3	GEN 1:3	Eme Anutuzi ʒiŋuc muwec: “Tamaeoc!” Mume tamaewec.
9	GEN 1:9	Tarame Anutuzi ʒiŋuc muwec: “Sambâŋ rurumaŋnao opâ mockoa qâzuckepie kereŋnezi fua tâcneoc!” Mume iŋuc fuawec.
11	GEN 1:11	Eme Anutuzi muwec: “Mâreŋte faio wiac fofone i âkeʒurâ wefuoc! Nânâ monʒaŋ ʒariŋ wiac ukichec sasawa, â jâc wiac hândâŋ ukichec sasawa, iŋucne fuŋne fuŋne wefunʒepieŋ!” Mume iŋuc hâcne fuawec.
14	GEN 1:14	Tarame Anutuzi ʒiŋuc muwec: “Sambâŋko ʒoctamac fua raniŋ. Jaŋe hâcne ʒoaŋ â ŋafe bâtâc bacjofanʒepieŋ, ehuc hoemaŋ â sâko ʒoaŋ, gie bapa â jara irec dameŋ mufua‐nârehuc doma ranʒepieŋ!
15	GEN 1:15	Ehuc sambâŋte ʒoctamac erâ mâreŋ âke tamaenʒepieŋ!” Mume iŋuc fuawec.
20	GEN 1:20	Tarame Anutuzi ʒiŋuc muwec: “Opâ jaŋere maŋko opâ qowi fuŋne fuŋnezi fuarâ fusucmapie qiriŋ sâko fuazejec â wipe jaŋe sawao furuc furuc qahuc junʒepieŋ!” Mume fuawec.
22	GEN 1:22	Eme Anutuzi ʒiŋuc muhuc jambuŋ‐jopawec: “Ŋoŋe ukichec erâ sawe mâririackehuc opâ hâwec sâcke‐fârenʒepieŋ â wipe jaŋe mâreŋ faio sawenʒepieŋ!”
24	GEN 1:24	Tarame Anutuzi ʒiŋuc muwec: “Mâreŋzi wiac jujune fuŋne fuŋne kiweckerâ rozejec, hae qowi â homa gisic â kâte qowi fuŋne fuŋne!” Mume iŋuc fuawec.
26	GEN 1:26	Eme Anutuzi ʒiŋuc muwec: “Ajoc! Nâŋâc nâŋâcne hawarire sâcko ŋic bâfuac‐jopanaŋ! Jaŋe hâwec qowi â sawa wipe â hae qowi â kâte qowi sasawa erâ homa gisic wiac mâreŋko babarâ jueŋgopieŋ jaŋe ŋicwofuŋ ejarenʒepieŋ!”
28	GEN 1:28	Erâ jambuŋ‐jofahuc ʒiŋuc jasawec: “Ɋârichec ehuc fua sawec erâ mâreŋ ŋefusucmahuc ruckenʒepieŋ. Ehuc hâwec qowi â sawa wipe â mâreŋ qowi gisic wiac sasawa ŋicwofuŋ ejarenʒepieŋ!”
48	GEN 2:17	Fuŋne mamana jâc mocjaha ere fârine moc mi nâjâmbâŋkezemec! Sifu nâcmuo ine hâmo‐jâmbâŋkecmu.”
49	GEN 2:18	Eme Wofuŋ Anutuzi muwec: “Ŋic e buc jume mi biaŋkekac. Irec no ere sâc jaha âgo babafic‐ticne moc bâfuazepac!”
54	GEN 2:23	Jowa rame ŋiczi honerâ muwec: “Keʒi jâmbomac siec‐nane â biuc‐nane! E ŋickonec rokicnere ʒâŋene Ŋokac mucnezo.”
73	GEN 3:17	Adam ine ʒiŋuc âzâcnewec: “Go ŋonâŋgere dâŋ reŋkehuc jâchândâŋ mi nâjâmbâŋkecmurâ mupaŋke‐garepo i nâmec, irec gore ehuc mâreŋ sâweckekopac! Go ʒâic gie sâko tatara tâmiric bahuc nânâge bâfuazemec.
