11	GEN 1:11	Eme Anutuzi muwec: “Mâreŋte faio wiac fofone i âkeʒurâ wefuoc! Nânâ monʒaŋ ʒariŋ wiac ukichec sasawa, â jâc wiac hândâŋ ukichec sasawa, iŋucne fuŋne fuŋne wefunʒepieŋ!” Mume iŋuc hâcne fuawec.
26	GEN 1:26	Eme Anutuzi ʒiŋuc muwec: “Ajoc! Nâŋâc nâŋâcne hawarire sâcko ŋic bâfuac‐jopanaŋ! Jaŋe hâwec qowi â sawa wipe â hae qowi â kâte qowi sasawa erâ homa gisic wiac mâreŋko babarâ jueŋgopieŋ jaŋe ŋicwofuŋ ejarenʒepieŋ!”
29	GEN 1:29	Anutuzi iŋuc murâ ʒiŋuc jasawec: “No monʒaŋ wiac ukic‐ticne tie raekac â jâcfâri nânâne ukic‐ticnehec ʒi râe‐ŋactekopac, izi nânâ‐ŋekic ezejec.
58	GEN 3:2	Eme ŋokaczi homa âzâcnewec: “Nâhe jufuo jâcne jâcne doma rakac irec hândâŋne sâcne nanacte mana‐nâctekicne,
62	GEN 3:6	Eme ŋokaczi jâc honerâ ʒiŋuc manawec: Jâchândâŋ i nânâne biaŋ â hawarine hone aŋac eene, erâ wâc mamana bâbâfua‐ticnehec muhuc maname biaŋkewec. Iŋuc eku hândâŋ i batararâ nâwec. Nâhuc ŋowene râcneme nâwec wâc.
63	GEN 3:7	Nâpire ʒâŋe‐jekic tâcnewec. Tâcneme biuctac jupic i hone tarapic. Irec qoŋgeŋ rehaczi siŋiŋ furâ jomapic.
66	GEN 3:10	Eme muwec: “No jufuo hata jutec fânâŋge manarâ, biuctac jukopacte hâwicnume soŋkepac.”
88	GEN 4:8	Eme Kaiŋzi ɋaticne Abe âzâcne muwec: “Nâhâc gieo ranac.” Mume gieo ra jupic, ehuc Kaiŋzi fahare ɋaticne Abe qarâ qâhâmowec.
96	GEN 4:16	Eme Kaiŋ e Wofuŋte maionec rarâ mâreŋ moc ʒâŋene Nodi, Edeŋ ʒoaŋ wewefu‐ticnao, ira juwec.
102	GEN 4:22	Zila e iŋuc jaha motec kiweckerâ ŋokâ moc rowec ʒâŋene Tubali‐Kaiŋ, eki aeŋzi wiac fuŋne fuŋne bapa ŋicguru jaŋere fufuŋke ŋic â micne ewec. Tubali‐Kaiŋ seŋticnere ʒâŋe ine Nama.
135	GEN 5:29	Fuame ʒiŋuc muhuc ʒâŋene Noa muwec: “Anutuzi mâreŋ sâweckewecte ʒâic busâqoc faio gie sâko bahuc juhapene motec eki bâmiriŋ‐nâpozejec!”
136	GEN 5:30	Lamec e Noa fuawec dameŋ irecnec jara 595 ʒuhuckerâ juhame ere bifuŋko naru motec gâcne fua fembiŋ.
138	GEN 5:32	Noa e jara 500 bazume ere bifuŋko ŋokâ 3 fuambiŋ, ʒâŋe‐jeŋic Sem, Ham â Jafete.
141	GEN 6:3	Eme Wofuŋzi muwec: “Nore tâpirizi ŋicko mi fofehuc juzejec, ŋic e mâreŋkonec, sahac biuchec, mâreŋko juju‐ticnere jara dameŋ 130 mocwâc mi jâuruzejec.”
