57	GEN 3:1	Wofuŋ Anutu e kâtere wiac jujune gâcne bâfuac‐jopawec jaŋere sâc jâuru‐fârehuc homare gibioczi fejâmbâŋkewec. Eme homa e ŋokac ʒiŋuc muhuc wiocnewec: “Jufuo jâc sasawa doma rakac irec fârine mi nânicte Anutuzi muwec me?”
65	GEN 3:9	Ehame Wofuŋ Anutuzi ŋic wiracnerâ muwec: “Go wena?”
67	GEN 3:11	Eki muwec: “Biuctac jukomec i mozi gazajec? Go jâchândâŋ mi nâcmurâ mupaŋke‐garepo i moc nâmec me?”
69	GEN 3:13	Eme Wofuŋ Anutuzi ŋokac âzâcnewec: “Go wemocte iŋuc emec?” Ŋokaczi muwec: “Homazi eatucnume napac.”
86	GEN 4:6	Eme Wofuŋzi Kaiŋ âzâcnewec: “Wemocte aaricgume ʒâŋe maige enduŋkekomec?
89	GEN 4:9	Eme Wofuŋzi Kaiŋ ʒiŋuc wiocnewec: “Ɋage Abe wena jukac?” Eki muwec: “Mi manakopac, no ɋananere soŋaŋ me?”
90	GEN 4:10	Eme Wofuŋzi muwec: “Go wemo wiac emec? Ɋagere soczi mâreŋko wira wâwâsic enareme manakopac.
317	GEN 12:18	Iŋuc fuame Faraozi Abram hefârerâ ʒiŋuc muhuc wiocnewec: “Keci wemo mâsi mo enaremeŋ?
318	GEN 12:19	E ŋonâŋ‐nane, go iŋuc wemocte mi nazameŋ? E seŋnane, iŋuc wemocte mutec nore ŋonâŋ erâ juocte ficnaneo râepo? Ajoc, ʒi ŋonâŋge mocwâc jowarâ wisec!”
328	GEN 13:9	Ʒâŋe maigao mâreŋ sâko forakac i mi honekic me? Irec râwiŋnenac. Go qanaopec razo mukicko noni fâreopec rapemu, me fâreopec razo mukicko noni qanaopec rapemu.”
363	GEN 15:2	Abramzi ine muwec: “Wofuŋ Anutu, go wemo wiac moc narecmurâ mukic? No ɋâric tâmiric mâc hahata juekopac, eme Elieʒe Damasko haeonec eki merâfâc‐nane rauckerâ bajuocmu.”
366	GEN 15:5	Eme mâreŋko jowa hurâ ʒiŋuc âzâcnewec: “Go qâhâŋnerâ sambâŋko ʒâŋe fitec feme bâpiŋ honec‐jopac, i sâcne wosec‐jopacmu me?” Erâ âzâcnewec: “Ɋâricfâcge jaŋe irec sâc hâcne fua ranʒoŋgopieŋ.”
369	GEN 15:8	Abram ine dâŋ ʒiŋuc bâtikiecnewec: “Wofuŋ Anutu, no mâreŋ ʒi rauckepemu i weniŋuc erâ sâcne mana ʒakiepemu?”
390	GEN 16:8	bâfuarâ ʒiŋuc muhuc wiocnewec: “Haga, Saraire kiŋaŋ naru, go wenirec warekic erâ wena rakomec?” Eki muwec: “No ŋokac bomboŋ‐nane Sarai wisecnekopac.”
415	GEN 17:17	Mume Abrahamzi ʒâŋe maine mâreŋko hetutuckerâ gâwiehuc ʒiŋuc manasuwec: “Ŋic moc e jara 100 bazume ŋokâ moc sâcne fuacneocmu, erâ Sara e jara‐ticne 90 bazuweczi kogoc moc sâcne roocmu?”
434	GEN 18:9	Eme jaŋe wiocnembiŋ: “Ŋonâŋge Sara e wena?” Eme muwec: “E bozeo ŋekac.”
437	GEN 18:12	Irec Sara e maŋzi ʒiŋuc muhuc gâwiewec: “No sahac‐nane muzuckekicne â bomboŋ‐nane wâc ŋicqizec ekicnezi mocwâc hâpo mumuduc enacmu me?”
