5	GEN 1:5	Ehuc tatamacte ʒâŋe ʒoaŋ â dapâcte ʒâŋe ŋafe mujactewec. Iŋuc eme hae ŋaferâ fureme ʒoaŋ 1 tarawec.
7	GEN 1:7	Iŋuc mume opâ ŋondeŋko aka sâko fuarâ izi opâ bârâwiŋneme tâcnerâ faic moc ewec â juwic moc ewec.
8	GEN 1:8	Iŋuc fuame Anutuzi aka irec ʒâŋe sawa muwec. Eme hae ŋaferâ fureme ʒoaŋ 2 tarawec.
13	GEN 1:13	Iŋuc eme hae ŋaferâ fureme ʒoaŋ 3 tarawec.
19	GEN 1:19	Iŋuc eme hae ŋaferâ fureme ʒoaŋ 4 tarawec.
23	GEN 1:23	Iŋuc mume hae ŋaferâ fureme ʒoaŋ 5 tarawec.
32	GEN 2:1	Iŋuc hâcne ehuc sambâŋ â mâreŋ jahe kikefuŋ guru sâkofâc‐jekic jaŋehec bâfuac‐jopa‐fârekicne.
34	GEN 2:3	Iŋuc ehuc Anutuzi ʒoaŋ 7 hâcne jambuŋkehuc bâtiriwec, i wiac mocte mâcne, wiac sasawa bâfua tararâ ŋemanaocte hombaŋ ŋewec.
42	GEN 2:11	Moc ʒâŋene Pisoŋ, izi Hawila mâreŋ orâŋke‐fârekac. Ira gol fokac.
43	GEN 2:12	Mâreŋ irec gol i furi sâko. Ira wâc Bedolac sâfâ â Soham qânâ fokopirec.
49	GEN 2:18	Eme Wofuŋ Anutuzi muwec: “Ŋic e buc jume mi biaŋkekac. Irec no ere sâc jaha âgo babafic‐ticne moc bâfuazepac!”
52	GEN 2:21	Irec Wofuŋ Anutuzi ŋic ecneme guŋsâko qâmâckeme fowec. Eme tambaraŋne moc unuckerâ fofotacne biuczi bâbâzickewec.
55	GEN 2:24	Irec hâcne ŋiczi neŋgoc mamac jahec‐ticne behec‐jofarâ ŋonâŋ‐ticnerao qohotame jahe maŋ sahac mocjaha erâ junicmu.
62	GEN 3:6	Eme ŋokaczi jâc honerâ ʒiŋuc manawec: Jâchândâŋ i nânâne biaŋ â hawarine hone aŋac eene, erâ wâc mamana bâbâfua‐ticnehec muhuc maname biaŋkewec. Iŋuc eku hândâŋ i batararâ nâwec. Nâhuc ŋowene râcneme nâwec wâc.
63	GEN 3:7	Nâpire ʒâŋe‐jekic tâcnewec. Tâcneme biuctac jupic i hone tarapic. Irec qoŋgeŋ rehaczi siŋiŋ furâ jomapic.
85	GEN 4:5	Kaiŋ â bâzi‐ticne ine hone takirewec. Iŋuc eme Kaiŋ e mâretec aarickeme ʒâŋe maine enduŋkewec.
91	GEN 4:11	Irec sâwec faigao fekac, ehuc mâreŋ, micne aŋkehuc ɋagere soc megaonec rorâ nâjec, mâreŋ izi jâpecgukac.
95	GEN 4:15	Eme Wofuŋzi muwec: “Iŋuc misac, moc e Kaiŋ qâhâmome okacne arec 7 irec sâc râcnezo.” Iŋuc murâ Kaiŋ sahacnao maqâreŋ moc râewec, moczi moc bâfuarâ qanʒipiŋte.
98	GEN 4:18	Enokore ŋokâ moc fuawec ʒâŋene Iradi, eme ere bifuŋko Mehujae fuawec, Mehujae ere bifuŋko Metusae fuawec, Metusae ere bifuŋko Lamec fuawec.
