23285	MAT 4:7	Kỹ tóg ti mỹ: “hỹ. Kỹ tag vỹ rán kỹ nĩ gé, ha mẽ,” he mũ. “Topẽ mỹ: “ã mỹ ã tỹ nén tó ja ẽn han mũ vỹ?” he tũg nĩ, ti to é he tũg nĩ,” he tóg mũ gé. Hã kỹ sóg ti tỹ inh mỹ nén to: “han ra,” he mũ ẽn hã han tĩ, hã kỹ sóg hũm ke tũ nĩ,” he tóg.
23326	MAT 5:23	“Ã tỹ Topẽ ĩn krẽm ti mỹ nén ũ pũn sór kỹ, vẽso jykrén vén nĩ. “Inh mỹ ũ to jũ tũ nĩ vỹ? Ũ mỹ iso jykrén kónãn tũ nĩ vỹ?” hem nĩ.
23350	MAT 5:47	Kỹ ãjag tỹ ãjag mré ke ag hã mỹ: “ã mỹ há?” hen kỹ tóg tỹ, nén ũ tũ nĩ gé ver. Ũ tỹ Topẽ vĩ ki kagtĩg ag vỹ, ge nỹtĩgtĩ gé. Ag mré ke ag hã mỹ ag tóg: “ã mỹ há?” he tĩ gé, hã ra tóg tỹ nén ũ tũ nĩ ver.
23453	MAT 9:5	“Ũ tĩg vãnh tag mỹ sóg: ã tỹ Topẽ vĩ mranh ja tỹ tũ' hen vẽ ha,” he mũ. “Sỹ ti mỹ: nĩ ra, tĩg ra, henh ke vẽ gé. Hã ran mỹ ãjag mỹ vẽnh mỹ?” he tóg.
23867	MAT 20:6	Vãhã tóg rãkãnh mũ sir. 5 horas ki tĩg mãn kỹ tóg ũ ag vég mũ gé, kỹ tóg ag mỹ: “ãjag tỹ ne jé rãnhrãj tũ nĩ nẽ?” he mũ. “Kurã kar ki ãjag tóg tag ki nỹtĩ, ãjag rãnhrãj tũ ra,” he tóg ag mỹ.
23916	MAT 21:21	Kỹ Jesus tóg ag mỹ: “ki hã sóg tó mũ,” he mũ. “Inh ri ke han jé ãjag tóg ke mũ. Isỹ ka tỹ figueira mỹ: “tóg ra,” hen kỹ tóg tóg ja nĩ. Inh vĩ tag ri ke han jé ãjag tóg ke mũ, ãjag tỹ inh ki ge há han kỹ. Hã ra to: “Topẽ mỹ inh vĩ mẽg mũ vỹ?” he tũg nĩ. “Hỹ mỹ vỹ?” he tũg nĩ. Kỹ ãjag tỹ kejẽn pãnónh mỹ: “ha kutẽ, goj nig mág ki,” hen kỹ tóg kutẽnh mũ, ãjag tỹ ti kutẽnh ke to: “hỹ mỹ vỹ?” he tũ nĩn kỹ.
23994	MAT 23:7	Ẽmã kuju ki vẽnh kar tóg ag mỹ: “ã mỹ há?” he tĩ, kỹ tóg ag mỹ sér tĩ. Kỹ ag tóg ag to: “Senhor,” he tĩ gé, kỹ tóg ag mỹ sér tĩ.
24215	MAT 27:17	Jãvo ag tóg tá vẽnhmãn kỹ nỹtĩ, Judeu kar ag. Kỹ Pilatos tóg ag mỹ: “inh ãjag mỹ ũ tỹ hẽ kavãn ha? Mỹ Jesus Barrabás, Jesus Cristo mỹ vó?” he mũ.
