23268	MAT 3:7	Kỹ pã'i tỹ Fariseu ag vỹ ti tá junjun mũ gé sir, pã'i tỹ Saduceu ag ke gé. Ón kỹ ag tóg ti to kãmũ mũ, ti tỹ ag kygpe jé. Kỹ tóg ag jyvẽn tar han mũ sir. “Pỹn ri ke ãjag nỹtĩ, ãjag jykre pãno nỹtĩn kỹ,” he tóg ag mỹ. “Ũ nỹ ãjag mỹ: Topẽ vỹ ãjag to jũnh ke tũ nĩ, he tĩ'?
23377	MAT 6:26	Sẽsĩ to jykrén nĩ. Ag mỹ ẽkrãn tĩ? Vó. Ag mỹ pãjó krẽm vin tĩ? Vó. Ge ra ẽg jóg tỹ kanhkã tá nĩ ẽn tóg ag ki rĩr nĩ nĩ. Ãjag mỹ jẽsĩ kãfór tũ nỹtĩ', Topẽ mỹ'? Vó, sẽsĩ kãfór ãjag tóg nỹtĩ.
23382	MAT 6:31	Krĩ kufy han tũg nĩ. “Inh hỹn ne konh mũ'? Inh hỹn ne kron mũ'? Inh hỹn ne tunh mũ'?“ he tũg nĩ.
23416	MAT 8:2	Kỹ vãhã ũ tóg ti tá jun mũ. Vẽnh kaga kren vãnh han kỹ tóg nĩ, vẽnh kaga tỹ lepra he mũ ẽn. Kỹ tóg ti krẽm grĩnh ke kỹ ti mỹ: “Senhor,” he mũ. “Ã mỹ isỹ há' he sór tũ'? Ã hã tóg isỹ há henh ke mũ, ã tỹ isỹ há' he sór kỹ,” he tóg ti mỹ.
23531	MAT 11:3	Kỹ tóg Jesus mỹ: “ã hã mỹ'?“ he mũ. “Ẽg tỹ ũn jãvãnh mũ mỹ tỹ ã nĩ'? Topẽ tỹ ũn jẽnẽg mũ hã mỹ tỹ ã nĩ'? Ẽg mỹ ũ jãvãnh mãn ke tũ nĩ ha', ã pãte'?“ he tóg.
23536	MAT 11:8	Kỹ ti jykre mỹ ãjag mỹ ũn kur sĩnvĩ ag jykre ri ke nĩ'? Vó, ũn kur sĩnvĩ ag vỹ, ẽmã mág tá nỹtĩgtĩ, pã'i ag ĩn krẽm.
23537	MAT 11:9	Ti jykre mỹ, Topẽ vĩ tó tĩ jykre ri ke nĩ'? Hỹ, Topẽ vĩ tó tĩ vẽ mỹr. Hã ra tóg ag kãfór kar nĩ.
23606	MAT 12:48	Kỹ tóg ũ tỹ ti mỹ tó mũ ẽn mỹ: “mẽ',” he mũ. “Inh mỹnh fi mỹ'? Inh jãvy ag mỹ'?“ he tóg.
23694	MAT 14:28	Kỹ Pedro tóg ti mỹ: “ã hã mỹ'? Kỹ inh mỹ tó, isỹ ã to tĩg jé, goj kri tĩg kỹ,” he mũ.
23725	MAT 15:23	Hã ra Jesus tóg fi mỹ vĩ tũ nĩ. Kỹ ti mré mũ tĩ ag tóg ti mỹ: “ã mỹ fi ve sór tũ'? Ẽg nón fi tóg ẽg jé prẽr mũ, kỹ tóg ẽg mỹ e tĩ,” he mũ.
23817	MAT 18:21	Kỹ Pedro tóg ti to kãtĩg kỹ ti mỹ: “Senhor,” he mũ. “Kejẽn inh régre tóg vẽjykre pãno han ja nĩnh mũ. Kỹ inh mỹ ti mỹ vẽnh pãte fón e han mũ'? Vẽnh pãte fón tỹ hẽ ri ke nỹ hỹn há nĩnh mũ? Ke tỹ 7 mỹ há nĩ'?“ he tóg, Pedro ti.
23883	MAT 20:22	Kỹ Jesus tóg fi krẽ ag mỹ: “ãjag tỹ nén to vĩ mũ ki kagtĩg ãjag tóg nỹtĩ,” he mũ. “Jagy ti nỹ. Ãjag mỹ inh ri kén jagtar sór mũ'? Ãjag mỹ tovãnh ke tũ nĩ'?“ he tóg. Kỹ ag tóg ti mỹ: “hỹ, tovãnh ke tũ ẽg nĩ,” he mũ.
23887	MAT 20:26	Ag ri ke han tũg nĩ. Ãjag mỹ tỹ ũn mág nỹtĩ sór mũ'? Kỹ tỹ jagnẽ camarada ri ke nỹtĩm nĩ, jagnẽ tũ ki rĩr kỹ.
