48	GEN 2:17	Fuŋne mamana jâc mocjaha ere fârine moc mi nâjâmbâŋkezemec! Sifu nâcmuo ine hâmo‐jâmbâŋkecmu.”
75	GEN 3:19	Fofoŋac sâkohec nânâge nârahuc juku mâreŋkonec rocgukicnere mocwâc risie mâreŋko jaha huzemec! Gâc wândoczi gâc wândocko jaha risiezemec!”
135	GEN 5:29	Fuame ʒiŋuc muhuc ʒâŋene Noa muwec: “Anutuzi mâreŋ sâweckewecte ʒâic busâqoc faio gie sâko bahuc juhapene motec eki bâmiriŋ‐nâpozejec!”
167	GEN 7:7	Fisizo ehame Noa e jahacne â ŋonâŋ‐ticne erâ ŋokâ joŋaofâcne jaŋe mâmâc wokeo fefârembiŋ.
176	GEN 7:16	Wiac jujune moc mi behekicne, Anutuzi Noa mutâcnecnewec sâc fefârembiŋ. Fefârehapie Wofuŋzi motâc herâ sahacnao ki bawec.
188	GEN 8:4	Fâre wahakume wokezi mosa 7 irec ʒoaŋ gie bapa 17 ira Ararata tiki botâŋne mocko hesanaŋkerâ ŋewec.
249	GEN 10:14	Patarusi â Kasiluhi. Jaŋeraonec Filisa â Kafatori jaŋe fua sawec embiŋ.
265	GEN 10:30	Fic hae biri‐jeŋiczi ʒoaŋ wewefunaopec tiki mâreŋko Mesanec fuŋkerâ ŋeraku Sefara ira tarakac.
305	GEN 12:6	Fisirâ fotâcne raku Sikem hae bâfuambiŋ, ira qâpuc jaŋere boriŋjâc bâtirikicne domawec.
314	GEN 12:15	Eme Farao fekicnefâc‐ticne jaŋe ŋokac honerâ ra Faraore maio mumbiaŋkembiŋ. Erâ ŋokac e rorâ Faraore ficko jowa fembiŋ.
315	GEN 12:16	Eme Farao e Saraire erâ Abram jauŋ biaŋne bacnehuc lama, bulimakao, doŋgi, kiŋaŋ motec â kiŋaŋ naru erâ kamele bocjaha tahackewec.
316	GEN 12:17	Eme Wofuŋzi Farao â wiacfâcne jaŋe Abram ŋonâŋ‐ticne Saraire erâ ʒâic guru fekicne bâfua‐jarewec.
317	GEN 12:18	Iŋuc fuame Faraozi Abram hefârerâ ʒiŋuc muhuc wiocnewec: “Keci wemo mâsi mo enaremeŋ?
319	GEN 12:20	Eme Faraozi momori ejareme Abram ŋonâŋ‐ticne â mafa wiac‐ticne qâzuc‐joparâ mâreŋ‐ticnaonec jowac‐jopa rambiŋ.
353	GEN 14:16	Fisirâ mafa jowac rofârehuc motecoc‐ticne Loti â mafa wiac‐ticne, erâ ŋokac â ŋic ŋokac gâcne wâc mâmâc bârisiec‐jopa‐fârewec.
355	GEN 14:18	Ehame Salem ŋicwofuŋ Melikisede, Anutu Femicne ere taha bapa juweczi Abram poroŋ â waiŋ bacne rawec.
356	GEN 14:19	Erâ jambuŋkehuc dâŋ ʒiŋuc muwec: “Anutu Femicne e Abram jambuŋkezejec, Anutu sambâŋ mâreŋ bâbâfua eki hâcne.
357	GEN 14:20	Erâ Anutu Femicne mucne bacnezo, eki hâcne râsifâcge megao râec‐jopajec.” Eme Abram e wiac sasawa teŋkonec wâŋ irec sâc râcnewec.
359	GEN 14:22	Mume Abramzi Sodom ŋicwofuŋ ʒiŋuc âzâcnewec: “Wofuŋ Anutu Femicne hâcne, sambâŋ â mâreŋ irec bâbâfua, erao musanaŋkekopac.
536	GEN 21:22	Dameŋ ira Abimelec â momori soŋaŋ‐ticne Fikoli jahe Abraham ʒiŋuc âzâcnepic: “Anutu e gohec juhame wiac ebac ehuc jukomec.
