44	GEN 2:13	Opâ ombâŋne moc ʒâŋene Gihoŋ. Eki Kusu mâreŋ orâŋke‐fârekac.
65	GEN 3:9	Ehame Wofuŋ Anutuzi ŋic wiracnerâ muwec: “Go wena?”
67	GEN 3:11	Eki muwec: “Biuctac jukomec i mozi gazajec? Go jâchândâŋ mi nâcmurâ mupaŋke‐garepo i moc nâmec me?”
69	GEN 3:13	Eme Wofuŋ Anutuzi ŋokac âzâcnewec: “Go wemocte iŋuc emec?” Ŋokaczi muwec: “Homazi eatucnume napac.”
70	GEN 3:14	Eme Wofuŋ Anutuzi homa ʒiŋuc âzâcnewec: “Go iŋuc emecte ine hae qowi â kâte qowi jaŋeraonec go mocjaha sâwecgukopac. Go mâreŋko jucmu sâc bugezi foforâ juhuc gâc wândoc nâzemec.
73	GEN 3:17	Adam ine ʒiŋuc âzâcnewec: “Go ŋonâŋgere dâŋ reŋkehuc jâchândâŋ mi nâjâmbâŋkecmurâ mupaŋke‐garepo i nâmec, irec gore ehuc mâreŋ sâweckekopac! Go ʒâic gie sâko tatara tâmiric bahuc nânâge bâfuazemec.
75	GEN 3:19	Fofoŋac sâkohec nânâge nârahuc juku mâreŋkonec rocgukicnere mocwâc risie mâreŋko jaha huzemec! Gâc wândoczi gâc wândocko jaha risiezemec!”
87	GEN 4:7	Go biaŋne jutec mana‐garepe sâckeocmu. Biaŋne mi jucmuo ine sâqocnezi motâc râpeo soŋkerâ ruc bagareocmu. E gore hâcne ecnekac, go ine aka hecnezemec.”
90	GEN 4:10	Eme Wofuŋzi muwec: “Go wemo wiac emec? Ɋagere soczi mâreŋko wira wâwâsic enareme manakopac.
94	GEN 4:14	Go miŋecgac gie hesarac mâreŋkonec jâpecnukomec, irec ʒâŋesoŋ bagarerâ wise wise juhuc ra ju ware ju epemu, ehame ŋiczi bâfuacnurâ qâhâmocnuniŋmu.”
156	GEN 6:18	Gohec ine ʒâʒâfic fârine ekopac. Goki wokeo ferâ juzemec, go â ŋonâŋge â ŋokâ joŋaofâcge, jaŋe gohec mâmâc wokeo ferâ junʒepeiŋ.
161	GEN 7:1	Eme Wofuŋzi Noa ʒiŋuc muhuc âzâcnewec: “Go â wiacfâcge ŋoŋe wokeo fefârenʒepieŋ, go ŋicguru ʒi jaŋere ŋondeŋko mitihec jukomecte honecgupe biaŋkekac.
200	GEN 8:16	“Go â ŋonâŋge erâ ŋokâ joŋaofâcge, ŋoŋe wokeonec wahaniŋ!
237	GEN 10:2	Jafete ere ŋokâfâc jaŋere ʒâŋe ʒiŋuc: Gomera, Magogo, Madai, Jawaŋ, Tubali, Meseke â Tirase.
238	GEN 10:3	Gomera ere ŋokâfâc ine Asakenasi, Rifata â Togama.
251	GEN 10:16	Jebusi, Amori, Girigasi,
254	GEN 10:19	Kanaaŋ ŋicguru jaŋere mâreŋ qaŋeŋnezi Sidoŋ haeonec fuŋkerâ hae ʒiŋuc fotâcne rakac: Gerari, Gaza, Sodom, Gomora, Adama, Seboim â Lasa. Ira tarakac.
258	GEN 10:23	Aram ere ŋokâfâc ine Usi â Hulu, Getere â Masi.
300	GEN 12:1	Eme Wofuŋzi Abram âzâcnewec: “Go mâreŋ qizecge â mame sâkofâcge â fic haege behe‐fârerâ noni mâreŋ moc gowatupemu ira ra juzemec.
302	GEN 12:3	Go jambuŋguniŋmu i noni wâc jambuŋ‐jopapemu, â go sâwecguniŋmu i noni iŋuc jaha sâwec‐jopapemu. Â goraonec jambuŋzi ŋeratierâ mâreŋŋic sâcjopa‐fârezejec!”