74	GEN 3:18	Ehame hofâ qinʒiŋ wiaczi giegao kosa fuaha irecnec monʒaŋ wiac nâhuc juzemec!
75	GEN 3:19	Fofoŋac sâkohec nânâge nârahuc juku mâreŋkonec rocgukicnere mocwâc risie mâreŋko jaha huzemec! Gâc wândoczi gâc wândocko jaha risiezemec!”
78	GEN 3:22	Wofuŋ Anutu e iŋuc erâ ʒiŋuc muwec: “Jei! Ŋic e biac nâŋâcne sâcko biaŋne â sâqocne irec fuŋne mamana ejec! E meticne sicnerâ jujujâcte hândâŋ rorâ nâhuc juju sanaŋ juzacte mi manacnezo.”
103	GEN 4:23	Juku Lamec e ŋonâŋ jahec‐ticne hefârec‐jofarâ ʒiŋuc jasawec: “Ada â Zila, ŋohe hazec râerâ dâŋnane mananic! Ŋonâŋ jahec‐nane, ŋohe saoreŋ gae‐nane maŋkenic! Jâmbomac jâmbâŋ, wicte okacne ŋic moc qapo, â ʒâpâ nukicnere ine motec mac moc.
135	GEN 5:29	Fuame ʒiŋuc muhuc ʒâŋene Noa muwec: “Anutuzi mâreŋ sâweckewecte ʒâic busâqoc faio gie sâko bahuc juhapene motec eki bâmiriŋ‐nâpozejec!”
145	GEN 6:7	Eme Wofuŋzi muwec: “Ŋic bâfuac‐jopapo jaŋe bâsirowec‐jopape mâreŋko omaenʒepieŋ, qowi â gisic wiac â sawa wipe jaŋe mâmâc, jaŋe bâfuac‐jopapore bunane hâhâtâwekac!”
195	GEN 8:11	Eme hapâzi owâcne erao risiehuc mi oliwa rehacne ɋâricne barezejec i! Iŋuc eme Noazi fuŋne ʒiŋuc manawec: Opâ fâre wahame mâreŋ fua rakac.
200	GEN 8:16	“Go â ŋonâŋge erâ ŋokâ joŋaofâcge, ŋoŋe wokeonec wahaniŋ!
206	GEN 8:22	Mâreŋte dameŋ fofeocmu sâc: Hesarac â qa roro, mâmâteŋ â fâroroc, hoe dameŋ â ʒoaŋ dameŋ, ŋafe â furec iŋuczi iŋuc ʒuʒuhuc fofehuc juzejec!”
210	GEN 9:4	Mocjaha, qowi socnehec ine mi nânʒepieŋ! Erâ ʒiŋuc mananiŋ:
213	GEN 9:7	Ŋoŋe ine ukichec ehuc sawe mâririackenʒepieŋ. Eme mâreŋ rauckehuc guriŋne banʒepieŋ!”
217	GEN 9:11	ŋoŋehec mâmâc ʒâʒâfic sanaŋ ekopac, irec rumi sâko mocwâc fisirâ mâreŋte wiac jujune â mâreŋ e jahacne mi imac‐ŋopa‐fârezejec!”
223	GEN 9:17	Anutuzi iŋuc murâ ʒuhuckerâ Noa ʒiŋuc âzâcnewec: “Mâreŋko ŋoŋehec ʒâʒâfic sanaŋ ekopac irec ma ine hâcne!”
231	GEN 9:25	“Sâweczi Kanaaŋ ere faio fezejec, e hahac jahec‐ticne jahere kiŋaŋ motec wawahane juzejec!”
232	GEN 9:26	Iŋuc murâ ʒiŋuc ʒuhuckerâ muwec: “Wofuŋ Anutu‐nanezi Sem jambuŋkezejec ehame Kanaaŋ e ine kiŋaŋ motec‐ticne juzejec!”
