14	GEN 1:14	Tarame Anutuzi ʒiŋuc muwec: “Sambâŋko ʒoctamac fua raniŋ. Jaŋe hâcne ʒoaŋ â ŋafe bâtâc bacjofanʒepieŋ, ehuc hoemaŋ â sâko ʒoaŋ, gie bapa â jara irec dameŋ mufua‐nârehuc doma ranʒepieŋ!
17	GEN 1:17	Jaŋe mâreŋ âke tamaeniŋte â ŋafe ʒoaŋ soŋaŋ‐jofahuc dapâc â tatamac bâtâc bacjofaniŋte Anutuzi sambâŋko hâcne râec‐jopawec.
26	GEN 1:26	Eme Anutuzi ʒiŋuc muwec: “Ajoc! Nâŋâc nâŋâcne hawarire sâcko ŋic bâfuac‐jopanaŋ! Jaŋe hâwec qowi â sawa wipe â hae qowi â kâte qowi sasawa erâ homa gisic wiac mâreŋko babarâ jueŋgopieŋ jaŋe ŋicwofuŋ ejarenʒepieŋ!”
47	GEN 2:16	Râerâ ŋic ʒiŋuc mupaŋkecnewec: “Jufu gieo jâc fârihec doma raŋgopieŋ i sâcne ro nâc efârecmu.
54	GEN 2:23	Jowa rame ŋiczi honerâ muwec: “Keʒi jâmbomac siec‐nane â biuc‐nane! E ŋickonec rokicnere ʒâŋene Ŋokac mucnezo.”
57	GEN 3:1	Wofuŋ Anutu e kâtere wiac jujune gâcne bâfuac‐jopawec jaŋere sâc jâuru‐fârehuc homare gibioczi fejâmbâŋkewec. Eme homa e ŋokac ʒiŋuc muhuc wiocnewec: “Jufuo jâc sasawa doma rakac irec fârine mi nânicte Anutuzi muwec me?”
62	GEN 3:6	Eme ŋokaczi jâc honerâ ʒiŋuc manawec: Jâchândâŋ i nânâne biaŋ â hawarine hone aŋac eene, erâ wâc mamana bâbâfua‐ticnehec muhuc maname biaŋkewec. Iŋuc eku hândâŋ i batararâ nâwec. Nâhuc ŋowene râcneme nâwec wâc.
78	GEN 3:22	Wofuŋ Anutu e iŋuc erâ ʒiŋuc muwec: “Jei! Ŋic e biac nâŋâcne sâcko biaŋne â sâqocne irec fuŋne mamana ejec! E meticne sicnerâ jujujâcte hândâŋ rorâ nâhuc juju sanaŋ juzacte mi manacnezo.”
100	GEN 4:20	Ada e motec kiweckerâ Jabali rowec, e qoruc bozeo juju fofo eere â bec bulimakao hone soŋaŋ giere fufuŋke ŋic.
101	GEN 4:21	Jabali ɋaticnere ʒâŋe ine Jubali. E gita â mimi ŋokac irec fufuŋke ŋic ewec.
103	GEN 4:23	Juku Lamec e ŋonâŋ jahec‐ticne hefârec‐jofarâ ʒiŋuc jasawec: “Ada â Zila, ŋohe hazec râerâ dâŋnane mananic! Ŋonâŋ jahec‐nane, ŋohe saoreŋ gae‐nane maŋkenic! Jâmbomac jâmbâŋ, wicte okacne ŋic moc qapo, â ʒâpâ nukicnere ine motec mac moc.
121	GEN 5:15	Mahalale e jara 65 bazume ere bifuŋko Jarede fuawec.
122	GEN 5:16	Mahalale e Jarede fuawec dameŋ irecnec jara 830 ʒuhuckerâ juhame ere bifuŋko naru motec gâcne fua fembiŋ.
124	GEN 5:18	Jarede e jara 162 bazume ere bifuŋko Enoko fuawec.
125	GEN 5:19	Jarede e Enoko fuawec dameŋ irecnec jara 800 ʒuhuckerâ juhame ere bifuŋko naru motec gâcne fua fembiŋ.
126	GEN 5:20	Jarede e iŋuc jufeku jara 962 bazurâ hâmowec.
138	GEN 5:32	Noa e jara 500 bazume ere bifuŋko ŋokâ 3 fuambiŋ, ʒâŋe‐jeŋic Sem, Ham â Jafete.
148	GEN 6:10	Ehame ere bifuŋko ŋokâ 3 fuambiŋ, ʒâŋe‐jeŋic Sem, Ham â Jafete. Noare binaŋ iŋuc.
151	GEN 6:13	Eme irec Anutuzi Noa ʒiŋuc âzâcnewec: “No mâreŋŋic jaŋere dameŋ taraocte manapaŋkekopac. Jaŋe sindaŋ hârindaŋ‐jeŋiczi mâreŋ fusucmakacte no bâsirowec‐jopapemu.
