23232	MAT 1:19	Kỹ José tóg mẽg mũ sir, kỹ tóg ti mỹ e tĩ. Ũn jykre kuryj vẽ mỹr, hã kỹ tóg fi mỹ'a han sór tũ nĩ. Kỹ tóg fi pin kỹ fi mỹ: “kỹ inh hỹn ã tỹ prũg ke tũ nĩ ha,” he sór mũ sir.
23233	MAT 1:20	Ti tỹ ver fi tovãnh to jykrén kỹ Topẽ tỹ jẽnẽ jafã tóg ti mỹ vẽnh ven mũ sir, ti vẽnh péti kỹ. Kỹ tóg ti mỹ: “José,” he mũ. “Tỹ ã Davi krẽ'krẽ ag kã ũ nĩ,” he tóg. “Maria fi to jykrén kónãn tũg nĩ. Fi tovãnh sór tũg nĩ. Ũ tũ pijé', Topẽ kuprĩg tỹ fi mỹ gĩr han ja vẽ.
23239	MAT 2:1	Fi tỹ Jesus ve ẽn kã fag tóg ẽmã tỹ Belém tá nỹtĩ, ga tỹ Judéia tá. Ẽn kã Herodes vỹ tỹ pã'i mág nĩ. Kỹ kejẽn ũ ag tóg kuvar há tá kãmũ mũ, rã jur ja tá. Ũn estudo mág ag vẽ, krĩg to ag tóg estudar he mág han tĩ.
23258	MAT 2:20	Kỹ tóg ti mỹ: “ũn sĩ va tĩg, ti mỹnh fi mré, ga tỹ Israel ra. Ũ tỹ ti tén sór mũ ẽn vỹ hur ter,” he mũ.
23268	MAT 3:7	Kỹ pã'i tỹ Fariseu ag vỹ ti tá junjun mũ gé sir, pã'i tỹ Saduceu ag ke gé. Ón kỹ ag tóg ti to kãmũ mũ, ti tỹ ag kygpe jé. Kỹ tóg ag jyvẽn tar han mũ sir. “Pỹn ri ke ãjag nỹtĩ, ãjag jykre pãno nỹtĩn kỹ,” he tóg ag mỹ. “Ũ nỹ ãjag mỹ: Topẽ vỹ ãjag to jũnh ke tũ nĩ, he tĩ'?
23301	MAT 4:23	Kỹ Jesus tóg, ga tỹ Galiléia kar mĩ tĩ mũ sir, ag mré. Judeu ag vẽnh kanhrãn jafã krẽm tóg ag kanhrãn mũ. Ag mỹ tóg Topẽ vĩ sér tó mũ, ũ tỹ kanhkã tá nĩ ẽn tỹ tỹ ẽg pã'i nĩ tĩ. Ũn kagyga kar ag hynhan tóg, fag kar ke gé, gĩr kar ke gé.
23302	MAT 4:24	Hã kỹ ti kãme tóg vẽnh kar kri rũm mũ sir, ga tỹ Síria tá ke kar kri. Kỹ ag tóg sir ũn kagyga ag tatĩ kãmũ mũ, ti to, vẽnh kaga vẽnh mỹ han mũ ag mré hã, kỹ tóg ag tỹ há' he kãn mũ sir. Vẽjagrẽ kórég ag pan kãn tóg mũ gé. Ũ ter tĩ han tĩ ag tỹ tóg há' he mũ gé, ũn kãnhgrĩn kỹ nỹtĩ ag tỹ ke gé, fag kar tỹ ke gé.
23303	MAT 4:25	Hã kỹ ũn tỹ hẽn ri ke ag tóg, ti mré mũ mũ sir. Ũ ag tóg, ga tỹ Galiléia tá kãmũ mũ, kỹ ũ ag tóg, ẽmã tỹ Decápolis tá kãmũ mũ gé, Jerusalém tá ke gé, ga tỹ Judéia tá ke gé, goj tỹ Jordão mã tá ke gé.
23304	MAT 5:1	Ũn e ag tỹ Jesus venh kãmũ kỹ tóg, ag mré krĩ ra tãpry mũ. Tá tóg nĩ mũ, kỹ ti mré mũ tĩ ag tóg, ti mré nĩgnĩ mũ, ti rã hã.
23326	MAT 5:23	“Ã tỹ Topẽ ĩn krẽm ti mỹ nén ũ pũn sór kỹ, vẽso jykrén vén nĩ. “Inh mỹ ũ to jũ tũ nĩ vỹ? Ũ mỹ iso jykrén kónãn tũ nĩ vỹ?” hem nĩ.
23340	MAT 5:37	Ki hã tóm nĩ, jagnẽ mỹ, ón sór tũg nĩ. Ũ tỹ ã mỹ ki hã tó kỹ: hỹ, hem nĩ. Ti tỹ ki hã ke tũ nĩ kỹ: vó, hem nĩ gé. Ã tỹ han ke nĩn kỹ: he, hem nĩ. Ã tỹ han ke tũ nĩ kỹ: nejé, hem nĩ. Ã tỹ ón sór kỹ ã tóg Nén-Kórég jykre hã han ke mũ,” he tóg, Jesus ti.
23341	MAT 5:38	“Topẽ tỹ vãsỹ ẽg jo ke ag jyvẽn ũ tag mẽ ãjag huri, hã vỹ: “ũ tỹ ã kanẽ pir ki tãnh kỹ vẽnh kato ti kanẽ pir ũ hã ki tãnh nĩ gé,” he ja tóg nĩ. “Ũ tỹ ã jã pir ki tãnh kỹ mranh kỹ vẽnh kato ti jã pir hã ki tãnh kỹ mranh nĩ gé. Pãtén tũg nĩ,” he ja tóg nĩ, Topẽ ti.
