23284	MAT 4:6	Kỹ tóg ti mỹ: “ã hã ne tóg tỹ Topẽ kósin nĩ',” he mũ. “Kỹ kema ki hũm,” he tóg. “Topẽ vĩ ki tag tóg rán kỹ nĩ, hã vỹ: “ti tỹ jẽgnẽ jafã ag mỹ tóg tónh mũ, kỹ ag tóg ã jy nĩgãn ke mũ,” he mũ. “Kỹ ã tóg rỹj ke tũ nĩ. Ã pẽn vỹ rỹj ke tũ nĩ,” he tóg.
23320	MAT 5:17	“Ãjag hỹn iso: “Moisés tỹ ẽg mỹ nén tó ja ẽn tỹ tóg, tũ' he sór mũ',” he mũ. “Hã tũ vẽ. Sỹ ki króm kãn sór vẽ,” he tóg.
23372	MAT 6:21	Ãjag tỹ ga kri tỹ nén ũ mág nỹtĩn kỹ ãjag tóg, ga kri mũ mág sór mũ. Ãjag tỹ hã ra kanhkã tỹ tỹ nén ũ mág nỹtĩ sór kỹ ãjag tóg, kanhkã ra mũ sór mũ, kỹ tag hã ne há nĩ',” he tóg, Jesus ti.
23418	MAT 8:4	Kỹ Jesus tóg ti mỹ: “ker ũ mỹ tó hẽ',” he mũ. “Ha tĩg. Topẽ tũ ki rĩr tĩ hã mỹ tóm nĩ. Kỹ Topẽ mỹ Moisés tỹ vãsỹ ẽg mỹ nén tó ja ẽn nĩm nĩ. Hã tugrĩn vẽnh kar vỹ ã tỹ há' he mũ tag ki kanhrãn mũ,” he tóg ti mỹ. Kỹ tóg tĩ mũ sir.
23450	MAT 9:2	Ti tỹ ti jamã tá jun kỹ ag tóg vãhã, ti mỹ ũn kãnhgrĩ vyn kỹ junjun mũ. Kỹmỹ kri tóg nỹ nĩ. Kỹ Jesus tóg, ag tỹ ti ki ge kỹ nỹtĩ vég mũ sir. Hã kỹ tóg ũn kãnhgrĩ ẽn mỹ: “inh kósin',” he mũ. “Ã fe tỹ há' hé. Ã tỹ Topẽ vĩ mranh ja ẽn tỹ tũ' hen hã vẽ ha,” he tóg.
23452	MAT 9:4	Hã ra Jesus tóg, ag tỹ nén to jykrén mũ ki kanhró nĩ. Kỹ tóg ag mỹ: “ãjag ne tóg iso jykrén kónãn mũ',” he mũ.
23459	MAT 9:11	Kỹ pã'i ag tóg vég mũ. Kỹ ag tóg ti mré mũ tĩ ag mỹ: “ãjag pã'i ne tóg ũn jykre pãno ag mré jẽg mũ',” he mũ.
23463	MAT 9:15	Kỹ tóg ag mỹ: “hỹ,” he mũ. “Vẽnh kyprũg venh kãmũ mũ ag pijé vãkrég tĩ',” he tóg. “Fénhta vẽ mỹr, kỹ ũn prũg mũ ẽn mré ke ag tóg ti venh kãmũ tĩ. Hã ra sóg, ũn prũg mũ ẽn ri ke nĩ, hã kỹ tóg inh mré mũ tĩ ag mỹ sér tĩ ver,” he tóg. “Vãhã tóg jun, inh kurã ti, ag tỹ inh pére mũnh ke ti. Ẽn kã hã ag tóg vãkrenh ke mũ,” he tóg.
23465	MAT 9:17	Kỹ tóg ag mỹ: “kỹ vinho vỹ ge nĩgtĩ gé,” he mũ gé. “Ẽg pijé uva me kajãg mũ tỹ nén ũ fár tỹ sako há si ki kujẽg tĩ'. Ke tũ nĩ mũ ra tóg, kunãnh kỹ jaran kenh mũ. Kỹ vinho ẽn tóg tũ' henh mũ, sako ke gé. Vinho kajãg mũ tỹ nén ũ fár tãg ki kujẽn ke vẽ mỹr',” he tóg. Ti tỹ ti jykre tãg tón hã vẽ gé.
23470	MAT 9:22	Hã ra Jesus tóg vĩrĩn ke kỹ fi vég mũ. Kỹ tóg fi mỹ: “inh kósin',” he mũ. “Kamẽg tũg nĩ. Ã tỹ inh ki rã kỹ ã tóg há' henh ke mũ,” he tóg. Kỹ fi tóg há' he mũ sir vẽsỹmér, ha mẽ.
23478	MAT 9:30	Kỹ ag kanẽ tóg há' he mũ sir. Ẽvãnh há' he ag tóg mũ sir. Kỹ tóg ag mỹ vĩ tar han kỹ: “ker ũ mỹ tó hẽ',” he mũ.
