438	GEN 18:13	Eme Wofuŋzi Abraham ʒiŋuc wiocnerâ âzâcnewec: “Sara e wemocte ʒiŋuc muhuc gâwiekac: ‘No ŋokac qizec ekicnezi jâmbomac motec sâcne kiweckerâ ropemu?’
509	GEN 20:13	Eme Anutuzi munareme mamac‐nanere fic beherâ mâreŋ furunao warepo dameŋ ira noni ʒiŋuc âzâcnepo: ‘Hae ira me ira fisirâ no sâsecnuhuc ʒiŋuc muzemec: E seŋnane.’”
599	GEN 24:7	Wofuŋ, sambâŋte Anutu hâcne, mamac‐nanere fickonec â mame sâkofâc‐nane jaŋere mâreŋkonec jowacnu warewec eki dâŋ mupaŋkehuc ʒiŋuc nazawec: ‘Ɋâricfâcge jaŋe mâreŋ ʒi hâcne jarepemu.’ Wofuŋ eki hâcne ŋokâ‐nanere ŋonâŋ moc mâreŋ irecnec bâfuacmurâ aŋelo‐ticne ecneme bânie‐gareocmu.
606	GEN 24:14	Eme naru moc wahame, ‘Opâ kiruŋge naretec opâ nâpe,’ iŋuc âzâcnepe manarâ muocmu: ‘Nâc, eha kamelefâcge opâ jarepe nânʒepieŋ wâc,’ naru e hâcne kiŋaŋŋicge Isaka ere biŋe bâwosâemeŋ, no iŋuc manarâ ʒiŋuc mana tarapemu: Go ŋicbomboŋ‐nane bubiaŋ qacnekomec.”
629	GEN 24:37	Erâ no mumupaŋ dâŋticne kecʒiŋuc i reŋkezo mupaŋkepemurâ nazawec: ‘Go Kanaaŋ ŋic, mâreŋ‐jeŋicko jukopac, narufâc‐jeŋic jaŋeraonec ŋokâ‐nanere ŋonâŋ moc mi rozemec.
631	GEN 24:39	Iŋuc mume no bomboŋ‐nane ʒiŋuc âzâcnepo: ‘Ŋokac e mi mecne afeckerâ bâjâpecnuocmu.’
632	GEN 24:40	Eki ine ʒiŋuc nazawec: ‘No Wofuŋte maio juwefuhuc juekopac, eki hâcne aŋelo‐ticne soreme gohec juhuc baficgume mame sâkofâc‐nane jaŋerao â mamac‐nane ere fickonec ŋokâ‐nanere ŋonâŋ moc sâcne bâfuacmu.
634	GEN 24:42	“Eme no miŋecgac opâ ʒâŋeo fisirâ ʒiŋuc mupac: ‘Wofuŋ, bomboŋ‐nane Abraham ere Anutu, go gie bapemurâ warekopac irec baficnutec fârine fuaocte gazakopac mac,
637	GEN 24:45	No maŋnanezi iŋuc muhuc mutarahape Rebekazi opâ kiruŋ hâpo fârâ opâ ʒâŋeo hurâ opâ fiajec. Eme no ʒiŋuc âzâcnepac: ‘Opâ narec nâpe.’
638	GEN 24:46	Mupe izia opâ kiruŋ rorâ mujec: ‘Nâc, ehame kamelefâcge fia‐jarepe nânʒepieŋ wâc.’ Iŋuc mume napac â eki kamele gumec‐jopajec wâc.
639	GEN 24:47	Tarame wiocnehuc mupac: ‘Go more naru?’ Eki mujec: ‘No Betuele ere otâ, e ine Naho â Milika jahere ŋokâ.’ Iŋuc nazame maŋŋuruc sâkenao râepac â megâŋ ine meombâŋ‐ticnao hecnepe fejec,
702	GEN 26:9	Honerâ Isaka hefâreme fisime âzâcnewec: “E ŋonâŋge i! Fuŋne weniŋucte ‘E seŋnane’ mumec?” Isakazi muwec: “Jâmbomac, no ere erâ nupie hâmozipore hâwicnume mupo.”
735	GEN 27:7	‘Go qowi moc baware‐narerâ nânâ aŋacne rike‐naretec hâmoczi mi rocnuha Wofuŋte maio jambuŋguzepac.’
882	GEN 31:8	‘Qowi tiŋpâc tiŋpâc jaŋe gore gie furi enʒepieŋ,’ iŋuc mume qowi sasawa jaŋe motecfâc‐jeŋic tiŋpâc tiŋpâc rocjopa‐fârembiŋ, me ‘Qâqâreŋ jaŋe gore gie furi enʒepieŋ,’ iŋuc mume qowi sasawa jaŋe motecfâc‐jeŋic qâqâreŋ rocjopa‐fârembiŋ.
