23224	MAT 1:11	Kỹ Josias vỹ Jeconias han, ti jãvy ag ke gé. Israel ag tỹ ẽmã tỹ Babilônia ra sigse kỹ mũ mũ ẽn kã tóg ag hynhan.
23230	MAT 1:17	Abraão krẽ'krẽ ag tóg 14 (ke) nỹtĩ, Davi mré nĩgkrén kỹ. Kỹ Davi krẽ'krẽ ag tóg 14 (ke) nỹtĩ gé, ag tỹ ag nĩgkrén kỹ, ag tỹ ẽmã tỹ Babilônia ra ag tatĩ mũ mũ ẽn kã. Ag tỹ tá vỹnvỹn ke ẽn kar kỹ ag krẽ'krẽ vỹ 14 (ke) nỹtĩ gé, Cristo mré nĩgkrén kỹ. Cristo jógjóg ve ag hã vẽ.
25095	LUK 3:1	Kejẽn tóg Tibério tỹ Roma tá tỹ vẽnh kar kri pã'i mág pẽ nĩ kri 15 (ke) anos han mũ. Ẽn kã Pôncio Pilatos vỹ tỹ, ga tỹ Judéia kri pã'i tỹ governador nĩ. Kỹ Herodes vỹ tỹ Galiléia kri pã'i tỹ governador nĩ gé. Jo ti jãvy tỹ Filipe vỹ tỹ ga tỹ Ituréia tá pã'i tỹ governador nĩ gé, ga tỹ Traconites tá ke gé. Jãvo Lisânias vỹ tỹ ga tỹ Abilene tá tỹ pã'i tỹ governador nĩ.
25117	LUK 3:23	Jesus vỹ 30 anos han mũ, ti tỹ vẽnh kar mỹ Topẽ kãmén ve ki. “José kósin vẽ,” he ag tóg tĩ ti to, hã ra tóg tỹ ti kósin tũ nĩgtĩ. Eli kósin vẽ, Jesus ti, kỹ Eli ẽn vỹ tỹ ti vovô nĩ. Ti jo ke ag jigjin hã vẽ, hã vỹ: Eli,
26073	LUK 24:13	Kurã ẽn kã ti mré mũ tĩ régre ag tóg ẽmã sĩ ra mũ mũ. Jerusalém tán kakó nĩ, 12 (ke) quilômetros hỹn. Ẽmã ẽn jijin hã vỹ: Emaús, he mũ.
26345	JHN 6:19	Mũ sĩ han ja ag nĩ ver, 5 (ke) quilômetros, hỹn, ke tũ nĩ kỹ 6 (ke), goj kri. Vãhã ag tóg ti vég mũ sir, ti tỹ goj kri tĩg kỹ. Ag ki tóg jun mũ. Kỹ ag tóg jũrũn ke mũ.
26610	JHN 11:18	Hã ra ag tóg Jerusalém kakó ki nỹtĩ, 3 (ke) quilômetros hỹn, ẽmã tỹ Betânia ki.
27228	ACT 7:43	Ón kỹ topẽ tỹ Moloque kãgrá va ãjag tóg mũ ja nĩgtĩ, krĩg kãgrá ke gé, hã vỹ: Renfã, he mũ. Ẽn to ãjag tóg jãnjãn ja nĩgtĩ. Hã kỹ sóg ãjag vóg kónãn kỹ Babilônia tá ke ag jẽgnẽnh mũ, ag tỹ ãjag tatĩ mũ jé, he tóg, Topẽ ti, ti vĩ tó tĩ tỹ,” he tóg, Estêvão ti.
27482	ACT 13:51	Kỹ Paulo ag tóg ag pẽn kykũkũg mũ, ag mỹ: “Topẽ tovãnh ãjag huri,” he jé. Kỹ ag tóg ẽmã tỹ Icônio ra mũ mũ sir.