24980	LUK 1:18	Kỹ tóg ti mỹ: “hã ra sóg kófa nĩ ha. Kar inh prũ fi tóg kófa nĩ ha ke gé. Kỹ ẽg mỹ tá krỹg mũ vỹ?” he mũ.
24990	LUK 1:28	Fi hã mỹ tóg vẽnh ven mũ sir. Kỹ tóg fi mỹ: “ã mỹ há?” he mũ. “Topẽ vỹ ã jagãgtãn, kỹ tóg ã ve há han mũ,” he tóg mũ.
24991	LUK 1:29	Fi tỹ ti ve kỹ fi tóg jũrũn ke mũ. Ti vĩ tóg fi mỹ e tĩ. “Ti tỹ ne tó nẽ, hỹn?” he fi tóg mũ.
24996	LUK 1:34	Kỹ fi tóg ti mỹ: “hã ra sóg ũ mré nỹ ja tũ nĩ ver,” he mũ. “Kỹ inh hẽ ri kenh mũ?” he fi tóg, ti mỹ.
25002	LUK 1:40	Fi tỹ Zacarias ĩn tá jun kỹ fi tóg fi mỹ: “ã mỹ há?” he mũ.
25028	LUK 1:66	“Gĩr tag hỹn hẽ ri kenh mũ?” he fag tóg mũ. Topẽ tỹ ti ki rĩr há han tóg ve há tĩ, hã kỹ tóg fag mỹ e tĩ.
25091	LUK 2:49	Hã ra tóg fi mỹ: “ãjag ne tóg inh jãvãnh ja nĩ',” he mũ. “Inh panh pẽ ĩn krẽm sóg nĩ nĩ mỹr, kỹn mỹ ãjag mỹ vẽnh mỹ?” he tóg.
25104	LUK 3:10	Kỹ ũn e ag tóg ti mỹ: “kỹ ẽg hỹn hẽ ri kenh mũ, ẽg tỹ Topẽ jykre han jé?” he mũ.
25106	LUK 3:12	Kỹ ũ tỹ governo mỹ imposto kaja mãg tĩ ag vỹ João to kãmũ mũ gé. Kỹ ag tóg ti mỹ: “ẽg kanhrãn tĩ', ẽg hỹn hẽ ri kenh mũ?” he mũ gé.
25108	LUK 3:14	Kỹ porisa ag vỹ: “kỹ ẽg hỹn hẽ ri kenh mũ?” he mũ gé sir. Kỹ tóg ag mỹ: “ũ tũ mãn sór tũg nĩ,” he mũ. “Ũ to vãsãn tũg nĩ. Ũ to ón tũg nĩ. Ag jãnkamy mãn tũg nĩ. Ãjag rãnhrãj to ãjag tóg jãnkamy vég tĩ. Kỹ ti kãfór mãn sór tũg nĩ,” he tóg.
25109	LUK 3:15	Kỹ vẽnh kar ag tóg João to: “ti mỹ tỹ Cristo tũ nĩ vỹ?” he mũ.
25168	LUK 4:36	Kỹ tóg vẽnh kar mỹ e pẽ tãvĩ tĩ sir. Jagnẽ mỹ ag tóg: “ne nẽ hỹn?” he mũ. “Vẽjagrẽ kórég ag mỹ tóg vĩ tĩ, kỹ ag tóg ki ke tĩ, ti kamẽg kỹ. Ti hỹn tỹ ag kri ke nĩ,” he ag tóg mũ sir.
25198	LUK 5:22	Hã ra tóg ag tỹ nén to jykrén mũ ki kanhró nĩ. Kỹ tóg ag mỹ: “ãjag tỹ ne jé iso jykrén kónãn nẽ?” he mũ.
25199	LUK 5:23	“Ne nỹ ãjag mỹ vẽnh mỹ nỹ?” he tóg.“Ũn tĩg vãnh tag mỹ sóg: “ã tỹ Topẽ vĩ mranh ja ẽn tỹ tũ' he vẽ ha,” hé. Sỹ ti mỹ: “nĩ ra, tĩg ra,” henh ke vẽ gé. Hã ran mỹ ãjag mỹ vẽnh mỹ?” he tóg.
