5	GEN 1:5	Ehuc tatamacte ʒâŋe ʒoaŋ â dapâcte ʒâŋe ŋafe mujactewec. Iŋuc eme hae ŋaferâ fureme ʒoaŋ 1 tarawec.
109	GEN 5:3	Eme ŋic e jara 130 bazuhame ere bifuŋko ŋokâ moc, e jahacne sâc â hawari iŋucne fuawec, eme ʒâŋe‐ticne Sete muwec.
112	GEN 5:6	Sete e jara 105 bazume ere bifuŋko Enosi fuawec.
114	GEN 5:8	Sete e iŋuc jufeku jara 912 bazurâ hâmowec.
116	GEN 5:10	Enosi e Kenaŋ fuawec dameŋ irecnec jara 815 ʒuhuckerâ juhame ere bifuŋko naru motec gâcne fua fembiŋ.
120	GEN 5:14	Kenaŋ e iŋuc jufeku jara 910 bazurâ hâmowec.
124	GEN 5:18	Jarede e jara 162 bazume ere bifuŋko Enoko fuawec.
131	GEN 5:25	Metusela e jara 187 bazume ere bifuŋko Lamec fuawec.
134	GEN 5:28	Lamec e jara 182 bazume ere bifuŋko ŋokâ moc fuawec.
141	GEN 6:3	Eme Wofuŋzi muwec: “Nore tâpirizi ŋicko mi fofehuc juzejec, ŋic e mâreŋkonec, sahac biuchec, mâreŋko juju‐ticnere jara dameŋ 130 mocwâc mi jâuruzejec.”
171	GEN 7:11	Noare jara dameŋ 600 irec mosa 2‐re ʒoaŋ gie bapa 17 ira opâ â hâwec ʒâkâŋ neŋgocne juwicnec soka siwiŋ ewefuhapie sawaonec opâ motâc aŋkeme
180	GEN 7:20	Opâzi tiki botâŋ‐jeŋic sirickewec ine kubi 15 irec sâc.
184	GEN 7:24	Eme opâ sâko jaŋe mâreŋ faio siwiŋne fehapie ʒoaŋ 150 tarawec.
187	GEN 8:3	Eme mâreŋ faio opâ jaŋe fofo‐jeŋickoa risiehuc qâzucke‐fârepie opâ sâko fâre wahawec. Ʒoaŋ 150 irec faicnao hâcne fuŋkehuc fâre wahawec.
188	GEN 8:4	Fâre wahakume wokezi mosa 7 irec ʒoaŋ gie bapa 17 ira Ararata tiki botâŋne mocko hesanaŋkerâ ŋewec.
189	GEN 8:5	Juku opâ e fâre wahakume mosa 10 irec ʒoaŋ gie bapa 1 ira tiki botâŋ‐jeŋic tâtâc fua rawec.
197	GEN 8:13	Noare jara dameŋ 601 irec mosa wâŋte ʒoaŋ gie bapa 1 ira opâ sâko mâreŋ faio fowec i kereŋke‐fârewec. Eme Noazi wokere bupu bâropierâ honewec: Mâreŋ faio opâ ʒickewec hâcne.
277	GEN 11:10	Kecʒi Semte ɋâricfâc jaŋere ʒâŋe biri: Sem e jara 100 bazume ere bifuŋko Arapakisa fuawec, ine rumi sâko omaewec irec faicnao jara 2 tarame fuacnewec.