438	GEN 18:13	Eme Wofuŋzi Abraham ʒiŋuc wiocnerâ âzâcnewec: “Sara e wemocte ʒiŋuc muhuc gâwiekac: ‘No ŋokac qizec ekicnezi jâmbomac motec sâcne kiweckerâ ropemu?’
439	GEN 18:14	Wofuŋzi wiac irec me irec moc bâipieocmu me? No jara faicnao dameŋ ʒiŋucnea mocwâc gorao risie warepemu eme Sara e ŋokâhec juocmu.”
443	GEN 18:18	“Abraham e ŋicguru sâko â sasanaŋhec eocte â eraonec jambuŋzi mâreŋne mâreŋne ŋic jaŋerao fotâcnehuc sâcjopaocte mupaŋkekicne. Irec no wiac ezo mukopac i Abraham wemocko hesoŋkecnepemu?
448	GEN 18:23	Eme Abraham e Wofuŋte maŋfuŋko ra domahuc muwec: “Go jâmbomac ŋic biaŋne â sâqocne mâmâc bâsirowec‐jopazo mukomec me?
449	GEN 18:24	Hae irec maŋnao ŋic tiŋne 50 juŋgopieŋko, irec go jaŋe mâmâc bâsirowec‐jopacmu me jaŋere erâ hae sifu mi akickenʒaŋ me? Iŋuc mac mi ezemec!
453	GEN 18:28	Ŋic tiŋne 50 muhape jaŋeraonec 5 basac‐jopacmu mecne, eme go jâmbomac 5 jaŋere erâ hae sâko bâsirowecmu me?” Mume muwec: “No ira 45 bâfuac‐joparâ hae i ima mi bapemu.”
454	GEN 18:29	Eme Abrahamzi ine mocwâc ʒuhuckerâ ʒiŋuc muhuc âzâcnewec: “Me ŋic 40 sawa bâfuac‐jopa wiac moc ecmu?” Eki muwec: “No 40 jaŋere erâ mi epemu.”
463	GEN 19:5	Loti wiracnehuc ʒiŋuc âzâcnembiŋ: “Ŋafe ʒira gorao ŋic fisipirec jahe wena? Jowac‐jofa wahatecne bâsâqorec‐jofanaŋ.”
467	GEN 19:9	Jaŋe ine mumbiŋ: “Go wisec!” Erâ âzâcnembiŋ: “Go wiwickonec warekicnezi ŋondeŋ‐nâŋecko jaba juhuc mutiŋ‐nâpozo mukic me? Nâŋe jahe wiac ejactezo mumbeneŋ irec sâc sirickehuc go egarenaŋmu.” Jaŋe iŋuc murâ Loti ro fârec ecnehuc motâc qanʒaŋnezo fuŋkembiŋ.
470	GEN 19:12	Eme ŋic jahe Loti ʒiŋuc âzâcnepic: “Âgofâcge ʒira moc juŋgopieŋ me? Kimofâcge me ŋokâ otâfâcge me wiacfâcge gâcne, jaŋe ejaretec hae ʒi beherâ wisenʒepieŋ.
500	GEN 20:4	Abimelec eki ine ehec moc mi juwecte ʒiŋuc muwec: “Wofuŋ, go ŋicguru tiŋne nâŋe sipiric‐nâpozo mukomec me?
505	GEN 20:9	Eme Abimeleczi Abraham hefârerâ ʒiŋuc wiocnewec: “Go wemo wiac enaremeŋ? No wemo wiac sâqocne moc egarepacte go no â ŋicfâc‐nane sahacko râec enâremeŋ? Go norao wiac mi eene emeŋ.”
506	GEN 20:10	Ehuc ʒuhuckerâ Abraham ʒiŋuc wiocnewec: “Go weniŋuc manasuhuc wiac iŋucne emeŋ?”
521	GEN 21:7	Erâ muwec: “Mozi mo Abraham ʒiŋuc âzâcnezac: Sarazi kogoc moc sâcne moŋ gumeocmu? Eme Abraham e ŋicqizec eha no sifu ŋokâ moc ropo.”