23547	MAT 11:19	Ti jãvo sóg vãkrég tũ nĩgtĩ. Jẽg sóg tĩ, kron sóg tĩ gé. Kỹ ãjag tóg iso: “ti hã ne jẽg tĩ', ti hã ne kron tĩ', ti hã ne governo mỹ jãnkamy mãg tĩ ag to há nĩgtĩ', ti hã ne Topẽ vĩ mranh tĩ ag hã to há nĩgtĩ',” he tĩ sir, ẽprã ke fi kósin to. Kỹ João jykre tóg, ãjag mỹ kórég nỹ, ti vãkre to. Jãvo inh jykre tóg ãjag mỹ kórég nỹ gé, inh vãkrég tũ to. Hã ra ẽg tóg ẽg tỹ ũ jykre tugnỹm kỹ ti jykre há ẽn ki kanhró nĩ sir,” he tóg, Jesus ti.
23554	MAT 11:26	“Hỹ, hã vẽ. Hã ra tóg há tãvĩ nĩ, jóg',” he tóg.
23558	MAT 11:30	Ijykre pijé kufy nĩ'. Isỹ ãjag mỹ nén tó mũ pijé han kórég nĩ',” he tóg.
23574	MAT 12:16	Kỹ tóg ag mỹ: “ker isỹ ãjag tỹ há' he tag kãmén hẽ',” he mũ.
23619	MAT 13:11	Kỹ tóg ag mỹ: “ãjag hã ne, ũ tỹ kanhkã tá nĩ ẽn tỹ tỹ ẽg pã'i nĩ ẽn ki kanhró nỹtĩnh mũ',” he mũ. “Jãvo ũn e ẽn ag vỹ, ki kanhrãn kãn ke tũ nĩ.
23625	MAT 13:17	Ha mẽ, vãsỹ ke tỹ hẽn ri ke ag vỹ, inh ve sór e ja nĩgtĩ, ãjag tỹ ũri vég mũ tag ti. Hã ra ag tóg inh kãtĩg ke jo kãgter kãn. Topẽ vĩ tó tĩ ag vẽ. Jykre kuryj ja ag nỹtĩ. Ge ra ag tóg inh ve ja tũ nĩgtĩ. Ãjag hã ne inh vĩ mẽg mũ', inhhã',” he tóg, Jesus ti, ti mré mũ tĩ ag mỹ.
23670	MAT 14:4	“ã hã ne tóg, ã mré ke prũ fi tỹ prũg mũ',” he ja nĩ. “Fi ki ã tóg Topẽ vĩ mranh mũ,” he tóg, João ti, Herodes mỹ.
23704	MAT 15:2	“ã mré mũ tĩ ag ne tóg ẽg jykre si mranh tĩ',” he mũ. “Ẽg jykre si ki ẽg tóg ẽg jẽn ke jo nĩgpég tĩ. Jãvo ag tóg ag nĩgpég tũ ra jẽg tĩ, ã mré mũ tĩ ag“ he ag tóg.
23710	MAT 15:8	“Povo tag vỹ ag nũnẽ hã tỹ inh mỹ vĩ há han tĩ, hã ra ag jykre pijé tỹ inh jykre nỹ',” he ja tóg nĩ.
23722	MAT 15:20	Nén tỹ ẽg ki kãpan hã vẽ, ẽg kavénh tĩn hã vẽ. Ẽg tỹ nĩgpég tũ ra jẽn kỹ ti pijé ẽg kavénh tĩ',” he tóg, Jesus ti.
23749	MAT 16:8	Hã ra Jesus tóg ki kanhró nĩ, kỹ tóg ag mỹ: “inh ki ge há han tũ ãjag tóg nĩ ver. Hã kỹ ãjag tóg jagnẽ mỹ: “ẽmĩ tũ mỹ',” he mũ.
23758	MAT 16:17	Kỹ Jesus tóg ti mỹ: “Simão', João kósin',” he mũ. “Ẽprã ke tỹ ã mỹ tó pijé', inh jóg tỹ kanhkã tá nĩ ẽn tỹ ã mỹ tó vẽ. Hã kỹ tóg ã ve há han mũ, Topẽ ti,” he tóg.
23786	MAT 17:17	Kỹ Jesus tóg ti mỹ: “ã ne tóg inh ki rã há han ja tũ nĩ',” he mũ. “Topẽ tóg ã mỹ krój nĩ ve nĩ, inh mỹ tóg e tĩ, sỹ ãjag to krónh kenh ha mẽ tóg tĩ. Inh mỹ kyrũ pére kãtĩg,” he tóg.
23788	MAT 17:19	Kỹ Jesus mré mũ tĩ ag tóg ti ki jẽmẽ sór mũ. Vyr mỹ ag tóg Jesus mỹ: “ẽg ne tóg ti tỹ hẽ ri ke ja tũ nĩ',” he mũ. “Hẽ ri ken kỹ hỹn?“ he ag tóg mũ.
23874	MAT 20:13	Kỹ tóg ag kã mĩ ũ mỹ: “sỹ ã ki kygnẽ pijé',” he mũ. “Inh mré ã tóg jãnkamy pir to jykrén ja nĩ, hã kỹ sóg ã mỹ nĩm mũ.