130	GEN 5:24	E Anutuhec ʒuʒuhuc jufeku sipuac ewec. I Wofuŋ e jahac jowawec hâcne.
152	GEN 6:14	Irec go marojâc herâ izi woke moc bazemec. Erâ âke tâcnetec maŋne maŋne fua‐fâreme maŋne â sahacne sâfâzi ʒimickezemec.
162	GEN 7:2	Irec go qowi nânâne jaŋeraonec 7, 7, ŋicne â ŋokacne aŋa sâsâc â qowi mi nânâne jaŋeraonec jajahec jajahec rowosâec‐jopac.
164	GEN 7:4	Eme no ʒoaŋ 7 tarame mupe hoe micsâko mâreŋko hehuc domahame ŋafe ʒoaŋ 40 taraocmu. Iŋuc ehuc wiac jujune bâfuapo i mâmâc sasawa mâreŋkonec bâsirowe‐fârepemu.”
181	GEN 7:21	Iŋuc eme mâreŋ faio wiac jujune omaewec, wipe mecne, hae qowi mecne, kâte qowi mecne, â homa gisic wiac mecne, mâreŋko babarâ jueŋgopieŋ, erâ wâc mâreŋŋic mâmâc, jaŋe sipiricke‐fârembiŋ.
183	GEN 7:23	Iŋuc ehuc Anutuzi mâreŋko wiac jujune sasawa, ŋic me qowi me gisic wiac, me wipe, i jaŋe bâsirowec‐jopa‐fârewec. Noa â ehec woke maŋnao jumbiŋ, jaŋe sawa akic‐jopawec.
185	GEN 8:1	Dameŋ ira Anutuzi Noare manasuhuc qowi wiac ehec wokeo jumbiŋ jaŋere mâmâc manasuwec. Iŋuc ehuc mume mâŋâŋ sâko qame opâ sâko e fâre wahawec.
195	GEN 8:11	Eme hapâzi owâcne erao risiehuc mi oliwa rehacne ɋâricne barezejec i! Iŋuc eme Noazi fuŋne ʒiŋuc manawec: Opâ fâre wahame mâreŋ fua rakac.
202	GEN 8:18	Iŋuc mume Noa â ŋonâŋ‐ticne â ŋokâ joŋaofâc‐ticne,
219	GEN 9:13	Irec maqâreŋ‐nane huriri keci sawao râekopac, izi ʒâʒâfic‐nâŋecte ma ezejec.
232	GEN 9:26	Iŋuc murâ ʒiŋuc ʒuhuckerâ muwec: “Wofuŋ Anutu‐nanezi Sem jambuŋkezejec ehame Kanaaŋ e ine kiŋaŋ motec‐ticne juzejec!”
246	GEN 10:11	Irecnec rarâ Asiria mâreŋko fisirâ hae biri moc ʒiŋuc bâfua rawec: Niniwe, Rehoboti‐Iri, Kala
254	GEN 10:19	Kanaaŋ ŋicguru jaŋere mâreŋ qaŋeŋnezi Sidoŋ haeonec fuŋkerâ hae ʒiŋuc fotâcne rakac: Gerari, Gaza, Sodom, Gomora, Adama, Seboim â Lasa. Ira tarakac.
272	GEN 11:5	Iŋuc murâ hae sâko â ficʒora bambiŋ i Wofuŋzi honeocte wahawec.
296	GEN 11:29	Eme Abram â Naho jahe ŋokac ropic. Abram e ŋonâŋ‐ticne Sarai rowec, â Naho e Haraŋte otâ Milika i ŋonâŋ‐ticne rowec. Haraŋ e otâ jajahec jucnepic, Milika â Isika.
311	GEN 12:12	Aigita ŋic jaŋe honecguhuc ʒiŋuc muniŋmu: O, e ŋonâŋ‐ticne hâcne. Iŋuc murâ no nuniŋmu â go ine akicguniŋmu.
