23282	MAT 4:4	Kỹ tóg ti mỹ: “hã ra tag tóg rán kỹ nĩ, ha mẽ,” he mũ. “Ẽg pijé ẽmĩ tãvĩ jamẽn kỹ rĩnrĩr mũgtĩ'. Topẽ vĩ hã jamẽn kỹ ẽg tóg rĩnrĩr mũgtĩ, he tóg, Topẽ vĩ tỹ rán kỹ nĩ ki. Kỹ tóg isỹ ti vĩ mranh jãvãnh tĩ, ẽmĩ to,” he tóg.
23317	MAT 5:14	“Ga kri mũn kỹ ãjag tóg, jẽngrẽ ri ke nỹtĩ, ãjag tỹ vẽjykre há han kỹ, ag tỹ ãjag ki Topẽ jykre há ve jé. Ẽmã mág tỹ pãnónh kri nỹn kỹ tóg kuvar há tá ve há nĩgtĩ. Ti pijé vẽnh péju kỹ nỹ'.
23318	MAT 5:15	Ri ke ti nĩ, néj gru ti. Ẽg tỹ grug kỹ ẽg pijé lata krẽm fẽg tĩ'. Ti fẽg jafã hã kri ẽg tóg fẽg tĩ. Kỹ ĩn kã tá nỹtĩ kar tóg ẽn vég tĩ sir.
23323	MAT 5:20	“Fariseu ag ri ke nỹtĩ sór tũg nĩ. Ón kỹ ag tóg Topẽ vĩ ki króm sór tĩ, hã ra ag tóg, ki króm há han tũ nĩgtĩ. Ag jykre pijé kuryj nỹ'. Ãjag tỹ kanhkã ve sór nỹtĩn kỹ vẽjykre kuryj han nĩ,” he tóg, Jesus ti.
23351	MAT 5:48	Hã kỹ vẽnh kar to vẽjykre kuryj han kỹ nỹtĩm nĩ, ũ tỹ ãjag kato vãsãnsãn mũ ag mré hã, fag mré hã. Ẽg jóg tỹ kanhkã tá nĩ ẽn ri ke han nĩ. Ti hã ne tóg, vẽnh kar to vẽjykre kuryj han kỹ nĩ nĩ'. Ti ri ke han nĩ,” he tóg, Jesus ti.
23364	MAT 6:13	Kỹ ẽg tỹ ã vĩ mranh sór kỹ ẽg kren han nĩ, ẽg tỹ mranh tũ nĩ jé. Nén-Kórég jo ẽg vem nĩ. Ã hã ne tóg tar nĩ'. Ã hã ne tóg mág nĩ inhhã'. Ã jykre tóg tũ' henh ke tũ nĩ,” hem nĩ, Topẽ mỹ,” he tóg.
23371	MAT 6:20	Ãjag tỹ inhhã kanhkã tá tũ mág pẽ nỹtĩn kỹ tóg hã ra ãjag mỹ há tĩnh mũ. Tá ti pijé tỹ ga nĩ', ãjag tũ ti, tá ti pijé vẽso jãgfanh mũ'. Tá ag pijé péju kỹ ma mũnh mũ'. Hã kỹ tá ãjag tũ vin han sórm nĩ.
23378	MAT 6:27	Topẽ tỹ ẽg kã ũ jé prẽr kỹ ẽg tóg ter ke mũ, ẽg ter sór tũ ra. Ẽg tỹ to krĩ kufy han mũ ra ẽg tóg ter ke mũ. Ẽg krĩ kufy ẽn pijé ẽg kren han mũ'.
23388	MAT 7:3	Jykre kórég mág ã tóg nĩ gé, hã ra ã régre jykre pãno sĩ ẽn tóg ã mỹ kórég nĩ'.
23389	MAT 7:4	Kỹ ã hã ne tóg ã régre mỹ, fi mỹ: “ã jykre kórég kurynh jé sóg ke mũ,” he tĩ', ã tỹ ã jykre pãno ẽn kurynh jãvãnh ra'.
23394	MAT 7:9	“Kejẽn ãjag kósin tóg: “isỹ ẽmĩ konh há tóg tĩ,” he mũ. Kỹ ãjag pijé, ti mỹ pó nĩm ke mũ'.
23395	MAT 7:10	Ti tỹ ãjag mỹ: “isỹ pirã konh há tóg tĩ,” hen kỹ ãjag pijé ti mỹ pỹn nĩm ke mũ'.
23402	MAT 7:17	Ka vỹ ge nỹgtĩ. Ti há jẽn kỹ tóg kanẽn há han tĩ, kỹ ẽg tóg ko tĩ. Ti kórég jẽn kỹ tóg kanẽn kónãn tĩ gé, kỹ ẽg pijé ko tĩ'.
