5	GEN 1:5	Ehuc tatamacte ʒâŋe ʒoaŋ â dapâcte ʒâŋe ŋafe mujactewec. Iŋuc eme hae ŋaferâ fureme ʒoaŋ 1 tarawec.
8	GEN 1:8	Iŋuc fuame Anutuzi aka irec ʒâŋe sawa muwec. Eme hae ŋaferâ fureme ʒoaŋ 2 tarawec.
13	GEN 1:13	Iŋuc eme hae ŋaferâ fureme ʒoaŋ 3 tarawec.
19	GEN 1:19	Iŋuc eme hae ŋaferâ fureme ʒoaŋ 4 tarawec.
23	GEN 1:23	Iŋuc mume hae ŋaferâ fureme ʒoaŋ 5 tarawec.
31	GEN 1:31	Eme Anutuzi wiac bâfuawec i hone‐fâreme biaŋne jâmbâŋ ewec. Eme hae mocwâc ŋaferâ fureme ʒoaŋ 6 tarawec.
33	GEN 2:2	Eme ʒoaŋ 7 ira Anutuzi gie‐ticne batara‐fârehuc gie wiac bawec irec ŋemanaocte hombaŋ ŋewec.
34	GEN 2:3	Iŋuc ehuc Anutuzi ʒoaŋ 7 hâcne jambuŋkehuc bâtiriwec, i wiac mocte mâcne, wiac sasawa bâfua tararâ ŋemanaocte hombaŋ ŋewec.
41	GEN 2:10	Opâ kâcɋene moc e ine Edeŋ jufu gieonec wefurâ bâbâgunuc gie baku gieonec waha fâuckeme sohocne 4 ewec.
95	GEN 4:15	Eme Wofuŋzi muwec: “Iŋuc misac, moc e Kaiŋ qâhâmome okacne arec 7 irec sâc râcnezo.” Iŋuc murâ Kaiŋ sahacnao maqâreŋ moc râewec, moczi moc bâfuarâ qanʒipiŋte.
104	GEN 4:24	Kaiŋ qaocmuzi okacne arec 7 roocmu â Lamec no nuocmuzi ine okacne arec 77 roocmu.”
109	GEN 5:3	Eme ŋic e jara 130 bazuhame ere bifuŋko ŋokâ moc, e jahacne sâc â hawari iŋucne fuawec, eme ʒâŋe‐ticne Sete muwec.
110	GEN 5:4	Adam e Sete fuawec dameŋ irecnec jara 800 ʒuhuckerâ juhame ere bifuŋko naru motec gâcne fua fembiŋ.
111	GEN 5:5	Adam e iŋuc jufeku jara 930 bazurâ hâmowec.
112	GEN 5:6	Sete e jara 105 bazume ere bifuŋko Enosi fuawec.
113	GEN 5:7	Sete e Enosi fuawec dameŋ irecnec jara 807 ʒuhuckerâ juhame ere bifuŋko naru motec gâcne fua fembiŋ.
114	GEN 5:8	Sete e iŋuc jufeku jara 912 bazurâ hâmowec.
115	GEN 5:9	Enosi e jara 90 bazume ere bifuŋko Kenaŋ fuawec.
116	GEN 5:10	Enosi e Kenaŋ fuawec dameŋ irecnec jara 815 ʒuhuckerâ juhame ere bifuŋko naru motec gâcne fua fembiŋ.
117	GEN 5:11	Enosi e iŋuc jufeku jara 905 bazurâ hâmowec.
118	GEN 5:12	Kenaŋ e jara 70 bazume ere bifuŋko Mahalale fuawec.
119	GEN 5:13	Kenaŋ e Mahalale fuawec dameŋ irecnec jara 840 ʒuhuckerâ juhame ere bifuŋko naru motec gâcne fua fembiŋ.
120	GEN 5:14	Kenaŋ e iŋuc jufeku jara 910 bazurâ hâmowec.
121	GEN 5:15	Mahalale e jara 65 bazume ere bifuŋko Jarede fuawec.
122	GEN 5:16	Mahalale e Jarede fuawec dameŋ irecnec jara 830 ʒuhuckerâ juhame ere bifuŋko naru motec gâcne fua fembiŋ.
123	GEN 5:17	Mahalale e iŋuc jufeku jara 895 bazurâ hâmowec.
124	GEN 5:18	Jarede e jara 162 bazume ere bifuŋko Enoko fuawec.
125	GEN 5:19	Jarede e Enoko fuawec dameŋ irecnec jara 800 ʒuhuckerâ juhame ere bifuŋko naru motec gâcne fua fembiŋ.
126	GEN 5:20	Jarede e iŋuc jufeku jara 962 bazurâ hâmowec.
127	GEN 5:21	Enoko e jara 62 bazume ere bifuŋko Metusela fuawec.
128	GEN 5:22	Enoko e Anutuhec ʒuʒuhuc jâmbâŋ jupic. Enokozi ŋokâ‐ticne Metusela fuawec dameŋ irecnec jara 300 ʒuhuckerâ juhame ere bifuŋko naru motec gâcne fua fembiŋ.
