23233	MAT 1:20	Ti tỹ ver fi tovãnh to jykrén kỹ Topẽ tỹ jẽnẽ jafã tóg ti mỹ vẽnh ven mũ sir, ti vẽnh péti kỹ. Kỹ tóg ti mỹ: “José,” he mũ. “Tỹ ã Davi krẽ'krẽ ag kã ũ nĩ,” he tóg. “Maria fi to jykrén kónãn tũg nĩ. Fi tovãnh sór tũg nĩ. Ũ tũ pijé', Topẽ kuprĩg tỹ fi mỹ gĩr han ja vẽ.
23276	MAT 3:15	Hã ra Jesus tóg ti mỹ: “hỹ,” he mũ. “Hã ra tóg isỹ Topẽ tỹ nén tó mũ han kãn há tĩ,” he tóg. Kỹ tóg vãhã ti kypég mũ sir.
23416	MAT 8:2	Kỹ vãhã ũ tóg ti tá jun mũ. Vẽnh kaga kren vãnh han kỹ tóg nĩ, vẽnh kaga tỹ lepra he mũ ẽn. Kỹ tóg ti krẽm grĩnh ke kỹ ti mỹ: “Senhor,” he mũ. “Ã mỹ isỹ há' he sór tũ'? Ã hã tóg isỹ há henh ke mũ, ã tỹ isỹ há' he sór kỹ,” he tóg ti mỹ.
23417	MAT 8:3	Kỹ Jesus tóg ti mỹ: “he,” he mũ. “Há' he ja há ã tóg nĩ,” he tóg ti mỹ. Kỹ tóg ti kaga kren vãnh ẽn tỹ há' he mũ vẽsỹmér. Jãnhkri' he tóg mũ, ti fár ti.
23420	MAT 8:6	Kỹ tóg ti mỹ: “Senhor,” he mũ. “Inh camarada tóg nỹ nĩ, inh ĩn tá. Kãnhgrĩn kãn kỹ tóg nỹ, hã ra tóg kaga jagy nỹ gé,” he tóg.
23433	MAT 8:19	Ag mũnh ke to hã Topẽ vĩ to ẽg kanhrãn tĩ ũ tóg, ti mré vĩnh kãtĩ mũ. “Senhor,” he tóg. “Sỹ ã mré tĩg há tóg tĩ. Ã tỹ hẽ ra tĩg kỹ sóg, ã mré tĩg mũ,” he tóg.
23436	MAT 8:22	Kỹ tóg ti mỹ: “vó,” he mũ. “Ti kénh tĩ tũg,” he tóg. “Inh mré kãtĩg. Inh ki ge tũ ag vỹ ã panh kej han mũnh mũ,” he tóg.
23446	MAT 8:32	Kỹ tóg ag mỹ: “he,” he mũ. Kỹ ag tóg porko ag ki ge mũ, Nén-Kórég ag. Kỹ vãhã porko ag tóg, rán ki re kãn mũ sir, goj nig mág ki ag tóg vár mũ. Nãgnãr kãn ag tóg mũ sir, tũ' he ag tóg mũ sir, mỹr, ha mẽ.
23463	MAT 9:15	Kỹ tóg ag mỹ: “hỹ,” he mũ. “Vẽnh kyprũg venh kãmũ mũ ag pijé vãkrég tĩ',” he tóg. “Fénhta vẽ mỹr, kỹ ũn prũg mũ ẽn mré ke ag tóg ti venh kãmũ tĩ. Hã ra sóg, ũn prũg mũ ẽn ri ke nĩ, hã kỹ tóg inh mré mũ tĩ ag mỹ sér tĩ ver,” he tóg. “Vãhã tóg jun, inh kurã ti, ag tỹ inh pére mũnh ke ti. Ẽn kã hã ag tóg vãkrenh ke mũ,” he tóg.
23476	MAT 9:28	Kỹ Jesus tóg ĩn ũ kã ra rã mũ sir. Kỹ ũn kyvó ẽn ag tóg ti nón ge mũ gé sir. Kỹ tóg ag mỹ: “inh mỹ ãjag tỹ há' henh mũ'?“ he mũ. Kỹ ag tóg ti mỹ: “hỹ,” he mũ.
23561	MAT 12:3	Hã ra tóg: “vó,” he mũ. “Davi tỹ nén han mũ to jykrén nĩ. Ti kókĩr nĩn kỹ tóg, ti tỹ nén han ke tũ han gé, ti mré mũ tĩ ag mré, hã ra Topẽ pijé ti to jũ mũ'.
23637	MAT 13:29	Kỹ tóg ag mỹ: “hỹ,” he mũ. “Ãjag tỹ vãnh ẽn kunũnh kỹ tóg inh mỹ ãjag tỹ ti pẽn ũ kunũnh ha mẽ tĩ, vãnh mré. Kỹ kunũnh tũg nĩ.