328	GEN 13:9	Ʒâŋe maigao mâreŋ sâko forakac i mi honekic me? Irec râwiŋnenac. Go qanaopec razo mukicko noni fâreopec rapemu, me fâreopec razo mukicko noni qanaopec rapemu.”
329	GEN 13:10	Eme Loti e ʒâŋe fime rame honewec: Jordaŋ mâreŋ i opâzi bâgunucke‐fârekicne, Wofuŋte jufu gie iŋucne, erâ Aigita mâreŋ iŋucne, domarâ raku Ʒoari fisikac hâcne. Wofuŋzi Sodom â Gomora hae mi bâsirowec‐jofawec dameŋ ira Jordaŋ mâreŋzi iŋuc hâcne fowec.
333	GEN 13:14	Loti e Abram beherâ rame Wofuŋzi Abram ʒiŋuc âzâcnewec: “Go mâreŋ domakomecko qâhâŋnerâ ʒâŋe fitec mâreŋ faicpec â juwicpec erâ ʒoaŋ wewefunaopec â huhunaopec raoc.
336	GEN 13:17	Go faharec, erâ mâreŋ hâŋne â otecne fotâcnerâ rac, mâreŋ i go tahacgukopac hâcne.”
338	GEN 14:1	Sina ŋicwofuŋ Amarafe, â Elasa ŋicwofuŋ Arioko, â Elam ŋicwofuŋ Kedo‐Laome erâ Goim ŋicwofuŋ Tidali
339	GEN 14:2	jaŋe ŋicwofuŋ 5 kecʒiŋuc jaŋehec qaqac embiŋ: Sodom ŋicwofuŋ Bera, â Gomora ŋicwofuŋ Birisa â Adama ŋicwofuŋ Sinaba â Zeboim ŋicwofuŋ Semebe erâ Bela ŋicwofuŋ. (Bela i Ʒoari irec ʒâŋe moc.)
345	GEN 14:8	Eme Sodom ŋicwofuŋ, Gomora ŋicwofuŋ, Adama ŋicwofuŋ, Zeboim ŋicwofuŋ, â Bela ŋicwofuŋ i jaŋe Sidim wâneŋko ʒika qaniŋte rambiŋ.
346	GEN 14:9	Ra fisirâ ŋifec domahapie ŋifec Elam ŋicwofuŋ Kedo‐Laome, â Goim ŋicwofuŋ Tidali, â Sina ŋicwofuŋ Amarafe, erâ Elasa ŋicwofuŋ Arioko i jaŋe domambiŋ. Ŋifec 4 domambiŋ, ŋifec 5.
347	GEN 14:10	Sidim wâneŋko ira mâreŋ sâfâ irec nombâŋ i mâreŋ sâckerâ forawec. Eme râsi jaŋe Sodom â Gomora ŋicwofuŋ jahe jofa jâpec ejactepie wisepire ŋicfâc‐jekic gâcne nombâŋko humbiŋ â tiwâne jumbiŋ jaŋe tiki mâreŋko wiserâ rambiŋ.
348	GEN 14:11	Irec râsi jaŋe Sodom â Gomora haeonec mafa mecne nânâ mecne rofârerâ barâ rambiŋ.
366	GEN 15:5	Eme mâreŋko jowa hurâ ʒiŋuc âzâcnewec: “Go qâhâŋnerâ sambâŋko ʒâŋe fitec feme bâpiŋ honec‐jopac, i sâcne wosec‐jopacmu me?” Erâ âzâcnewec: “Ɋâricfâcge jaŋe irec sâc hâcne fua ranʒoŋgopieŋ.”
370	GEN 15:9	Iŋuc mume âzâcnewec: “Go ra bulimakao ŋokacne moc jara‐ticne 3 ekicne â noniŋ ŋokacne â lama ŋicne moc jara‐jekic 3 jaha ekicne, erâ hapâ â buni motecne, iŋuc rocjoparâ bare‐narec.”
374	GEN 15:13	Ehame Wofuŋzi Abram ʒiŋuc âzâcnewec: “Go ʒiŋuc mana sanaŋkec: Ɋâricfâcge jaŋe mâreŋ moc, biŋe mi qajarekicne, ira jaba juniŋmu; ehuc mâreŋ rune jaŋe bomac‐jopapie kiŋaŋ qajarehuc juhapie jara 400 taraocmu.