23888	MAT 20:27	Ãjag mỹ tỹ pã'i nỹtĩ sór mũ'? Kỹ tỹ jagnẽ krẽm ke nỹtĩm nĩ, tỹ ũn kãsir nỹtĩm nĩ.
23958	MAT 22:17	Hã kỹ ẽg mỹ ã tỹ nén to jykrén mũ tóm nĩ. Mỹ há nỹ', ẽg tỹ governo mỹ imposto kajãm jé'? Ẽg mỹ hỹn ti mỹ nĩm mũ', vó mỹ vó?“ he ag tóg mũ.
24004	MAT 23:17	Vẽnh mỹ ti nĩ, ãjag vĩ tag. Krĩ tũ ãjag tóg nỹtĩ, kyvó ãjag tóg nỹtĩ. Ouro mỹ Topẽ ĩn kãfór nĩ'? Vó'. Ouro vỹ tỹ Topẽ tũ nĩ, ti tỹ Topẽ ĩn krẽm nĩn kỹ. Hã kỹ tóg tỹ, Topẽ tũ kar nĩ sir, ouro ti, ti ĩn ti ke gé. Ón kỹ: “Topẽ hã vỹ ki kanhró nĩ,” he tũg nĩ,” he tóg.
24006	MAT 23:19	Vẽnh mỹ ti nĩ gé, ãjag vĩ tag ti. Kyvó ãjag nỹtĩ mỹr. Ẽg tỹ Topẽ mỹ ẽg mẽg pũn mũ mỹ mesa kãfór nĩ'? Vó'. Topẽ ĩn krẽm mesa kri ẽg tóg ẽg mẽg ti pũn tĩ, hã kỹ tóg Topẽ mỹ há tĩ, ẽg mẽg ti, ẽg tỹ ti ĩn tá ti mỹ mesa kri pũn tugrĩn.
24103	MAT 25:26	Kỹ tóg ti mỹ: “jykre kórég ã tóg nĩ,” he mũ. “Inh mỹ isỹ nén krãn ja tũ mãn sór tĩgtĩ'? Inh mỹ isỹ nén ũ fy krãn tũ ra ti kanẽ ve sór tĩgtĩ'? Hã ki kanhró ã mỹ nĩ'?
24121	MAT 25:44	“Kỹ ag tóg inh mỹ: “ẽg hẽ ri ke kã ã kókĩr vé, ã kron há ti? Ã hẽ ri ke kã ẽg ĩn tá jun'? Ẽg hẽ ri ke kã ã kur tũ vé', ã kaga ti', ã se ti'? Ki kagtĩg ẽg nỹtĩ,” henh ke mũ gé.
24145	MAT 26:22	Kỹ tóg ag fe kaj tĩ sir, kỹ ag tóg ti mỹ: “inh mỹ vó'? Inh mỹ vó'?“ he kãn mũ sir.
24186	MAT 26:63	Hã ra Jesus tóg nén ũ tó tũ nĩ. Kỹ pã'i mág tóg ti mỹ: “Topẽ vỹ rĩr nĩ,” he mũ. “Ti rĩnve sóg ã ki jẽmẽg mũ. Ã mỹ tỹ Cristo nĩ', ã mỹ tỹ Topẽ kósin nĩ'? Ha ẽg mỹ tó,” he tóg, pã'i mág ti.
24308	MRK 1:24	Kỹ tóg prẽr mũ. “Ã tỹ ẽg tỹ hẽ ri ke nẽ, Nazaré tá Jesus'?“ he tóg. “Ã mỹ ẽg kókén sór tũ'? Ã ki sóg kanhró nĩ. Tỹ ã tóg ã pir mỹ Topẽ mré ke nĩ. Ti tũ pẽ vỹ tỹ ã nĩ,” he tóg.
24311	MRK 1:27	Kỹ tóg vẽnh kar mỹ e tĩ sir. Jagnẽ mỹ ag tóg: “ne nẽ vé'? Vẽnh vĩ tãg mỹ vó?“ he mũ. “Vẽjagrẽ kórég ag mỹ tóg vĩ tĩ, kỹ ag tóg ki ke tĩ, ti kamẽg kỹ. Ag kri ke hỹn,” he ag tóg mũ.
24338	MRK 2:9	“Ne nỹ ãjag mỹ vẽnh mỹ nỹ? Ũn kãnhgrĩn kỹ nỹ tag mỹ sóg: ã tỹ Topẽ vĩ mranh ja ẽn vỹ tũ tĩ ha, hé. Kỹn mỹ ãjag mỹ vẽnh mỹ? Sỹ ti mỹ: nĩ ra, ã kur gég tĩg, henh ke nẽ ha. Kỹn mỹ ãjag mỹ vẽnh mỹ ke gé'?