23922	MAT 21:27	To jykrén kỹ ag tóg Jesus mỹ: “ẽg pijé João jykre ki kanhró nỹtĩ',” he mũ. Ón kỹ ag tóg ke mũ. Kỹ tóg ag mỹ: “kỹ sóg ãjag mỹ tónh ke tũ nĩ gé, ũ tỹ inh jẽnẽg mũ ti,” he mũ.
23953	MAT 22:12	Kỹ tóg ti mỹ: “isỹ ã mỹ fénhta to kur nĩm mũ ra ã tóg tu tũ nĩ, vỹ,” he mũ. “Ã hã ne tóg ã kur pẽ tu sór mũ', inh fénhta ki',” he tóg. Hã ra tóg vĩ tũ nĩ sir.
23959	MAT 22:18	Hã ra Jesus tóg ag jykre pãno ki kanhró nĩ. Hã kỹ tóg ag mỹ: “ãjag ne tóg ón kỹ inh ki jẽmẽ sór mũ',” he mũ. “Jykre régre ãjag nỹtĩ mỹr.
23995	MAT 23:8	Ag jãvo jagnẽ mỹ: “Senhor,” he sór tũg nĩ, kỹ ag tỹ ãjag mỹ: “Senhor,” he mũ ra ag mỹ: “inh pijé tỹ ũn mág nĩ',” hem nĩ. Ũn pir vỹ tỹ ãjag kri ke nĩ, hã vỹ: Topẽ, he mũ, jó ãjag tóg tỹ jagnẽ mré ke nỹtĩ.
24000	MAT 23:13	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ũ ag tóg ũ tỹ kanhkã tá nĩ ẽn tỹ tỹ ẽg pã'i nĩ ve sór nỹtĩ, hã ra ãjag tóg ag mỹ kanhkã ti nenh tĩ. Ag jãvo ãjag tóg, ve sór tũ nĩgtĩ,” he tóg.
24001	MAT 23:14	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ãjag ne tóg ũn mén ter ja fag tũ mãn kãn tĩ'. Kar kỹ ãjag tóg ón kỹ Topẽ mré vĩ téj han mũgtĩ, ẽg tỹ ãjag to: “há ag nỹtĩ,” he jé. Hã kỹ Topẽ vỹ, ãjag vóg kónãn kãfór han ke mũ,” he tóg.
24002	MAT 23:15	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ãjag ne tóg kuvar há ra mũ tĩ', ga mĩ, goj mĩ ke gé, ãjag tỹ ũ tỹ Israel ag jykre han sór mũ ũ jãvãnh jé. Ãjag tỹ ũ ven kỹ ãjag tóg ti tỹ Japo krẽ han mũ sir, ti tỹ ón kỹ Topẽ vĩ mẽ jé, ãjag ri ke, ti tỹ ãjag mré nũgme ki kutẽ jé. Kỹ ti jykre pãno vỹ ãjag jykre pãno kãfór nỹ sir,” he tóg, Jesus ti.
24010	MAT 23:23	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Krĩ régre ãjag nỹtĩ, kỹ Topẽ vỹ ãjag ve kónãn,” he tóg. “Ón kỹ ãjag tóg, Topẽ mỹ ãjag jakré ki dízimo vin tĩ. Ãjag jakré tỹ hortelã tỹ 10 (ke) nỹtĩn kỹ ãjag tóg Topẽ mỹ ũn pir nĩm tĩ, ãjag jakré tỹ erva doce tỹ ke gé, ãjag jakré tỹ cominho tỹ ke gé. Há ti nĩ vẽ. Hã ra ãjag tóg, ti tỹ ẽg jyvẽn mũ ẽn han tũ nĩgtĩ. Vẽjykre kuryj han tũ ãjag tóg nĩgtĩ. Ũn jagtar ag jagãgtãn tũ ãjag tóg nĩgtĩ. Topẽ vĩ kri fig tũ ãjag tóg nĩgtĩ. Ãjag tỹ ti vĩ ki króm mré hã ãjag jakré ki dízimo vin ra tóg, há tĩ vẽ, ha mẽ. Hã ra ãjag tóg ki króm sór tũ nĩgtĩ.
24012	MAT 23:25	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Krĩ régre ãjag nỹtĩ, kỹ Topẽ vỹ ãjag ve kónãn,” he tóg. “Kópa venja kupég ãjag tóg tĩ, pénky venja, hã ra tóg kã tá kavéj nĩ. Kỹ ãjag ge nỹgtĩ gé. Jykre há nỹtĩ ve ãjag tóg nỹtĩ gé, hã ra ãjag tóg vẽjykre pãno han tĩ, hã vỹ: jãnkamy to ag lograr he tĩ, he mũ, ãjag prũ tũ fag mré nỹ tĩ, he mũ gé.
24014	MAT 23:27	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Krĩ régre ãjag nỹtĩ, kỹ Topẽ vỹ, ãjag ve kónãn,” he tóg. “Vẽnh kej sĩnvĩ ri ke ãjag nỹtĩ. Sĩnvĩ nĩ ve ti nĩ, vẽnh kej ti, ẽg tỹ pó tỹ kri tam kỹ, kar tinta tỹ to tĩn kỹ. Ti sĩnvĩ nĩ ve ra tóg ti kã tá kórég nĩ. Vẽser vỹ krẽm nỹ nĩ, vẽser vag mũ ti, ti kuka.
