9	GEN 1:9	Tarame Anutuzi ʒiŋuc muwec: “Sambâŋ rurumaŋnao opâ mockoa qâzuckepie kereŋnezi fua tâcneoc!” Mume iŋuc fuawec.
14	GEN 1:14	Tarame Anutuzi ʒiŋuc muwec: “Sambâŋko ʒoctamac fua raniŋ. Jaŋe hâcne ʒoaŋ â ŋafe bâtâc bacjofanʒepieŋ, ehuc hoemaŋ â sâko ʒoaŋ, gie bapa â jara irec dameŋ mufua‐nârehuc doma ranʒepieŋ!
43	GEN 2:12	Mâreŋ irec gol i furi sâko. Ira wâc Bedolac sâfâ â Soham qânâ fokopirec.
48	GEN 2:17	Fuŋne mamana jâc mocjaha ere fârine moc mi nâjâmbâŋkezemec! Sifu nâcmuo ine hâmo‐jâmbâŋkecmu.”
105	GEN 4:25	Adam e ŋonâŋ‐ticnehec mocwâc jume kiwechec erâ motec moc rowec. Eme ʒâŋe‐ticne ʒiŋuc manasuhuc Sete muwec: Kaiŋzi Abe qawecte ere âkehoc Anuturaonec ŋic ukic biaŋ mocwâc fisi‐narekac.
106	GEN 4:26	Eme Sete e iŋuc jaha ŋokâ moc fuacneme ʒâŋene Enosi muwec. Eme dameŋ ira hâcne ŋic jaŋe Wofuŋ ʒâŋe‐ticne bâtirihuc nunumucne gie i fuŋkembiŋ.
109	GEN 5:3	Eme ŋic e jara 130 bazuhame ere bifuŋko ŋokâ moc, e jahacne sâc â hawari iŋucne fuawec, eme ʒâŋe‐ticne Sete muwec.
110	GEN 5:4	Adam e Sete fuawec dameŋ irecnec jara 800 ʒuhuckerâ juhame ere bifuŋko naru motec gâcne fua fembiŋ.
112	GEN 5:6	Sete e jara 105 bazume ere bifuŋko Enosi fuawec.
113	GEN 5:7	Sete e Enosi fuawec dameŋ irecnec jara 807 ʒuhuckerâ juhame ere bifuŋko naru motec gâcne fua fembiŋ.
114	GEN 5:8	Sete e iŋuc jufeku jara 912 bazurâ hâmowec.
138	GEN 5:32	Noa e jara 500 bazume ere bifuŋko ŋokâ 3 fuambiŋ, ʒâŋe‐jeŋic Sem, Ham â Jafete.
148	GEN 6:10	Ehame ere bifuŋko ŋokâ 3 fuambiŋ, ʒâŋe‐jeŋic Sem, Ham â Jafete. Noare binaŋ iŋuc.
173	GEN 7:13	Eme ʒoaŋ ijaha Noa â ŋonâŋ‐ticne erâ ŋokâfâcne Sem, Ham â Jafete â ŋonâŋfâc‐jeŋic, jaŋe mâmâc wokeo fefârembiŋ.
211	GEN 9:5	Socŋeŋicte okacne i noni batarapemu. Ŋicjuju irec okacne qowi jaŋerao, me ŋic jaŋerao, me âgo soctofa jaŋerao i nonizia batara‐jâmbâŋkepemu.
224	GEN 9:18	Noare ŋokâfâc wokeonec wahambiŋ jaŋere ʒâŋe Sem, Ham â Jafete. Ham e ine Kanaaŋte mamac.
229	GEN 9:23	Eme Sem â Jafete jahe ŋaqi moc rorâ ɋawe‐jekicko râehuc rârâpe bozeo raʒirâ mamac‐jekic biuctac fohame mi honehuc qofackepic.
231	GEN 9:25	“Sâweczi Kanaaŋ ere faio fezejec, e hahac jahec‐ticne jahere kiŋaŋ motec wawahane juzejec!”
232	GEN 9:26	Iŋuc murâ ʒiŋuc ʒuhuckerâ muwec: “Wofuŋ Anutu‐nanezi Sem jambuŋkezejec ehame Kanaaŋ e ine kiŋaŋ motec‐ticne juzejec!”