24361	MRK 3:4	Kỹ tóg ag kar mỹ: “vẽnhkán ke kurã ki ẽg hỹn ne han mũ', ẽg tỹ Topẽ vĩ ki króm jé'? Ẽg mỹ hỹn nén ũ há han mũ'? Ẽg tỹ ũ tũ kókén kỹn mỹ kórég tũ nĩnh mũ'? Ẽg mỹ ũ kren han mũ hỹn'? Ẽg tỹ ũ tén kỹn mỹ há nĩnh mũ hỹn'?“ he tóg. Hã ra ag tóg ti mỹ vĩ tũ nĩ sir.
24695	MRK 10:38	Hã ra tóg ag mỹ: “ãjag tỹ nén to vĩ mũ ki kagtĩg ãjag tóg nỹtĩ,” he mũ. “Ãjag mỹ inh ri kén jagtar sór mũ'? Ãjag mỹ ãjag jagtar jagy han kỹ to krónh kenh ke tũ nĩ vỹ?“ he tóg.
24700	MRK 10:43	Ag ri ke han tũg nĩ. Ãjag mỹ tỹ ũn mág nỹtĩ sór mũ'? Kỹ tỹ jagnẽ mỹ rãnhrãj tĩ ri ke nỹtĩm nĩ.
24701	MRK 10:44	Ãjag mỹ tỹ pã'i nỹtĩ sór mũ'? Kỹ tỹ jagnẽ krẽm ke nỹtĩm nĩ, tỹ ũn kãsir ri ke nỹtĩm nĩ.
24756	MRK 12:14	Ag tỹ ti tá junjun kỹ ag tóg ón kỹ ti mỹ: “Senhor, ã jykre kuryj nĩ ki kanhró ẽg nỹtĩ,” he mũ. “Vẽjykre pir hã han ã tóg tĩ, vẽnh kar mỹ. Hã kỹ ã tóg Topẽ japry to ẽg kanhrãn há han tĩ. Mỹ há nỹ', ẽg tỹ governo mỹ jãnkamy nĩm ke ti', imposto kajãm ke ti'?
24788	MRK 13:2	Hã ra tóg ti mỹ: “ã mỹ ĩn mág tag ti vég mũ'? Kejẽn pó tag tóg jagnẽ kri nỹtĩ mãn ke tũ nĩ. Ag ránhráj kãn ke vẽ,” he mũ.
24842	MRK 14:19	Kỹ tóg ag fe kaj tĩ sir. Ti mỹ ag tóg: “inh mỹ vó'? Inh mỹ vó'?“ he kãn mũ.
24860	MRK 14:37	Kỹ tóg ti mré mũ tĩ ag venh tĩ mũ, hã ra ag tóg nũgnũr ja nĩ, kỹ tóg Pedro mỹ: “Simão, ã mỹ nũr'? Mỹ ã tỹ óra pir ki nũr tũg jé hẽ ri ke?“ he mũ.
24884	MRK 14:61	Hã ra tóg hun ke kỹ jẽ nĩ, nén ũ tó mẽ kã. Kỹ pã'i mág ẽn tóg ti mỹ: “ã mỹ tỹ Cristo nĩ'? Ã mỹ tỹ Topẽ kósin nĩ'?” he mãn mũ.
25101	LUK 3:7	Gen kỹ tóg ag jyvẽn mũ, ag tỹ ti to kãmũn kỹ, ti tỹ ag kygpe jé. E tãvĩ ag nỹtĩ. Ag jyvẽn kỹ tóg ag mỹ: “pỹn ri ke ãjag tóg nỹtĩ, ãjag jykre pãno tãvĩ nỹtĩn kỹ,” he mũ. “Ũ nỹ ãjag mỹ: “Topẽ jũ venh ke tũ ãjag nĩ,” he tĩ'?
25166	LUK 4:34	“ha mẽ, ã tỹ ẽg tỹ hẽ ri kenh ke nẽ, Nazaré tá Jesus'?” he mũ. “Ã mỹ ẽg tũg sór mũ'? Ã ki kanhró sóg nĩ. Ã pir mỹ ã tóg tỹ Topẽ mré ke nĩ. Ti tũ pẽ vỹ tỹ ã nĩ,” he tóg.
25197	LUK 5:21	Hã ra ti vĩ tóg pã'i ag mỹ e tĩ. Kỹ ag tóg ti to jykrén kónãn mũ. “Ti tỹ ne tó nẽ hỹn'? Topẽ to vĩ kónãn vẽ mỹr. Topẽ hã ne ti pir mỹ ũ tỹ ti vĩ mranh mũ ẽn mỹ tỹ tũ' he há nĩnh mũ',” he ag tóg mũ.
25222	LUK 6:7	Kỹ ẽg kanhrãn tĩ ag tóg Jesus tỹ rĩr mũ, Fariseu ag ke gé. “Ti mỹ ti tỹ há' he sór tũ, tỹ vẽnhkán ke kurã ra'? Ti tỹ ti tỹ há' he kỹ ẽg tóg pã'i ag mỹ ti kãmén mũ,” he ag tóg.