23659	MAT 13:51	Kỹ tóg ti mré mũ tĩ ag mỹ: “ãjag mỹ tag to jykrén kãn mũ ha?“ he mũ. Kỹ ag tóg ti mỹ: “hỹ,” he mũ sir.
23675	MAT 14:9	Kỹ tóg ti mỹ e tĩ sir, ti tỹ ti tén jé. Hã ra tóg fi mỹ: “sỹ ke há vẽ,” he ja nĩ, kỹ ti mré jẽg mũ ag vỹ mẽ kãn ja nĩ. Kỹ tóg fi mỹ: “he,” he mũ sir.
23726	MAT 15:24	Hã ra tóg ag mỹ: “hỹ,” he mũ. “Topẽ vỹ inh jẽnẽ, sỹ Israel ag hã tỹ há' he jé, ũ tỹ Israel kã mĩ Topẽ vĩ mranh mũ ag tỹ,” he tóg. Hã ra fi tóg tỹ fóg nĩ, hã kỹ Jesus tóg fi ve sór tũ nĩ.
23727	MAT 15:25	Ge ra fi tóg ti tá jun mũ sir. Ti krẽm fi tóg grĩnh ke mũ. Kỹ fi tóg ti mỹ: “Senhor,” he mũ. “Ã mỹ inh jagãgtãn ke tũ?“ he fi tóg.
23773	MAT 17:4	Kỹ Pedro tóg Jesus mỹ: “Senhor,” he mũ. “Tag ki tóg sér tĩ,” he tóg. “Ẽg mỹ pãjó tãgtũ han mũ', ã mỹ', Moisés mỹ', Elias mỹ ke gé'?“ he tóg.
23780	MAT 17:11	Kỹ tóg ag mỹ: “hỹ,” he mũ. “Kãtĩg jé tóg ke mũ mỹr, nén kar han mãn jé.
23784	MAT 17:15	“Senhor,” he mũ. “Inh kósin jagãgtãn nĩ. Ter tĩ han tĩ tóg nĩgtĩ, to tóg jagtar tĩ. Kejẽn tóg pĩ ki kutẽ tĩ, ter tĩ ẽn han kỹ, kejẽn tóg goj ki kutẽ tĩ gé.
23817	MAT 18:21	Kỹ Pedro tóg ti to kãtĩg kỹ ti mỹ: “Senhor,” he mũ. “Kejẽn inh régre tóg vẽjykre pãno han ja nĩnh mũ. Kỹ inh mỹ ti mỹ vẽnh pãte fón e han mũ'? Vẽnh pãte fón tỹ hẽ ri ke nỹ hỹn há nĩnh mũ? Ke tỹ 7 mỹ há nĩ'?“ he tóg, Pedro ti.
23818	MAT 18:22	Kỹ Jesus tóg ti mỹ: “vó,” he mũ. “Vẽnh pãte fón tỹ 7 (ke) vỹ pir nĩ,” he tóg. “Vẽnh pãte fón tỹ 70 tỹ 7 (ke) vỹ pãgsĩ nĩ,” he tóg.
23839	MAT 19:8	Kỹ tóg ag mỹ: “hỹ,” he mũ. “Tag tó ja ti nĩ, ãjag mỹ, ãjag tỹ to jykrén sór tũ nỹtĩn kỹ. Hã kỹ tóg ãjag mỹ: “ha fi fón ge,” he ja nĩ. Hã ra Topẽ tóg tag han ja tũ nĩ, ti tỹ nén kar han ve ki.
23924	MAT 21:29	Kỹ tóg ti panh ti mỹ: “vó,” he mũ. Kar kỹ tóg to jykrén mãn kỹ tĩ mũ sir, ẽpỹ ra.
23925	MAT 21:30	Kỹ ti panh tóg ti jãvy mỹ ke mũ gé sir. “Ũri inh jakré tugnỹm tĩg,” he tóg mũ gé. Kỹ ti jãvy tóg: “he,” he mũ, ti panh ti mỹ. Hã ra tóg tĩ tũ nĩ.
23937	MAT 21:42	Kỹ tóg ag mỹ: “hỹ,” he mũ. “Kỹ Topẽ vĩ rá tag to jykrén nĩ gé, ha mẽ: “pó tỹ ĩn han jafã fón ag tóg, pó tỹ ĩn han tĩ ag. Ag mỹ tóg kórég ja nĩ. Hã ra Topẽ tóg hã tỹ ĩn nũna han mũ. Ẽg Senhor mág tỹ há vẽ mỹr, hã kỹ tóg ẽg mỹ e tĩ,” he ja tóg nĩ, Topẽ vĩ rá ki,” he tóg, Jesus ti.
