3	GEN 1:3	Eme Anutuzi ʒiŋuc muwec: “Tamaeoc!” Mume tamaewec.
6	GEN 1:6	Tarame Anutuzi ʒiŋuc muwec: “Opâ ŋondeŋko aka sanaŋ moc fuaoc, ehuc izi opâ bâtâc bazejec.”
9	GEN 1:9	Tarame Anutuzi ʒiŋuc muwec: “Sambâŋ rurumaŋnao opâ mockoa qâzuckepie kereŋnezi fua tâcneoc!” Mume iŋuc fuawec.
11	GEN 1:11	Eme Anutuzi muwec: “Mâreŋte faio wiac fofone i âkeʒurâ wefuoc! Nânâ monʒaŋ ʒariŋ wiac ukichec sasawa, â jâc wiac hândâŋ ukichec sasawa, iŋucne fuŋne fuŋne wefunʒepieŋ!” Mume iŋuc hâcne fuawec.
14	GEN 1:14	Tarame Anutuzi ʒiŋuc muwec: “Sambâŋko ʒoctamac fua raniŋ. Jaŋe hâcne ʒoaŋ â ŋafe bâtâc bacjofanʒepieŋ, ehuc hoemaŋ â sâko ʒoaŋ, gie bapa â jara irec dameŋ mufua‐nârehuc doma ranʒepieŋ!
20	GEN 1:20	Tarame Anutuzi ʒiŋuc muwec: “Opâ jaŋere maŋko opâ qowi fuŋne fuŋnezi fuarâ fusucmapie qiriŋ sâko fuazejec â wipe jaŋe sawao furuc furuc qahuc junʒepieŋ!” Mume fuawec.
22	GEN 1:22	Eme Anutuzi ʒiŋuc muhuc jambuŋ‐jopawec: “Ŋoŋe ukichec erâ sawe mâririackehuc opâ hâwec sâcke‐fârenʒepieŋ â wipe jaŋe mâreŋ faio sawenʒepieŋ!”
24	GEN 1:24	Tarame Anutuzi ʒiŋuc muwec: “Mâreŋzi wiac jujune fuŋne fuŋne kiweckerâ rozejec, hae qowi â homa gisic â kâte qowi fuŋne fuŋne!” Mume iŋuc fuawec.
26	GEN 1:26	Eme Anutuzi ʒiŋuc muwec: “Ajoc! Nâŋâc nâŋâcne hawarire sâcko ŋic bâfuac‐jopanaŋ! Jaŋe hâwec qowi â sawa wipe â hae qowi â kâte qowi sasawa erâ homa gisic wiac mâreŋko babarâ jueŋgopieŋ jaŋe ŋicwofuŋ ejarenʒepieŋ!”
28	GEN 1:28	Erâ jambuŋ‐jofahuc ʒiŋuc jasawec: “Ɋârichec ehuc fua sawec erâ mâreŋ ŋefusucmahuc ruckenʒepieŋ. Ehuc hâwec qowi â sawa wipe â mâreŋ qowi gisic wiac sasawa ŋicwofuŋ ejarenʒepieŋ!”
29	GEN 1:29	Anutuzi iŋuc murâ ʒiŋuc jasawec: “No monʒaŋ wiac ukic‐ticne tie raekac â jâcfâri nânâne ukic‐ticnehec ʒi râe‐ŋactekopac, izi nânâ‐ŋekic ezejec.
47	GEN 2:16	Râerâ ŋic ʒiŋuc mupaŋkecnewec: “Jufu gieo jâc fârihec doma raŋgopieŋ i sâcne ro nâc efârecmu.
49	GEN 2:18	Eme Wofuŋ Anutuzi muwec: “Ŋic e buc jume mi biaŋkekac. Irec no ere sâc jaha âgo babafic‐ticne moc bâfuazepac!”
54	GEN 2:23	Jowa rame ŋiczi honerâ muwec: “Keʒi jâmbomac siec‐nane â biuc‐nane! E ŋickonec rokicnere ʒâŋene Ŋokac mucnezo.”
