2	GEN 1:2	Ehame mâreŋ e sisifucne â tacne fowec, â ʒâkâŋ ʒora duŋdapâczi foŋkewec, ehame opâ faicko Wofuŋte Mârozi teŋ hâmorâ rac warec ewec.
6	GEN 1:6	Tarame Anutuzi ʒiŋuc muwec: “Opâ ŋondeŋko aka sanaŋ moc fuaoc, ehuc izi opâ bâtâc bazejec.”
11	GEN 1:11	Eme Anutuzi muwec: “Mâreŋte faio wiac fofone i âkeʒurâ wefuoc! Nânâ monʒaŋ ʒariŋ wiac ukichec sasawa, â jâc wiac hândâŋ ukichec sasawa, iŋucne fuŋne fuŋne wefunʒepieŋ!” Mume iŋuc hâcne fuawec.
12	GEN 1:12	Mâreŋzi âke sueme nânâ monʒaŋ ʒariŋ wiac fuŋne fuŋne, ukic‐jeŋichec sasawa wefumbiŋ, â jâc fuŋne fuŋne fârihec â fârimaŋko ukic‐jeŋichec sasawa. Eme Anutuzi honeme biaŋkewec.
14	GEN 1:14	Tarame Anutuzi ʒiŋuc muwec: “Sambâŋko ʒoctamac fua raniŋ. Jaŋe hâcne ʒoaŋ â ŋafe bâtâc bacjofanʒepieŋ, ehuc hoemaŋ â sâko ʒoaŋ, gie bapa â jara irec dameŋ mufua‐nârehuc doma ranʒepieŋ!
16	GEN 1:16	Anutuzi iŋuc ehuc ʒoctamac sâko jajahec bâfuac‐jofawec, kâcɋene moc e ʒoaŋko micne barâ juocte â kâkâcɋene moc e ŋafeo micne barâ juocte. Erâ wâc bâpiŋ mâmâc bâfuac‐jopawec.
21	GEN 1:21	Anutuzi hâwec qowi sâko mako mecne â wiac jujune fuŋne fuŋne opâmaŋko qiriŋhec foŋgopieŋ, â wipe fakechec fuŋne fuŋne, iŋuc bâfuac‐joparâ honeme biaŋkewec.
24	GEN 1:24	Tarame Anutuzi ʒiŋuc muwec: “Mâreŋzi wiac jujune fuŋne fuŋne kiweckerâ rozejec, hae qowi â homa gisic â kâte qowi fuŋne fuŋne!” Mume iŋuc fuawec.
29	GEN 1:29	Anutuzi iŋuc murâ ʒiŋuc jasawec: “No monʒaŋ wiac ukic‐ticne tie raekac â jâcfâri nânâne ukic‐ticnehec ʒi râe‐ŋactekopac, izi nânâ‐ŋekic ezejec.
30	GEN 1:30	Â mâreŋ qowi â sawa wipe â homa gisic wiac nokafehec bâfuac‐jopakicne, jaŋere nânâ ine sopâc hofâ qinʒiŋ wiac râekopac.” Eme iŋuc fuawec hâcne.
34	GEN 2:3	Iŋuc ehuc Anutuzi ʒoaŋ 7 hâcne jambuŋkehuc bâtiriwec, i wiac mocte mâcne, wiac sasawa bâfua tararâ ŋemanaocte hombaŋ ŋewec.
35	GEN 2:4	Kecʒi sambâŋ â mâreŋ kikefuŋfâc‐jekic jaŋehec bâfuac‐jopa wefukicne irec binaŋ. Wofuŋ Anutuzi sambâŋ â mâreŋ bâfuac‐jofawec dameŋ ira jâc me monʒaŋ wiac fuŋne fuŋne mâreŋko mi fua rawec,
36	GEN 2:5	i Wofuŋ Anuture micte hoezi moc mi hewecte, â gie hesarac ee ŋic mi bâfuac‐jopakicnere iŋuc hâcne fowec.
40	GEN 2:9	Eme Wofuŋ Anutuzi mâreŋ ecneme e jâc hone aŋacnehec â fâri nânânehec biaŋne fuŋne fuŋne âke sueme wefuwec, jufu ʒâʒâŋiŋnao ine jujujâc â fuŋne mamana jâc jahe wefupic.