292	GEN 11:25	Eme Naho e Tera fuawec dameŋ irecnec jara 119 ʒuhuckerâ juhame ere bifuŋko naru motec gâcne fua fembiŋ.
341	GEN 14:4	Jaŋe jara 12 Kedo‐Laome kiŋaŋ qacnehuc jumbiŋ, jara namba 13‐ko ine e râpeckembiŋ.
342	GEN 14:5	Eme jara namba 14‐ko Kedo‐Laome â ŋicwofuŋ ehec jumbiŋ jaŋe ware Asitero‐Karanaim haeo Refaim ŋic jopambiŋ, izi ware Ham haeo Ʒuŋim ŋic jopambiŋ, izi ware Kiriatim wâneŋko Emimŋic jopambiŋ,
351	GEN 14:14	Abram e ine motecoc‐ticne niŋgiŋko barâ rakicne biŋe i manarâ izia ŋicfâc‐ticne ʒikare fuŋne mamana, ʒare‐jeŋic 318, e jahacne ficko fuakicne sasawa rocjopame râsi bâjâpec‐jopa raku Daŋ haeopec fisimbiŋ.
385	GEN 16:3	Irec Abram e Kanaaŋ mâreŋko jara 10 jutarawec dameŋ ira Sarai, Abramte ŋonâŋ, e Aigita mâreŋkonec kiŋaŋ naru‐ticne Haga rorâ ŋowe‐ticne Abram râcneme ŋonâŋ‐ticne ewec.
415	GEN 17:17	Mume Abrahamzi ʒâŋe maine mâreŋko hetutuckerâ gâwiehuc ʒiŋuc manasuwec: “Ŋic moc e jara 100 bazume ŋokâ moc sâcne fuacneocmu, erâ Sara e jara‐ticne 90 bazuweczi kogoc moc sâcne roocmu?”
418	GEN 17:20	Â Isimaere wâc biac mana‐garekopac. Manakic, no e jambuŋkehuc ecnepe ɋâricfâcne fuarâ sawe mâririackenʒepieŋ. Ere bifuŋko ŋic fekicne 12 fuaniŋmu, erâ manacnepe ŋicguru sâko erâ juocmu.
423	GEN 17:25	â ŋokâ‐ticne Isimae e ine jara‐ticne 13 eha sahacnao ma bawec.
457	GEN 18:32	Eme Abrahamzi muwec: “O Wofuŋ‐nane, no arec mocjaha sawa mac ʒuhuckerâ mupe sifu mi mana sâqore‐narezemec: Ŋic 10 sawa bâfuac‐jopa wiac moc etec!” Eki muwec: “No 10 jaŋere erâ hae i ima mi bapemu.”
519	GEN 21:5	Abraham e ine jara‐ticne 100 eha ŋokâ‐ticne Isaka fuawec.
573	GEN 23:1	Sara e jufeku jara dameŋ‐ticne 127 bazuwec.
587	GEN 23:15	“Ŋicbomboŋ, go mupe manac: Mâreŋ tofane mac moc irec furine siliwa moneŋ 100 ekac, erâ dâŋ wemocte boc munacmu. Go sifu qâŋɋâŋge duckec.”
588	GEN 23:16	Abraham e ine furinere maname sâckeme Hitiŋic jaŋere maio ŋemâc bâbâfuao râerâ râcnewec. I eebapa‐jeŋicte sâcko iŋuc ehuc siliwa moneŋ 100 râcnewec hâcne.
602	GEN 24:10	Erâ kiŋaŋŋic e bomboŋ‐ticnere kamelefâc jaŋeraonec 10 rocjopawec, erâ bomboŋ‐ticnere boreŋ ʒeŋaŋ wiac fuŋne fuŋne i mâmâc ameckerâ rawec. Rahuc juku Mesopotamia mâreŋko, Naho ere haeo hâcne fisiwec.
647	GEN 24:55	Rebeka neŋgoc hahacne jahe ine mupic: “Naru e woka moc me ʒoaŋ 10 nâŋehec juku razejec.”
666	GEN 25:7	Abraham e jufeku jara‐ticne 175 bazuwec.
675	GEN 25:16	Ŋic i jaŋe hâcne Isimaere ŋokâfâc, ʒâŋe‐jeŋic i hae‐jeŋic â qoruc boze‐jeŋic ŋerakac sâc mukicne. Jaŋe guru‐jeŋicte sâc ŋicwofuŋ 12 jumbiŋ.