25224	LUK 6:9	Kỹ tóg ag mỹ: “sỹ ãjag ki jẽmẽnh ke,” he mũ. “Vẽnhkán ke kurã ki ẽg hỹn ne han mũ', ẽg tỹ Topẽ vĩ ki króm jé? Ẽg mỹ hỹn nén ũ há han mũ'? Ẽg mỹ hỹn nén ũ kórég han mũ'? Ẽg mỹ ũ kren han mũ hỹn'? Ẽg tỹ ũ tén kỹn mỹ há nĩnh mũ hỹn'?” he tóg. Hã ra ag tóg ti mỹ nén ũ tó tũ nĩ.
25284	LUK 7:20	Kỹ ag tóg ti mỹ: “João Batista vỹ ẽg jẽgnẽ, ẽg tỹ ã ki jẽmẽ jé,” he mũ. “Ã hã mỹ'? he tóg. Ẽg mỹ ũ jãvãnh mãn ke tũ nĩ ha', ã pãte? he tóg, João ti,” he ag tóg mũ.
25288	LUK 7:24	Kỹ ag tóg mũ mũ sir, João mỹ tó jé. Ag mũ kar kỹ Jesus tóg ũn e ẽn ag mỹ João kãmén mũ. “Ẽmã tũ ja ra ãjag tóg mũ ja nĩgtĩ, João ve jé,” he tóg. “Kỹ ti jykre hỹn ne ri ke nĩ, ãjag mỹ? Kejẽn kãka tóg goj jagma krã tỹ man man ke tĩ. João jykre mỹ ãjag mỹ tag ri ke tũ nĩ'? Hỹ, ri ke tũ ti nĩ.
25289	LUK 7:25	Ti mỹ ãjag mỹ ũn kur sĩnvĩ ag jykre ri ke nĩ'? Vó. Ũn kur sĩnvĩ ag vỹ ẽmã mág tá nỹtĩ, pã'i mág ĩn krẽm, ũn jẽn mág tĩ ag. Ag pijé ẽmã tũ ja mĩ mũ tĩ'.
25290	LUK 7:26	Ti jykre mỹ ãjag mỹ Topẽ vĩ tó tĩ ag jykre ri ke nĩ'? Hỹ, ri ke ti nĩ. Topẽ vĩ tó tĩ vẽ mỹr, hã ra tóg Topẽ vĩ tó tĩ ag kãfór kar nĩ.
25379	LUK 9:9	Hã mẽg tóg, Herodes ti, kỹ tóg: “João mỹ vó?” he mũ.“Hã ra sóg João krĩ kym. Kỹ ũ nẽ, hỹn'? Nén han vãnh tỹ hẽn ri ke hynhan tóg huri,” he tóg. Kỹ tóg kejẽn ti ve sór mũ, hã ra Jesus vỹ ti venh tĩ tũ nĩ.
25458	LUK 10:26	Kỹ tóg ti mỹ: “ne nỹ hỹn rán kỹ nĩ, Topẽ vĩ ki?” he mũ. “Topẽ jykre tỹ ne han jé ã ke mũ, hỹn'? To ke há ã tóg nĩ, ha inh mỹ tó,” he tóg.
25550	LUK 12:22	Kỹ tóg ti mré mũ tĩ ag mỹ: “ha vé,” he mũ. “Nén ũ to jykrén kỹ krĩ kufy han tũg nĩ,” he tóg, “vẽjẽn to, ke tũ nĩ kỹ kur to. Inh hỹn ne konh mũ'? Inh hỹn ne tunh mũ'? he tũg nĩ.
25552	LUK 12:24	Sẽsĩ to jykrén nĩ. Ag mỹ ẽkrãn tĩ'? Vó. Ag mỹ ag jakré kunũg tĩ'? Vó. Ag mỹ pãjó han tĩ'? Vó, ke tũ ag tóg nĩgtĩ. Ge ra Topẽ tóg ag jẽn tĩ. Jẽsĩ kãfór ãjag tóg nỹtĩ, Topẽ mỹ.
25822	LUK 19:22	Kỹ tóg ti mỹ: “ã vĩ tóg ã jykre pãno han mũ, ha mẽ,” he mũ.“Inh mỹ vĩ tar han tĩ'? Inh mỹ sỹ nén vin ja kãfór mãn sór tĩ'? Inh mỹ sỹ nén krãn ja tũ kunũnh sór tĩ'?
25850	LUK 20:2	Ti mỹ ag tóg: “ẽg tỹ ã ki jẽmẽnh há tóg tĩ,” he mũ. “Ã vẽjykre tỹ ne tỹ tag han tĩ'? Ũ nỹ ã jẽnẽ?“ he ag tóg.
25959	LUK 22:26	“Ag ri ke han tũg nĩ. Ãjag mỹ tỹ ũn mág nỹtĩ sór mũ'? Kỹ tỹ ũn kãsir ri ke nỹtĩm nĩ, jagnẽ mré,” he tóg. “Ũ tỹ inh jykre ki tỹ pã'i nĩn kỹ tóg tỹ ti krẽm ke ag camarada ri ke nĩnh ke mũ, ag ki rĩr kỹ.
