2	GEN 1:2	Ehame mâreŋ e sisifucne â tacne fowec, â ʒâkâŋ ʒora duŋdapâczi foŋkewec, ehame opâ faicko Wofuŋte Mârozi teŋ hâmorâ rac warec ewec.
3	GEN 1:3	Eme Anutuzi ʒiŋuc muwec: “Tamaeoc!” Mume tamaewec.
9	GEN 1:9	Tarame Anutuzi ʒiŋuc muwec: “Sambâŋ rurumaŋnao opâ mockoa qâzuckepie kereŋnezi fua tâcneoc!” Mume iŋuc fuawec.
11	GEN 1:11	Eme Anutuzi muwec: “Mâreŋte faio wiac fofone i âkeʒurâ wefuoc! Nânâ monʒaŋ ʒariŋ wiac ukichec sasawa, â jâc wiac hândâŋ ukichec sasawa, iŋucne fuŋne fuŋne wefunʒepieŋ!” Mume iŋuc hâcne fuawec.
12	GEN 1:12	Mâreŋzi âke sueme nânâ monʒaŋ ʒariŋ wiac fuŋne fuŋne, ukic‐jeŋichec sasawa wefumbiŋ, â jâc fuŋne fuŋne fârihec â fârimaŋko ukic‐jeŋichec sasawa. Eme Anutuzi honeme biaŋkewec.
15	GEN 1:15	Ehuc sambâŋte ʒoctamac erâ mâreŋ âke tamaenʒepieŋ!” Mume iŋuc fuawec.
20	GEN 1:20	Tarame Anutuzi ʒiŋuc muwec: “Opâ jaŋere maŋko opâ qowi fuŋne fuŋnezi fuarâ fusucmapie qiriŋ sâko fuazejec â wipe jaŋe sawao furuc furuc qahuc junʒepieŋ!” Mume fuawec.
24	GEN 1:24	Tarame Anutuzi ʒiŋuc muwec: “Mâreŋzi wiac jujune fuŋne fuŋne kiweckerâ rozejec, hae qowi â homa gisic â kâte qowi fuŋne fuŋne!” Mume iŋuc fuawec.
42	GEN 2:11	Moc ʒâŋene Pisoŋ, izi Hawila mâreŋ orâŋke‐fârekac. Ira gol fokac.
43	GEN 2:12	Mâreŋ irec gol i furi sâko. Ira wâc Bedolac sâfâ â Soham qânâ fokopirec.
64	GEN 3:8	Eme ʒoaŋ otewehuc hae urueme Wofuŋ Anutu e jufuo hata jume fânâŋ‐ticne manapic. Manarâ ŋic â ŋonâŋ‐ticne jahe Wofuŋ Anuture hâwic‐jofame jufuo jâc ŋondeŋko soŋkepic.
88	GEN 4:8	Eme Kaiŋzi ɋaticne Abe âzâcne muwec: “Nâhâc gieo ranac.” Mume gieo ra jupic, ehuc Kaiŋzi fahare ɋaticne Abe qarâ qâhâmowec.
89	GEN 4:9	Eme Wofuŋzi Kaiŋ ʒiŋuc wiocnewec: “Ɋage Abe wena jukac?” Eki muwec: “Mi manakopac, no ɋananere soŋaŋ me?”
98	GEN 4:18	Enokore ŋokâ moc fuawec ʒâŋene Iradi, eme ere bifuŋko Mehujae fuawec, Mehujae ere bifuŋko Metusae fuawec, Metusae ere bifuŋko Lamec fuawec.
118	GEN 5:12	Kenaŋ e jara 70 bazume ere bifuŋko Mahalale fuawec.
119	GEN 5:13	Kenaŋ e Mahalale fuawec dameŋ irecnec jara 840 ʒuhuckerâ juhame ere bifuŋko naru motec gâcne fua fembiŋ.
121	GEN 5:15	Mahalale e jara 65 bazume ere bifuŋko Jarede fuawec.
122	GEN 5:16	Mahalale e Jarede fuawec dameŋ irecnec jara 830 ʒuhuckerâ juhame ere bifuŋko naru motec gâcne fua fembiŋ.
123	GEN 5:17	Mahalale e iŋuc jufeku jara 895 bazurâ hâmowec.
127	GEN 5:21	Enoko e jara 62 bazume ere bifuŋko Metusela fuawec.
128	GEN 5:22	Enoko e Anutuhec ʒuʒuhuc jâmbâŋ jupic. Enokozi ŋokâ‐ticne Metusela fuawec dameŋ irecnec jara 300 ʒuhuckerâ juhame ere bifuŋko naru motec gâcne fua fembiŋ.