885	GEN 31:11	Eme Anuture aŋelozi ʒiŋuc nazawec: ‘Jakobo!’ Eme no âzâcnepo: ‘No ʒi.’
886	GEN 31:12	Eme muwec: ‘Go ʒâŋege qâhâŋnerâ honec: Lama noniŋ ŋicnezi ŋokacne hucjopaeŋgopieŋ jaŋe qâqâreŋ, kuiqâreŋ â tiŋpâc tiŋpâc sasawa! No Labaŋzi wiac egarewec i hone manac efârepo.
903	GEN 31:29	Eme ʒi wiac i me i kosa eŋarezo murâ tâpiri mi basazapo. Mamacgere Anutuzi ine ŋafeo qatara‐narehuc ʒiŋuc mujec: ‘Go Jakobo dâŋ i me i moc mucnezicte rucge bazemec.’
933	GEN 32:5	Ehame ʒiŋuc jazawec: “Ŋoŋe bomboŋ‐nane Esau ʒiŋuc âzâcnenʒepieŋ: Kiŋaŋŋicge Jakobo e ʒiŋuc mukac: ‘No mâreŋ ʒoricko Labaŋhec juwarehuc jupo.
938	GEN 32:10	Erâ Jakobozi ʒiŋuc muhuc numuwec: “O Wofuŋ, mamac ŋosa jahec‐nane Abraham â Isaka jahere Anutu, goki hâcne ʒiŋuc nazameŋ: ‘Go mâreŋ qizecgao â soctofafâcge jaŋerao risietec ehâmo‐garepemu.’
941	GEN 32:13	Go gahac ʒiŋuc hâcne mumeŋ: ‘No bubiaŋ qagarehuc ɋâricfâcge basawec‐jopape hâwecko moŋgeŋ fokac irec sâc enʒepieŋ, i guru sâkore wowosene tâmiric ekac.’”
946	GEN 32:18	Â micne bawec e ine ʒiŋuc âzâcnewec: “Hahac‐nane Esauzi bâfuacgurâ, ‘Go more kiŋaŋŋic â wena razo ekomec â wiac keci bânie‐garekac i more,’
947	GEN 32:19	iŋuc wio‐gareme ʒiŋuc muzemec: ‘I kiŋaŋŋicge Jakobozi bomboŋ‐nane Esau go tahacguocte râeme warekac, erâ manakic, e jahacne ʒâhec bâjâpec‐nâporâ warekac.’”
949	GEN 32:21	Erâ ʒiŋuc ʒuhuckerâ munʒepieŋ: ‘Manakic, kiŋaŋŋicge Jakobo e ʒâhec warehuc jukac.’” Jakobo e kecʒiŋuc manasuhuc wiac i efârewec: “Bubiaŋ wiac râepe rame Esauzi honerâ bune mâteŋkeha raku bâfuape âgo enarezejec.”
1101	GEN 37:17	Ŋic eki muwec: “Jaŋe ʒirecnec mocko rambiŋ. Ehuc ʒiŋuc mupie manapo hâcne: ‘Ajoc, nâŋâc Dotaŋko ranaŋ.’”
1283	GEN 42:30	“Mâreŋ rambeŋ irec ŋicbomboŋ e dâŋ hâhâwicne enârehuc, ‘ŋoŋe docbapa’ iŋuc muhuc kâpâcwâru ficko râec‐nâpowec.
1284	GEN 42:31	Iŋuc enâreme ʒiŋuc âzâcnembeŋ: ‘Nâŋe ŋic wamane, nâŋe docbapa aricne.
1286	GEN 42:33	Iŋuc mupene mâreŋ irec ŋicbomboŋ e ʒiŋuc nâzâwec: ‘Ŋoŋe ŋic wamane me mâcne, irec fuŋne ʒiŋuc ehuc bataniŋkepie honezepac: Ŋoŋeraonec mocsâkoazi ʒira juha gâcne ŋoŋe wiacfâc‐ŋeŋic jaŋe nânâre hâmo sipiric enʒipiŋte padi wiac rorâ baraniŋ.