23957	MAT 22:16	Kỹ ag tóg Jesus to ũ ag jẽgnẽg mũ, pã'i mág tỹ Herodes mré ke ũ ag mré hã, ag tỹ ón kỹ ti ki jẽmẽ jé. “Senhor,” he ag tóg mũ. “Ã jykre kuryj nĩn kỹ ã tóg, Topẽ to ẽpry ki ẽg kanhrãn há han tĩ. Ũ tỹ vẽjykre há hã han ve ra ã tóg, ti jykre ki kanhró kar nĩ.
23965	MAT 22:24	Kỹ ag tóg: “Senhor,” he mũ gé. “Moisés tỹ ẽg mỹ vẽjykre nĩm kỹ tóg: “ã régre tỹ krẽ tũ ra ter kỹ ã tỹ ti prũ fi tỹ prũg ke vẽ. Ã tỹ ã régre mỹ ã krẽ han ke vẽ, fi ki,” he ja nĩgtĩ.
23994	MAT 23:7	Ẽmã kuju ki vẽnh kar tóg ag mỹ: “ã mỹ há?” he tĩ, kỹ tóg ag mỹ sér tĩ. Kỹ ag tóg ag to: “Senhor,” he tĩ gé, kỹ tóg ag mỹ sér tĩ.
23995	MAT 23:8	Ag jãvo jagnẽ mỹ: “Senhor,” he sór tũg nĩ, kỹ ag tỹ ãjag mỹ: “Senhor,” he mũ ra ag mỹ: “inh pijé tỹ ũn mág nĩ',” hem nĩ. Ũn pir vỹ tỹ ãjag kri ke nĩ, hã vỹ: Topẽ, he mũ, jó ãjag tóg tỹ jagnẽ mré ke nỹtĩ.
24138	MAT 26:15	Tá jun kỹ tóg ag mỹ: “sỹ ãjag mỹ Jesus fẽg ke vẽ, ãjag tỹ ti se jé. Ãjag mỹ inh mỹ kajãm mũ'?“ he mũ. Kỹ ag tóg: “hỹ,” he kỹ ti mỹ jãnkamy tỹ 30 (ke) vin mũ sir.
24195	MAT 26:72	Hã ra tóg: “vó,” he mãn mũ. “Ti ki kagtĩg sóg nĩ, Topẽ vỹ ki kanhró nĩ,” he tóg, Pedro ti.
24256	MAT 27:58	Ẽn tóg, Pilatos venh tĩ mũ, kỹ tóg ti mỹ Jesus to vĩ mũ, ti ter kar kỹ. Kỹ Pilatos tóg: “he,” he mũ.
24263	MAT 27:65	Kỹ Pilatos tóg ag mỹ: “he,” he mũ. “Vỹ nỹtĩ, ti kej ki rĩr ke mũ ag,” he tóg, porisa ũ ag to. “Ti kej ki rĩr há han nĩ, ge kỹ,” he tóg.
24354	MRK 2:25	Kỹ tóg ag mỹ: “vó,” he mũ. “Davi tỹ nén han mũ to jykrén nĩ. Ti kókĩr nĩn kỹ tóg ti tỹ nén han ke tũ han gé, ti mré mũ tĩ ag mré, hã ra Topẽ pijé ti to jũ mũ', ha mẽ.
24360	MRK 3:3	Hã ra Jesus tóg ũn nĩgé kórég ẽn mỹ: “kunĩg,” he mũ.
24442	MRK 5:9	Kỹ tóg ti mỹ: “ã jiji hẽ ri ke tĩ,” he mũ. Kỹ tóg: “Mil,” he mũ. “E tãvĩ ẽg nỹtĩ,” he tóg, Nén-Kórég ti.
24446	MRK 5:13	Kỹ tóg ag mỹ: “hej,” he mũ. Kỹ ag tóg ẽn ti tovãnh kỹ porko ag ki ge mũ sir. Kỹ ag tóg rán ki re mũ sir, porko ag. Nãgnãr kãn ag tóg mũ sir, goj nig mág ki, porko tỹ mil régre ag hỹn.
24560	MRK 7:28	Hã ra fi tóg: “hỹ,” he mũ. “Hã ra kasor sĩ tóg ẽg krẽ jamĩ mru vár ẽn ko tĩ,” he fi tóg.
24566	MRK 7:34	Kỹ tóg kanhkã ki ẽvãnh kỹ ỹnh' ỹnh' ke mũ sir. Kỹ tóg ti mỹ: “efatá,” he mũ. Ẽg vĩ ki ke hã vỹ: “ti nĩgrẽg jé nor' hé,” he mũ.