23345	MAT 5:42	Ti tỹ ã mỹ nén ũ to: “inh mỹ nĩm,” hen kỹ ti mỹ nĩm nĩ, fi mỹ ke gé. Ũ tỹ ã mỹ: “inh mỹ prestar hem nĩ,” hen kỹ ti mỹ, fi mỹ: nejé, he tũg nĩ,” he tóg, Jesus ti.
23349	MAT 5:46	“Ãjag mré ke ũ ag tóg, ãjag to há nỹtĩ. Ãjag tỹ tag ag hã to há nỹtĩn kỹ, fag hã to há nỹtĩn kỹ tóg, tỹ nén ũ tũ nĩ ver. Ũn jykre kórég ag vỹ ge nỹtĩgtĩ gé, governo mỹ jãnkamy mãg tĩ ag. Ũ tỹ ag to há nỹtĩ ẽn ag hã to ag tóg, há nỹtĩgtĩ, vẽnh kato. Há ti nĩ, hã ra tóg tỹ nén ũ tũ nĩ ver.
23350	MAT 5:47	Kỹ ãjag tỹ ãjag mré ke ag hã mỹ: “ã mỹ há?” hen kỹ tóg tỹ, nén ũ tũ nĩ gé ver. Ũ tỹ Topẽ vĩ ki kagtĩg ag vỹ, ge nỹtĩgtĩ gé. Ag mré ke ag hã mỹ ag tóg: “ã mỹ há?” he tĩ gé, hã ra tóg tỹ nén ũ tũ nĩ ver.
23353	MAT 6:2	“Hã kỹ ãjag tỹ ũn jagtar ag jagãgtãn kỹ ũ mỹ: ag jagãgtãn inh tĩ, he tũg nĩ. Ũ tỹ vẽjykre régre han mũ ag jykre ri ke han tũg nĩ. Vẽnh kar mỹ ag tóg: ag jagãgtãn inh tĩ, fag ke gé, he tĩ. Ag ganho hã vẽ, kỹ ag tóg kanhkã tá ganho ũ ve mãn ke tũ nĩ ha, he tóg.
23354	MAT 6:3	“Ag ri ke han tũg nĩ. Ũ mỹ tó tũg nĩ, ãjag tỹ ũ jagãgtãn kỹ, ãjag mré ke fag mỹ tó tũg nĩ gé.
23358	MAT 6:7	“Ãjag tỹ ti mré vẽmén kỹ fagrĩnh mỹ ti mré vẽmén mág han tũg nĩ. Ũ tỹ Topẽ vĩ ki kagtĩg ag ri ke han tũg nĩ. Ag jãnjãn kỹ ag tóg ón kỹ vĩ jagy han tĩ. “Ẽg tỹ vĩ jagy han kỹ ti hỹn ẽg vĩ mẽnh mũ,” he ag tóg tĩ, ón kỹ, fag ke gé.
23365	MAT 6:14	“Hỹ, ge ti nĩ,” he tóg. “Ũ tỹ ãjag to jũ kỹ ti mỹ vẽnh pãte fón nĩ. Ũ tỹ ãjag mỹ vĩ kónãn kỹ ti mỹ vẽnh pãte fón nĩ gé. Ãjag tỹ gen kỹ ẽg jóg vỹ ãjag mỹ vẽnh pãte fón ke mũ gé.
23381	MAT 6:30	Topẽ hã ne, ka fej sĩnvĩ han. Hã ra tóg kãnhmar kãgter tĩ. Ũri tóg há nỹtĩ. Vaj kỹ tóg kógungun kỹ pũr mũ sir, re mré. Kỹ Topẽ tóg ãjag ki rĩr kãfór han mũ, ãjag kur mré hã. Hã kỹ ti vĩ kri fim nĩ.
23383	MAT 6:32	Ũ tỹ Topẽ vĩ ki kagtĩg ag vỹ tag to jykrén mág tĩ. Hã ra ẽg jóg tỹ Topẽ vỹ ẽg vég tĩ. Kỹ to krĩ kufy han tũg nĩ.
23385	MAT 6:34	Hã kỹ ãjag tỹ vaj kỹ nén ve sór mũ to krĩ kufy han tũg nĩ. Vaj kỹ ãjag tóg venh ke mũ, kỹ ãjag tóg to jykrén ke mũ sir. Ũri ãjag tỹ nén vég mũ hã to jykrén nĩ,” he tóg, Jesus ti.
23398	MAT 7:13	“Ũ tỹ inh ki rã mũ vỹ, jãnkã sĩ fĩn rãm sór ri ke nĩ. Fĩn rãm jé ẽg tóg, vãsãn tĩ. Jãnkã mág vỹ nĩ gé. Fĩn rãm há ti nĩ, ti mág nĩn kỹ. Hã kỹ ũ tỹ hẽn ri ke ag vỹ fĩn rãm tĩ. Hã ra ũ tỹ fĩn rãm mũ ẽn ag vỹ, kãgter pẽ han ke mũ, nũgme ki vár kỹ.
23406	MAT 7:21	“Vẽnh kar tóg iso: “pã'i vẽ, pã'i vẽ,” he tĩ. Hã ra ũ ag tóg, Topẽ tỹ nén tó mũ ẽn han tũ nĩgtĩ. Hã kỹ ag tóg, Topẽ tỹ tỹ ẽg pã'i mág nĩ venh ke tũ nĩ. Ũ tỹ inh jóg vĩ han mũ ẽn ag hã vỹ, Topẽ tỹ tỹ ẽg pã'i mág nĩ venh ke mũ, fag ke gé.