146	GEN 6:8	Noa e ine Anutuzi hone ʒemuraŋ ecnewec.
148	GEN 6:10	Ehame ere bifuŋko ŋokâ 3 fuambiŋ, ʒâŋe‐jeŋic Sem, Ham â Jafete. Noare binaŋ iŋuc.
151	GEN 6:13	Eme irec Anutuzi Noa ʒiŋuc âzâcnewec: “No mâreŋŋic jaŋere dameŋ taraocte manapaŋkekopac. Jaŋe sindaŋ hârindaŋ‐jeŋiczi mâreŋ fusucmakacte no bâsirowec‐jopapemu.
160	GEN 6:22	Eme Noa e Anutuzi muwec sâc micdâŋ‐ticne reŋke‐fârerâ ejâmbâŋkewec. Noa e iŋuc hâcne ewec.
161	GEN 7:1	Eme Wofuŋzi Noa ʒiŋuc muhuc âzâcnewec: “Go â wiacfâcge ŋoŋe wokeo fefârenʒepieŋ, go ŋicguru ʒi jaŋere ŋondeŋko mitihec jukomecte honecgupe biaŋkekac.
165	GEN 7:5	Eme Noazi Wofuŋte micdâŋ i reŋkehuc efârewec.
166	GEN 7:6	Noa e jara 600 bazume faicnao rumi sâkozi mâreŋko fisiwec.
167	GEN 7:7	Fisizo ehame Noa e jahacne â ŋonâŋ‐ticne erâ ŋokâ joŋaofâcne jaŋe mâmâc wokeo fefârembiŋ.
169	GEN 7:9	jajahec jajahec sasawa, ŋicne ŋokacne aŋa sâsâc, iŋuczi Noahec wokeo mâmâc fembiŋ, Anutuzi Noa mutâcnecnewec irec sâc jâmbâŋ fembiŋ hâcne.
171	GEN 7:11	Noare jara dameŋ 600 irec mosa 2‐re ʒoaŋ gie bapa 17 ira opâ â hâwec ʒâkâŋ neŋgocne juwicnec soka siwiŋ ewefuhapie sawaonec opâ motâc aŋkeme
173	GEN 7:13	Eme ʒoaŋ ijaha Noa â ŋonâŋ‐ticne erâ ŋokâfâcne Sem, Ham â Jafete â ŋonâŋfâc‐jeŋic, jaŋe mâmâc wokeo fefârembiŋ.
175	GEN 7:15	ŋicne ŋokacne aŋa sâsâc jaŋe wâc Noahec fefârehapie mâsi sâko i hâcne fuawec.
176	GEN 7:16	Wiac jujune moc mi behekicne, Anutuzi Noa mutâcnecnewec sâc fefârembiŋ. Fefârehapie Wofuŋzi motâc herâ sahacnao ki bawec.
183	GEN 7:23	Iŋuc ehuc Anutuzi mâreŋko wiac jujune sasawa, ŋic me qowi me gisic wiac, me wipe, i jaŋe bâsirowec‐jopa‐fârewec. Noa â ehec woke maŋnao jumbiŋ, jaŋe sawa akic‐jopawec.
185	GEN 8:1	Dameŋ ira Anutuzi Noare manasuhuc qowi wiac ehec wokeo jumbiŋ jaŋere mâmâc manasuwec. Iŋuc ehuc mume mâŋâŋ sâko qame opâ sâko e fâre wahawec.
190	GEN 8:6	Eme ʒoaŋ 40 tarame Noazi faic motâc pitic, mârâc bakicne i rorâ
192	GEN 8:8	Eme jurâ jurâ Noazi hapâ moc soreme rawec, mâreŋko opâ fâre wahawec me mâcne, irec fuŋne mana‐hâmoocte.
193	GEN 8:9	Hapâzi rac warec ehuc, opâzi mâreŋ sâockewecte ŋeŋe basaku mocwâc Noarao risiewec. Eme Noazi meticne sicnerâ hapâ ro wokemaŋko râewec.