1294	GEN 43:3	Mume Judazi ʒiŋuc âzâcnewec: “Ŋic e dâŋ mupaŋkehuc ʒiŋuc nâzâwec: ‘Ŋoŋe ɋaŋeŋic tâmiric nore maio mocwâc mi fuanʒepieŋ.’
1296	GEN 43:5	E sakare‐nârecmuo ine ŋic e ʒiŋuc muwecte mi ranaŋmu: ‘Ŋoŋe ɋaŋeŋic tâmiric nore maio mocwâc mi fua‐jâmbâŋkenʒepieŋ.’”
1298	GEN 43:7	Mume mumbiŋ: “Ŋic e nâŋe nâŋâcne â wiacfâc‐nâŋec ŋoŋere mu indiŋ enârehuc muwec: ‘Mamac‐ŋeŋic jukac me? Erâ ɋaŋeŋic moc jukac me weniŋuc?’ Iŋuc eme juŋgopeneŋ sâc irec dâŋ âzâcne‐fârembeŋ. Eme eki, ‘Ɋaŋeŋic jowa warenʒepieŋ,’ iŋuc muocmu, i wemocko mananʒapeŋ.”
1329	GEN 44:4	Eme hae beherâ rapie mi ʒoraha Josefezi ficsoŋaŋ‐ticne ʒiŋuc âzâcnewec: “Ajoc, go ŋic jâpec‐jopa rac, erâ bâfuac‐joparâ ʒiŋuc jazac: ‘Ŋoŋe wiac biaŋne eŋarekicnezi okacne wemocte sâqocne bazu‐narehuc râqâc‐nane siliwazi bakicne i fiuc rombieŋ?
1344	GEN 44:19	Bomboŋ‐nâŋec go kiŋaŋŋicfâcge ʒiŋuc muhuc wio‐nâremeŋ: ‘Ŋoŋe mamac‐ŋeŋic me ɋaŋeŋic moc jukac me?’
1345	GEN 44:20	Eme nâŋe bomboŋ‐nâŋec go ʒiŋuc gazambeŋ: ‘Nâŋe mamac‐nâŋec jukac, erâ ŋicqizec erâ juha ɋaʒâc‐nâŋec moc fuawec. E hahac fuŋfuŋ‐ticne hâmowec. Neŋgoc‐jekiczi motec jajahec sawa rocjofawecte e mocsâkoa hâcne jukac, eme irec mamacnezi ere boc ecneekac.’
1346	GEN 44:21	Goki ine kiŋaŋŋicfâcge nâŋe ʒiŋuc nâzâmeŋ: ‘Ŋoŋe jowapie wareme honezepac.’
1347	GEN 44:22	Nâŋe ine bomboŋ‐nâŋec go ʒiŋuc gazambeŋ: ‘Motec e mamac‐ticne sâcne mi beheocmu, beheme muzac mamac‐ticnezi hâmozac.’
1348	GEN 44:23	Eme go ʒiŋuc nâzâmeŋ: ‘Ɋaʒâc‐ŋeŋic e mi wareocmuo ine nore maio mocwâc mi fua‐jâmbâŋkenʒepieŋ.’
1350	GEN 44:25	Eme juku mamac‐nâŋeczi ʒiŋuc nâzâwec: ‘Ŋoŋe nânâ‐nâŋec furine baniŋte mocwâc ranʒepieŋ.’
1351	GEN 44:26	Iŋuc mume ʒiŋuc âzâcnembeŋ: ‘Nâŋe mâc mi ranaŋmu. Ɋaʒâc‐nâŋec e nâŋehec mâmâc ranaŋte mana‐nâretec sâcne ranaŋmu. E tâmiric ine ŋic ere maio sâcne mocwâc mi fuanaŋmu.’
1352	GEN 44:27	Iŋuc mupene mamac‐nâŋeczi ʒiŋuc nâzâwec: ‘Ŋonâŋ‐nanezi ŋokâ jajahec sawa rocjofawec i ŋoŋe manaŋgopieŋ.
1357	GEN 44:32	Kiŋaŋŋicge no, motec ere riŋ ropemurâ mamac‐nanerao ʒiŋuc mupaŋkepo: ‘No mi bârisie‐garepemuo ine gore maio kiŋhec jaha juhape hâmoc dameŋ‐nane maickezejec.’
1368	GEN 45:9	Irec ʒi bâruŋ jaha mamac‐nanerao risierâ âzâcnenʒepieŋ: ‘Ŋokâge Josefe e gore dâŋ ʒiŋuc mukac: Anutuzi Aigita mâreŋ sasawa irec ŋicbomboŋ râecnuwec, irec go ŋeŋe râqâc mi ehuc biac norao warezemec.