546	GEN 21:32	Jahe Bere‐Seba haeo ʒâʒâfic epic, ehuc Abimelec â momori soŋaŋ‐ticne Fikoli jahe Filisa mâreŋko risiepic.
548	GEN 21:34	Erâ Filisa jaŋere mâreŋko dameŋ ʒora jaba juwec.
694	GEN 26:1	Juku mâreŋ ira roroc mocwâc fuawec. Mârâc Abrahamzi juhame moc fuawec, ʒi ine moc. Irec Isaka e Filisa ŋic jaŋere ŋicwofuŋ ʒâŋene Abimelec, Gerari haeo juwec, erao rawec.
700	GEN 26:7	Eme mâreŋ irec rune jaŋe ŋonâŋ‐ticnere mu indiŋ ecnepie ʒiŋuc jazawec: “E seŋnane.” “E ŋonâŋ‐nane” iŋuc muocte hâwickewec. Maŋnezi ʒiŋuc manasuwec: Fuŋne mufuape mâreŋ rune jaŋe Rebekare erâ qâhâmocnunʒipiŋkohec, e sahac hawari‐ticne biaŋne irec.
702	GEN 26:9	Honerâ Isaka hefâreme fisime âzâcnewec: “E ŋonâŋge i! Fuŋne weniŋucte ‘E seŋnane’ mumec?” Isakazi muwec: “Jâmbomac, no ere erâ nupie hâmozipore hâwicnume mupo.”
707	GEN 26:14	E hâcne lama bulimakao guru sâko â kiŋaŋ qaqafâcne bocjaha bacjopa juwec. Irec Filisa ŋic jaŋe honerâ iiŋ guuŋ ecnembiŋ.
708	GEN 26:15	Opâ nombâŋ sasawa mamac‐ticnere kiŋaŋŋic jaŋe Abrahamzi juhame rombiŋ, i hâcne Filisa ŋic jaŋe mâreŋ fiapie hume hemase‐fârembiŋ.
711	GEN 26:18	Erâ opâ nombâŋ mamac‐ticne Abraham juhame rombiŋ â Filisa ŋic jaŋe hemasembiŋ i hâcne Isakazi mocwâc roniŋte muwec. Erâ opâ nombâŋ irec ʒâŋe mamacnezi muwec ijaha muwec.
719	GEN 26:26	Eme dameŋ mocko Abimelec e âgo‐ticne Ahuʒata â momori micne‐ticne Fikoli jahehec Gerarinec ware fisimbiŋ.
811	GEN 29:15	Eme Labaŋzi Jakobo âzâcnewec: “Go soctofa‐nane jukomeczi wemocko okacmâc kiŋaŋ qanarecmu. Furine wemo rozo mukomec i nazac.”
830	GEN 29:34	Faicnao motec mocwâc kiweckerâ rowec. Erâ muwec: “No ŋokâ jahec â moc rocjopapo irec ŋowe‐nanezi norao qohotaocmu.” Iŋuc murâ ʒâŋene Lewi muwec.
831	GEN 29:35	Faicnao motec mocwâc kiweckerâ rowec. Erâ muwec: “Ʒi ine Wofuŋ muteŋkezepac,” iŋuc murâ ʒâŋene Juda muwec. Faicnao ine ʒuhuckerâ motec mocwâc mi rowec.
852	GEN 30:21	Faicnao otâ moc rowec ere ʒâŋe Dina muwec.
955	GEN 32:27	Eme ŋic e ʒiŋuc âzâcnewec: “Furic biac râekacte behecnuzemec.” Jakobozi ine dâŋ ʒiŋuc bâtikiecnewec: “Mâc mi behecgupemu, jambuŋnutec behecgupemu.”
1010	GEN 34:29	Ehuc mafa wiac‐jeŋic â ŋokac naru motecfâc‐jeŋic i mâmâc jowac‐jopa rambiŋ. Ficko wiac fowec sâc i fiuc rofârerâ barambiŋ hâcne.
1120	GEN 37:36	Midiaŋ ŋic jaŋe ine Josefe Aigita mâreŋko ŋic moc ʒâŋene Potifa râcnepie furine bawec. Potifa e Faraore momori fuŋfuŋfâc jaŋere micne juwec.
1151	GEN 39:1	Eme Josefe Aigita mâreŋko ba fisipie Aigita ŋic moc ʒâŋene Potifa e Faraore momori fuŋfuŋfâc jaŋere micne juweczi Isimae ŋic jaŋeraonec furine bawec.
1175	GEN 40:2	Eme Farao e kiŋaŋŋic jahec‐ticne, waiŋ soŋaŋ micne â poroŋ ririke micne hâcne, jahere aarickewec.
1184	GEN 40:11	Noni ine Faraore râqâc menanezi badomahuc hândâŋne rorâ bâpisickepe râqâcko hume Farao menao râepe rowec.”