27484	ACT 14:1	Ag tỹ Icônio tá junjun kỹ ag tóg sir Judeu ag tỹ vẽnh kanhrãn jafã kã ra ge mũ. Kỹ ag tóg ag mỹ Topẽ vĩ kãmén mũ. Kỹ Judeu tỹ hẽn ri ke ag tóg Jesus ki ge mũ gé, fóg tỹ hẽn ri ke ag ke gé.
27489	ACT 14:6	Hã ra Paulo ag tóg mẽg mũ, kỹ ag tóg ẽmã tỹ Listra ra mũ mũ, ẽmã tỹ Derbe ra ke gé. Ẽmã tỹ Licaônia rã hã ẽmã ag vẽ.
27494	ACT 14:11	Kỹ tóg vẽnh kar ẽn mỹ e tĩ, ag tỹ Paulo tỹ nén han mũ ven kỹ. Kỹ ag tóg ag vĩ ki jagnẽ mỹ ke mũ, vĩ tỹ Licaônica he mũn ki. Jamã há ra ag tóg: “topẽ ag vỹ ẽg ki junjun,” he mũ. “Ẽg ri ke ag nỹtĩ, topẽ ag,” he ag tóg, Paulo ag to.
27502	ACT 14:19	Kar kỹ ẽmã tỹ Antioquia tá ke ag tóg tá junjun mũ, ẽmã tỹ Icônio tá ke ag ke gé. Judeu ag vẽ. Ẽn ag tóg vẽnh kar krĩn kónãn mũ, kỹ ag tóg Paulo pin mũ, pó tỹ. “Ter ti huri,” he ag tóg mũ sir. Kỹ ag tóg ti raran kỹ ẽmã fyr tá ti fón mũ sir.
27504	ACT 14:21	Tá ag tóg Jesus kãme sér tó mũ gé. Kỹ ũ tỹ hẽn ri ke ag tóg Jesus ki ge mũ sir, fag mré hã. Kar kỹ ag tóg ẽmã tỹ Listra ra vỹnvỹn ke mũ, ẽmã tỹ Icônio ra ke gé, Antioquia ra ke gé, ag tỹ hẽ tá kãmũ ja ẽn ra.
27554	ACT 16:2	Kỹ Listra tá Jesus mré ke ag tóg Timóteo to vĩ há han mũ, Icônio tá ke ag ke gé.
27560	ACT 16:8	Kỹ ag tóg Mísia rã mũ kỹ ẽmã tỹ Trôade tá junjun mũ.
27561	ACT 16:9	Kỹ kuty ẽn kã Paulo tóg nén nẽ vég mũ, ti vẽnhpéti ki. Ga tỹ Macedônia tá ke vég tóg mũ. Ti jo tóg jẽ nĩ. Kỹ tóg ti mỹ: “Macedônia to kãtĩg, ẽg kanhrãn jé,” he mũ. Kỹ tóg rĩr mũ sir.
27562	ACT 16:10	Ti tỹ nén nẽ ẽn ve kar kỹ ẽg tóg vẽsỹmér Macedônia ra mũ sór mũ sir. “Jesus hỹn ẽg mỹ: ha mũ jẽg, hé. Ag mỹ inh vĩ tó, he ti hỹn,” he ẽg tóg.
27563	ACT 16:11	Kỹ ẽg tóg ẽmã tỹ Trôade ki pa mũ. Vẽsỹmér ẽg tóg goj vãso tỹ Samotrácia ra mũ mũ. Tỹ vaj kỹ ẽg tóg ẽmã tỹ Neápolis ra mũ mũ.
27564	ACT 16:12	Tá pa kỹ ẽg tóg ẽmã tỹ Filipos ra mũ mũ. Ga tỹ Macedônia ki ẽmã ve vẽ. Ẽg tỹ tá junjun vén jan hã vẽ. Fóg tỹ Romano ag jamã ũ vẽ. Tá ẽg tóg kurã tỹ hẽn ri ke han mũ.