1376	GEN 45:17	Eme Faraozi Josefe âzâcnewec: “Hahacfâcge ʒiŋuc jazac: ‘Ŋoŋe becâsicfâc‐ŋeŋic jaŋere faio nânâ mafa râepie feme Kanaaŋ mâreŋko risierâ
1378	GEN 45:19	Go ine ʒiŋuc jazacmurâ gazakopac: ‘Ŋoŋe ŋonâŋ motecfâc‐ŋeŋic jaŋere erâ Aigita mâreŋkonec keretac bararâ mamac‐ŋeŋic jowa warenʒepieŋ.
1418	GEN 46:31	Eme Josefezi hahacfâcne â mamac‐ticnere wiacfâc ʒiŋuc jazawec: “No ra Farao dâŋ binaŋ ecnehuc ʒiŋuc âzâcnepemu: ‘Hahacfâc‐nane â mamac‐nanere wiacfâc jaŋe Kanaaŋ mâreŋko jumbiŋzi norao ware fisimbiŋ.
1420	GEN 46:33	Eme Faraozi hefârec‐ŋoparâ, ‘Ŋoŋe wemo gie bahuc jueŋgopieŋ,’
1421	GEN 46:34	iŋuc wio‐ŋareme ʒiŋuc âzâcnenʒepieŋ: ‘Kiŋaŋ qaqafâcge nâŋe mamacfâc‐nâŋec jaŋe iŋucne ɋie‐nâŋeckonecteaŋ qowi gie bapa jumbeŋzi jueŋgopeneŋ.’ Ŋoŋe iŋuc âzâcnepie Goseŋ mâreŋko juniŋte mana‐ŋareocmu; i Aigita ŋic jaŋe lama bulimakao soŋaŋ jaŋere manapie mamakâcne eekac irec.”
1456	GEN 48:4	ʒiŋuc nazawec: ‘Manakic, no basawecgupe sawe mâririackezemec, erâ go ŋicguru sâko ehaŋtec ɋâricfâcge jaŋe mâreŋ ʒi jarepe jaŋere biŋe esanaŋkezejec.’
1472	GEN 48:20	Iŋuc murâ ʒoaŋ ijaha jambuŋ‐jofahuc muwec: “Ŋohere ʒâŋeo ɋetickehuc Israe ŋic jaŋe jambuŋdâŋ muniŋte ʒiŋuc muniŋmu: ‘Anutu e Eferaim â Manase ehâmo‐jactewec irec sâc jaha egarezejec.’” E iŋuc muhuc Eferaim e Manasere fekicne râewec hâcne.
1524	GEN 50:17	‘Josefe âzâcnenʒepieŋ, hahacfâcge nâŋe wiac hehesicne egarembeŋ kiŋ bahac‐nâŋec i sifu behezemec.’ Irec numu‐gareŋgopeneŋ hâcne, mamacgere Anutu ere kiŋaŋ qaqafâc juŋgopeneŋte kiŋnâŋec behezemec.” Josefezi dâŋ i manarâ kiowec.
1593	EXO 3:13	Eme Mosezi Anutu âzâcnewec: “No Israe ŋic jaŋerao ra fisirâ ʒiŋuc jazapemu, ‘Mimiŋnefâc‐nâŋec jaŋere Anutuzi ŋoŋerao sorecnukac,’ eme jaŋe, ‘Anutu ʒâŋene mo?’ iŋuc muhuc wio‐narepie weniŋuc jazapemu?”
1594	EXO 3:14	Eme Anutuzi Mose âzâcnewec: “NO JUKOPACZI JUKOPAC.” Erâ muwec: “Go Israe ŋic ʒiŋuc jazazemec, ‘NO JUKOPAC eki ŋoŋerao sorecnukac.’”
1595	EXO 3:15	Erâ Mose ʒuhuckerâ âzâcnewec: “Israe ŋic ʒiŋuc jazazemec, ‘Wofuŋ, mimiŋnefâc‐ŋeŋic Abraham, Isaka â Jakobo jaŋere Anutu, eki ŋoŋerao sorecnukac.’ Izi ʒâŋe‐nane fofo sanaŋ ekac, mimiŋzi ɋâric ʒâŋe‐nane iŋuc hâcne muhuc junʒepieŋ.