312	GEN 12:13	Irec go ʒiŋuc muzemec: No seŋticne. Iŋuc mutecne no gore erâ akicnupie sâcne jupemu.”
317	GEN 12:18	Iŋuc fuame Faraozi Abram hefârerâ ʒiŋuc muhuc wiocnewec: “Keci wemo mâsi mo enaremeŋ?
326	GEN 13:7	Irec Abram â Loti qowi soŋaŋfâc‐jekic jaŋe mâreŋte iiriac embiŋ. Dameŋ ira Kanaaŋ ŋic â Periʒi ŋic jaŋe mâreŋ irec rune jumbiŋ.
328	GEN 13:9	Ʒâŋe maigao mâreŋ sâko forakac i mi honekic me? Irec râwiŋnenac. Go qanaopec razo mukicko noni fâreopec rapemu, me fâreopec razo mukicko noni qanaopec rapemu.”
330	GEN 13:11	Eme Loti e Jordaŋ wâneŋ sâko hone wosâerâ ʒoaŋ wewefunaopec rawec. Iŋuc ehuc rârâwiŋ epic.
348	GEN 14:11	Irec râsi jaŋe Sodom â Gomora haeonec mafa mecne nânâ mecne rofârerâ barâ rambiŋ.
365	GEN 15:4	Iŋuc mume Wofuŋte dâŋ kecʒiŋuc fuacnewec: “Eki merâfâcge mi rauckezejec, aricne, gore bifuŋko fuaocmuzi merâfâge rauckeocmu.”
370	GEN 15:9	Iŋuc mume âzâcnewec: “Go ra bulimakao ŋokacne moc jara‐ticne 3 ekicne â noniŋ ŋokacne â lama ŋicne moc jara‐jekic 3 jaha ekicne, erâ hapâ â buni motecne, iŋuc rocjoparâ bare‐narec.”
385	GEN 16:3	Irec Abram e Kanaaŋ mâreŋko jara 10 jutarawec dameŋ ira Sarai, Abramte ŋonâŋ, e Aigita mâreŋkonec kiŋaŋ naru‐ticne Haga rorâ ŋowe‐ticne Abram râcneme ŋonâŋ‐ticne ewec.
387	GEN 16:5	Iŋuc eme Saraizi Abram ʒiŋuc âzâcnewec: “Mimi fua‐narekac i gorao qacnezejec. Noni kiŋaŋ naru‐nane garehuc amecgao râepo, eme eki, kiwechec ekopac, iŋuc muhuc mana wahacnukac. Ŋondeŋ‐nâhecko dâŋ fuarâ fokac i Wofuŋ e jahac mutarazejec.”
393	GEN 16:11	Erâ Wofuŋte aŋelozi ʒiŋuc wâc âzâcnewec: “Manakic, go kiwechec jukomecte juku motec moc rocmu, ere ʒâŋe Isimae muzemec, Wofuŋ e ki mamakucge manajec irec.
395	GEN 16:13	Eme dâŋ âzâcnewec Wofuŋ ere ʒâŋe ʒiŋuc muwec: “Go fufua tâcne Anutu.” I ʒiŋucte muwec hâcne: No fua tâcne‐narewec eme no e hâcne ʒâŋitapo.
396	GEN 16:14	Irec opâ ʒâŋene ʒiŋuc mueŋgpieŋ: “Juju runezi honecnuekac ere opâ ʒâŋe”, opâ ʒâŋe i Kadesi â Berede ŋondeŋ‐jekicko fokac.
397	GEN 16:15	Juku Hagazi Abramte motec moc rowec, eme Abram e Hagazi motec rowec ere ʒâŋe Isimae muwec.
398	GEN 16:16	Abram e jara 86 bazuhame Isimae fuawec.
411	GEN 17:13	Ine hâcne, ficgao fuakicne â moneŋzi furi bakicne jahe mâmâc sahac‐jekicko ma bazo. Ʒâʒâfic‐nanezi iŋuc hâcne sahac‐ŋeŋicko forâ forahuc juzejec.
