1421	GEN 46:34	iŋuc wio‐ŋareme ʒiŋuc âzâcnenʒepieŋ: ‘Kiŋaŋ qaqafâcge nâŋe mamacfâc‐nâŋec jaŋe iŋucne ɋie‐nâŋeckonecteaŋ qowi gie bapa jumbeŋzi jueŋgopeneŋ.’ Ŋoŋe iŋuc âzâcnepie Goseŋ mâreŋko juniŋte mana‐ŋareocmu; i Aigita ŋic jaŋe lama bulimakao soŋaŋ jaŋere manapie mamakâcne eekac irec.”
1926	EXO 15:5	Rumizi bârârâŋ‐jopawec; qânâ iŋucne ʒâkâŋ fâhâŋnao hujâmbâŋkembiŋ.
1928	EXO 15:7	Tâpiri ɋuŋɋasaŋge fekicne, irec râsi jaŋe guriŋ‐jopaekic; erâ kimbeŋgere ʒocbâruŋ râetec izi ra sopâc iŋucne ʒahuc ʒâseŋ‐jopaekac.
2357	EXO 29:20	goki qâhâmorâ socticne gâcne izi Aroŋ â ŋokâfâcne hazec tofa‐jeŋic fâreopec â meneŋgoc fâreopec â kike neŋgoc fâreopec rua‐jarezemec; â soc gâcne ine alata rârec rârec tie razemec.
2358	EXO 29:21	Erâ ine soc alata faio fokac irecnec gâcne â rurua wokemaŋ i mâmâc rorâ Aroŋ mecne ŋokâfâcne mecne erâ wâc ŋaqi wiac‐jeŋic mâmâc tie‐jarezemec; iŋuc ejaretecne e jahacne â ŋaqi‐ticne erâ ŋokâfâcne â ŋaqi wiac‐jeŋic mâmâc tirine efâreniŋmu.
2429	EXO 31:8	tebo â wâcwiac‐ticne, lambe dodoma gol ɋaɋacnezi bakicne â wâcwiac‐ticne;
2430	EXO 31:9	hosâc âsu ririke alata, erâ bâzi ririke alata â wâcwiac‐ticne; ʒuʒure râqâc kikenehec;
2449	EXO 32:10	irec behecnuhaŋ kimbeŋ‐nanere ʒoczi bâruŋkerâ ʒâseŋ‐jopazejec; go ine mupe sawe mâririackerâ ŋicguru sâko ezemec.”
2942	LEV 8:24	I tarame Aroŋ ŋokâfâcne jowac‐jopa warepie Mosezi hazecɋoŋ‐jeŋic fâreopec â meneŋgoc‐jeŋic fâreopec â kike neŋgoc‐jeŋic fâreopec jaha i soc rua‐jarewec; soc gâcne ine alata râreckehuc tie rawec.
3296	LEV 19:14	Ŋoŋe ŋic nâŋguŋne mi sâwec‐jopanʒepieŋ; â tiŋtiŋ jaŋere hata i aka mi henʒepieŋ, ehuc Anutu‐ŋeŋic ine araŋ bacnenʒepieŋ. No Wofuŋ jukopac hâcne.
3533	LEV 26:8	Ŋoŋeraonec ŋic 5 jaŋe ŋic 100 jâpec‐jopahapie 100 jaŋe teŋ tauseŋ jâpec‐jopanʒepieŋ; ehame râsifâc‐ŋeŋic jaŋe ʒâŋe fai‐ŋeŋicko ʒikare micko feniŋmu.
3569	LEV 26:44	Eme râsifâc‐jeŋic jaŋere mâreŋko juhapie no sifu wiac irec erâ qâmâtâc mi ejarepemu, erâ bâsuec‐jopahuc mi sipiric‐jopapemu; erâ jaŋehec ʒâʒâfic ekicne i mi hetâcnepemu, no Wofuŋ Anutu‐jeŋic hâcne.
