27904	ACT 26:13	Ẽpry kri sóg jẽngrẽ tar vé, rã tỹ ẽg nĩno kã sa ra, kanhkã tá. Rã kãfór vẽ, jẽngrẽ ẽn, ha mẽ. Inh ki tóg kómkóm ké, inh mré mũ ag ki ke gé.
27970	ACT 28:3	Kỹ Paulo tóg pĩnh tĩ mũ, kỹ tóg pĩ ki nĩn mũ. Hã ra pỹn tóg pĩ kã kã nỹ ja nĩ. Rỹ mẽ kỹ tóg tim ke kỹ Paulo prãg mũ, ti nĩgé ki.
27978	ACT 28:11	Kysã tãgtũ tũg kỹ ẽg tóg canoa ũ kã ra ge mũ sir. Ẽmã tỹ Alexandria tá ke vẽ gé. Tá tóg kusa fĩn rãm ja nĩ. Ti rá vỹ tỹ ti vẽgni kãgrá nĩ. Romano ag topẽ ũ vẽ, ti vẽgni kãgrá ti.
27980	ACT 28:13	Tá pa kỹ ẽg tóg ẽmã tỹ Régio tá junjun mũ. Tỹ vaj kỹ kãka tóg ẽg vóg há han mũ. Hã kỹ ẽg tóg kurã régre tũg kỹ ẽmã tỹ Pozuoli tá junjun mũ sir.
27981	ACT 28:14	Tá ẽg tóg Jesus mré ke ag vég mũ, kỹ ag tóg ẽg mỹ: “ẽg mré semana tũg nĩ ver,” he mũ. Kar kỹ ẽg tóg ẽmã tỹ Roma ra mũ mũ sir.
27982	ACT 28:15	Roma tá ke ag tóg ẽg kãmũ mẽ ja nĩ, Jesus mré ke ag. Kỹ ag tóg ẽg venh kãmũ mũ. Ẽmã tỹ Ápio he mũ ẽn tá ag tóg ẽg kato tẽgtẽ mũ, ẽmã tỹ Venda Tãgtũ he mũ ẽn tá ke gé. Paulo tỹ ag ve kỹ ti fe tóg mrin ke mũ. Kỹ tóg Topẽ mỹ vĩ há han mũ. Ti krĩ tóg kãnhvy' he mũ sir.
27983	ACT 28:16	Ẽg tỹ ẽmã mág tỹ Roma tá junjun kỹ Paulo tóg vyr mỹ nĩ nĩ. Vẽse ũ ag mré tóg nĩ tũ nĩ. Soldado pir hã tóg ti ki rĩr mũ. Capitão tóg ti mỹ tag to: “he,” he ja nĩ.
27984	ACT 28:17	Kurã tãgtũ tũg kỹ Paulo tóg Judeu ag pã'i ag jé prẽr mũ. Kỹ tóg ag mỹ: “inh kanhkã', se kỹ inh jẽ, Jerusalém tá,” he mũ. “Kỹ ag tóg tá fóg tỹ Romano ag mỹ inh fẽg, isỹ nén ũ kórég han tũ hã ra, isỹ ẽg jykre mranh tũ hã ra,” he tóg.