129	GEN 5:23	Enoko e iŋuc juku jara 365 bazuwec.
131	GEN 5:25	Metusela e jara 187 bazume ere bifuŋko Lamec fuawec.
132	GEN 5:26	Metusela e Lamec fuawec dameŋ irecnec jara 782 ʒuhuckerâ juhame ere bifuŋko naru motec gâcne fua fembiŋ.
133	GEN 5:27	Metusela e iŋuc jufeku jara 969 bazurâ hâmowec.
134	GEN 5:28	Lamec e jara 182 bazume ere bifuŋko ŋokâ moc fuawec.
136	GEN 5:30	Lamec e Noa fuawec dameŋ irecnec jara 595 ʒuhuckerâ juhame ere bifuŋko naru motec gâcne fua fembiŋ.
137	GEN 5:31	Lamec e iŋuc jufeku jara 777 bazurâ hâmowec.
138	GEN 5:32	Noa e jara 500 bazume ere bifuŋko ŋokâ 3 fuambiŋ, ʒâŋe‐jeŋic Sem, Ham â Jafete.
141	GEN 6:3	Eme Wofuŋzi muwec: “Nore tâpirizi ŋicko mi fofehuc juzejec, ŋic e mâreŋkonec, sahac biuchec, mâreŋko juju‐ticnere jara dameŋ 130 mocwâc mi jâuruzejec.”
148	GEN 6:10	Ehame ere bifuŋko ŋokâ 3 fuambiŋ, ʒâŋe‐jeŋic Sem, Ham â Jafete. Noare binaŋ iŋuc.
153	GEN 6:15	Woke sâcticne kecʒiŋuc bazemec: Ʒoricne‐ticne kubi 300, otecne‐ticne kubi 50 â hâŋne‐ticne kubi 30.
162	GEN 7:2	Irec go qowi nânâne jaŋeraonec 7, 7, ŋicne â ŋokacne aŋa sâsâc â qowi mi nânâne jaŋeraonec jajahec jajahec rowosâec‐jopac.
163	GEN 7:3	Â sawa wipe jaŋeraonec iŋuc jaha 7, 7, ŋicne â ŋokacne rocjopatec gohec wokeo fefârenʒepieŋ, mâreŋte faio wiac jujunere ukicnezi omaezacte.
164	GEN 7:4	Eme no ʒoaŋ 7 tarame mupe hoe micsâko mâreŋko hehuc domahame ŋafe ʒoaŋ 40 taraocmu. Iŋuc ehuc wiac jujune bâfuapo i mâmâc sasawa mâreŋkonec bâsirowe‐fârepemu.”
166	GEN 7:6	Noa e jara 600 bazume faicnao rumi sâkozi mâreŋko fisiwec.
170	GEN 7:10	Eme ʒoaŋ 7 hâcne tarame mâreŋko rumi sâko fisiwec.
171	GEN 7:11	Noare jara dameŋ 600 irec mosa 2‐re ʒoaŋ gie bapa 17 ira opâ â hâwec ʒâkâŋ neŋgocne juwicnec soka siwiŋ ewefuhapie sawaonec opâ motâc aŋkeme
172	GEN 7:12	hoe micsâko jâmbâŋ hehuc foha ʒoaŋ 40 â ŋafe 40 ewec.
180	GEN 7:20	Opâzi tiki botâŋ‐jeŋic sirickewec ine kubi 15 irec sâc.
184	GEN 7:24	Eme opâ sâko jaŋe mâreŋ faio siwiŋne fehapie ʒoaŋ 150 tarawec.
187	GEN 8:3	Eme mâreŋ faio opâ jaŋe fofo‐jeŋickoa risiehuc qâzucke‐fârepie opâ sâko fâre wahawec. Ʒoaŋ 150 irec faicnao hâcne fuŋkehuc fâre wahawec.
188	GEN 8:4	Fâre wahakume wokezi mosa 7 irec ʒoaŋ gie bapa 17 ira Ararata tiki botâŋne mocko hesanaŋkerâ ŋewec.
189	GEN 8:5	Juku opâ e fâre wahakume mosa 10 irec ʒoaŋ gie bapa 1 ira tiki botâŋ‐jeŋic tâtâc fua rawec.
190	GEN 8:6	Eme ʒoaŋ 40 tarame Noazi faic motâc pitic, mârâc bakicne i rorâ
194	GEN 8:10	Eme mocwâc ʒoaŋ 7 woŋec juku hapâ ijaha soreme rawec.
196	GEN 8:12	Eme mocwâc ʒoaŋ 7 woŋec ŋeku hapâ moc soreme rawec. Eki rarâ mocwâc mi risiewec.
197	GEN 8:13	Noare jara dameŋ 601 irec mosa wâŋte ʒoaŋ gie bapa 1 ira opâ sâko mâreŋ faio fowec i kereŋke‐fârewec. Eme Noazi wokere bupu bâropierâ honewec: Mâreŋ faio opâ ʒickewec hâcne.
198	GEN 8:14	Eme mosa 2 irec ʒoaŋ gie bapa 27 ira mâreŋzi kereŋkerâ fowec.
234	GEN 9:28	Rumi sâkozi omaeweckonecteaŋ Noa e jara 350 ʒuhuckerâ juwec.
235	GEN 9:29	Juku jara 950 bazurâ hâmowec.
277	GEN 11:10	Kecʒi Semte ɋâricfâc jaŋere ʒâŋe biri: Sem e jara 100 bazume ere bifuŋko Arapakisa fuawec, ine rumi sâko omaewec irec faicnao jara 2 tarame fuacnewec.
278	GEN 11:11	Sem e Arapakisa fuawec dameŋ irecnec jara 500 ʒuhuckerâ juhame ere bifuŋko naru motec gâcne fua fembiŋ.
279	GEN 11:12	Arapakisa e jara 35 bazume ere bifuŋko Sela fuawec.
280	GEN 11:13	Eme Arapakisa e Sela fuawec dameŋ irecnec jara 403 ʒuhuckerâ juhame ere bifuŋko naru motec gâcne fua fembiŋ.