676	GEN 25:17	Â Isimae dameŋ‐ticnere fuŋne ine ʒiŋuc: E jufeku jara 137 bazurâ hâmohuc mame sâkofâc‐ticne jaŋerao ʒuhuckewec.
881	GEN 31:7	Mamac‐ŋekiczi ine eatucnuhuc gie furi‐nane bafec bawahac eme arec 10 ewec, ehuc wiac‐nane nowac rohuc bâʒâicnuzacte Anutuzi hekecnewec.
915	GEN 31:41	No jara 20 sâko ficgao kiŋaŋ qagarehuc jupo, jara 14 otâ jahecge jahere erâ epo â jara 6 qowifâcge jaŋere erâ epo, goki ine gie furi‐nane bafec bawahac etecne arec 10 ewec.
944	GEN 32:16	kamele susu bapazi motecnehec 30 a bulimakao ŋokacne 40 â ŋicne 10, erâ doŋgi ŋokacne 20 â ŋicne 10.
951	GEN 32:23	Eme Jakobo e hae mi fure taniŋkeha ŋafeoa faharerâ ŋonâŋ jahec‐ticne â kiŋaŋ ŋokac jahec‐ticne â ŋokâfâcne 11 jaŋe rocjopame Jaboko opâ rendacnao fotâcnembiŋ.
980	GEN 33:19	Ehuc boze‐ticne bawec mâreŋ i Sikemte mamac, ʒâŋene Hamoro ere ŋokâfâc jaŋeraonec moneŋ kâcɋene 100‐zi furine bawec.
1035	GEN 35:23	Jakobo ŋokâfâcne 12 jumbiŋ. Leare ŋokâfâc ʒiŋuc: Rubeŋ, e Jakobo mârâc ŋokâ‐ticne, erâ Simeoŋ, Lewi, Juda, Isasa â Sebuloŋ.
1040	GEN 35:28	Isaka e jara‐ticne 180 bazuwec.
1086	GEN 37:2	Jakobo wiacfâcne jaŋere binaŋ kecʒiŋuc fokac: Josefe e jara‐ticne 17 bazume hahacfâcne jaŋehec mâmâc lama soŋaŋ jumbiŋ. E motec ɋâri juwecte mamac‐ticnere ŋokac jahec Biliha â Silipa jahere ŋokâfâc jaŋehec juwec hâcne. Eme jaŋe bahac i me i moc bâfuapie Josefezi irec dâŋ mamac‐ticne âzâcne jujec.
1093	GEN 37:9	Eme irec faicnao guŋ moc manawec i ŋuc jaha hahacfâcne binaŋ bajarehuc ʒiŋuc muwec: “Mananiŋ, no guŋ moc ʒiŋuc manapac: Mosa ʒoaŋ â bâpiŋ 11 jaŋe dape‐narembiŋ.”
1256	GEN 42:3	Eme Josefe hahacfâcne 10 jaŋe nânâ furine baniŋte Aigita mâreŋko rambiŋ.
1266	GEN 42:13	Mume jaŋe ʒiŋuc mumbiŋ: “Kiŋaŋ qaqafâcge nâŋe 12‐zi jumbeŋ. Nâŋe hahac ɋa, ŋic mocjahare ŋokâfâc, Kanaaŋ mâreŋkonec. Ɋaʒâc‐nâŋec mamac‐nâŋehec jukac â ɋanâŋec moc ine mârâc jaha sifuckewec.”
1285	GEN 42:32	Nâŋe hahac ɋa 12 mamac‐nâŋecte ŋokâfâc, mocjahazi mârâc jaha sifuckewec â ɋaʒâc‐nâŋec e ine Kanaaŋ mâreŋko mamac‐nâŋechec jukac.’
1382	GEN 45:23	Ehuc mamac‐ticnere ine doŋgi 10, fainao Aigita mâreŋte wiac fâri biaŋ râekicne jaŋe mecne â doŋgi ŋokacne 10 padi â poroŋ â hatare nâsiŋhec jaŋe mâmâc râec‐jopame rambiŋ.