131	GEN 5:25	Metusela e jara 187 bazume ere bifuŋko Lamec fuawec.
132	GEN 5:26	Metusela e Lamec fuawec dameŋ irecnec jara 782 ʒuhuckerâ juhame ere bifuŋko naru motec gâcne fua fembiŋ.
133	GEN 5:27	Metusela e iŋuc jufeku jara 969 bazurâ hâmowec.
154	GEN 6:16	Erâ bupune bâbâzickehuc sâcmutâcte sâcko faic motâc piticne moc bazemec â motâc jâmbâŋ‐ticne ine neŋgocnaopec râezemec. Maŋnao feŋgaŋne jahec â moc fuanʒepieŋ.
155	GEN 6:17	Manakic, no mâreŋko ŋic juŋgopieŋ jaŋe bâsirowec‐jopa‐fârepemurâ rumi sâko bâfuape mâreŋko wiac jujune forakac i omae‐fâreocmu.
182	GEN 7:22	Mâreŋko wiac jujune, nokafehec, jaŋe hâmo‐fârembiŋ.
197	GEN 8:13	Noare jara dameŋ 601 irec mosa wâŋte ʒoaŋ gie bapa 1 ira opâ sâko mâreŋ faio fowec i kereŋke‐fârewec. Eme Noazi wokere bupu bâropierâ honewec: Mâreŋ faio opâ ʒickewec hâcne.
206	GEN 8:22	Mâreŋte dameŋ fofeocmu sâc: Hesarac â qa roro, mâmâteŋ â fâroroc, hoe dameŋ â ʒoaŋ dameŋ, ŋafe â furec iŋuczi iŋuc ʒuʒuhuc fofehuc juzejec!”
210	GEN 9:4	Mocjaha, qowi socnehec ine mi nânʒepieŋ! Erâ ʒiŋuc mananiŋ:
223	GEN 9:17	Anutuzi iŋuc murâ ʒuhuckerâ Noa ʒiŋuc âzâcnewec: “Mâreŋko ŋoŋehec ʒâʒâfic sanaŋ ekopac irec ma ine hâcne!”
237	GEN 10:2	Jafete ere ŋokâfâc jaŋere ʒâŋe ʒiŋuc: Gomera, Magogo, Madai, Jawaŋ, Tubali, Meseke â Tirase.
241	GEN 10:6	Ham ere ŋokâfâc jaŋere ʒâŋe ʒiŋuc: Kusu, Miziraim, Puti â Kanaaŋ.
248	GEN 10:13	Â Miziraim ere ɋâricfâc guru sâc ʒâŋe‐jeŋic ʒiŋuc: Ludi, Anami, Lehabi, Nafituhi,
258	GEN 10:23	Aram ere ŋokâfâc ine Usi â Hulu, Getere â Masi.
265	GEN 10:30	Fic hae biri‐jeŋiczi ʒoaŋ wewefunaopec tiki mâreŋko Mesanec fuŋkerâ ŋeraku Sefara ira tarakac.
268	GEN 11:1	Mâreŋŋic sasawa dâŋmarac‐jeŋic mocjaha fowec â wiac ʒâŋene ʒâŋene ijaha sasawa mujumbieŋ.
296	GEN 11:29	Eme Abram â Naho jahe ŋokac ropic. Abram e ŋonâŋ‐ticne Sarai rowec, â Naho e Haraŋte otâ Milika i ŋonâŋ‐ticne rowec. Haraŋ e otâ jajahec jucnepic, Milika â Isika.
310	GEN 12:11	Eme Aigita mâreŋ bâqiŋkezo ehuc ŋonâŋ‐ticne Sarai ʒiŋuc âzâcnewec: “Manakic, go ŋokac sahac hawarige biaŋne i kâuc mi bakopac.
334	GEN 13:15	Mâreŋ honekic sasawa i go â ɋâricfâcge fofo sanaŋ foŋareocte biŋe qaŋarekopac.
337	GEN 13:18	Eme Abram e ju fofo raku Heboroŋ haeo Mamere ere boriŋ gie fowecko qoruc boze‐ticne fâreme fowec. Erâ ira ŋec juc ehuc Wofuŋte alata moc bawec.