281	GEN 11:14	Sela e jara 30 bazume ere bifuŋko Ebere fuawec.
282	GEN 11:15	Eme Sela e Ebere fuawec dameŋ irecnec jara 403 ʒuhuckerâ juhame ere bifuŋko naru motec gâcne fua fembiŋ.
283	GEN 11:16	Ebere e jara 34 bazume ere bifuŋko Pelege fuawec.
284	GEN 11:17	Eme Ebere e Pelege fuawec dameŋ irecnec jara 430 ʒuhuckerâ juhame ere bifuŋko naru motec gâcne fua fembiŋ.
285	GEN 11:18	Pelege e jara 30 bazume ere bifuŋko Reu fuawec.
286	GEN 11:19	Eme Pelege e Reu fuawec dameŋ irecnec jara 209 ʒuhuckerâ juhame ere bifuŋko naru motec gâcne fua fembiŋ.
287	GEN 11:20	Reu e jara 32 bazume ere bifuŋko Serugu fuawec.
288	GEN 11:21	Eme Reu e Serugu fuawec dameŋ irecnec jara 207 ʒuhuckerâ juhame ere bifuŋko naru motec gâcne fua fembiŋ.
289	GEN 11:22	Serugu e jara 30 bazume ere bifuŋko Naho fuawec.
290	GEN 11:23	Eme Serugu e Naho fuawec dameŋ irecnec jara 200 ʒuhuckerâ juhame ere bifuŋko naru motec gâcne fua fembiŋ.
291	GEN 11:24	Naho e jara 29 bazume ere bifuŋko Tera fuawec.
292	GEN 11:25	Eme Naho e Tera fuawec dameŋ irecnec jara 119 ʒuhuckerâ juhame ere bifuŋko naru motec gâcne fua fembiŋ.
293	GEN 11:26	Tera e jara 70 bazume ere bifuŋko ŋokâ ʒiŋuc fuacnembiŋ: Abram, Naho â Haraŋ.
299	GEN 11:32	Terâ e jara 205 bazurâ Haraŋ mâreŋko ira hâmowec.
303	GEN 12:4	Eme Abram e Wofuŋte mic reŋkehuc hata fuŋkerâ raha Loti e bâjâpeme mâmâc rapic. Abram e jara 75 bazuhuc Haraŋ mâreŋ behewec.
339	GEN 14:2	jaŋe ŋicwofuŋ 5 kecʒiŋuc jaŋehec qaqac embiŋ: Sodom ŋicwofuŋ Bera, â Gomora ŋicwofuŋ Birisa â Adama ŋicwofuŋ Sinaba â Zeboim ŋicwofuŋ Semebe erâ Bela ŋicwofuŋ. (Bela i Ʒoari irec ʒâŋe moc.)
341	GEN 14:4	Jaŋe jara 12 Kedo‐Laome kiŋaŋ qacnehuc jumbiŋ, jara namba 13‐ko ine e râpeckembiŋ.
342	GEN 14:5	Eme jara namba 14‐ko Kedo‐Laome â ŋicwofuŋ ehec jumbiŋ jaŋe ware Asitero‐Karanaim haeo Refaim ŋic jopambiŋ, izi ware Ham haeo Ʒuŋim ŋic jopambiŋ, izi ware Kiriatim wâneŋko Emimŋic jopambiŋ,
346	GEN 14:9	Ra fisirâ ŋifec domahapie ŋifec Elam ŋicwofuŋ Kedo‐Laome, â Goim ŋicwofuŋ Tidali, â Sina ŋicwofuŋ Amarafe, erâ Elasa ŋicwofuŋ Arioko i jaŋe domambiŋ. Ŋifec 4 domambiŋ, ŋifec 5.
351	GEN 14:14	Abram e ine motecoc‐ticne niŋgiŋko barâ rakicne biŋe i manarâ izia ŋicfâc‐ticne ʒikare fuŋne mamana, ʒare‐jeŋic 318, e jahacne ficko fuakicne sasawa rocjopame râsi bâjâpec‐jopa raku Daŋ haeopec fisimbiŋ.
370	GEN 15:9	Iŋuc mume âzâcnewec: “Go ra bulimakao ŋokacne moc jara‐ticne 3 ekicne â noniŋ ŋokacne â lama ŋicne moc jara‐jekic 3 jaha ekicne, erâ hapâ â buni motecne, iŋuc rocjoparâ bare‐narec.”
374	GEN 15:13	Ehame Wofuŋzi Abram ʒiŋuc âzâcnewec: “Go ʒiŋuc mana sanaŋkec: Ɋâricfâcge jaŋe mâreŋ moc, biŋe mi qajarekicne, ira jaba juniŋmu; ehuc mâreŋ rune jaŋe bomac‐jopapie kiŋaŋ qajarehuc juhapie jara 400 taraocmu.
377	GEN 15:16	Jaŋe ine Amori ŋic jaŋere kiŋte sâc micnao biac mi qakacte jufekupie gaŋne 4 eme risie wareniŋmu.”
385	GEN 16:3	Irec Abram e Kanaaŋ mâreŋko jara 10 jutarawec dameŋ ira Sarai, Abramte ŋonâŋ, e Aigita mâreŋkonec kiŋaŋ naru‐ticne Haga rorâ ŋowe‐ticne Abram râcneme ŋonâŋ‐ticne ewec.
398	GEN 16:16	Abram e jara 86 bazuhame Isimae fuawec.
399	GEN 17:1	Abram e jara‐ticne 99 bazume Wofuŋzi fuacnerâ ʒiŋuc âzâcnewec: “No Anutu tâpiri rune, go nore maio bahacmâc juzemec.
