23216	MAT 1:3	Osoloso Yudayo owolo ee Peles dio Sala dio (osoloso egee bia dia owee ee Tamala), osoloso Peleseeyo owolo ee Heslon, osoloso Hesloneeyo owolo ee Lam.
23218	MAT 1:5	Osoloso Salmonowo owolo ee Bowas (Bowaseeyo owee ee Leihab), osoloso Bowaseeyo owolo ee Obed (Obedeeyo owee ee Lut), osoloso Obedeeyo owolo ee Yesi.
23219	MAT 1:6	Osoloso Yesiyo owolo ee wiligi odoo toboloso badebei Deibidiso. Deibidiyo owolo ee Solomono. (Solomonowo owee ee daga Yulayayo osobo.)
23490	MAT 10:4	osoloso Loum gamalee mapoo ha teli odoo Saimon, osoloso Yudas-Iskaliyot (yayo hamamee Yesu ha teli odoo dimapoo tiasalaiso).
23667	MAT 14:1	Beeame omapoo Gelili mi gibadeli odoo Helodeeye Yesuye goo moodoomo silee duloso o tou teli odoo mapoo egeesee takaso, “Odoo hagee Yonee odoo howo oluguli oso molodoo. Yo ta maga olo hogabiadoo. Esiga yayo see goo toowa opusomo di hageesee ka moodoomo silo,” dee takaso. (Yayo hageesee takaso. Bei, Yonee telega badoboome, goo hagooso peledabaso.)
23824	MAT 18:28	Osoloso tou teli odoo ee see wedi dulone o odoo tugodooso. O odoo hagooso yimaga molee howadoo ee haga toowanee (goo egee, molee ko 100 denaliyus deli ee howadoo). Esino tou teli odoo oso yo ogoloso o gabada mapoo toloso debidolone egeesee takaso, ‘Nayo mo molee howadoo eyo nei tebia hedebe egesi amapoo tenee,’ diso.
24350	MRK 2:21	(Yesuye Yu odoo oso dibada odooga dia tei mapoo dodolone kituluguloso debei egeiso. Eseme yayo diba o goo dia eligi ee dadalai tebile gooleedooso.) Esiga Yesuye dimapoo dio masi taka bakadio hagoso. “Odoo agayo dugo nape didediba omapoo dugo dia diadoloso dugo nape didediba mapoo opodoloso dusaga dugo diaso kitulugu oso dugo nape hapoomelee hapoomologa didedibilone ou toowa tologo pigileiso.
24351	MRK 2:22	Edebeeyo howo giedege ou sia mapoo keesoga, ou gadia maga howo solaiso. Esiaga edebeeyo howo giedege ou dia mapoo keeselai tekepo,” diso. (Yesuye dio masi bakadio taka eyo bei hagoso: Ayo mo goo dia eligi ee nibada odooga dia tei sabolo hedepe dalame ka sibile. Esino ayo simi hagee goo dia ayo tosimi omapoo niyo dadalame ka simi.)
24373	MRK 3:16	Yesuye gilimadoo odoo 12 dia hu hagoso: Saimon (Yesuye hu hee hedi, Pita);
24374	MRK 3:17	osoloso Sebediyo owolo bakadio Yemes dio omolo Yonee dio (Yesuye hu hee hedi Bouwaneges. Hu eyo bei to kei wei masi weli);
24375	MRK 3:18	osoloso Endulu, Pilipi, Batolome, Metiu, Tomas, Alpiesyo owolo Yemes, Tadies, Saimon Selot (Saimon Selot: selot hu eyo bei Loum Gamali gowili odoo),
24376	MRK 3:19	osoloso Yudas-Iskaliyot (Yesu ha teli odoo mapoo tiasili).
24379	MRK 3:22	Esino tei eligili odoo Yoluselem maga sibadee oso egeesee takaso, “Yesu yo bo wiligi toba Bulsibapo (Saiten o hu hee) o kulodu badoso. Esiga yo bo wiligi toba eyo kitulugu maga bo holo peegoo hasisilone ka badoso.”