24016	MAT 23:29	“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Krĩ régre ãjag nỹtĩ, kỹ Topẽ vỹ ãjag ve kónãn,” he tóg. “Ãjag jógjóg ag vỹ Topẽ vĩ tó tĩ ag kãgtén ja nĩgtĩ. Jãvo ãjag tóg ag kej sĩnvĩ han tĩ, ũn jykre kuryj ja ag kej ti.
24030	MAT 24:4	Kỹ tóg: “ker ũ ãjag mỹ ón hẽ',” he mũ.
24168	MAT 26:45	Kỹ tóg ag venh tĩg mãn kỹ ag mỹ: “ãjag ne tóg ver nũgnũr nỹtĩ',” he mũ. “Vẽnhkán ja ãjag tóg nĩ'. Pétẽm ti huri, óra ti. Ti tỹ Topẽ vĩ mranh tĩ ag mỹ inh fẽg ke nẽ ha, isỹ tỹ ẽprã ke fi kósin nĩn kỹ,” he tóg.
24178	MAT 26:55	Ẽn kã tóg porisa ag mỹ: “ãjag ne tóg, rógro génh kỹ kãmũ mũ', ka kykyv mré', ise jé',” he mũ. “Inh pijé tỹ bandido nĩ'. Kurã kar ki sóg ãjag mré jẽ ja nĩgtĩ, Topẽ ĩn krẽm. Vẽnh kar kanhrãn sóg jẽ ja nĩgtĩ, hã ra ãjag tóg tá ise ja tũ nĩ vẽ mỹr.
24203	MAT 27:5	Hã ra ag tóg ti mỹ: “ẽg tũ pijé', ã tũ hã nẽ',” he mũ. Kỹ tóg jãnkamy ẽn vãm mũ sir, Topẽ ĩn krẽm, kar kỹ tóg hẽn ra tĩ mũ sir. Tá tóg ti nunh kã vẽnh jãján mũ, kỹ tóg ter mũ sir.
24222	MAT 27:24	Ag tỹ tóg hẽ ri ke tũ nĩ. Vẽnh génh kutẽ ri ke tóg nĩ, hã kỹ tóg goj jé prẽr mũ. Kỹ tóg nĩpég mũ sir, vẽnh kar rĩnve, kỹ tóg ag mỹ: “inh jykre pijé',” he mũ. “Inh nĩgé kavénh ke tũ sóg nĩ, ti kyvénh tỹ. Ũn jykre kuryj vẽ, kỹ sóg ti tén sór tũ nĩ. Ãjag jykre vẽ,” he tóg.
24345	MRK 2:16	Hã ra Topẽ vĩ to ẽg kanhrãn tĩ ũ ag vỹ tỹ Fariseu nỹtĩ gé. Jesus vég ag tóg mũ, ti tỹ Topẽ vĩ mranh tĩ ag mré jẽn kỹ. Kỹ ag tóg ti mré mũ tĩ ag mỹ: “ti ne tóg ũn jykre pãno ag mré jẽg mũ',” he mũ.
24347	MRK 2:18	Kejẽn João mré mũ tĩ ag tóg vãkrég mũ, Fariseu ag ke gé. Jẽg tũ ag nĩ, ag tỹ Topẽ mỹ há nỹtĩ jé. Kỹ ag tóg Jesus mỹ: “João mré mũ tĩ ag vỹ tóg vãkrég mũ, Fariseu mré mũ tĩ ag ke gé,” he mũ. “Jo ã mré mũ tĩ ag ne tóg vãkrég tũ nĩ',” he ag tóg.
24348	MRK 2:19	Kỹ tóg ag mỹ: “vẽnh kyprũg venh kãmũ mũ ag pijé vãkrég tĩ',” he mũ. “Fénhta vẽ mỹr, vẽnh kyprũg ti, kỹ ũn prũg mũ ẽn mré ke ag tóg ti venh kãmũ tĩ. Ge ti nĩ, inh mré mũ tĩ ag mỹ. Isỹ ag mré nĩn kỹ tóg ver ag mỹ sér tĩ.
24369	MRK 3:12	Kỹ tóg ag mỹ vĩ tar han mũ. “Ker inh kãmén hẽ',” he tóg.
24413	MRK 4:21	Kỹ tóg ag mỹ: “ẽg pijé néj grug kỹ kẽj krẽm fẽg tĩ', ẽg pijé kỹmỹ krẽm fẽg tĩ',” he mũ. “Ti fẽg jafã kri ẽg tóg fẽg tĩ, ti tỹ ẽg mỹ jẽngrẽ han jé.
24556	MRK 7:24	Kỹ tóg tá kãkutẽ mũ sir, ẽmã tỹ Tiro ra tĩg jé, ẽmã tỹ Sidom ra ke gé. Tá tóg ĩn ũ krẽm rã mũ, kỹ tóg: “ker ũ inh nĩgja ki kanhrãn hẽ',” he mũ. Ge ra ag tóg ki kanhrãn mũ.