410	GEN 17:12	Ŋoŋerao gaŋne gaŋne motec fua feniŋmu jaŋe fuarâ fohapie ʒoaŋ gie bapa 8 eme sahac‐jeŋicko ma bafârezo, ŋaŋacne ficko fuakicne erâ wâc ŋic furune moctaonec moneŋzi furine bakicne â gore soc biuckonec mi fuawec jukac e mâmâc.
415	GEN 17:17	Mume Abrahamzi ʒâŋe maine mâreŋko hetutuckerâ gâwiehuc ʒiŋuc manasuwec: “Ŋic moc e jara 100 bazume ŋokâ moc sâcne fuacneocmu, erâ Sara e jara‐ticne 90 bazuweczi kogoc moc sâcne roocmu?”
418	GEN 17:20	Â Isimaere wâc biac mana‐garekopac. Manakic, no e jambuŋkehuc ecnepe ɋâricfâcne fuarâ sawe mâririackenʒepieŋ. Ere bifuŋko ŋic fekicne 12 fuaniŋmu, erâ manacnepe ŋicguru sâko erâ juocmu.
422	GEN 17:24	Abraham e jara‐ticne 99 eha e jahacne sahac tofao ma bawec,
423	GEN 17:25	â ŋokâ‐ticne Isimae e ine jara‐ticne 13 eha sahacnao ma bawec.
449	GEN 18:24	Hae irec maŋnao ŋic tiŋne 50 juŋgopieŋko, irec go jaŋe mâmâc bâsirowec‐jopacmu me jaŋere erâ hae sifu mi akickenʒaŋ me? Iŋuc mac mi ezemec!
451	GEN 18:26	Eme Wofuŋzi muwec: “No Sodom haeo ŋic tiŋne 50 bâfuac‐jopapemuo ine jaŋere erâ gâcne sâko wâc hone akic ejarepemu.”
453	GEN 18:28	Ŋic tiŋne 50 muhape jaŋeraonec 5 basac‐jopacmu mecne, eme go jâmbomac 5 jaŋere erâ hae sâko bâsirowecmu me?” Mume muwec: “No ira 45 bâfuac‐joparâ hae i ima mi bapemu.”
454	GEN 18:29	Eme Abrahamzi ine mocwâc ʒuhuckerâ ʒiŋuc muhuc âzâcnewec: “Me ŋic 40 sawa bâfuac‐jopa wiac moc ecmu?” Eki muwec: “No 40 jaŋere erâ mi epemu.”
455	GEN 18:30	Eme Abrahamzi muwec: “No dâŋ ʒuhuckerâ mupe Wofuŋ‐nane go sifu mana‐naretec mi sâqoreoc: Ŋic 30 sawa bâfuac‐jopacmu mecne.” Eki muwec: “No 30 bâfuac‐joparâ mi epemu.”
456	GEN 18:31	Eme Abrahamzi muwec: “No Wofuŋ‐nane gohec muc manac ezore ropaŋ epac, ŋic 20 sawa ira bâfuac‐jopacmu mecne.” Wofuŋzi muwec: “No 20 jaŋere erâ hae i mi bâsirowepemu.”
457	GEN 18:32	Eme Abrahamzi muwec: “O Wofuŋ‐nane, no arec mocjaha sawa mac ʒuhuckerâ mupe sifu mi mana sâqore‐narezemec: Ŋic 10 sawa bâfuac‐jopa wiac moc etec!” Eki muwec: “No 10 jaŋere erâ hae i ima mi bapemu.”
518	GEN 21:4	Erâ Abraham e ŋokâ‐ticne Isaka fuarâ fohame ʒoaŋ gie bapa 8 tarame Anutuzi mucnewec irec sâcko hezuwec.
519	GEN 21:5	Abraham e ine jara‐ticne 100 eha ŋokâ‐ticne Isaka fuawec.
542	GEN 21:28	Eme Abraham e lama ŋokacne 7 bâtâcko râec‐jopame
543	GEN 21:29	Abimeliczi honerâ muwec: “Go wemocte lama ŋokacne 7 bâtâcko râec‐jopamec?”
544	GEN 21:30	Eki muwec: “Noni opâ nombâŋ ʒi ropo i goki ŋic jaŋere maio musanaŋkecmurâ lama ŋokacne 7 ʒi qikiŋne‐garepe rocjopazemec.”
571	GEN 22:23	Betuele ere bifuŋko ine Rebeka fuawec. Ŋokâ 8 i jaŋe Abraham ɋaticne Naho ere ŋonâŋ Milikazi rocjopawec.
573	GEN 23:1	Sara e jufeku jara dameŋ‐ticne 127 bazuwec.
587	GEN 23:15	“Ŋicbomboŋ, go mupe manac: Mâreŋ tofane mac moc irec furine siliwa moneŋ 100 ekac, erâ dâŋ wemocte boc munacmu. Go sifu qâŋɋâŋge duckec.”
588	GEN 23:16	Abraham e ine furinere maname sâckeme Hitiŋic jaŋere maio ŋemâc bâbâfuao râerâ râcnewec. I eebapa‐jeŋicte sâcko iŋuc ehuc siliwa moneŋ 100 râcnewec hâcne.
602	GEN 24:10	Erâ kiŋaŋŋic e bomboŋ‐ticnere kamelefâc jaŋeraonec 10 rocjopawec, erâ bomboŋ‐ticnere boreŋ ʒeŋaŋ wiac fuŋne fuŋne i mâmâc ameckerâ rawec. Rahuc juku Mesopotamia mâreŋko, Naho ere haeo hâcne fisiwec.