23430	MAT 8:16	Kuty ẽn kã ag tóg ũn jagrẽ kórég ag tatĩ kãmũ mũ, ti to. Kỹ tóg ag mỹ vĩ mũ, kỹ ag jagrẽ tóg pa kãn mũ sir. Ũn kagyga ag tỹ há' há' he tóg mũ gé sir, fag ke gé.
23453	MAT 9:5	“Ũ tĩg vãnh tag mỹ sóg: ã tỹ Topẽ vĩ mranh ja tỹ tũ' hen vẽ ha,” he mũ. “Sỹ ti mỹ: nĩ ra, tĩg ra, henh ke vẽ gé. Hã ran mỹ ãjag mỹ vẽnh mỹ?” he tóg.
23461	MAT 9:13	“Ha vé, Topẽ vĩ tag to jykrén, ha mẽ. “Ãjag tỹ jagnẽ jagãgtãn kỹ tóg, inh mỹ há tĩ inhhã. Ãjag tỹ inh mỹ nén ũ pũn kãfór tóg nĩ,” he tóg. Hã kỹ jagnẽ jagãgtãn nĩ, jagnẽ to vĩ tũg nĩ,” he tóg. “Inh pijé, ũ tỹ vẽjykre kuryj han mũ ag mỹ: ãjag jykre tovãnh nĩ, he sór tĩ'. Ũ tỹ Topẽ vĩ mranh tĩ ẽn ag hã mỹ sóg: ãjag jykre kórég tovãnh nĩ, he sór tĩ,” he tóg, Jesus ti.
23484	MAT 9:36	Vẽnh e ẽn tóg ti mỹ jagtar nỹtĩ. Ũ tỹ ag ki rĩr há han ke tóg tũ tĩ, jo ag tóg vẽnh ki rĩr há han ki kagtĩg nỹtĩ gé. Kỹ tóg carneiro tỹ mẽg mĩ ẽkrég mũ sir. Ũ tỹ ki rĩr tũ nĩn kỹ ag tóg véké mũgtĩ. Tag ri ke ag tóg nỹtĩ, Jesus mỹ, ũn e ẽn ag.
23485	MAT 9:37	Kỹ tóg ti mré mũ tĩ ag mỹ: “sỹ ag ve kỹ sóg ẽg jakré mĩ ẽkrég tĩ,” he mũ. “Ti éhé nỹn kỹ ẽg tóg kejẽn kre kãn tũ nĩgtĩ, ẽg pir nỹtĩn kỹ. Ge ti nĩgtĩ. Ũn e ag tóg inh ki ge sór mũ, hã ra ũ tỹ ag mỹ tónh ke tóg tũ tĩ,” he tóg.
23488	MAT 10:2	Jesus tỹ ũn vin mũ ag jijin hã vẽ, ha mẽ. Ũn ve vỹ tỹ Simão nĩ, kỹ ti jiji ũ hã vỹ: Pedro, he mũ. Kar kỹ ti jãvy vỹ nĩ gé, hã vỹ: André, he mũ, Tiago ke gé, Zebedeu kósin tag ti, ti jãvy tỹ João ke gé,
23491	MAT 10:5	Ũ tỹ 12 ẽn ag jẽgnẽg tóg mũ sir, Jesus ti, ag tỹ vẽnh kar mỹ Topẽ vĩ kãmén jé. Kỹ tóg ag mỹ: “ver fóg ag mỹ inh kãmén mũ tũg nĩ, kanhgág ag mỹ kãmén tũg nĩ gé ver,” he mũ. “Kỹ Samaria tá ke ag jamã ki ge tũg nĩ gé,” he tóg.
23493	MAT 10:7	“Ũ tỹ kanhkã tá nĩ ẽn tỹ tỹ ẽg pã'i nĩnh ke vẽ, ũri,” hem nĩ, ag mỹ.
23494	MAT 10:8	Ũn kaga ag tỹ há' hem nĩ. Ũn kãgter mũ ag rĩnrĩn mãn nĩ gé. Ũn kaga kren vãnh ẽn kren han nĩ. Vẽjagrẽ kórég pan nĩ gé. Ãjag mỹ sóg ge ra inh jykre nĩm mũ, hã kỹ ag mỹ: “inh mỹ kajãm,” he tũg nĩ.
23507	MAT 10:21	“Ũ ag tóg, ag mré pafa mũ fag kãmén ke mũ, pã'i ag mỹ, ag tỹ fag kãgtén jé. Kỹ ũ ag tóg ag krẽ kãmén ke mũ gé. Kỹ ũ ag tóg ag han mũ fag kãmén ke mũ gé, pã'i ag mỹ, ag tỹ fag kãgtén jé, mỹr, ha mẽ.
23510	MAT 10:24	Ũn vẽnh kanhrãn mũ pijé ũ tỹ ti kanhrãn mũ kãfór nĩ'. Ũn camarada pijé ti patrão kãfór nĩ'.
23511	MAT 10:25	Ũn vẽnh kanhrãn mũ tỹ ũ tỹ ti kanhrãn mũ ri ke nĩn kỹ tóg há tĩ. Ũn camarada tỹ ti patrão ri ke nĩn kỹ tóg há tĩ gé. Iso ag tóg: Belzebu, he ja nĩgtĩ, inh kato vãsãnsãn mũ ag, hã vỹ: Japo, he mũ. Tỹ sóg ũ tỹ ãjag kanhrãn mũ ri ke nĩ, ãjag patrão ri ke. Ag tỹ iso: Japo, hen kỹ ag tóg ãjag to vĩ kónãn mũ gé, ha vem nĩ, ãjag tỹ inh jykre hã han ti kỹ,” he tóg, Jesus ti.