23461	MAT 9:13	“Ha vé, Topẽ vĩ tag to jykrén, ha mẽ. “Ãjag tỹ jagnẽ jagãgtãn kỹ tóg, inh mỹ há tĩ inhhã. Ãjag tỹ inh mỹ nén ũ pũn kãfór tóg nĩ,” he tóg. Hã kỹ jagnẽ jagãgtãn nĩ, jagnẽ to vĩ tũg nĩ,” he tóg. “Inh pijé, ũ tỹ vẽjykre kuryj han mũ ag mỹ: ãjag jykre tovãnh nĩ, he sór tĩ'. Ũ tỹ Topẽ vĩ mranh tĩ ẽn ag hã mỹ sóg: ãjag jykre kórég tovãnh nĩ, he sór tĩ,” he tóg, Jesus ti.
23464	MAT 9:16	“Ẽg pijé kur tãg tỹ kur si jar kã nĩm tĩ'. Ke tũ nĩ mũ ra tóg jagnẽ ki par tũ nĩnh mũ. Kỹ tóg kórég nĩ sir,” he tóg. Ti tỹ ti jykre tãg tón hã vẽ.
23465	MAT 9:17	Kỹ tóg ag mỹ: “kỹ vinho vỹ ge nĩgtĩ gé,” he mũ gé. “Ẽg pijé uva me kajãg mũ tỹ nén ũ fár tỹ sako há si ki kujẽg tĩ'. Ke tũ nĩ mũ ra tóg, kunãnh kỹ jaran kenh mũ. Kỹ vinho ẽn tóg tũ' henh mũ, sako ke gé. Vinho kajãg mũ tỹ nén ũ fár tãg ki kujẽn ke vẽ mỹr',” he tóg. Ti tỹ ti jykre tãg tón hã vẽ gé.
23510	MAT 10:24	Ũn vẽnh kanhrãn mũ pijé ũ tỹ ti kanhrãn mũ kãfór nĩ'. Ũn camarada pijé ti patrão kãfór nĩ'.
23514	MAT 10:28	Mũmẽg tũg nĩ, ag kamẽg tũg nĩ, pã'i ag. Ẽg tén há ag nỹtĩ, hã ra ag tóg nũgme ki ẽg fón ki kagtĩg nỹtĩ. Ũn pir hã kamẽg nĩ, hã vỹ: Topẽ, he mũ. Ti hã ne ẽg tén kar kỹ nũgme ki ẽg fón ki kanhró nĩ'. Kỹ ti hã kamẽg nĩ.
23545	MAT 11:17	“Ãjag mỹ ẽg tóg vãkyn tĩ, kanhinnhir kỹ, hã ra ãjag ne, vẽnh gringrén jãvãnh nỹtĩ'. Kỹ ẽg tóg vẽsỹrénh mũ sir, kanhinnhir kỹ, hã ra ãjag tóg, ẽg mré kygfỹ jãvãnh nỹtĩ gé,” he ag tóg tĩ, ón kỹ jagnẽ to jũ kỹ.
23555	MAT 11:27	Kỹ tóg ag mỹ: “inh jóg tóg, inh mỹ tovãnh kãn, ti tỹ nén han mũ kar ẽn ti,” he mũ. “Kỹ ũ pijé ti kósin ki kanhró nĩ'. Inh jóg hã ne inh ki kanhró nĩ'. Kỹ ũ pijé inh jóg ki kanhró nĩ gé'. Inh hã ne ti ki kanhró nĩ', isỹ tỹ ti kósin nĩn kỹ. Hã ra sóg ãjag mỹ ti kãmén jé kãtĩ mũ, sỹ ũn kuprẽg mũ ag mỹ, fag mỹ ke gé“ he tóg.
23557	MAT 11:29	“Inh mré kãmũ jẽg. Ãjag kanhrãn jé sóg ke mũ. Komẽr hã sóg vĩ tĩ. Inh pijé vẽsỹ ũn mág han tĩ'. Vĩ tar han vãnh sóg nĩ. Ãjag tỹ iso kãmũ kỹ ãjag krĩ vỹ há' henh mũ, ha vem nĩ.
23558	MAT 11:30	Ijykre pijé kufy nĩ'. Isỹ ãjag mỹ nén tó mũ pijé han kórég nĩ',” he tóg.
23560	MAT 12:2	Kỹ pã'i ag tóg ag vég mũ. Kỹ ag tóg Jesus mỹ: “ha vé, ã mré mũ tĩ ag ne tóg, ag tỹ nén han ke tũ han mũ ha', vẽnhkán ke kurã ki'. Vẽnh rãnhrãj vẽ mỹr,” he mũ.
23561	MAT 12:3	Hã ra tóg: “vó,” he mũ. “Davi tỹ nén han mũ to jykrén nĩ. Ti kókĩr nĩn kỹ tóg, ti tỹ nén han ke tũ han gé, ti mré mũ tĩ ag mré, hã ra Topẽ pijé ti to jũ mũ'.