376	GEN 15:15	Go gahacne ine apa ŋosafâcge jaŋere jujumana mâreŋko raʒicmu, go juju juutuckehuc ŋicqizec erâ hâmotec ducguniŋmu.
391	GEN 16:9	Eme Wofuŋte aŋelozi‐âzâcnewec: “Go risierâ ŋokac bomboŋge rumecnehuc juzemec.”
395	GEN 16:13	Eme dâŋ âzâcnewec Wofuŋ ere ʒâŋe ʒiŋuc muwec: “Go fufua tâcne Anutu.” I ʒiŋucte muwec hâcne: No fua tâcne‐narewec eme no e hâcne ʒâŋitapo.
402	GEN 17:4	“Manakic, no gohec ʒâʒâfic‐nane ekopac i ʒiŋucte: Go ŋic gurune gurune jaŋere mamac erâ juzemec,
407	GEN 17:9	Erâ Anutuzi Abraham ʒiŋuc wâc âzâcnewec: “Goki ine ʒâʒâfic‐nane paŋnea soŋaŋkehuc bajuzemec, go â ɋâricfâcge mimiŋzi ɋâric mâmâc.
408	GEN 17:10	Go â ɋâricfâcge ŋoŋe ʒâʒâfic‐nane fokac i aimuŋ soŋaŋkeniŋte mukopac ine ʒiŋucte: Ŋoŋerao ŋic juŋgopieŋ jaŋe mâmâc sasawa sahac tofa‐jeŋicko ma bajarezo.
416	GEN 17:18	Abraham e iŋuc ehuc Anutu ʒiŋuc âzâcnewec: “Go mana‐naretec Isimaezi gore maio jufezac me!”
445	GEN 18:20	Erâ Wofuŋzi muwec: “Sodom â Gomora haeonec ŋic jaŋere sâqocne i ŋemâcne jâmbâŋ fokacte jaŋere erâ mu owa sâko fuakac.
448	GEN 18:23	Eme Abraham e Wofuŋte maŋfuŋko ra domahuc muwec: “Go jâmbomac ŋic biaŋne â sâqocne mâmâc bâsirowec‐jopazo mukomec me?
450	GEN 18:25	Go ŋic tiŋne â sâqocne mâmâc bâsirowec‐jopatecne tiŋne â sâqocne jahe sâc mocjaha ezipicte iŋuc mi ezemec. Go mâreŋ sâko mâreŋ irec mumutara sâko jukomeczi giege fâretiŋ jaha bazemec.”
467	GEN 19:9	Jaŋe ine mumbiŋ: “Go wisec!” Erâ âzâcnembiŋ: “Go wiwickonec warekicnezi ŋondeŋ‐nâŋecko jaba juhuc mutiŋ‐nâpozo mukic me? Nâŋe jahe wiac ejactezo mumbeneŋ irec sâc sirickehuc go egarenaŋmu.” Jaŋe iŋuc murâ Loti ro fârec ecnehuc motâc qanʒaŋnezo fuŋkembiŋ.
477	GEN 19:19	Go kiŋaŋ qaqage no aki anonoc enarehuc akicnumec. Noni ine tikio sâcne mi wiserâ fepemu, ira wiac hâhâwicne moc fua‐nareme hâmozipohec.
482	GEN 19:24	Eme Wofuŋzi mume Sodom â Gomora haeo ʒoc hoe kâmbâc iŋucne sambâŋkonec waharâ
486	GEN 19:28	Sodom â Gomora hae ŋepicko wâneŋ mâreŋ irapec ʒâŋe firâ hosâc sâko jâmbâŋ ŋezurâ feme honewec.
497	GEN 20:1	Eme Abraham e Mamere ere boriŋ gieonec faharerâ Negebe mâreŋko Kadesi â Suru ŋondeŋ‐jekicko Gerari hae ŋewec, ira ra jaba juwec. Ehuc ŋonâŋ‐ticne Sarare seŋnane muwec.
498	GEN 20:2	Eme Gerari ŋicwofuŋ Abimelec eki kiŋaŋŋic‐ticne soreme ra Sara rowec.
499	GEN 20:3	Anutuzi ine Abimelec ŋafeo guŋko fuacnerâ ʒiŋuc âzâcnewec: “Go ŋokac romec irec hâmocte biŋe ekomec. E ŋic mocte ŋonâŋ jukac irec.”