42	GEN 2:11	Moc ʒâŋene Pisoŋ, izi Hawila mâreŋ orâŋke‐fârekac. Ira gol fokac.
45	GEN 2:14	Â ombâŋne moc ʒâŋene Tigirisi, eki Asiria mâreŋ ʒoaŋ wewefu‐ticnao hurakac. Â ombâŋne moc ʒâŋe‐ticne Eufrata.
58	GEN 3:2	Eme ŋokaczi homa âzâcnewec: “Nâhe jufuo jâcne jâcne doma rakac irec hândâŋne sâcne nanacte mana‐nâctekicne,
59	GEN 3:3	â jufu ʒâʒâŋiŋko jâc moc domakac irec hândâŋne ine Anutuzi mi nanacte, erâ wâc mi bâuanacte muwec, iŋuc erâ hâmozipecte.”
60	GEN 3:4	Eme homazi ŋokac âzâcnewec: “Aricne, ŋohe mi hâmonicmu.
62	GEN 3:6	Eme ŋokaczi jâc honerâ ʒiŋuc manawec: Jâchândâŋ i nânâne biaŋ â hawarine hone aŋac eene, erâ wâc mamana bâbâfua‐ticnehec muhuc maname biaŋkewec. Iŋuc eku hândâŋ i batararâ nâwec. Nâhuc ŋowene râcneme nâwec wâc.
66	GEN 3:10	Eme muwec: “No jufuo hata jutec fânâŋge manarâ, biuctac jukopacte hâwicnume soŋkepac.”
71	GEN 3:15	Erâ go â ŋokac ŋoherao kikisâ sanaŋ râekopac, izi ɋâricge â ɋâric‐ticne jaherao wâc fozejec. Eme eki qizecge âtenʒaŋneocmu, goki ine kike kiririŋne kinʒaŋnecmu.”
72	GEN 3:16	Ŋokac ine ʒiŋuc âzâcnewec: “Kiwechec juhaŋtec ʒâic bocjaha bâfua‐garepemu, eme gozi kicgukuhame naru motec rocjopazemec. Ŋowegere aŋacguha eki bomboŋ egarezejec.”
73	GEN 3:17	Adam ine ʒiŋuc âzâcnewec: “Go ŋonâŋgere dâŋ reŋkehuc jâchândâŋ mi nâjâmbâŋkecmurâ mupaŋke‐garepo i nâmec, irec gore ehuc mâreŋ sâweckekopac! Go ʒâic gie sâko tatara tâmiric bahuc nânâge bâfuazemec.
76	GEN 3:20	Eme ŋic e ŋonâŋ‐ticnere ʒâŋe Ewa muwec, e mâreŋko ŋic sasawa fuambeŋ nâŋâcne neŋgoc fuŋfuŋ ewec hâcne.
79	GEN 3:23	Wofuŋ Anutu e iŋuc murâ ŋic soreme Edeŋ jufuonec hurâ rawec, e mâreŋzi bakicnere hu mâreŋ sawanao e jahac gie he sarac eocte.
87	GEN 4:7	Go biaŋne jutec mana‐garepe sâckeocmu. Biaŋne mi jucmuo ine sâqocnezi motâc râpeo soŋkerâ ruc bagareocmu. E gore hâcne ecnekac, go ine aka hecnezemec.”
88	GEN 4:8	Eme Kaiŋzi ɋaticne Abe âzâcne muwec: “Nâhâc gieo ranac.” Mume gieo ra jupic, ehuc Kaiŋzi fahare ɋaticne Abe qarâ qâhâmowec.