23514	MAT 10:28	Mũmẽg tũg nĩ, ag kamẽg tũg nĩ, pã'i ag. Ẽg tén há ag nỹtĩ, hã ra ag tóg nũgme ki ẽg fón ki kagtĩg nỹtĩ. Ũn pir hã kamẽg nĩ, hã vỹ: Topẽ, he mũ. Ti hã ne ẽg tén kar kỹ nũgme ki ẽg fón ki kanhró nĩ'. Kỹ ti hã kamẽg nĩ.
23520	MAT 10:34	“Ãjag hỹn iso: vẽnh kar tỹ jagnẽ to há han jé tóg ke mũ, he tĩ. Hã tũ vẽ. Ũ tỹ hẽn ri ke tỹ jagnẽ to jũ han jé sóg ke mũ, ha vem nĩ.
23526	MAT 10:40	“Ũ tỹ ãjag mỹ: he, hen kỹ tóg inh mỹ: he, he mũ gé, kỹ tóg inh ki rã mũ sir. Ti tỹ inh ki rã kỹ tóg, ũ tỹ inh jẽnẽg mũ ẽn ki rã mũ gé sir, hã vỹ: Topẽ, he mũ.
23527	MAT 10:41	Ũ tóg Topẽ vĩ tó tĩ ag mỹ: “ha kãrã,” he tĩ, ag tỹ Topẽ vĩ tó tĩ tugrĩn. Ti tỹ ag mỹ vĩ há han kỹ tóg, Topẽ mỹ há tĩ sir. Kỹ tóg kejẽn ti mỹ nén ũ há tónh ke mũ, Topẽ ti. Ũ tóg ũn jykre kuryj ag mỹ: “ha kãrã,” he tĩ gé, ag jykre kuryj nỹtĩ tugrĩn. Ẽn mỹ tóg nén ũ há tónh ke mũ gé, Topẽ ti.
23528	MAT 10:42	Ũ tóg kejẽn ũn sĩ mỹ nén ũ nĩm tĩ, goj hẽn ri ke mũn. Ũn sĩ tỹ inh ki rã kỹ nĩ tugrĩn tóg, ti mỹ nén ũ nĩm tĩ. Ẽn mỹ tóg nén ũ há tónh ke mũ gé, Topẽ ti. Nén ũ há ve jé tóg ke mũ mỹr,” he tóg, Jesus ti.
23533	MAT 11:5	“Tag han inh tĩ, ha mẽ: ũn kyvó ag vỹ, isugrĩn ẽvãnh há nỹtĩ. Ũn kãnhgrĩ ag vỹ mũ há nỹtĩ, ũ tỹ vẽnh kaga kren vãnh han mũ ẽn ag krenkren han inh tĩ. Ũn kutu ag vỹ ẽmẽ há nỹtĩ ha, ũn kãgter mũ ag vỹ rĩnrĩr mãn kỹ nỹtĩ. Ũn jagtar ag vỹ Topẽ vĩ mẽg tĩ, ũ tỹ kanhkã tá nĩ ẽn tỹ tỹ ẽg pã'i nĩnh ke to.
23544	MAT 11:16	“Ũri ãjag ge nỹtĩ gé, ha mẽ. Gĩr ri ke ãjag nỹtĩ. Gĩr ag vỹ, jagnẽ mré kanhinnhir mũgtĩ. Kỹ ag tóg kejẽn jagnẽ to jũgjũ tĩ gé.
23551	MAT 11:23	“Sỹ ẽmã tỹ Cafarnaum tá ke ag mỹ tag tó sór vẽ gé, ha mẽ. Ũri tóg ãjag mỹ sér tĩ. Kanhkã ra ẽg mũnh mũ, he ãjag tóg tĩ, to jykrén kỹ. Hã ra ãjag tóg nũgme ki vár kãn ke mũ, ha vem nĩ. Ẽmã tỹ Sodoma tá ke ag vỹ, ag jykre pãno to kãgter. Ag tỹ sỹ nén han mũ ve ra ag vãsỹ to jykrén mũ vẽ, kỹ ag kãgter ke tũ nĩ vẽ. Kỹ ag ũri ẽg mré nỹtĩnh mũ vẽ.
23553	MAT 11:25	Kỹ tóg: “jóg',” he mũ. “Tỹ ã kanhkã tãn ag kãfór kar nĩ, kar kỹ ã tỹ ẽprã ke ag kãfór kar nĩ gé,” he tóg. “Inh mỹ tóg há tĩ, ã tỹ nén han mũ ti. Ũ tỹ: ki kanhró mág inh nĩ, he mũ ag mỹ ã tóg, ã jykre ven ja tũ nĩ. Ag mỹ ã tóg kãmén ja tũ nĩ gé. Ũ tỹ gĩr ri ke ki kagtĩg ag hã mỹ ã tóg ven ja nĩ, ã jykre ti,” he tóg.
23581	MAT 12:23	Kỹ tóg vẽnh kar mỹ e tãvĩ tĩ. Kỹ ag tóg jagnẽ mỹ: “Davi krẽ'krẽ ẽn tũ mỹ'?“ he mũ sir, Jesus to. “Ũ tỹ vãsỹ rán kỹ nĩ ẽn tũ mỹ'?“ he ag tóg mũ. Ag mỹ tóg tỹ ti hã ve nĩ.