23578	MAT 12:20	Ẽprã ke ag tỹ inh vĩ mranh kỹ ag tóg vãn tóg tỹ kamkam ke ẽn ri ke nỹtĩ. Hã ra ti pijé ag tỹ kamkam ke kãn ke mũ', isỹ ũ to: inh fe, he mũ ẽn ti. Néj gru tỹ nhyn ke sór ẽn ri ke ag nỹtĩ gé. Ti pijé ag tỹ nhyn kenh ke mũ'. Ag mỹ tóg vĩ há han ke mũ. Tag kar kỹ sóg kejẽn vẽnh kar jykre tugnỹm ke mũ.
23592	MAT 12:34	Pỹn ri ke ãjag nỹtĩ. Kórég tãvĩ ãjag nỹtĩ, hã ra ãjag tóg, ón kỹ nén ũ há tó sór tĩ. Ẽg jẽnky ki tóg kãkutẽ tĩ, ẽg tỹ nén to jykrén mũ ti. Ẽg jykre kórég tãvĩ nỹtĩn kỹ ẽg tóg, nén ũ kórég tãvĩ tó tĩ. Hã kỹ ãjag pijé tó há han tĩ'.
23636	MAT 13:28	Kỹ tóg ag mỹ: “ẽg kato tẽ ẽn rãnhrãj hã vẽ,” he mũ. “Ẽn hã vỹ isũ kókég mũ'. “Kỹ ag tóg ti mỹ: “kỹ ẽg mỹ vãnh ẽn kunũnh ke tũ nĩ'?“ he mũ.
23713	MAT 15:11	“Ẽg jẽn pijé ẽg kavénh tĩ'. Ẽg jẽnky kã ra ẽg tóg rãg tĩ, vẽjẽn tỹ. Nén ũ tỹ ẽg ki kãpa hã vỹ ẽg kavénh tĩ, ha mẽ,” he tóg.
23730	MAT 15:28	Kỹ tóg fi mỹ: “ã hã ne tóg inh ki rã há han'. Hã kỹ sóg ã mỹ han mũ,” he mũ. Ti tỹ tag tó kỹ fi kósin fi tóg há' he mũ, óra ẽn hã kã.
23750	MAT 16:9	Ver tóg ãjag tỹ to jykrén tũ tĩ'. Ẽmĩ tỹ 5 (ke) ẽn mĩ ẽkrén nĩ. Ũ tỹ 5 mil (ke) ag tóg ko kãn, hã ra tóg kén, ag kar tỹ ko mũ ra. Ti ke hỹn kẽj tỹ hẽ ri ke fãn?“ he tóg. Kỹ ag tóg ti mỹ tó mũ sir.
23753	MAT 16:12	Kỹ ag tóg vãhã to jykrén há han mũ sir. Ti tỹ fermento pẽ tó pijé'. Ti tỹ Fariseu mré Saduceu ag jykre tó ja vẽ. Ag jykre régre nỹtĩ hã to tóg: “ẽn kamẽg nĩ,” he ja nĩ, Jesus ti.
23764	MAT 16:23	Hã ra Jesus tóg vẽsỹjãm ẽvãnh kỹ ti mỹ vĩ tar han mũ sir, ti to jũ kỹ. “Kutĩg, Satanás,” he tóg, Pedro mỹ. “Isỹ Topẽ vĩ mranh han sór ã tóg mũ. Ã pijé Topẽ jykre tó mũ'. Ẽprã ke jykre vẽ, ã tỹ inh mỹ nén tó mũ tag ti,” he tóg.
23800	MAT 18:4	“Gĩr pijé ũn sanh kãfór nĩ sór tĩ'. Hã kỹ jagnẽ kãfór nĩ sór tũg nĩ. Ũn sĩ vỹ tỹ inh nĩ, gĩr ri ke, hem nĩ, ãjag tỹ kar kỹ tỹ ũn mág nỹtĩ jé, Topẽ tỹ tỹ ẽg pã'i nĩn kỹ.
23837	MAT 19:6	Hã kỹ fag tóg tỹ ũn pir nỹtĩ. Fag pijé tỹ ũn régre nỹtĩ'. Hã kỹ fag tỹ vẽnh kãpãm tũg nĩ. Topẽ tỹ fag tỹ ũn pir han vẽ mỹr,” he tóg.
23970	MAT 22:29	Hã ra Jesus tóg: “kygnẽ ãjag huri,” he mũ. “Ãjag pijé Topẽ vĩ tỹ rán kỹ nĩ ki kanhró nỹtĩ', ãjag pijé Topẽ jykre ki kanhró nỹtĩ'.
24001	MAT 23:14	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ãjag ne tóg ũn mén ter ja fag tũ mãn kãn tĩ'. Kar kỹ ãjag tóg ón kỹ Topẽ mré vĩ téj han mũgtĩ, ẽg tỹ ãjag to: “há ag nỹtĩ,” he jé. Hã kỹ Topẽ vỹ, ãjag vóg kónãn kãfór han ke mũ,” he tóg.