233	GEN 9:27	Erâ ʒuhuckerâ muwec: “Anutuzi Jafete bafickeme sawe mâririackezejec, ehame ɋâricfâc‐ticne jaŋe Semte ɋâricfâc jaŋehec ŋeŋe juju enʒepieŋ, â Kanaaŋ e ine kiŋaŋ qaqa‐ticne ezejec.”
236	GEN 10:1	Noa ŋokâfâcne jaŋere ɋâricfâc jaŋere ʒâŋe biri ʒine hâcne: Sem, Ham â Jafete jaŋe rumi sâkozi omaewec irec faicnao ŋokâ fua‐jarembiŋ.
242	GEN 10:7	Kusure ŋokâfâc ine Seba, Hawila, Sabita, Rama â Sabateka. Â Ramare ŋokâ jahec jahere ʒâŋe ine Seba â Dedaŋ.
245	GEN 10:10	Uucmaŋ‐ticnere fufuŋke hae barawec ine Babe, Ereki, Akada â Kalene, jaŋe sasawa Sina mâreŋko ŋerambiŋ.
250	GEN 10:15	Â Kanaaŋ ere mârâc motec ine Sidoŋ â ere râpeo ine Heti erâ guru gâcne ʒiŋuc:
252	GEN 10:17	Hiwi, Areki, Sini
253	GEN 10:18	â Arawadi, Semari â Hamati, guru iŋuc fua rambiŋ. Eme faicnao Kanaaŋ ere ɋâricfâc jaŋe râwiŋnehuc qaratierâ jurambiŋ.
254	GEN 10:19	Kanaaŋ ŋicguru jaŋere mâreŋ qaŋeŋnezi Sidoŋ haeonec fuŋkerâ hae ʒiŋuc fotâcne rakac: Gerari, Gaza, Sodom, Gomora, Adama, Seboim â Lasa. Ira tarakac.
256	GEN 10:21	Jafete hahac‐ticne Sem, Ebere ere ɋâricfâc jaŋere mamac fuŋfuŋ, ere ŋokâfâc wâc fuambiŋ.
257	GEN 10:22	Sem ŋokâfâcne jaŋere ʒâŋe ʒiŋuc: Elam, Asihuru, Arapakisa, Ludi â Aram.
259	GEN 10:24	Arapakisa ere bifuŋko ine Sela â Sela ere bifuŋko ine Ebere.
261	GEN 10:26	Jokataŋ ere bifuŋko fuambiŋ ine ʒiŋuc: Alamoda, Selefe, Hazamawe, Jera,
263	GEN 10:28	Obali, Abimae, Seba,
265	GEN 10:30	Fic hae biri‐jeŋiczi ʒoaŋ wewefunaopec tiki mâreŋko Mesanec fuŋkerâ ŋeraku Sefara ira tarakac.
266	GEN 10:31	Semte ɋâricfâc ine hâcne, guru‐jeŋic sâc â dâŋjeŋic sâc erâ mâreŋ‐jeŋic sâc biric‐jopa wahakicne.
269	GEN 11:2	Eme jaŋe ʒoaŋ wewefunaopec rahuc juku Sina mâreŋko wâneŋ sâko moc bâfuarâ ira fic hae erâ jumbiŋ.
277	GEN 11:10	Kecʒi Semte ɋâricfâc jaŋere ʒâŋe biri: Sem e jara 100 bazume ere bifuŋko Arapakisa fuawec, ine rumi sâko omaewec irec faicnao jara 2 tarame fuacnewec.
278	GEN 11:11	Sem e Arapakisa fuawec dameŋ irecnec jara 500 ʒuhuckerâ juhame ere bifuŋko naru motec gâcne fua fembiŋ.
279	GEN 11:12	Arapakisa e jara 35 bazume ere bifuŋko Sela fuawec.
280	GEN 11:13	Eme Arapakisa e Sela fuawec dameŋ irecnec jara 403 ʒuhuckerâ juhame ere bifuŋko naru motec gâcne fua fembiŋ.