24568	MRK 7:36	Kỹ tóg ag tỹ tó kamẽg mũ, hã ra ag tóg tugtó kãn mũ, ti tỹ: “ker tó hẽ', ker tó hẽ',” he mũ ra.
24581	MRK 8:12	Kỹ tóg ti fe tỹ jẽnger jagy han mũ. Kỹ tóg ag mỹ: “ãjag ne tóg ẽg tỹ nén han vãnh hã ve sór mũ',” he mũ. “Sỹ ke há vẽ, hã kỹ sóg ke mũ: venh ke tũ ãjag nĩ. Ũri ke ag vỹ ẽg tỹ nén han vãnh venh ke tũ pẽ nĩ,” he tóg, ag mỹ.
24602	MRK 8:33	Hã ra Jesus tóg vẽsỹjãm ti mré mũ tĩ ag ki ẽvãnh kỹ Pedro to jũ mũ. “Kutĩg, Satanás'! Ã pijé Topẽ jykre tó mũ',” he tóg. “Ẽprã ke jykre vẽ, ã tỹ inh mỹ nén tó mũ tag ti,” he tóg.
24626	MRK 9:19	Kỹ Jesus tóg: “ãjag ne tóg inh ki ge há han tũ nĩgtĩ',” he mũ. “Topẽ tóg ãjag mỹ krój nĩ ve nĩ, ãjag kar mỹ. Inh mỹ tóg e tĩ, sỹ to krónh kenh ha mẽ tóg tĩ. Inh mỹ ti pére kãmũjẽg,” he tóg.
24637	MRK 9:30	Kỹ ag tóg tá kãpa kỹ Galiléia mĩ mũ mũ. Kỹ tóg: “ker ũ ẽg tỹ mĩ mũ ki kanhrãn hẽ',” he mũ.
24671	MRK 10:14	Kỹ tóg vég mũ, kỹ tóg ti mré mũ tĩ ag to jũ mũ. “Vĩ tũg nĩ, gĩr ag mỹ. Gĩr fag tỹ iso kãmũ kamẽg tũg nĩ. Ũ tỹ ge hã vỹ Topẽ krẽm nỹtĩ nĩ, ti tũ vỹ tỹ fag nỹtĩ',” he tóg.
24675	MRK 10:18	Kỹ Jesus tóg ti mỹ: “ã tỹ ne jé inh mỹ: há ã tóg jẽ, he nẽ?“ he mũ. “Ẽg pijé há nỹtĩ'. Topẽ hã ne ti pir mỹ há nĩ',” he tóg.
24681	MRK 10:24	Kỹ ti vĩ tóg ti mré mũ tĩ ag mỹ e tĩ. Hã ra tóg ag mỹ ke mãn mũ. “Inh krẽ',” he tóg. “Jagy tãvĩ ti nĩ, mỹr, ẽg tỹ Topẽ tỹ tỹ ẽg pã'i nĩ venh ke ti,” he tóg.
24742	MRK 11:33	Hã kỹ ag tóg ti mỹ: “ẽg pijé ki kanhró nỹtĩ',” he mũ. Ón kỹ ag tóg ke mũ. Kỹ tóg ag mỹ: “kỹ sóg ãjag mỹ ũ tỹ inh jẽnẽg mũ tónh ke tũ nĩ gé,” he mũ.
24757	MRK 12:15	Ẽg mỹ hỹn nĩm mũ', vó mỹ vó?“ he ag tóg. Hã ra Jesus tóg ag jykre régre nỹtĩn ki kanhró nĩ. Kỹ tóg ag mỹ: “ãjag ne tóg ón kỹ inh ki jẽmẽ sór mũ',” he mũ. “Inh mỹ jãnkamy jun, sỹ ve jé,” he tóg.
24766	MRK 12:24	Hã ra tóg ag mỹ: “ãjag pijé Topẽ vĩ tỹ rán kỹ nĩ ki kanhró nỹtĩ',” he mũ, “Topẽ jykre ki kagtĩg ãjag nỹtĩ. Hã kỹ ãjag tóg kygnẽ ja nĩ.
24773	MRK 12:31	“Kỹ ũ tóg hã ri ke nĩ gé, hã vỹ: ãjag régre ki rĩr há nỹtĩm nĩ, ãjag tỹ vẽnh ki rĩr há han ri ke, he mũ. Ti tỹ ẽg jyvẽn ũ pijé tag kãfór nĩ',” he tóg,
24774	MRK 12:32	Kỹ Topẽ vĩ to ẽg kanhrãn tĩ ẽn tóg ti mỹ: “ke tóg tĩ. Ã tỹ ke há vẽ. Pir ti nĩ, Topẽ ti, ũ pijé ti ri ke nĩ',” he mũ.
24791	MRK 13:5	Kỹ tóg ag mỹ: “ker ũ ãjag lograr hé hẽ',” he mũ.
24883	MRK 14:60	Kỹ Topẽ tũ to pã'i mág tóg jẽgnẽ kỹ ag kuju kã jẽ kỹ Jesus mỹ: “Ã tỹ ne tónh ke mỹ tũ? Ag hã ne tóg ã vĩ kónãn tag tó mũ',” he mũ.