173	GEN 7:13	Eme ʒoaŋ ijaha Noa â ŋonâŋ‐ticne erâ ŋokâfâcne Sem, Ham â Jafete â ŋonâŋfâc‐jeŋic, jaŋe mâmâc wokeo fefârembiŋ.
189	GEN 8:5	Juku opâ e fâre wahakume mosa 10 irec ʒoaŋ gie bapa 1 ira tiki botâŋ‐jeŋic tâtâc fua rawec.
224	GEN 9:18	Noare ŋokâfâc wokeonec wahambiŋ jaŋere ʒâŋe Sem, Ham â Jafete. Ham e ine Kanaaŋte mamac.
227	GEN 9:21	Juku waiŋ opâne barâ nâku maŋne bibiriwame qoruc boze‐ticnao waha iŋke aŋke ehuc fowec.
229	GEN 9:23	Eme Sem â Jafete jahe ŋaqi moc rorâ ɋawe‐jekicko râehuc rârâpe bozeo raʒirâ mamac‐jekic biuctac fohame mi honehuc qofackepic.
233	GEN 9:27	Erâ ʒuhuckerâ muwec: “Anutuzi Jafete bafickeme sawe mâririackezejec, ehame ɋâricfâc‐ticne jaŋe Semte ɋâricfâc jaŋehec ŋeŋe juju enʒepieŋ, â Kanaaŋ e ine kiŋaŋ qaqa‐ticne ezejec.”
235	GEN 9:29	Juku jara 950 bazurâ hâmowec.
236	GEN 10:1	Noa ŋokâfâcne jaŋere ɋâricfâc jaŋere ʒâŋe biri ʒine hâcne: Sem, Ham â Jafete jaŋe rumi sâkozi omaewec irec faicnao ŋokâ fua‐jarembiŋ.
237	GEN 10:2	Jafete ere ŋokâfâc jaŋere ʒâŋe ʒiŋuc: Gomera, Magogo, Madai, Jawaŋ, Tubali, Meseke â Tirase.
239	GEN 10:4	Â Jawaŋte ŋokâ jahec ine: Elisa â Tarasisi; jaheraonec Kitim â Dodanim ŋicguru fuambiŋ.
240	GEN 10:5	Jaŋeraonec guru gâcne gâcne fua rambiŋ, mâreŋ‐jeŋic sâc â dâŋjeŋic sâc â kikefuŋ guru‐jeŋic sâc, jaŋe Jafetere ɋâricfâc hâcne.
249	GEN 10:14	Patarusi â Kasiluhi. Jaŋeraonec Filisa â Kafatori jaŋe fua sawec embiŋ.
251	GEN 10:16	Jebusi, Amori, Girigasi,
256	GEN 10:21	Jafete hahac‐ticne Sem, Ebere ere ɋâricfâc jaŋere mamac fuŋfuŋ, ere ŋokâfâc wâc fuambiŋ.
260	GEN 10:25	Â Ebere ere ŋokâ ine jajahec fuapic, moc ʒâŋe‐ticne Pelege mukicne, ere dameŋko mâreŋŋic fâucke râwiŋ embiŋte. Ɋaticnere ʒâŋe ine Jokataŋ.
261	GEN 10:26	Jokataŋ ere bifuŋko fuambiŋ ine ʒiŋuc: Alamoda, Selefe, Hazamawe, Jera,
264	GEN 10:29	Ofiri, Hawila â Jobabe; ŋic keci jaŋe Jokataŋ ere ŋokâfâc sasawa.
273	GEN 11:6	Erâ muwec: “Jâmbomac, jaŋe ŋicguru mocjaha â dâŋmarac‐jeŋic wâc mocjaha, erâ gie baniŋte mu biric embieŋ i mâc fufuŋkene sawa. Efehuc fârine quŋquŋke tâmiric bâfuaniŋmu.
329	GEN 13:10	Eme Loti e ʒâŋe fime rame honewec: Jordaŋ mâreŋ i opâzi bâgunucke‐fârekicne, Wofuŋte jufu gie iŋucne, erâ Aigita mâreŋ iŋucne, domarâ raku Ʒoari fisikac hâcne. Wofuŋzi Sodom â Gomora hae mi bâsirowec‐jofawec dameŋ ira Jordaŋ mâreŋzi iŋuc hâcne fowec.