302	GEN 12:3	Go jambuŋguniŋmu i noni wâc jambuŋ‐jopapemu, â go sâwecguniŋmu i noni iŋuc jaha sâwec‐jopapemu. Â goraonec jambuŋzi ŋeratierâ mâreŋŋic sâcjopa‐fârezejec!”
318	GEN 12:19	E ŋonâŋ‐nane, go iŋuc wemocte mi nazameŋ? E seŋnane, iŋuc wemocte mutec nore ŋonâŋ erâ juocte ficnaneo râepo? Ajoc, ʒi ŋonâŋge mocwâc jowarâ wisec!”
416	GEN 17:18	Abraham e iŋuc ehuc Anutu ʒiŋuc âzâcnewec: “Go mana‐naretec Isimaezi gore maio jufezac me!”
427	GEN 18:2	Eme qâhâŋnerâ ʒâŋe fime feme mi ŋic jahec â moc ututuŋ jaha mainao domapie honec‐jopazejec i! Honec‐joparâ izia boze motâckonec faharerâ gasacke ra bâfuac‐jopahuc mâreŋko fodaperâ
430	GEN 18:5	Ehame no nahac ine ra poroŋ mac moc roŋarepe nâqiŋnerâ razo murâ ranʒepieŋ. Kiŋaŋ qaqa‐ŋeŋic norao mac fisiŋgopieŋte weniŋuc qâoma ezo!” Mume mumbiŋ: “Sâcne, mukomec iŋuc ec.”
449	GEN 18:24	Hae irec maŋnao ŋic tiŋne 50 juŋgopieŋko, irec go jaŋe mâmâc bâsirowec‐jopacmu me jaŋere erâ hae sifu mi akickenʒaŋ me? Iŋuc mac mi ezemec!
457	GEN 18:32	Eme Abrahamzi muwec: “O Wofuŋ‐nane, no arec mocjaha sawa mac ʒuhuckerâ mupe sifu mi mana sâqore‐narezemec: Ŋic 10 sawa bâfuac‐jopa wiac moc etec!” Eki muwec: “No 10 jaŋere erâ hae i ima mi bapemu.”
466	GEN 19:8	Manaŋgopieŋ, nore otâ jajahec jukopirec, jahe ŋichec moc mi jupic. No jahe jowac‐jofa wahape wiac iŋuc me iŋuc ejactezo murâ ejacteniŋ. Mocjaha, ŋic ʒi jahe ine wiac moc mi ejactenʒepieŋ, jahe nore ficko wefupirec i!”
467	GEN 19:9	Jaŋe ine mumbiŋ: “Go wisec!” Erâ âzâcnembiŋ: “Go wiwickonec warekicnezi ŋondeŋ‐nâŋecko jaba juhuc mutiŋ‐nâpozo mukic me? Nâŋe jahe wiac ejactezo mumbeneŋ irec sâc sirickehuc go egarenaŋmu.” Jaŋe iŋuc murâ Loti ro fârec ecnehuc motâc qanʒaŋnezo fuŋkembiŋ.
472	GEN 19:14	Eme Loti e ra otâ jahec‐ticne jahere ŋicbiŋe ʒiŋuc jasawec: “Ajoc, fahare wiserâ ranic! Wofuŋzi hae ʒi ima bazo ekac.” Jahe ine manapire ʒoraŋ ekac tinac ewec.
473	GEN 19:15	Eme furic râeme aŋelo jahe Loti fâro ecnehuc mupic: “Ŋic ʒi jaŋere sâqocnere erâ mâmâc hâmozicte fahare ŋonâŋge â otâ jahecge ʒi rocjopatec wiserâ raniŋ!”
475	GEN 19:17	moczi ʒiŋuc âzâcnewec: “Ajoc, go mâmâc sipirickezicte wiserâ razemec! Erâ forisie mi fizemec â Jordaŋ wâneŋko ŋec domac wâc mi ezemec! Sipirickezicte tikio wiserâ fezemec!”