647	GEN 24:55	Rebeka neŋgoc hahacne jahe ine mupic: “Naru e woka moc me ʒoaŋ 10 nâŋehec juku razejec.”
666	GEN 25:7	Abraham e jufeku jara‐ticne 175 bazuwec.
675	GEN 25:16	Ŋic i jaŋe hâcne Isimaere ŋokâfâc, ʒâŋe‐jeŋic i hae‐jeŋic â qoruc boze‐jeŋic ŋerakac sâc mukicne. Jaŋe guru‐jeŋicte sâc ŋicwofuŋ 12 jumbiŋ.
676	GEN 25:17	Â Isimae dameŋ‐ticnere fuŋne ine ʒiŋuc: E jufeku jara 137 bazurâ hâmohuc mame sâkofâc‐ticne jaŋerao ʒuhuckewec.
679	GEN 25:20	Isaka e jara‐ticne 40 bazurâ Rebeka ŋonâŋ‐ticne rowec. E ine Mesopotamia mâreŋkonec Aramea ŋic Betuele ere otâ Labaŋte seŋ.
685	GEN 25:26	Izi ɋaticne fuawec, e meticnezi Esau kike kiririŋnao bahuc fuawecte ʒâŋene Jakobo mumbiŋ. Isaka e jara‐ticne 60 eha ŋokâ jahec‐ticne fuapic.
727	GEN 26:34	Esau e jara 40 bazurâ Hitiŋic Beri ere otâ ʒâŋene Juditi ŋonâŋ‐ticne rowec, erâ Hitiŋic Eloŋ ere otâ Basemata mâmâc rowec.
814	GEN 29:18	Eme Jakobore maŋzi Rahere domawecte muwec: “No ʒâhec otâge Rahe ere erâ jara 7 kiŋaŋ qagarezepac.”
816	GEN 29:20	Eme Jakobo e Rahere erâ jara 7 kiŋaŋ qahuc juwec, ehuc ere mâretec ecnewecte jarare maname ʒoaŋ afecne tinac ewec.
823	GEN 29:27	Irec keci ehec jutec woka moc tarame moc e wâc garepene ere erâ iŋuc jaha jara 7 ʒuhuckerâ kiŋaŋ qanarezemec.”
826	GEN 29:30	Eme Jakobo e Rahe ehec fowec wâc. Eme maŋticne Rahere kâcɋene domaha Leare afecne ecnewec. Ehame jara 7 ʒuhuckerâ Labaŋte kiŋaŋ qahuc juwec.
848	GEN 30:17	Eme Anutu e Lea manacneme motec kiweckerâ juku Jakobore ŋokâ moc rome 5 embiŋ.
850	GEN 30:19	Eme irec faicnao Leazi mocwâc motec kiweckerâ juku Jakobore ŋokâ moc rome 6 embiŋ.
851	GEN 30:20	Eme Leazi muwec: “Anutu e taha biaŋne tahacnume ŋowe‐nanere ŋokâ 6 rocjopapo, irec ʒi nohec paŋʒâic juocmu.” Iŋuc murâ ʒâŋene Sebuloŋ muwec.
881	GEN 31:7	Mamac‐ŋekiczi ine eatucnuhuc gie furi‐nane bafec bawahac eme arec 10 ewec, ehuc wiac‐nane nowac rohuc bâʒâicnuzacte Anutuzi hekecnewec.
897	GEN 31:23	soctofafâc‐ticne rocjopame ʒoaŋ 7 jâpe raku Gileade tikio bâfuambiŋ.
912	GEN 31:38	No gohec juhape jara 20 tarawec, ehame lama â noniŋfâcge jaŋe motec rocjopapie hâmo sipiric moc mi embiŋ, â gore lama guruonec ŋicne qa nâc moc mi ejarepo.
915	GEN 31:41	No jara 20 sâko ficgao kiŋaŋ qagarehuc jupo, jara 14 otâ jahecge jahere erâ epo â jara 6 qowifâcge jaŋere erâ epo, goki ine gie furi‐nane bafec bawahac etecne arec 10 ewec.
935	GEN 32:7	Eme kiŋaŋŋic jaŋe Jakoborao risierâ ʒiŋuc âzâcnembiŋ: “Nâŋe hahacge Esau bâfuambeŋ, e biac bâfuacguocte ŋicfâc‐ticne 400 jaŋehec warehuc jukac.”
943	GEN 32:15	Noniŋ ŋokacne 200 â ŋicne 20, erâ lama ŋokacne 200 â ŋicne 20,
944	GEN 32:16	kamele susu bapazi motecnehec 30 a bulimakao ŋokacne 40 â ŋicne 10, erâ doŋgi ŋokacne 20 â ŋicne 10.
948	GEN 32:20	Erâ soŋaŋ namba 2 â namba 3 erâ qowi guru gâcne soŋaŋ‐jopahuc rambiŋ jaŋe sasawa dâŋ ijaha jaza‐fârehuc muwec: “Ŋoŋe Esau bâfuarâ iŋuc hâcne âzâcnenʒepieŋ.
951	GEN 32:23	Eme Jakobo e hae mi fure taniŋkeha ŋafeoa faharerâ ŋonâŋ jahec‐ticne â kiŋaŋ ŋokac jahec‐ticne â ŋokâfâcne 11 jaŋe rocjopame Jaboko opâ rendacnao fotâcnembiŋ.