24004	MAT 23:17	Vẽnh mỹ ti nĩ, ãjag vĩ tag. Krĩ tũ ãjag tóg nỹtĩ, kyvó ãjag tóg nỹtĩ. Ouro mỹ Topẽ ĩn kãfór nĩ'? Vó'. Ouro vỹ tỹ Topẽ tũ nĩ, ti tỹ Topẽ ĩn krẽm nĩn kỹ. Hã kỹ tóg tỹ, Topẽ tũ kar nĩ sir, ouro ti, ti ĩn ti ke gé. Ón kỹ: “Topẽ hã vỹ ki kanhró nĩ,” he tũg nĩ,” he tóg.
24006	MAT 23:19	Vẽnh mỹ ti nĩ gé, ãjag vĩ tag ti. Kyvó ãjag nỹtĩ mỹr. Ẽg tỹ Topẽ mỹ ẽg mẽg pũn mũ mỹ mesa kãfór nĩ'? Vó'. Topẽ ĩn krẽm mesa kri ẽg tóg ẽg mẽg ti pũn tĩ, hã kỹ tóg Topẽ mỹ há tĩ, ẽg mẽg ti, ẽg tỹ ti ĩn tá ti mỹ mesa kri pũn tugrĩn.
24020	MAT 23:33	“Pỹn ri ke ãjag nỹtĩ, mĩg ri ke ãjag nỹtĩ. Ãjag pijé nũgme ki vár tũ nĩnh mũ', inferno ki'.
24062	MAT 24:36	“Hã ra ũ pijé, isỹ kurã ki kãtĩg mãn ke mũ ki kanhró nĩ', óra ki ke gé'. Topẽ tỹ jẽgnẽ jafã ag pijé ki kanhró nỹtĩ'. Inh pijé ki kanhró nĩ gé'. Ẽg jóg mág hã vỹ ti pin kỹ ki kanhró nĩ', kurã kã nén kutẽnh ke mũ ẽn ki.
24069	MAT 24:43	“Kỹ tag to jykrén nĩ, ha mẽ. Ẽg pijé, ũ tỹ ẽg tỹ nén péju sór mũ kãtĩg ke ki kanhró nỹtĩ'. Ẽg tỹ ki kanhró nỹtĩ ra ẽg tóg, ti jo ẽg tỹ nén ki rĩr ke mũ vẽ, kỹ ũ pijé, ẽg ĩn kã ra rãnh ke mũ vẽ'.
24119	MAT 25:42	Inh kókĩr ra ãjag pijé, inh mỹ vẽjẽn ven'. Isỹ kron há ra ãjag pijé, inh mỹ goj ven'.
24120	MAT 25:43	Isỹ ãjag ĩn tá jun mũ ra ãjag pijé, inh mỹ: kãrã ra, he ja nĩgtĩ'. Isỹ kur tũ ra ãjag pijé, inh mỹ ũ vin'. Inh kaga nỹ ra, ise kỹ jẽ ra ãjag pijé, inh venh mũ' he ja nĩgtĩ', he jé sóg ke mũ,” he tóg.
24168	MAT 26:45	Kỹ tóg ag venh tĩg mãn kỹ ag mỹ: “ãjag ne tóg ver nũgnũr nỹtĩ',” he mũ. “Vẽnhkán ja ãjag tóg nĩ'. Pétẽm ti huri, óra ti. Ti tỹ Topẽ vĩ mranh tĩ ag mỹ inh fẽg ke nẽ ha, isỹ tỹ ẽprã ke fi kósin nĩn kỹ,” he tóg.
24178	MAT 26:55	Ẽn kã tóg porisa ag mỹ: “ãjag ne tóg, rógro génh kỹ kãmũ mũ', ka kykyv mré', ise jé',” he mũ. “Inh pijé tỹ bandido nĩ'. Kurã kar ki sóg ãjag mré jẽ ja nĩgtĩ, Topẽ ĩn krẽm. Vẽnh kar kanhrãn sóg jẽ ja nĩgtĩ, hã ra ãjag tóg tá ise ja tũ nĩ vẽ mỹr.
24197	MAT 26:74	Hã ra tóg: “vó',” he mãn mũ. “Inh pijé, ti ki kanhró nĩ'. Inh ón kỹ Topẽ vỹ inh vóg kónãn ke mũ,” he tóg. Hã ra vãhã galo tóg kyr mũ.
24223	MAT 27:25	Kỹ vẽnh kar ag tóg ti mỹ: “ẽg jykre vẽ,” he kãn mũ. “Ẽg hã ne ti tén sór mũ'. Kỹ Topẽ vỹ, ẽg hã vóg kónãn ke mũ, ẽg krẽ ag ke gé,” he ag tóg.