480	GEN 19:22	Mâc go ira mi fisihaŋtec no wiac moc ezo murâ eipiezipore gasackehuc wiserâ ira rac!” Irec hae irec ʒâŋe Zoari mukicne.
549	GEN 22:1	Wiac i tara‐fâreha Anutuzi Abraham esâickehuc muwec: “Abraham!” Eki muwec: “No ʒi.”
555	GEN 22:7	Eme Isakazi mamac‐ticne Abraham âzâcnewec: “Mamac!” Eme muwec: “Ŋokâ‐nane, no ʒi.” Eki muwec: “Ʒoc ʒakicne â ɋâricne i bajukoperec, â bâzi rikenacmu irec lama ine weni?”
559	GEN 22:11	Ehame ine Wofuŋte aŋelozi sambâŋkonec wiracnehuc muwec: “Abraham, Abraham!” Eme muwec: “No ʒi.”
585	GEN 23:13	“I sâcne, erâ sifu mac moc mana‐narenʒaŋ! No mâreŋte furine garepe rozemec, eme qâŋɋâŋ‐nane ira duckezepac.”
623	GEN 24:31	Eme muwec: “Wofuŋzi jambuŋguwec go wefuc me! Wemocte hae râpeo domakic? No fic biac emasaŋkepac, â kamele jaŋere ŋeŋe fofo irec sawane wâc fokac.”
683	GEN 25:24	Eme motec roro dameŋ‐ticne maickeme bunaonec mi funʒuŋ fâri fuazepirec i!
689	GEN 25:30	Jakobo ʒiŋuc âzâcnewec: “Wiac bâbâroŋ keci moc biac naretec nâpe, no nânâre hâmo sâqorekopac i!” Irec hâcne ʒâŋe‐ticne Edom mukicne.
702	GEN 26:9	Honerâ Isaka hefâreme fisime âzâcnewec: “E ŋonâŋge i! Fuŋne weniŋucte ‘E seŋnane’ mumec?” Isakazi muwec: “Jâmbomac, no ere erâ nupie hâmozipore hâwicnume mupo.”
720	GEN 26:27	Eme Isakazi ʒiŋuc jazawec: “Ŋoŋe wemocte norao wareŋgopieŋ? Ŋoŋe râsi enarehuc jâpecnupie warepo i!”
729	GEN 27:1	Eme Isaka e jufeku ŋicqizec erâ ʒâŋe‐ticne mâteŋkeme wiac sâcne mi honehuc mârâc ŋokâ‐ticne wiracnerâ âzâcnewec: “Ŋokâ‐mae!” Eki muwec: “No ʒi.”
746	GEN 27:18	Eme eki mamac‐ticnerao barerâ muwec: “Mamac‐nane!” Eki muwec: “Motec‐mae, no ʒi, go ine mo?”
757	GEN 27:29	Ŋicne ŋicne jaŋe kiŋaŋ qagarenʒepieŋ â ŋic gurune gurune jaŋe gorao dapenʒepieŋ! Go hahac ɋafâcge ŋicbomboŋ ejarezemec eme neŋgocgere ɋâricfâc jaŋe gorao dapenʒepieŋ! Go sâwecguniŋmu jaŋe sâwec‐jopazo, â go jambuŋguniŋmu jaŋe jambuŋ‐jopazo!”
766	GEN 27:38	Eme Esauzi mamac‐ticne âzâcnewec: “Mamac‐nane, jambuŋge mocjaha mac sawa fogarejec me? O mamac‐nane, no sifu jambuŋnuzemec wâc!” Eme Isaka e dâŋemâc ŋeha Esauzi ki owa kâcɋene ewec.
786	GEN 28:12	Guŋko ine riri moc honewec, fuŋne mâreŋko domawec â botâŋnezi fe sambâŋ âke uawec, ehame Anuture aŋelofâc jaŋe mi ririo fefec wawahac enʒepieŋ i!