27593	ACT 17:1	Kỹ ag tóg ẽmã tỹ Anfípolis mĩ pa mũ, ẽmã tỹ Apolônica mĩ ke gé. Kỹ ag tóg Tessalônica tá junjun mũ. Tá Judeu ag vẽnh kanhrãn jafã tóg jẽ.
27603	ACT 17:11	Beréia tá ke ag tóg jykre há nỹtĩ. Ag pijé Tessalônica tá ke ag ri ke nỹtĩ'. Kỹ ag tóg Paulo ag vĩ kri fig mũ. Ag mỹ tóg há tĩ sir. Kurã kar ki ag tóg Topẽ vĩ to vẽnh kanhrãn mũ, ag tỹ to: “ki hã tóg tó tĩ,” hen kỹ.
27605	ACT 17:13	Kỹ Judeu ag tóg mẽg mũ, Tessalônica tá. Paulo tỹ Beréia tá Topẽ vĩ tó mẽg ag tóg mũ sir. Kỹ ag tóg Beréia tá junjun mũ, ag tỹ tá vẽnh kar jũgjũ han jé.
27631	ACT 18:5	Kỹ Silas vỹ Macedônia tá kãtĩ mũ, Timóteo mré. Kỹ Paulo tóg Topẽ vĩ tó tãvĩ nĩ nĩ. Ðn tỹ kur han mãn tũ tóg nĩ. Judeu ag mỹ tóg Jesus kãmén mũ, fóg ag mỹ ke gé.
27675	ACT 19:21	Kar kỹ Paulo tóg ga tỹ Macedônia mĩ kutẽ sór mũ, ga tỹ Grécia mĩ, Jerusalém ra tĩg jé. “Isỹ Jerusalém ra tĩg kar kỹ sóg ẽmã tỹ Roma ra tĩg sór mũ gé,” he tóg.
27676	ACT 19:22	Kỹ tóg ga tỹ Macedônia ra ũn régre ag jẽgnẽg mũ, ti mré rãnhrãj mũ ag, hã vỹ: Timóteo mré Erasto, he mũ. Jãvo ti hã tóg ga tỹ Ásia tá nĩ nĩ ver.
27683	ACT 19:29	Kỹ ẽmã ẽn ki ke ag tóg jagnẽ kato tẽgtẽ mũ sir. Kỹ vẽnh kar tóg ĩn mág ẽn ra pétẽ mũ, ĩn kri ĩn tũ ẽn ra. Gaio he mũ ẽn pére ag tóg mũ mũ, ti kãgmĩ kỹ, Aristarco ke gé. Macedônia tá ag tóg Paulo mré kãmũ ja nĩgtĩ. Ẽn ag kugmĩ kỹ ag tóg ag tatĩ mũ mũ.
27695	ACT 20:1	Vẽnh kar tỹ jatu hen kỹ Paulo tóg Jesus ki ge kỹ nỹtĩ ag jé prẽr mũ, ag jyvẽn jé. Kỹ tóg ag mỹ: “sỹ tĩg ke nẽ ha,” he mũ. Kỹ tóg ga tỹ Macedônia ra tĩ mũ sir.
27697	ACT 20:3	Tá tóg kysã tãgtũ tũg mũ. Kỹ tóg canoa mág kã mĩ ga tỹ Síria ra vỹn ke sór mũ. Hã ra tóg Judeu ag tỹ canoa tỹ krỹg' he ja tá ti vóg kónãn sór mũ mẽg mũ. Kỹ tóg ga tỹ Macedônia mĩ kutẽ mũ, ga tỹ Síria ra vỹn ken jé.
27698	ACT 20:4	Ti mré ũ ag tóg mũ mũ, hã vỹ: Sópatro, he mũ, Pirro kósin tag ti. Beréia tá ke vẽ. Kỹ Tessalônica tá Artistarco tóg ti mré tĩ mũ, Segundo ke gé. Derbe tá Gaio tóg ti mré tĩ mũ, Timóteo ke gé. Ásia tá Tíquico tóg ti mré tĩ mũ, Trófimo ke gé.