1405	GEN 46:18	Labaŋzi otâ‐ticne Lea Silipa râcnewec, e Jakobore ŋokâfâc 16 rocjopawec hâcne.
1409	GEN 46:22	Rahe e Jakobore ŋokâfâc 14 i jaŋe hâcne rocjopawec.
1430	GEN 47:9	Jakobozi Farao dâŋ ʒiŋuc bâtikiecnewec: “Mâreŋko jaba juju‐nanere dameŋ jara 130 tarawec, i dameŋ bembeŋne mac erâ sifu ʒâic busâqoc‐ticnehec. Erâ mamac ŋosafâc‐nane jaŋe mâreŋko jaba juju‐jeŋicte dameŋ ʒoricne, no irec sâc mi bâfuakopac.”
1449	GEN 47:28	Eme Jakobo e Aigita mâreŋko jara 17 ʒuhuckerâ jufeku jara‐ticne 147 bazuwec.
1502	GEN 49:28	Ŋic i sasawa jaŋe Israe ŋicguru 12 ine hâcne, erâ mamac‐jeŋiczi jambuŋ‐jopahuc dâŋ jazawec ine hâcne; ru sâc jambuŋdâŋ jazahuc buc buc jambuŋ‐jopawec hâcne.
1529	GEN 50:22	Eme Josefe e jahacne â mamac‐ticnere kikefuŋ Aigita mâreŋko jumbiŋ. Josefe ine jufeku jara 110 bazuwec.
1533	GEN 50:26	Eme Josefe e jara 110 bazurâ hâmowec. Hâmome sahac babasanaŋ wokemaŋ ruacnerâ Aigita mâreŋko qâŋɋâŋ‐ticne katapa mocko râepie fowec.
1672	EXO 6:16	Ʒi Lewi ŋokâfâcne fuambiŋ sâc jaŋere ʒâŋe: Geresoŋ, Kohati â Merari. Lewi e jara 137 bazurâ hâmowec.
1674	EXO 6:18	Kohati ere ŋokâfâc: Amaram, Izara, Heboroŋ â Uʒiele. Kohati e ine jara 133 bazuwec.
1676	EXO 6:20	Eme Amaram e neŋgoc pitic‐ticne Jokebede ŋokac‐ticne bawec, eme eki hâcne Mose â Aroŋ rocjofawec. Amaram e ine jara 137 bazurâ hâmowec.
1820	EXO 12:3	Erâ Israe kikefuŋ mâmâc sâko sâcmutâc ʒiŋuc ejarenic: Mosa kecʒirec gie bapa namba 10 ira ŋicne ŋicne jaŋe ŋokac naru motecfâc‐jeŋic jaŋere lama motec wâŋ wâŋ ronʒepieŋ, moc e garikiŋfâc‐ticne jaŋere lama wâŋ, moc e wâŋ, iŋuczi iŋuc.
1823	EXO 12:6	Baʒawiec‐joparâ bacjopa juhapie mosare gie bapa namba 14 ehame hae owâeme Israe kikefuŋ guru mâmâc sâko lama motec serec jaha hezuc‐jopanʒepieŋ.
1835	EXO 12:18	Fufuŋke mosa irec ʒoaŋ gie bapa namba 14 owâcne fuŋkerâ goreŋ sowa jufeku ʒoaŋ namba 21 owâcnea behenʒepieŋ.
1948	EXO 15:27	Eme jaŋe raku Elim hae mâreŋko fisimbiŋ. Ira ine opâ ʒâŋe 12 fowec â hâmu jâcne 70 doma rawec. Eme jaŋe opâ fowecko toma âterâ waha fombiŋ.