24328	MRK 1:44	“ker ũ mỹ tó hẽ'. Topẽ tũ ki rĩr tĩ hã mỹ tóm nĩ, kỹ Topẽ mỹ Moisés tỹ vãsỹ ẽg mỹ nén tó ja ẽn nĩm nĩ. Hã tugrĩn vẽnh kar vỹ ã tỹ há' he mũ tag ki kanhrãn mũ,” he tóg.
24346	MRK 2:17	Hã ra Jesus tóg mẽg mũ. Kỹ tóg ag mỹ: “ũn kagyga tũ ag vỹ médico venh mũ tũ nĩgtĩ'. Hã ra ũn kagyga ag hã vỹ ti venh mũ tĩ,” he mũ. “Inh pijé ũ tỹ vẽjykre kuryj han mũ ag mỹ: ãjag jykre tovãnh nĩ, he sór tĩ'. Ũ tỹ Topẽ vĩ mranh mũ ẽn ag hã mỹ sóg: ãjag jykre tovãnh nĩ, he sór tĩ,” he tóg.
24350	MRK 2:21	“Fag pijé vãfe kygnej tũ tỹ kur si jar ki hynhan tĩ'. Fag tỹ ũn kygnej tũ tỹ ki hynhan kỹ tóg jaran kenh mũ. Kỹ kur si jar ẽn tóg mág mũ sir. Ũn kygnej hã tỹ fag tóg ki hynhan tĩ, kỹ tóg jaran ke tũ nĩgtĩ,” he tóg, ti jykre tãg to.
24351	MRK 2:22	“Kỹ vinho vỹ ge nĩgtĩ gé,” he tóg mũ gé. “Ẽg pijé vinho kajã tỹ ti fár si tỹ sako ki kujẽg tĩ mỹr'. Ke tũ nĩ mũ ra tóg kunãnh kỹ jarn kenh mũ. Kỹ vinho tóg tũ' henh mũ, sako ti ke gé. Vinho kajã tỹ ti fár tãg ki kujẽn ke vẽ mỹr,” he tóg, ti jykre tãg to.
24494	MRK 6:18	Kỹ João tóg ti mỹ: “ã hã ne tóg ã jãvy prũ fi tỹ prũg mũ'. Kỹ ã tóg Topẽ vĩ mranh mũ,” he ja nĩ.
24538	MRK 7:6	Hã ra tóg ag mỹ: “Isaías vỹ ãjag to vĩ ja nĩgtĩ, vãsỹ, kỹ tóg rán kỹ nĩ,” he mũ. “Ti vĩn hã vẽ, ha mẽ: “povo tag vỹ ag nũnẽ hã tỹ inh mỹ vĩ há han tĩ, hã ra ag jykre pijé tỹ inh jykre nỹ'.
24547	MRK 7:15	“Vẽjẽn pijé ẽg kavénh tĩ'. Nén tỹ ẽg ki kãpa mũ hã vỹ ẽg kavénh tĩ. Ẽg tỹ nén ũ vẽnh mỹ han mũ hã vỹ ẽg kavénh tĩ.
24616	MRK 9:9	Kỹ ag tóg pãnónh tá kãre mũ sir. Kỹ tóg: “ker ũ mỹ ãjag tỹ ũri nén vég mũ tó hẽ'. Ẽprã ke fi kósin tỹ ti ter ja tá vỹn ke kar hã inh kãmén nĩ,” he mũ.
24635	MRK 9:28	Kỹ tóg ĩn kã ra rã mũ. Tá ti mré mũ tĩ ag tóg ti pin kỹ ti mỹ: “ẽg ne tóg ti tỹ há' he ja tũ nĩ'. Hẽ ri ken kỹ, hỹn?“ he mũ.
24665	MRK 10:8	Fi mré tóg tỹ ũn pir nĩ sir, he ja tóg nĩ, Topẽ ti. Hã kỹ fag tóg tỹ ũn pir nỹtĩ. Fag pijé tỹ ũn régre nỹtĩ'.
24675	MRK 10:18	Kỹ Jesus tóg ti mỹ: “ã tỹ ne jé inh mỹ: há ã tóg jẽ, he nẽ?“ he mũ. “Ẽg pijé há nỹtĩ'. Topẽ hã ne ti pir mỹ há nĩ',” he tóg.
24818	MRK 13:32	“Hã ra ũ pijé isỹ kurã kã kãtĩg mãn ke mũ ki kanhró nĩ', óra ki ke gé'. Topẽ tỹ jẽgnẽ jafã ag pijé ki kanhró nỹtĩ'. Inh pijé ki kanhró nĩ gé', isỹ tỹ Topẽ kósin ra. Ẽg jóg mág hã vỹ ti pin kỹ ki kanhró nĩ, kurã kã nén kutẽnh ke mũ ẽn ki.