962	GEN 33:1	Eme Jakobo e ʒâŋe fime rame mi Esau â ŋicfâcne 400 warepie honec‐jopazejec i. Iŋuc honec‐joparâ naru motec bâtâc bacjoparâ Lea â Rahe erâ kiŋaŋ ŋokac jajahec jaŋerao râec‐jopawec.
964	GEN 33:3	E jahacne ine bânie‐jarehuc mâreŋko dape qâhâŋ eha arec 7 eme hahac‐ticnerao fisiwec.
980	GEN 33:19	Ehuc boze‐ticne bawec mâreŋ i Sikemte mamac, ʒâŋene Hamoro ere ŋokâfâc jaŋeraonec moneŋ kâcɋene 100‐zi furine bawec.
1035	GEN 35:23	Jakobo ŋokâfâcne 12 jumbiŋ. Leare ŋokâfâc ʒiŋuc: Rubeŋ, e Jakobo mârâc ŋokâ‐ticne, erâ Simeoŋ, Lewi, Juda, Isasa â Sebuloŋ.
1040	GEN 35:28	Isaka e jara‐ticne 180 bazuwec.
1086	GEN 37:2	Jakobo wiacfâcne jaŋere binaŋ kecʒiŋuc fokac: Josefe e jara‐ticne 17 bazume hahacfâcne jaŋehec mâmâc lama soŋaŋ jumbiŋ. E motec ɋâri juwecte mamac‐ticnere ŋokac jahec Biliha â Silipa jahere ŋokâfâc jaŋehec juwec hâcne. Eme jaŋe bahac i me i moc bâfuapie Josefezi irec dâŋ mamac‐ticne âzâcne jujec.
1093	GEN 37:9	Eme irec faicnao guŋ moc manawec i ŋuc jaha hahacfâcne binaŋ bajarehuc ʒiŋuc muwec: “Mananiŋ, no guŋ moc ʒiŋuc manapac: Mosa ʒoaŋ â bâpiŋ 11 jaŋe dape‐narembiŋ.”
1112	GEN 37:28	Eme Midiaŋ âbârâ ŋic jaŋe ware fisipie Josefe nombâŋkonec fârepie wefume Ismae ŋic jarepie furine siliwa moneŋ 20 jarembiŋ. Ehuc Aigita mâreŋko barambiŋ.
1198	GEN 41:2	bulimakao 7 biaŋne biuc sâko jaŋe Nilu opâonec wefurâ kecɋaŋ nâhuc domambiŋ.
1199	GEN 41:3	Ehame bulimakao 7 jaha ʒuhuckerâ wefumbiŋ, jaŋe ine sâqocne â siec sawa, erâ bâbâni wefumbiŋ jaŋerao rambiŋ.
1201	GEN 41:5	Erâ mocwâc qâmâckeme fohuc guŋ mocwâc ʒiŋuc manawec: Padi wefurâ domawec, kikene mocsâkoa â fârine ine 7, biaŋne â kâcɋene.
1202	GEN 41:6	Ʒâhec ine padi kikene moc wefuwec, fârine 7 jaha erâ piticne â jowareczi qakume ɋaŋakicne.
1214	GEN 41:18	Ehame opâonec bulimakao 7 biaŋne â biuc sâko wefurâ kecɋaŋ nâhuc domambieŋ.
1215	GEN 41:19	Eme ʒâhec bulimakao 7 jaha, sâqocne â siec sawa iŋuc jaha wefumbieŋ. No bulimakao sâqocne iŋucne Aigita mâreŋko moc mi honec‐jopahuc jupo.
1216	GEN 41:20	Eme bulimakao sâqocne jaŋe bâbâni bulimakao 7 biaŋne â biuc sâko nâcjopambieŋ.
1218	GEN 41:22	Erâ guŋ mocwâc manapac ine kecʒiŋuc: Padi wefurâ domajec, kikene mocsâkoa â fârine ine 7 biaŋne â kâcɋene.
1219	GEN 41:23	Eme ʒâhec padi kikene moc wefujec fârine 7 jaha, erâ jowareczi qakume ɋaŋakicne.
1222	GEN 41:26	Bulimakao biaŋne 7 izi jara 7 irec sâc ekac, erâ padi fârine biaŋne 7 izi jara 7 irec sâc jaha, irec guŋ jajaheczi mocjaha ekac.
1223	GEN 41:27	Bulimakao sâqocne 7 ʒâhec wefumbieŋ jaŋe jara 7 irec sâc jaha, erâ padi fârine aputac jowareczi qakicne izi roroc jara 7 irec sâc.
1225	GEN 41:29	Manakic, ʒi Aigita mâreŋko jara 7 mâriri sâko fuarâ foocmu.
1226	GEN 41:30	Eme mâriri dameŋ tarame roroc sâko fuarâ fokuhame jara 7 jaha taraocmu. Dameŋ irec maŋnao mâririre nikec‐jopame nânâre hâmo sipiric efâreniŋmu.
1230	GEN 41:34	Erâ go hae sâc kia râec‐jopa ratec jaŋe jara 7 mâriri maŋnao wiac fuaocmu sâc irec 5‐konec wâŋ rorâ râepie mâc fozejec.
1232	GEN 41:36	Iŋuc epie jacgoŋ â padi izi roroc jara 7 irec biŋe fozejec. Eme Aigita mâreŋko roroc fuarâ foha ŋiczi nânâre hâmo sipiric mi enʒepieŋ.”