502	GEN 20:6	Eme Anutuzi guŋko ʒiŋuc âzâcnewec: “Go wiac i maŋɋaɋacko emec, i no wâc manakopac, erâ noni hâcne e bâuazicte aka hegarehuc sabecguhape nore maio mi sâqoremec.
503	GEN 20:7	Irec go ʒiŋuczia ŋic e ŋonâŋ‐ticne bârisiecnezemec, e porofete jukac, irec go jucmurâ eki gore erâ nunumu gie bazejec. Goki e mi bârisiecnecmuo ine go â wiacfâcge ŋoŋe jâmbomac hâmo‐fâreniŋmu.”
505	GEN 20:9	Eme Abimeleczi Abraham hefârerâ ʒiŋuc wiocnewec: “Go wemo wiac enaremeŋ? No wemo wiac sâqocne moc egarepacte go no â ŋicfâc‐nane sahacko râec enâremeŋ? Go norao wiac mi eene emeŋ.”
506	GEN 20:10	Ehuc ʒuhuckerâ Abraham ʒiŋuc wiocnewec: “Go weniŋuc manasuhuc wiac iŋucne emeŋ?”
524	GEN 21:10	Irec Abraham ʒiŋuc âzâcnewec: “Go kiŋaŋ ŋokac keci ŋokâ‐ticnehec tuŋjofazemec. Kiŋaŋ ŋokac keci ere ŋokâzi nore ŋokâ Isaka ehec merâfâc wiac‐nâhec mâmâc mi rauckezepirec.”
526	GEN 21:12	Anutuzi ine Abraham ʒiŋuc âzâcnewec: “Go motec â kiŋaŋ ŋokacge jahere busâqoc mi manac. Sarazi dâŋ gazakac i reŋkezemec. Isakare ɋâricfâc jaŋe sawa gore ʒâŋe biŋe rauckeniŋmu.
543	GEN 21:29	Abimeliczi honerâ muwec: “Go wemocte lama ŋokacne 7 bâtâcko râec‐jopamec?”
550	GEN 22:2	Eme muwec: “Go ŋokâge mocjaha Isaka, maŋzi jauŋkeekic, e hâcne Moria mâreŋko jowa rarâ tiki moc gowatupemu ira bâzi rike‐narezemec.”
560	GEN 22:12	Eki muwec: “Go motec keci mi bâuac, â wiac moc mi ecnec, go miŋecgac ŋokâge mocjaha e no mi sakare‐naretec mana jaŋgeŋgukopac, go Anutu araŋ bacnekomec.”
572	GEN 22:24	Eme ŋonâŋoc‐ticne, ʒâŋene Reuma, eki motec rocjopawec ine ʒiŋuc: Teha, Gaham â Tahasi erâ naru moc ʒâŋene Maka.
578	GEN 23:6	“Ŋicbomboŋ, gazapene manac: Go ŋondeŋ‐nâŋecko Anuture ŋic fekicne iŋucne jukomec, irec qâŋɋâŋge nâŋere ʒâŋeruŋ basarickekicne mocko duckec. Nâŋeraonec moczi qâŋɋâŋge duckecmurâ ʒâŋeruŋ‐ticne moc mi sakare‐gareocmu.”
583	GEN 23:11	“Ŋicbomboŋ, iŋuc misac, mupe manac: Gie i mâc qikiŋne‐garekopac erâ gieo hawec fokac i mâmâc tahacgukopac, âgofâc‐nane mâmâc manahapie qikiŋne‐garekopac hâcne, irec qâŋɋâŋge duckec.”
587	GEN 23:15	“Ŋicbomboŋ, go mupe manac: Mâreŋ tofane mac moc irec furine siliwa moneŋ 100 ekac, erâ dâŋ wemocte boc munacmu. Go sifu qâŋɋâŋge duckec.”
594	GEN 24:2	Iŋuc eme Abrahamzi kiŋaŋŋic‐ticne micne, fic hae â wiac sasawa qizeckerâ irec soŋaŋ juwec, e hâcne ʒiŋuc âzâcnewec: “Go mege gâjoŋ‐naneo râehuc
595	GEN 24:3	Wofuŋ, sambâŋ â mâreŋ jahere Anutu, ere maio ʒiŋucte mupaŋkezemec: Go Kanaaŋ ŋic ŋondeŋko jukopac jaŋere naru moc rorâ ŋokâ‐nane mi râcnezemec.