281	GEN 11:14	Sela e jara 30 bazume ere bifuŋko Ebere fuawec.
282	GEN 11:15	Eme Sela e Ebere fuawec dameŋ irecnec jara 403 ʒuhuckerâ juhame ere bifuŋko naru motec gâcne fua fembiŋ.
287	GEN 11:20	Reu e jara 32 bazume ere bifuŋko Serugu fuawec.
288	GEN 11:21	Eme Reu e Serugu fuawec dameŋ irecnec jara 207 ʒuhuckerâ juhame ere bifuŋko naru motec gâcne fua fembiŋ.
289	GEN 11:22	Serugu e jara 30 bazume ere bifuŋko Naho fuawec.
290	GEN 11:23	Eme Serugu e Naho fuawec dameŋ irecnec jara 200 ʒuhuckerâ juhame ere bifuŋko naru motec gâcne fua fembiŋ.
296	GEN 11:29	Eme Abram â Naho jahe ŋokac ropic. Abram e ŋonâŋ‐ticne Sarai rowec, â Naho e Haraŋte otâ Milika i ŋonâŋ‐ticne rowec. Haraŋ e otâ jajahec jucnepic, Milika â Isika.
297	GEN 11:30	Sarai e ine ŋokac hufiŋne naru motec tâmiric juwec.
298	GEN 11:31	Eme Tera e ŋokâ‐ticne Abram â ŋosa‐ticne Loti, Haraŋte ŋokâ hâcne, â joŋao‐ticne Sarai, Abramte ŋonâŋ, iŋuc rocjopame Kanaaŋ mâreŋko raniŋte Kaldea mâreŋko Uru hae ŋewec i beherâ hata fuŋkembiŋ. Raku hata ombâŋko Haraŋ mâreŋko fisirâ ira ŋembiŋ.
304	GEN 12:5	E ŋonâŋ‐ticne Sarai â hahac‐ticnere ŋokâ Loti erâ kiŋaŋ qaqafâc‐ticne â mafa wiac‐ticne rocjopame Kanaaŋ mâreŋkopec raku mâreŋ ira fisimbiŋ.
305	GEN 12:6	Fisirâ fotâcne raku Sikem hae bâfuambiŋ, ira qâpuc jaŋere boriŋjâc bâtirikicne domawec.
310	GEN 12:11	Eme Aigita mâreŋ bâqiŋkezo ehuc ŋonâŋ‐ticne Sarai ʒiŋuc âzâcnewec: “Manakic, go ŋokac sahac hawarige biaŋne i kâuc mi bakopac.
315	GEN 12:16	Eme Farao e Saraire erâ Abram jauŋ biaŋne bacnehuc lama, bulimakao, doŋgi, kiŋaŋ motec â kiŋaŋ naru erâ kamele bocjaha tahackewec.
316	GEN 12:17	Eme Wofuŋzi Farao â wiacfâcne jaŋe Abram ŋonâŋ‐ticne Saraire erâ ʒâic guru fekicne bâfua‐jarewec.
329	GEN 13:10	Eme Loti e ʒâŋe fime rame honewec: Jordaŋ mâreŋ i opâzi bâgunucke‐fârekicne, Wofuŋte jufu gie iŋucne, erâ Aigita mâreŋ iŋucne, domarâ raku Ʒoari fisikac hâcne. Wofuŋzi Sodom â Gomora hae mi bâsirowec‐jofawec dameŋ ira Jordaŋ mâreŋzi iŋuc hâcne fowec.
331	GEN 13:12	Eme Abram e Kanaaŋ mâreŋko ŋec juc ewec, â Loti e ine Jordaŋ mâreŋko hae ŋerambiŋ jaŋere ŋondeŋko ju fofo raku Sodom hae mendâŋko fisirâ qoruc boze‐ticne fâreme fowec.