57	GEN 3:1	Wofuŋ Anutu e kâtere wiac jujune gâcne bâfuac‐jopawec jaŋere sâc jâuru‐fârehuc homare gibioczi fejâmbâŋkewec. Eme homa e ŋokac ʒiŋuc muhuc wiocnewec: “Jufuo jâc sasawa doma rakac irec fârine mi nânicte Anutuzi muwec me?”
58	GEN 3:2	Eme ŋokaczi homa âzâcnewec: “Nâhe jufuo jâcne jâcne doma rakac irec hândâŋne sâcne nanacte mana‐nâctekicne,
60	GEN 3:4	Eme homazi ŋokac âzâcnewec: “Aricne, ŋohe mi hâmonicmu.
65	GEN 3:9	Ehame Wofuŋ Anutuzi ŋic wiracnerâ muwec: “Go wena?”
66	GEN 3:10	Eme muwec: “No jufuo hata jutec fânâŋge manarâ, biuctac jukopacte hâwicnume soŋkepac.”
67	GEN 3:11	Eki muwec: “Biuctac jukomec i mozi gazajec? Go jâchândâŋ mi nâcmurâ mupaŋke‐garepo i moc nâmec me?”
68	GEN 3:12	Ŋiczi muwec: “Ŋokac nohec juocte naremeŋ eki jâchândâŋne nareme napac.”
69	GEN 3:13	Eme Wofuŋ Anutuzi ŋokac âzâcnewec: “Go wemocte iŋuc emec?” Ŋokaczi muwec: “Homazi eatucnume napac.”
70	GEN 3:14	Eme Wofuŋ Anutuzi homa ʒiŋuc âzâcnewec: “Go iŋuc emecte ine hae qowi â kâte qowi jaŋeraonec go mocjaha sâwecgukopac. Go mâreŋko jucmu sâc bugezi foforâ juhuc gâc wândoc nâzemec.
72	GEN 3:16	Ŋokac ine ʒiŋuc âzâcnewec: “Kiwechec juhaŋtec ʒâic bocjaha bâfua‐garepemu, eme gozi kicgukuhame naru motec rocjopazemec. Ŋowegere aŋacguha eki bomboŋ egarezejec.”
73	GEN 3:17	Adam ine ʒiŋuc âzâcnewec: “Go ŋonâŋgere dâŋ reŋkehuc jâchândâŋ mi nâjâmbâŋkecmurâ mupaŋke‐garepo i nâmec, irec gore ehuc mâreŋ sâweckekopac! Go ʒâic gie sâko tatara tâmiric bahuc nânâge bâfuazemec.
78	GEN 3:22	Wofuŋ Anutu e iŋuc erâ ʒiŋuc muwec: “Jei! Ŋic e biac nâŋâcne sâcko biaŋne â sâqocne irec fuŋne mamana ejec! E meticne sicnerâ jujujâcte hândâŋ rorâ nâhuc juju sanaŋ juzacte mi manacnezo.”
81	GEN 4:1	Eme ŋic e ŋonâŋ‐ticne Ewa ehec jume motec kiweckerâ Kaiŋ rowec. Rorâ ʒiŋuc muwec: “Anutuzi baficnume ŋokâ moc fua‐narekac.”
86	GEN 4:6	Eme Wofuŋzi Kaiŋ âzâcnewec: “Wemocte aaricgume ʒâŋe maige enduŋkekomec?
88	GEN 4:8	Eme Kaiŋzi ɋaticne Abe âzâcne muwec: “Nâhâc gieo ranac.” Mume gieo ra jupic, ehuc Kaiŋzi fahare ɋaticne Abe qarâ qâhâmowec.