1239	GEN 41:43	Erâ mume namba 2 keretac‐ticnao ferâ rahame ŋiczi bâniecnerâ ʒiŋuc wirahuc mumbiŋ: “Dieŋzi hecneniŋ!” Iŋuc ecnehuc Aigita mâreŋ sâko irec soŋaŋ âkendâŋnewec hâcne.
1242	GEN 41:46	Josefe e jara‐ticne 30 bazurâ Aigita ŋicwofuŋ Farao ere maio fuarâ domawec. Erâ Farao beherâ keretacko Aigita mâreŋ sâko fotâcne‐fârewec.
1243	GEN 41:47	Jara 7 irec maŋnao mâreŋ ira mâriri sâko jâmbâŋ fuawec.
1244	GEN 41:48	Eme Josefe e jara 7 irec maŋnao padi â jacgoŋ guru fufusuc fuawec i ro qâzuc erâ hae sâkoo râeme rafârewec. Hae sâko sâc râreckehuc gie forawec irecnec padi â jacgoŋ rorâ haeo râe qâzuc ewec hâcne.
1249	GEN 41:53	Eme Aigita mâreŋko jara 7 mâriri sâko fowec i tarame jara 7 jaha roroc dameŋ fuŋkerâ fuawec.
1256	GEN 42:3	Eme Josefe hahacfâcne 10 jaŋe nânâ furine baniŋte Aigita mâreŋko rambiŋ.
1266	GEN 42:13	Mume jaŋe ʒiŋuc mumbiŋ: “Kiŋaŋ qaqafâcge nâŋe 12‐zi jumbeŋ. Nâŋe hahac ɋa, ŋic mocjahare ŋokâfâc, Kanaaŋ mâreŋkonec. Ɋaʒâc‐nâŋec mamac‐nâŋehec jukac â ɋanâŋec moc ine mârâc jaha sifuckewec.”
1285	GEN 42:32	Nâŋe hahac ɋa 12 mamac‐nâŋecte ŋokâfâc, mocjahazi mârâc jaha sifuckewec â ɋaʒâc‐nâŋec e ine Kanaaŋ mâreŋko mamac‐nâŋechec jukac.’
1325	GEN 43:34	Josefezi ine mume e jahacne teboonec nânâ rorâ jarembiŋ. Ehuc gâcne jaŋere wâŋ wâŋ râehuc Benjamiŋte 5, 5, iŋuc râembiŋ. Eme jaŋe ehec nânâ â waiŋ opâ nâhuc bubiaŋ manambiŋ.
1365	GEN 45:6	Ʒi roroc foha biac jara jajahec tarakac, erâ he sarac â qa roro mi ee mâc jufekuhapene ʒuhuckerâ jara 5 taraocmu.
1370	GEN 45:11	Go ira juhaŋtec hone jauŋ egarepemu, i roroczi ʒuhuckerâ jara 5 foha go â wiacfâcge erâ wiac jugarekac sasawa ŋoŋe tac qararacne erâ junʒipiŋte iŋuc ezemec.’
1381	GEN 45:22	Erâ ru sâc hombaŋ ŋaqi mocjaha mocjaha jarehuc Benjamiŋ ine hombaŋ ŋaqi 5 â siliwa moneŋ 300 râcnewec.
1382	GEN 45:23	Ehuc mamac‐ticnere ine doŋgi 10, fainao Aigita mâreŋte wiac fâri biaŋ râekicne jaŋe mecne â doŋgi ŋokacne 10 padi â poroŋ â hatare nâsiŋhec jaŋe mâmâc râec‐jopame rambiŋ.
1402	GEN 46:15	Leazi Mesopotamia mâreŋko Jakobore ŋokâ rocjopawec ine hâcne, erâ otâ‐ticne Sine mâmâc; qâhâckepene naru motec 33 eŋgopieŋ.
1405	GEN 46:18	Labaŋzi otâ‐ticne Lea Silipa râcnewec, e Jakobore ŋokâfâc 16 rocjopawec hâcne.
1409	GEN 46:22	Rahe e Jakobore ŋokâfâc 14 i jaŋe hâcne rocjopawec.
1412	GEN 46:25	Labaŋzi otâ‐ticne Rahe Biliha râcnewec eki Jakobore ŋokâfâc rocjopawec jaŋere ʒare 7 hâcne.
1413	GEN 46:26	Ŋic ŋokac sasawa, Jakobore bifuŋko fuambiŋ erâ Aigita mâreŋko ra fisimbiŋ, jaŋere ʒare qâhâckepene 66 ekac. Jakobo ŋokâfâc‐ticne jaŋere ŋonâŋfâc ine jaŋerao mi ʒuhuc‐jopakicne.
1414	GEN 46:27	Josefere ŋokâ, Aigita mâreŋko fuacnepic ine jajahec sawa. Jakobore wiacfâc Aigita mâreŋko fisi‐fârembiŋ jaŋere ʒare 70 hâcne.
1423	GEN 47:2	Erâ hahacfâcne jaŋeraonec 5 rocjoparâ Faraore maio râec‐jopame domambiŋ.
1430	GEN 47:9	Jakobozi Farao dâŋ ʒiŋuc bâtikiecnewec: “Mâreŋko jaba juju‐nanere dameŋ jara 130 tarawec, i dameŋ bembeŋne mac erâ sifu ʒâic busâqoc‐ticnehec. Erâ mamac ŋosafâc‐nane jaŋe mâreŋko jaba juju‐jeŋicte dameŋ ʒoricne, no irec sâc mi bâfuakopac.”
