9	GEN 1:9	Tarame Anutuzi ʒiŋuc muwec: “Sambâŋ rurumaŋnao opâ mockoa qâzuckepie kereŋnezi fua tâcneoc!” Mume iŋuc fuawec.
20	GEN 1:20	Tarame Anutuzi ʒiŋuc muwec: “Opâ jaŋere maŋko opâ qowi fuŋne fuŋnezi fuarâ fusucmapie qiriŋ sâko fuazejec â wipe jaŋe sawao furuc furuc qahuc junʒepieŋ!” Mume fuawec.
21	GEN 1:21	Anutuzi hâwec qowi sâko mako mecne â wiac jujune fuŋne fuŋne opâmaŋko qiriŋhec foŋgopieŋ, â wipe fakechec fuŋne fuŋne, iŋuc bâfuac‐joparâ honeme biaŋkewec.
24	GEN 1:24	Tarame Anutuzi ʒiŋuc muwec: “Mâreŋzi wiac jujune fuŋne fuŋne kiweckerâ rozejec, hae qowi â homa gisic â kâte qowi fuŋne fuŋne!” Mume iŋuc fuawec.
25	GEN 1:25	Anutuzi hae qowi fuŋne fuŋne â kâte qowi fuŋne fuŋne erâ homa gisic wiac fuŋne fuŋne iŋuc hâcne bâfuac‐joparâ honeme biaŋkewec.
26	GEN 1:26	Eme Anutuzi ʒiŋuc muwec: “Ajoc! Nâŋâc nâŋâcne hawarire sâcko ŋic bâfuac‐jopanaŋ! Jaŋe hâwec qowi â sawa wipe â hae qowi â kâte qowi sasawa erâ homa gisic wiac mâreŋko babarâ jueŋgopieŋ jaŋe ŋicwofuŋ ejarenʒepieŋ!”
28	GEN 1:28	Erâ jambuŋ‐jofahuc ʒiŋuc jasawec: “Ɋârichec ehuc fua sawec erâ mâreŋ ŋefusucmahuc ruckenʒepieŋ. Ehuc hâwec qowi â sawa wipe â mâreŋ qowi gisic wiac sasawa ŋicwofuŋ ejarenʒepieŋ!”
30	GEN 1:30	Â mâreŋ qowi â sawa wipe â homa gisic wiac nokafehec bâfuac‐jopakicne, jaŋere nânâ ine sopâc hofâ qinʒiŋ wiac râekopac.” Eme iŋuc fuawec hâcne.
43	GEN 2:12	Mâreŋ irec gol i furi sâko. Ira wâc Bedolac sâfâ â Soham qânâ fokopirec.
50	GEN 2:19	Wofuŋ Anutu e hae qowi â kâte qowi sasawa â sawa wipe sasawa mâreŋzi bacjoparâ ŋiczi ʒâŋe‐jeŋic weniŋuc muocmu i hone manac eocte ŋictao amec‐jopa fisiwec. Eme ŋiczi ʒâŋe‐jeŋic mufuahuc muocmu i foocte muwec.
51	GEN 2:20	Eme ŋic e hae qoqi â kâte qowi â sawa wipe sasawa jaŋere ʒâŋe mufârewec. E jahacne sâc âgo babafic‐ticne moc ine mi bâfuawec.
52	GEN 2:21	Irec Wofuŋ Anutuzi ŋic ecneme guŋsâko qâmâckeme fowec. Eme tambaraŋne moc unuckerâ fofotacne biuczi bâbâzickewec.
55	GEN 2:24	Irec hâcne ŋiczi neŋgoc mamac jahec‐ticne behec‐jofarâ ŋonâŋ‐ticnerao qohotame jahe maŋ sahac mocjaha erâ junicmu.
61	GEN 3:5	Anutu e ʒiŋuc manakac: Ŋohe hândâŋ i nâpire ʒâŋe‐ŋekic tâcneme e jahacne iŋucne erâ biaŋne â sâqocne irec fuŋne mana taranicmu.”
63	GEN 3:7	Nâpire ʒâŋe‐jekic tâcnewec. Tâcneme biuctac jupic i hone tarapic. Irec qoŋgeŋ rehaczi siŋiŋ furâ jomapic.
70	GEN 3:14	Eme Wofuŋ Anutuzi homa ʒiŋuc âzâcnewec: “Go iŋuc emecte ine hae qowi â kâte qowi jaŋeraonec go mocjaha sâwecgukopac. Go mâreŋko jucmu sâc bugezi foforâ juhuc gâc wândoc nâzemec.