1596	EXO 3:16	Go rarâ Israe ŋic micnefâc‐jeŋic hetumaŋ‐joparâ jazazemec, ‘Wofuŋ, mimiŋnefâc‐ŋeŋic Abraham, Isaka â Jakobo jaŋere Anutu, eki fua‐narerâ ʒiŋuc nazawec: “No ŋoŋe honec‐ŋopakopac erâ Aigita ŋic jaŋe wiac eŋareŋgopieŋ i wâc mâmâc hone manac ekopac.
1597	EXO 3:17	Ehuc ʒiŋuc mupaŋkekopac, ‘No Aigita mâreŋte fific guguriŋkonec batarac‐ŋoparâ jowac‐ŋopa raku Kanaaŋ ŋic, Hitiŋic, Amori ŋic, Periʒi ŋic Hiwiŋic â Jebusi ŋic jaŋere mâreŋko râec‐ŋopapemu. Mâreŋ ira susu â baŋac fusucmarâ qâmbâriŋkeekac.’” ’
1598	EXO 3:18	Eme jaŋe dâŋge manapie fârine eha go Israe ŋic micne jaŋehec Aigita ŋicwofuŋ erao rarâ âzâcnenʒepieŋ, ‘Wofuŋ, Hebiraio ŋic nâŋere Anutu e fua‐nârewec, irec mana‐nâretec nâŋe ʒoaŋ jahec â moc ra juku mâreŋ tuhuo Wofuŋ Anutu‐nâŋec taha bâzi rikecnenʒepeneŋ.’
1603	EXO 4:1	Eme Mose e dâŋ ʒiŋuc bâtikiecnerâ muwec: “Manakic, jaŋe dâŋnane mi mana ʒakiehuc muniŋmu, ‘Wofuŋ e go mi fua‐garewec.’ Iŋuc mupie wenac epemu?”
1624	EXO 4:22	Goki ine Farao âzâcnezemec, ‘Wofuŋzi ʒiŋuc mukac: Israe e mârâc ŋokâ‐nane hâcne.
1634	EXO 5:1	Eme Mose â Aroŋ jahe juku Faraorao rarâ dâŋ ʒiŋuc âzâcnepic: “Wofuŋ, Israe ŋic jaŋere Anutu e ʒiŋuc mukac: ‘Go ŋicfâc‐nane râec‐jopatec mâreŋ tuhuo rarâ nore hombaŋ moc ŋenʒepieŋ.’”
1641	EXO 5:8	Erâ juwicnao qânâ rikeniŋte mujarekicne ʒare i moc mi bawahahuc ijaha bâfuanʒepieŋ. I jaŋe ojoŋ juhuc ʒiŋuc muŋgopieŋte: ‘Nâŋe ra Anutu‐nâŋec bâzi rikecnenʒepeneŋ.’
1643	EXO 5:10	Iŋuc mume ŋic jaŋere gie soŋaŋ â micne jaŋe ra ŋic jazambiŋ: “Farao e muac‐nâpohuc ʒiŋuc mukac: ‘Sopâc mocwâc mi jarezo.
1649	EXO 5:16	Sopâc uucne mocwâc mi nârehuc sifu ʒiŋuc munâreŋgopieŋ: ‘Qânâ rikenʒepieŋ!’ Iŋuc muhuc kiŋaŋ qaqafâcge nâŋe nâpoŋgopieŋ wâc. Go ŋicfâcge nâŋe iŋuc enârehuc kiŋsâko hurekomec i!”
1650	EXO 5:17	Eme eki muwec: “Ŋoŋe ŋic ojoŋne, ojoŋ juŋgopieŋ hâcne. Irec muŋgopieŋ, ‘Nâŋe ra Wofuŋ bâzi rikecnenʒepeneŋ.’
1662	EXO 6:6	Irec Israe ŋicguru jazac, ‘No hâcne Wofuŋ jukopac, erâ no Aigita mâreŋte ʒâic gieonec â kiŋaŋ qaqa bacŋopakicnaonec batarac‐ŋoparâ bawefuc‐ŋopahuc mesanaŋ‐nanezi okac babazu gie bahuc firuec‐ŋopapemu.
1695	EXO 7:9	“Farao e, ‘Dâŋŋekic dopeckehuc mâsi moc banic,’ iŋuc ŋasame Aroŋ âzâcnezemec, ‘Gunuge rorâ Faraore maio mâreŋko behetec homa ezejec!’”