27699	ACT 20:5	Ẽn ag kar vỹ ẽg jo mũ mũ, ẽmã tỹ Trôade ra. Tá ag tóg ẽg jãvãnh mũ sir.
27700	ACT 20:6	Jãvo ẽg tóg ẽmã tỹ Filipos tá fénhta tỹ pũ jẽgja tũ ko kar kỹ mũ mũ. Kỹ ẽg tóg kurã tỹ 5 (ke) tũg kỹ ẽg jo mũ mũ ag nón Trôade tá junjun mũ. Tá ẽg tóg kurã tỹ 7 (ke) tũg mũ sir.
27707	ACT 20:13	Kỹ ẽg tóg ti jo canoa mág kã ra ge kỹ ẽmã tỹ Assôs ra mũ mũ. Tá Paulo tóg ẽg mré canoa kã ra rã sór mũ gé, ti tỹ ẽg mré tĩg jé. “Ijo ra mũ jẽg, jãvo sóg inh pẽn kã ra tĩg mũ,” he ja tóg nĩ.
27925	ACT 27:2	Kỹ ẽg tóg canoa mág kã ra ge mũ sir. Ẽmã tỹ Adramítio tá ke vẽ, canoa mág ẽn ti. Ag tỹ ga tỹ Ásia fyr ra mũ sór vẽ. Kỹ ẽg tóg goj kã mĩ mũ mũ, tá pa kỹ. Aristarco tóg ẽg mré tĩ mũ, ẽmã tỹ Tessalônica tá ke ẽn ti, ga tỹ Macedônia tá.
28397	ROM 15:26	Ga tỹ Macedônia tá Jesus mré ke ag vỹ inh mỹ jãnkamy vin, ga tỹ Grécia tá ke ag ke gé, isỹ Jerusalém tá ẽg mré ke tỹ jagtar nỹtĩ ẽn ag mỹ nĩm jé.
28411	ROM 16:7	Kỹ sóg Adrônico mĩ ẽkrég tĩ gé, Júnia fi mĩ ke gé. Inh kanhkã fag vẽ. Inh mré fag tóg sigse kỹ nỹtĩ ja nĩgtĩ gé. Apóstolo ag kã mĩ fag tóg tỹ ũn mág nỹtĩ. Vãsỹ fag tóg Jesus ki ge jẽg, isỹ ti ki rã tũg ki.
28849	1CO 16:5	Kỹ sóg, isỹ ga tỹ Macedônia mĩ kutẽn kỹ vãhã ãjag tá jun sór mũ sir. Isỹ Macedônia mĩ kutẽ sór vẽ.
28884	2CO 1:16	Ãjag ve kar kỹ sóg ga tỹ Macedônia ra tĩg ke mũ vẽ. Kar kỹ, isỹ tá kãtĩg mãn kỹ sóg ãjag ve mãn ke mũ gé vẽ, ãjag tỹ inh jagãgtãn kỹ inh mỹ isỹ nén ve sór mũ ven jé, isỹ ga tỹ Judéia ra tĩg há han ke to.
28904	2CO 2:12	Ha vé, isỹ ẽmã tỹ Trôade tá jun kỹ sóg tá ke ag mỹ Cristo kãme sér ẽn tó ja nĩgtĩ. Kỹ ag tóg jẽmẽ há han ja nĩgtĩ, ẽg Senhor tỹ ag krĩn kỹ.
28905	2CO 2:13	Hã ra sóg ẽg mré ke tỹ Tito ve ja tũ nĩ, tá. Isỹ tá ti venh ke vẽ vẽ. Hã ra tóg ki tũ nĩ, isỹ tá jun mũ ra. Hã kỹ sóg ti to krĩ kufy nĩ ja nĩgtĩ. Hã kỹ sóg ag mỹ: “isĩg ke vẽ,” he kỹ tĩg ja nĩ sir, ga tỹ Macedônia ra, ti nón.