350	GEN 14:13	Eme ʒikare nâfocne ŋic moczi fisi Hebiraio ŋic Abram biŋe âzâcnewec. Abram e dameŋ ira Amori ŋic Mamere ere boriŋ gieo ŋec juc ewec, â Mamere qomâ jahec‐ticne Esikola â Anera jahe wâc Abramhec ʒâʒâfic erâ jumbiŋ.
355	GEN 14:18	Ehame Salem ŋicwofuŋ Melikisede, Anutu Femicne ere taha bapa juweczi Abram poroŋ â waiŋ bacne rawec.
359	GEN 14:22	Mume Abramzi Sodom ŋicwofuŋ ʒiŋuc âzâcnewec: “Wofuŋ Anutu Femicne hâcne, sambâŋ â mâreŋ irec bâbâfua, erao musanaŋkekopac.
361	GEN 14:24	Mâc motec jaŋe suanʒeŋ nâmbieŋ izi fozejec, erâ ŋic nohec jumbeneŋ, Anera, Esikola â Mamere jaŋe ine sâcjeŋic ronʒepieŋ.”
364	GEN 15:3	Erâ ʒuhuckerâ muwec: “Manakic, go ɋâric moc mi tahacnumeŋ, irec juku kiŋaŋ qaqa‐nanezi merâfâc‐nane rauckeocmu hâcne.”
367	GEN 15:6	Mume Abramzi Wofuŋ manasiŋkeme irec erâ maname kiŋticne tarawec.
371	GEN 15:10	Mume ro bafisic‐joparâ hefâuckehuc dâkâne moc ŋifec â dâkâne moc ŋifec iŋuc biricke rawec, wipe sawa ine mi hefâuckewec.
384	GEN 16:2	Eme Saraizi Abram ʒiŋuc âzâcnewec: “Manakic, Anutuzi kogoc fufua irec mâsi sakare‐narewecte go kiŋaŋ naru‐nanehec juhaŋtec eraonec motec moc sâcne fua‐nareocmu mecne.” Mume Abramzi Saraire dâŋ reŋkewec.
387	GEN 16:5	Iŋuc eme Saraizi Abram ʒiŋuc âzâcnewec: “Mimi fua‐narekac i gorao qacnezejec. Noni kiŋaŋ naru‐nane garehuc amecgao râepo, eme eki, kiwechec ekopac, iŋuc muhuc mana wahacnukac. Ŋondeŋ‐nâhecko dâŋ fuarâ fokac i Wofuŋ e jahac mutarazejec.”
388	GEN 16:6	Mume Abramzi Sarai dâŋ ʒiŋuc âzâcnewec: “Wiac kiŋaŋ naru e gore meo jukac, e iŋuc me iŋuc ecnezo murâ ecnec.” Eme Saraizi Haga qa bâtiŋ ecneme wiserâ rawec.
393	GEN 16:11	Erâ Wofuŋte aŋelozi ʒiŋuc wâc âzâcnewec: “Manakic, go kiwechec jukomecte juku motec moc rocmu, ere ʒâŋe Isimae muzemec, Wofuŋ e ki mamakucge manajec irec.
401	GEN 17:3	Mume Abramzi ʒâŋe maine mâreŋko hetutuckerâ fowec. Eme Anutuzi ʒiŋuc muhuc âzâcnewec:
402	GEN 17:4	“Manakic, no gohec ʒâʒâfic‐nane ekopac i ʒiŋucte: Go ŋic gurune gurune jaŋere mamac erâ juzemec,
409	GEN 17:11	Ma bapa ine sahac tofa‐ŋeŋic hetâcnehuc ma bazo, eme izi ŋondeŋ‐nâŋecko ʒâʒâfic fuawec fokac irec ma eocmu.
415	GEN 17:17	Mume Abrahamzi ʒâŋe maine mâreŋko hetutuckerâ gâwiehuc ʒiŋuc manasuwec: “Ŋic moc e jara 100 bazume ŋokâ moc sâcne fuacneocmu, erâ Sara e jara‐ticne 90 bazuweczi kogoc moc sâcne roocmu?”
417	GEN 17:19	Anutuzi ine muwec: “Misac, ŋonâŋge Sara eki ŋokâ moc roocmu, ere ʒâŋe Isaka muzemec. Eme noni ehec ʒâʒâfic sanaŋ epe ʒâʒâfic izi ɋâricfâc‐ticne jaŋehec fofehuc juzejec.