1702	EXO 7:16	Erâ âzâcnezemec, ‘Wofuŋ, Hebiraio ŋic nâŋere Anutu hâcne, e ʒiŋuc gazapemurâ gorao sorecnuwec: “Ŋicfâc‐nane mâreŋ tuhuo kiŋaŋ qanareniŋte râec‐jopatec ranʒepieŋ. Go ine dâŋ i moc mi reŋkehuc juekic.”
1705	EXO 7:19	Erâ Wofuŋzi Mose ʒiŋuc âzâcnewec: “Aroŋ ʒiŋuc âzâcnec, ‘Go gunuge rorâ Aigita mâreŋte opâ sasawa, opâ sâko mecne, opâwâc mecne, opâ ʒâkâŋ mecne, â opâ nombâŋ mecne irapec mege sicnetec opâzi soc efârezejec, ehuc Aigita mâreŋ sâko sâcke‐fârehuc opâ râqâc jâczi me qânâzi bakicne ira mâmâc fozejec.’”
1712	EXO 7:26	Eme Wofuŋzi Mose ʒiŋuc âzâcnewec: “Faraorao rarâ âzâcnec, ‘Wofuŋzi ʒiŋuc mukac: “Go ŋicfâc‐nane râec‐jopatec ra kiŋaŋ qanarenʒepieŋ.
1716	EXO 8:1	Eme Wofuŋzi Mose ʒiŋuc âzâcnewec: “Go Aroŋ âzâcnec, ‘Go gunuge bahuc mege bâfeŋnerâ opâ sâko â opâ hata â opâ ʒâkâŋ irapec sicnerâ mutec qaqec wefurâ Aigita mâreŋ ŋefacke‐fârenʒepieŋ.’”
1731	EXO 8:16	Eme Wofuŋzi Mose ʒiŋuc âzâcnewec: “Go tomâc furicte Faraozi opâo raocte rahame fuacnerâ âzâcnezemec, ‘Wofuŋzi ʒiŋuc mukac: “Go ŋicfâc‐nane râec‐jopatec ra kiŋaŋ qanarenʒepieŋ.
1744	EXO 9:1	Iŋuc fuame Wofuŋzi Mose ʒiŋuc âzâcnewec: “Go Faraorao ferâ âzâcnec, ‘Hebiraio ŋic nâŋere Anutu, Wofuŋ hâcne, e dâŋ ʒiŋuc mukac: “Ŋicfâc‐nane jaŋe kiŋaŋ qanareniŋte râec‐jopatec ranʒepieŋ.
1756	EXO 9:13	Eme Wofuŋzi Mose ʒiŋuc âzâcnewec: “Tomâcko uupictea faharerâ Faraorao rarâ âzâcnezemec, ‘Hebiraio ŋic nâŋere Anutu, Wofuŋ hâcne, eki dâŋ ʒiŋuc mukac: “Ŋicfâc‐nane kiŋaŋ qanareniŋte râec‐jopatec ranʒepieŋ.
1757	EXO 9:14	No dameŋ ʒi hâcne go â wiacfâcge â ŋic gurufâcge wiac hâhâwicne jâmbâŋ eŋarepe ʒiŋuc mana tarazemec: ‘Mâreŋ sâko mâreŋ ira Anutu iŋucne moc mi jujâmbâŋkekac.’
1781	EXO 10:3	Eme Mose â Aroŋ jahe Faraorao ferâ ʒiŋuc âzâcnepic: “Wofuŋ, Hebiraio ŋic nâŋere Anutu, e ʒiŋuc mukac: ‘Go nore maio rumehuc juju i wemocte boc qikiŋnekomec? Go ŋicfâc‐nane nore kiŋaŋ qaniŋte râec‐jopatec raniŋ.
1811	EXO 11:4	Eme Mosezi muwec: “Wofuŋ e ʒiŋuc mukac: ‘No ŋafe ʒâŋiŋko waharâ Aigita mâreŋ fotâcne rahape
1843	EXO 12:26	Eme naru motecfâc‐ŋeŋic jaŋe, ‘I fuŋne weniŋucte eeŋgopieŋ?’ iŋuc wio‐ŋarepie
1844	EXO 12:27	ʒiŋuc jazanʒepieŋ: ‘I Wofuŋte aakic tiwâ bâzi. Eki hâcne Aigita ŋic jopahuc Israe ŋic Aigita mâreŋko jumbiŋ, jaŋere fic jowaruhuc akic‐jopawec.’” Iŋuc mume ŋic ŋokac jaŋe manarâ fodapehuc numumbiŋ.