71	GEN 3:15	Erâ go â ŋokac ŋoherao kikisâ sanaŋ râekopac, izi ɋâricge â ɋâric‐ticne jaherao wâc fozejec. Eme eki qizecge âtenʒaŋneocmu, goki ine kike kiririŋne kinʒaŋnecmu.”
74	GEN 3:18	Ehame hofâ qinʒiŋ wiaczi giegao kosa fuaha irecnec monʒaŋ wiac nâhuc juzemec!
77	GEN 3:21	Eme Wofuŋ Anutu e qowi sahaczi ŋaqi ɋâtârâ ŋic ŋokac hejacteme hume rojupic.
78	GEN 3:22	Wofuŋ Anutu e iŋuc erâ ʒiŋuc muwec: “Jei! Ŋic e biac nâŋâcne sâcko biaŋne â sâqocne irec fuŋne mamana ejec! E meticne sicnerâ jujujâcte hândâŋ rorâ nâhuc juju sanaŋ juzacte mi manacnezo.”
87	GEN 4:7	Go biaŋne jutec mana‐garepe sâckeocmu. Biaŋne mi jucmuo ine sâqocnezi motâc râpeo soŋkerâ ruc bagareocmu. E gore hâcne ecnekac, go ine aka hecnezemec.”
88	GEN 4:8	Eme Kaiŋzi ɋaticne Abe âzâcne muwec: “Nâhâc gieo ranac.” Mume gieo ra jupic, ehuc Kaiŋzi fahare ɋaticne Abe qarâ qâhâmowec.
94	GEN 4:14	Go miŋecgac gie hesarac mâreŋkonec jâpecnukomec, irec ʒâŋesoŋ bagarerâ wise wise juhuc ra ju ware ju epemu, ehame ŋiczi bâfuacnurâ qâhâmocnuniŋmu.”
95	GEN 4:15	Eme Wofuŋzi muwec: “Iŋuc misac, moc e Kaiŋ qâhâmome okacne arec 7 irec sâc râcnezo.” Iŋuc murâ Kaiŋ sahacnao maqâreŋ moc râewec, moczi moc bâfuarâ qanʒipiŋte.
100	GEN 4:20	Ada e motec kiweckerâ Jabali rowec, e qoruc bozeo juju fofo eere â bec bulimakao hone soŋaŋ giere fufuŋke ŋic.
103	GEN 4:23	Juku Lamec e ŋonâŋ jahec‐ticne hefârec‐jofarâ ʒiŋuc jasawec: “Ada â Zila, ŋohe hazec râerâ dâŋnane mananic! Ŋonâŋ jahec‐nane, ŋohe saoreŋ gae‐nane maŋkenic! Jâmbomac jâmbâŋ, wicte okacne ŋic moc qapo, â ʒâpâ nukicnere ine motec mac moc.
104	GEN 4:24	Kaiŋ qaocmuzi okacne arec 7 roocmu â Lamec no nuocmuzi ine okacne arec 77 roocmu.”
105	GEN 4:25	Adam e ŋonâŋ‐ticnehec mocwâc jume kiwechec erâ motec moc rowec. Eme ʒâŋe‐ticne ʒiŋuc manasuhuc Sete muwec: Kaiŋzi Abe qawecte ere âkehoc Anuturaonec ŋic ukic biaŋ mocwâc fisi‐narekac.
135	GEN 5:29	Fuame ʒiŋuc muhuc ʒâŋene Noa muwec: “Anutuzi mâreŋ sâweckewecte ʒâic busâqoc faio gie sâko bahuc juhapene motec eki bâmiriŋ‐nâpozejec!”
143	GEN 6:5	Eme ŋic jaŋe mâreŋko mamakâc sâko fuŋne fuŋne ehuc maŋ sâc wiac sâqocne sasawa ʒuʒuhuc maŋke jumbiŋte
145	GEN 6:7	Eme Wofuŋzi muwec: “Ŋic bâfuac‐jopapo jaŋe bâsirowec‐jopape mâreŋko omaenʒepieŋ, qowi â gisic wiac â sawa wipe jaŋe mâmâc, jaŋe bâfuac‐jopapore bunane hâhâtâwekac!”