531	GEN 21:17	Eme Anutuzi motecte ki owa manawec; ehame Anuture aŋelozi sambâŋkonec Haga wiracnerâ muwec: “Haga, go weniŋuc egarekac? Mi hâwicguoc. Anutu e motecte ki owa manakac.
543	GEN 21:29	Abimeliczi honerâ muwec: “Go wemocte lama ŋokacne 7 bâtâcko râec‐jopamec?”
555	GEN 22:7	Eme Isakazi mamac‐ticne Abraham âzâcnewec: “Mamac!” Eme muwec: “Ŋokâ‐nane, no ʒi.” Eki muwec: “Ʒoc ʒakicne â ɋâricne i bajukoperec, â bâzi rikenacmu irec lama ine weni?”
597	GEN 24:5	Mume kiŋaŋŋiczi âzâcnerâ muwec: “Ŋokac e no bâjâpecnurâ mâreŋ ʒira wareocte mi afeckeme weniŋuc epemu. No ŋokâge mâreŋ beherâ waremeŋ ira mocwâc jowarâ risiepemu me mâcne?”
615	GEN 24:23	Erâ muwec: “Go more otâ, i nazac. Erâ mamacgere ficko sâcne fonaŋmu?”
623	GEN 24:31	Eme muwec: “Wofuŋzi jambuŋguwec go wefuc me! Wemocte hae râpeo domakic? No fic biac emasaŋkepac, â kamele jaŋere ŋeŋe fofo irec sawane wâc fokac.”
639	GEN 24:47	Tarame wiocnehuc mupac: ‘Go more naru?’ Eki mujec: ‘No Betuele ere otâ, e ine Naho â Milika jahere ŋokâ.’ Iŋuc nazame maŋŋuruc sâkenao râepac â megâŋ ine meombâŋ‐ticnao hecnepe fejec,
641	GEN 24:49	Eme ʒi nazaniŋ: Ŋoŋe bomboŋ‐nane maŋuruc ecnehuc bubiaŋ qacnezo muŋgopieŋ me weniŋuc? Arictac eme nazanʒepieŋ wâc, eme no hata‐nane fâreopec me qanaopec sâcne rapemu.”
650	GEN 24:58	Murâ Rebeka wiocnerâ ʒiŋuc âzâcnepic: “Go ŋic ʒi ehec razo mukomec?” Eki muwec: “No razo mukopac.”
657	GEN 24:65	kiŋaŋŋic ʒiŋuc wiocnewec: “Ŋic kecocna gieonec warekac e mo?” Kiŋaŋŋiczi âzâcnewec: “E bomboŋ‐nane hâcne.” Iŋuc mume qârufac rorâ ʒâŋe mai‐ticne sâockewec.
681	GEN 25:22	Ehame kogoc jajahec jahe neŋgocte bumaŋko hehec epire ʒiŋuc muwec: “Iŋuc fuame wemocko jupemu?” Erâ ra Wofuŋ mu wioc ecnewec.
702	GEN 26:9	Honerâ Isaka hefâreme fisime âzâcnewec: “E ŋonâŋge i! Fuŋne weniŋucte ‘E seŋnane’ mumec?” Isakazi muwec: “Jâmbomac, no ere erâ nupie hâmozipore hâwicnume mupo.”
720	GEN 26:27	Eme Isakazi ʒiŋuc jazawec: “Ŋoŋe wemocte norao wareŋgopieŋ? Ŋoŋe râsi enarehuc jâpecnupie warepo i!”
746	GEN 27:18	Eme eki mamac‐ticnerao barerâ muwec: “Mamac‐nane!” Eki muwec: “Motec‐mae, no ʒi, go ine mo?”
748	GEN 27:20	Mume Isakazi ŋokâ‐ticne ʒiŋuc âzâcnewec: “Ŋokâ‐nane, go weniŋuc erâ qowi biac jâmbâŋ bâfuamec?” Eme eki dâŋ ʒiŋuc bâtikiecnewec: “Wofuŋ, gore Anutu, eki nowatume biac bâfuapac.”