89	GEN 4:9	Eme Wofuŋzi Kaiŋ ʒiŋuc wiocnewec: “Ɋage Abe wena jukac?” Eki muwec: “Mi manakopac, no ɋananere soŋaŋ me?”
91	GEN 4:11	Irec sâwec faigao fekac, ehuc mâreŋ, micne aŋkehuc ɋagere soc megaonec rorâ nâjec, mâreŋ izi jâpecgukac.
94	GEN 4:14	Go miŋecgac gie hesarac mâreŋkonec jâpecnukomec, irec ʒâŋesoŋ bagarerâ wise wise juhuc ra ju ware ju epemu, ehame ŋiczi bâfuacnurâ qâhâmocnuniŋmu.”
95	GEN 4:15	Eme Wofuŋzi muwec: “Iŋuc misac, moc e Kaiŋ qâhâmome okacne arec 7 irec sâc râcnezo.” Iŋuc murâ Kaiŋ sahacnao maqâreŋ moc râewec, moczi moc bâfuarâ qanʒipiŋte.
96	GEN 4:16	Eme Kaiŋ e Wofuŋte maionec rarâ mâreŋ moc ʒâŋene Nodi, Edeŋ ʒoaŋ wewefu‐ticnao, ira juwec.
98	GEN 4:18	Enokore ŋokâ moc fuawec ʒâŋene Iradi, eme ere bifuŋko Mehujae fuawec, Mehujae ere bifuŋko Metusae fuawec, Metusae ere bifuŋko Lamec fuawec.
99	GEN 4:19	Lamec e ine ŋokac jajahec rocjofawec, moc ʒâŋene Ada, moc Zila.
100	GEN 4:20	Ada e motec kiweckerâ Jabali rowec, e qoruc bozeo juju fofo eere â bec bulimakao hone soŋaŋ giere fufuŋke ŋic.
102	GEN 4:22	Zila e iŋuc jaha motec kiweckerâ ŋokâ moc rowec ʒâŋene Tubali‐Kaiŋ, eki aeŋzi wiac fuŋne fuŋne bapa ŋicguru jaŋere fufuŋke ŋic â micne ewec. Tubali‐Kaiŋ seŋticnere ʒâŋe ine Nama.
103	GEN 4:23	Juku Lamec e ŋonâŋ jahec‐ticne hefârec‐jofarâ ʒiŋuc jasawec: “Ada â Zila, ŋohe hazec râerâ dâŋnane mananic! Ŋonâŋ jahec‐nane, ŋohe saoreŋ gae‐nane maŋkenic! Jâmbomac jâmbâŋ, wicte okacne ŋic moc qapo, â ʒâpâ nukicnere ine motec mac moc.
109	GEN 5:3	Eme ŋic e jara 130 bazuhame ere bifuŋko ŋokâ moc, e jahacne sâc â hawari iŋucne fuawec, eme ʒâŋe‐ticne Sete muwec.
138	GEN 5:32	Noa e jara 500 bazume ere bifuŋko ŋokâ 3 fuambiŋ, ʒâŋe‐jeŋic Sem, Ham â Jafete.
139	GEN 6:1	Ŋiczi mâreŋko sawe mâririackezo ehapie narufâc‐jeŋic wâc bocjaha fuambiŋ,
140	GEN 6:2	dameŋ ira nemu jaŋe ŋic jaŋere narufâc hawari biaŋ honec‐jopambiŋ, erâ honebâc‐jopambiŋ sâc ŋonâŋfâc‐jeŋic bacjopambiŋ.
141	GEN 6:3	Eme Wofuŋzi muwec: “Nore tâpirizi ŋicko mi fofehuc juzejec, ŋic e mâreŋkonec, sahac biuchec, mâreŋko juju‐ticnere jara dameŋ 130 mocwâc mi jâuruzejec.”
145	GEN 6:7	Eme Wofuŋzi muwec: “Ŋic bâfuac‐jopapo jaŋe bâsirowec‐jopape mâreŋko omaenʒepieŋ, qowi â gisic wiac â sawa wipe jaŋe mâmâc, jaŋe bâfuac‐jopapore bunane hâhâtâwekac!”