25960	LUK 22:27	Kejẽn ẽg tóg mesa to nỹtĩ, kỹ ũ tóg mesa ki rĩr tĩgtĩ. Ũ tỹ hẽ nỹ hỹn mesa ki rĩr tĩ'? Ag patrão mỹ', ti camarada mỹ vó'? Ti camarada vỹ ki rĩr tĩgtĩ. Jo sóg ãjag ki rĩr tĩgtĩ, ãjag camarada ri ke.
26019	LUK 23:15	Kỹ Herodes vỹ vég tũ nĩ gé. Sỹ ti mỹ ti jẽnẽ ja vẽ, ãjag ke gé. Hã ra tóg inh mỹ ti jẽnẽ mãn mũ gé. Ẽg hẽ ri ken kỹ ti tén mũ hỹn'? Sỹ ki kagtĩg tóg tĩ.
26135	JHN 1:22	Kỹ ag tóg: “ũ nỹ tỹ ã nĩ, ge kỹ? Pã'i ag vỹ ẽg jẽgnẽ, ẽg tỹ ã ki jẽmẽ jé. Ẽg hỹn ag mỹ ne tónh ke mũ'? Vẽso ã hẽri ke ti?“ he mũ.
26394	JHN 6:68	Kỹ Simão tóg ti mỹ: “ẽg tỹ ã tovãnh mũ ra ẽg hỹn ũ mré mũnh ke mũ'? Ã hã vỹ ẽg mỹ Topẽ vĩ tó tĩ, kỹ ẽg tóg rĩr krỹg ja tũ vẽnh ke mũ, ẽg tỹ ã vĩ kri fi kỹ,” he mũ.
26445	JHN 7:48	“Ẽg mỹ ti vĩ kri fig mũ'? Vó, kri fig tũ ẽg nĩ.
26530	JHN 9:21	Hã ra tóg ũri ẽvãnh há nĩ. Hẽ ri ken kỹ'? Ha'? Ũ nỹ ti han'? Ti ki jẽmẽm nĩ. Sanh há ti nĩ ha. Ãjag mỹ ti tónh mũ,” he fag tóg.
26534	JHN 9:25	Kỹ tóg: “mẽ', ti mỹ Topẽ vĩ mranh tĩ'? Sỹ ki kagtĩg tóg tĩ,” he mũ. “Nén ũ pir hã ki kanhró sóg nĩ. Kyvó inh vẽ vẽ, hã ra sóg ẽvãnh há nĩ ha,” he tóg mũ.
26549	JHN 9:40	Hã ra pã'i ũ ag tóg ti vĩ mẽg mũ. Kỹ ag tóg ti mỹ: “ã tỹ ẽg to ke mỹ'? Kỹ ẽg mỹ kyvó nỹtĩ gé'?“ he mũ.
26747	JHN 14:10	Inh panh mré sóg tỹ ũn pir nĩ, kỹ tóg inh mré tỹ ũn pir nĩ gé. Ã mỹ tag kri fig tũ'? Inh pijé isỹ vẽsóg ki nén to jykrén mũ tó tĩ'. Inh panh tỹ nén tó mũ hã tó sóg tĩ, ti tũ hã han sóg tĩ. Kỹ tóg inh mré nén kar han tĩ.
26892	JHN 18:38	Kỹ Pilatos tóg: “ne nỹ tỹ ki hã tó nĩ'? Sỹ ki kagtĩg tóg tĩ,” he mũ. Kỹ tóg re ra tĩg mãn mũ, pã'i ag mré vẽmén jé, kỹ tóg ag mỹ: “ti pijé vẽjykre kórég han tĩ',” he mũ.
27225	ACT 7:40	Kỹ ag tóg Moisés jãvy tỹ Arão mré vĩ mũ. Ti mỹ ag tóg: “ẽg mỹ vẽnh kãgrá tỹ topẽ han, ẽg tỹ vẽnh jo ag gé mũ jé,” he mũ. Moisés tóg ẽg jo tĩg ja nĩ. Ẽg kãpan ja tóg nĩ, ga tỹ Egito tá, hã ran hẽ ra vyr hỹn'? he ag tóg ti mỹ. Kỹ tóg ag mỹ: he, he mũ.
27234	ACT 7:49	Kanhkã tãn vỹ tỹ inh nĩ, he tóg. Inh nĩg jan hã vẽ. Kỹ ga vỹ tỹ isũ nĩ gé. Sỹ tá vẽnhkán sór nĩn kỹ sóg kenh ke mũ. Isũ kar vẽ. Kỹ ãjag tỹ inh mỹ ĩn han sór kỹ ãjag hỹn hẽ ri kenh mũ'? Pétẽm ke tũ ãjag nĩ, ãjag tỹ inh mỹ vẽnhkán jafã han mũ ra.