791	GEN 28:17	Erâ sahacne gâgâmârâme kecʒiŋuc muwec: “Mâreŋ ʒi qeŋ bipinehec i! Jâmbomac, ʒi Anuture ŋeŋe hae â sambâŋte motâc hâcne.”
815	GEN 29:19	Eme Labaŋzi muwec: “E ŋic furune moc mi râcnehuc go garepe sâcke‐jâmbâŋkeocmu, irec nohec juzemec!”
821	GEN 29:25	Hae fureme ine Jakobozi honeme mi Lea ezejec i! Eme Labaŋ ʒiŋuc âzâcnewec: “Go wemo mâsi enaremec? No Rahere erâ kiŋaŋ qagarepo i! Go wemocte eatucnumec?”
842	GEN 30:11	Rome Leazi muwec: “Bubiaŋ!” iŋuc murâ ʒâŋene Gade muwec.
844	GEN 30:13	Eme Leazi muwec: “No ʒeri‐nanehec! Ŋokac jaŋe nore manapie ʒerine eocmu.” Iŋuc murâ ʒâŋene Ase muwec.
885	GEN 31:11	Eme Anuture aŋelozi ʒiŋuc nazawec: ‘Jakobo!’ Eme no âzâcnepo: ‘No ʒi.’
886	GEN 31:12	Eme muwec: ‘Go ʒâŋege qâhâŋnerâ honec: Lama noniŋ ŋicnezi ŋokacne hucjopaeŋgopieŋ jaŋe qâqâreŋ, kuiqâreŋ â tiŋpâc tiŋpâc sasawa! No Labaŋzi wiac egarewec i hone manac efârepo.
931	GEN 32:3	Eme Jakobozi honec‐joparâ muwec: “I Anutu momorifâc‐ticne jaŋere toma i!” Irec hae mâreŋ irec ʒâŋe Mahanaim muwec.
989	GEN 34:8	Hamoro e ine ʒiŋuc muhuc jazawec: “Ŋokâ‐nane Sikem e maŋticne ere sanaŋne domakacte sifu ŋonâŋ‐ticne eocte râcneniŋ me!
992	GEN 34:11	Eme Sikem e Dina mamac‐ticne â seŋfâcne ʒiŋuc jazawec: “Ŋoŋe sifu mac mana‐nareniŋ! Eme wiac muniŋmu sâc i ŋarepemu.
1103	GEN 37:19	ʒiŋuc muc manac embiŋ: “Honeniŋ, guŋŋic warekac kecocna!
1106	GEN 37:22	Erâ ʒuhuckerâ jazawec: “Socticne mi hoŋkeniŋ! Mâreŋ tuhuo nombâŋ moc fokac ira behepie huoc, juju‐ticne ine akickenʒepieŋ.” E mejeŋickonec batararâ mamac‐ticnerao bârisieocte manasuhuc iŋuc muwec.
1114	GEN 37:30	ɋafâcne jaŋerao risierâ muwec: “No motec e basakopac i! Irec weniŋuc epe.”
1116	GEN 37:32	Iŋuc erâ ŋaqi menehec i mamac‐jeŋictao ʒiŋuc muhuc râepie rawec: “Wiac bâfuambeŋ i honec! I ŋokâge Josefere ŋaqi me mâcne?”
1119	GEN 37:35	Eme naru motecfâcne jaŋe sasawa faharerâ mu bâmiriŋ ecnezo mupie mana‐bipiehuc muwec: “Aricne, no ki busâqoc ehuc juku hâmorâ ŋokâ‐nanerao hâmoc haeo huzepac!” Mamacnezi iŋuc hâcne murâ kiohuc juwec.
1147	GEN 38:27	Eme motec roocte dameŋne maickeme mi funʒuŋ fâri rocjofazejec i!
1164	GEN 39:14	kiŋaŋ qaqafâcne wira‐jarerâ ʒiŋuc jazawec: “Keci honeniŋ! Potifa e Hebiraio ŋic moczi kosa enâreocte baware‐nârewec i! E nohec foocte wefume owa ruruckepac.