23591	MAT 12:33	“Ẽg tỹ ka kanẽ ko há krãn kỹ ti kanẽ vỹ, ko há nĩ, ẽg tỹ ka kanẽ ko vãnh krãn kỹ ti kanẽ vỹ, ko kórég nĩ gé. Ẽg tỹ ti kanẽ ve kỹ ẽg tóg: “ũn kanẽ ko vãnh ja vẽ,” he tĩ. Ge ti nĩgtĩ, ẽg jykre ti. Ũn jykre há tóg há nĩ, jãvo ũn jykre kórég tóg kórég nĩ gé.
23593	MAT 12:35	Ũn jykre há vỹ, nén ũ há kar to jykrén tĩ, kỹ tóg ẽg mỹ tó há han tĩ gé. Ũn jykre kórég vỹ, nén ũ kórég kar to jykrén tĩ gé, kỹ tóg ẽg mỹ tó kónãn tĩ gé sir,” he tóg.
23608	MAT 12:50	“Ũ tỹ inh panh tỹ kanhkã tá nĩ ẽn vĩ ki króm mũ ag hã vỹ tỹ, inh jãvy pẽ nỹtĩnh mũ, inh ve pẽ fag ke gé, inh mỹnh pẽ fi ke gé,” he tóg, Jesus ti.
23616	MAT 13:8	Ti fy ũ tóg vãhã, ga há ki krãn kỹ nĩ, kỹ tóg mur há han mũ, mog há han tóg mũ gé, kanẽn há han tóg mũ gé sir. Ũ tóg kanẽ tỹ 100 han mũ, jo ũ vỹ kanẽ tỹ 60 han mũ gé, jo ũ vỹ tóg kanẽ tỹ 30 han mũ.
23620	MAT 13:12	Hã kỹ tóg ge nĩ. Ũ tỹ nén ũ to jykrén há han kỹ tóg ũ to jykrén mãn', ũ to jykrén mãn' he tĩ. Komẽr hã tóg to jykrén kãn ke mũ. Ũ tỹ nén ũ to jykrén tũ nĩn kỹ tóg ti mỹ tũ tĩ, ti tỹ to jykrén sĩ han mũ ra.
23627	MAT 13:19	Ũ tóg kejẽn, ón kỹ Topẽ vĩ mẽg mũ. Hã ra tóg to jykrén tũ nĩ. Kỹ Nén-Kórég vỹ, ti mỹ tỹ tũ' he mũ sir, ti tỹ mẽ ja ti tỹ. Kã jatu tóg nĩ sir. Nén fy tỹ ẽmĩn kri kutẽ mũ ẽn hã vẽ.
23628	MAT 13:20	Kỹ ti fy ũ tóg, pãró kri krãn kỹ nĩ. Ũ vẽ gé. Topẽ vĩ mẽg tóg mũ gé. Kỹ tóg kãnhmar: he, he mũ sir. Ti mỹ tóg sér tĩ.
23630	MAT 13:22	Ti fy ũ tóg sónh kã ki krãn kỹ nĩ. Ũ vẽ gé. Topẽ vĩ mẽg tóg mũ gé. Hã ra tóg ti rãnhrãj hã mĩ ẽkrég mũ sir. Nén kar to én tóg mũ sir. Ón kỹ tóg riko nĩ sór mũ. Hã kỹ tóg Topẽ vĩ kã jatu' he mũ sir. Kỹ tóg kanẽn há han tũ nĩ sir.
23631	MAT 13:23	Ti fy ũ tóg ga há ki krãn kỹ nĩ. Ũ vẽ gé. Topẽ vĩ mẽg tóg mũ gé. Mẽ kỹ tóg to jykrén mũ sir. Kỹ tóg kanẽn há han mũ sir. Kỹ ũ vỹ tóg kanẽ tỹ 100 han, jo ũ vỹ tóg kanẽ tỹ 60 han mũ, jo ũ vỹ tóg kanẽ tỹ 30 han mũ gé,” he tóg.
23643	MAT 13:35	Hã ra tóg rán kỹ nĩ gé. Vãsỹ Topẽ vĩ tó tĩ ũ tóg Jesus to tag rán ja nĩ, ha me: “nén tỹ hẽn ri ke kãmén jé sóg ke mũ. Inh jo tó ja tũ ẽn tó jé sóg ke mũ. Ũ vỹ tag mẽ ja tũ nĩ ver, sỹ tónh ke mũ tag,” he ja tóg nĩ, Topẽ vĩ tó tĩ ẽn, Jesus to.
23647	MAT 13:39	Ũ tỹ ag han mũ vỹ tỹ, Japo ti nĩ, Nén-Kórég ẽn krẽ ag. Ti krenh ke kurã hã vỹ: kurã tỹ ẽgno, he mũ. Ũ tỹ inh jakré krenh ke mũ ag vỹ tỹ, Topẽ tỹ jẽgnẽ jafã ag nỹtĩ.
23652	MAT 13:44	“Kỹ ẽg tỹ kanhkã tá nĩ ẽn tỹ tỹ ẽg pã'i nĩ venh ke vỹ, tag ri ke nĩ gé, ha mẽ. Ũ tỹ ti patrão japỹ tá jãnkamy ne kunũnh kỹ péju mãn kỹ nĩm ẽn ri ke tóg nĩ. Ti péju mãn kar kỹ tóg, ti tỹ nén kar fón kãn mũ sir, ti kaja to ẽpỹ ẽn vyn jé sir. Ti tỹ ẽpỹ ẽn vyn kar kỹ jãnkamy ẽn vỹ tỹ, ti tũ nĩ sir,” he tóg. Ti tỹ ẽg tỹ ti ki rã há han ke kãmén hã vẽ.