24924	MRK 15:29	Kỹ ũ tỹ mĩ mũ mũ ag tóg ti nyg' he mũ gé, vỹn vỹn he kỹ. “Ó', ã ne tóg: Topẽ ĩn kókén jé sóg ke mũ, he gé',” he ag tóg. “Kurã tãgtũ ki sóg ũ han mũ, he ã tóg mũ gé'.
24925	MRK 15:30	Vẽnh kren han ra kema'. Krunh to kãtére kema',” he ag tóg, ti to é he kỹ.
24956	MRK 16:14	Vãhã tóg ũ tỹ 11 (ke) ag mỹ vẽnh ven mũ gé, ag pin kỹ, ag jẽg nỹtĩ ra. Kỹ tóg ag mỹ vĩ tar han kỹ: “ãjag ne tóg ũ tỹ inh rĩr mãn vég mũ ẽn fag fi vĩ kri nĩm ja tũ nĩ',” he mũ.
24987	LUK 1:25	“Topẽ hã ne inh jagãgtãn',” he fi tóg. “Inh ve tóg, kỹ tóg inh mỹ'ãg tỹ tũ' hé. Inh kurĩ to fag tóg: Topẽ hỹn fi to kórég nĩ, he ja nĩgtĩ. Hã ra tóg fag vĩ tỹ tũ' hé,” he fi tóg mũ.
25005	LUK 1:43	Inh Senhor mỹnh fi hã ne tóg inh venh kãtĩ mũ', kỹ tóg inh mỹ sér pẽ tĩ',” he fi tóg.
25090	LUK 2:48	Ti mỹnh fag tỹ ti ve kỹ tóg fag mỹ e tĩ gé sir. Kỹ fi tóg ti mỹ: “inh kósin',” he mũ. “Ã tỹ tag kã ne han nĩ nẽ? Ã jóg mré sóg ã jãvãnh to kanẽ jur,” he fi tóg, ti mỹ.
25091	LUK 2:49	Hã ra tóg fi mỹ: “ãjag ne tóg inh jãvãnh ja nĩ',” he mũ. “Inh panh pẽ ĩn krẽm sóg nĩ nĩ mỹr, kỹn mỹ ãjag mỹ vẽnh mỹ?” he tóg.
25107	LUK 3:13	Kỹ tóg ag mỹ: “pã'i mág tỹ jãnkamy to ãjag mỹ nén tó mũ ẽn hã ri ke mãn nĩ,” he mũ. “Ker kãfãn kỹ mãn sór hẽ',” he tóg ag mỹ.
25110	LUK 3:16	Kỹ tóg ag mỹ: “inh pijé tỹ Cristo nĩ',” he mũ. “Goj hã tỹ sóg ãjag kygpég tĩ. Cristo vỹ Inh nón kãtĩg mũ, ha mẽ. Inh kãfór ti nĩ. Sỹ tỹ ti mỹ rãnhrãj tĩ nĩnh ke vẽ vẽ, sỹ ti pẽn né kunũnh jé. Hã ra sóg tỹ ti krẽm ke pẽ jẽ. Topẽ kuprĩg tỹ tóg ãjag jagrẽ han ke mũ, kỹ tóg pĩ ri ke nĩ,” he tóg.
25156	LUK 4:24	Kỹ tóg ag mỹ: “ti jamã tá ke ag tóg Topẽ vĩ tó tĩ to é he tĩ',” he mũ. “Hã kỹ ãjag tóg iso é he tĩ gé.
25190	LUK 5:14	Kỹ tóg ti mỹ: “ker ũ mỹ tó hẽ',” he mũ. “Topẽ tũ ki rĩr tĩ hã mỹ tóm nĩ. Kỹ Topẽ mỹ Moisés tỹ vãsỹ nén tó ja ẽn nĩm nĩ. Hã tugrĩn vẽnh kar vỹ ã tỹ há' he mũ tag ki kanhrãn mũ,” he tóg.
25197	LUK 5:21	Hã ra ti vĩ tóg pã'i ag mỹ e tĩ. Kỹ ag tóg ti to jykrén kónãn mũ. “Ti tỹ ne tó nẽ hỹn'? Topẽ to vĩ kónãn vẽ mỹr. Topẽ hã ne ti pir mỹ ũ tỹ ti vĩ mranh mũ ẽn mỹ tỹ tũ' he há nĩnh mũ',” he ag tóg mũ.
25215	LUK 5:39	Kỹ tóg ag mỹ: “ẽg pijé vinho si kron kar kỹ ũn tãg kron sór tĩ',” he mũ gé. “Ti si hã tóg inh mỹ kron há nĩ, he ẽg tóg tĩ,” he tóg, ti jykre tãg tó kỹ. Hã ra ag jykre si tóg ag mỹ há nĩ, ũ tỹ ti vĩ mẽg mũ ag mỹ.
25217	LUK 6:2	Hã ra Fariseu ũ ag tóg ag vég mũ. Ag mỹ vẽnh rãnhrãj vẽ, ag tỹ trigo rynhranh mũ ẽn ti. Hã kỹ ag tóg ag mỹ: “ãjag ne tóg nén han ke tũ han mũ nĩ', vẽnhkán ke kurã ki',” he mũ.