3854	NUM 7:3	jaŋe hâcne taha wiac‐jeŋic kecʒiŋuc bafisirâ Wofuŋte maio râembiŋ: Qoruczi keretac 6 qofac‐jopakicne erâ bulimakao ŋicne 12. Micne jajaheczi keretac wâŋ â jajaheczi keretac wâŋ, iŋuczi iŋuc râe‐fârembiŋ; bulimakao ine ru sâc râec‐jopambiŋ. Ehuc wiac i tiri boze motâcko râec‐jopa‐fârembiŋ.
4731	NUM 32:11	‘Aigita mâreŋkonec wahambiŋ, jara‐jeŋic 20‐o domarâ fekac, ŋic i jaŋeraonec moczi moc Abraham, Isaka â Jakobo mâreŋ jarepemurâ mupaŋkepo ira moc mi raʒi‐jâmbâŋkezejec; jaŋe norao mi qohota sanaŋkembiŋ irec.
4999	DEU 3:22	Irec ŋoŋe jaŋere mi hâwic‐ŋopazejec; Wofuŋ Anutu‐ŋeŋic e bafic‐ŋopahuc iŋuc hâcne eocmu.’
5009	DEU 4:3	Wofuŋzi Baali‐Peoro haeo wiac ewec i ʒâŋe fâri‐ŋeŋiczi hone‐fârembiŋ; Wofuŋ Anutu‐ŋeŋic e Baali‐Peoro nemurao qohotambiŋ jaŋe hâcne ŋondeŋ‐ŋeŋickonec bâsirowec‐jopawec.
5071	DEU 5:16	“‘Go Wofuŋ Anutugezi mutâcne‐garewec irec sâc neŋgoc mamac jahecge sâsec‐jofazemec; iŋuc ehuc Anutu no mâreŋ râecgupemu ira dameŋ ʒora juhâc qâhâmocmu.
5157	DEU 8:18	Ŋoŋe Wofuŋ Anutu‐ŋeŋicte manasuhuc junʒepieŋ, eki hâcne mazuc mâriri bâfuaniŋte tâpiri râe‐ŋareekac; e ʒâʒâfic‐ticnere dâŋ mamacfâc‐ŋeŋic mupaŋke‐jarewec i basanaŋkeocte iŋuc hâcne eŋareekac.
5162	DEU 9:3	Irec ŋoŋe miŋecgac ʒiŋuc mananʒepieŋ: Wofuŋ Anutu‐ŋeŋic e ʒocbâruŋ iŋucne bânie‐ŋarehuc ŋic keci jaŋe bawahac‐joparâ ʒâŋe fai‐ŋeŋicko sipiric‐jopaocmu; irec Wofuŋzi mupaŋke‐ŋarewec irec sâc jopa jâpec ejarehuc ɋeŋ jaha omaec‐jopanʒepieŋ.
5283	DEU 13:10	Aricne, ŋic i jaŋe qâhâmoc‐jopazo; qanaŋ go gahac fuŋkerâ jopatec ʒâhec ine ŋic ʒeŋgoma jaŋe qâhâmoc‐jopanʒepieŋ.
5584	DEU 26:16	“Ŋoŋe dâŋsanaŋ â mumutâc dâŋ ʒi mana rereŋ eniŋte Wofuŋ Anutu‐ŋeŋiczi miŋecgac mutâcne‐ŋarekac; irec ŋoŋe maŋ â mamanasu‐ŋeŋic i erao furu jaha râepie foha aimuŋ mana rereŋ enʒepieŋ.
5665	DEU 28:52	Ŋoŋe hae‐ŋeŋic sâc juhapie somâc‐ŋopaniŋmu; iŋuc eŋarekupie hae sâc sacsanaŋ‐ŋeŋic ʒoricnere manapie fewec i rândiŋkerâ waha qaocmu. Wiac i Wofuŋ Anutu‐ŋeŋiczi hae mâreŋ ŋare tahac ewec ira iŋuc hâcne eŋareniŋmu.