25226	LUK 6:11	Kỹ tóg vẽnh kar mỹ e tĩ. Ag fe tóg gỹm ke mũ, kỹ ag tóg jagnẽ mỹ: “ẽg ti tỹ hẽ ri kenh mũ hỹn',” he mũ, “ti kãgmĩnh mũ, vó?” he ag tóg.
25283	LUK 7:19	Kỹ tóg ti mỹ e tĩ. Kỹ tóg ti to: “Topẽ tỹ ũn jẽnẽg mũn hã mỹ vỹ?” he mũ. Hã kỹ tóg ti mré mũ tĩ régre ag jẽgnẽg mũ, ag tỹ Jesus mỹ: “ã hã mỹ'?” he jé.“ Ẽg mỹ ũ jãvãnh mãn ke tũ nĩ ha', ã pãte?” he sór ag tóg mũ.
25306	LUK 7:42	Hã ra ag tỹ ne tỹ kajãm ke tóg tũ tĩ, kỹ tóg ag mỹ tỹ tũ' he mũ, ag név tỹ. Kỹ ti mỹ rãnhrãj tĩ tỹ hẽ nỹ hỹn ti to há kãfór nĩ?” he tóg.
25313	LUK 7:49	Kỹ ti mré jẽg mũ ag tóg jagnẽ mỹ: ”ti mỹ ẽg tỹ Topẽ vĩ mranh tỹ vẽnh pãte fón ke mũ vỹ?” he mũ. “Topẽ hã ne vẽnh pãte fón há nĩ', hã kỹ tóg ẽg mỹ vẽnh mỹ tĩ,” he ag tóg.
25323	LUK 8:9	Kỹ ti mré mũ tĩ ag tóg ti mỹ: “ne to ke nẽ, nén fy kãme tag ti?” he mũ.
25339	LUK 8:25	Kỹ tóg ag mỹ: “ãjag tỹ ne jé inh ki ge há han tũ nĩ nẽ?” he mũ. Kỹ tóg ag mỹ e tĩ. Kanẽ jur ag tóg mũ, kỹ ag tóg jagnẽ mỹ: “ti jykre tóg ẽg mỹ e tĩ,” he mũ. “Kóho mỹ tóg vĩ mũ, kỹ tóg ki ke mũ, goj ti ke gé,” he ag tóg.
25344	LUK 8:30	Kỹ Jesus tóg ti mỹ: “ã jiji hẽ ri ke tĩ?” he mũ. Kỹ tóg: “Mil,” he mũ, Nén-Kórég tỹ hẽn ri ke ag tỹ tỹ ti jagrẽ nỹtĩn kỹ.
25359	LUK 8:45	Kỹ Jesus tóg: “ũ nỹ inh kur mẽ?” he mũ. Hã ra vẽnh kar tóg: “ha',” he mũ. Kỹ Pedro tóg: “ã kur mẽ kãn ẽg tóg, hã ra ã tóg: “ũ nỹ inh kur mẽ?” he mũ,” he mũ.
25379	LUK 9:9	Hã mẽg tóg, Herodes ti, kỹ tóg: “João mỹ vó?” he mũ.“Hã ra sóg João krĩ kym. Kỹ ũ nẽ, hỹn'? Nén han vãnh tỹ hẽn ri ke hynhan tóg huri,” he tóg. Kỹ tóg kejẽn ti ve sór mũ, hã ra Jesus vỹ ti venh tĩ tũ nĩ.
25383	LUK 9:13	Hã ra tóg: “ha inhhã ag jẽn,” he mũ. Kỹ ag tóg: “hã ra ẽmĩ tỹ 5 (ke) hã vỹ ki nỹtĩ, pirã régre mré ke gé. Ẽg mỹ ag mỹ kũmpra henh mũnh mũ vó, vẽjẽn ti?” he ag tóg, Jesus mỹ.
25388	LUK 9:18	Kejẽn Jesus tóg Topẽ mré vĩ mũ, ti pin kỹ. Hã ra ti mré mũ tĩ ag tóg ti mré nỹtĩ nĩ. Kỹ tóg ag mỹ: “ag iso hẽ ri ke tĩ?” he mũ.