195	GEN 8:11	Eme hapâzi owâcne erao risiehuc mi oliwa rehacne ɋâricne barezejec i! Iŋuc eme Noazi fuŋne ʒiŋuc manawec: Opâ fâre wahame mâreŋ fua rakac.
197	GEN 8:13	Noare jara dameŋ 601 irec mosa wâŋte ʒoaŋ gie bapa 1 ira opâ sâko mâreŋ faio fowec i kereŋke‐fârewec. Eme Noazi wokere bupu bâropierâ honewec: Mâreŋ faio opâ ʒickewec hâcne.
199	GEN 8:15	Eme Anutuzi Noa ʒiŋuc muhuc âzâcnewec:
202	GEN 8:18	Iŋuc mume Noa â ŋonâŋ‐ticne â ŋokâ joŋaofâc‐ticne,
204	GEN 8:20	Waha‐fârepie Noazi Wofuŋte alata moc barâ qowi â wipe nânâne jaŋeraonec moc moc iŋuc rocjopaku Anuture bâzi rikec‐jopawec.
205	GEN 8:21	Eme Wofuŋzi bâbâmiriŋte âsu manahuc maŋticnao ʒiŋuc muwec: “No mâreŋko wiac jujuhec i ŋicte ehuc mocwâc mi sâweckezepac. Ŋic jaŋe ɋieonecteaŋ maŋjeŋiczi mamanasu gie repicne baraʒihuc juniŋmu, no ine sifu ŋicte erâ wiac jujuhec mocwâc mi bâsirowepemu.
207	GEN 9:1	Eme Anutuzi Noa â ŋokâfâcne ʒiŋuc muhuc jambuŋ‐jopawec: “Ŋoŋe fua sawec ehuc mâreŋ ŋefusucmanʒepieŋ.
214	GEN 9:8	Anutuzi iŋuc murâ Noa â ŋokâfâcne ʒiŋuc jazawec:
215	GEN 9:9	“No ʒi ŋoŋe â ɋâricfâc‐ŋeŋic ŋoŋehec ʒâʒâfic sanaŋ ekopac,
218	GEN 9:12	Erâ Anutuzi ʒuhuckerâ muwec: “No ʒi ŋoŋe â wiac jujune sasawa ŋoŋehec ʒâʒafic sanaŋ ekopac.
220	GEN 9:14	Nore micte hoe karorac qâzuckeha manane i sawao fuame
223	GEN 9:17	Anutuzi iŋuc murâ ʒuhuckerâ Noa ʒiŋuc âzâcnewec: “Mâreŋko ŋoŋehec ʒâʒâfic sanaŋ ekopac irec ma ine hâcne!”
224	GEN 9:18	Noare ŋokâfâc wokeonec wahambiŋ jaŋere ʒâŋe Sem, Ham â Jafete. Ham e ine Kanaaŋte mamac.
225	GEN 9:19	Ŋic jahec â moc keci jaŋe hâcne Noare ŋokâfâc, jaŋeraonec mâreŋŋic gurune gurune fua sawec ewarekicne.
226	GEN 9:20	Noa e ine hesarac ŋic juwec, ehuc waiŋ gie wâc fuŋkewec.
228	GEN 9:22	Eme Ham, Kanaaŋte mamac hâcne, e mamac‐ticne Noa ere fuŋne honehuc hahac jahec‐ticne mâreŋko hu dâŋ binaŋ ejactewec.
230	GEN 9:24	Eme Noa e waiŋzi qame guŋ sanaŋ foweckonec ɋârerâ motec‐ticnezi wiac kosa ecnewec irec dâŋ manarâ ʒiŋuc muwec:
234	GEN 9:28	Rumi sâkozi omaeweckonecteaŋ Noa e jara 350 ʒuhuckerâ juwec.
236	GEN 10:1	Noa ŋokâfâcne jaŋere ɋâricfâc jaŋere ʒâŋe biri ʒine hâcne: Sem, Ham â Jafete jaŋe rumi sâkozi omaewec irec faicnao ŋokâ fua‐jarembiŋ.