1445	GEN 47:24	Eme juku fârine fuame ine 5‐konec wâŋ i Faraore biŋe eha, 4 ŋaŋacne biŋe ezejec, i gie mocwâc he sarac epie fârine fuame ŋaŋacne â wiacfâc‐ŋeŋic erâ naru motecfâc‐ŋeŋic ŋoŋe nâniŋte iŋuc enʒepieŋ.”
1447	GEN 47:26	Josefe e iŋuc hâcne ehuc Aigita mâreŋ‐jeŋicko sâcmutâc ʒiŋuc râeme foweczi fokac: Nânâ wiac 5‐konec wâŋ i Faraore biŋe râezo. Taha bapa jaŋere mâreŋ sawa Faraore biŋe mi ewec.
1449	GEN 47:28	Eme Jakobo e Aigita mâreŋko jara 17 ʒuhuckerâ jufeku jara‐ticne 147 bazuwec.
1502	GEN 49:28	Ŋic i sasawa jaŋe Israe ŋicguru 12 ine hâcne, erâ mamac‐jeŋiczi jambuŋ‐jopahuc dâŋ jazawec ine hâcne; ru sâc jambuŋdâŋ jazahuc buc buc jambuŋ‐jopawec hâcne.
1510	GEN 50:3	Gie i bahuc juhapie ŋafe ʒoaŋ 40 tarawec, dameŋ ʒora iŋuc hâcne gie i bajumbieŋ. Eme Aigita ŋic jaŋe ere ki mamakuc ehapie ʒoaŋ 70 tarawec.
1517	GEN 50:10	Eme jaŋe raku Goreŋ Atadi Jordaŋ opâ ocniŋucnao fokac, ira fisirâ soŋgâŋ bahuc ki kâcɋene kiombiŋ. Ehame Josefezi mamac‐ticnere erâ ki mamakuc eha ʒoaŋ 7 tarawec.
1529	GEN 50:22	Eme Josefe e jahacne â mamac‐ticnere kikefuŋ Aigita mâreŋko jumbiŋ. Josefe ine jufeku jara 110 bazuwec.
1533	GEN 50:26	Eme Josefe e jara 110 bazurâ hâmowec. Hâmome sahac babasanaŋ wokemaŋ ruacnerâ Aigita mâreŋko qâŋɋâŋ‐ticne katapa mocko râepie fowec.
1538	EXO 1:5	Jakobore ɋâricfâc sasawa jaŋere qâqâhâc ʒare 70; Josefe eki ine biac juwicnao Aigita mâreŋko ra juwec.
1571	EXO 2:16	Eme Midiaŋ ŋic jaŋere taha bapa ere otâfâc 7 jumbiŋ. Eme jaŋe ware mamac‐jeŋicte lama bulimakao opâ gumec‐jopaniŋte opâ fiarâ otoo hoŋkepie huwec.
1672	EXO 6:16	Ʒi Lewi ŋokâfâcne fuambiŋ sâc jaŋere ʒâŋe: Geresoŋ, Kohati â Merari. Lewi e jara 137 bazurâ hâmowec.
1674	EXO 6:18	Kohati ere ŋokâfâc: Amaram, Izara, Heboroŋ â Uʒiele. Kohati e ine jara 133 bazuwec.
1676	EXO 6:20	Eme Amaram e neŋgoc pitic‐ticne Jokebede ŋokac‐ticne bawec, eme eki hâcne Mose â Aroŋ rocjofawec. Amaram e ine jara 137 bazurâ hâmowec.
1693	EXO 7:7	Jahe Faraorao rarâ dâŋgie bapic dameŋ ira Mose e jara‐ticne 80, â Aroŋ eki ine 83 iŋuc bazupic.
1711	EXO 7:25	Wofuŋ e Nilu opâ qame wiac i fuarâ foha ʒoaŋ 7 tarawec.
1820	EXO 12:3	Erâ Israe kikefuŋ mâmâc sâko sâcmutâc ʒiŋuc ejarenic: Mosa kecʒirec gie bapa namba 10 ira ŋicne ŋicne jaŋe ŋokac naru motecfâc‐jeŋic jaŋere lama motec wâŋ wâŋ ronʒepieŋ, moc e garikiŋfâc‐ticne jaŋere lama wâŋ, moc e wâŋ, iŋuczi iŋuc.
1823	EXO 12:6	Baʒawiec‐joparâ bacjopa juhapie mosare gie bapa namba 14 ehame hae owâeme Israe kikefuŋ guru mâmâc sâko lama motec serec jaha hezuc‐jopanʒepieŋ.
1832	EXO 12:15	Ŋoŋe poroŋ goreŋ tâmiric nâhuc juhapie ʒoaŋ gie bapa 7 tarazejec. Gie bapa namba wâŋ ira goreŋ ficŋeŋickonec bârârienʒepieŋ. Eme moc e poroŋ goreŋhec nâocmu e Israe guruonec tuŋkepie huzejec. Dâŋ izi gie bapa wâŋkonec sâcmutâc‐ŋeŋic foraku 7‐ko tarazejec.
1833	EXO 12:16	Ʒoaŋ gie bapa wâŋ ira tutumaŋ tirine moc enʒepieŋ, erâ ʒoaŋ namba 7 ira tutumaŋ iŋucnea mocwâc fuazejec. Gie bapa jajahec mukicne ira gie moc mi banʒepieŋ, mâc ŋiczi nânâ nâniŋmu sâc i sawa rike bâmoc enʒepieŋ.
1835	EXO 12:18	Fufuŋke mosa irec ʒoaŋ gie bapa namba 14 owâcne fuŋkerâ goreŋ sowa jufeku ʒoaŋ namba 21 owâcnea behenʒepieŋ.