332	GEN 13:13	Sodom hae rune jaŋe ine Wofuŋte maio ŋic hehesicne juhuc sindaŋ fuŋne fuŋne ejumbieŋ.
338	GEN 14:1	Sina ŋicwofuŋ Amarafe, â Elasa ŋicwofuŋ Arioko, â Elam ŋicwofuŋ Kedo‐Laome erâ Goim ŋicwofuŋ Tidali
339	GEN 14:2	jaŋe ŋicwofuŋ 5 kecʒiŋuc jaŋehec qaqac embiŋ: Sodom ŋicwofuŋ Bera, â Gomora ŋicwofuŋ Birisa â Adama ŋicwofuŋ Sinaba â Zeboim ŋicwofuŋ Semebe erâ Bela ŋicwofuŋ. (Bela i Ʒoari irec ʒâŋe moc.)
340	GEN 14:3	Ŋicwofuŋ i sasawa jaŋe Sidim wâneŋko (Sidim i Hâwec Hâmocne irec ʒâŋe moc) ʒâʒâfic erâ tumaŋnembiŋ.
343	GEN 14:6	izi ware Seiri tikio Horite ŋic jopa jâpec ejare raku Eleparaŋ haeo, mâreŋ burocnere qaŋeŋnao fisimbiŋ.
345	GEN 14:8	Eme Sodom ŋicwofuŋ, Gomora ŋicwofuŋ, Adama ŋicwofuŋ, Zeboim ŋicwofuŋ, â Bela ŋicwofuŋ i jaŋe Sidim wâneŋko ʒika qaniŋte rambiŋ.
346	GEN 14:9	Ra fisirâ ŋifec domahapie ŋifec Elam ŋicwofuŋ Kedo‐Laome, â Goim ŋicwofuŋ Tidali, â Sina ŋicwofuŋ Amarafe, erâ Elasa ŋicwofuŋ Arioko i jaŋe domambiŋ. Ŋifec 4 domambiŋ, ŋifec 5.
347	GEN 14:10	Sidim wâneŋko ira mâreŋ sâfâ irec nombâŋ i mâreŋ sâckerâ forawec. Eme râsi jaŋe Sodom â Gomora ŋicwofuŋ jahe jofa jâpec ejactepie wisepire ŋicfâc‐jekic gâcne nombâŋko humbiŋ â tiwâne jumbiŋ jaŋe tiki mâreŋko wiserâ rambiŋ.
348	GEN 14:11	Irec râsi jaŋe Sodom â Gomora haeonec mafa mecne nânâ mecne rofârerâ barâ rambiŋ.
349	GEN 14:12	Ehuc Abram hahac‐ticnere ŋokâ Loti Sodom haeo ŋec juc ewec, e jahacne â mafa‐ticne iŋuc jaha rorâ amecke rambiŋ.
354	GEN 14:17	Abram e Kedo‐Laome â ŋicwofuŋ âgofâcne jopa jâpec ejareku risehame Sodom ŋicwofuŋ e fahare Sawe Wâneŋ, ʒâŋene moc Ŋicwofuŋ Wâneŋ ira hâcne bâfuaocte rawec.
355	GEN 14:18	Ehame Salem ŋicwofuŋ Melikisede, Anutu Femicne ere taha bapa juweczi Abram poroŋ â waiŋ bacne rawec.
358	GEN 14:21	Ehame Sodom ŋicwofuŋ e Abram ʒiŋuc muhuc âzâcnewec: “Ŋic ŋokac bârisiec‐jopa‐narec, mafa ine fogareoc.”
359	GEN 14:22	Mume Abramzi Sodom ŋicwofuŋ ʒiŋuc âzâcnewec: “Wofuŋ Anutu Femicne hâcne, sambâŋ â mâreŋ irec bâbâfua, erao musanaŋkekopac.
383	GEN 16:1	Abram ŋonâŋ‐ticne Sarai e hufiŋne juhuc naru motec moc mi rowec. Ehame Aigita mâreŋkonec kiŋaŋ naru‐ticne moc juwec, ʒâŋene Haga.
384	GEN 16:2	Eme Saraizi Abram ʒiŋuc âzâcnewec: “Manakic, Anutuzi kogoc fufua irec mâsi sakare‐narewecte go kiŋaŋ naru‐nanehec juhaŋtec eraonec motec moc sâcne fua‐nareocmu mecne.” Mume Abramzi Saraire dâŋ reŋkewec.