149	GEN 6:11	Â mâreŋŋic gâcne jaŋe ine Anuture maio sâqore‐fârepie sindaŋ hârindaŋzi mâreŋ fusucmawec.
150	GEN 6:12	Eme Anutuzi mâreŋ honeme sâqore‐jâmbâŋkewec, mâreŋŋic juju â eebapa‐jeŋic sifuc safucke‐fârerâ fowec.
157	GEN 6:19	Â wipe qowi jaŋe sipiricke‐fârenʒipiŋte jaŋeraonec jajahec jajahec, ŋicne ŋokacne iŋuc aŋa sâsâc rocjopatec gohec mâmâc wokeo fenʒepieŋ.
158	GEN 6:20	Wipe fuŋne fuŋne, qowi fuŋne fuŋne, â homa gisic wiac fuŋne fuŋne jaŋeraonec jajahec jajahec gohec mâmâc wokeo raʒirâ junʒepieŋ.
159	GEN 6:21	Â wiac nânâne i me i fokac sâc mâmâc nuse qâzuc efârerâ wokeo rotec feme izi gahacne â wipe qowi jaŋere juju dopeckezejec.”
162	GEN 7:2	Irec go qowi nânâne jaŋeraonec 7, 7, ŋicne â ŋokacne aŋa sâsâc â qowi mi nânâne jaŋeraonec jajahec jajahec rowosâec‐jopac.
168	GEN 7:8	Ehame qowi nânâne â mi nânâne, erâ wipe â homa gisic wiac i jaŋe
174	GEN 7:14	Erâ hae qowi â kâte qowi fuŋne fuŋne â homa gisic wiac fuŋne fuŋne â wipe fuŋne fuŋne suhuc fakechec jaŋeraonec jajahec jajahec sasawa,
178	GEN 7:18	Eme opâ jaŋe soka siwiŋ ehuc hâhâwicne qaratiepie wokezi opâ faio rac warec ewec.
179	GEN 7:19	Eme opâ jaŋe mâreŋ faio mocwâc âke sue feku tiki ʒora doma raŋgopieŋ i mâmâc sasawa qâuruc‐jopa‐fârembiŋ.
181	GEN 7:21	Iŋuc eme mâreŋ faio wiac jujune omaewec, wipe mecne, hae qowi mecne, kâte qowi mecne, â homa gisic wiac mecne, mâreŋko babarâ jueŋgopieŋ, erâ wâc mâreŋŋic mâmâc, jaŋe sipiricke‐fârembiŋ.
183	GEN 7:23	Iŋuc ehuc Anutuzi mâreŋko wiac jujune sasawa, ŋic me qowi me gisic wiac, me wipe, i jaŋe bâsirowec‐jopa‐fârewec. Noa â ehec woke maŋnao jumbiŋ, jaŋe sawa akic‐jopawec.
185	GEN 8:1	Dameŋ ira Anutuzi Noare manasuhuc qowi wiac ehec wokeo jumbiŋ jaŋere mâmâc manasuwec. Iŋuc ehuc mume mâŋâŋ sâko qame opâ sâko e fâre wahawec.
187	GEN 8:3	Eme mâreŋ faio opâ jaŋe fofo‐jeŋickoa risiehuc qâzucke‐fârepie opâ sâko fâre wahawec. Ʒoaŋ 150 irec faicnao hâcne fuŋkehuc fâre wahawec.
201	GEN 8:17	Erâ qowi mecne, wipe homa gisic wiac mecne, gohec wokeo juŋgopieŋ jaŋe ejaretec waha‐fârerâ fua sawec ehuc mâreŋ sâcke‐fârenʒepieŋ.”
203	GEN 8:19	erâ qowi sasawa â wipe â homa gisic sasawa, hawari‐jeŋic sâc wokeonec wahambiŋ.
204	GEN 8:20	Waha‐fârepie Noazi Wofuŋte alata moc barâ qowi â wipe nânâne jaŋeraonec moc moc iŋuc rocjopaku Anuture bâzi rikec‐jopawec.
206	GEN 8:22	Mâreŋte dameŋ fofeocmu sâc: Hesarac â qa roro, mâmâteŋ â fâroroc, hoe dameŋ â ʒoaŋ dameŋ, ŋafe â furec iŋuczi iŋuc ʒuʒuhuc fofehuc juzejec!”
208	GEN 9:2	Erâ kâte qowi â sawa wipe jaŋe ŋoŋere hâhâwic bahuc wise wise junʒepieŋ. Homa gisic wiac mâreŋko foforâ juekac â hâwec qowi jaŋe mâmâc ŋoŋere meo râec‐jopa‐fârekopac.