24599	MRK 8:30	Kỹ tóg ag mỹ: “hỹ,” he kar kỹ ag jyvẽn mũ, ag tỹ ũ mỹ ti kãmén tũ nĩ jé.
24643	MRK 9:36	Kỹ tóg gĩr ũ mỹ: “kunĩg,” he mũ. Ag kuju kã ti fẽg kỹ tóg ti nunh jagma ti pẽ fón mũ sir. Kỹ tóg ag mỹ:
24868	MRK 14:45	Ti tỹ tá jun kỹ tóg vẽsỹmér Jesus to grẽn ke kỹ ti mỹ: “Senhor,” he mũ. Kỹ tóg ti ki nhun ke mũ sir, ón kỹ.
25022	LUK 1:60	Hã ra ti mỹnh fi tóg: “vó,” he mũ. “João vẽ,” he fi tóg mũ.
25138	LUK 4:6	Kỹ tóg ti mỹ: “isũ vẽ mỹr,” he mũ. Japo ti. “Ã mỹ sóg tovãnh kãn sór mũ, ã tỹ tỹ vẽnh kar tag ag pã'i jẽ jé. Kỹ nén sĩnvĩ tag kar vỹ tỹ ã tũ nĩnh mũ. Ũ tỹ han mũ ẽn tỹ inh mỹ: “té,” hen kỹ sóg isỹ ũn kuprẽg mũ ẽn mỹ nĩm tĩ sir.
25189	LUK 5:13	Kỹ tóg ti nĩgé tỹ ti mẽg kỹ: “he,” he mũ. Kỹ ti kaga kren vãnh ẽn tóg há' he mũ sir vẽsỹmér.
25210	LUK 5:34	Kỹ tóg ag mỹ: “hỹ,” he mũ. “Vẽnh prũg venh kãmũ mũ ag pijé vãkrég tĩ'. Fénhta vẽ mỹr, kỹ tóg vẽnh kar mỹ sér tĩ. Tỹ sóg, ũn prũg mũ ẽn ri ke nĩ, hã kỹ tóg, inh mré mũ tĩ ag mỹ sér tĩ,” he tóg.
25218	LUK 6:3	Hã ra tóg ag mỹ: “vó,” he mũ. “Ag kókĩnkĩr vẽ mỹr,” he tóg. “Davi to jykrén nĩ, ti mré mũ tĩ ag to ke gé. Ti kókĩr kỹ tóg ti tỹ nén han ke tũ han gé, hã ra Topẽ pijé ti to jũ mũ'.
25223	LUK 6:8	Hã ra Jesus tóg ag tỹ nén to jykrén mũ ki kanhró nĩ. Kỹ tóg ũn nĩgé tóg ẽn mỹ: “kunĩg,” he mũ. “Tag kã jẽnh kãtĩg,” he tóg ti mỹ. Kỹ tóg kãtĩg kỹ kã jẽ mũ sir.
25344	LUK 8:30	Kỹ Jesus tóg ti mỹ: “ã jiji hẽ ri ke tĩ?” he mũ. Kỹ tóg: “Mil,” he mũ, Nén-Kórég tỹ hẽn ri ke ag tỹ tỹ ti jagrẽ nỹtĩn kỹ.
25412	LUK 9:42	Ti jun kỹ ti jagrẽ tóg ti kã vyryn ke mãn mũ. Kỹ tóg kutẽ mũ sir. Kỹ tóg ti jagrẽ mỹ vĩ jũ han mũ, ti tỹ ti ki kãkutẽ jé. Hã ki tóg kyrũ ẽn tỹ há' he mũ sir. Kỹ tóg ti panh mỹ: “té,” he mũ sir.
25432	LUK 9:62	Kỹ tóg ti mỹ: “vó,” he mũ gé. “Ẽg tỹ arado tỹ ga kũm kỹ ẽg pijé vẽsỹjãm ẽvãnh tĩ'. Ge ti nĩ, ã tỹ inh mré tĩg sór kỹ. Inh mré ã tóg tĩg mũ. Ã tỹ ã jykre han sór kỹ ã tóg Topẽ tỹ tỹ ẽg pã'i nĩ tá krỹg ke tũ nĩ,” he tóg.
25502	LUK 11:28	Kỹ Jesus tóg fi mỹ: “hỹ,” he mũ. “Hã ra Topẽ vỹ ã ve há han ke mũ gé, ã tỹ ti vĩ mẽ kỹ ki króm kỹ,” he tóg.
25542	LUK 12:14	Hã ra tóg ti mỹ: “vó,” he mũ. “Isũ pijé',” he tóg. “Inh pijé ã mỹ ã kuge ve sór mũ'. Inh pijé ã tũ tỹ vẽnh kãpãm sór mũ',” he tóg.