5691	DEU 29:9	“Ŋoŋe miŋecgac ʒeŋgoma Wofuŋ Anutu‐nâŋecte maio doma‐fâreŋgopieŋ; guru‐ŋeŋic sâc irec micne â soŋaŋfâc‐ŋeŋic erâ momorifâc‐ŋeŋic jaŋere micnefâc, Israe ŋic sasawa hâcne.
5777	DEU 32:17	Ŋoŋe nemu jabane mârâc mi manac‐jopambiŋ jaŋe bâzi rike‐jarembiŋ; nemu furune, diguracfâc‐ŋeŋic jaŋeraonec rombiŋ; â mamacfâc‐ŋeŋic jaŋe mi sâsec‐jopambiŋ jaŋe hâcne iŋuc ejarembiŋ.
5790	DEU 32:30	Rorowec‐jeŋiczi râsifâc‐jeŋic jaŋere meo mi râec‐jopame muzac ŋic mocjahazi wemocko ŋic wâŋ tauseŋ jâpec‐jopazac; me Wofuŋzi mi râpec‐jopame muzac ŋic jajaheczi wemocko ŋic teŋ tauseŋ bâtâtiec‐jopazapic.
5799	DEU 32:39	“‘Ŋoŋe ʒi mana taraniŋ: No mocjahazi Wofuŋ jukopac, nore râpeo Anutu moc mi jukac. Noni hâcne ŋic qâhâmoc‐jopaekopac erâ mocwâc bâɋârec‐jopaekopac; no ʒâpâ joparâ mocwâc bâpiaŋ‐jopaekopac, ehame ŋic moczi moc nore meonec sâcne mi batarac‐jopaocmu.
5804	DEU 32:44	Eme Mose e ra gae irec dâŋ sasawa ŋic ŋokac jazame mana‐fârembiŋ; e jahacne â Nuŋte ŋokâ Josua jahe iŋuc hâcne epic.
6130	JOS 11:21	Dameŋ ijaha Josua e fisirâ Anaka ŋic, tiki mâreŋkonec, Heboroŋ, Debiri â Anaba haeonec, erâ Juda tiki mâreŋkonec â Israe tiki mâreŋkonec jaŋe mâmâc sasawa bârârâŋ‐jopawec; Josua e hae‐jeŋichec bâsirowec‐jopawec hâcne.
6740	JDG 8:19	Mupire eki muwec: “Jaŋe ɋafâc‐nane; neŋgoc‐nanere ŋokâfâc. Ŋohe jaŋe mi qâhâmoc‐jopazapic muzac no wâc mi âke hâmoc‐ŋofazapo, i jâmbomac Wofuŋte maio mukopac.”
7307	1SA 4:8	Nâŋâc omae‐jâmbâŋkeŋgopeneŋ; nemu tâpirihec keci ere meonec mozi sâcne batarac‐nâpoocmu? Nemu kecizi hâcne mâreŋ sawao Aigita ŋic joparâ âtenʒaŋ‐jopawec.
8887	1KI 5:20	Irec go mutec ŋicfâcge jaŋe Lebanoŋ tikio jâmâzâc nore biŋe qafarapie kiŋaŋŋicfâc‐nane jaŋe bafic‐jopanʒepieŋ; eme no kiŋaŋŋicfâcge jaŋere gie furi i goki mutec sâc râe‐garezepac. Go gahac wâc manakic, Sidoŋŋic jaŋe jâc qaqafarare fuŋne mana‐hâmoeŋgopieŋ, nâŋere ŋicfâc jaŋe ine mi manaeŋgopieŋ.”