24848	MRK 14:25	“Ha mẽ, inh pijé vinho kron mãn mũ ha'. Topẽ tỹ tỹ ẽg pã'i nĩ ẽn kã sóg kejẽn kron mãn mũ,” he tóg.
24864	MRK 14:41	Kỹ tóg tá jun tãgtũ han mãn mũ. Kỹ tóg ag mỹ: “ãjag ne tóg nũgnũr ja nĩ'. Vẽnhkán ja ãjag tóg nĩ,” he mũ. “Pétẽm ti huri, óra ti. Ũ tỹ Topẽ vĩ mranh tĩ ag tỹ isenh ke nẽ ha. Tỹ sóg ẽprã ke fi kósin nĩ mỹr.
24871	MRK 14:48	Hã ra Jesus tóg ag mỹ: “ãjag ne tóg rógro génh kỹ kãmũ mũ', ka kykyv génh kỹ ke gé'. Inh pijé tỹ bandido nĩ'.
24891	MRK 14:68	Hã ra Pedro tóg: “vó, inh pijé ti ki kanhró nĩ'. Ã tỹ ne tó nẽ'?“ he mũ. Kỹ tóg ĩn jãnkã ra tĩg kỹ ra rã sór mũ sir. Hã ra galo tóg kyr mũ.
24924	MRK 15:29	Kỹ ũ tỹ mĩ mũ mũ ag tóg ti nyg' he mũ gé, vỹn vỹn he kỹ. “Ó', ã ne tóg: Topẽ ĩn kókén jé sóg ke mũ, he gé',” he ag tóg. “Kurã tãgtũ ki sóg ũ han mũ, he ã tóg mũ gé'.
24925	MRK 15:30	Vẽnh kren han ra kema'. Krunh to kãtére kema',” he ag tóg, ti to é he kỹ.
24963	LUK 1:1	Lucas tỹ rá vẽ. Sỹ ã mỹ rán vẽ, Teófilo'. Ũ tỹ hẽn ri ke ag tóg Jesus kãme rán huri.
24965	LUK 1:3	Ge ra sóg vãhã rán ke to jykrén mũ gé, ha mẽ. Jesus kãme mẽ kãn inh, ti mur mré hã. Ũn e ag ki sóg jẽmẽ. Hã kỹ sóg komẽr hã ã mỹ ti kãme rán kãn sór mũ. Tỹ ã tóg pã'i mág nĩ, Teófilo'.
24982	LUK 1:20	“Ha vé, vĩ vãnh nĩ jé ã tóg ke mũ ha, ha vem nĩ. Vĩ vãnh nĩ ki ã tóg isỹ ã mỹ nén tó mũ tag kurã ẽn pétẽm ke mũ. Ã hã ne tóg sỹ ã mỹ nén tó mũ tag kri fig tũ nĩ'. Ti kurã ki ã tóg venh mũ,” he tóg.
24999	LUK 1:37	Topẽ hã ne nén kar han há nĩ'. Hã kỹ tóg isỹ ã mỹ tó mũ tag han ke mũ gé,” he tóg.
25093	LUK 2:51	Kỹ tóg fag mré Nazaré ra tĩ mũ. Tá tóg jatun mỹ fag mré nĩ nĩ sir. Fag tỹ ti mỹ nén tó mũ han tóg mũ. Hã ra ti mỹnh fi pijé nén kar ẽn kã jatun mũ'.
25206	LUK 5:30	Kỹ tóg pã'i ag mỹ kórég nĩ. Hã kỹ ag tóg ti mré mũ tĩ ag mỹ: “ãjag ne tóg governo mỹ jãnkamy mãg tĩ ag mré jẽg mũ'. Topẽ vĩ mranh tĩ ag vẽ,” he mũ.
25208	LUK 5:32	“Inh pijé ũ tỹ vẽjykre kuryj han mũ ag mỹ: ãjag jykre tovãnh ra, he sór tĩ'. Ũ tỹ Topẽ vĩ mranh tĩ ẽn ag hã mỹ sóg: ãjag jykre kórég tovãnh ra, he sór tĩ. Hã jé sóg ãjag mỹ vẽnh ven,” he tóg, Jesus ti.
25210	LUK 5:34	Kỹ tóg ag mỹ: “hỹ,” he mũ. “Vẽnh prũg venh kãmũ mũ ag pijé vãkrég tĩ'. Fénhta vẽ mỹr, kỹ tóg vẽnh kar mỹ sér tĩ. Tỹ sóg, ũn prũg mũ ẽn ri ke nĩ, hã kỹ tóg, inh mré mũ tĩ ag mỹ sér tĩ,” he tóg.
25213	LUK 5:37	Kỹ tóg ag mỹ: “vinho vỹ ge nĩgtĩ gé,” he mũ gé. “Ẽg pijé vinho tãg tỹ nén fár si tỹ sako há ki kujẽg tĩ'. Kunãnh kỹ tóg jar ke mũ, sako ti, kỹ vinho ẽn tóg tũ' henh ke mũ.