89	GEN 4:9	Eme Wofuŋzi Kaiŋ ʒiŋuc wiocnewec: “Ɋage Abe wena jukac?” Eki muwec: “Mi manakopac, no ɋananere soŋaŋ me?”
90	GEN 4:10	Eme Wofuŋzi muwec: “Go wemo wiac emec? Ɋagere soczi mâreŋko wira wâwâsic enareme manakopac.
93	GEN 4:13	Eme Kaiŋzi Wofuŋ âzâcnewec: “Okacne narekic i bâmâmâckekopac.
95	GEN 4:15	Eme Wofuŋzi muwec: “Iŋuc misac, moc e Kaiŋ qâhâmome okacne arec 7 irec sâc râcnezo.” Iŋuc murâ Kaiŋ sahacnao maqâreŋ moc râewec, moczi moc bâfuarâ qanʒipiŋte.
103	GEN 4:23	Juku Lamec e ŋonâŋ jahec‐ticne hefârec‐jofarâ ʒiŋuc jasawec: “Ada â Zila, ŋohe hazec râerâ dâŋnane mananic! Ŋonâŋ jahec‐nane, ŋohe saoreŋ gae‐nane maŋkenic! Jâmbomac jâmbâŋ, wicte okacne ŋic moc qapo, â ʒâpâ nukicnere ine motec mac moc.
135	GEN 5:29	Fuame ʒiŋuc muhuc ʒâŋene Noa muwec: “Anutuzi mâreŋ sâweckewecte ʒâic busâqoc faio gie sâko bahuc juhapene motec eki bâmiriŋ‐nâpozejec!”
141	GEN 6:3	Eme Wofuŋzi muwec: “Nore tâpirizi ŋicko mi fofehuc juzejec, ŋic e mâreŋkonec, sahac biuchec, mâreŋko juju‐ticnere jara dameŋ 130 mocwâc mi jâuruzejec.”
145	GEN 6:7	Eme Wofuŋzi muwec: “Ŋic bâfuac‐jopapo jaŋe bâsirowec‐jopape mâreŋko omaenʒepieŋ, qowi â gisic wiac â sawa wipe jaŋe mâmâc, jaŋe bâfuac‐jopapore bunane hâhâtâwekac!”
151	GEN 6:13	Eme irec Anutuzi Noa ʒiŋuc âzâcnewec: “No mâreŋŋic jaŋere dameŋ taraocte manapaŋkekopac. Jaŋe sindaŋ hârindaŋ‐jeŋiczi mâreŋ fusucmakacte no bâsirowec‐jopapemu.
161	GEN 7:1	Eme Wofuŋzi Noa ʒiŋuc muhuc âzâcnewec: “Go â wiacfâcge ŋoŋe wokeo fefârenʒepieŋ, go ŋicguru ʒi jaŋere ŋondeŋko mitihec jukomecte honecgupe biaŋkekac.
200	GEN 8:16	“Go â ŋonâŋge erâ ŋokâ joŋaofâcge, ŋoŋe wokeonec wahaniŋ!
205	GEN 8:21	Eme Wofuŋzi bâbâmiriŋte âsu manahuc maŋticnao ʒiŋuc muwec: “No mâreŋko wiac jujuhec i ŋicte ehuc mocwâc mi sâweckezepac. Ŋic jaŋe ɋieonecteaŋ maŋjeŋiczi mamanasu gie repicne baraʒihuc juniŋmu, no ine sifu ŋicte erâ wiac jujuhec mocwâc mi bâsirowepemu.