25610	LUK 13:23	Kỹ ũ tóg ti mỹ: “Senhor,” he mũ. “Ũn krenkren mũ ag mỹ pipir nỹtĩ, e nỹtĩ vó?” he tóg. Kỹ tóg ti mỹ:
25686	LUK 15:29	Hã ra tóg ti mỹ: “nejé,” he mũ. “Prỹg tỹ hẽn ri ke ki sóg ã rãnhrãj ti han, ha mẽ. Inh pijé ã vĩ mranh ja nĩgtĩ'. Ge ra ã tóg inh mỹ nén ũ nĩm ja tũ nĩ. Ã pijé inh mỹ cabrito fẽg tĩ', sỹ inh mré ke ag mỹ fénhta han jé.
25688	LUK 15:31	Hã ra ti panh tóg: “vó,” he mũ. “Inh mré ã tóg jẽ nĩ, kỹ tóg inh mỹ sér tĩ. Kỹ isũ kar vỹ tỹ ã tũ nỹtĩ, mỹr, ha mẽ.
25768	LUK 18:11	Kỹ Fariseu tóg: “Topẽ,” he mũ. “Inh mỹ tóg há tĩ, isỹ jykre kórég tũ nĩn kỹ. Ũ ag tóg nén ũ péju tĩ, ũ ag tóg nén ũ vẽnh mỹ han tĩ inhhã, jãvo inh pijé han tĩ'. Ag prũ tũ fag mré ag tóg nỹgnỹ tĩ. Kỹ governo mỹ jãnkamy mãg tĩ tag ti vỹ kórég nĩ gé, inhhã.
25770	LUK 18:13	Hã ra governo mỹ jãnkamy mãg tĩ ẽn tóg kuvar há tá jẽ nĩ, mỹ'ãg kỹ. Kỹ tóg kanhkã ki ẽvãnh tũ nĩ gé. Ti fe kri tóg kãgmĩg mũ, kỹ tóg: “Topẽ,” he mũ gé. “Ã vĩ mranh inh mỹr. Ã mỹ inh jagãgtãn ke tũ hã ra?“ he tóg.
25826	LUK 19:26	Kỹ tóg: “hỹ,” he mũ. “Hã kỹ sóg tó mũ. Ũn tũ mág vỹ mãn mãn ke mũ. Ũ tũ sĩ nĩ ẽn tũ mãn kãn jé ag tóg ke mũ gé,” he tóg.
25939	LUK 22:6	Kỹ tóg: “he,” he mũ. Kỹ tóg to jykrén mũ, ag mỹ: “ha ti kãgmĩ,” henh ke to. Ag tỹ vẽnh kar vatánh tá ti se sór vẽ.
25967	LUK 22:34	Hã ra tóg: “vó,” he mũ. “Ha vé, ũri ã tóg iso: “ti ki kagtĩg sóg nĩ,” he tãgtũ han ke mũ, galo kyr ke to hã, ha vem nĩ,” he tóg.
25968	LUK 22:35	Kỹ tóg ag kar mỹ: “ãjag jẽgnẽ ja inh nĩ. Kỹ ãjag tóg nén ũ ma mũ ja tũ nĩgtĩ, bolsa tũ, pẽn né tũ. Ẽn kã ãjag mỹ jagtar ja nĩgtĩ'?“ he mũ. Kỹ ag tóg: “vó,” he mũ.
25990	LUK 22:57	Hã ra Pedro tóg: “vó,” he mũ. “Ti ki kagtĩg sóg nĩ, jỹ,” he tóg.
26011	LUK 23:7	Kỹ ag tóg ti mỹ: “hỹ,” he mũ. Hã ra Herodes vỹ tỹ ga tỹ Galiléia tá pã'i mág nĩ. Hã kỹ Pilatos tóg ti hã mỹ ti jẽnẽg mũ. Ẽn kã tóg Jerusalém tá nĩ gé, Herodes ti.
26028	LUK 23:24	To tóg jykrén mũ, kỹ tóg ag mỹ: “he,” he mũ, ag tỹ ti kutãn to.
26055	LUK 23:51	Ti pijé ag tỹ Jesus tén ke to jykrén mũ ẽn kã: “he,” he ja nĩgtĩ'. Topẽ tỹ tỹ ẽg pã'i nĩnh ke ve sór tóg mũ gé.
26134	JHN 1:21	Kỹ ag tóg ti mỹ: “kỹ ã hỹn tỹ ũ nĩ? Ã mỹ tỹ Elias nĩ'?“ he mũ. Hã ra tóg: “vó“ he mũ gé. Kỹ ag tóg ti mỹ: “Topẽ vĩ tó tĩ ũ nẽji kãtĩg ke mũ gé. Ti hã mỹ tỹ ã nĩ?“ he mũ. Hã ra tóg: “vó,” he mũ gé.