416	GEN 17:18	Abraham e iŋuc ehuc Anutu ʒiŋuc âzâcnewec: “Go mana‐naretec Isimaezi gore maio jufezac me!”
417	GEN 17:19	Anutuzi ine muwec: “Misac, ŋonâŋge Sara eki ŋokâ moc roocmu, ere ʒâŋe Isaka muzemec. Eme noni ehec ʒâʒâfic sanaŋ epe ʒâʒâfic izi ɋâricfâc‐ticne jaŋehec fofehuc juzejec.
418	GEN 17:20	Â Isimaere wâc biac mana‐garekopac. Manakic, no e jambuŋkehuc ecnepe ɋâricfâcne fuarâ sawe mâririackenʒepieŋ. Ere bifuŋko ŋic fekicne 12 fuaniŋmu, erâ manacnepe ŋicguru sâko erâ juocmu.
419	GEN 17:21	Ʒâʒâfic‐nane ine Isakarao basanaŋkepemu e hâcne Sarazi jara faicnao dameŋ ʒiŋucnea roocmu.”
421	GEN 17:23	Ehame Abraham e ŋokâ‐ticne Isimae â kiŋaŋ qaqafâcne ficticnao fuakicne mecne â moneŋzi furi bacjopakicne mecne, ine hâcne ficticnao ŋic jumbiŋ sasawa, i jaŋe rocjoparâ Anutuzi mutâcnewec irec sâcko ʒoaŋ ijaha sahac tofa‐jeŋicko ma bajare‐fârewec.
423	GEN 17:25	â ŋokâ‐ticne Isimae e ine jara‐ticne 13 eha sahacnao ma bawec.
424	GEN 17:26	Ine hâcne Abraham â ŋokâ‐ticne Isimae ʒoaŋ ijaha sahac‐jekicko ma bakicne.
437	GEN 18:12	Irec Sara e maŋzi ʒiŋuc muhuc gâwiewec: “No sahac‐nane muzuckekicne â bomboŋ‐nane wâc ŋicqizec ekicnezi mocwâc hâpo mumuduc enacmu me?”
443	GEN 18:18	“Abraham e ŋicguru sâko â sasanaŋhec eocte â eraonec jambuŋzi mâreŋne mâreŋne ŋic jaŋerao fotâcnehuc sâcjopaocte mupaŋkekicne. Irec no wiac ezo mukopac i Abraham wemocko hesoŋkecnepemu?
444	GEN 18:19	No e kecʒiŋuc muhuc rowosâepo hâcne: E ɋâricfâcne â kikefuŋfâcne jaŋe Wofuŋ nore hata jowatuhuc tiŋne â mitine juniŋte jaza qâmoc ejarezejec. Iŋuc eme no Wofuŋzi Abraham wiac biŋe qacnepo irec fârine sâcne bâfuacnepemu.”
446	GEN 18:21	Irec no hurâ honepe, jaŋe jâmbomac mu owa norao wefume manapo irec sâcko wiac efârembiŋ me weniŋuc, irec fuŋne mana‐jâmbâŋkezo mukopac.”
449	GEN 18:24	Hae irec maŋnao ŋic tiŋne 50 juŋgopieŋko, irec go jaŋe mâmâc bâsirowec‐jopacmu me jaŋere erâ hae sifu mi akickenʒaŋ me? Iŋuc mac mi ezemec!
480	GEN 19:22	Mâc go ira mi fisihaŋtec no wiac moc ezo murâ eipiezipore gasackehuc wiserâ ira rac!” Irec hae irec ʒâŋe Zoari mukicne.
487	GEN 19:29	Ine hâcne, Anutu e Jordaŋ wâneŋko hae ŋerawec i ima bawec dameŋ ira Abrahamte manasuhuc Loti sisipirickonec jowa rarâ hae juwec i ima bawec.