28989	2CO 7:5	Ha vé, isỹ ga tỹ Macedônia tá jun kỹ sóg nén ũ tỹ inh krĩ kuprãg ke ve ja tũ nĩ. Tá sóg ti jagy ve mãn gé. Iso ag tóg rárá, kỹ sóg vẽnh mỹ en mãn gé sir.
29001	2CO 8:1	Kỹ sóg ãjag mỹ Topẽ tỹ ga tỹ Macedônia tá ke ag tar han mũ tó sór mũ gé. Ag jagãgtar hã ra ag tóg Jerusalém tá ke ag jagãgtãn sór mũ, ag mỹ jãnkamy jẽnẽn kỹ.
29002	2CO 8:2	Ha vé, Macedônia tá ag tóg ti jagy pẽ hã ve ja nĩgtĩ. Ge ra tóg ag mỹ sér tĩ. Jagãgtar ag nỹtĩ gé. Tỹ nén ũ mág tũ ag nỹtĩ. Hã ra ag tóg, ag mỹ sér nĩn kỹ vin mág pẽ han ja nĩgtĩ. Ag tỹ ra jãnkamy jẽnẽ sór vẽ.
29026	2CO 9:2	Ag jagãgtãn sór ãjag tóg mũ, ki kanhró sóg nĩ. Hã kỹ sóg Macedônia tá ke ag mỹ tó tĩ. Ag mỹ sóg: “Grécia tá ke ag ne Jerusalém tá ke ag mỹ nén ũ jẽnẽ sór tĩ',” he tĩ. “Kri prỹg tóg nỹ ha,” he sóg tĩ, ãjag to. Kỹ ag tóg ke sór mũ gé sir, ãjag kóm.
29028	2CO 9:4	Hẽn ri ke mũn Macedônia tá ke ũ ag tóg, inh mré kãmũ sór mũ. Kỹ tóg, ãjag tỹ nén vin ja tũ nĩ kỹ inh mỹ'a tĩnh mũ, isỹ ón kỹ vĩ ja nĩn kỹ. Kỹ tóg ãjag mỹ'a tĩnh mũ gé sir.
29066	2CO 11:9	Kỹ, isỹ jãnkamy ve sór mũ ra sóg ãjag mỹ tó ja tũ nĩ gé. “Ti hỹn ag mỹ jagy tĩnh mũ,” he sóg tĩ. Ga tỹ Macedônia tá ẽg régre ag ne inh ki junjun ja nĩgtĩ'. Kỹ ag tóg inh mỹ jãnkamy ũ ma kãmũ ja nĩ gé, sỹ to nén tỹ inh mỹ tũ nĩ ẽn mãn jé.
29524	PHP 4:15	Vãsỹ ãjag tóg inh mỹ nén ũ nĩm ja nĩgtĩ gé, isỹ ãjag mỹ Jesus kãmén vén kỹ. Sỹ ga tỹ Macedônia ki kutẽ kỹ ãjag hã tóg inh mỹ nén ũ jẽnẽ ja nĩgtĩ, ãjag pir mỹ, ãjag, hã vỹ: Filipos tá ke ag, he mũ. Ũ pijé ãjag mré isỹ nén vég mũ to jykrén ja nĩgtĩ'. Ãjag pir mỹ ãjag tóg inh mré to jykrén inhhã. Tag ki kanhró ãjag tóg nỹtĩ.
29525	PHP 4:16	Isỹ ẽmã tỹ Tessalônica tá nĩn kỹ ãjag tóg inh mỹ nén ũ jẽnẽ mãn ja nĩgtĩ gé. Kar kỹ ãjag tóg ũ jẽnẽ mãn', ũ jẽnẽ mãn' he ja nĩgtĩ gé, ãjag tỹ inh ki rĩr há han jé.