752	GEN 27:24	Erâ muwec: “Go jâmbomac ŋokâ‐nane Esau me?” Eki muwec: “Ine hâcne.”
760	GEN 27:32	Eme mamac‐ticne Isakazi ʒiŋuc âzâcnewec: “Hâc, go mo?” Eki muwec: “No mârâc ŋokâge Esau.”
761	GEN 27:33	Eme Isaka e fâfâre sâqorehuc muwec: “Eme go mi warehaŋtecne qowi qarâ bawefu‐nareme nârâ jambuŋkepac e mo? Jambuŋzi erao fohuc juocmu sanaŋ.”
764	GEN 27:36	Eme muwec: “Sowine ʒâŋe‐ticne Jakobo mukicne, e sioc enareha biac arec jajahec ekac, e qanaŋ mârâc fufuare wiac biŋe‐nane nowac rowec â ʒi jambuŋ‐nane nowac rokac wâc.” Erâ ʒuhuckerâ muwec: “Nore biŋe jambuŋ moc mi sakaremec me?”
765	GEN 27:37	Eme Isaka e Esau ʒiŋuc âzâcnewec: “Manakic, e gore ŋicbomboŋ juocte âkendâŋnepac â qomâfâc‐ticne jaŋe ere kiŋaŋ qaqa juniŋte mupac erâ jacgoŋ â waiŋ i ere biŋe jaha qapac. Irec, ŋokâ‐mae, go wemo wiac mo egarepemu?”
766	GEN 27:38	Eme Esauzi mamac‐ticne âzâcnewec: “Mamac‐nane, jambuŋge mocjaha mac sawa fogarejec me? O mamac‐nane, no sifu jambuŋnuzemec wâc!” Eme Isaka e dâŋemâc ŋeha Esauzi ki owa kâcɋene ewec.
773	GEN 27:45	Mâteŋkeme go wiac ecnemec irec nikeckeha no gorao dâŋ râepe fâme manarâ risie warezemec. Ŋohe wemocte ʒoaŋ ijaha mâmâc omae‐narenicmu?”
774	GEN 27:46	Rebeka e iŋuc murâ Isaka ʒiŋuc âzâcnewec: “No Hiti ŋokac jahere takicnuekac. Ehame Jakobo e iŋuc jaha Hitiŋic jaŋere naru, mâreŋ ʒirec rune hâcne, jahe iŋucne moc roocmuo no wenac epemu?”
800	GEN 29:4	Eme Jakobozi soŋaŋ wio‐jarewec: “Âgofâc, ŋoŋe wenirec?” Jaŋe mumbiŋ: “Nâŋe Haraŋnec.”
801	GEN 29:5	Eme wio‐jarerâ muwec: “Ŋoŋe Nahore ŋokâ Labaŋ e moc manaŋgopieŋ me?” Jaŋe mumbiŋ: “Ea, manaŋgopeneŋ.”
802	GEN 29:6	Eme wio‐jarehuc muwec: “E sâcne jukac me?” Jaŋe mumbiŋ: “Sâcne jukac, erâ otâ‐ticne Rahe e kecocna lama bulimakao jowac‐jopa warekac hâcne.”
821	GEN 29:25	Hae fureme ine Jakobozi honeme mi Lea ezejec i! Eme Labaŋ ʒiŋuc âzâcnewec: “Go wemo mâsi enaremec? No Rahere erâ kiŋaŋ qagarepo i! Go wemocte eatucnumec?”
846	GEN 30:15	Eki ine muwec: “Ŋowe‐nane nowac rozo ekomec i manatec afeckeha ŋokâ‐nanere seroŋ wiac i mâmâc rozo mukic me?” Rahezi ine muwec: “Sâcne, ŋokâgere seroŋ wiac irec okacne ŋowe‐nâhec ŋafe ʒi gohec sâcne foocmu.”