418	GEN 17:20	Â Isimaere wâc biac mana‐garekopac. Manakic, no e jambuŋkehuc ecnepe ɋâricfâcne fuarâ sawe mâririackenʒepieŋ. Ere bifuŋko ŋic fekicne 12 fuaniŋmu, erâ manacnepe ŋicguru sâko erâ juocmu.
426	GEN 18:1	Eme Abraham e guŋpitic eme qoruc boze‐ticnere motâcko ŋehame Wofuŋzi Mamere boriŋ gieo fuacnewec.
429	GEN 18:4	Mupe opâ bawarepie kike‐ŋeŋic ʒurerâ jâc mumucko waha ŋemananiŋ.
430	GEN 18:5	Ehame no nahac ine ra poroŋ mac moc roŋarepe nâqiŋnerâ razo murâ ranʒepieŋ. Kiŋaŋ qaqa‐ŋeŋic norao mac fisiŋgopieŋte weniŋuc qâoma ezo!” Mume mumbiŋ: “Sâcne, mukomec iŋuc ec.”
453	GEN 18:28	Ŋic tiŋne 50 muhape jaŋeraonec 5 basac‐jopacmu mecne, eme go jâmbomac 5 jaŋere erâ hae sâko bâsirowecmu me?” Mume muwec: “No ira 45 bâfuac‐joparâ hae i ima mi bapemu.”
454	GEN 18:29	Eme Abrahamzi ine mocwâc ʒuhuckerâ ʒiŋuc muhuc âzâcnewec: “Me ŋic 40 sawa bâfuac‐jopa wiac moc ecmu?” Eki muwec: “No 40 jaŋere erâ mi epemu.”
466	GEN 19:8	Manaŋgopieŋ, nore otâ jajahec jukopirec, jahe ŋichec moc mi jupic. No jahe jowac‐jofa wahape wiac iŋuc me iŋuc ejactezo murâ ejacteniŋ. Mocjaha, ŋic ʒi jahe ine wiac moc mi ejactenʒepieŋ, jahe nore ficko wefupirec i!”
478	GEN 19:20	Manakic, hae piticne mac kecocni i bembeŋko ŋekac, irec mana‐naretec ira ra juzepac. No ira sâcne jupemu.”
480	GEN 19:22	Mâc go ira mi fisihaŋtec no wiac moc ezo murâ eipiezipore gasackehuc wiserâ ira rac!” Irec hae irec ʒâŋe Zoari mukicne.
489	GEN 19:31	Eme mârâc otâ‐ticnezi qoticne ʒiŋuc âzâcnewec: “Mamac‐nâhec e ŋicqizec, eme mâreŋ ʒirec ŋic moczi moc warerâ mâreŋŋic jaŋe eeŋgopieŋ irec sâcko mi enâcteocmu.
492	GEN 19:34	Ʒoaŋ faicnao mârâc otâzi qoticne ʒiŋuc âzâcnewec: “Manakic, no jacne ŋafeo mamac‐nanehec fopac, nâhâc miŋecgac ŋafeo iŋuc jaha waiŋ opâ gumepere maŋne sifuckeme goki ferâ ehec fozemec, nâhâc mamac‐nâhec eraonec ɋâric fua‐nâcteocte.”
495	GEN 19:37	Eme mârâc otâzi motec moc rowec, ere ʒâŋe Moabi muwec. Eki Moabi ŋic jaŋere apa ewec.
497	GEN 20:1	Eme Abraham e Mamere ere boriŋ gieonec faharerâ Negebe mâreŋko Kadesi â Suru ŋondeŋ‐jekicko Gerari hae ŋewec, ira ra jaba juwec. Ehuc ŋonâŋ‐ticne Sarare seŋnane muwec.
507	GEN 20:11	Eme Abrahamzi muwec: “No ʒiŋuc manasuhuc wiac i epo: Mâreŋ ʒirec ŋic jaŋe Anutu araŋ mi bacneeŋgopieŋ, irec jaŋe no ŋonâŋ‐nanere erâ qâhâmocnuniŋmu.
511	GEN 20:15	Erâ Abraham ʒiŋuc âzâcnewec: “Manakic, mâreŋ‐nane ʒi maigao forakac, go ira me ira ŋec juc ezo murâ ezemec.”
512	GEN 20:16	Erâ wâc Sara ʒiŋuc âzâcnewec: “Manakic, wiacfâcge jaŋe mana wahacgunʒipiŋte â jaŋere maio mimi gaŋgaŋhec juzicte no seŋge siliwa dâkâne wâŋ tauseŋ râcnekopac.”