24474	MRK 5:41	Yesuye sobo holo ta o dee mapoo toloso yimapoo egeesee takaso, “Talita koum!” (To eyo bei sobo holo, no teebee.)
24475	MRK 5:42	Eseme sobo holo yo epedee omapoo saga toboloso siliso (yo dugo 12). Eseme oma dio owee dio, osoloso Yesu o hamamee dili odoo sabolo dia howoogaso.
24492	MRK 6:16	Esino Helodee goo hagee duloso, gooleedeme yayo egeesee takaso, “Yonee Odoo Howo Sauwidili, o wiligi kopugume ta odoo, yo see ta maga hogabia doo,” diso. (Yonee telega badolone, daga goo peledaba hagoso.)
24536	MRK 7:4	Diba bi teli go mapoo bi toloso nala pogolone daga dibada dee medee howo hapagaloso ka nali. Osoloso dibada odooga dia tei eligi goo dodolone dibada kapu sabolo sosepeni sabolo osoloso disi sabolo howo hapagaliso.)
24550	MRK 7:18	Eseme Yesuye dimapoo egeesee takaso, “Niba goo eyo kulodu bei medee koo gooleedolo? Esiga niyo nei toloso nali oso nibada sooloo ma kulodu Godeeyo howo woola tokenee koo peli, bei nei nali bi egee sooloo ma kulodu koo gameli. Esino kakobo ma kulodu gameileso see peegoo gasibiliso.” (Yesuye goo hagee takolone, yayo kitulugu sabolo takaso, nei nali bi susuga nalai tekepo, diso.)
24559	MRK 7:27	(Yu odoo oso Yu dele poogoo odoo mapoo so, dee takeliso. Osoloso Yu odoo ee takolone odoo holaiso, deliso. Eseme sobo yayo goo egee moodoolai kitulugu tebia doloso yimapoo tei too malabeleeso agalame) Yesuye sobo mapoo egeesee takaso, “Holaiso dia nei toloso so mapoo tenelai tekeponee. Esino daga holaiso dimapoo nei tenelai tekepo,” diso.
24566	MRK 7:34	Osoloso Yesu keimi ma dokodoo bolone sooloo toowa polomeleso homodopuloso yimapoo o toso egeesee takaso, “Epata!” (to eyo bei yiliga magee).
24771	MRK 12:29	Eseme Yesuye nei takaso, “Tei magoo toowa hagoso, ‘Isalael (Yu) odoo niba dui! Ibada Lodee Godee hedepe.
24778	MRK 12:36	Debidiye to kitulugu sabolo Dio Tei maga takaso, ‘Godeeye mo Lodee (wiligi odoo toba) mapoo takaso: “No abolo wiligi doloso badalame mo dee deedee dokolo bie. Osoloso nee ha teli odoo nama hemi deebee dalaiso.’”
24800	MRK 13:14	(Hesigeli odoo, no goo hageeyo bei medee gooleede.) Tei moso mapoo Godee hegili bi tokenee mudu opusomodi bi oso melega pagalai mi mapoo molo ogoga, Yudiya mi omapoo debeli odoo mubi dokodoo saga kukulo pele. (Bi tokenee hagoso Godeeyo howo woola tei moso tokenee palaiso, esiga Yu odoo oso tei moso kulodu gasibileso Godeeyo hu dokodoo poudalame sibilame goomogalaime.)
24814	MRK 13:28	Esiga niba sokai (homo) maga goo goolee medee te. O du sisigaloso mouloso see pisigaga, mi kibilei koola tooboo dee goolee.