1949	EXO 16:1	Juku Elim beherâ rambiŋ. Raku Israe kikefuŋ jaŋe ʒeŋgoma mâreŋ burocne moc, ʒâŋene Sini ira fisimbiŋ. Sini mâreŋ i ine Elim â Sinai ŋondeŋ‐jekicko fokac. Jaŋe Aigita mâreŋ beherâ ra juku mosa namba tu irec gie bapa 15 ira hâcne fisimbiŋ.
1984	EXO 16:36	Amae 10 râepie oto kâcɋene mocjahare sâc ewec.
2021	EXO 18:21	Iŋuc ehuc ine jaŋere ŋondeŋkonec ŋic asa faio gie bapane â Wofuŋ araŋ babacne, siocmâc â mu bâmiriŋ dâŋ qiqikiŋ, iŋucne bâwosâec‐joparâ micne râec‐jopazemec. Eme gâcne jaŋe ŋic tauseŋ, gâcne jaŋe 100, gâcne jaŋe 50, gâcne jaŋe 10 jaŋere micne junʒepieŋ.
2025	EXO 18:25	Ehuc Israe ŋic gurune gurune jaŋeraonec ŋic ropaŋ‐jeŋichec rowosâec‐joparâ ŋic ŋokac jaŋere micne râec‐jopawec, gâcne ŋic tauseŋ jaŋere micne, gâcne ŋic 100, gâcne ŋic 50, gâcne ŋic 10 jaŋere micne râec‐jopawec hâcne.
2182	EXO 24:4	Eme Mose e Wofuŋte dâŋ sasawa qâreŋke‐fârewec. Erâ furic uupicte faharerâ tiki fuŋnao alata moc bawec, ehuc Israe ŋicguru 12 irec sâc qânâ wâtuŋ 12 jaha âkendâŋnewec.
2235	EXO 25:39	Gol bâwiŋke‐hâmokicne ŋemâc‐ticne 100 izi lambe dodoma â wiac i sasawa bazo hâcne.
2237	EXO 26:1	“Tiri boze i qoruc sanaŋ 10 izi bazemec, ine qoruc fâfâsâc â âmuc âmucne â bâbâroŋ furi sâko â keŋkeŋne izi bazemec, ehuc qoruc i mutec qâreŋnehec fupie kerubim hawari fuazejec.
2238	EXO 26:2	Qoruc sanaŋ moc ʒoricne‐ticnere sâc i kubi 28 â otecne‐ticne kubi 4 iŋuc efârezejec. Qoruc sanaŋ 10 i sasawa sâc ijaha bafârezo.
2243	EXO 26:7	“Erâ noniŋ kanʒaŋnezi qoruc moc barâ tiri boze fainao râetec forazejec, qoruc iŋucne 11 bazemec.
2244	EXO 26:8	Qoruc buc buc i ʒoricne‐ticnere sâc kubi 30 â otecnere sâc kubi 4 ezejec, qoruc 11 jaŋere sâc mocjaha fuazejec.
2252	EXO 26:16	Katapa ʒoricnere sâc kubi 10 â otecnere sâc kubi moc â nâfocne.
2261	EXO 26:25	Katapa 8 jaŋe hâcne râqâc‐jeŋic siliwazi bakicne iŋuc doma ranʒepieŋ, katapa mocte râqâc jajahec, mocte jajahec, iŋuc ŋerapie râqâc 16 ezejec.
2282	EXO 27:9	“Go tiri boze hae ʒoŋa‐ticne bazemec wâc. Juwic mâreŋkopec ira qoruc fâfâsâc ɋetickepie waha domazejec, ŋifec ʒoric‐ticnere sâc kubi 100.
2284	EXO 27:11	Faic mâreŋkopec iŋuc jaha qoruc ʒoricne jaha domazejec, ʒoricne‐ticnere sâc kubi 100 jaha; erâ wâtuŋ 20 â râqâc‐ticne 20 jaha aeŋ bâbâroŋzi bazo, qârârâc‐ticne ine siliwazi bazo.