27279	ACT 8:34	Kỹ tóg Filipe mỹ: “ũ to ke nẽ hỹn'? Topẽ vĩ tó tĩ tỹ ne tó nẽ hỹn'? Ti tỹ vẽso ke mỹ', ũ to ke mỹ vó?“ he mũ.
27692	ACT 19:38	“Demétrio mỹ ag kato vĩ sór mũ'? Vẽnh kãgrá han mũ ag mỹ ti mré ag vĩ kafãn sór mũ'? Kỹ kófa ag mỹ tóm nĩ ge, vẽjyvẽn ke kurã ẽn kã. Ag kato vĩm nĩ ge,” he tóg.
27754	ACT 21:22	“Kỹ ẽg ne han mũ ha'? Ũ tỹ hẽn ri ke ag vỹ vẽnh mãn ke mũ, ag tỹ ã kãtĩg mẽn kỹ.
27830	ACT 23:28	Hã ra sóg ti kato tẽ mũ ag ki jẽmẽ sór mũ. Ag tỹ hẽ ri ken kỹ ti to jũgjũ nẽ'? he sóg. Hã kỹ sóg vẽnh jyvẽn tĩ ag mỹ ti ven mũ.
27899	ACT 26:8	Mỹ ã mỹ vẽnh mỹ, Topẽ tỹ ũn ter mũ rĩn mãn ke ti'? Vẽnh mỹ tũ tóg nĩ,” he tóg.
27918	ACT 26:27	Agripa', ã mỹ Topẽ vĩ tó tĩ ag tỹ nén tó mũ kri fig mũ'? Kri nĩm ã tóg mũ, ki kanhró sóg nĩ,” he tóg.
28100	ROM 4:10	Kỹ ti jykre tỹ Topẽ mỹ kuryj nĩ ẽn kã ti mỹ Judeu ag jykre han kỹ tĩ nĩ', Abraão ti'? Vó, ẽn kã ti ẽg jykre han tũ nĩ ver. Ẽn kã tóg ti gré fár junun kym ja tũ nĩ ver.
28255	ROM 9:32	Hẽ ri ken kỹ hỹn'? Ag tỹ ti ki ge ja tũ tugrĩn ke vẽ. Hã kỹ tóg ag mỹ vẽnh pãte fón ja tũ nĩ gé. Hã kỹ ag tóg Cristo kato tẽ nỹtĩ. Pó ri ke ti nĩ, Cristo ti, ẽg tỹ tỹ krĩm ke jafã. Ag tỹ ti tỹ krĩm ke jan hã vẽ, hã vỹ: ti ki rã tũ, he mũ.
28311	ROM 11:34	Ũ nỹ Topẽ tỹ nén to jykrén mũ ki kanhró nĩ'? Ki kagtĩg kar ẽg nỹtĩ. Ũ nỹ Topẽ mỹ: “tag han ra, tag han tũg ra,” he tĩ'? Ũ vỹ ti jyvẽn ke tũ pẽ nĩ.
28312	ROM 11:35	Ũ nỹ ti mỹ nén ũ nĩm', Topẽ tỹ ti mỹ kajãm jé'? Nén kar vỹ tỹ ti tũ nỹtĩ mỹr. Hã kỹ tóg ẽg hã mỹ nén ũ kar nĩm tĩ, ẽg jagãgtãn kỹ.
28444	1CO 1:13	Cristo mỹ vẽnh kãpãm kỹ nĩ'? Vó. Inh hã mỹ ãjag jagfy krunh to sa'? Vó. Inh jiji tó kỹ ãjag mỹ vẽnh kygpe kỹ nỹtĩ', isỹ tỹ Paulo nĩn kỹ'? Vó, hã tũ vẽ.
28473	1CO 2:11	Ge ti nĩ, ha mẽ. Ẽprã ke tỹ nén to jykrén mũ ki kanhró ẽg tóg nĩ. Kỹ ẽg ne tỹ ki kanhrãn tĩ'? Ẽg krĩ tỹ ẽg ki kanhrãn tĩ. Hã ra Topẽ kuprĩg vỹ Topẽ tỹ nén to jykrén mũ ki kanhrãn kãn tĩ. Ũ tỹ Topẽ kuprĩg tỹ jagrẽ tũ ẽn pijé ki kanhrãn ke mũ'.
28478	1CO 2:16	Hỹ, ũ nỹ hỹn Topẽ tỹ nén to jykrén mũ ki kanhró nĩ'? Ũ nỹ hỹn Topẽ kanhrãn mũ'? Ũ tỹ ti kanhrãn mũ venh ke tũ ẽg tóg nĩ. Jãvo Cristo hã ne ẽg kanhrãn tĩ'.
28550	1CO 6:15	Kỹ ẽg hã vỹ tỹ Cristo tũ nỹtĩ. Ti mré ẽg tóg tỹ ũn pir ri ke nỹtĩ. Ãjag mỹ tag mẽ ja tũ'? Kỹ ẽg tỹ Cristo tũ tỹ ũn mén tũ fi mré tỹ ũn pir ri ke han kỹ tóg vẽnh mỹ pẽ nĩgtĩ, fi mré nỹn kỹ. Ke tũg nĩ.