330	GEN 13:11	Eme Loti e Jordaŋ wâneŋ sâko hone wosâerâ ʒoaŋ wewefunaopec rawec. Iŋuc ehuc rârâwiŋ epic.
331	GEN 13:12	Eme Abram e Kanaaŋ mâreŋko ŋec juc ewec, â Loti e ine Jordaŋ mâreŋko hae ŋerambiŋ jaŋere ŋondeŋko ju fofo raku Sodom hae mendâŋko fisirâ qoruc boze‐ticne fâreme fowec.
341	GEN 14:4	Jaŋe jara 12 Kedo‐Laome kiŋaŋ qacnehuc jumbiŋ, jara namba 13‐ko ine e râpeckembiŋ.
377	GEN 15:16	Jaŋe ine Amori ŋic jaŋere kiŋte sâc micnao biac mi qakacte jufekupie gaŋne 4 eme risie wareniŋmu.”
382	GEN 15:21	Amori ŋic, Kanaaŋ ŋic â Jebusi ŋic jaŋere mâreŋ hâcne.”
396	GEN 16:14	Irec opâ ʒâŋene ʒiŋuc mueŋgpieŋ: “Juju runezi honecnuekac ere opâ ʒâŋe”, opâ ʒâŋe i Kadesi â Berede ŋondeŋ‐jekicko fokac.
397	GEN 16:15	Juku Hagazi Abramte motec moc rowec, eme Abram e Hagazi motec rowec ere ʒâŋe Isimae muwec.
460	GEN 19:2	“Ŋicbomboŋ jahec‐nane, ŋohe miŋecgac ŋafeo kiŋaŋ qaqa‐ŋekic nore ficko ferâ kike‐ŋekic ʒurerâ ŋec foc enic. Tomâcko furicte ine sâcne faharerâ hata ʒuhuckerâ razepirec.” Jahe mupic: “Aricne, nâhe ŋafe ʒi hae ʒoŋao fonacmu.”
462	GEN 19:4	Jahe ine guŋ mi fohapire hae irecnec ŋic, Sodom ŋic hâcne, ŋic â motec mâmâc sasawa jaŋe ware fic orâŋkerâ
463	GEN 19:5	Loti wiracnehuc ʒiŋuc âzâcnembiŋ: “Ŋafe ʒira gorao ŋic fisipirec jahe wena? Jowac‐jofa wahatecne bâsâqorec‐jofanaŋ.”
467	GEN 19:9	Jaŋe ine mumbiŋ: “Go wisec!” Erâ âzâcnembiŋ: “Go wiwickonec warekicnezi ŋondeŋ‐nâŋecko jaba juhuc mutiŋ‐nâpozo mukic me? Nâŋe jahe wiac ejactezo mumbeneŋ irec sâc sirickehuc go egarenaŋmu.” Jaŋe iŋuc murâ Loti ro fârec ecnehuc motâc qanʒaŋnezo fuŋkembiŋ.
472	GEN 19:14	Eme Loti e ra otâ jahec‐ticne jahere ŋicbiŋe ʒiŋuc jasawec: “Ajoc, fahare wiserâ ranic! Wofuŋzi hae ʒi ima bazo ekac.” Jahe ine manapire ʒoraŋ ekac tinac ewec.
475	GEN 19:17	moczi ʒiŋuc âzâcnewec: “Ajoc, go mâmâc sipirickezicte wiserâ razemec! Erâ forisie mi fizemec â Jordaŋ wâneŋko ŋec domac wâc mi ezemec! Sipirickezicte tikio wiserâ fezemec!”
487	GEN 19:29	Ine hâcne, Anutu e Jordaŋ wâneŋko hae ŋerawec i ima bawec dameŋ ira Abrahamte manasuhuc Loti sisipirickonec jowa rarâ hae juwec i ima bawec.
545	GEN 21:31	Jahe ira mumupaŋ sanaŋ mupaŋkepicte hae irec ʒâŋe Bere‐Seba mukicne.
546	GEN 21:32	Jahe Bere‐Seba haeo ʒâʒâfic epic, ehuc Abimelec â momori soŋaŋ‐ticne Fikoli jahe Filisa mâreŋko risiepic.
570	GEN 22:22	Erâ Kesede â Hazo â Pilidasi â Jidilafe erâ Betuele.
654	GEN 24:62	Isaka eki ine opâ moc ʒâŋene “Juju runezi honecnuekac ere opâ ʒâŋe” ira raweckonec warewec. E Negebe mâreŋko ŋec juc ewec.