9039	1KI 8:51	Wemocte, nâŋe gore ŋicfâc â biŋefâcge juŋgopeneŋ irec. Go Aigita mâreŋko aeŋ ʒocbâruŋ irec sâc ʒâic serereŋ maŋnao jumbeŋkonec bawefuc‐nâpomeŋ;
9165	1KI 12:11	Mamac‐nanezi tagi bâmâmâcke‐ŋarewec â noni ine mocwâc fehuc bâmâmâcke‐ŋarepemu; mamac‐nane e ŋâŋârâczi bâtiŋ‐ŋopawec â noni ine omeqaqazi bâtiŋ‐ŋopapemu.’”
9168	1KI 12:14	Ehuc ŋicmotec jaŋe dâŋ mutâcnecnembiŋ irec sâcko jazahuc ʒiŋuc muwec: “Mamac‐nanezi tagi bâmâmâcke‐ŋarewec â noni ine mocwâc fehuc bâmâmâcke‐ŋarepemu; mamac‐nane e ŋâŋârâczi bâtiŋ‐ŋopawec â noni ine omeqaqazi bâtiŋ‐ŋopapemu.”
9436	1KI 20:25	Erâ momori mârâc sipirickembiŋ irec sâc biric‐jopanʒepeneŋ; erâ becâsic keretac mârâc bajumbeŋ irec sâc jaha baʒawiec‐jopanʒepeneŋ, ehuc jaŋehec wâneŋko qaqac enʒepeneŋ. Nâŋâc jâmbomac sanaŋkenaŋmu.” Eme dâŋjeŋic manarâ irec sâc ewec.
9551	2KI 1:14	Manakic, sambâŋkonec ʒoczi waharâ momori 50 jaŋere micne jajahec â gurufâc‐jekic 50 guru jajahec jaha mâmâc ʒâtâmirec‐jopawec; nore juju ine sifu honetec furi sâko ezejec.”
10083	2KI 19:18	Ehuc nemu ɋâŋ qâqâtâcfâc‐jeŋic i ʒocko behec‐jopapie ʒacjopa‐fârewec; jaŋe nemu fârine aricne, jaŋe jâc â qânâ, ŋicmezi ba akic ekicne hâcne; irec bâsirowec‐jopaniŋte mi eipiembiŋ.
10860	1CH 16:35	Erâ ʒiŋuc wâc muzo: “O Anutu bâbâpiaŋ‐nâŋec, go bafic‐nâpoc, ehuc qâzuc‐nâporâ ŋic gurune gurune jaŋeraonec henusuc‐nâpoc; eme nâŋe tiri ʒâŋege daŋge âzâcnenʒepeneŋ, â mumbiaŋguhuc mu ʒeri enʒepeneŋ.
10956	1CH 21:17	Iŋuc erâ Dawidizi Anutu ʒiŋuc âzâcnewec: “Noni hâcne ŋic ŋokac wose qâreŋ ejareniŋte mujarepo. Noni hâcne wiac hehesicne jâmbâŋ ʒi epo. Lama guru keci jaŋe ine wiac moc mi embiŋ. Irec Wofuŋ Anutu‐nane, no ʒiŋuc numu‐garekopac: Sifu no nahacne â wiacfâc‐nane nâŋe sawa bâtiŋ‐nâpoc; ŋicfâcge jaŋere faio ine wiac hâhâwicne mi râezemec.”
11223	2CH 2:6	Irec go gol â siliwa â aeŋ bâbâroŋ â aeŋ omane â qoruc bâbâroŋ â âmuc âmucne erâ keŋkeŋnezi wiac bapa saric ŋic moc râe‐narec; erâ wâc mamac‐nane Dawidizi gie bapa ŋic fuŋne mamana saric râec‐jopawec, ʒira no nahacnehec Juda mâreŋko â Jerusalem haeo juŋgopieŋ jaŋehec juocte râezemec. Erâ e metâ qâreŋ wâc mâmâc bahuc juzejec.