1186	GEN 40:13	Ʒoaŋ jahec â moc tarame Faraozi bârisiecgurâ mocwâc giegao râecguocmu, eme go mârâc waiŋ soŋaŋ micne juhuc Farao râqâc râcnehuc jumeŋ iŋuc jaha mocwâc ehuc jucmu.
1187	GEN 40:14	Iŋuc erâ bubiaŋ faio juhuc ine nore mac manasuhuc fuŋne‐nane Farao âzâcnezemec, iŋuc ehuc baficnutec fic ʒi behezepac.
1190	GEN 40:17	Ehame amae faine ŋejec ira Faraore biŋne nânâ poroŋ aŋacne fuŋne fuŋne foha wipe jaŋe ware irecnec nâmbiŋ.”
1192	GEN 40:19	Ʒoaŋ jahec â moc tarame Faraozi mume jâcko bituacguniŋmu, eme wipe jaŋe biucge nâfâreniŋmu.”
1193	GEN 40:20	Eme ʒoaŋ jahec â moc tarame Farao fufua hombaŋ‐ticne maickeme kiŋaŋ qaqafâc‐ticne jaŋere tiwâ bâzi ewec. Ehuc kiŋaŋ qaqafâcne jaŋere ŋondeŋko waiŋ soŋaŋ micne â poroŋ ririke micne jahere dâŋ mutarawec.
1197	GEN 41:1	Juku jara jajahec tarame Faraozi guŋ moc kecʒiŋuc manawec: E Nilu opâ mecnao domaha
1200	GEN 41:4	Erâ bulimakao sâqocne â siec sawazi mi biaŋne biuc sâkohec jaŋe ɋâcjopanʒepieŋ i! Eme Farao e guŋkonec ɋârewec.
1203	GEN 41:7	Eme fârine piticne jaŋe fârine biaŋne â kâcɋene ɋâcjopambiŋ. Eme Faraozi ɋârerâ ʒiŋuc mana tarawec: No guŋ fârine manapac.
1204	GEN 41:8	Hae fureme ine Faraozi manabâc ewec. Irec qaŋgec bapa â fuŋne mamana ŋic Aigita mâreŋko jumbiŋ jaŋe sasawa hetumaŋ‐jopaocte dâŋ râeme rawec. Fisipie guŋ manawec i binaŋ bajarewec. Eme jaŋeraonec moczi wemocko Farao guŋticnere fuŋne mana tarahuc âzâcnezac.
1205	GEN 41:9	Eme waiŋ soŋaŋ micnezi Farao ʒiŋuc âzâcnewec: “No miŋecgac bahac‐nane manasukopac.
1206	GEN 41:10	Farao go kiŋaŋŋicfâcge nâŋere aaric manahuc poroŋ ririke micne â no nâhe kâpâcwâru ficko râec‐nâfomeŋ
1210	GEN 41:14	Eme Faraozi Josefe wareocte mume izia kâpâcwâru fickonec jowa warembiŋ. Erâ qizec‐ticne bâtâcnepie ŋaqi ɋâricne heme hume Faraore maio fuawec.
1211	GEN 41:15	Fuame Faraozi ʒiŋuc âzâcnewec: “No guŋ manapac, eme irec fuŋne ŋic moczi moc mi mana tararâ nazakac. Gore ine ʒiŋuc mupie manapac: Go guŋ manarâ gazapie fuŋne mutaniŋkeekic.”
1212	GEN 41:16	Iŋuc âzâcneme Josefezi Farao dâŋ ʒiŋuc bâtikiecnewec: “No maŋnanere wemocko epemu, Anutuzi ine Farao go bubiaŋ dâŋ gazazo murâ gazaocmu.”
1213	GEN 41:17	Eme Faraozi Josefe ʒiŋuc âzâcnewec: “No Nilu opâ mecnao domapac.
1221	GEN 41:25	Eme Josefezi Farao ʒiŋuc âzâcnewec: “Farao, go guŋ jajahec manamec irec fuŋne mocjaha sawa fokac. Anutuzi mâsi moc baocte gazakac hâcne.
1224	GEN 41:28	No irec hâcne manasuhuc Farao go ʒiŋuc gazapac: Anutu e mâsi baocte mukac i go mufua‐garezo ekac.
1228	GEN 41:32	Farao go guŋ ijaha arec jajahec manamec irec fuŋne ine ʒiŋuc: Anutu e wiac i biac jâmbâŋ fuaocte mupaŋkewec fokac.