23656	MAT 13:48	Goj ki fón kar kỹ ẽg tóg nỹgnỹn tĩ sir, kỹ ẽg tóg, pirã mré kãkufár gég tĩ. Génh kỹ ẽg tóg, ũn mág hã kuprẽg tĩ, ma mũ jé. Ũn kãsir ẽn tugvãnh ẽg tóg tĩ.
23658	MAT 13:50	Ũn jykre pãno ag vãvãm jé ag tóg ke mũ, pĩ gru mág ẽn ki. Tá ag vẽsỹrénh ke vẽ sir. Ag jã tỹ ag tóg gyngyn kenh ke mũ, tỹ ag gangan kenh ke mũ, jũ kỹ, vẽsỹrénh kỹ,” he tóg, Jesus ti.
23660	MAT 13:52	Kỹ tóg ag mỹ: “kỹ tóg há tĩ,” he mũ. “Ũ tỹ Topẽ vĩ to ẽg kanhrãn tĩ ẽn, ti tỹ kanhkã tá nĩ ẽn jykre han kỹ tóg ge nĩ, ha mẽ. Ẽg panh ri ke ti nĩ. Kejẽn tóg ẽg mỹ ti tỹ nén sĩnvĩ ven tĩ, ti tỹ ũri mãg mũ ti, ti tỹ vãsỹ mãn ja ẽn ke gé,” he tóg. Ti tỹ ẽg tỹ Topẽ vĩ to vẽnh kanhrãn mág han tón hã vẽ.
23662	MAT 13:54	Kỹ tóg ti jamã ra tĩ mũ sir. Tá jun kỹ tóg, vẽnh kanhrãn jafã krẽm ag kanhrãn mũ. Kỹ tóg ag mỹ e tĩ, ti vĩ ti. Kỹ ag tóg ti to vĩ kónãn mũ. “Hẽn tán hỹn ki kanhrãn, vẽjykre tag ki? Ũ nỹ hỹn ti kanhrãn, ti tỹ nén han vãnh tag hynhan jé?
23707	MAT 15:5	Ti jãvo ãjag tóg tag tó tĩ, ha mẽ: “ã panh mỹ nén ũ nĩm tũg nĩ, ã mỹnh fi mỹ nĩm tũg nĩ gé, ã tỹ fag mỹ: “sỹ ãjag mỹ nén ũ nĩm ke vẽ vẽ, hã ra sóg Topẽ mỹ nĩm sór mũ,” hen kỹ. “Ũ tỹ tag han kỹ tóg há tĩ,” he ãjag tóg tĩ.
23716	MAT 15:14	“Hã kỹ ag to jykrén tũg nĩ. Ũn kyvó ag mỹ ag tóg: “sỹ ã jãmĩ tĩg ke vẽ,” he tĩ, hã ra ag tóg ag kóm kyvó nỹtĩ gé, kỹ ũn kyvó tỹ ũn kyvó jãmĩ tĩg kỹ ag tóg kãgnó ki vár kãn ke mũ, ha vem nĩ,” he tóg. Ag tỹ nũgme ki vár ke to ken hã vẽ, hã vỹ: kãgnó ki vár, he mũ.
23733	MAT 15:31	Kỹ tóg vẽnh kar ẽn mỹ e tĩ. Ũn vĩ vãnh ag tóg vĩ há nỹtĩ, ũn kãnhgrĩ ag tóg mũ há nỹtĩ, ũn kyvó ag tóg ẽvãnh há nỹtĩ gé. Kỹ ag tóg Topẽ mỹ vĩ há han mũ sir.
23740	MAT 15:38	Ũ tỹ ko mũ ag vỹ tỹ ũ tỹ 4 mil (ke) nỹtĩ, ag tãvĩ, ũn tỹtá mré tó tũ, ag krẽ mré tó tũ. Hã ra fag tóg tá e nỹtĩ gé.
23745	MAT 16:4	Kórég ãjag nỹtĩ, ãjag tỹ Topẽ ki ge jãvãnh nỹtĩn kỹ. Ũri ke kar vỹ kórég nỹtĩ gé, ãjag ri ke. Milagre venh ke tũ ãjag tóg nĩ. Vãsỹ Topẽ vĩ tó tĩ ũ tóg nĩgtĩ, hã vỹ: Jonas, he mũ. Jonas tỹ nén ve ja ẽn ri ke hã ve jé ãjag tóg ke mũ, ũri,” he tóg, Jesus ti. Kỹ tóg ag ré kỹ tĩ mũ sir.
23750	MAT 16:9	Ver tóg ãjag tỹ to jykrén tũ tĩ'. Ẽmĩ tỹ 5 (ke) ẽn mĩ ẽkrén nĩ. Ũ tỹ 5 mil (ke) ag tóg ko kãn, hã ra tóg kén, ag kar tỹ ko mũ ra. Ti ke hỹn kẽj tỹ hẽ ri ke fãn?“ he tóg. Kỹ ag tóg ti mỹ tó mũ sir.
23757	MAT 16:16	Kỹ Simão Pedro tóg ti mỹ: “tỹ ã Cristo nĩ. Topẽ kósin vỹ tỹ ã nĩ. Ũn rĩr nĩ ẽn kósin vỹ tỹ ã nĩ,” he mũ.
23800	MAT 18:4	“Gĩr pijé ũn sanh kãfór nĩ sór tĩ'. Hã kỹ jagnẽ kãfór nĩ sór tũg nĩ. Ũn sĩ vỹ tỹ inh nĩ, gĩr ri ke, hem nĩ, ãjag tỹ kar kỹ tỹ ũn mág nỹtĩ jé, Topẽ tỹ tỹ ẽg pã'i nĩn kỹ.