1876	EXO 13:8	Ehame gie bapa ira ŋokâfâc‐ŋeŋic ʒiŋuc jazanʒepieŋ: ‘I Wofuŋzi Aigita mâreŋkonec wahahapene ehâmo‐nârewecte iŋuc fuakac.’
1882	EXO 13:14	Eme juku ʒâhec ŋokâfâc‐ŋeŋic ʒiŋuc wio‐ŋareŋimu: ‘Wiac i fuŋne weniŋucte eeŋgopieŋ?’ Eme ʒiŋuc jazanʒepieŋ: ‘Wofuŋ e mesanaŋ‐ticnezi Aigita kâpâcwâru fickonec batarac‐nâporâ jowac‐nâpome wahambeŋ.
1893	EXO 14:3	Farao eki Israe ŋicguru jaŋere ʒiŋuc muocmu hâcne: ‘Mâreŋ burocnezi râreŋ bârâreŋ fokacte jaŋe kosa qac qâsoric ehuc juŋgopieŋ.’
1902	EXO 14:12	Nâŋe ocna Aigita mâreŋko ʒiŋuc mi gazambeŋ me, ‘Go behec‐nâpotec nâŋe sifu Aigita ŋic kiŋaŋ qajarenʒepeneŋ?’ Nâŋe Aigita ŋic jaŋere kiŋaŋ qahuc junʒapeŋ muzac afecke‐nârezac, ʒi ine mâreŋ burocnao hâmo sipiric enaŋmu ekac.”
1930	EXO 15:9	Râsizi muwec: ‘No jopa jâpec ejarehuc jowarupe, no mateŋ bâtâc bape andac‐nane omaezejec. No ʒika‐nane bâfeŋnepe menanezi jopa miziezejec.’
1957	EXO 16:9	Erâ Mosezi Aroŋ âzâcnewec: “Go Israe kikefuŋ mâmâc sâko kecʒiŋuc jazac, ‘Ŋoŋe Wofuŋte maio ware fuaniŋ, e mukâroŋ‐ŋeŋic manawec hâcne.’”
1960	EXO 16:12	“No Israe ŋicguru jaŋere kâroŋ qaqa manapac, irec go jazac, ‘Owâ ririŋko qowi nâniŋmu â furicte poroŋ nâ gapec eniŋmu, iŋuc ehuc no Wofuŋ Anutu‐ŋeŋic jukopac i mana taranʒepieŋ.’”
1964	EXO 16:16	Wofuŋzi irec dâŋ ʒiŋuc mutâcne‐ŋarewec: ‘Ŋoŋe ru sâc nânâ i sâcŋeŋic ro nusec enʒepieŋ. Boze‐ŋeŋicko ŋic ŋokac naru motec ŋec foc eeŋgopieŋ jaŋere ʒare manahuc ru sâc amae wâŋ wâŋ iŋuc ronʒepieŋ.’”
1971	EXO 16:23	Âzâcnepie muwec: “Wofuŋ e irec hâcne ʒiŋuc muwec: ‘Tomâcko sabata hombaŋ, Wofuŋte tiri sabata hâcne. Ŋoŋe ʒegoc rikezo murâ ʒegoc rikeniŋ me kuʒio rikezo murâ rikeniŋ, iŋuc epie tiwâne ŋeme tomâckore biŋe râepie fozejec.’”
1980	EXO 16:32	Eme Mosezi muwec: “Wofuŋzi mumupaŋ dâŋ muwec i kecʒiŋuc: ‘Ŋoŋe nânâ i amae mocte sâc ɋâricfâc‐ŋeŋic jaŋere erâ râepie fozejec. Eme jaŋe, no Aigita mâreŋkonec jowac‐ŋopa waharâ mâreŋ burocnao nânâ weniŋuc gumec‐ŋopapo i honenʒepieŋ.’”
1981	EXO 16:33	Eme Mosezi Aroŋ âzâcnewec: “Go rowaŋ kiruŋ moc rorâ ira amae mocjahare sâc ‘mana’ hoŋketec hume ɋâricfâc‐ŋeŋic jaŋere erâ Wofuŋte maio râepie domazejec.”
2039	EXO 19:12	Goki ine aka hajarehuc ʒiŋuc jazazemec: ‘Ŋoŋe tikio fenʒipiŋte me tiki qaŋeŋne sawa moc ba bâuac enʒipiŋte rucŋeŋic banʒepieŋ. Moc e tiki ba bâuac eocmu e hâmo‐jâmbâŋkezejec.