1229	GEN 41:33	Irec Farao go ŋic moc mamana â maŋɋârâŋhec bâwosâerâ Aigita mâreŋ sâko soŋaŋkeocte mucnezemec.
1233	GEN 41:37	Eme Farao â ŋicfâcne jaŋe dâŋ irec manapie biaŋkewec.
1234	GEN 41:38	Ehame Faraozi kiŋaŋŋicfâcne ʒiŋuc muhuc wio‐jarewec: “Nâŋâc ŋic kecʒi Anuture Mârohec jukac iŋucne moc sâcne bâfuanaŋmu me?”
1237	GEN 41:41	Erâ Faraozi Josefe ʒuhuckerâ âzâcnewec: “Manakic, no ʒi hâcne Aigita mâreŋ sâko irec soŋaŋ râecgukopac.”
1238	GEN 41:42	Farao e iŋuc murâ meo fefe‐ticne, ŋicwofuŋ mahec, i heunuckerâ Josefere meo hecneme fewec, erâ ŋaqi biaŋne moc hecneme huwec â qoqonaŋ golzi bakicne qonaŋkecnewec.
1240	GEN 41:44	Erâ Faraozi Josefe ʒiŋuc âzâcnewec: “No hâcne Farao, erâ sifu goki mi manahaŋtecne Aigita mâreŋ sâkoo ŋic jaŋe maŋjeŋicte iŋuc me iŋuc moc mi enʒepieŋ.”
1241	GEN 41:45	Eme Farao e Josefe ʒâŋe‐ticne Zafena‐Panea muwec, erâ Oŋ haeonec taha bapa moc, ʒâŋene Potifera, ere otâ Asinati râcneme ŋonâŋ‐ticne ewec. Iŋuc fuaha Josefe e Aigita mâreŋ irec soŋaŋ juwec.
1242	GEN 41:46	Josefe e jara‐ticne 30 bazurâ Aigita ŋicwofuŋ Farao ere maio fuarâ domawec. Erâ Farao beherâ keretacko Aigita mâreŋ sâko fotâcne‐fârewec.
1251	GEN 41:55	Eme Aigita mâreŋko roroc fuame ŋic jaŋe nânâre hâmohuc Farao kiocnembiŋ. Eme Faraozi Aigita ŋic ʒiŋuc jaza‐fârewec: “Ŋoŋe Joseferao raniŋ, eme eki mume sâc enʒepieŋ.”
1268	GEN 42:15	Irec dâŋŋeŋicte fuŋne taniŋkezejec. No Faraore ʒâŋeo mupaŋkekopac: Ɋaʒâc‐ŋeŋic mi ware fisiocmuo ine ŋoŋe mâreŋ ʒirecnec mocwâc mi risie raniŋmu.
1269	GEN 42:16	Irec ŋoŋeraonec moc râepie rarâ ɋaʒâc‐ŋeŋic jowa warezejec, â gâcne ŋoŋe ine kâpâcwâru ficko ŋeniŋmu. No dâŋŋeŋicte fuŋne bataniŋkezepac, eme dâŋ muŋgopieŋ i honepe burec eme doc bapa ŋic mucŋopapemu, i Faraore maio mupaŋkekopac.”
1343	GEN 44:18	Iŋuc mume Judazi mai ferâ muwec: “O bomboŋ‐nane, kiŋaŋŋicge no gore maio dâŋ micafec jaha mupe manarâ buge mi wefuzejec, go Faraore sâc jukic i!
1361	GEN 45:2	Eme ki kâcɋene kiowecte Aigita ŋic jaŋe manambiŋ, â Faraore ficko jumbiŋ jaŋe wâc mâmâc mana‐fârembiŋ.
1367	GEN 45:8	Irec ŋoŋe mâcne, Anutuzi sorecnume warepo, eki hâcne Farao mamac ecnehuc ficticnere soŋaŋ â Aigita mâreŋ sâko irec ŋicbomboŋ jupemurâ râecnuwec.
1375	GEN 45:16	Eme Faraore ficko dâŋ biŋe ʒiŋuc ra fisiwec: “Josefe hahacfâcne jaŋe warembieŋ.” Eme Farao â kiŋaŋŋicfâcne jaŋe biŋe i manarâ bujeŋic biaŋkewec.