661	GEN 25:2	Eme eki ŋokâ ʒiŋuc rocjopawec: Ʒimiraŋ, Jokisaŋ, Medaŋ, Midiaŋ, Isibake â Sua.
662	GEN 25:3	Jokisaŋ ere bifuŋko ine Seba â Dedaŋ jahe fuapic, eme Dedaŋ ere ŋokâfâc ine ʒiŋuc fuambiŋ: Asurim, Letusim â Leumim.
670	GEN 25:11	Eme Abrahamzi hâmome Anutu e ŋokâ‐ticne Isaka jambuŋkewec. Isaka eki ine opâ moc ʒâŋene “Juju runezi honecnuekac ere opâ ʒâŋe”, ira ŋec juc ewec.
674	GEN 25:15	Hadadi â Tema, Jeturu, Nafisi erâ Kedema.
675	GEN 25:16	Ŋic i jaŋe hâcne Isimaere ŋokâfâc, ʒâŋe‐jeŋic i hae‐jeŋic â qoruc boze‐jeŋic ŋerakac sâc mukicne. Jaŋe guru‐jeŋicte sâc ŋicwofuŋ 12 jumbiŋ.
677	GEN 25:18	Jaŋe Hawila â Suru, Aigita mâreŋ ʒoaŋ wewefunaopec mâreŋ ŋondeŋ moc ira jumbiŋ. Soctofafâc‐ticne jaŋere mâreŋ heririŋko juwec hâcne.
685	GEN 25:26	Izi ɋaticne fuawec, e meticnezi Esau kike kiririŋnao bahuc fuawecte ʒâŋene Jakobo mumbiŋ. Isaka e jara‐ticne 60 eha ŋokâ jahec‐ticne fuapic.
686	GEN 25:27	Eme motec jahe juku sokarâ Esauzi wosaŋeŋ gie bahuc irec fuŋne manawec, ehuc kâteo kosa jujujec, Jakobo eki ine ŋic pectâcnezi haeo juhuc gie bawec.
687	GEN 25:28	Isaka e kâte qowire boc aŋackewecte maŋticne Esaure kâcɋene domawec, Rebeka e ine Jakobore maname joroc biaŋ‐ticne ewec.
688	GEN 25:29	Eme Jakobo e juku nânâ wiac rikewec. Ehame Esauzi kâteonec fisirâ nânâre betaŋkehuc
689	GEN 25:30	Jakobo ʒiŋuc âzâcnewec: “Wiac bâbâroŋ keci moc biac naretec nâpe, no nânâre hâmo sâqorekopac i!” Irec hâcne ʒâŋe‐ticne Edom mukicne.
690	GEN 25:31	Jakobozi ine muwec: “Mârâc fufuare wiac biŋege qikiŋne‐narec.”
692	GEN 25:33	Jakobozi muwec: “Qanaŋ mupaŋke‐narec.” Eme mupaŋkecnehuc mârâc fufuare wiac biŋe‐ticne Jakobo qikiŋnecnewec.
693	GEN 25:34	Eme Jakobozi Esau poroŋ â basac bâbâroŋ rikekicne râcnewec. Eki ine nânâ opâ nârâ faharerâ rawec. Esau e iŋuc ehuc mârâc fufua‐ticnere wiac biŋe qaisockewec.
694	GEN 26:1	Juku mâreŋ ira roroc mocwâc fuawec. Mârâc Abrahamzi juhame moc fuawec, ʒi ine moc. Irec Isaka e Filisa ŋic jaŋere ŋicwofuŋ ʒâŋene Abimelec, Gerari haeo juwec, erao rawec.
702	GEN 26:9	Honerâ Isaka hefâreme fisime âzâcnewec: “E ŋonâŋge i! Fuŋne weniŋucte ‘E seŋnane’ mumec?” Isakazi muwec: “Jâmbomac, no ere erâ nupie hâmozipore hâwicnume mupo.”
721	GEN 26:28	Jaŋe mumbiŋ: “Nâŋe Wofuŋzi gohec jukac i hone‐jâmbâŋkerâ ʒiŋuc manambeŋ: Nâŋâc ŋondeŋ‐nâŋecko mumupaŋ moc mupene foha gohec ʒâʒâfic moc enʒepeneŋ.
727	GEN 26:34	Esau e jara 40 bazurâ Hitiŋic Beri ere otâ ʒâŋene Juditi ŋonâŋ‐ticne rowec, erâ Hitiŋic Eloŋ ere otâ Basemata mâmâc rowec.