862	GEN 30:31	Eme Labaŋzi wiocnewec: “Wemo wiac garepemurâ mukic?” Jakobozi dâŋ ʒiŋuc bâtikiecnewec: “Go wiac moc mi narezemec. No dâŋ maŋkekopac i mupe manatec sâckeocmuo ine lama bulimakaofâcge mocwâc soŋaŋ‐jopahuc juzepac.
888	GEN 31:14	Eme Rahe â Lea jahe Jakobo dâŋ ʒiŋuc bâtikiecnepic: “Nâhe mamac‐nâhecte merâfâc wiac biŋe qanâctekicne moc fokac me?
889	GEN 31:15	Me ere maio jaba tinac mi juekoperec? E qikiŋ‐nâforâ furi‐nâhec rohuc sipirickewec i.
900	GEN 31:26	Ehuc Labaŋzi Jakobo ʒiŋuc âzâcnewec: “Go wemo mâsi enaremeŋ? Erâ eatucnuhuc otâ jahec‐nane kâpâcwâru ŋic iŋucne jowac‐jofa waremeŋ.
901	GEN 31:27	Go wemocte eatucnuhuc kamierâ wisemeŋ? Mufua‐naretec muzac noni gae woŋgâŋ ehuc râecguzapo.
904	GEN 31:30	Go mame sâkofâcge jaŋere boc egareha wisemeŋ i sâcne, mocjaha, nemuɋâŋ‐nane wemocte fiuc romeŋ?”
910	GEN 31:36	Eme Jakobozi aarickeme Labaŋ dâŋ mucnehuc ʒiŋuc âzâcnewec: “No wemo wiac sâqocne me bahac bâfuapore nu jâpec enarekomec?
917	GEN 31:43	Eme Labaŋzi Jakobo dâŋ ʒiŋuc bâtikiecnewec: “Otâ jahe mecne, naru motec mecne, lama bulimakao mecne â wiac hone‐fârekomec ʒi jaŋe nore biŋe sasawa. Mâc otâ jahec‐nane â naru motec rocjopambiŋ jaŋe ine miŋecgac wemo wiac moc ehâmo‐jarepe sâckeocmu?
956	GEN 32:28	Eme ŋiczi wiocnewec: “Go ʒâŋege mo?” Mume muwec: “Jakobo.”
958	GEN 32:30	Eme Jakobozi wiocnerâ muwec: “Go muc, gore ʒâŋe ine mo?” Eki ine muwec: “Go wemocte ʒâŋe‐nanere wiokomec?” Iŋuc murâ ijaha jambuŋkewec.
966	GEN 33:5	Ehuc ʒâŋe fime rame ŋokac naru motec honec‐joparâ muwec: “Keci weni jaŋe gohec juŋgopieŋ?” Eki muwec: “Anutuzi buuruc‐ticnere erâ kiŋaŋŋicge no naru motec tahacnuwec jaŋe hâcne.”
969	GEN 33:8	Eme Esauzi Jakobo wiocnewec: “Ŋic â qowi guru hatao fâpie bâfuac‐jopapac izi wemo ezo mukomec?” Eki dâŋ ʒiŋuc bâtikiecnewec: “Bomboŋ‐nane goki akicnucmurâ râec‐jopapac.”
976	GEN 33:15	Eme Esauzi muwec: “Iŋuc mukicte ine ŋicfâc‐nane nohec juŋgopieŋ jaŋeraonec gâcnezi baficguniŋte gorao râec‐jopape.” Eki ine muwec: “Iŋuc wemocte? No bomboŋ‐nane go akicnucmurâ mocjaha mukopac.”
1012	GEN 34:31	Eme jahe mupic: “Hâc, e seŋnâŋec boe sau ŋokac iŋucne wiac ecneme sâckewec me?”
1092	GEN 37:8	Iŋuc mume hahacfâcne jaŋe ʒiŋuc âzâcnembiŋ: “Hâc, go nâŋere ŋicwofuŋ ehuc soŋaŋ‐nâpocmurâ mukic me?” Iŋuc murâ guŋticnere â dâŋticnere boc qaisockembiŋ.