29628	1TH 1:1	Paulo tỹ rá vẽ. Isỹ ẽmã tỹ Tessalônica tá ke ag mỹ rán hã vẽ. Topẽ vĩ mẽ jé ãjag tóg tá vẽnh mãn tĩ. Topẽ tũ vỹ tỹ ãjag nỹtĩ, ẽg jóg mág ti. Ẽg Senhor tỹ Jesus Cristo tũ vỹ tỹ ãjag nỹtĩ gé. Sỹ ãjag mỹ vẽnh rá jẽnẽ vẽ, kỹ Silas mré Timóteo vỹ inh mré jẽnẽg mũ gé. Topẽ mỹ sóg to vĩ tĩ, ti tỹ ãjag tar han jé.
29634	1TH 1:7	Hã kỹ vẽnh kar tóg ãjag tỹ nén han mũ mẽg mũ sir, ga tỹ Macedônia tá, ga tỹ Grécia tá ke gé, ag tỹ ãjag kóm han kãn jé sir, ũ tỹ Jesus ki ge kỹ nỹtĩ kar ag ke gé.
29635	1TH 1:8	Vẽnh kar vỹ ãjag tỹ nén han mũ mẽ kãn huri. Topẽ vĩ tó ãjag tóg mũ, hã kỹ ag tóg ga tỹ Macedônia tá mẽg mũ, ga tỹ Grécia tá ke gé, ẽmã kar mĩ hã. Ãjag tỹ Topẽ ki ge mũ mẽ kãn ag tóg huri. Isỹ ag mỹ tó sór mũ ra ag tóg: “mẽ ẽg huri,” he tĩ.
29636	1TH 1:9	Kỹ ag tóg inh mỹ: “ã vĩ kri fig ag nẽji mũ, Tessalônica tá ke ag,” he tĩ. “Topẽ ki ge kỹ ag nẽji nỹtĩ, vẽnh kãgrá tỹ topẽ tovãnh kỹ, ag tỹ Topẽ vĩ hã han jé sir, ũn rĩr nĩ ẽn vĩ ti, hã vỹ: Topẽ pẽ, he mũ.
29637	1TH 1:10	Ti kósin nẽji vỹn kenh ke mũ, kanhkã tá. Ti kãtĩg jãvãnh ag nẽji mũ. Topẽ nẽji ti rĩn mãn, ti ter kar kỹ, Jesus ti. Ẽn nẽji ẽg krenkren han mũ, ẽg tỹ Topẽ jũ vég tũ nĩ jé. Jesus kãtĩg jãvãnh ag nẽji mũ, Tessalônica tá ke ag,” he ag tóg tĩ ãjag to.
29680	1TH 4:10	Ga tỹ Macedônia tá ke kar ag to ãjag há nỹtĩ, Jesus mré ke kar ag to ke gé. To tar nỹtĩm nĩ. To krónh ke tũg nĩ, ãjag tỹ tỹ Jesus mré ke nỹtĩn kỹ.
29717	2TH 1:1	Paulo tỹ rá vẽ. Isỹ ẽmã tỹ Tessalônica tá ke ag mỹ rán hã vẽ. Tá ãjag tóg Topẽ vĩ mẽ jé vẽnhmãn tĩ. Topẽ tũ vỹ tỹ ãjag nỹtĩ, ẽg jóg mág ti. Jesus Cristo tũ vỹ tỹ ãjag nỹtĩ gé, ẽg Senhor ti. Sỹ ãjag mỹ vẽnh rá jẽnẽ vẽ. Kỹ Silas vỹ jẽnẽg mũ gé inh mré, Timóteo ke gé.
29766	1TI 1:3	Isỹ ẽmã tỹ Éfeso tá kãkutẽ kỹ ga tỹ Macedônia ra tĩg kỹ sóg ã mỹ to vĩ, ã tỹ ver Éfeso tá ke ag ki rĩr jé. Ón kỹ ag tóg Topẽ jykre kãmén sór tĩ. Tag to ag mỹ: “han tũg nĩ,” hem nĩ.