2285	EXO 27:12	Â otecne‐ticne ʒoaŋ huhunaopec ira ine qoruc moc ʒoricne‐ticnere sâc kubi 50 izi waha domazejec, wâtuŋ‐ticne ine 10, erâ wâtuŋte râqâc 10 jaha wâc râezo.
2287	EXO 27:14	Motâc ŋifecnere qoruc i kubi 15 â wâtuŋ‐ticne 3 â wâtuŋte râqâc 3 jaha wâc, iŋuc hâcne fuazejec.
2288	EXO 27:15	Â motâc ŋifecnere qoruc i kubi 15 jaha, erâ wâtuŋ‐ticne 3 â wâtuŋte râqâc 3 jaha wâc ŋezejec.
2291	EXO 27:18	Hae ʒoŋa ʒoricne‐ticnere sâc kubi 100 â otecne‐ticnere sâc kubi 50 â hâŋne‐ticne ine kubi 5, iŋuc fuazejec. Erâ qoruc fâfâsâc barâ ɋetickepie waha domazejec â wâtuŋ râqâc‐jeŋic ine aeŋ bâbâroŋzi bazo.
2303	EXO 28:9	Erâ go qânâ furi sâko jajahec rorâ ira Israe ŋic guru 12 jaŋere ʒâŋe heutuckehuc qâreŋkezemec,
2305	EXO 28:11	Golzi wiac bapa ŋic e wiac furi sâkoo ʒâŋe heutuckeekac iŋuc hâcne Israe ŋic guru 12 jaŋere ʒâŋe heutuckehuc qânâ jajahecko qâreŋkezemec, ehuc râqâc kâwinehec golzia barâ maŋnao qânâ i râetec ŋezejec.
2306	EXO 28:12	Iŋuc erâ qânâ jajahec i ɋawe ŋifec â ŋifec qoqonaŋ ŋaqi tofanezi ʒuʒuhuc‐jekicko Israe ŋic guru 12 jaŋere manasuhuc basanaŋkezemec. Eme Aroŋ e qânâ izi ɋawenao foha Wofuŋte maio jume Wofuŋzi jaŋere manasuhuc juzejec.
2315	EXO 28:21	Qânâ 12 hâcne ʒâŋe‐jeŋichec birickezo, â ʒâŋe ine Israe ŋokâfâc‐ticne jaŋere ʒâŋe heutuckehuc qâreŋkepie ŋic guru 12 jaŋere ma fozejec.
2575	EXO 36:8	Eme gie bambiŋ jaŋeraonec ŋic meafec sasawa jaŋe tiri boze i qoruc furi sâko fâfâsâc â keŋkeŋne â bâbâroŋ â âmuc âmucne 10 izi bambiŋ, ehuc qoruc i qâreŋnehec fupie kerubim hawari fuawec. I Bezalelezi iŋuc bawec.
2581	EXO 36:14	Erâ bupure qoruc 11 i noniŋ kanʒaŋnezi bawec.
2582	EXO 36:15	Qoruc buc buc ʒoricne‐jeŋicte sâc kubi 30 â otecne‐jeŋicte sâc kubi 4, qoruc 11 sâcjeŋic mocjaha hâcne.
2588	EXO 36:21	Katapa ʒoricnere sâc kubi 10 â otecnere sâc kubi moc â nâfocne sasawa.
2597	EXO 36:30	Katapa 8 i siliwazi râqâchec hâcne, mocte râqâc jajahec mocte jajahec, iŋuc râe rame 16 ewec.
2629	EXO 37:24	Gol ɋaɋacne ŋemâc‐ticne 100 izi lambe dodoma â wâcwiac‐ticne sasawa basaricke‐fârewec.
2643	EXO 38:9	Erâ ie tiri boze hae ʒoŋa‐ticne bawec. Juwic mâreŋkopec ira qoruc sâko fâfâsâc i ɋetickewec, qoruc ʒoricnere sâc kubi 100.