25390	LUK 9:20	Kỹ tóg ag mỹ: “ag jãvo ãjag hẽ ri ke tĩ, iso?” he mũ. Kỹ Pedro vỹ ti mỹ: “tỹ ã Cristo nĩ, Topẽ tỹ ẽg mỹ ũn jẽnẽg mũ ẽn vỹ tỹ ã nĩ,” he mũ.
25415	LUK 9:45	Hã ra tóg ag tỹ ti tỹ ti ter ke kãmén mũ tag to jykrén tũ tĩ. Ag tỹ to jykrén mũ ra ag tóg ki kagtĩg nỹtĩ. Kỹ ag tóg ti ki jẽmẽ sór tũ nĩ, ag tỹ ti kamẽg kỹ, hã kỹ ag tóg ti mỹ: “ã tỹ ne tó nẽ?” he tũ nĩ.
25416	LUK 9:46	Kejẽn Jesus mré mũ ag vỹ jagnẽ mỹ vĩ jũ han mũ. “Ẽg kã ũ tỹ hẽ nỹ tỹ ũn mág nĩ?” he ag tóg jagnẽ mỹ.
25423	LUK 9:53	Hã ra tá ke ag tóg ag mỹ: “ãjag tỹ hẽ ra mũ nẽ?” he mũ. Kỹ ag tóg: “Jerusalém ra,” he mũ. Kỹ tóg ag mỹ kórég nĩ, hã kỹ ag tóg ag mỹ ag nũgnũr ke ven sór tũ nĩ.
25436	LUK 10:4	“Kỹ ãjag mũn kỹ sako ma mũ tũg nĩ, jãnkamy tũ ke gé. Pẽn né vẽnh kafã gé mũ tũg nĩ gé. Kỹ ãjag tỹ ũ ven kỹ ti mỹ: “ã mỹ há?” he tũg nĩ gé. Jatun mỹ mũm nĩ.
25457	LUK 10:25	Kỹ vãhã Topẽ vĩ to ẽg kanhrãn tĩ ũ vỹ, ag kã mĩ jẽgnẽ mũ. Ti tỹ ón kỹ Jesus ki jẽmẽ sór vẽ. Kỹ tóg ti mỹ: “Senhor',” he mũ. “Inh hỹn vẽjykre tỹ ne han mũ, isỹ rĩr krỹg ja tũ ve jé?” he tóg.
25458	LUK 10:26	Kỹ tóg ti mỹ: “ne nỹ hỹn rán kỹ nĩ, Topẽ vĩ ki?” he mũ. “Topẽ jykre tỹ ne han jé ã ke mũ, hỹn'? To ke há ã tóg nĩ, ha inh mỹ tó,” he tóg.
25461	LUK 10:29	Hã ra tóg ti mỹ há tũ nĩ, Jesus vĩ ti. Hã kỹ tóg ti mỹ: “kỹ ũ nỹ tỹ inh régre nĩ?” he mũ.
25517	LUK 11:43	“Fariseu', Topẽ vỹ ãjag ve kónãn. Vẽnh kanhrãn jafã krẽm ãjag tóg vẽnh kãpãm kỹ nỹtĩ, vẽnh kar tỹ ãjag to: ũn mãg ag vẽ, he jé. Ẽmã kuju tá ãjag tóg mũgtĩ, kỹ tóg vẽnh kar tỹ ãjag mỹ: “Ẽg kanhrãn tĩ, ã mỹ há?” hen kỹ ãjag mỹ sér tĩ.
25556	LUK 12:28	Topẽ hã ne ka fej sĩnvĩ han tĩ'. Hã ra tóg kãnhmar kãgter tĩ. Ũri tóg há nỹtĩ, tỹ vaj kỹ tóg kógungur nỹtĩgtĩ. Topẽ tỹ ka fej sĩnvĩ han kỹ tóg ãjag kur ki rĩr ke mũ gé, ha vem nĩ. Kỹ ti to: “ti mỹ ẽg mỹ kur nĩm mũ vỹ?” he tũg nĩ.