25226	LUK 6:11	Kỹ tóg vẽnh kar mỹ e tĩ. Ag fe tóg gỹm ke mũ, kỹ ag tóg jagnẽ mỹ: “ẽg ti tỹ hẽ ri kenh mũ hỹn',” he mũ, “ti kãgmĩnh mũ, vó?” he ag tóg.
25273	LUK 7:9	Kỹ tóg ti mỹ e tĩ. Kỹ tóg ag mỹ: “Israel ũ pijé ti ri ke nĩ', ti tỹ tỹ fóg hã ra',” he mũ. “Ki kanhró tóg nĩ mỹr, kỹ tóg inh ki rã kỹ jẽ. Ge ve ja tũ sóg nĩ. Há' he kỹ ti nĩ ha, ti mỹ rãnhrãj tĩ ti,” he tóg.
25298	LUK 7:34	Ti jãvo sóg vãkrég tũ nĩgtĩ. Jẽg sóg tĩ, kron sóg tĩ gé. Kỹ ãjag tóg iso: “ti hã ne jẽg tĩ'. Ti hã ne kron tĩ'. Ti hã ne Topẽ vĩ mranh tĩ ag to há nĩ',” he tĩ, ẽprã ke fi kósin to.
25330	LUK 8:16	Kỹ tóg: “ẽg tỹ néj grug kỹ ẽg pijé, kẽj krẽm fẽg tĩ',” he mũ. “Ẽg pijé, kỹmỹ krẽm fẽg tĩ gé'. Ti fẽg jafã kri ẽg tóg fẽg tĩ. Kỹ vẽnh kar tóg vég mũ sir, ag tỹ ẽg ĩn kã ra kãgen kỹ.
25370	LUK 8:56	Kỹ tóg fi han mũ fag mỹ e tãvĩ tĩ sir. Hã ra tóg fag mỹ: “ker ũ mỹ fi rĩr mãn tag tó hẽ',” he mũ.
25411	LUK 9:41	Kỹ tóg ti mỹ: “ã ne tóg inh ki rã há han tũ nĩ',” he mũ. “Topẽ tóg ã mỹ krój nĩ ve nĩ, ãjag kar mỹ. Inh mỹ tóg e tĩ. Sỹ ãjag to krónh kenh ha mẽ tóg tĩ. Inh mỹ ti pére kãtĩg,” he tóg.
25445	LUK 10:13	Kỹ tóg: “sỹ ẽmã tỹ Corazim ki ke ag mỹ tag tó sór vẽ, ẽmã tỹ Betsaida ki ke ag mỹ ke gé,” he mũ. “Kórég ve jé ãjag tóg ke mũ,” he tóg. “Ẽg tỹ nén han vãnh tỹ hẽn ri ke hynhan isóg ãjag mỹ, hã ra ãjag tóg ãjag jykre tugvãnh sór tũ nĩgtĩ,” he tóg. “Ẽmã tỹ Tiro tá, ẽmã tỹ Sidom tá sóg ẽg tỹ nén han vãnh ẽn hynhan ja tũ nĩ. Sỹ tá hynhan ra ag tóg ag jykre kórég tugvãnh ke mũ vẽ, vãsỹ,” he tóg. “Ag jykre pãno to ag jykrén ke mũ vẽ, kygfỹ jé ag tóg ke mũ vẽ, ag mỹ ti e tĩnh mũ vẽ, sỹ ag mỹ tó ra. Ag jãvo ãjag tóg to jykrén sór tũ pẽ nĩ',” he tóg.
25453	LUK 10:21	Kỹ tóg ti mỹ sér tĩ, óra ẽn kã. Topẽ kuprĩg tỹ ti krĩn kỹ tóg: “jóg',” he mũ. “Tỹ ã tóg kanhkã tãn ag kãfór kar nĩ, kar ã tóg tỹ ẽprã ke ag kãfór nĩ gé,” he tóg. “Inh mỹ tóg há tĩ, ã tỹ nén han mũ ti. Ũ tỹ: “ki kanhró mág inh nĩ,” he mũ ag mỹ ã tóg ã jykre ven ja tũ nĩ. Ũ tỹ ki kagtĩg ag hã mỹ ã tóg ã jykre nĩm ja nĩ. Kỹ tóg há tãvĩ nĩ, jóg',” he tóg.
25455	LUK 10:23	Kỹ tóg vyr mỹ ti mré mũ tĩ ag mỹ: “ãjag hã ne Topẽ jykre vég mũ',” he mũ. “Sér pẽ ti tĩ.
25456	LUK 10:24	Ki hã sóg tó mũ, ha mẽ. Ũ tỹ hẽn ri ke ag vỹ inh ve sór tãvĩ ja nỹtĩgtĩ, vãsỹ. Hã ra ag tóg inh mur ke jo kãgter kãn. Topẽ vĩ tó tĩ ag ja vẽ, pã'i mág ag ja vẽ, hã kỹ ag tóg ãjag tỹ nén vég mũ ve sór tãvĩ ja nỹtĩgtĩ. Hã ra ag tóg ve ja tũ nĩ. Mẽ ja tũ ag tóg nĩ gé, ãjag tỹ ũri nén mẽg mũ ti. Ãjag hã ne mẽg mũ inhhã',” he tóg.