26194	JHN 3:5	Hã ra tóg: “vó,” he mũ. “Ẽprã ke ag krẽ vỹ tỹ ẽprã ke nỹtĩ, ag mỹnh fag ri ke. Jãvo Topẽ kuprĩg tỹ ũ han kỹ tóg Topẽ kuprĩg tỹ jagrẽ nĩ. Mur mãn to ken hã vẽ, hã vỹ: inh ki rã, he mũ. Goj tỹ ke vẽ, Topẽ kuprĩg tỹ ke vẽ gé. Ũ tỹ gen kỹ mur mãn ja tũ nĩn kỹ tóg Topẽ tỹ tỹ ẽg pã'i nĩ venh ke tũ pẽ nĩ.
26461	JHN 8:11	Kỹ fi tóg: “hỹ,” he mũ. Kỹ tóg fi mỹ: “kỹ inh hỹn ã vóg kónãn ke tũ nĩ gé,” he mũ. “Ha tĩg, jatun mỹ. Hã ra Topẽ vĩ mranh mãn sór tũg nĩ,” he tóg. Ũn tỹtá kórég ẽn fi vóg kónãn sór ja tũ ti nĩ, Jesus ti.
26547	JHN 9:38	Kỹ ũn kyvó ja tóg ti mỹ: “Senhor,” he mũ. “Ã ki rã kỹ inh jẽ nĩ,” he tóg. Kỹ tóg ti krẽm mũg ke kỹ ti mỹ: “Topẽ kósin vỹ tỹ ã nĩ,” he mũ.
26550	JHN 9:41	Kỹ Jesus tóg: “Hỹ,” he mũ. “Ãjag tỹ: kyvó ẽg nỹtĩ, ki kagtĩg ẽg nỹtĩ, hen kỹ Topẽ tóg ãjag to jũnh ke tũ nĩ vẽ. Hã ra ãjag tóg: ẽvãnh há ẽg nỹtĩ, ki kanhró ẽg nỹtĩ, he tĩ. Hã kỹ Topẽ tóg ãjag to jũnh ke mũ. Vẽnh pãte fón ke tũ ti nĩ, ãjag tỹ ti vĩ mranh ja ti,” he tóg.
26613	JHN 11:21	Kỹ Marta fi tóg ti kato tẽ kỹ ti mỹ: “Senhor,” he mũ. “Ã tỹ kãnĩ ra ti ter ke tũ nĩ vẽ,” he fi tóg.
26616	JHN 11:24	Kỹ fi tóg: “hỹ,” he mũ. “Vẽnh kar rĩnrĩr mãn ken kỹ tóg rĩr mãn ke mũ gé, ki kanhró sóg nĩ. Kurã tỹ ẽgno kã ke vẽ,” he fi tóg.
26871	JHN 18:17	Kỹ fi tóg ti mỹ: “ã hỹn tỹ Jesus mré ke nĩ,” he mũ, ũ tỹ jãnkã ki rĩr jẽ ẽn fi. Hã ra tóg ón kỹ fi mỹ: “vó,” he mũ.
26879	JHN 18:25	Hã ra Pedro tóg ver tón nĩ nĩ, pĩ to. Kỹ tá nỹtĩ ag tóg ti mỹ: “ã hỹn tỹ ti mré ke nĩ gé,” he mũ. Hã ra tóg ón kỹ: “vó,” he mãn mũ.
26881	JHN 18:27	Hã ra tóg ón kỹ ti mỹ: “vó,” he mãn mũ. Ẽn kã galo vỹ vãhã kynkyr mũ.
26907	JHN 19:13	Kỹ Pilatos tóg ag vĩ tag mẽ kỹ Jesus jé prẽr mũ, ti tỹ ti mré re ra kutẽ jé. Kỹ tóg ti nĩgja kri nĩ mũ, ti tỹ kri nĩ kỹ hẽ tá vẽnh kar jykre vég tĩ ẽn kri. Tá ag tóg pó nẽ ja nĩgtĩ, hã kỹ ag tóg to: “Pó Nẽ,” he tĩ, hã vỹ: “Gabatá,” he mũ, Hebreu vĩ ki.
26932	JHN 19:38	Kỹ Jesus to há ũ tóg nĩgtĩ, Arimatéia tá José. Ẽn vỹ ti mré tĩg ja tũ nĩgtĩ, ti tỹ pã'i ag kamẽg kỹ, hã ra tóg Jesus to há nĩ. Hã kỹ tóg sir Pilatos venh tĩ mũ, kỹ tóg ti mỹ: “sỹ Jesus tỹ ka to ti kãtérem há tóg tĩ,” he mũ. Kỹ Pilatos tóg ti mỹ: “he,” he mũ. Kỹ tóg Jesus tỹ krunh to ti kãtérem tĩ mũ sir.