25557	LUK 12:29	“Inh hỹn ne konh mũ', ũri?” he tũg nĩ gé. To krĩ kufy han tũg nĩ.
25569	LUK 12:41	Kỹ Pedro vỹ ti mỹ: “Senhor',” he mũ. “Ã tỹ ũ mỹ ke nẽ? Ã tỹ ũ tỹ ã ki ge tũ ag mỹ ke mỹ, ẽg mỹ ke mỹ vó?” he tóg.
25610	LUK 13:23	Kỹ ũ tóg ti mỹ: “Senhor,” he mũ. “Ũn krenkren mũ ag mỹ pipir nỹtĩ, e nỹtĩ vó?” he tóg. Kỹ tóg ti mỹ:
25623	LUK 14:1	Kejẽn tóg vẽnhkán ke kurã tá krỹg mũ. Kỹ tóg Fariseu ag pã'i ũ ĩn krẽm nĩ nĩ, ti mré jẽn jé. Hã ra ag tóg tá ti tỹ rĩr mũ. “Ti mỹ vẽnhkán ke kurã ki rãnhrãj ke tũ?” he ag tóg mũ.
25625	LUK 14:3	Kỹ Jesus tóg pã'i ag mỹ: “ẽg tỹ vẽnhkán ke kurã ki ũ tỹ há' hen mỹ há nĩ, mỹ kórég nĩ, vó?” he mũ.
25653	LUK 14:31	“Kar kỹ pã'i mág to jykrén nĩ gé. Pã'i ũ tỹ ti mré vẽnh génh han sór kỹ tóg ti krẽm ke ag nĩkrén vén ke mũ gé sir, vẽnh génh ke to hã. “10 mil (ke) ẽg nỹtĩ,” he jé tóg ke mũ. “Ẽg mỹ ag tỹ hẽn ri kenh mũ vỹ? 20 mil (ke) ag nỹtĩ. Ag mỹ ẽg tỹ tũ' he kãn ke tũ nĩ vỹ?” he jé tóg ke mũ.
25654	LUK 14:32	Kỹ tóg pã'i ũ ẽn mỹ vẽnh vĩ jẽnẽnh mũ, ti tỹ kór há tá nĩ hã ra. Kỹ tóg ti mỹ: “inh ã mỹ ne nĩm mũ, ã tỹ isovãnh jé?” henh ke mũ,” he tóg.
25692	LUK 16:3	Kỹ tóg to jykrén kỹ: “inh hỹn hẽ ri kenh mũ ha?” he mũ. “Inh patrão tỹ inh kutẽm kỹ inh hỹn ne konh ke mũ ha? Inh ẽpỹ jé sóg krój nĩ. Kỹ sóg vẽnh kar mỹ: “inh mỹ nén ũ nĩm, inh mỹ jãnkamy nĩm,” he sór tũ nĩ gé. Inh mỹ'a tóg tĩ,” he tóg.
25694	LUK 16:5	Kỹ tóg ũ tỹ ti patrão mỹ néve nỹtĩ ẽn ag jé prẽr kãn mũ sir. Kỹ tóg ũ mỹ: “ã néve tỹ hẽ ri ke nĩ?” he mũ.
25696	LUK 16:7	Kỹ tóg ũ mỹ: “jo ã?” he mũ gé. Kỹ tóg ti mỹ: “trigo sako tỹ 100 (ke) vẽ,” he mũ. Kỹ tóg ti mỹ: “hỹn, ã vẽnh rán ti, sỹ ã mỹ térem kỹ 80 (ke) rán jé,” he mũ gé.
25737	LUK 17:17	Kỹ tóg: “ũ tỹ 10 (ke) ag vỹ há' he kãn,” he mũ. “Hã ra ũn pir ne kyrã'. Hỹn, ũ ag, ũ tỹ 9 (ke) ẽn ag?” he tóg.