734	GEN 27:6	Ehame Rebekazi ŋokâ‐ticne Jakobo ʒiŋuc âzâcnewec: “Manakic, no mamacgezi hahacge Esau ʒiŋuc âzâcneme manapac:
739	GEN 27:11	Jakobo e ine neŋgoc‐ticne Rebeka ʒiŋuc âzâcnewec: “Manakic, hahac‐nane Esau e sahac ʒâwânehec, no ine sahac fâfâsâc.
743	GEN 27:15	Erâ Rebekazi mârâc ŋokâ‐ticne Esau ere ŋaqi wiac biaŋne ficko fowec i rorâ ŋokâ‐ticne Jakobo hecneme huwec.
745	GEN 27:17	noniŋ aŋacne â poroŋ rike bâmoc ewec i ŋokâ‐ticne Jakobo menao râewec.
747	GEN 27:19	Eme Jakobozi mamac‐ticne ʒiŋuc âzâcnewec: “No mârâc ŋokâge Esau, no dâŋ nazamec i efârepac, go faharerâ ŋehuc qowi‐nane nârâ jambuŋnuzemec.”
749	GEN 27:21	Iŋuc mume Isakazi Jakobo âzâcnewec: “Ŋokâ‐nane, waretec bâuacgupe, eme go ŋokâ‐nane Esau me mâcne, irec fuŋne taniŋkeoc.”
750	GEN 27:22	Eme Jakobo e mamac‐ticne Isaka erao rame eki bâuarâ muwec: “Dâŋge manape Jakobore dâŋ ekac, â megere ine manape Esaure me ekac.”
758	GEN 27:30	Eme Isaka e Jakobo jambuŋkeme tarame Jakobozi mamac‐ticne beherâ rahame Esauzi kâteonec risie warewec.
761	GEN 27:33	Eme Isaka e fâfâre sâqorehuc muwec: “Eme go mi warehaŋtecne qowi qarâ bawefu‐nareme nârâ jambuŋkepac e mo? Jambuŋzi erao fohuc juocmu sanaŋ.”
764	GEN 27:36	Eme muwec: “Sowine ʒâŋe‐ticne Jakobo mukicne, e sioc enareha biac arec jajahec ekac, e qanaŋ mârâc fufuare wiac biŋe‐nane nowac rowec â ʒi jambuŋ‐nane nowac rokac wâc.” Erâ ʒuhuckerâ muwec: “Nore biŋe jambuŋ moc mi sakaremec me?”
769	GEN 27:41	Esau eki ine mamac‐ticnezi Jakobo jambuŋkewec jambuŋ irec erâ Jakobo aaric manacnewec. Ehuc maŋnezi ʒiŋuc manasuwec: Mamac‐nanere ki mamakuc ee dameŋne bembeŋkekac, irec faicnao ɋanane Jakobo qâhâmozepac.
774	GEN 27:46	Rebeka e iŋuc murâ Isaka ʒiŋuc âzâcnewec: “No Hiti ŋokac jahere takicnuekac. Ehame Jakobo e iŋuc jaha Hitiŋic jaŋere naru, mâreŋ ʒirec rune hâcne, jahe iŋucne moc roocmuo no wenac epemu?”
775	GEN 28:1	Iŋuc mume Isakazi Jakobo hefârerâ jambuŋkehuc dâŋ ʒiŋuc âzâcnewec: “Go Kanaaŋ mâreŋkonec naru jaŋeraonec ŋonâŋ moc mi rozemec.
779	GEN 28:5	Isakazi Jakobo iŋuc âzâcne sorec eme eki Mesopotamia mâreŋko Labaŋtao raocte rawec. Labaŋ e Aramea ŋic, Betuele ere ŋokâ â Jakobo â Esau neŋgoc‐jekic Rebekare hahac.
780	GEN 28:6	Isakazi Jakobo jambuŋkerâ ŋokac moc bâfuaocte Mesopotamia mâreŋko sorewec. Erâ jambuŋkehuc dâŋ ʒiŋuc âzâcnewec: “Go Kanaaŋ ŋokac jaŋeraonec ŋonâŋ moc mi rozemec.”
781	GEN 28:7	Eme Jakobo e neŋgoc mamac jahec‐ticne jahere dâŋ reŋkerâ Mesopotamia mâreŋko rawec.
784	GEN 28:10	Jakobo e Bere‐Seba hae beherâ Haraŋ haeo raocte rawec. Raku hae mâreŋ mocko fisihame ʒoaŋ ŋetarawec.