28551	1CO 6:16	Ha mẽ, ũ tỹ ũn mén mẽ fi mré nỹ kỹ tóg fi mré tỹ ũn pir ri ke nĩ. Hã kỹ tóg vãsỹ tó ja nĩ. “Ũn pir ri ke fag nỹtĩ, jagnẽ mré nỹtĩ fag,” he ja tóg nĩ. Ãjag mỹ tag mẽ ja tũ'?
28617	1CO 9:9	Moisés vỹ tag rán ja nĩ, ha mẽ. “Monh tỹ ẽkré jãnkre ki rãnhrãj kỹ ti jẽnky tógfĩn tũg nĩ. Ti jẽn kamẽg tũg nĩ,” he ja ti nĩ, Topẽ vĩ rá ki. Topẽ mỹ monh hã to jykrén kỹ tag tó ja nĩ'? Vó.
28674	1CO 11:6	Ũn tỹ ge fag gãnh mỹ ronh kãn kỹ nĩnh mũ'? Vó. Fag mỹ'a han tũg nĩ. Hã kỹn mỹ há nĩ, fag tỹ kur tỹ vẽnh kri fón kỹ Topẽ vĩ tón kỹ, ti mré vẽmén kỹ? Vó, hã tũ vẽ.
28675	1CO 11:7	Kỹ ag kã mĩ ũ mỹ kur tỹ vẽnh kri fón ke tũ nĩ, ti tỹ tỹ Topẽ ri ke nĩn kỹ, ẽg tỹ ti tugrĩn Topẽ sĩnvĩ ven kỹ? Ẽg mỹ ũn tỹtá fag tugrĩn, fag mén ag sĩnvĩ vég tĩ'? Vó, hã tũ vẽ.
28690	1CO 11:22	Ha mẽ, vẽnh mỹ ti nĩ. Topẽ mré ke ag to é he ve ãjag tóg nĩ mỹr', ãjag tỹ ag jẽn kagran kỹ, ag junjun to hã. Tag tỹ inh hỹn hẽ ri kenh mũ? Inh mỹ ãjag mỹ vĩ há han ke mũ', tag to'? Vó', kenh ke tũ inh nĩ. Kórég ti nĩ, ãjag tỹ han mũ tag ti. Ãjag ĩn hã tá vẽjẽn tỹ vẽnh fãn nĩ.
28885	2CO 1:17	Hã ra tóg inh mỹ ki króm ke ja tũ nĩ. Hã kỹ sóg jun ja tũ nĩ. Kỹ inh mỹ kanhir kỹ ãjag mỹ: “kãtĩg jé sóg ke mũ,” he ja nĩ'? Vó. Jykre régre han tũ sóg nĩgtĩ. Ũn jykre régre ag tỹ: “he,” he mũ ra ag tóg han sór tũ nĩgtĩ. Ge tũ sóg nĩgtĩ.
28894	2CO 2:2	Ha mẽ, isỹ ãjag kanẽ jun kỹ ũ nỹ hỹn inh fe tỹ mrin kenh mũ'? Tũ ti tĩ.
28910	2CO 3:1	Kỹ inh mỹ: tỹ sóg ũn há nĩ, he mũ'? Vó. Inh pijé ãjag mỹ carta to vĩ mũ', ãjag tỹ iso: “ũn há vỹ tỹ ti nĩ,” he jé.
29064	2CO 11:7	Ãjag mỹ sóg Topẽ vĩ tó ja nĩgtĩ. Kỹ sóg ãjag ki ti kaja ve sór ja tũ nĩ. Vẽsỹ ũn sĩ han ja inh nĩ, sỹ ãjag mré nĩn kỹ, ãjag tỹ tỹ ũn mág nỹtĩ jé, isugrĩn. Kỹ inh mỹ Topẽ vĩ mranh'? Vó, vẽjykre há vẽ.
29107	2CO 12:17	Kỹ inh mỹ ãjag vatánh tá ãjag tũ mãg tĩ', sỹ ãjag mỹ inh mré ke ag jẽgnẽn kỹ'? Vó.
29108	2CO 12:18	Tito mỹ sóg to vĩ, ti tỹ ẽg régre ũ ẽn mré ãjag venh tĩg jé. Kỹ Tito mỹ inh mỹ ãjag tũ ma kãtĩg ja nĩ'? Ke tũ tóg nĩ, ki kanhró ãjag tóg nỹtĩ. Inh jykre hã han tóg tĩ gé, Tito ti.