385	GEN 16:3	Irec Abram e Kanaaŋ mâreŋko jara 10 jutarawec dameŋ ira Sarai, Abramte ŋonâŋ, e Aigita mâreŋkonec kiŋaŋ naru‐ticne Haga rorâ ŋowe‐ticne Abram râcneme ŋonâŋ‐ticne ewec.
387	GEN 16:5	Iŋuc eme Saraizi Abram ʒiŋuc âzâcnewec: “Mimi fua‐narekac i gorao qacnezejec. Noni kiŋaŋ naru‐nane garehuc amecgao râepo, eme eki, kiwechec ekopac, iŋuc muhuc mana wahacnukac. Ŋondeŋ‐nâhecko dâŋ fuarâ fokac i Wofuŋ e jahac mutarazejec.”
388	GEN 16:6	Mume Abramzi Sarai dâŋ ʒiŋuc âzâcnewec: “Wiac kiŋaŋ naru e gore meo jukac, e iŋuc me iŋuc ecnezo murâ ecnec.” Eme Saraizi Haga qa bâtiŋ ecneme wiserâ rawec.
389	GEN 16:7	Rame Wofuŋte aŋelozi mâreŋ burocnao Suru hatamecko opâ ʒâŋe fokac ira bâfuawec,
390	GEN 16:8	bâfuarâ ʒiŋuc muhuc wiocnewec: “Haga, Saraire kiŋaŋ naru, go wenirec warekic erâ wena rakomec?” Eki muwec: “No ŋokac bomboŋ‐nane Sarai wisecnekopac.”
413	GEN 17:15	Erâ Anutuzi ʒuhuckerâ Abraham dâŋ ʒiŋuc âzâcnewec: “Ŋonâŋge Sarai ere ʒâŋe Sarai mocwâc mi muhuc Sara muzemec.
414	GEN 17:16	No e jambuŋkerâ eraonec ŋokâ moc tahacgupemu. No Sara hâcne jambuŋkepe eraonec ŋic gurune gurune fuarâ junʒepieŋ, erâ eraonec jaha ŋicwofuŋ fua ranʒepieŋ.”
415	GEN 17:17	Mume Abrahamzi ʒâŋe maine mâreŋko hetutuckerâ gâwiehuc ʒiŋuc manasuwec: “Ŋic moc e jara 100 bazume ŋokâ moc sâcne fuacneocmu, erâ Sara e jara‐ticne 90 bazuweczi kogoc moc sâcne roocmu?”
417	GEN 17:19	Anutuzi ine muwec: “Misac, ŋonâŋge Sara eki ŋokâ moc roocmu, ere ʒâŋe Isaka muzemec. Eme noni ehec ʒâʒâfic sanaŋ epe ʒâʒâfic izi ɋâricfâc‐ticne jaŋehec fofehuc juzejec.
419	GEN 17:21	Ʒâʒâfic‐nane ine Isakarao basanaŋkepemu e hâcne Sarazi jara faicnao dameŋ ʒiŋucnea roocmu.”
430	GEN 18:5	Ehame no nahac ine ra poroŋ mac moc roŋarepe nâqiŋnerâ razo murâ ranʒepieŋ. Kiŋaŋ qaqa‐ŋeŋic norao mac fisiŋgopieŋte weniŋuc qâoma ezo!” Mume mumbiŋ: “Sâcne, mukomec iŋuc ec.”
431	GEN 18:6	Eme Abraham e biac qoruc bozeo ferâ Sara âzâcnewec: “Ajoc, go poroŋ uucne fifia râqâc jahec â moc fiarâ bâsifuckerâ poroŋ rikec.”
434	GEN 18:9	Eme jaŋe wiocnembiŋ: “Ŋonâŋge Sara e wena?” Eme muwec: “E bozeo ŋekac.”
435	GEN 18:10	Eme moc eki muwec: “No jara faicnao dameŋ ʒiŋucnea mocwâc gorao warepemu, eme Sara e kogoc baŋeocmu.” Sarazi ine motâc râpenao soŋkerâ hazec râehuc domawec.