209	GEN 9:3	Erâ monʒaŋ wiac ŋarekopac i â wiac jujune qiriŋ‐ticnehec i nânâ‐ŋeŋic efârezejec.
210	GEN 9:4	Mocjaha, qowi socnehec ine mi nânʒepieŋ! Erâ ʒiŋuc mananiŋ:
211	GEN 9:5	Socŋeŋicte okacne i noni batarapemu. Ŋicjuju irec okacne qowi jaŋerao, me ŋic jaŋerao, me âgo soctofa jaŋerao i nonizia batara‐jâmbâŋkepemu.
216	GEN 9:10	erâ wâc wiac jujune sasawa, ŋoŋehec wokeonec wahambieŋ, jaŋehec mâmâc, wipe â kâte qowi â hae qowi sasawa,
219	GEN 9:13	Irec maqâreŋ‐nane huriri keci sawao râekopac, izi ʒâʒâfic‐nâŋecte ma ezejec.
220	GEN 9:14	Nore micte hoe karorac qâzuckeha manane i sawao fuame
227	GEN 9:21	Juku waiŋ opâne barâ nâku maŋne bibiriwame qoruc boze‐ticnao waha iŋke aŋke ehuc fowec.
229	GEN 9:23	Eme Sem â Jafete jahe ŋaqi moc rorâ ɋawe‐jekicko râehuc rârâpe bozeo raʒirâ mamac‐jekic biuctac fohame mi honehuc qofackepic.
230	GEN 9:24	Eme Noa e waiŋzi qame guŋ sanaŋ foweckonec ɋârerâ motec‐ticnezi wiac kosa ecnewec irec dâŋ manarâ ʒiŋuc muwec:
233	GEN 9:27	Erâ ʒuhuckerâ muwec: “Anutuzi Jafete bafickeme sawe mâririackezejec, ehame ɋâricfâc‐ticne jaŋe Semte ɋâricfâc jaŋehec ŋeŋe juju enʒepieŋ, â Kanaaŋ e ine kiŋaŋ qaqa‐ticne ezejec.”
244	GEN 10:9	Nimorodi e Wofuŋte maio wosaŋeŋ bapa kâcɋene juwec, irec ŋic jaŋe ere qâqiŋ qahuc ʒiŋuc mujumbieŋ: “Wofuŋte maio wosaŋeŋ bapa kâcɋene, Nimorodi ere sâcko.”
253	GEN 10:18	â Arawadi, Semari â Hamati, guru iŋuc fua rambiŋ. Eme faicnao Kanaaŋ ere ɋâricfâc jaŋe râwiŋnehuc qaratierâ jurambiŋ.
254	GEN 10:19	Kanaaŋ ŋicguru jaŋere mâreŋ qaŋeŋnezi Sidoŋ haeonec fuŋkerâ hae ʒiŋuc fotâcne rakac: Gerari, Gaza, Sodom, Gomora, Adama, Seboim â Lasa. Ira tarakac.
270	GEN 11:3	Erâ kecʒiŋuc muc manac embiŋ: “Ajoc, nâŋâc afe qâhâckerâ ʒocko rikepene sanaŋkeoc.” Eme afe sanaŋkekicne izi fic bapa qânâ ejarewec â mâreŋ maŋkonec sâfâ izi simeŋ ejarewec.
271	GEN 11:4	Eme mumbiŋ: “Ajoc, nâŋâc hae sâko moc barâ ficʒora moc feŋgaŋne feŋgaŋne râe fekupene botâŋnezi sambâŋ âke uazejec. Eme ʒâŋe biŋehec erâ siŋsaŋ qahuc mâreŋne mâreŋne mi ranʒepeneŋ.”
273	GEN 11:6	Erâ muwec: “Jâmbomac, jaŋe ŋicguru mocjaha â dâŋmarac‐jeŋic wâc mocjaha, erâ gie baniŋte mu biric embieŋ i mâc fufuŋkene sawa. Efehuc fârine quŋquŋke tâmiric bâfuaniŋmu.
275	GEN 11:8	Wofuŋ e iŋuc muhuc irecnec bârâwiŋ‐jopame mâreŋ sâc rafârembiŋ, ehuc hae qizec sâko bapa i behembiŋ.
276	GEN 11:9	Wofuŋzi hae ira hâcne mâreŋŋic dâŋjeŋic bârâc qârâwiŋneme fâuckehuc mâreŋ sâc rafârembiŋte hae irec ʒâŋe Babe mumbiŋ.