606	GEN 24:14	Eme naru moc wahame, ‘Opâ kiruŋge naretec opâ nâpe,’ iŋuc âzâcnepe manarâ muocmu: ‘Nâc, eha kamelefâcge opâ jarepe nânʒepieŋ wâc,’ naru e hâcne kiŋaŋŋicge Isaka ere biŋe bâwosâemeŋ, no iŋuc manarâ ʒiŋuc mana tarapemu: Go ŋicbomboŋ‐nane bubiaŋ qacnekomec.”
615	GEN 24:23	Erâ muwec: “Go more otâ, i nazac. Erâ mamacgere ficko sâcne fonaŋmu?”
629	GEN 24:37	Erâ no mumupaŋ dâŋticne kecʒiŋuc i reŋkezo mupaŋkepemurâ nazawec: ‘Go Kanaaŋ ŋic, mâreŋ‐jeŋicko jukopac, narufâc‐jeŋic jaŋeraonec ŋokâ‐nanere ŋonâŋ moc mi rozemec.
630	GEN 24:38	Go mamac‐nanere haeo â mame sâkofâc‐nane jaŋerao ŋokâ‐nanere ŋonâŋ moc bâfuazemec.’
633	GEN 24:41	Go iŋuc etec mumupaŋ dâŋ i fârinehec eme taraocmu. Me mame sâkofâc‐nane jaŋerao fisitec ŋokac sakare‐garepie mumupaŋgezi fârimâc eme irec manabâc mi ezemec.’
639	GEN 24:47	Tarame wiocnehuc mupac: ‘Go more naru?’ Eki mujec: ‘No Betuele ere otâ, e ine Naho â Milika jahere ŋokâ.’ Iŋuc nazame maŋŋuruc sâkenao râepac â megâŋ ine meombâŋ‐ticnao hecnepe fejec,
650	GEN 24:58	Murâ Rebeka wiocnerâ ʒiŋuc âzâcnepic: “Go ŋic ʒi ehec razo mukomec?” Eki muwec: “No razo mukopac.”
668	GEN 25:9	Eme ŋokâ jahec‐ticne Isaka â Isimae jahe Makepela hawecko duckepic. Hawec i Hitiŋic Zoari ŋokâ‐ticne Eferoŋte gieo fowec. Gie i hâcne Mamere ocniŋucnao fowec.
669	GEN 25:10	Gie i Abrahamzi Hitiŋic jaŋeraonec furine bawec. Ira hâcne Abraham â ŋonâŋ‐ticne Sara ducjofakicne.
694	GEN 26:1	Juku mâreŋ ira roroc mocwâc fuawec. Mârâc Abrahamzi juhame moc fuawec, ʒi ine moc. Irec Isaka e Filisa ŋic jaŋere ŋicwofuŋ ʒâŋene Abimelec, Gerari haeo juwec, erao rawec.
695	GEN 26:2	Ehame Wofuŋzi fuacnerâ muwec: “Go Aigita mâreŋko mi rahuc mâreŋ moc noni gaza gowatuc epemu ira ra juzemec.
699	GEN 26:6	Iŋuc mume Isaka e Gerari haeo juwec hâcne.
703	GEN 26:10	Eme Abimeleczi muwec: “Go wiac hâhâwicne enâremeŋ, irec ŋicfâc‐nane jaŋeraonec moczi ŋonâŋge bâsâqoreme muzac, nâŋe gore erâ kiŋ hotâckenʒapeŋ.”
709	GEN 26:16	Eme Abimeleczi Isaka ʒiŋuc âzâcnewec: “Go nâŋe siric‐nâpomeŋte behec‐nâporâ mocko ra juzemec.”
710	GEN 26:17	Eme Isaka e hae mâreŋ i beherâ Gerari wâneŋko hae boze barâ ŋec juc ewec.
713	GEN 26:20	Gerari lama bulimakao soŋaŋ jaŋe ine Isaka soŋaŋfâcne jaŋehec dâŋ mumuc ehuc ʒiŋuc mumbiŋ: “Opâ i nâŋere.” Iŋuc epie opâ ʒâŋene “Dâŋ mumuc” iŋuc muwec, jaŋe opâ irec erâ hehefaric embiŋte.