147	GEN 6:9	E tiŋne â mitinezi ŋic ŋondeŋko juwec, ehuc Anutuhec ʒâʒâfic sanaŋ erâ juwec.
148	GEN 6:10	Ehame ere bifuŋko ŋokâ 3 fuambiŋ, ʒâŋe‐jeŋic Sem, Ham â Jafete. Noare binaŋ iŋuc.
150	GEN 6:12	Eme Anutuzi mâreŋ honeme sâqore‐jâmbâŋkewec, mâreŋŋic juju â eebapa‐jeŋic sifuc safucke‐fârerâ fowec.
153	GEN 6:15	Woke sâcticne kecʒiŋuc bazemec: Ʒoricne‐ticne kubi 300, otecne‐ticne kubi 50 â hâŋne‐ticne kubi 30.
155	GEN 6:17	Manakic, no mâreŋko ŋic juŋgopieŋ jaŋe bâsirowec‐jopa‐fârepemurâ rumi sâko bâfuape mâreŋko wiac jujune forakac i omae‐fâreocmu.
156	GEN 6:18	Gohec ine ʒâʒâfic fârine ekopac. Goki wokeo ferâ juzemec, go â ŋonâŋge â ŋokâ joŋaofâcge, jaŋe gohec mâmâc wokeo ferâ junʒepeiŋ.
157	GEN 6:19	Â wipe qowi jaŋe sipiricke‐fârenʒipiŋte jaŋeraonec jajahec jajahec, ŋicne ŋokacne iŋuc aŋa sâsâc rocjopatec gohec mâmâc wokeo fenʒepieŋ.
158	GEN 6:20	Wipe fuŋne fuŋne, qowi fuŋne fuŋne, â homa gisic wiac fuŋne fuŋne jaŋeraonec jajahec jajahec gohec mâmâc wokeo raʒirâ junʒepieŋ.
161	GEN 7:1	Eme Wofuŋzi Noa ʒiŋuc muhuc âzâcnewec: “Go â wiacfâcge ŋoŋe wokeo fefârenʒepieŋ, go ŋicguru ʒi jaŋere ŋondeŋko mitihec jukomecte honecgupe biaŋkekac.
162	GEN 7:2	Irec go qowi nânâne jaŋeraonec 7, 7, ŋicne â ŋokacne aŋa sâsâc â qowi mi nânâne jaŋeraonec jajahec jajahec rowosâec‐jopac.
163	GEN 7:3	Â sawa wipe jaŋeraonec iŋuc jaha 7, 7, ŋicne â ŋokacne rocjopatec gohec wokeo fefârenʒepieŋ, mâreŋte faio wiac jujunere ukicnezi omaezacte.
168	GEN 7:8	Ehame qowi nânâne â mi nânâne, erâ wipe â homa gisic wiac i jaŋe
169	GEN 7:9	jajahec jajahec sasawa, ŋicne ŋokacne aŋa sâsâc, iŋuczi Noahec wokeo mâmâc fembiŋ, Anutuzi Noa mutâcnecnewec irec sâc jâmbâŋ fembiŋ hâcne.
173	GEN 7:13	Eme ʒoaŋ ijaha Noa â ŋonâŋ‐ticne erâ ŋokâfâcne Sem, Ham â Jafete â ŋonâŋfâc‐jeŋic, jaŋe mâmâc wokeo fefârembiŋ.
174	GEN 7:14	Erâ hae qowi â kâte qowi fuŋne fuŋne â homa gisic wiac fuŋne fuŋne â wipe fuŋne fuŋne suhuc fakechec jaŋeraonec jajahec jajahec sasawa,
176	GEN 7:16	Wiac jujune moc mi behekicne, Anutuzi Noa mutâcnecnewec sâc fefârembiŋ. Fefârehapie Wofuŋzi motâc herâ sahacnao ki bawec.
181	GEN 7:21	Iŋuc eme mâreŋ faio wiac jujune omaewec, wipe mecne, hae qowi mecne, kâte qowi mecne, â homa gisic wiac mecne, mâreŋko babarâ jueŋgopieŋ, erâ wâc mâreŋŋic mâmâc, jaŋe sipiricke‐fârembiŋ.