29868	1TI 6:13	Sỹ ã jyvẽn sór vẽ, kỹ Topẽ vỹ mẽnh mũ. Ti hã ne nén kar rĩnrĩr han tĩ'. Kỹ Jesus Cristo vỹ inh vĩ mẽnh mũ gé. Ti hã ne vẽnh kãmén há han', pã'i tỹ Pôncio Pilatos ẽn mỹ.
29931	2TI 3:11	Ag tỹ inh vóg kónãn ve ja ã nĩ gé, isỹ nén ũ jagy vég tĩ ẽn ti. Inh vóg kónãn tỹ hẽn ri ke han ja ag tóg nĩ, Antioquia tá, Icônio tá, Listra tá ke gé. Ter kren pẽ han inh, tá. Hã ra ẽg Senhor tóg ijy nĩgãn.
29947	2TI 4:10	Demas vỹ isovãnh kỹ vyr. Ẽprã vẽjykre han sór ti nĩ, hã kỹ tóg isovãnh kỹ Tessalônica ra vyr. Crescente vỹ Galácia ra vyr, kỹ Tito vỹ Dalmácia ra vyr.
29950	2TI 4:13	Kỹ, ã kãtĩg kỹ inh mỹ inh capa ma kãtĩg. Trôade tá ti nĩ, Carpo ĩn krẽm. Kỹ inh mỹ inh livro gé kãtĩg gé, nén ũ fár ki rán kỹ nỹtĩ ẽn mré. Isỹ livro ẽn venh hapẽ tóg tĩ.
30545	1PE 5:13	Ẽmã tỹ Babilônia ki ẽg nỹtĩ. Kỹ tag ki ũ tỹ ãjag mré Jesus ki ge kỹ nỹtĩ ag vỹ ãjag mĩ ẽkrég tĩ. Ãjag mré tóg ẽg kuprẽg, Topẽ ti. Kỹ inh kósin tỹ Marcos vỹ ãjag mĩ ẽkrég tĩ gé.
30839	REV 4:3	Ti kakã tóg jẽngrẽ nĩ, pó sĩnvĩ tỹ jaspe mré sardônio jẽngrẽ ẽn ri ke. Nĩgja sĩnvĩ ẽn vỹ ta no jẽngrẽ ri ke jẽ gé, pó tỹ esmeralda jẽngrẽ ẽn ri ke.
31003	REV 14:8	Ti nón Topẽ tỹ jẽnẽ jafã ũ tóg jun mũ gé. Kỹ tóg: “ ẽmã tỹ Babilônia vỹ kókén kỹ nỹ ha,” he mũ. “Ẽprã ke kar to tóg vãsãn ja nĩ, Babilônia to pã'i ti, ag tỹ ti mré ag prũ tũ fag mré nỹgnỹ jé, fag tỹ ti ri ke fag mén tũ ag mré nỹgnỹ jé. Kỹ tóg vẽnh kar tỹ ti mré vinho fã pẽ kron ri ke nĩ,” he tóg.
31015	REV 14:20	Ẽmã fyr tá tóg jẽ nĩ, uva jẽgmĩ jafã ẽn ti. Kỹ ag tóg uva jẽgmĩg mũ sir, Topẽ tỹ jẽgnẽ jafã ẽn ag. Kỹ ag tóg tá ag kyvénh kujẽg mũ, ẽprã ke ag kyvénh ti. Kỹ tóg tãra tĩ mũ, 300 (ke) quilômetros ra. Tỹ tóg goj mág nỹ ve nĩ, ag kyvénh ti.
31042	REV 16:19	Ẽmã mág ẽn tóg vẽnh kãpóv kỹ nỹ ha, vẽnh kãpóv tãgtũ. Kỹ ga kar mĩ ẽmã tóg kókén kỹ nỹtĩ nĩ. Topẽ pijé ẽmã tỹ Babilônia kã jatu ja nĩgtĩ'. Ẽmã ẽn ki ke ag to tóg jũ jagy han mũ, Topẽ ti. Hã kỹ tóg ag vóg kónãn jagy han mũ. Kỹ tóg ẽg tỹ vinho kron ri ke nĩ.