24916	MRK 15:21	Osoloso ha teli odoo oso Yesu idoloso diadaga meleeno, diayo Saimon eli domopoo Yoluselem mapoo sibumolome tugodooso. Eseme diayo yo idoloso Yesuwo homo bulubo magoo imado di, diso, bei Yesu kitulugu mauwe neme. (Saimon hagee Alesanda dio Lupus dio dibada oma. Yo Sailini mi mapoo badeli odoo.)
24917	MRK 15:22	Osoloso diayo Yesu toloso Gologota mi mapoo ido simiso. (Mi hu eyo bei wiligi ki mubi.)
24935	MRK 15:40	Eseme sobo abo Yesubolo Gelili abaga Yoluselem mapoo sibadee oso, eli sage abaga Yesu homo bulubo magoo ma dokodoo molome balaga meleeso. Sobo mooloogoodoo egee ma kulodu debei, dibada hu Meli Magadalinbolo, osoloso Meli hee (Yemes pepoko dio Yoses dio dibada owee) sabolo, osoloso Salomebolo, diayo Yesu mapoo bameleeso. Sobo bakadio hedepedi hagoso daga Yesubolo Gelili mapoo silone, Yesu pidimo siliso.
25229	LUK 6:14	Saimon (odoo hagee Yesuye o hu hee Pita hediso), osoloso Saimonowo omolo Endulu sabolo, osoloso Yemes, osoloso Yonee, osoloso Batolome,
25231	LUK 6:16	osoloso Yemeseeyo owolo Yudas, osoloso Yudas-Iskaliyot (yayo hamamee Yesu ha teli odoo dimapoo tiasooso).
26969	JHN 21:2	Biame omapoo Yesu o hamamee dili odoo hagee biaso hodobo debeiso. Saimon-Pita, osoloso Tomas (o hu hee Didimas), osoloso Gelili mi toowa ee ma kulodu mi pepooko Kana mapoo badeli odoo hee Nataniyol, osoloso Sebediyo owolo bakadio, osoloso Yesu o hamamee dili odoo bakadio omapoo debeiso.
27005	ACT 1:13	Diba Yolusalem mapoo peledoboloso, diso debeli moso mapoo paladeeso. Odoo abo hagooso moso eyo kulodu debeiso: Pita, Yonee, Yemes, Endulu, Pilipi, Tomas, Batolomu, Matiyu, Alpiyeseeyo owolo Yemes, Saimon (daga Loum gamalee maga ha teli odoo), osoloso Yemesyo owolo Yudas.
27008	ACT 1:16	“Mo odoo, ayo Yudaseeyo goo nimapoo taka. Yo ibada mooloogoodoo ma kulodu Godeeyo tou hodobo tomo siliso. Esino yayo Yesu ha teli odoo mapoo tiasooso.” (Eseme tei moso wiligi odoo tebisa oso Yudas yimapoo molee teneme, yayo molee oso mi su neiso tooso. Osoloso yo mi omapoo dileso, miyomoo homodobuloso, beliye tologonuloso, kakobo gwadobuloso taso. Eseme Yolusalem mapoo debeli odoo susuga oso goo hagee duloso, mi egee dibada toso hu egeesee hediso ‘Akeledama.’ Hu hageeyo bei, ‘sawo go.’) Eseme Pitaye see egeesee takaso, “Esiga Godeeyo to booka mapoo hogugu oso tei diso. Bei, Dio Tei oso Deibidi mapoo eligi maga yayo Yudaseeyo goo daga hoogoo Godeeyo to hogugu Sam booka mapoo egeesee hoguguso, ‘O mi mapoo odoo mauwe pagalaiso. Odoo heeso omapoo badalaime.’ Osoloso see egeesee hoguguso, ‘O tou su see odoo heeso talaiso,’” diso.
27015	ACT 1:23	Eseme tei telaga odoo susuga oso Yosep dio Matiyas dio hesiaso. Yosep hagee hu bakadio hedebe di (Balasabas osoloso Yositas).