1094	GEN 37:10	Binaŋ i mamac hahacfâcne mâmâc bajarewec. Eme mamacnezi dâŋ mucnehuc âzâcnewec: “Go guŋ keci manamec i weniŋuc? Neŋgoc mamac â hahacfâcge nâŋe fisirâ maŋfuŋgao fodapenaŋte mukomec me?”
1099	GEN 37:15	Erâ hata qâsoriehuc rac warec eha ŋic moczi bâfuarâ wiocnewec: “Go wemo wiac basakic?”
1110	GEN 37:26	Eme Judazi ɋafâcne ʒiŋuc jazawec: “Nâŋâc ɋanâŋec qâhâmorâ hesoŋkepene wemo wiac fârine moc fua‐nâreocmu?
1116	GEN 37:32	Iŋuc erâ ŋaqi menehec i mamac‐jeŋictao ʒiŋuc muhuc râepie rawec: “Wiac bâfuambeŋ i honec! I ŋokâge Josefere ŋaqi me mâcne?”
1136	GEN 38:16	Eme hata kizurâ erao ra muwec: “No gohec fopemurâ mana‐narec.” E joŋao‐ticnezi ŋewec i mi manahuc dâŋ i muwec hâcne. Eki muwec: “Nohec focmurâ mana‐garepe wemo wiac mo narecmu?”
1138	GEN 38:18	Eki muwec: “Wemo kifac mo garepemurâ mukic?” Ŋokaczi muwec: “Meo fefege maqâreŋhec â mucge â gunuge meo badomakic i narec.” Eme wiac muwec sâc râcnerâ ehec fowec.
1141	GEN 38:21	Ehuc ŋic mu wioc ejarehuc muwec: “Boe sau ŋokac Enaim hatao ŋewec e wena?” Jaŋe mumbiŋ: “Boe sau ŋokac moczi ʒira moc mi wareme honembeŋ.”
1145	GEN 38:25	Eme jowapie rahuc joŋao‐ticnerao dâŋ ʒiŋuc râeme rawec: “Wiac ʒirec rune jukac eki bacnume kiwechec epo. Irec go honec, meo fefe maqâreŋhec â muc â gunu wiac i more?”
1149	GEN 38:29	Kogoc eki ine meticne mocwâc fâreme fehame ɋanezi fuawec. Eme gozi bapa ŋokaczi muwec: “Hâc, go hawec sâko mo iŋucne bâfuarâ fuamec?” Iŋuc mume ʒâŋe‐ticne Pereze mumbiŋ.
1180	GEN 40:7	Honec‐jofarâ indiŋ‐jofahuc muwec: “Ŋohe miŋecgac wemocte busâqoc hawari ŋekopirec?”
1234	GEN 41:38	Ehame Faraozi kiŋaŋŋicfâcne ʒiŋuc muhuc wio‐jarewec: “Nâŋâc ŋic kecʒi Anuture Mârohec jukac iŋucne moc sâcne bâfuanaŋmu me?”
1254	GEN 42:1	Eme Jakobo e, Aigita mâreŋko nânâ sâcne furine bazo, iŋuc manarâ ŋokâfâcne ʒiŋuc jazawec: “Ŋoŋe wemocte mana qâoma ehuc juŋgopieŋ?
1260	GEN 42:7	Eme Josefe e hahacfâcne honec‐joparâ ʒâŋitac‐jopawec, ehuc fuŋne‐ticne hesoŋke‐jarerâ dâŋ fâfâcnehec ehuc ʒiŋuc wio‐jarewec: “Ŋoŋe wenirec wareŋgopieŋ?” Jaŋe mumbiŋ: “Kanaaŋ mâreŋkonec, nânâ furine banaŋte wareŋgopeneŋ.”
1281	GEN 42:28	Iŋuc honerâ hahac ɋafâcne ʒiŋuc jazawec: “Moneŋ‐nane bârisie‐narekicne, ʒi târu‐nane micnao fokac hâcne.” Eme jaŋe manarâ maŋjeŋic gâckeme fâfârerâ hohonec ehuc mumbiŋ: “Anutuzi weniŋuc enârekac?”