11410	2CH 10:10	Iŋuc wio‐jareme e jahacnehec fua sokac embiŋ ŋicmotec i jaŋe ʒiŋuc âzâcnembiŋ: “Mamacgezi tagi bâmâmâcke‐nârewec â goki ine baafecke‐nârezemec; dâŋ iŋuc gazambieŋ ŋic i jaŋe ʒiŋuc jazazemec: ‘Memotec‐nanere ɋâfoŋne i mamac‐nanere ombâŋ sirickekac.
11411	2CH 10:11	Mamac‐nanezi tagi bâmâmâcke‐ŋarewec â noni ine mocwâc fehuc bâmâmâcke‐ŋarepemu; mamac‐nane e ŋâŋârâczi bâtiŋ‐ŋopawec, â noni ine omeqaqazi bâtiŋ‐ŋopapemu.’”
11414	2CH 10:14	Ehuc ŋicmotec jaŋe dâŋ mutâcnecnembiŋ irec sâcko jazahuc ʒiŋuc muwec: “Mamac‐nanezi tagi bâmâmâcke‐ŋarewec â noni ine mocwâc fehuc bâmâmâcke‐ŋarepemu; mamac‐nane e ŋâŋârâczi bâtiŋ‐ŋopawec, â noni ine omeqaqazi bâtiŋ‐ŋopapemu!”
11491	2CH 14:10	Eme Asa e ʒiŋuc muhuc Wofuŋ Anutu‐ticne wâsickewec: “O Wofuŋ, tâpirihec â tâpiri tâmiric bafic‐jopazore go iŋucne moczi moc mi jukac. O Wofuŋ Anutu‐nâŋec, go bafic‐nâpoc. Nâŋe gore mamanac â gore ʒâŋeo sawa guru dindiŋ ʒi râsi fisi‐jareŋgopeneŋ. O Wofuŋ, go sawa Anutu‐nâŋec; ŋiczi go mi bawahacgunʒepieŋ.”
11616	2CH 20:24	Ehame Judaŋic jaŋe mâreŋ burocnao ruc bapa ŋic jaŋere ficko fisirâ domahuc ŋic guru sâko jaŋerao fipie rawec. Ehuc mâreŋko qâŋɋâŋ forapie honec‐jopambiŋ; moczi moc mi wisewec.
11642	2CH 21:13	Go ine Israe ŋicwofuŋ jaŋere kike hata bâjâpeekic. Ehuc Judaŋic â Jerusalem haere ŋecjucfâc jaŋe Ahabare kikefuŋfâc jaŋe embiŋ irec sâc ehuc eeatucko bânie‐jareekic. Erâ wâc ɋafâcge, mamacgere kikefuŋfâc hâcne, qâhâmoc‐jopameŋ; jaŋe gore sâc sirickehuc biaŋne jumbiŋ.
12898	JOB 2:3	Iŋuc mume Wofuŋzi Sataŋ ʒiŋuc âzâcnewec: “Go iŋuc juhuc kiŋaŋŋic‐nane Hiobe moc hone manac ecnemeŋ? Manakic, mâreŋko ŋic e iŋucne moc mi juŋgopieŋ, e bahac tâmiric â siocmâc juhuc Anutu no araŋ banarehuc sâqocne qikiŋneekac. Go e fuŋne tâmiricko sipirickecmurâ esoc qafeŋ enaretec mana‐garepo; ehame eki ine sifu norao qohotahuc juekac.”
13057	JOB 9:2	“Eha, dâŋ mukomec i mârâc jaha mana‐fârepo; mâc ine ŋiczi weniŋuc erâ Anuture maio bahac fâsâc domaocmu?
14057	PSA 10:5	Dameŋ sâc wiac ebac eme mâriri fuacneekac; gore okacdâŋ faic fokac, mi mamana‐ticne; kisâfâcne sasawa ine fura‐jareekac.
14069	PSA 10:17	Wofuŋ, go maŋhuhuŋ jaŋere wira wâwâsic dâŋ manaekic, go maŋjeŋic hutuŋkeekic â hazec râe‐jareekic;
14103	PSA 15:4	Erâ ŋic tuŋjopakicne jaŋere maname wahaekac, â Wofuŋ araŋ bacneeŋgopieŋ jaŋe ine sâsec‐jopaekac; erâ wâc Anuture maio dâŋ moc mupaŋkerâ, ʒâhec honeme ŋemâckeme sifu fârine bâfuaekac.