27127	ACT 4:36	Osoloso tei too odoo hee Yosepeeye o mi odoo abo mapoo teneloso nei molee tooso. Osoloso yayo sibileso, molee ee diye di odoo dimapoo teneeso. (Yosep hagee Saiples mi te omapoo badeli, yo o bala Libai. Esino diye di odoo oso yimapoo hu hee teneeso, Banabasi, hu eyo bei emegei pidili odoo.)
27175	ACT 6:5	Esiga tei telaga odoo susuga oso to hagee duloso tekepo doloso, odoo 7 hagee hesiaso: Sitiben (odoo hagee tei too kibuloso badolone Dio Tei oso kitulugu toloso badeli), osoloso Pilipi, osoloso Polokolu, osoloso Nikanolo, osoloso Timono, osoloso Palemena, osoloso Antiyoka odoo, Nikola. Odoo hagee Yu dele poogoo odoo, esino yayo Yu odoowo Godee mapoo tei too maga Yu hu ka too.
27321	ACT 9:36	Esino Yopa mi mapoo tei too sobo badebeiso, o hu Tabita (o hu hee Guliki toso hedi Dokas). Yayo odoo abo pidimo silone, emegei bi mauwe odoo sabolo dia pidimo siliso.
27404	ACT 11:28	Esiga dima kulodu odoo hee, o hu Agabus, yayo dibolo sileeso. Esiga yayo Dio Tei oso kitulugu maga egeesee takaso, “Mi susuga mapoo dala goo oso siboga, nei nali bi mauwe pagalaiso,” diso. (Esiga daga hoogoo goo hagooso Sisa Kolodiyaseeye Loum mi toowa wiligi doloso badebei beeame omapoo hodia goo toowa hageesi oso peledabaso.)
27432	ACT 13:1	Antiyoka mi mapoo tei telaga odoo oso mooloogoodoloso, debei ma kulodu Godeeyo to tosili odoo sabolo Godeeyo goo ee eligili odoo ee dibada hu hagooso: Banabasi, osoloso Simiyono (o hu hee Nigele), osoloso Kulene odoo Lukiyas, osoloso Manayen (wiligi odoo taba Helodee dio hodobo kauwa), osoloso Solo.
27437	ACT 13:6	Osoloso mi te omapoo osee silesibulone, mi hee Papos mapoo dileso peledabaso. Diba mi omapoo egeino, Yu odoo hee googoo sabolo badoboome egeiso. O hu Bale-Yesu (o hu hee Guliki dia toso hedi Elimas). Yayo mi omapoo gamenee goo eligili odoo badebeiso. Mi te eyo wiligi odoo taba Selegiyas Polus eyo odoo. Mi te eyo wiligi odoo taba yo goo goolee medee tekepo. Esiga yayo Godeeyo to dulame goomogolone, Banabasi dio Solo dio ime simiso. Esino googoo gooleedoo odoo Elimas yayo gowolone, wiligi odoo taba oso Godeeyo to duloso, Yesu mapoo tei talai goomegele. Eseme yayo Banabasi dio Solo dio Godeeyo to takeyaga gowolone hamaga takaso.
27457	ACT 13:26	Poloye see egeesee takaso, “Emegei, Eibalaham eyo amawe dio (Yu odoo) nibolo, osoloso Yu dele poogoo Godee mapoo mesili odoo, niba mo to dui! Gie badeli pidili goo hamaga to ee imapoo teneeso.
27613	ACT 17:21	(Osoloso goo ee ma kulodu Atene mapoo debeli odoo sabolo, osoloso mi abo maga sibadee odoo sabolo, beeame susuga diayo goomoga goo talai beeame ee poogoloso, see gamenee eligi goo maga to dia meliso.)
27761	ACT 21:29	(Yu odoo hagee bia oso Yu dele poogoo odoo Epeses mapoo badeli, Tolopimus, Polo dio Yolusalem mapoo silee ogoloso, diayo goolee, Poloye yo dibada tei moso mapoo ido palabele dolone egeesee taka.)