243	GEN 10:8	Kusure bifuŋko ine Nimorodi fuawec, eki hâcne mâreŋko ŋicwofuŋ fekicne juju i fuŋkewec.
244	GEN 10:9	Nimorodi e Wofuŋte maio wosaŋeŋ bapa kâcɋene juwec, irec ŋic jaŋe ere qâqiŋ qahuc ʒiŋuc mujumbieŋ: “Wofuŋte maio wosaŋeŋ bapa kâcɋene, Nimorodi ere sâcko.”
246	GEN 10:11	Irecnec rarâ Asiria mâreŋko fisirâ hae biri moc ʒiŋuc bâfua rawec: Niniwe, Rehoboti‐Iri, Kala
247	GEN 10:12	â Reseŋ, izi Niniwe â Kala ŋondeŋ‐jekicko ŋekac erâ hae sâko jâmbâŋ.
248	GEN 10:13	Â Miziraim ere ɋâricfâc guru sâc ʒâŋe‐jeŋic ʒiŋuc: Ludi, Anami, Lehabi, Nafituhi,
267	GEN 10:32	Noa ŋokâfâc‐ticne jaŋere ɋâricfâc iŋuc, kikefuŋ gurune gurune fuambiŋ sâc râec‐jopa wahakicne. Rumi sâko fisiwec irec faicnao jaŋeraonec hâcne mâreŋŋic gurune gurune fua warembiŋ.
289	GEN 11:22	Serugu e jara 30 bazume ere bifuŋko Naho fuawec.
290	GEN 11:23	Eme Serugu e Naho fuawec dameŋ irecnec jara 200 ʒuhuckerâ juhame ere bifuŋko naru motec gâcne fua fembiŋ.
291	GEN 11:24	Naho e jara 29 bazume ere bifuŋko Tera fuawec.
292	GEN 11:25	Eme Naho e Tera fuawec dameŋ irecnec jara 119 ʒuhuckerâ juhame ere bifuŋko naru motec gâcne fua fembiŋ.
293	GEN 11:26	Tera e jara 70 bazume ere bifuŋko ŋokâ ʒiŋuc fuacnembiŋ: Abram, Naho â Haraŋ.
294	GEN 11:27	Kecʒi Tera ere ɋâricfâc jaŋere ʒâŋe: Tera ere bifuŋko Abram, Naho â Haraŋ fuambiŋ. Haraŋ ere bifuŋko ine Loti fuawec.
296	GEN 11:29	Eme Abram â Naho jahe ŋokac ropic. Abram e ŋonâŋ‐ticne Sarai rowec, â Naho e Haraŋte otâ Milika i ŋonâŋ‐ticne rowec. Haraŋ e otâ jajahec jucnepic, Milika â Isika.
308	GEN 12:9	Erâ mocwâc faharerâ Negebe mâreŋkopec rawec.
312	GEN 12:13	Irec go ʒiŋuc muzemec: No seŋticne. Iŋuc mutecne no gore erâ akicnupie sâcne jupemu.”
320	GEN 13:1	Abram e jahacne â ŋonâŋ‐ticne â mafa wiac‐ticne erâ Loti mâmâc Aigita mâreŋkonec risierâ Negebe mâreŋko ra fisimbiŋ.
322	GEN 13:3	Eme Abram e Negebe mâreŋkonec Bete haeopec juju fofo raku mârâc jaha Bete â Ai hae ŋondeŋ‐jekicko qoruc boze‐ticne fâreme fowec ira fisiwec.
327	GEN 13:8	Eme Abram e Loti ʒiŋuc âzâcnewec: “Nâhâcne ŋondeŋko me soŋaŋfâc‐nâhec jaŋere ŋondeŋko rârâsi fome mi sâckeocmu, nâhâc mame ŋokâ.