29171	GAL 3:2	Kỹ sóg ãjag ki tag jẽmẽ sór mũ, ha mẽ. Ãjag mỹ ãjag tỹ vãsỹ vẽjykre si mĩ mũn kỹ Topẽ kuprĩg tỹ jagrẽn kỹ nỹtĩ'? Vó. Sỹ ãjag mỹ tó tugrĩn ãjag tóg Cristo ki ge kỹ nỹtĩ. Kỹ ãjag tóg ti tugrĩn jagrẽn kỹ nỹtĩ ha.
29174	GAL 3:5	Kỹ Topẽ vỹ ẽg tỹ nén han vãnh hynhan ja nĩgtĩ gé. Ti mỹ ãjag tỹ vãsỹ vẽjykre ẽn mĩ mũ tugrĩn milagre ẽn hynhan'? Vó. Ãjag tỹ Cristo kãme sér mẽ kỹ ti ki ge tugrĩn tóg hynhan.
29207	GAL 4:9	Ũri ãjag tóg Topẽ ki kanhró nỹtĩ jãvo. Hã ra tóg vãsỹ ãjag ki kanhró nĩ ja nĩ vẽ, Topẽ ti, ha mẽ. Kỹ ãjag tỹ ne jé tỹ nén kar tãn ag mré ke nỹtĩ mãn sór nẽ? Krój ti nỹtĩ, nén kar tãn ti. To ẽg jagtar' he ja nĩgtĩ. Sigse kỹ ẽg nỹtĩ ja nĩgtĩ, ẽg tỹ tỹ ag mré ke ja nỹtĩn kỹ. Ãjag mỹ sigse kỹ nỹtĩ mãn sór mũ'?
29214	GAL 4:16	Ãjag mỹ sóg ki hã tó mũ. Inh mỹ tag tugrĩn ãjag mỹ kórég nĩ ha'? Inh mỹ tóg e tĩ, tag ti.
29840	1TI 5:10	Ã tỹ ũn jiji rán ke mũ fi jykren hã vẽ, ha mẽ. Fi mỹ fi krẽ ki rĩr há han ja nĩ'? Fi mỹ fi ĩn krẽm Topẽ tũ ag ki rĩr há han ja nĩ'? Fi mỹ ũn vẽsỹrénh mũ fag jagãgtãn ja nĩ'? Fi mỹ nén ũ há kar to tar nĩ?' Kỹ fi jiji rán nĩ.
30023	PHM 1:18	Ti mỹ ã tỹ nén ũ péju kỹ ma vyr'? Ti mỹ ã mỹ név jẽ'? Kajãm jé sóg ke mũ, ti jagfy.
30078	HEB 3:16	Ũ tỹ hẽ nỹ hỹn ti vĩ mẽ kỹ ti kato vãsãnsãn ja nĩgtĩ'? Ũ tỹ ga tỹ Egito tá kãpa ja ẽn ag vẽ, ha mẽ, Moisés tỹ tá ag tatĩn kãtĩg kỹ.
30080	HEB 3:18	Kỹ Topẽ hỹn ũ tỹ hẽ to: “vẽnhkán ke tũ ag nĩ ha,” he ja nĩgtĩ'? Ũ tỹ ti vĩ han sór tũ ẽn ag to ke ja vẽ, mỹr, ha mẽ.
30399	JAS 3:13	Ãjag mỹ krĩ há nỹtĩ'? Ãjag mỹ Topẽ vĩ ki kanhró nỹtĩ'? Kỹ tóg há tĩ. Kỹ vẽjykre há kar han kỹ nỹtĩm nĩ. Hã ki vẽnh kar vỹ ãjag krĩ há venh ke mũ sir. Hã ra tỹ vĩ mág han tũg nĩ. Tỹ vẽnh kãfór han tũg nĩ gé.
30405	JAS 4:1	Ãjag hã ne tóg jagnẽ to jũgjũ nỹtĩ'. Hẽ ri ken kỹ hỹn'? Ãjag tỹ nén ũ vẽnhmỹ han sór nỹtĩn kỹ, hã kỹ ãjag tóg jagnẽ to krĩ rỹ nỹtĩ. Jykre pãno ãjag tóg nỹtĩ mỹr, kỹ ãjag tóg vẽjykre há kato tẽ nỹtĩ sir.
30501	1PE 3:10	Hã kỹ tag tóg rán kỹ nĩ, ha mẽ: “ãjag mỹ jatun mỹ nỹtĩ sór mũ', nén ũ kar tỹ ãjag mỹ sér tĩ jé'? Kỹ vĩ kónãn mãn tũg nĩ. Ón mãn tũg nĩ gé.
30639	1JN 2:22	Kỹ ũn nỹ hỹn ón tĩ'? Ũ tỹ ge vỹ ón pẽ han tĩ, ha mẽ: ũ tóg Jesus to: “ti pijé tỹ Cristo nĩ',” he tĩ. “Topẽ tỹ ti jẽnẽ pijé', Topẽ kósin pijé',” he ag tóg tĩ gé, Jesus to. Ũ tỹ Cristo kato tẽ mũn hã vẽ. Ẽg jóg to ag tóg ón tĩ, ti kósin to ke gé.