26952	JHN 20:16	Kỹ tóg fi mỹ: “Maria',” he mũ, fi jiji tó kỹ. Kỹ fi tóg vãhã ti ki kanhrãn mũ sir, ti tỹ fi mỹ fi jiji tó kỹ. Kỹ fi tóg ti mỹ: “Raboni', ã hã mỹ'?“ he mũ. Hebreu vĩ ki fi tóg tó mũ. Ẽg vĩ ki ẽg tóg tag to: “Senhor,” he tĩ.
26972	JHN 21:5	Kỹ tóg ag mỹ: “ãjag mỹ pirã ũ kãgmĩg tũ?“ he mũ. Kỹ ag tóg ti mỹ: “hỹ,” he mũ.
26998	ACT 1:6	Kejẽn ag tóg vẽnh mãn mãn mũ sir, Jesus tỹ ũn vin mũ ag. Kỹ tóg ag mré nĩ nĩ. Kỹ ag tóg ti mỹ: “Senhor,” he mũ. “Ã mỹ ũri ẽg povo tỹ Israel tỹ pã'i mág fẽg mãn mũ',“ he ag tóg ti mỹ.
27168	ACT 5:40	Kỹ ag tóg ti mỹ: “he,” he mũ. Kỹ ag tóg Jesus tỹ ũn vin mũ ag jé prẽr mãn mũ. Ag mrãnmrãn ag tóg mũ. Kỹ ag tóg: “ker Jesus tó mãn hẽ',” he mãn mũ, “ha mũ jẽg,” he ag tóg, ag mỹ.
27429	ACT 12:23	Kỹ vẽsỹmér Topẽ tỹ jẽnẽ jafã tóg ti vóg kónãn mũ sir, ti tỹ ag mỹ: “vó,” he tũ nĩn kỹ. “Inh pijé tỹ Topẽ nĩ',” he ja tũ tóg nĩ. Kỹ ti nug ga vỹ ti kagrãg mũ, hã kỹ tóg ter mũ.
27513	ACT 15:2	Hã ra Paulo ag tóg: “vó,” he mũ. Kỹ ag tóg jagnẽ vĩ kafãn mũ sir. Kỹ Jesus mré ke kar ag tóg Paulo ag mỹ: ag mré mũm nĩ, Jerusalém ra,” he mũ. “Tá Jesus tỹ ũn vin mũ ag mré vĩm nĩ, igreja to kófa ag mré. Ag mỹ: ẽg hỹn hẽ ri kenh mũ, vẽnh gré fár junun kym ke to? hem nĩ,” he ag tóg.
27567	ACT 16:15	Kỹ ẽg tóg fi kypég mũ, fi mré ke kar fag mré hã. Kỹ fi tóg ẽg mỹ: “inh mré inh ĩn ki nỹtĩm nĩ, sỹ ãjag ki rĩr jé,” he mũ. Vĩ ki fi tóg ẽg kutãn mũ. Kỹ ẽg tóg fi mỹ: “he,” he mũ.
27771	ACT 21:39	Kỹ tóg ti mỹ: “hỹ,” he mũ. “Tỹ sóg Judeu nĩ. Tỹ sóg ẽmã tỹ Tarso tá ke nĩ. Ga tỹ Cilícia tá ẽmã mág kãfór vẽ, inh mur ja ti. Isỹ povo tag mré vĩnh há tóg tĩ,” he tóg.
27799	ACT 22:27	Kỹ pã'i mág tóg ti to kãtĩ kỹ ti mỹ: “kỹ ã mỹ tỹ Romano nĩ'?“ he mũ. Kỹ tóg: “hỹ,” he mũ.
27874	ACT 25:10	Hã ra tóg Paulo mỹ ag tỹ tá ti tén ha mẽ tĩ, hã kỹ tóg: “nejé,” he mũ. “Ẽg pã'i mág tỹ Imperador jẽgja ki ã tóg inh ki jẽmẽg mũ. Ã tỹ tag ki inh jykre venh ke vẽ,” he tóg. “Judeu ag mỹ sóg vẽjykre pãno han ja tũ nĩ.
27983	ACT 28:16	Ẽg tỹ ẽmã mág tỹ Roma tá junjun kỹ Paulo tóg vyr mỹ nĩ nĩ. Vẽse ũ ag mré tóg nĩ tũ nĩ. Soldado pir hã tóg ti ki rĩr mũ. Capitão tóg ti mỹ tag to: “he,” he ja nĩ.