14235	PSA 22:15	Opâ iŋucne hoŋnupie ŋeratierâ fokopac, me kike bibiric‐nane ŋetara‐fârejec; buhândâŋ‐nane sâfâ iŋucne ejec, bumaŋ‐naneo oopâne fuahuctecne.
14247	PSA 22:27	Qarâ suriŋne jaŋe nâku gapec‐jopazejec; wira basac ecneeŋgopieŋ jaŋe Wofuŋ muteŋkenʒepieŋ; maŋŋeŋic firieha jurahuc junʒepieŋ!
14318	PSA 28:2	No baficnucmurâ wira‐garepe; marac fânâŋ‐nane manazemec. No tiri ufuŋgaopec mejahec‐nane bafaharec‐jofakopac.
14323	PSA 28:7	Wofuŋ e tâpiri‐nane â maro‐nane; maŋnane erao roweckeekac; irec baficnume maŋnanezi kiwaeekac, eme gae hecnehuc daŋge âzâcneekopac.
14366	PSA 31:17	Ʒâŋe maigezi kiŋaŋŋicge no tamae‐narezejec; aki anonocgezi baficnuzemec.
14380	PSA 32:6	Irec mitihec juekaczi ʒârâ hâriŋ dameŋko numu‐garezejec; eme opâ rumi sâko fisiocmu, izi siwiŋne fehuc e mi heuaocmu.
14430	PSA 34:23	Wofuŋzi kiŋaŋŋicfâc‐ticne firuec‐jopaekac; ere dapeŋko soŋkeeŋgopieŋ jaŋeraonec moczi kiŋhec mi eocmu.
14449	PSA 35:19	Maŋgâŋ râsi enareeŋgopieŋ jaŋe mana‐jaretec, sowine wiac fuacnekac muhuc mi aŋac‐jopazejec; â fuŋne tâmiric qaisocnueŋgopieŋ jaŋe ʒâŋe bazuc mi enarenʒepieŋ.
14485	PSA 37:14	Sindaŋŋic jaŋe sâqe unuckeeŋgopieŋ â tepe âpâreeŋgopieŋ, ŋic hapetac â qarâ suriŋne jopaniŋte, â tiŋne juju sipiric‐jopaniŋte;
14555	PSA 40:7	Taha bâzi fuŋne fuŋnere mi egareekac, hazeczi dâŋ mamana ine bâfua‐naremeŋ; qowi hâcbuc ririke me sâqocnere taha bapa, i fua‐gareocte mi muekic.
14565	PSA 40:17	Â go wira basac egareeŋgopieŋ, jaŋe ine ʒeri ehuc bubiaŋ mana‐garenʒepieŋ; gore bâbâpiaŋte ejareekac, jaŋe dameŋ sâc munʒepieŋ, “Wofuŋ e kâcɋene.”
14600	PSA 44:3	Go gahacne mezi qâpuc guru jâpec‐jopameŋ, ehuc ŋicfâcge sarac‐jopameŋ; go ŋic gurune gurune bâsirowec‐jopameŋ, ehuc jaŋe basawec‐jopameŋ.
14627	PSA 45:3	Hawari biaŋge mâreŋŋic gâcne jaŋere siricke‐fârekac; micbipicge kereŋ bareŋne, Anutuzi jambuŋgu sanaŋkekacte iŋuc ekac.
14774	PSA 55:3	Mana‐narehuc dâŋ okacne bârisie‐narec; ʒârâ hâriŋ‐nanezi siricnukac.
14813	PSA 57:4	E sambâŋkonec okacne bâtikie‐narehuc baficnuocmu, imacnuŋgopieŋ jaŋe mimi bâfua‐jareocmu; Anutu e aki anonoc â jauŋ fâri‐ticne soreocmu.