1167	GEN 39:17	Eme binaŋ ijaha bacnehuc muwec: “Hebiraio kiŋaŋŋic jowa waremeŋ, e wiac kosa enareocte wefujec i!
1200	GEN 41:4	Erâ bulimakao sâqocne â siec sawazi mi biaŋne biuc sâkohec jaŋe ɋâcjopanʒepieŋ i! Eme Farao e guŋkonec ɋârewec.
1239	GEN 41:43	Erâ mume namba 2 keretac‐ticnao ferâ rahame ŋiczi bâniecnerâ ʒiŋuc wirahuc mumbiŋ: “Dieŋzi hecneniŋ!” Iŋuc ecnehuc Aigita mâreŋ sâko irec soŋaŋ âkendâŋnewec hâcne.
1255	GEN 42:2	Aigita mâreŋko nânâ wiac sâcne furine bazo, no iŋuc mupie manakopac i! Irec ŋoŋe ira ra furine barâ bawareniŋ, nâŋâc nânâre hâmo sipiric enʒipeŋte.”
1263	GEN 42:10	Jaŋe mumbiŋ: “Bomboŋ, iŋuc mâcne! Kiŋaŋ qaqafâcge nâŋe nânâ furine banaŋte warembeneŋ.
1275	GEN 42:22	Eme Rubeŋzi ʒiŋuc jazawec: “No ŋazapo i! Ŋoŋe motec mac e wiac sâqocne mi ecnenʒepieŋ, ŋoŋe ine dâŋnane mana takirembiŋ irec ʒi fuŋne honeŋgopieŋ: Socticnere kiŋte okacne fisi‐nârekac.”
1288	GEN 42:35	Eme jaŋe ru sâc târu‐jeŋickonec padi hoŋkehapie mi moneŋ kânoŋ‐jeŋic moneŋhec wahame bâfuanʒepieŋ i! Eme motec jaŋe mecne, mamac‐jeŋic mecne, moneŋ kânoŋ moneŋhec honerâ hâwic‐jopawec.
1312	GEN 43:21	Eme ra juku fic fombeŋ ira fisirâ târu‐nâŋec firuerâ mi târu sâc moneŋ nânâ faio fome bâfuanʒepeneŋ i! Eme moneŋ i hâcne mocwâc bawarembeneŋ.
1322	GEN 43:31	Erâ ʒâŋe mai‐ticne ʒurerâ mocwâc waha sanaŋkerâ muwec: “Nânâ râeniŋ!”
1342	GEN 44:17	Eki ine muwec: “Iŋuc misac! Târu‐ticnao râqâc bâfuakicne e sawa kiŋaŋŋic‐nane juzejec, gâcne ŋoŋe ine wamao mamac‐ŋeŋictao sâcne ranʒepieŋ.”
1343	GEN 44:18	Iŋuc mume Judazi mai ferâ muwec: “O bomboŋ‐nane, kiŋaŋŋicge no gore maio dâŋ micafec jaha mupe manarâ buge mi wefuzejec, go Faraore sâc jukic i!
1363	GEN 45:4	Ehame Josefezi hahacfâcne jazawec: “Ŋoŋe ware mai domaniŋ!” Eme jaŋe rarâ mai domahapie ʒiŋuc muwec: “No ɋaŋeŋic Josefe, Aigita ŋic jaŋerao râecnuhuc furi rombiŋ, no hâcne ʒi.
1389	GEN 46:2	Eme Anutuzi guŋko Israe ʒiŋuc âzâcnewec: “Jakobo, Jakobo!” Eki ine muwec: “No ʒi.”
1436	GEN 47:15	Eme juku Aigita mareŋko mecne, Kanaaŋ mâreŋko mecne moneŋ omaeme ŋic jaŋe Joseferao fisirâ mumbiŋ: “Go nânâ bâfua‐nârec! Nâŋe wemocte gore maio hâmo sipiric ehapene hone qâoma enâreekic? Moneŋ‐nâŋec omaewec hâcne.”