28199	ROM 8:15	Ẽg tỹ tỹ Jesus jãvy nỹtĩn kỹ ti pijé ẽg kanẽ jun ke mũ'. Ti kuprĩg vỹ tỹ ẽg jagrẽ nĩ. Kỹ Topẽ pijé tỹ ẽg patrão kórég ri ke nĩ'. Tỹ tóg ẽg panh nĩ ha. Hã kỹ ẽg tóg ti mỹ: “Aba,” he tĩ, hã vỹ: “ẽg jóg,” he mũ, ẽg vĩ ki.
28648	1CO 10:13	Nén-Kórég vỹ ẽg krĩn sór mũ, ẽg tỹ Topẽ vĩ mranh jé. Hã ra tóg ẽprã ke jykre ki ẽg krĩn sór tĩgtĩ. Kỹ Topẽ tóg ti vég tĩ, kỹ tóg ẽg ki rĩr tĩ. Kỹ tóg kejẽn ti mỹ: “gen kỹ,” he tĩ sir, ti tỹ ẽg tỹ hẽ ri ke tũ nĩ jé. Kỹ tóg ẽg tar han ke mũ gé, ẽg tỹ Nén-Kórég tỹ ẽg krĩn kónãn mũ ra ti kato tẽ jé, ẽg tỹ ti mỹ: “he,” he tũ nĩ jé.
28866	1CO 16:22	Topẽ mỹ sóg to vĩ tĩ, ti tỹ ũ tỹ ẽg Senhor to há tũ ẽn ag vóg kónãn kãn jé. “Maranata,” he sóg tĩ, hã vỹ: ha kãtĩg, Senhor, he mũ, ãjag vĩ ki.
28885	2CO 1:17	Hã ra tóg inh mỹ ki króm ke ja tũ nĩ. Hã kỹ sóg jun ja tũ nĩ. Kỹ inh mỹ kanhir kỹ ãjag mỹ: “kãtĩg jé sóg ke mũ,” he ja nĩ'? Vó. Jykre régre han tũ sóg nĩgtĩ. Ũn jykre régre ag tỹ: “he,” he mũ ra ag tóg han sór tũ nĩgtĩ. Ge tũ sóg nĩgtĩ.
28887	2CO 1:19	Ti kósin jykre hã han sóg tĩ, Jesus Cristo jykre ti. Inh hã ne ãjag mỹ ti kãmén ja nĩ', Silas mré, Timóteo mré ke gé. Ti pijé ti tỹ: “he,” he mũ ra han ke tũ nĩ'.
29017	2CO 8:17	Kỹ tóg kãnhmar inh mỹ: “he,” hé, sỹ ti mỹ: “ha Corinto ra tĩg,” hen kỹ.
29477	PHP 2:19	Sỹ ãjag mỹ Timóteo jẽnẽnh há tóg tĩ, ẽg Senhor tỹ to: “he,” hen kỹ. Ti tỹ tá vỹn ke kỹ tóg inh mỹ ãjag kãmén ke mũ. Kỹ inh krĩ tóg kãnhvy' henh ke mũ sir, isỹ ãjag to vẽmé há mẽn kỹ.
29650	1TH 2:13	Ãjag tỹ Topẽ vĩ mẽ kỹ ãjag tóg to: “he,” he ja nĩgtĩ. Ãjag mỹ sóg tó, kỹ tóg ãjag mỹ há ja nĩgtĩ. Tag to sóg Topẽ mỹ: “ã hã ne tóg ag krĩn'. Kỹ tóg inh mỹ sér tĩ,” he tĩ. Kurã kar ki sóg ti mỹ tó tĩ. Hã kỹ tóg ãjag jykre kugrynh mũ sir, Topẽ vĩ ti, ãjag tỹ ti vĩ kri fin kỹ.
29707	1TH 5:19	Topẽ kuprĩg tỹ ãjag krĩn sór kỹ ti mỹ: “nejé,” he tũg nĩ.
30381	JAS 2:21	Ẽg jógjóg ve tỹ Abraão to jykrén nĩ. Topẽ tóg ti mỹ: “ã kósin tỹ Isaque tãnh kỹ pũn, inh mỹ,” he ja nĩ. Kỹ tóg ti mỹ: “he,” he ja nĩ sir. Hã kỹ tóg Topẽ mỹ há nĩ sir, Abraão ti, ti tỹ ti vĩ ki króm ja nĩn kỹ. Kỹ tóg ti to: “inh ki rã há han ja ti nĩ,” he mũ.
30382	JAS 2:22	Ve ra ha. Ti tỹ Topẽ ki rã kỹ jẽn hã kỹ tóg ti mỹ: “he,” he ja nĩ, Abraão ti. Kỹ tóg, ti tỹ ti mỹ: “he,” hen kỹ ti ki rã kỹ jẽ ẽn to tar nĩ sir, Topẽ vĩ ki króm ke to. Ge ti nĩ mỹr.