23802	MAT 18:6	“Ũn sĩ tag tóg inh ki rã kỹ jẽ. Hã ra ũ tóg kejẽn ti tỹ isovãnh han sór mũ. Ẽn jykre vỹ kórég tãvĩ nĩ. Ũ tỹ pó mág tỹ ẽn nunh to sa kỹ, goj nig mág ki ti fón kỹ tóg há nỹnh mũ vẽ, ti tỹ goj ki ter jé. Jagy tãvĩ tóg nĩ,” he tóg.
23803	MAT 18:7	“Topẽ vỹ ẽn vóg kónãn pẽ han ke mũ. Ũ tỹ hẽn ri ke ag tóg ag krĩn kónãn tĩ. Hã ra ag tóg to jagtar tãvĩ han ke mũ, ha vem nĩ,” he tóg.
23806	MAT 18:10	“Hã kỹ gĩr to é he tũg nĩ. Ũ tỹ ag ki rĩr mũ ag vỹ kanhkã tá nỹtĩ, mỹr, ha mẽ. Topẽ tỹ jẽgnẽ jafã ũ ag vẽ. Inh jóg mré ag tóg nỹtĩ, ti vég ag tóg nỹtĩ.
23807	MAT 18:11	Tỹ sóg ẽprã ke fi kósin nĩ. Ũn vãgfor mũ ẽn ag krenkren han hã jé sóg jun ja nĩ, mỹr, ha mẽ,” he tóg.
23808	MAT 18:12	“Tag to jykrén nĩ. Ũ tóg carneiro tỹ 100 tỹ mẽg nĩ. Hã ra kejẽn ti mẽg pir tóg vãfor mũ. Kỹ tóg ti mẽg ẽn ag ré kỹ ũn pir ẽn jãvãnh tĩ mũ sir.
23843	MAT 19:12	Ũ ag tóg kurĩ nỹtĩ, ag mur mũ kã. Kỹ ũ ag tóg kurĩ nỹtĩ gé, ag tỹ ag grãfy kym kỹ. Kỹ ũ ag tóg kurĩ ri ke nỹtĩ gé, ag tỹ Topẽ to jykrén kỹ, ag tỹ ũ tỹ kanhkã tá nĩ ẽn tugrĩn prũg sór tũ nỹtĩn kỹ. Ũ tỹ to jykrén mũ ẽn jé to jykrén,” he tóg.
23845	MAT 19:14	Hã ra Jesus tóg ag mỹ: “vĩ tũg nĩ, gĩr ag mỹ. Gĩr fag tỹ iso kãmũ kamẽg tũg nĩ,” he mũ. “Ũ tỹ ge hã vỹ ũ tỹ kanhkã tá nĩ ẽn tỹ tỹ pã'i nĩ ẽn krẽm nỹtĩ nĩ,” he tóg.
23848	MAT 19:17	Kỹ Jesus tóg ti mỹ: “ã tỹ ne jé inh ki vẽjykre há jẽmẽ sór nẽ?“ he mũ. “Ũn pir tóg há nĩ, ha mẽ. Topẽ tỹ ẽg jyvẽn ẽn ki króm nĩ,” he tóg.
23869	MAT 20:8	Rãké ra 6 horas ki patrão ẽn tóg ti tũ ki rĩr tĩ mỹ: “ha ag jé prẽr,” he mũ. “Ag mỹ ti kaja ti nĩm. Ũn tỹ rãkãnh kỹ kãmũ mũ ag mỹ nĩm vén, kar kỹ ũ tỹ kusãg ki kãmũ mũ ag mỹ nĩm rén,” he tóg.
23911	MAT 21:16	Hã kỹ ag tóg ti mỹ: “ã mỹ ag prẽnprẽr mẽg tũ'?“ he mũ. Kỹ tóg ag mỹ: “hã ra Topẽ vĩ rá to jykrén nĩ,” he mũ. “Ũn kãsir ag vỹ iso vĩ há han tĩ. Ũn pafa tĩ ag vỹ inh mỹ vĩ há han tĩ. Ã hã ne tag han', ũn kãsir ag tỹ inh mỹ vĩ há han jé, he tóg, Topẽ vĩ tỹ rán kỹ nĩ ki,” he tóg, Jesus ti.
23918	MAT 21:23	Kỹ tóg ẽmã tá jun kỹ Topẽ ĩn kã ra rã mãn mũ sir. Kỹ Topẽ tũ to pã'i ag vỹ ti to kãmũ mũ, kófa ag mré hã. Kỹ ag tóg ti mỹ: “ũ nỹ ã mỹ: tag han nĩ, hé? Ũ nỹ ã jẽnẽ?“ he mũ.
23920	MAT 21:25	“João vỹ ag kygpég tĩ ja nĩgtĩ. Kỹ ti mỹ kanhkã tá vẽjykre han ja nĩgtĩ', ẽprã vẽjykre vó? Ũ nỹ ti jẽnẽ?“ he tóg. Kỹ ag tóg ti vĩ to jykrén mũ jagnẽ mré. “Ẽg tỹ ti mỹ: Topẽ tỹ ti jẽnẽ ja vẽ, hen kỹ tóg ẽg mỹ: kỹ ãjag tỹ ne jé ti vĩ kri fig tũ nĩ nẽ? henh ke mũ.
23923	MAT 21:28	Kỹ tóg ag kanhrãn kỹ ag mỹ: “tag to jykrén nĩ, ha mẽ,” he mũ sir. “Ũ tóg kósin régre nĩ. Kejẽn tóg ũn sanh mỹ: “inh kósin, ũri inh jakré tugnỹm tĩg,” he mũ.