719	GEN 26:26	Eme dameŋ mocko Abimelec e âgo‐ticne Ahuʒata â momori micne‐ticne Fikoli jahehec Gerarinec ware fisimbiŋ.
722	GEN 26:29	Nâŋe go wiac sâqocne moc mi egarehuc ehâmo‐garerâ wama faio râecgupene waremeŋ, iŋuc jaha goki wiac sâqocne moc mi enârezemec. Go Wofuŋzi jambuŋguwec hâcne.”
735	GEN 27:7	‘Go qowi moc baware‐narerâ nânâ aŋacne rike‐naretec hâmoczi mi rocnuha Wofuŋte maio jambuŋguzepac.’
737	GEN 27:9	Go ʒiŋuczia rarâ noniŋ motecne ŋicne jajahec baware‐narec, eme noni mamacge aŋac‐ticnere sâcko rike bâmoc ezepac.
741	GEN 27:13	Eme neŋgoc‐ticnezi âzâcnewec: “Ŋokâ‐mae, sâwecgezi nore faio fezejec. Go ine sifu dâŋnane reŋkehuc ra noniŋ motecne baware‐narec.”
752	GEN 27:24	Erâ muwec: “Go jâmbomac ŋokâ‐nane Esau me?” Eki muwec: “Ine hâcne.”
757	GEN 27:29	Ŋicne ŋicne jaŋe kiŋaŋ qagarenʒepieŋ â ŋic gurune gurune jaŋe gorao dapenʒepieŋ! Go hahac ɋafâcge ŋicbomboŋ ejarezemec eme neŋgocgere ɋâricfâc jaŋe gorao dapenʒepieŋ! Go sâwecguniŋmu jaŋe sâwec‐jopazo, â go jambuŋguniŋmu jaŋe jambuŋ‐jopazo!”
768	GEN 27:40	Go ʒikagezi nânâ bâfua‐garezejec, eme ɋage kiŋaŋ qacnezemec. Ehame ʒiŋuc fuaocmu: Go sanaŋkerâ ʒoɋac ecmuo ine tagi‐ticne upegaonec hetaracmu.”
771	GEN 27:43	Irec, ŋokâ‐nane, ʒiŋuc mupe manac: Go fahare hahac‐nane Labaŋ, Haraŋ haeo jukac, erao wiserâ razemec.
775	GEN 28:1	Iŋuc mume Isakazi Jakobo hefârerâ jambuŋkehuc dâŋ ʒiŋuc âzâcnewec: “Go Kanaaŋ mâreŋkonec naru jaŋeraonec ŋonâŋ moc mi rozemec.
780	GEN 28:6	Isakazi Jakobo jambuŋkerâ ŋokac moc bâfuaocte Mesopotamia mâreŋko sorewec. Erâ jambuŋkehuc dâŋ ʒiŋuc âzâcnewec: “Go Kanaaŋ ŋokac jaŋeraonec ŋonâŋ moc mi rozemec.”
786	GEN 28:12	Guŋko ine riri moc honewec, fuŋne mâreŋko domawec â botâŋnezi fe sambâŋ âke uawec, ehame Anuture aŋelofâc jaŋe mi ririo fefec wawahac enʒepieŋ i!
810	GEN 29:14	Eme Labaŋzi âzâcnewec: “Go nore biuc â soc jâmbâŋ.” Eme Jakobo e mosa wâŋ ehec juwec.
811	GEN 29:15	Eme Labaŋzi Jakobo âzâcnewec: “Go soctofa‐nane jukomeczi wemocko okacmâc kiŋaŋ qanarecmu. Furine wemo rozo mukomec i nazac.”
821	GEN 29:25	Hae fureme ine Jakobozi honeme mi Lea ezejec i! Eme Labaŋ ʒiŋuc âzâcnewec: “Go wemo mâsi enaremec? No Rahere erâ kiŋaŋ qagarepo i! Go wemocte eatucnumec?”
832	GEN 30:1	Rahe e ine hufiŋne juhuc Jakobore naru motec moc mi rocjopawec, e jahacne fuŋne iŋuc honerâ hahac‐ticne Lea iiŋ guuŋ ecnehuc Jakobo ʒiŋuc âzâcnewec: “Go naru motec bâfuac‐jopa‐narezemec, mi etecne hâmopemu.”