25468	LUK 10:36	Kỹ tóg: “ũn tãgtũ ag vỹ ti ve ja nĩ. Kỹ ag kã ũ tỹ hẽ nỹ tỹ ag tỹ ũn vóg kónãn mũ ẽn régre ja nĩ? Ha to jykrén kema',” he tóg.
25520	LUK 11:46	Kỹ tóg: “ón kỹ ẽg kanhrãn tĩ',” he mũ. “Hỹ, Topẽ vỹ ãjag ve kónãn gé,” he tóg. “Vẽnh kar mỹ ãjag tóg vẽjykre kufy nĩm tĩ. Ti kufy jagy nĩn kỹ ãjag tóg han sór tũ nĩgtĩ. Ge ra ãjag tóg ag mỹ: “ki króm nĩ,” he tĩ.
25542	LUK 12:14	Hã ra tóg ti mỹ: “vó,” he mũ. “Isũ pijé',” he tóg. “Inh pijé ã mỹ ã kuge ve sór mũ'. Inh pijé ã tũ tỹ vẽnh kãpãm sór mũ',” he tóg.
25543	LUK 12:15	Kỹ tóg ag kar mỹ: “ker nén ũ to én hẽ',” he mũ. “Ẽg tỹ nén kar nĩ pijé ẽg rĩr han ke mũ'. Ẽg tũ mág nĩ tugrĩn ẽg pijé mũ há han ke mũ',” he tóg.
25549	LUK 12:21	“Ge tóg nĩ, ẽg tỹ ga kri nén ũ há ve sór kỹ. Ma mũnh ke tũ ẽg tóg nĩ, kanhkã ra. Ẽg tỹ kanhkã tá tũ mág nỹtĩnh ke tag hã ne há nĩ',” he tóg.
25614	LUK 13:27	Hã ra tóg ãjag mỹ: “inh pijé ãjag ki kanhró nĩ',” henh ke mũ. “Ãjag pijé tỹ inh mré ke nỹtĩ'. Ha mũjẽg. Vẽjykre pãno han ãjag tóg mũgtĩ,” he jé tóg ke mũ.
25621	LUK 13:34	Kỹ tóg: “Jerusalém tá ke',” he mũ. “Topẽ vĩ tó tĩ ag kãgtén ãjag tóg tĩ. Topẽ tỹ ãjag mỹ ũn jẽgnẽg tĩ ag pin ãjag tóg tĩ, pó tỹ. Isỹ ãjag ki rĩr há tóg tĩ vẽ. Garĩnh fi vỹ fi krẽ kri jẽg tĩ. Fi tỹ ag vẽsỹrénh tũ nĩ jé ke vẽ. Ẽn ri ke han sór sóg mũ vẽ, hã ra ãjag tóg ke jãvãnh nỹtĩ.
25632	LUK 14:10	Kỹ ã tỹ fénhta venh tĩg kỹ mẽ kã nĩm nĩ ver. Kỹ fénhta ki rĩr mũ vỹ ã mỹ: “ha jẽn vén, fag mré,” henh ke mũ. Kỹ ã pijé mỹ'ãg ke mũ',” he tóg.
25655	LUK 14:33	“Hã kỹ inh mré mũ pẽ han ke to jykrén nĩ. Iso há kãfór nỹtĩm nĩ, ãjag tũ kar kri. Ke tũ nĩ mũ ra ãjag pijé inh mré mũ pẽ han mũ',” he tóg.
25715	LUK 16:26	Kỹ ẽg kuju ki tóg tỹ kãgnó nĩ, kỹ ũ tóg pãte rẽg ke tũ nĩ. Tag ki ke pijé ẽn ra tĩg mũ', ẽn tá ke pijé tag ra kãtĩg mũ gé', kãgnó tag tugrĩn',” he tóg.
25776	LUK 18:19	Kỹ tóg ti mỹ: “inh mỹ: “há ã tóg jẽ,” he sór tũg nĩ. Ẽg pijé há nỹtĩ'. Topẽ hã ne ti pir mỹ há nĩ',” he mũ.
25842	LUK 19:42	“Jerusalém tá ke',” he tóg. “Ki kanhrãn sór tũ ãjag tóg nĩ,” he tóg. “Ãjag tỹ ũri ki kanhrãn há tóg tĩ vẽ, hã ra ãjag tóg ke jãvãnh nỹtĩ. Ãjag tỹ ki kanhrãn ra ãjag tóg krĩ kuprã nỹtĩnh mũ vẽ, mỹr, ha mẽ. Hã ra ãjag tóg jẽmẽ sór tũ nĩ. Kutu ãjag tóg nỹtĩ.
25855	LUK 20:7	“Topẽ jykre han ja ti nĩ,” he sór tũ ag nĩ, kỹ ag tóg: “ẽprã vẽjykre han ja ti nĩ,” he sór tũ nĩ gé. Hã kỹ ag tóg ti mỹ: “ẽg pijé ki kanhró nỹtĩ',” he mũ.