23925	MAT 21:30	Kỹ ti panh tóg ti jãvy mỹ ke mũ gé sir. “Ũri inh jakré tugnỹm tĩg,” he tóg mũ gé. Kỹ ti jãvy tóg: “he,” he mũ, ti panh ti mỹ. Hã ra tóg tĩ tũ nĩ.
23926	MAT 21:31	Kỹ ũ tỹ hẽ nỹ ti panh vĩ ki króm hỹn?“ he tóg. Kỹ ag tóg ti mỹ: “ũn sanh ti,” he mũ. Kỹ Jesus tóg “hỹ, hã vẽ,” he mũ. “Hã kỹ sóg ãjag mỹ ke mũ. Ũ tỹ governo mỹ jãnkamy mãg tĩ ũ ag vỹ Topẽ vĩ mranh, hã ra ag tóg to jykrén mãn kỹ ag jykre kórég tovãnh. Kỹ ũn mén tũ ũ fag vỹ fag jykre kórég tovãnh gé. Hã kỹ ag tóg Topẽ tỹ tỹ ẽg pã'i nĩ venh ke mũ, fag ke gé. Ti kósin sanh ri ke ag hã vẽ. Ag jãvo ãjag tóg kanhkã venh ke tũ nĩ, ãjag tỹ ón kỹ Topẽ mỹ: he, he mũ ra.
23930	MAT 21:35	Hã ra ag tóg ag vóg kónãn mũ sir. Ũ mrãnmrãn ag tóg mũ, ũ tén ag tóg mũ, ũ pin ag tóg mũ, pó tỹ.
23938	MAT 21:43	“Hã kỹ sóg ãjag mỹ: ãjag tỹ Topẽ tỹ tỹ ẽg pã'i nĩ venh ke vẽ vẽ, hã ra ãjag tóg venh ke tũ nĩ,” he mũ. “Ũ ag hã vỹ venh ke mũ, povo ũ ag, ag tỹ inh vĩ kri fi kỹ,” he tóg.
23939	MAT 21:44	“Ũ tỹ hẽn ri ke ag vỹ pó tag kri vár ke mũ, kỹ ag tóg tũ' henh ke mũ. Kỹ pó tag vỹ ũ tỹ hẽn ri ke ag kri kutẽnh ke mũ gé, kỹ tóg ag tỹ tũ' he kãn mũ,” he tóg, Jesus ti. Ti tỹ ẽg tỹ ti ki rã tũ tugrĩn nũgme ki vár ke tón hã vẽ.
23946	MAT 22:5	Ge ra ag tóg kãmũ sór tũ nĩ. Ũ tóg ti japỹ ra tĩ mũ, jó ũ tóg ti tỹ nén han sór mũ nón tĩ mũ gé, pã'i ẽn to é he kỹ.
23947	MAT 22:6	Ũ ag tóg ti tỹ ũn jẽnẽg mũ ag kugmĩ kỹ ag vóg kónãn mũ. Ũ ag kãgtén ag tóg mũ sir, mỹr, ha mẽ.
23955	MAT 22:14	Ge ti nĩ. Ũ tỹ hẽn ri ke tóg mẽgmẽg mũ, hã ra tóg pipir nỹtĩ, ũn kuprẽg kỹ nỹtĩ ag, ũ tỹ to jykrén há han mũ ag,” he tóg, Jesus ti.
23957	MAT 22:16	Kỹ ag tóg Jesus to ũ ag jẽgnẽg mũ, pã'i mág tỹ Herodes mré ke ũ ag mré hã, ag tỹ ón kỹ ti ki jẽmẽ jé. “Senhor,” he ag tóg mũ. “Ã jykre kuryj nĩn kỹ ã tóg, Topẽ to ẽpry ki ẽg kanhrãn há han tĩ. Ũ tỹ vẽjykre há hã han ve ra ã tóg, ti jykre ki kanhró kar nĩ.
23983	MAT 22:42	“Cristo to ãjag hẽ ri ke tĩ?“ he mũ. “Ũ krẽ'krẽ nẽ hỹn?“ he tóg. Kỹ ag tóg ti mỹ: “Davi krẽ'krẽ vẽ,” he mũ.
23995	MAT 23:8	Ag jãvo jagnẽ mỹ: “Senhor,” he sór tũg nĩ, kỹ ag tỹ ãjag mỹ: “Senhor,” he mũ ra ag mỹ: “inh pijé tỹ ũn mág nĩ',” hem nĩ. Ũn pir vỹ tỹ ãjag kri ke nĩ, hã vỹ: Topẽ, he mũ, jó ãjag tóg tỹ jagnẽ mré ke nỹtĩ.
23996	MAT 23:9	Kỹ ũ mỹ: “ẽg jóg,” he tũg nĩ gé, ẽprã. Ũn pir vỹ tỹ ãjag jóg nĩ, hã vỹ: Topẽ, he mũ, kanhkã tá nĩ ẽn ti.
23997	MAT 23:10	Kỹ ũ tỹ ãjag mỹ: “ẽg kri tỹ ũn mág nĩm nĩ,” he kỹ ag mỹ: “vó, kenh ke tũ inh nĩ,” hem nĩ gé. Ũn pir vỹ ãjag kri tỹ ũn mág nĩ, hã vỹ: Cristo, he mũ.
24000	MAT 23:13	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ũ ag tóg ũ tỹ kanhkã tá nĩ ẽn tỹ tỹ ẽg pã'i nĩ ve sór nỹtĩ, hã ra ãjag tóg ag mỹ kanhkã ti nenh tĩ. Ag jãvo ãjag tóg, ve sór tũ nĩgtĩ,” he tóg.