14839	PSA 59:6	Anutu Tâpiri Ɋuŋɋasaŋ Wofuŋ, Israere Anutu, go mana ɋâɋârerâ qâpuc guru sasawa bâtiŋ‐jopac; docbapa repicne jaŋeraonec moc mi akickezemec!
14854	PSA 60:3	Anutu, go behec‐nâpomeŋ, ehuc bâtâtiec‐nâpomeŋ; go kimbeŋ qanâremeŋ, ʒi mocwâc hefâroc‐nâpoc.
14919	PSA 65:9	Eme mâreŋ sâko mâreŋ mecqaŋeŋnao juŋgopieŋ, jaŋe fuŋne qaqa mâsigere bipic tara‐jareekac; go ʒoaŋ wewefu‐ticne â huhu‐ticne, bubiaŋ afusecnetec kiwac qawac eekac.
14971	PSA 68:19	Go faic hefâmeŋ, niŋgiŋ‐jopakicne jowac‐jopameŋ; ŋic jaŋere guruo taha fua‐garewec, râŋgeŋne jaŋerao mâmâc; ine go ira Wofuŋ Anutu jucmurâ iŋuc emeŋ.
14975	PSA 68:23	Wofuŋzi muwec, “No Basaŋkonec bârisiec‐jopapemu, no hâwec ʒâkâŋkonec bârisiec‐jopapemu;
15008	PSA 69:20	Mimi qaqa enarekicne â musoriŋnukicne, i goki mana‐fârekomec; â râsifâc‐nane kâuc mi bacjopakic.
15051	PSA 71:20	Go manahaŋ ʒârâ hâriŋ bocjaha bâfuac‐nâpowec; eme ʒi mocwâc bâfiriec‐nâpocmu, â mâreŋ hukicnaonec mocwâc baefuc‐nâpocmu.
15120	PSA 74:17	Mâreŋ qaŋeŋne gokizia basanaŋke‐fâremeŋ; hoemaŋ â ʒoaŋ dameŋ i goki wâc mutec fuawec.
15122	PSA 74:19	Ŋicfâcge jaŋe râsi jaŋere meo mi râec‐jopazemec; qarâ suriŋnefâcge jaŋere jujure ninikec mi ezemec.
15150	PSA 76:13	Eki micne bapa maŋfefe juŋgopieŋ jaŋe bawahac‐jopaekac; â mâreŋte ŋicwofuŋ juraŋgopieŋ jaŋe wiac hâhâwicne ejareekac.
15251	PSA 79:8	Mimiŋnefâc‐nâŋec jaŋere kiŋte mi mana gâpâre‐nârec, buurucgezi biac ware bâfuac‐nâpooc; nâŋe mâretec docke betaŋ eŋgopeneŋ.
15260	PSA 80:4	Anutu Tâpiri Ɋuŋɋasaŋ Wofuŋ, go heɋârec‐nâpoc; ʒâŋe maigezi tamaeme biaŋ‐nâpozejec.
15264	PSA 80:8	Anutu Tâpiri Ɋuŋɋasaŋ Wofuŋ, go heɋârec‐nâpoc; ʒâŋe maigezi tamaeme biaŋ‐nâpozejec.
15276	PSA 80:20	Anutu Tâpiri Ɋuŋɋasaŋ Wofuŋ, go heɋârec‐nâpoc; ʒâŋe maigezi tamaeme biaŋ‐nâpozejec.
15403	PSA 89:13	Mâreŋ faic â juwic i goki bâfuac‐jofameŋ; Taboro â Herimoŋ jahe ʒeri ehuc ʒâŋege mumbiaŋkeekopirec.
15456	PSA 90:13	O Wofuŋ, risie‐nârec; ʒâic wezimucko taraocmu? Kiŋaŋ qaqafâcge nâŋere buge sâqoreoc me.
15488	PSA 92:12	Ʒâŋe‐nanezi râsifâcne‐nane waha jopame honec‐jopakopac; â sâqocne bapa qaisocnueŋgopieŋ jaŋe wiac hâhâwicne fua‐jareme hazec‐nanezi biŋene manakopac.