295	GEN 11:28	Haraŋ e ine mamac‐ticne Tera juhame Kaldea mâreŋ qizec‐ticnao Uru hae ira hâmowec.
300	GEN 12:1	Eme Wofuŋzi Abram âzâcnewec: “Go mâreŋ qizecge â mame sâkofâcge â fic haege behe‐fârerâ noni mâreŋ moc gowatupemu ira ra juzemec.
301	GEN 12:2	Eme no jambuŋgupe ɋâricfâcge fua sawec epie gore ʒâŋe biŋezi haŋ bazejec. Eme go jambuŋte qizec ezemec.
304	GEN 12:5	E ŋonâŋ‐ticne Sarai â hahac‐ticnere ŋokâ Loti erâ kiŋaŋ qaqafâc‐ticne â mafa wiac‐ticne rocjopame Kanaaŋ mâreŋkopec raku mâreŋ ira fisimbiŋ.
305	GEN 12:6	Fisirâ fotâcne raku Sikem hae bâfuambiŋ, ira qâpuc jaŋere boriŋjâc bâtirikicne domawec.
307	GEN 12:8	Eme mocwâc tiki mâreŋkopec feraku Bete hae ʒoaŋ wewefunao fisirâ ira qoruc boze‐jeŋic fârembiŋ. Bete hae ʒoaŋ huhunaopec ŋewec â Ai hae ine ʒoaŋ wewefunaopec ŋewec. Eme Abram e ira Wofuŋ alata moc bacnehuc numu wâwâsic ecnewec.
310	GEN 12:11	Eme Aigita mâreŋ bâqiŋkezo ehuc ŋonâŋ‐ticne Sarai ʒiŋuc âzâcnewec: “Manakic, go ŋokac sahac hawarige biaŋne i kâuc mi bakopac.
319	GEN 12:20	Eme Faraozi momori ejareme Abram ŋonâŋ‐ticne â mafa wiac‐ticne qâzuc‐joparâ mâreŋ‐ticnaonec jowac‐jopa rambiŋ.
322	GEN 13:3	Eme Abram e Negebe mâreŋkonec Bete haeopec juju fofo raku mârâc jaha Bete â Ai hae ŋondeŋ‐jekicko qoruc boze‐ticne fâreme fowec ira fisiwec.
324	GEN 13:5	Loti e Abramhec juhuc iŋuc jaha lama bulimakao bacjopa juwec â qoruc boze wâc ŋecnewec.
326	GEN 13:7	Irec Abram â Loti qowi soŋaŋfâc‐jekic jaŋe mâreŋte iiriac embiŋ. Dameŋ ira Kanaaŋ ŋic â Periʒi ŋic jaŋe mâreŋ irec rune jumbiŋ.
328	GEN 13:9	Ʒâŋe maigao mâreŋ sâko forakac i mi honekic me? Irec râwiŋnenac. Go qanaopec razo mukicko noni fâreopec rapemu, me fâreopec razo mukicko noni qanaopec rapemu.”
331	GEN 13:12	Eme Abram e Kanaaŋ mâreŋko ŋec juc ewec, â Loti e ine Jordaŋ mâreŋko hae ŋerambiŋ jaŋere ŋondeŋko ju fofo raku Sodom hae mendâŋko fisirâ qoruc boze‐ticne fâreme fowec.
333	GEN 13:14	Loti e Abram beherâ rame Wofuŋzi Abram ʒiŋuc âzâcnewec: “Go mâreŋ domakomecko qâhâŋnerâ ʒâŋe fitec mâreŋ faicpec â juwicpec erâ ʒoaŋ wewefunaopec â huhunaopec raoc.
334	GEN 13:15	Mâreŋ honekic sasawa i go â ɋâricfâcge fofo sanaŋ foŋareocte biŋe qaŋarekopac.
337	GEN 13:18	Eme Abram e ju fofo raku Heboroŋ haeo Mamere ere boriŋ gie fowecko qoruc boze‐ticne fâreme fowec. Erâ ira ŋec juc ehuc Wofuŋte alata moc bawec.
339	GEN 14:2	jaŋe ŋicwofuŋ 5 kecʒiŋuc jaŋehec qaqac embiŋ: Sodom ŋicwofuŋ Bera, â Gomora ŋicwofuŋ Birisa â Adama ŋicwofuŋ Sinaba â Zeboim ŋicwofuŋ Semebe erâ Bela ŋicwofuŋ. (Bela i Ʒoari irec ʒâŋe moc.)
341	GEN 14:4	Jaŋe jara 12 Kedo‐Laome kiŋaŋ qacnehuc jumbiŋ, jara namba 13‐ko ine e râpeckembiŋ.