521	GEN 21:7	Erâ muwec: “Mozi mo Abraham ʒiŋuc âzâcnezac: Sarazi kogoc moc sâcne moŋ gumeocmu? Eme Abraham e ŋicqizec eha no sifu ŋokâ moc ropo.”
531	GEN 21:17	Eme Anutuzi motecte ki owa manawec; ehame Anuture aŋelozi sambâŋkonec Haga wiracnerâ muwec: “Haga, go weniŋuc egarekac? Mi hâwicguoc. Anutu e motecte ki owa manakac.
535	GEN 21:21	Mâreŋ burocne ʒâŋene Paraŋ ira hâcne juwec; eme neŋgocnezi Aigita mâreŋkonec ŋokac moc rorâ râcnewec.
550	GEN 22:2	Eme muwec: “Go ŋokâge mocjaha Isaka, maŋzi jauŋkeekic, e hâcne Moria mâreŋko jowa rarâ tiki moc gowatupemu ira bâzi rike‐narezemec.”
555	GEN 22:7	Eme Isakazi mamac‐ticne Abraham âzâcnewec: “Mamac!” Eme muwec: “Ŋokâ‐nane, no ʒi.” Eki muwec: “Ʒoc ʒakicne â ɋâricne i bajukoperec, â bâzi rikenacmu irec lama ine weni?”
568	GEN 22:20	Wiac i tara‐fâreha Abrahamtao biŋedâŋ ʒiŋuc fuawec: Milika â ɋage Naho jahere ŋokâfâc fuambiŋ wâc:
571	GEN 22:23	Betuele ere bifuŋko ine Rebeka fuawec. Ŋokâ 8 i jaŋe Abraham ɋaticne Naho ere ŋonâŋ Milikazi rocjopawec.
572	GEN 22:24	Eme ŋonâŋoc‐ticne, ʒâŋene Reuma, eki motec rocjopawec ine ʒiŋuc: Teha, Gaham â Tahasi erâ naru moc ʒâŋene Maka.
581	GEN 23:9	e mâreŋ ʒirec tofanao Makepela hawec fokac irec rune jukacte nore âkehoc ecnepie hawec i nore eocte mana‐narezejec. Eme ŋondeŋ‐ŋeŋicko hawec izi nore ʒâŋeruŋ gie eocte furine muocmu sâc râcnezepac.”
587	GEN 23:15	“Ŋicbomboŋ, go mupe manac: Mâreŋ tofane mac moc irec furine siliwa moneŋ 100 ekac, erâ dâŋ wemocte boc munacmu. Go sifu qâŋɋâŋge duckec.”
589	GEN 23:17	Abrahamzi iŋuc ehame Eferoŋte gie, Mamere ʒoaŋ wewefunaopec Makepela wâneŋko fowec, erâ hawec â jâc wiac doma rawec i mâmâc
591	GEN 23:19	Eme Abraham e ŋonâŋ‐ticne Sara Makepela gieo hawec fowec ira hâcne duckewec. Makepela ine Mamere hae, Heboroŋ hâcne, ocniŋucnao Kanaaŋ mâreŋko fowec.
597	GEN 24:5	Mume kiŋaŋŋiczi âzâcnerâ muwec: “Ŋokac e no bâjâpecnurâ mâreŋ ʒira wareocte mi afeckeme weniŋuc epemu. No ŋokâge mâreŋ beherâ waremeŋ ira mocwâc jowarâ risiepemu me mâcne?”
602	GEN 24:10	Erâ kiŋaŋŋic e bomboŋ‐ticnere kamelefâc jaŋeraonec 10 rocjopawec, erâ bomboŋ‐ticnere boreŋ ʒeŋaŋ wiac fuŋne fuŋne i mâmâc ameckerâ rawec. Rahuc juku Mesopotamia mâreŋko, Naho ere haeo hâcne fisiwec.
605	GEN 24:13	Manakic, no ʒira opâ ʒâŋeo domahape hae rune jaŋere narufâc opâ fianiŋte wahaniŋmu.
607	GEN 24:15	Dâŋ i mi mutarahame izia Rebeka opâ kiruŋ‐ticne hâporâ warewec. Rebeka e Milika ŋokâ‐ticne Betuele ere otâ fuarâ juwec, Milika e ine Abraham ɋaticne Nahore ŋonâŋ.
609	GEN 24:17	Wefuhame kiŋaŋŋic e erao gasacke ra muwec: “Mana‐naretec kiruŋgaonec opâ piticne nâpe.”