182	GEN 7:22	Mâreŋko wiac jujune, nokafehec, jaŋe hâmo‐fârembiŋ.
183	GEN 7:23	Iŋuc ehuc Anutuzi mâreŋko wiac jujune sasawa, ŋic me qowi me gisic wiac, me wipe, i jaŋe bâsirowec‐jopa‐fârewec. Noa â ehec woke maŋnao jumbiŋ, jaŋe sawa akic‐jopawec.
190	GEN 8:6	Eme ʒoaŋ 40 tarame Noazi faic motâc pitic, mârâc bakicne i rorâ
192	GEN 8:8	Eme jurâ jurâ Noazi hapâ moc soreme rawec, mâreŋko opâ fâre wahawec me mâcne, irec fuŋne mana‐hâmoocte.
193	GEN 8:9	Hapâzi rac warec ehuc, opâzi mâreŋ sâockewecte ŋeŋe basaku mocwâc Noarao risiewec. Eme Noazi meticne sicnerâ hapâ ro wokemaŋko râewec.
200	GEN 8:16	“Go â ŋonâŋge erâ ŋokâ joŋaofâcge, ŋoŋe wokeonec wahaniŋ!
201	GEN 8:17	Erâ qowi mecne, wipe homa gisic wiac mecne, gohec wokeo juŋgopieŋ jaŋe ejaretec waha‐fârerâ fua sawec ehuc mâreŋ sâcke‐fârenʒepieŋ.”
202	GEN 8:18	Iŋuc mume Noa â ŋonâŋ‐ticne â ŋokâ joŋaofâc‐ticne,
203	GEN 8:19	erâ qowi sasawa â wipe â homa gisic sasawa, hawari‐jeŋic sâc wokeonec wahambiŋ.
205	GEN 8:21	Eme Wofuŋzi bâbâmiriŋte âsu manahuc maŋticnao ʒiŋuc muwec: “No mâreŋko wiac jujuhec i ŋicte ehuc mocwâc mi sâweckezepac. Ŋic jaŋe ɋieonecteaŋ maŋjeŋiczi mamanasu gie repicne baraʒihuc juniŋmu, no ine sifu ŋicte erâ wiac jujuhec mocwâc mi bâsirowepemu.
206	GEN 8:22	Mâreŋte dameŋ fofeocmu sâc: Hesarac â qa roro, mâmâteŋ â fâroroc, hoe dameŋ â ʒoaŋ dameŋ, ŋafe â furec iŋuczi iŋuc ʒuʒuhuc fofehuc juzejec!”
210	GEN 9:4	Mocjaha, qowi socnehec ine mi nânʒepieŋ! Erâ ʒiŋuc mananiŋ:
211	GEN 9:5	Socŋeŋicte okacne i noni batarapemu. Ŋicjuju irec okacne qowi jaŋerao, me ŋic jaŋerao, me âgo soctofa jaŋerao i nonizia batara‐jâmbâŋkepemu.
212	GEN 9:6	Ŋic e mocte hawario mâcne, Anutu nore hawarire sâcko bakicne, irec moc e ŋicsoc hoŋkeocmu, ere soc ŋiczia wâc hoŋkenʒepieŋ.
215	GEN 9:9	“No ʒi ŋoŋe â ɋâricfâc‐ŋeŋic ŋoŋehec ʒâʒâfic sanaŋ ekopac,
216	GEN 9:10	erâ wâc wiac jujune sasawa, ŋoŋehec wokeonec wahambieŋ, jaŋehec mâmâc, wipe â kâte qowi â hae qowi sasawa,
217	GEN 9:11	ŋoŋehec mâmâc ʒâʒâfic sanaŋ ekopac, irec rumi sâko mocwâc fisirâ mâreŋte wiac jujune â mâreŋ e jahacne mi imac‐ŋopa‐fârezejec!”
219	GEN 9:13	Irec maqâreŋ‐nane huriri keci sawao râekopac, izi ʒâʒâfic‐nâŋecte ma ezejec.
221	GEN 9:15	no ʒâʒâfic sanaŋ irec manasupemu, ehame opâ rumi sâkozi mâreŋte wiac jujune mocwâc mi imackezejec.
222	GEN 9:16	Eme no huriri hâcne karoracko domaocmu sâc, ʒâŋitahuc mâreŋko wiac jujune sasawa ŋoŋehec ʒâʒâfic sanaŋ epo irec manasupemu.”