1297	GEN 43:6	Eme Israezi muwec: “Ŋoŋe wemocte bunaneo bahuc, ɋaŋeŋicte biŋe ŋic e âzâcnembiŋ?”
1298	GEN 43:7	Mume mumbiŋ: “Ŋic e nâŋe nâŋâcne â wiacfâc‐nâŋec ŋoŋere mu indiŋ enârehuc muwec: ‘Mamac‐ŋeŋic jukac me? Erâ ɋaŋeŋic moc jukac me weniŋuc?’ Iŋuc eme juŋgopeneŋ sâc irec dâŋ âzâcne‐fârembeŋ. Eme eki, ‘Ɋaŋeŋic jowa warenʒepieŋ,’ iŋuc muocmu, i wemocko mananʒapeŋ.”
1318	GEN 43:27	Eki ine mu indiŋ ejarehuc muwec: “Mamac raŋɋa‐ŋeŋicte nazambiŋ e weniŋuc jukac? Sâcne jukac me?”
1320	GEN 43:29	Eme eki qâhâŋnerâ ɋaticne Benjamiŋ honerâ muwec: “Ɋaʒâc‐ŋeŋicte dâŋ nazambiŋ ʒine hâcne me?” Erâ muwec: “Motec‐mae, Anutuzi ehâmo‐garezejec.”
1329	GEN 44:4	Eme hae beherâ rapie mi ʒoraha Josefezi ficsoŋaŋ‐ticne ʒiŋuc âzâcnewec: “Ajoc, go ŋic jâpec‐jopa rac, erâ bâfuac‐joparâ ʒiŋuc jazac: ‘Ŋoŋe wiac biaŋne eŋarekicnezi okacne wemocte sâqocne bazu‐narehuc râqâc‐nane siliwazi bakicne i fiuc rombieŋ?
1332	GEN 44:7	Jaŋe ine dâŋ ʒiŋuc bâtikiecnembiŋ: “Bomboŋ‐nâŋeczi wemocte dâŋ iŋucne nâzâkac? Nâŋe wiac iŋucne moc mi eeŋgopeneŋ.
1333	GEN 44:8	Nâŋe mârâc jaha târu‐nâŋec micnao moneŋ bâfuambeŋ i Kanaaŋ mâreŋkonec barâ risie warembeŋ, irec wemocko bomboŋgere fickonec siliwa me gol fiuc ronʒapeŋ?
1340	GEN 44:15	Eme Josefezi jazawec: “Ŋoŋe wemo mâsi mo embieŋ? Ŋic moc no iŋucnezi findaŋdâŋ muhuc fuŋne‐ŋeŋic bataniŋkeocmu, i ŋoŋe kâuc bambieŋ me?”
1341	GEN 44:16	Eme Judazi muwec: “Nâŋe bomboŋ‐nâŋec go wemo dâŋ moc gazanaŋmu, me Anutuzi kiŋaŋŋicfâcge nâŋere kiŋ bataniŋkewecko ine wemo dâŋ moc mupene sâckeocmu? Manakic, ʒi bomboŋ‐nâŋec gore kiŋaŋŋic eŋgopeneŋ hâcne, nâŋe mecne â târu‐ticnao râqâc bâfuakicne ŋic e mâmâc.”
1344	GEN 44:19	Bomboŋ‐nâŋec go kiŋaŋŋicfâcge ʒiŋuc muhuc wio‐nâremeŋ: ‘Ŋoŋe mamac‐ŋeŋic me ɋaŋeŋic moc jukac me?’
1362	GEN 45:3	Eme Josefezi hahacfâcne ʒiŋuc jazawec: “No Josefe, mamac‐nane jukac me?” Hahacfâcne jaŋe ine fâfâre sâqorehuc mâc bipic tatara domambiŋ.
1424	GEN 47:3	Eme Faraozi Josefe hahacfâcne ʒiŋuc wio‐jarewec: “Ŋoŋe wemo gie bahuc jueŋgopieŋ?” Iŋuc wio‐jareme ʒiŋuc âzâcnembiŋ: “Kiŋaŋŋicfâcge nâŋe mamacfâc‐nâŋec jaŋe iŋucne lama soŋaŋ jueŋgopeneŋ.”