1376	GEN 45:17	Eme Faraozi Josefe âzâcnewec: “Hahacfâcge ʒiŋuc jazac: ‘Ŋoŋe becâsicfâc‐ŋeŋic jaŋere faio nânâ mafa râepie feme Kanaaŋ mâreŋko risierâ
1380	GEN 45:21	Eme Israe ŋokâfâcne jaŋe iŋuc hâcne embiŋ. Ehame Josefe e Faraore micte keretac â hatare nâsiŋ jarewec.
1385	GEN 45:26	Fisirâ dâŋ binaŋ ʒiŋuc ecnembiŋ: “Josefe e jukac, ehuc Aigita mâreŋ sasawa irec ŋicbomboŋ jukac hâcne.” E ine dâŋjeŋicte maname fârine mi eha maŋticne gâckewec.
1392	GEN 46:5	Iŋuc âzâcneme Jakobo e Bere‐Seba haeonec fahareme ŋokâfâcne jaŋe mamac‐jeŋic mecne, naru motecfâc‐jeŋic mecne, ŋonâŋfâc‐jeŋic mecne mâmâc keretac faio râec‐jopapie fembiŋ. Faraozi Jakobo roocte keretac râeme warewec, ira hâcne.
1418	GEN 46:31	Eme Josefezi hahacfâcne â mamac‐ticnere wiacfâc ʒiŋuc jazawec: “No ra Farao dâŋ binaŋ ecnehuc ʒiŋuc âzâcnepemu: ‘Hahacfâc‐nane â mamac‐nanere wiacfâc jaŋe Kanaaŋ mâreŋko jumbiŋzi norao ware fisimbiŋ.
1420	GEN 46:33	Eme Faraozi hefârec‐ŋoparâ, ‘Ŋoŋe wemo gie bahuc jueŋgopieŋ,’
1422	GEN 47:1	Josefe e iŋuc murâ ra Farao biŋedâŋ ʒiŋuc muhuc âzâcnewec: “Mamac hahacfâc‐nane â bulimakaofâc‐jeŋic erâ wiac sasawa‐jeŋic jaŋe Kanaaŋ mâreŋkonec warembiŋ Goseŋ mâreŋko juŋgopieŋ.”
1423	GEN 47:2	Erâ hahacfâcne jaŋeraonec 5 rocjoparâ Faraore maio râec‐jopame domambiŋ.
1424	GEN 47:3	Eme Faraozi Josefe hahacfâcne ʒiŋuc wio‐jarewec: “Ŋoŋe wemo gie bahuc jueŋgopieŋ?” Iŋuc wio‐jareme ʒiŋuc âzâcnembiŋ: “Kiŋaŋŋicfâcge nâŋe mamacfâc‐nâŋec jaŋe iŋucne lama soŋaŋ jueŋgopeneŋ.”
1425	GEN 47:4	Erâ ʒuhuckerâ Farao ʒiŋuc âzâcnembiŋ: “Nâŋe mâreŋ ʒira jaba junaŋte warembeŋ. Kanaaŋ mâreŋko roroc qaŋqaŋ fuarâ fokacte kiŋaŋŋicfâcge nâŋere lamazi nânâ basambiŋ. Eme irec hâcne kiŋaŋŋicfâcge nâŋe Goseŋ mâreŋko juzo muŋgopeneŋ.”
1426	GEN 47:5	Eme Faraozi Josefe âzâcnewec: “Mamac hahacfâcge jaŋe gorao sâcne warembiŋ.
1428	GEN 47:7	Eme irec faicnao Josefezi mamac‐ticne Farao jâutuocte erao jowa fewec; eme Jakobozi Farao jambuŋkewec.
1429	GEN 47:8	Eme Faraozi Jakobo wiocnewec: “Go jarage wezimuc?”
1430	GEN 47:9	Jakobozi Farao dâŋ ʒiŋuc bâtikiecnewec: “Mâreŋko jaba juju‐nanere dameŋ jara 130 tarawec, i dameŋ bembeŋne mac erâ sifu ʒâic busâqoc‐ticnehec. Erâ mamac ŋosafâc‐nane jaŋe mâreŋko jaba juju‐jeŋicte dameŋ ʒoricne, no irec sâc mi bâfuakopac.”
1431	GEN 47:10	Jakobo e iŋuc murâ Farao jambuŋkerâ rawec.
1432	GEN 47:11	Josefezi ine mamac hahacfâcne fic hae bâfua‐jarehuc Aigita mâreŋte dâkâne moc jaŋe jaŋacne biŋe eocte qikiŋne‐jarewec. Mâreŋ i mâreŋ biaŋne jâmbâŋ, Faraozi muwec sâc, Ramesesi mâreŋ hâcne.
1435	GEN 47:14	Josefezi ine Aigita â Kanaaŋ mâreŋkonec nânâ furire moneŋ warewec i sasawa ro qâzuc ewec. Erâ moneŋ i Faraore ficko bafewec.