25218	LUK 6:3	Hã ra tóg ag mỹ: “vó,” he mũ. “Ag kókĩnkĩr vẽ mỹr,” he tóg. “Davi to jykrén nĩ, ti mré mũ tĩ ag to ke gé. Ti kókĩr kỹ tóg ti tỹ nén han ke tũ han gé, hã ra Topẽ pijé ti to jũ mũ'.
25255	LUK 6:40	Aluno pijé ti kanhrãn tĩ kãfór nĩnh mũ'. Ti tỹ kanhrãn há han kỹ tóg kejẽn ti kanhrãn tĩ ri ke nĩnh mũ.
25256	LUK 6:41	Jykre kórég mág ãjag tóg nỹtĩ, hã ra ãjag régre jykre pãno sĩ ẽn tóg ãjag mỹ kórég nỹ'.
25258	LUK 6:43	“Ha vé, ka há pijé, kanẽ kórég han tĩ'. Kỹ ka kórég pijé, kanẽ há han tĩ gé'.
25261	LUK 6:46	“Ãjag ne tóg inh mỹ: Senhor', he tĩ'. Hã ra ãjag tóg isỹ ãjag mỹ nén tó mũ ẽn han vãnh nỹtĩgtĩ. Kỹ tóg vẽnh mỹ nỹ.
25289	LUK 7:25	Ti mỹ ãjag mỹ ũn kur sĩnvĩ ag jykre ri ke nĩ'? Vó. Ũn kur sĩnvĩ ag vỹ ẽmã mág tá nỹtĩ, pã'i mág ĩn krẽm, ũn jẽn mág tĩ ag. Ag pijé ẽmã tũ ja mĩ mũ tĩ'.
25298	LUK 7:34	Ti jãvo sóg vãkrég tũ nĩgtĩ. Jẽg sóg tĩ, kron sóg tĩ gé. Kỹ ãjag tóg iso: “ti hã ne jẽg tĩ'. Ti hã ne kron tĩ'. Ti hã ne Topẽ vĩ mranh tĩ ag to há nĩ',” he tĩ, ẽprã ke fi kósin to.
25328	LUK 8:14	Kỹ ti fy tỹ sónh kã ki krãn kỹ nỹtĩ vỹ, ge nỹtĩgtĩ gé. Topẽ vĩ mẽg ag tóg tĩ gé. Hã ra ag tóg, ag rãnhrãj hã tỹ vẽnh kutãn tĩ. Ón kỹ ag tóg riko nỹtĩ sór mũ, ag rãnhrãj to. Nén kar to ag tóg én tĩ, kỹ tag hã ne ag kókég tĩ'. Hã kỹ ag tóg, Topẽ vĩ mĩ ẽkrén mãn tũ nĩ sir. Kanẽn há han tũ ag tóg nĩ gé sir.
25330	LUK 8:16	Kỹ tóg: “ẽg tỹ néj grug kỹ ẽg pijé, kẽj krẽm fẽg tĩ',” he mũ. “Ẽg pijé, kỹmỹ krẽm fẽg tĩ gé'. Ti fẽg jafã kri ẽg tóg fẽg tĩ. Kỹ vẽnh kar tóg vég mũ sir, ag tỹ ẽg ĩn kã ra kãgen kỹ.
25366	LUK 8:52	Hã ra ũn e fag vỹ tá nỹtĩ gé. Kygfỹ fag tóg mũ. Kỹ Jesus tóg fag mỹ: “kygfỹ tũg ra,” he mũ. “Fi pijé ter mũ'. Fi nũr vẽ,” he tóg.
25425	LUK 9:55	Hã ra tóg ag jé vĩrĩn ke kỹ ag mỹ: “ke tũg ra,” he mũ. “Topẽ jykre pijé'. Inh pijé ag tũg sór mũ'. Isỹ ag krenkren han sór vẽ jãvo,” he tóg.
25432	LUK 9:62	Kỹ tóg ti mỹ: “vó,” he mũ gé. “Ẽg tỹ arado tỹ ga kũm kỹ ẽg pijé vẽsỹjãm ẽvãnh tĩ'. Ge ti nĩ, ã tỹ inh mré tĩg sór kỹ. Inh mré ã tóg tĩg mũ. Ã tỹ ã jykre han sór kỹ ã tóg Topẽ tỹ tỹ ẽg pã'i nĩ tá krỹg ke tũ nĩ,” he tóg.
25454	LUK 10:22	Kỹ tóg ti mré mũ tĩ ag mỹ: “inh jóg tóg inh mỹ tovãnh kãn, ti tỹ nén han ja kar ti,” he mũ. “Kỹ ũ pijé ti kósin ki kanhró nĩ'. Inh jóg hã ne inh ki kanhró nĩ'. Kỹ ũ pijé ijóg ki kanhró nĩ gé'. Inh hã ne ti ki kanhró nĩ'. Hã kỹ sóg ãjag mỹ ti kãmén jé kãtĩ mũ. Isỹ ũn kuprẽg mũ ag hã mỹ sóg ti kãmén tĩ,” he tóg.