360	GEN 14:23	No qoruc ɋâɋâtâ muc me kikehuhu bâmbândeŋ me wiac piticne i me i goraonec mi ropemu; go ʒiŋuc muzicte: Noni Abram mafa qâmiecnepo.
363	GEN 15:2	Abramzi ine muwec: “Wofuŋ Anutu, go wemo wiac moc narecmurâ mukic? No ɋâric tâmiric mâc hahata juekopac, eme Elieʒe Damasko haeonec eki merâfâc‐nane rauckerâ bajuocmu.”
387	GEN 16:5	Iŋuc eme Saraizi Abram ʒiŋuc âzâcnewec: “Mimi fua‐narekac i gorao qacnezejec. Noni kiŋaŋ naru‐nane garehuc amecgao râepo, eme eki, kiwechec ekopac, iŋuc muhuc mana wahacnukac. Ŋondeŋ‐nâhecko dâŋ fuarâ fokac i Wofuŋ e jahac mutarazejec.”
390	GEN 16:8	bâfuarâ ʒiŋuc muhuc wiocnewec: “Haga, Saraire kiŋaŋ naru, go wenirec warekic erâ wena rakomec?” Eki muwec: “No ŋokac bomboŋ‐nane Sarai wisecnekopac.”
392	GEN 16:10	Erâ Wofuŋte aŋelozi ʒuhuckerâ âzâcnewec: “No ɋâricfâcge basawec‐jopape mâretec sawe mâririackepie ʒare‐jeŋiczi wowosenere sâc jâuruocmu.”
395	GEN 16:13	Eme dâŋ âzâcnewec Wofuŋ ere ʒâŋe ʒiŋuc muwec: “Go fufua tâcne Anutu.” I ʒiŋucte muwec hâcne: No fua tâcne‐narewec eme no e hâcne ʒâŋitapo.
399	GEN 17:1	Abram e jara‐ticne 99 bazume Wofuŋzi fuacnerâ ʒiŋuc âzâcnewec: “No Anutu tâpiri rune, go nore maio bahacmâc juzemec.
414	GEN 17:16	No e jambuŋkerâ eraonec ŋokâ moc tahacgupemu. No Sara hâcne jambuŋkepe eraonec ŋic gurune gurune fuarâ junʒepieŋ, erâ eraonec jaha ŋicwofuŋ fua ranʒepieŋ.”
435	GEN 18:10	Eme moc eki muwec: “No jara faicnao dameŋ ʒiŋucnea mocwâc gorao warepemu, eme Sara e kogoc baŋeocmu.” Sarazi ine motâc râpenao soŋkerâ hazec râehuc domawec.
437	GEN 18:12	Irec Sara e maŋzi ʒiŋuc muhuc gâwiewec: “No sahac‐nane muzuckekicne â bomboŋ‐nane wâc ŋicqizec ekicnezi mocwâc hâpo mumuduc enacmu me?”
438	GEN 18:13	Eme Wofuŋzi Abraham ʒiŋuc wiocnerâ âzâcnewec: “Sara e wemocte ʒiŋuc muhuc gâwiekac: ‘No ŋokac qizec ekicnezi jâmbomac motec sâcne kiweckerâ ropemu?’
439	GEN 18:14	Wofuŋzi wiac irec me irec moc bâipieocmu me? No jara faicnao dameŋ ʒiŋucnea mocwâc gorao risie warepemu eme Sara e ŋokâhec juocmu.”
440	GEN 18:15	Eme Sara e hâwickeme mickehuc muwec: “No mi gâwiepac.” Eki ine muwec: “Aricne, go gâwiemec.”
444	GEN 18:19	No e kecʒiŋuc muhuc rowosâepo hâcne: E ɋâricfâcne â kikefuŋfâcne jaŋe Wofuŋ nore hata jowatuhuc tiŋne â mitine juniŋte jaza qâmoc ejarezejec. Iŋuc eme no Wofuŋzi Abraham wiac biŋe qacnepo irec fârine sâcne bâfuacnepemu.”