1452	GEN 47:31	Eme muwec: “Mupaŋke‐narec!” Eme mupaŋkecnewec. Eme Israe e fofo‐ticnere roŋgâŋkopec dapewec.
1470	GEN 48:18	Ehuc muwec: “Mamac, iŋuc mâcne! Ʒizi mârâc motec, irec mefârege ere qizecko râec.”
1476	GEN 49:2	Ŋokâfâc‐nane, ŋoŋe tumaŋne‐fâreniŋ, ehuc mamac‐ŋeŋic Israe norao hazec râeniŋ!
1522	GEN 50:15	Josefe hahacfâcne jaŋe mamac‐jeŋic hâmome honerâ mumbiŋ: “Josefe e wiac sâqocne ecnembeŋ sasawa irec juku qaisoc‐nâpohuc okacne wiac moc nâreme!”
1561	EXO 2:6	Eme bawefume tapane rorâ mi motec moc kiohuc foha honezejec i! Ehuc bune sâqoreme muwec: “Hebiraio ŋic jaŋere ɋâric moc ʒine hâcne.”
1584	EXO 3:4	Iŋuc murâ wiac i hone taraocte ipec rame Wofuŋ Anutuzi honerâ jâc dutu maŋkonec wiracne muwec: “Mose, Mose!” Eme muwec: “No ʒi.”
1608	EXO 4:6	Erâ Wofuŋzi ʒuhuckerâ ʒiŋuc âzâcnewec: “Mege ŋaqimaŋko esoriec.” Eme e meticne ŋaqimaŋko esoriewec, eme mocwâc unuckeme mene mi wakoc sasawa ehuc qaŋqaŋ jâmbâŋ ezejec i!
1637	EXO 5:4	Aigita ŋicwofuŋzi ine jasawec: “Mose â Aroŋ, ŋohe wemocte ŋic jaŋe gie‐jeŋic beheniŋte mukopirec? Ŋohe kâpâcwâru gie‐ŋekic ra banic me!”
1649	EXO 5:16	Sopâc uucne mocwâc mi nârehuc sifu ʒiŋuc munâreŋgopieŋ: ‘Qânâ rikenʒepieŋ!’ Iŋuc muhuc kiŋaŋ qaqafâcge nâŋe nâpoŋgopieŋ wâc. Go ŋicfâcge nâŋe iŋuc enârehuc kiŋsâko hurekomec i!”
1695	EXO 7:9	“Farao e, ‘Dâŋŋekic dopeckehuc mâsi moc banic,’ iŋuc ŋasame Aroŋ âzâcnezemec, ‘Gunuge rorâ Faraore maio mâreŋko behetec homa ezejec!’”
1788	EXO 10:10	Eki ine jasawec: “No ŋoŋe â ŋokac motecfâc‐ŋeŋic râec‐ŋopape ra wiac moc eniŋmuo ine Wofuŋzi ŋoŋehec juzo murâ juzejec. Ŋoŋe wiac hehesicne eniŋte maŋkerâ juŋgopieŋ i tâtâc fokac i!
1849	EXO 12:32	Erâ lama bulimakaofâc‐ŋeŋic mâmâc amec‐jopa raniŋ; eme nunumu‐ŋeŋicte fârine i norao fotâcnezejec wâc!”
1915	EXO 14:25	Ehuc mume keretac‐jeŋicte ʒafeŋgâŋne ŋetarame ʒuhuckerâ raniŋte eipiembiŋ. Iŋuc fuame Aigita ŋic jaŋe mumbiŋ: “Israe ŋic behec‐joparâ wiserâ ranaŋ me! Wofuŋ e jahac bafic‐jopakac i! I Aigita ŋic nâŋâc nâpoocte iŋuc ekac.”