15520	PSA 94:23	Eki hâcne hehesic‐jeŋicte okacne bazu‐jareocmu, â sindaŋ‐jeŋicte erâ bâsirowec‐jopaocmu; Wofuŋ Anutu‐nâŋeczi bâsirowec‐jopaocmu.
15552	PSA 97:8	Zioŋ e manarâ ʒeri ekac, Juda hae sâc jaŋe aŋac‐jopakac; Anutu gore mumutiŋte iŋuc fuakac.
15577	PSA 100:3	Wofuŋ e Anutu jukac i mananiŋ. Meticnao fuambeŋte eki rauc‐nâpokac; nâŋâc ŋicfâc‐ticne â sapa‐ticnere lama guru.
15590	PSA 102:3	Norao hâhâwic dameŋ maickeme, ʒâŋe maige mi bâsoŋke‐narezemec. Go hazec râe‐narec; no wira‐garepemu ʒoaŋ ira micnaneo biac rozemec.
15716	PSA 105:43	Iŋuc ehuc ŋicfâc‐ticne ʒerimaŋko jowac‐jopawec; bâwosâecfâc‐ticne jaŋe gae hehuc bâjâpembiŋ.
15717	PSA 105:44	Eme qâpuc jaŋere mâreŋ tahac‐jopawec; ŋicne ŋicne jaŋe wiac hure hemârec embiŋ, i hâcne tahac‐jopame rauckembiŋ.
15765	PSA 106:47	O Wofuŋ Anutu‐nâŋec, go bafic‐nâpoc, â qâpuc jaŋeraonec henusuc‐nâpoc; eme nâŋe tiri ʒâŋege daŋge âzâcnenʒepeneŋ, â mumbiaŋguhuc mu ʒeri enʒepeneŋ.
15767	PSA 107:1	Wofuŋ daŋge âzâcneniŋ, e uruc jauŋ‐ticnehec; â aki anonoc‐ticne fofo sanaŋ foocmu.
15819	PSA 108:10	Moabi e kike ʒuʒure râqâc‐nane; Edomtao kikehuhu‐nane wickecnepemu; Filisa mâreŋ saoreŋ qacnepemu.”
15866	PSA 111:5	E araŋ bacneeŋgopieŋ jaŋe nânâ bâfua‐jareekac; e ʒâʒâfic‐ticnere manasuhuc jaha juekac.
15875	PSA 112:4	Siocmâc jaŋe dapâcko tatamac fua‐jareocmu; ŋic tiŋnezi aki anonoc â buuruchec juekac.
15880	PSA 112:9	E boki bahuc hapetac wiac tahac‐jopaekac; tiŋne juju‐ticnezi foraʒihuc juocmu; eme ŋiczi sâsekupie ʒâŋe biŋe‐ticnezi feocmu.
15938	PSA 118:1	Wofuŋ daŋge âzâcneniŋ, e uruc jauŋ‐ticnehec; oc, aki anonoc‐ticne fofo sanaŋ fokac.
15951	PSA 118:14	Wofuŋ e tâpiri‐nane â mumuteŋ‐nane; e sisipirickonec babatara‐nane ewec.
15966	PSA 118:29	Wofuŋ daŋge âzâcneniŋ, e uruc jauŋ‐ticnehec; oc, aki anonoc‐ticne fofo sanaŋ fokac.
15992	PSA 119:26	Juju‐nanere fuŋne gazape mana‐naremeŋ; irec dâŋsanaŋge qazu‐narec.
16023	PSA 119:57	Wofuŋ, go kâdoc biaŋ‐nane; irec no dâŋge bajuzo mupaŋkekopac.