25485	LUK 11:11	Kejẽn ãjag kósin tóg ãjag mỹ pirã to vĩ mũ. Kỹ ãjag pijé ti mỹ pỹn nĩm ke mũ'. Pirã hã nĩm jé ãjag tóg ke mũ.
25486	LUK 11:12	Kejẽn tóg ãjag mỹ garĩnh ovo to vĩ mũ. Kỹ ãjag pijé ti mỹ pỹn kakrã nĩm ke mũ'. Garĩnh ovo hã nĩm jé ãjag tóg ke mũ.
25493	LUK 11:19	“Ãjag mré ke ag to jykrén nĩ. Nén-Kórég ag pan ag tóg tĩ gé. Ag pijé Satanás jykre tỹ ag pan tĩ'. Topẽ jykre tỹ ag tóg ag pan tĩ mỹr'. Ãjag tỹ tag to jykrén kỹ ãjag tóg inh jykre há ki kanhrãn ke mũ vẽ,” he tóg.
25507	LUK 11:33	“Ẽg tỹ néj grug kỹ ẽg pijé, péju kỹ fẽg tĩ'. Ẽg pijé, kẽj krẽm fẽg tĩ'. Ti fẽg jafã kri ẽg tóg fẽg tĩ. Kỹ ẽg tóg ẽg tỹ ĩn kã ra kãge kỹ ve há han tĩ,” he tóg.
25533	LUK 12:5	Ãjag mỹ sóg tónh ke mũ ha, ãjag tỹ ũn kamẽg ke ti, hã vỹ: Topẽ, he mũ. Ti hã ne ẽg tén kar kỹ nũgme ki ẽg vãm ki kanhró nĩ', mỹr ha mẽ'. Kỹ ti hã kamẽg nĩ.
25534	LUK 12:6	Sẽsĩ tỹ 5 (ke) kato ag tóg jãnkamy pir nĩm tĩ, ag tỹ ko jé. Hã ra Topẽ pijé ag kã jatun mũ'. Ag ki rĩr tóg nĩ nĩ.
25542	LUK 12:14	Hã ra tóg ti mỹ: “vó,” he mũ. “Isũ pijé',” he tóg. “Inh pijé ã mỹ ã kuge ve sór mũ'. Inh pijé ã tũ tỹ vẽnh kãpãm sór mũ',” he tóg.
25543	LUK 12:15	Kỹ tóg ag kar mỹ: “ker nén ũ to én hẽ',” he mũ. “Ẽg tỹ nén kar nĩ pijé ẽg rĩr han ke mũ'. Ẽg tũ mág nĩ tugrĩn ẽg pijé mũ há han ke mũ',” he tóg.
25553	LUK 12:25	Kỹ ẽg tóg Topẽ tỹ ẽg jé prẽr kỹ mũnh ke mũ gé. Ẽg pijé mũnh ke tũ nĩ'. Ẽg tỹ to krĩ kufy han mũ ra ẽg tóg tĩg mũ.
25554	LUK 12:26	Ẽg pijé ẽg krĩ kufy tugrĩn, ẽg krĩ há tugrĩn mũnh ke tũ nĩ'. Mũ jé ẽg tóg ke mũ, ti tỹ ẽg jé prẽr kỹ. Hã kỹ nén ũ ũ to krĩ kufy han tũg nĩ.
25556	LUK 12:28	Topẽ hã ne ka fej sĩnvĩ han tĩ'. Hã ra tóg kãnhmar kãgter tĩ. Ũri tóg há nỹtĩ, tỹ vaj kỹ tóg kógungur nỹtĩgtĩ. Topẽ tỹ ka fej sĩnvĩ han kỹ tóg ãjag kur ki rĩr ke mũ gé, ha vem nĩ. Kỹ ti to: “ti mỹ ẽg mỹ kur nĩm mũ vỹ?” he tũg nĩ.
25614	LUK 13:27	Hã ra tóg ãjag mỹ: “inh pijé ãjag ki kanhró nĩ',” henh ke mũ. “Ãjag pijé tỹ inh mré ke nỹtĩ'. Ha mũjẽg. Vẽjykre pãno han ãjag tóg mũgtĩ,” he jé tóg ke mũ.
25620	LUK 13:33	“Ũri sóg ver tĩnh mũ, vaj kỹ ke gé, vaj ũn kỹ ke gé. Iser ken kỹ sóg Jerusalém hã tá ter ke mũ. Tag ki ke pijé'. Jerusalém tá ke ag hã tóg Topẽ vĩ tó tĩ ag kãgtén tĩ, he ti,” hem nĩ ti mỹ,” he tóg.