207	GEN 9:1	Eme Anutuzi Noa â ŋokâfâcne ʒiŋuc muhuc jambuŋ‐jopawec: “Ŋoŋe fua sawec ehuc mâreŋ ŋefusucmanʒepieŋ.
215	GEN 9:9	“No ʒi ŋoŋe â ɋâricfâc‐ŋeŋic ŋoŋehec ʒâʒâfic sanaŋ ekopac,
218	GEN 9:12	Erâ Anutuzi ʒuhuckerâ muwec: “No ʒi ŋoŋe â wiac jujune sasawa ŋoŋehec ʒâʒafic sanaŋ ekopac.
223	GEN 9:17	Anutuzi iŋuc murâ ʒuhuckerâ Noa ʒiŋuc âzâcnewec: “Mâreŋko ŋoŋehec ʒâʒâfic sanaŋ ekopac irec ma ine hâcne!”
231	GEN 9:25	“Sâweczi Kanaaŋ ere faio fezejec, e hahac jahec‐ticne jahere kiŋaŋ motec wawahane juzejec!”
232	GEN 9:26	Iŋuc murâ ʒiŋuc ʒuhuckerâ muwec: “Wofuŋ Anutu‐nanezi Sem jambuŋkezejec ehame Kanaaŋ e ine kiŋaŋ motec‐ticne juzejec!”
233	GEN 9:27	Erâ ʒuhuckerâ muwec: “Anutuzi Jafete bafickeme sawe mâririackezejec, ehame ɋâricfâc‐ticne jaŋe Semte ɋâricfâc jaŋehec ŋeŋe juju enʒepieŋ, â Kanaaŋ e ine kiŋaŋ qaqa‐ticne ezejec.”
244	GEN 10:9	Nimorodi e Wofuŋte maio wosaŋeŋ bapa kâcɋene juwec, irec ŋic jaŋe ere qâqiŋ qahuc ʒiŋuc mujumbieŋ: “Wofuŋte maio wosaŋeŋ bapa kâcɋene, Nimorodi ere sâcko.”
270	GEN 11:3	Erâ kecʒiŋuc muc manac embiŋ: “Ajoc, nâŋâc afe qâhâckerâ ʒocko rikepene sanaŋkeoc.” Eme afe sanaŋkekicne izi fic bapa qânâ ejarewec â mâreŋ maŋkonec sâfâ izi simeŋ ejarewec.
271	GEN 11:4	Eme mumbiŋ: “Ajoc, nâŋâc hae sâko moc barâ ficʒora moc feŋgaŋne feŋgaŋne râe fekupene botâŋnezi sambâŋ âke uazejec. Eme ʒâŋe biŋehec erâ siŋsaŋ qahuc mâreŋne mâreŋne mi ranʒepeneŋ.”
273	GEN 11:6	Erâ muwec: “Jâmbomac, jaŋe ŋicguru mocjaha â dâŋmarac‐jeŋic wâc mocjaha, erâ gie baniŋte mu biric embieŋ i mâc fufuŋkene sawa. Efehuc fârine quŋquŋke tâmiric bâfuaniŋmu.
300	GEN 12:1	Eme Wofuŋzi Abram âzâcnewec: “Go mâreŋ qizecge â mame sâkofâcge â fic haege behe‐fârerâ noni mâreŋ moc gowatupemu ira ra juzemec.
306	GEN 12:7	Dameŋ ira Kanaaŋ ŋic jaŋe hae mâreŋ irec rune jumbiŋ. Eme Wofuŋzi Abram fuacnerâ muwec: “Ɋâricfâcge jaŋe mâreŋ ʒi hâcne jarezokopac.” Eme Abram e Wofuŋzi fuacnerâ dâŋ âzâcnewecte ira alata moc bawec.
310	GEN 12:11	Eme Aigita mâreŋ bâqiŋkezo ehuc ŋonâŋ‐ticne Sarai ʒiŋuc âzâcnewec: “Manakic, go ŋokac sahac hawarige biaŋne i kâuc mi bakopac.
317	GEN 12:18	Iŋuc fuame Faraozi Abram hefârerâ ʒiŋuc muhuc wiocnewec: “Keci wemo mâsi mo enaremeŋ?
327	GEN 13:8	Eme Abram e Loti ʒiŋuc âzâcnewec: “Nâhâcne ŋondeŋko me soŋaŋfâc‐nâhec jaŋere ŋondeŋko rârâsi fome mi sâckeocmu, nâhâc mame ŋokâ.