26323	JHN 5:44	Inh ki ge sór tũ ãjag nỹtĩ, ãjag tỹ ẽprã ke ag vĩ jẽmẽn kỹ. Ag tỹ ãjag mỹ vĩ há han kỹ tóg ãjag mỹ sér tĩ. Kỹ ãjag tóg Topẽ tỹ ãjag mỹ nén tónh ke mũ mĩ ẽkrég tũ nĩgtĩ. “Inh jykre mỹ ti mỹ há nĩ vỹ?” he sór tũ ãjag nĩ.
26433	JHN 7:36	Ne to ke nẽ, hỹn, hã vỹ: “ãjag tỹ inh venh há ra ãjag tóg inh venh ke tũ nĩ, he mũ?” he ag tóg mũ. Jesus vĩ vỹ ag mỹ e tĩ, hã kỹ ag tóg ti tỹ nén tó mũ ki kagtĩg nỹtĩ.
26800	JHN 16:5	Ũri sóg tĩg ke mũ, isỹ ũ tỹ inh jẽnẽg mũ ẽn ve jé. Kỹ ãjag pijé inh mỹ: “ã tỹ hẽ ra tĩg ke nẽ?” henh ke mũ'.
26812	JHN 16:17	Kỹ ti mré mũ tĩ ag tóg jagnẽ mỹ: “ti hỹn ne tó sór mũ, hã kỹ tóg: “kãnhmar ãjag tóg inh ve mãn ke tũ nĩ ha, kejẽn ãjag tóg kurã ũ ki inh ve mãn ke mũ gé,” he mũ?” he ag tóg.
27498	ACT 14:15	“ne nẽ?” he mũ. “Tỹ ẽg ẽprã ke nỹtĩ, ãjag ri ke. Hã ra ẽg tóg ãjag mỹ kãmén sór mũ, ãjag tỹ ón kỹ topẽ tag ag tugvãnh jé. Topẽ pẽ ki gem nĩ, ũn rĩr nĩ ẽn ki. Kanhkã han tóg, ga ke gé, goj ke gé, mĩ mũ kar ke gé,” he tóg.
27821	ACT 23:19	Kỹ pã'i mág tóg vẽnh péju kỹ ti mré vẽmén kỹ ti mỹ: “ã inh mỹ ne tó sór mũ?” he mũ.
28361	ROM 14:13	Hã kỹ jagnẽ to vĩ mãn tũg nĩ. Jagnẽ to: “kórég ti nĩ,” he mãn tũg nĩ. Ãjag tỹ nén ũ han ken kỹ: “isỹ tag han kỹ inh régre mỹ inh ve kỹ Topẽ vĩ mranh ke tũ nĩ vỹ?” he jé ẽg tóg ke mũ.
28587	1CO 7:32	Nén ũ pir tóg inh mỹ há tĩ vẽ, hã vỹ: ãjag krĩ kuprãg kỹ nỹtĩm nĩ, he mũ, ãjag tỹ nén ũ to krĩ kufy tũ nỹtĩ jé. Ũn prũ tũ ẽn vỹ ẽg Senhor tũ ki rĩr tĩgtĩ, kỹ tóg: “mỹ ẽg Senhor mỹ há nĩ vỹ, sỹ nén han mũ ti?” he tĩ.
28588	1CO 7:33	Jãvo ũn prũg mũ vỹ ẽg tỹ tag ki nén vég tĩ ki rĩr nĩgtĩ, kỹ tóg: “mỹ inh prũ fi mỹ há nĩ vỹ, sỹ nén han mũ ti?” he tĩ gé.