2050	EXO 19:23	Eme Mosezi Wofuŋ âzâcnewec: “Ŋic ŋokac jaŋe Sinai tikio sâcne mi wefuniŋmu, i go gahac uŋsawaŋ enârehuc ʒiŋuc mumeŋte: ‘Tiki râreckehuc sac barâ furu muzemec.’”
2074	EXO 20:22	Ehame Wofuŋzi Mose âzâcnerâ muwec: “Go Israe ŋicguru kecʒiŋuc jazac: ‘No sambâŋkonec dâŋ mupe hufâjec i ŋoŋe ŋaŋac hone manac embieŋ.
2083	EXO 21:5	Me kiŋaŋŋiczi ʒiŋuc muocmu, ‘Maŋnanezi bomboŋ‐nane mecne, ŋonâŋ naru motecfâc‐nane mecne jaŋerao domakacte no bucnane rambaŋ mi jupemu,’
2123	EXO 22:8	“Me ŋic moczi ŋic âgo‐ticne qorickehuc bulimakaore me doŋgire me lamare me ŋaqi qoructe me wiac irec me irec, ‘Ine hâcne nore,’ iŋuc muhuc hehefaric epire mâmâc jaha Anuture maio râec‐jofazo. Eme Anutu e ere me ere fuŋne bataniŋkeocmu ŋic e hâcne âgo‐ticne okacne bafehuc râcnezejec.
2330	EXO 28:36	“Erâ go gol ɋaɋacnezi masapu moc barâ irec faio dâŋ ʒiŋuc heutuckehuc qâreŋkezemec: ‘Wofuŋte erâ bâtirikicne’.
2414	EXO 30:31	Israe ŋicguru jaŋe ine ʒiŋuc jazazemec: ‘Ŋoŋe mimiŋzi ɋâric wokemaŋ irec manapie nore tiri rurua wokemaŋ ezejec.
2434	EXO 31:13	“Go Israe ŋicguru jazazemec, ‘Ŋoŋe hombaŋ‐nane ŋefârenʒepieŋ, hombaŋ i ŋoŋehec ʒâʒâfic epo irec ma, erâ i mimiŋzi ɋâric forahuc juzejec. No Wofuŋ jukopaczi tiri bacŋopakopac, iŋuc mana‐fârenʒepieŋ.
2447	EXO 32:8	no hata mutâcne‐jarepo i biac qâsuambieŋ. Jaŋe bulimakao qâqâtâc moc bâfuarâ numucnehuc bâzi rikecneŋgopieŋ, ehuc ʒiŋuc muŋgopieŋ: ‘O Israe, Aigita mâreŋkonec bacgu warewec nemuge ʒi hâcne.’”
2451	EXO 32:12	Go iŋuc etec Aigita ŋic jaŋe ʒiŋuc muniŋmu i: ‘Imac‐jopaocte manasuhuc tiki mâreŋko bacjopa rawec, ehuc mâreŋkonec bâsirowec‐jopaocte iŋuc hâcne ewec?’ Irec sifu ŋicfâcge jaŋere buge sâqoreme mana uruetec kimbeŋgere ʒoc qaʒuezejec.
2452	EXO 32:13	Kiŋaŋŋicfâcge Abraham, Isaka â Israe jaŋe manasuc‐jopac. Erâ gahacne ʒâŋeo iticnehuc mumupaŋ sanaŋ mupaŋke‐jarehuc biŋedâŋ ʒiŋuc jazameŋ i manasuc, ‘Ɋâricfâc‐ŋeŋic basawec‐jopakupe sambâŋko bâpiŋ ŋeraŋgopieŋ irec sâc fuaniŋmu, â mâreŋ biŋe qaŋarepo ʒi ɋâricfâc‐ŋeŋic jarepe raucke sanaŋkenʒoŋgopieŋ.’”
2462	EXO 32:23	Jaŋe ʒiŋuc nazambiŋ hâcne: ‘Go nemu bâfuac‐jopatec bânie‐nârepie ranʒepeneŋ; Aigita mâreŋkonec jowac‐nâpo warewec, Mose hâcne, ŋic e sifucke wiac moc ewec me weniŋuc i mi manaŋgopeneŋ.’
2463	EXO 32:24	Iŋuc mupie jazapo, ‘Moc e eri wiac golzi bakicne moc bajuekacko hetarazejec.’ Eme narepie ʒocko behepe hume bulimakao qâqâtâc ʒi hâcne fuawec.”