333	GEN 13:14	Loti e Abram beherâ rame Wofuŋzi Abram ʒiŋuc âzâcnewec: “Go mâreŋ domakomecko qâhâŋnerâ ʒâŋe fitec mâreŋ faicpec â juwicpec erâ ʒoaŋ wewefunaopec â huhunaopec raoc.
356	GEN 14:19	Erâ jambuŋkehuc dâŋ ʒiŋuc muwec: “Anutu Femicne e Abram jambuŋkezejec, Anutu sambâŋ mâreŋ bâbâfua eki hâcne.
358	GEN 14:21	Ehame Sodom ŋicwofuŋ e Abram ʒiŋuc muhuc âzâcnewec: “Ŋic ŋokac bârisiec‐jopa‐narec, mafa ine fogareoc.”
359	GEN 14:22	Mume Abramzi Sodom ŋicwofuŋ ʒiŋuc âzâcnewec: “Wofuŋ Anutu Femicne hâcne, sambâŋ â mâreŋ irec bâbâfua, erao musanaŋkekopac.
362	GEN 15:1	Eme irec faicnao Wofuŋzi Abram maŋko fuac ecnerâ ʒiŋuc âzâcnewec: “Abram, go mi hâwicguoc, maroge no hâcne, â furige i fekicne jâmbâŋ fuaocmu.”
363	GEN 15:2	Abramzi ine muwec: “Wofuŋ Anutu, go wemo wiac moc narecmurâ mukic? No ɋâric tâmiric mâc hahata juekopac, eme Elieʒe Damasko haeonec eki merâfâc‐nane rauckerâ bajuocmu.”
364	GEN 15:3	Erâ ʒuhuckerâ muwec: “Manakic, go ɋâric moc mi tahacnumeŋ, irec juku kiŋaŋ qaqa‐nanezi merâfâc‐nane rauckeocmu hâcne.”
365	GEN 15:4	Iŋuc mume Wofuŋte dâŋ kecʒiŋuc fuacnewec: “Eki merâfâcge mi rauckezejec, aricne, gore bifuŋko fuaocmuzi merâfâge rauckeocmu.”
366	GEN 15:5	Eme mâreŋko jowa hurâ ʒiŋuc âzâcnewec: “Go qâhâŋnerâ sambâŋko ʒâŋe fitec feme bâpiŋ honec‐jopac, i sâcne wosec‐jopacmu me?” Erâ âzâcnewec: “Ɋâricfâcge jaŋe irec sâc hâcne fua ranʒoŋgopieŋ.”
368	GEN 15:7	Erâ ʒiŋuc âzâcnewec: “Wofuŋ jukopac, noni hâcne mâreŋ ʒi garepemurâ Uru haeonec, Kaldea mâreŋkonec jowacgu warepo.”
369	GEN 15:8	Abram ine dâŋ ʒiŋuc bâtikiecnewec: “Wofuŋ Anutu, no mâreŋ ʒi rauckepemu i weniŋuc erâ sâcne mana ʒakiepemu?”
370	GEN 15:9	Iŋuc mume âzâcnewec: “Go ra bulimakao ŋokacne moc jara‐ticne 3 ekicne â noniŋ ŋokacne â lama ŋicne moc jara‐jekic 3 jaha ekicne, erâ hapâ â buni motecne, iŋuc rocjoparâ bare‐narec.”
374	GEN 15:13	Ehame Wofuŋzi Abram ʒiŋuc âzâcnewec: “Go ʒiŋuc mana sanaŋkec: Ɋâricfâcge jaŋe mâreŋ moc, biŋe mi qajarekicne, ira jaba juniŋmu; ehuc mâreŋ rune jaŋe bomac‐jopapie kiŋaŋ qajarehuc juhapie jara 400 taraocmu.
379	GEN 15:18	Ʒoaŋ ira Wofuŋzi ʒiŋuc muhuc Abramhec ʒâʒâfic ewec: “Aigita mâreŋte opâonec fuŋkerâ raku Eufrata opâ sâkoo tarakac, mâreŋ i hâcne ɋâricfâcge jaŋe jarepemurâ mupaŋkekopac.