28589	1CO 7:34	Kỹ tóg ẽg Senhor tũ ki rĩr tãvĩ han tũ nĩ sir. Kỹ fi vỹ ge nĩgtĩ gé, ũn mén ter ja fi, ũn mén ja tũ fi ke gé. Ẽg Senhor tũ ki rĩr fag tóg nĩgtĩ, fag tỹ tỹ ti tũ tãvĩ nỹtĩ jé, fag tỹ ti tũ ki króm há han jé. Ũn mén mũ fi tóg hã ra ẽg tỹ tag ki nén vég tĩ ki rĩr nĩgtĩ, kỹ fi tóg: “mỹ inh mén mỹ há nĩ vỹ, sỹ nén han mũ ti?” he tĩ gé.
28596	1CO 8:1	Kỹ sóg ãjag mỹ vẽjẽn tó sór mũ gé. Ag mẽg tãnh kỹ ag tóg vẽnh kãgrá tỹ topẽ mỹ pũn vén tĩ. Kar kỹ ag tóg açougue tá ti ke ẽn vẽne he tĩ. Kỹ ãjag kã mĩ ũ tóg: “inh mỹ tá mãn kỹ konh mỹ vỹ?” he tĩ. Hã ra ãjag kã mĩ ũ tóg: “ki kanhró mág ẽg nỹtĩ, to tar ẽg nỹtĩ. Jatun mỹ ẽg tóg konh ke mũ,” he tĩ. Ẽg tỹ nén ũ to: “ki kanhró mág inh nĩ,” hen kỹ tóg: “ti kãfór inh nĩ,” henh ha mẽ tĩ. Ẽg tỹ hã ra jagnẽ to há nỹtĩnh ke vẽ.
28660	1CO 10:25	Kỹ ã tỹ nén ũ tãnh jafã ki nén ũ nĩ kajãm sór kỹn há nĩ. Kỹ ag mỹ: “ũ mỹ ón kỹ vẽnh kãgrá tỹ topẽ mỹ ti nĩ tag pũn ja tũ?” he tũg nĩ. Jẽmẽ tũg nĩ. Jatun mỹ kom nĩ.
28735	1CO 13:2	Topẽ tóg hẽn ri ke mũn ẽg mỹ nén ũ kar tó tĩ. Kỹ ẽg vẽnh jyvẽn há han tĩgtĩ. Hẽn ri ke mũn ẽg tóg Topẽ ki rã há han kỹ nỹtĩ. Kỹ ẽg ti vĩ to: “hỹ mỹ vỹ?” he tũ pẽ nĩgtĩ. Kỹ ẽg tóg pãnónh mỹ: “ha tĩg,” he tĩ, hã ra tóg sir tĩ tĩ. Ẽg tỹ jérĩn mỹ vẽnh kar to há tũ nỹtĩn kỹ tóg tỹ ón kỹ ke nĩ.
28775	1CO 14:29	Kejẽn ũ tóg ẽg mỹ Topẽ tỹ ti mỹ nén tó ja kãmén sór mũ, ẽg vĩ ki. Ũn régre vỹ tónh ke mũ, ke tũ nĩ kỹ ũn tãgtũ, jagnẽ ri kén. Kỹ ag vĩ mẽg mũ ag vỹ to jykrén kỹ: “ki hã ke mỹ vỹ?” he mũ.
28821	1CO 15:35	Kỹ ũ tóg to jykrén kỹ inh mỹ: “Topẽ hỹn hẽ ri kenh ke mũ, ti tỹ ũn ter mũ ag rĩnrĩn mãn jé?” he sór mũ. “Ẽg fár hỹn hẽ ri kenh ke mũ?” he sór ãjag hỹn mũ.
29029	2CO 9:5	Hã kỹ sóg to jykrén, sỹ ãjag mỹ ẽg régre tag ag jẽgnẽ jé. Vãsỹ ãjag tóg tó ja nĩ, ãjag tỹ nén vin sór mũ ẽn ti. Kỹ ha ké. Kỹ tóg e nĩnh mũ, jãnkamy ti. Kỹ tóg ve há tĩ, ti tỹ ãjag mỹ sér nĩ ti. Kỹ ũ tóg ãjag to: “ti mỹ ag mỹ há tũ ja? Hã kỹ ag mỹ nĩm sĩ han ja nĩ?” henh ke tũ nĩ.