31049	REV 17:5	Fi jiji vỹ fi kakã ki rán kỹ nĩ. Ũ tóg fi jiji tag mẽ ja tũ nĩ ver. Hã ra tóg: “Babilônia hã vẽ,” he mũ. “Ũn mén (ka)mẽ fag kar mỹnh fi,” he tóg mũ gé. “Ũ tỹ nén ũ kavéj kar han tĩ ag mỹnh fi,” he tóg mũ gé, fi jiji ti.
31064	REV 18:2	Ẽn vỹ prẽr mũ. “!..Kókén kỹ ti nỹ ha..!“ he tóg mũ, prẽr kỹ. “!..Babilônia vỹ kókén kỹ nỹ, ẽmã mág ẽn ti..!“ he tóg. “!..Japo ag, vẽjagrẽ kórég ag vỹ tá ẽmã nỹtĩ ha..! Sẽsĩ kavéj kar, ũn kórég kar vỹ tá nỹtĩ ha, ẽmã jy ró ẽn kã ki..!
31072	REV 18:10	Kuvar há tá ag tóg nỹtĩnh ke mũ, ag kanẽ jur kỹ. Kỹ ag tóg jagtar kỹ: “jagy tãvĩ tóg tĩ,” henh ke mũ sir. “Éhé tãvĩn ja ti nĩ, ẽmã tỹ Babilônia tag ti. Tar pẽ ja ti nĩ. Hã ra ag tóg óra pir ki ti kókén kãn,” he jé ag tóg ke mũ, pã'i ag.
31083	REV 18:21	Kỹ Topẽ tỹ jẽnẽ jafã tar ũ tóg pó mág vãg mũ. Pó tỹ kra ri ke ti nĩ. Kỹ tóg goj nig ki fón mũ, jũ kỹ, kỹ tóg: “isỹ pó fón mũ tag ri ke ti nĩnh mũ, ẽmã tỹ Babilônia kókén ti,” he mũ. “Kókén kãn kỹ tóg nĩ. Ũ tóg ve mãn ke tũ nĩ ha, ẽmã ti.
31084	REV 18:22	Kã ki ag tóg harpa kyn mãn ke tũ nĩ ha. Tỹnh mãn ke tũ ag nĩ ha. Vãn tỹ vãkyr ẽn kyn mãn ke tũ ag nĩ ha, trombeta ti ke gé. Vãkyr mẽ mãn ke tũ ẽg nĩ ha, ẽmã tỹ Babilônia tá. Ũ tóg tá rãnhrãj mãn ke tũ nĩ ha. Ũ tóg tá nĩ mãn ke tũ nĩ ha.
31138	REV 21:16	Péno tỹ 4 (ke) ti nĩ, ẽmã ti. Kỹ ti tãpér vỹ ti téj ri ke nĩ. Kỹ Topẽ tỹ jẽnẽ jafã ẽn vỹ kãmun mũ sir, ẽmã ti, ti kãmun jafã tỹ. Quilômetro tỹ 2 mil kri 200 (ke) ti nĩ, ti tỹ téj e kỹ nỹ ki, ti tãpér ki ke gé, Vẽnh ri ke kar ti nĩ, ti kãmur ti.
31142	REV 21:20	Jo ũ tóg tỹ sardônio nĩ. Jo ũ tóg tỹ sárdio nĩ. Ũ tóg tỹ crisólito nĩ. Ũ tóg tỹ berilo nĩ. Ũ tóg tỹ topázio nĩ. Ũ tóg tỹ crisópraso nĩ. Ũ tóg tỹ jacinto nĩ. Ũ tóg tỹ ametista nĩ gé. 12 (ke) ti nỹtĩ, pó mág ti.