384	GEN 16:2	Eme Saraizi Abram ʒiŋuc âzâcnewec: “Manakic, Anutuzi kogoc fufua irec mâsi sakare‐narewecte go kiŋaŋ naru‐nanehec juhaŋtec eraonec motec moc sâcne fua‐nareocmu mecne.” Mume Abramzi Saraire dâŋ reŋkewec.
387	GEN 16:5	Iŋuc eme Saraizi Abram ʒiŋuc âzâcnewec: “Mimi fua‐narekac i gorao qacnezejec. Noni kiŋaŋ naru‐nane garehuc amecgao râepo, eme eki, kiwechec ekopac, iŋuc muhuc mana wahacnukac. Ŋondeŋ‐nâhecko dâŋ fuarâ fokac i Wofuŋ e jahac mutarazejec.”
388	GEN 16:6	Mume Abramzi Sarai dâŋ ʒiŋuc âzâcnewec: “Wiac kiŋaŋ naru e gore meo jukac, e iŋuc me iŋuc ecnezo murâ ecnec.” Eme Saraizi Haga qa bâtiŋ ecneme wiserâ rawec.
390	GEN 16:8	bâfuarâ ʒiŋuc muhuc wiocnewec: “Haga, Saraire kiŋaŋ naru, go wenirec warekic erâ wena rakomec?” Eki muwec: “No ŋokac bomboŋ‐nane Sarai wisecnekopac.”
391	GEN 16:9	Eme Wofuŋte aŋelozi‐âzâcnewec: “Go risierâ ŋokac bomboŋge rumecnehuc juzemec.”
392	GEN 16:10	Erâ Wofuŋte aŋelozi ʒuhuckerâ âzâcnewec: “No ɋâricfâcge basawec‐jopape mâretec sawe mâririackepie ʒare‐jeŋiczi wowosenere sâc jâuruocmu.”
393	GEN 16:11	Erâ Wofuŋte aŋelozi ʒiŋuc wâc âzâcnewec: “Manakic, go kiwechec jukomecte juku motec moc rocmu, ere ʒâŋe Isimae muzemec, Wofuŋ e ki mamakucge manajec irec.
395	GEN 16:13	Eme dâŋ âzâcnewec Wofuŋ ere ʒâŋe ʒiŋuc muwec: “Go fufua tâcne Anutu.” I ʒiŋucte muwec hâcne: No fua tâcne‐narewec eme no e hâcne ʒâŋitapo.
396	GEN 16:14	Irec opâ ʒâŋene ʒiŋuc mueŋgpieŋ: “Juju runezi honecnuekac ere opâ ʒâŋe”, opâ ʒâŋe i Kadesi â Berede ŋondeŋ‐jekicko fokac.
399	GEN 17:1	Abram e jara‐ticne 99 bazume Wofuŋzi fuacnerâ ʒiŋuc âzâcnewec: “No Anutu tâpiri rune, go nore maio bahacmâc juzemec.
402	GEN 17:4	“Manakic, no gohec ʒâʒâfic‐nane ekopac i ʒiŋucte: Go ŋic gurune gurune jaŋere mamac erâ juzemec,
407	GEN 17:9	Erâ Anutuzi Abraham ʒiŋuc wâc âzâcnewec: “Goki ine ʒâʒâfic‐nane paŋnea soŋaŋkehuc bajuzemec, go â ɋâricfâcge mimiŋzi ɋâric mâmâc.
413	GEN 17:15	Erâ Anutuzi ʒuhuckerâ Abraham dâŋ ʒiŋuc âzâcnewec: “Ŋonâŋge Sarai ere ʒâŋe Sarai mocwâc mi muhuc Sara muzemec.
415	GEN 17:17	Mume Abrahamzi ʒâŋe maine mâreŋko hetutuckerâ gâwiehuc ʒiŋuc manasuwec: “Ŋic moc e jara 100 bazume ŋokâ moc sâcne fuacneocmu, erâ Sara e jara‐ticne 90 bazuweczi kogoc moc sâcne roocmu?”