451	GEN 18:26	Eme Wofuŋzi muwec: “No Sodom haeo ŋic tiŋne 50 bâfuac‐jopapemuo ine jaŋere erâ gâcne sâko wâc hone akic ejarepemu.”
452	GEN 18:27	Eme Abrahamzi âzâcnerâ muwec: “No gâc wândoc â ʒafe iŋucnezi sifu ropaŋ erâ Wofuŋ‐nane go dâŋ gazakopac.
453	GEN 18:28	Ŋic tiŋne 50 muhape jaŋeraonec 5 basac‐jopacmu mecne, eme go jâmbomac 5 jaŋere erâ hae sâko bâsirowecmu me?” Mume muwec: “No ira 45 bâfuac‐joparâ hae i ima mi bapemu.”
454	GEN 18:29	Eme Abrahamzi ine mocwâc ʒuhuckerâ ʒiŋuc muhuc âzâcnewec: “Me ŋic 40 sawa bâfuac‐jopa wiac moc ecmu?” Eki muwec: “No 40 jaŋere erâ mi epemu.”
455	GEN 18:30	Eme Abrahamzi muwec: “No dâŋ ʒuhuckerâ mupe Wofuŋ‐nane go sifu mana‐naretec mi sâqoreoc: Ŋic 30 sawa bâfuac‐jopacmu mecne.” Eki muwec: “No 30 bâfuac‐joparâ mi epemu.”
456	GEN 18:31	Eme Abrahamzi muwec: “No Wofuŋ‐nane gohec muc manac ezore ropaŋ epac, ŋic 20 sawa ira bâfuac‐jopacmu mecne.” Wofuŋzi muwec: “No 20 jaŋere erâ hae i mi bâsirowepemu.”
457	GEN 18:32	Eme Abrahamzi muwec: “O Wofuŋ‐nane, no arec mocjaha sawa mac ʒuhuckerâ mupe sifu mi mana sâqore‐narezemec: Ŋic 10 sawa bâfuac‐jopa wiac moc etec!” Eki muwec: “No 10 jaŋere erâ hae i ima mi bapemu.”
466	GEN 19:8	Manaŋgopieŋ, nore otâ jajahec jukopirec, jahe ŋichec moc mi jupic. No jahe jowac‐jofa wahape wiac iŋuc me iŋuc ejactezo murâ ejacteniŋ. Mocjaha, ŋic ʒi jahe ine wiac moc mi ejactenʒepieŋ, jahe nore ficko wefupirec i!”
467	GEN 19:9	Jaŋe ine mumbiŋ: “Go wisec!” Erâ âzâcnembiŋ: “Go wiwickonec warekicnezi ŋondeŋ‐nâŋecko jaba juhuc mutiŋ‐nâpozo mukic me? Nâŋe jahe wiac ejactezo mumbeneŋ irec sâc sirickehuc go egarenaŋmu.” Jaŋe iŋuc murâ Loti ro fârec ecnehuc motâc qanʒaŋnezo fuŋkembiŋ.
471	GEN 19:13	Nâhe hae ʒi ima bazo ekoperec. Hae ʒirec ŋic jaŋere erâ mu owa sâko Wofuŋtao fuawec, irec Wofuŋzi hae ʒi ima banacte sorec‐nâfome wareperec.”
477	GEN 19:19	Go kiŋaŋ qaqage no aki anonoc enarehuc akicnumec. Noni ine tikio sâcne mi wiserâ fepemu, ira wiac hâhâwicne moc fua‐nareme hâmozipohec.
478	GEN 19:20	Manakic, hae piticne mac kecocni i bembeŋko ŋekac, irec mana‐naretec ira ra juzepac. No ira sâcne jupemu.”