501	GEN 20:5	Abraham e ʒiŋuc nazajec: E seŋnane. Â ŋokaczi wâc mujec: Eki seŋnane. Irec no wiac epac, i maŋɋaɋaoko epac, â menane i wâc bahacmâc.”
503	GEN 20:7	Irec go ʒiŋuczia ŋic e ŋonâŋ‐ticne bârisiecnezemec, e porofete jukac, irec go jucmurâ eki gore erâ nunumu gie bazejec. Goki e mi bârisiecnecmuo ine go â wiacfâcge ŋoŋe jâmbomac hâmo‐fâreniŋmu.”
514	GEN 20:18	Irec Abraham e Anutu numucneme Anutuzi Abimelec â ŋonâŋ‐ticne erâ kiŋaŋ ŋokacfâcne jaŋe mocwâc ɋâric bâfuac‐jopaniŋte bâpiaŋ‐jopawec.
517	GEN 21:3	Eme Abraham e ŋokâ fuacnewec, ere ʒâŋe Isaka muwec.
518	GEN 21:4	Erâ Abraham e ŋokâ‐ticne Isaka fuarâ fohame ʒoaŋ gie bapa 8 tarame Anutuzi mucnewec irec sâcko hezuwec.
519	GEN 21:5	Abraham e ine jara‐ticne 100 eha ŋokâ‐ticne Isaka fuawec.
523	GEN 21:9	Eme ʒoaŋ mocko Aigita ŋokac Hagare ŋokâ e Isakahec mamasiri erâ gâwiepire Sarazi hone manac ejactewec.
524	GEN 21:10	Irec Abraham ʒiŋuc âzâcnewec: “Go kiŋaŋ ŋokac keci ŋokâ‐ticnehec tuŋjofazemec. Kiŋaŋ ŋokac keci ere ŋokâzi nore ŋokâ Isaka ehec merâfâc wiac‐nâhec mâmâc mi rauckezepirec.”
525	GEN 21:11	Abraham e ine ŋokâ‐ticne Isimae ere busâqoc manarâ Sarare dâŋ maname mi sâckewec.
526	GEN 21:12	Anutuzi ine Abraham ʒiŋuc âzâcnewec: “Go motec â kiŋaŋ ŋokacge jahere busâqoc mi manac. Sarazi dâŋ gazakac i reŋkezemec. Isakare ɋâricfâc jaŋe sawa gore ʒâŋe biŋe rauckeniŋmu.
530	GEN 21:16	Erâ tepe moc qâtâcnepene raekac irec sâc rarâ taicko ŋewec. Ʒiŋuc muhuc ewec: “No motec hâmorâ foha wemocko honepemu.” Iŋuc murâ motec fowec ocniŋucnao ŋehame moteczi ki kâcɋene kiowec.
532	GEN 21:18	Irec fahare motec menao sanaŋne bazemec; noni ecnepe ɋâricfâcne jaŋe ŋicguru sâko eniŋmu.”
537	GEN 21:23	Irec go no â ɋâricfâc‐nane erâ jaŋere ɋâricfâc burec eatuc moc mi enârecmurâ mupaŋke‐narezemec. Noni âgo egare warehuc jupo iŋuc jaha goki no â mâreŋ jaba jukomec irec ŋic nâŋe âgo enârezemec.”
550	GEN 22:2	Eme muwec: “Go ŋokâge mocjaha Isaka, maŋzi jauŋkeekic, e hâcne Moria mâreŋko jowa rarâ tiki moc gowatupemu ira bâzi rike‐narezemec.”
551	GEN 22:3	Eme Abraham e furicte jâmbâŋ doŋgi‐ticne sate hecnerâ kiŋaŋ motec jahec‐ticne â ŋokâ‐ticne Isaka rocjopawec. Erâ bâzi ririkere ʒoc hesuckerâ jareme fahare Anutuzi hae mâreŋ mutâcnecnewec irapec rambiŋ.