416	GEN 17:18	Abraham e iŋuc ehuc Anutu ʒiŋuc âzâcnewec: “Go mana‐naretec Isimaezi gore maio jufezac me!”
417	GEN 17:19	Anutuzi ine muwec: “Misac, ŋonâŋge Sara eki ŋokâ moc roocmu, ere ʒâŋe Isaka muzemec. Eme noni ehec ʒâʒâfic sanaŋ epe ʒâʒâfic izi ɋâricfâc‐ticne jaŋehec fofehuc juzejec.
428	GEN 18:3	ʒiŋuc muwec: “Ŋicbomboŋ‐nane, go nore manatec biaŋkekacko kiŋaŋŋicge no mi nowaruzemec.
430	GEN 18:5	Ehame no nahac ine ra poroŋ mac moc roŋarepe nâqiŋnerâ razo murâ ranʒepieŋ. Kiŋaŋ qaqa‐ŋeŋic norao mac fisiŋgopieŋte weniŋuc qâoma ezo!” Mume mumbiŋ: “Sâcne, mukomec iŋuc ec.”
431	GEN 18:6	Eme Abraham e biac qoruc bozeo ferâ Sara âzâcnewec: “Ajoc, go poroŋ uucne fifia râqâc jahec â moc fiarâ bâsifuckerâ poroŋ rikec.”
434	GEN 18:9	Eme jaŋe wiocnembiŋ: “Ŋonâŋge Sara e wena?” Eme muwec: “E bozeo ŋekac.”
435	GEN 18:10	Eme moc eki muwec: “No jara faicnao dameŋ ʒiŋucnea mocwâc gorao warepemu, eme Sara e kogoc baŋeocmu.” Sarazi ine motâc râpenao soŋkerâ hazec râehuc domawec.
437	GEN 18:12	Irec Sara e maŋzi ʒiŋuc muhuc gâwiewec: “No sahac‐nane muzuckekicne â bomboŋ‐nane wâc ŋicqizec ekicnezi mocwâc hâpo mumuduc enacmu me?”
438	GEN 18:13	Eme Wofuŋzi Abraham ʒiŋuc wiocnerâ âzâcnewec: “Sara e wemocte ʒiŋuc muhuc gâwiekac: ‘No ŋokac qizec ekicnezi jâmbomac motec sâcne kiweckerâ ropemu?’
440	GEN 18:15	Eme Sara e hâwickeme mickehuc muwec: “No mi gâwiepac.” Eki ine muwec: “Aricne, go gâwiemec.”
443	GEN 18:18	“Abraham e ŋicguru sâko â sasanaŋhec eocte â eraonec jambuŋzi mâreŋne mâreŋne ŋic jaŋerao fotâcnehuc sâcjopaocte mupaŋkekicne. Irec no wiac ezo mukopac i Abraham wemocko hesoŋkecnepemu?
445	GEN 18:20	Erâ Wofuŋzi muwec: “Sodom â Gomora haeonec ŋic jaŋere sâqocne i ŋemâcne jâmbâŋ fokacte jaŋere erâ mu owa sâko fuakac.
448	GEN 18:23	Eme Abraham e Wofuŋte maŋfuŋko ra domahuc muwec: “Go jâmbomac ŋic biaŋne â sâqocne mâmâc bâsirowec‐jopazo mukomec me?
451	GEN 18:26	Eme Wofuŋzi muwec: “No Sodom haeo ŋic tiŋne 50 bâfuac‐jopapemuo ine jaŋere erâ gâcne sâko wâc hone akic ejarepemu.”
452	GEN 18:27	Eme Abrahamzi âzâcnerâ muwec: “No gâc wândoc â ʒafe iŋucnezi sifu ropaŋ erâ Wofuŋ‐nane go dâŋ gazakopac.