224	GEN 9:18	Noare ŋokâfâc wokeonec wahambiŋ jaŋere ʒâŋe Sem, Ham â Jafete. Ham e ine Kanaaŋte mamac.
225	GEN 9:19	Ŋic jahec â moc keci jaŋe hâcne Noare ŋokâfâc, jaŋeraonec mâreŋŋic gurune gurune fua sawec ewarekicne.
226	GEN 9:20	Noa e ine hesarac ŋic juwec, ehuc waiŋ gie wâc fuŋkewec.
228	GEN 9:22	Eme Ham, Kanaaŋte mamac hâcne, e mamac‐ticne Noa ere fuŋne honehuc hahac jahec‐ticne mâreŋko hu dâŋ binaŋ ejactewec.
231	GEN 9:25	“Sâweczi Kanaaŋ ere faio fezejec, e hahac jahec‐ticne jahere kiŋaŋ motec wawahane juzejec!”
233	GEN 9:27	Erâ ʒuhuckerâ muwec: “Anutuzi Jafete bafickeme sawe mâririackezejec, ehame ɋâricfâc‐ticne jaŋe Semte ɋâricfâc jaŋehec ŋeŋe juju enʒepieŋ, â Kanaaŋ e ine kiŋaŋ qaqa‐ticne ezejec.”
236	GEN 10:1	Noa ŋokâfâcne jaŋere ɋâricfâc jaŋere ʒâŋe biri ʒine hâcne: Sem, Ham â Jafete jaŋe rumi sâkozi omaewec irec faicnao ŋokâ fua‐jarembiŋ.
237	GEN 10:2	Jafete ere ŋokâfâc jaŋere ʒâŋe ʒiŋuc: Gomera, Magogo, Madai, Jawaŋ, Tubali, Meseke â Tirase.
238	GEN 10:3	Gomera ere ŋokâfâc ine Asakenasi, Rifata â Togama.
240	GEN 10:5	Jaŋeraonec guru gâcne gâcne fua rambiŋ, mâreŋ‐jeŋic sâc â dâŋjeŋic sâc â kikefuŋ guru‐jeŋic sâc, jaŋe Jafetere ɋâricfâc hâcne.
241	GEN 10:6	Ham ere ŋokâfâc jaŋere ʒâŋe ʒiŋuc: Kusu, Miziraim, Puti â Kanaaŋ.
242	GEN 10:7	Kusure ŋokâfâc ine Seba, Hawila, Sabita, Rama â Sabateka. Â Ramare ŋokâ jahec jahere ʒâŋe ine Seba â Dedaŋ.
243	GEN 10:8	Kusure bifuŋko ine Nimorodi fuawec, eki hâcne mâreŋko ŋicwofuŋ fekicne juju i fuŋkewec.
244	GEN 10:9	Nimorodi e Wofuŋte maio wosaŋeŋ bapa kâcɋene juwec, irec ŋic jaŋe ere qâqiŋ qahuc ʒiŋuc mujumbieŋ: “Wofuŋte maio wosaŋeŋ bapa kâcɋene, Nimorodi ere sâcko.”
245	GEN 10:10	Uucmaŋ‐ticnere fufuŋke hae barawec ine Babe, Ereki, Akada â Kalene, jaŋe sasawa Sina mâreŋko ŋerambiŋ.
246	GEN 10:11	Irecnec rarâ Asiria mâreŋko fisirâ hae biri moc ʒiŋuc bâfua rawec: Niniwe, Rehoboti‐Iri, Kala
247	GEN 10:12	â Reseŋ, izi Niniwe â Kala ŋondeŋ‐jekicko ŋekac erâ hae sâko jâmbâŋ.
248	GEN 10:13	Â Miziraim ere ɋâricfâc guru sâc ʒâŋe‐jeŋic ʒiŋuc: Ludi, Anami, Lehabi, Nafituhi,
251	GEN 10:16	Jebusi, Amori, Girigasi,