554	GEN 22:6	Eme Abraham e bâzi ririkere ʒoc rorâ ŋokâ‐ticne Isaka fainao râewec. E jahac ine ʒoc ʒakicne â sâqe bawec. Eme mâmâc jojowac rapic.
555	GEN 22:7	Eme Isakazi mamac‐ticne Abraham âzâcnewec: “Mamac!” Eme muwec: “Ŋokâ‐nane, no ʒi.” Eki muwec: “Ʒoc ʒakicne â ɋâricne i bajukoperec, â bâzi rikenacmu irec lama ine weni?”
557	GEN 22:9	Raku Anutuzi mâreŋ mutâcnewecko fisirâ Abrahamzi ira alata moc bawec, erâ ʒocfiki barâ ŋokâ‐ticne Isaka bândeŋnerâ alatao ʒocfiki faio râewec.
561	GEN 22:13	Eme Abraham fotikie firâ honewec, râpenao lama ŋicne moc ʒuŋenezi jâc uupicko heme hume domawec. Irec Abraham e rarâ lama ŋicne rorâ ŋokâ‐ticnere okacne taha bâzi rikewec.
585	GEN 23:13	“I sâcne, erâ sifu mac moc mana‐narenʒaŋ! No mâreŋte furine garepe rozemec, eme qâŋɋâŋ‐nane ira duckezepac.”
586	GEN 23:14	Iŋuc mume Eferoŋzi Abraham âzâcnewec:
588	GEN 23:16	Abraham e ine furinere maname sâckeme Hitiŋic jaŋere maio ŋemâc bâbâfuao râerâ râcnewec. I eebapa‐jeŋicte sâcko iŋuc ehuc siliwa moneŋ 100 râcnewec hâcne.
592	GEN 23:20	Iŋuc eme Hitiŋic jaŋe gie mecne, hawec mecne, i mâmâc Abraham ʒâŋeruŋ giere qikiŋnecnepie ere ewec.
594	GEN 24:2	Iŋuc eme Abrahamzi kiŋaŋŋic‐ticne micne, fic hae â wiac sasawa qizeckerâ irec soŋaŋ juwec, e hâcne ʒiŋuc âzâcnewec: “Go mege gâjoŋ‐naneo râehuc
598	GEN 24:6	Iŋuc mume Abrahamzi muwec: “Aricne jâmbâŋ, go ŋokâ‐nane ira moc mi bârisie‐jâmbâŋkezemec.
601	GEN 24:9	Iŋuc mume kiŋaŋŋiczi meticne Abraham gâjoŋnao râerâ dâŋ i mupaŋkecnewec.
606	GEN 24:14	Eme naru moc wahame, ‘Opâ kiruŋge naretec opâ nâpe,’ iŋuc âzâcnepe manarâ muocmu: ‘Nâc, eha kamelefâcge opâ jarepe nânʒepieŋ wâc,’ naru e hâcne kiŋaŋŋicge Isaka ere biŋe bâwosâemeŋ, no iŋuc manarâ ʒiŋuc mana tarapemu: Go ŋicbomboŋ‐nane bubiaŋ qacnekomec.”
612	GEN 24:20	Iŋuc murâ picpac jaha opâ otoo hoŋkeme hume mocwâc fiaocte opâo huwec. Iŋuc ehuc kamelefâc‐ticne sasawa opâ fia‐jare‐fârewec.
617	GEN 24:25	Iŋuc murâ ʒuhuckerâ muwec: “Kamele jaŋere jawa wiac â nânâ bocjaha fonârekac â guŋfic‐nâŋec fokac wâc.”
622	GEN 24:30	I ʒiŋucte: E qoticnerao maŋŋuruc mecne â menao megâŋ ŋewec i honewec, erâ wâc ŋiczi dâŋ binaŋ ewec i qoticnere mickonec manawec. Iŋuc hone manac erâ izia rawec hâcne. Ŋic e ine kamelefâcne jaŋehec opâoa domawec.