5061	DEU 5:6	“‘Noni Wofuŋ gore Anutu, noni hâcne Aigita mâreŋ, kâpâcwaru fic hâcne, irecnec bataracgupo.
5062	DEU 5:7	“‘Go nore maio nemu burec wiac moc mi bajuzemec.
5063	DEU 5:8	“‘Go ɋâŋ qâqâtâc moc barâ mi bajuzemec, sambâŋko mecne, mâreŋko mecne, opâo mecne, mâreŋmaŋko mecne, wiac forakac irec qâqâtâc moc mi bazemec.
5066	DEU 5:11	“‘Wofuŋge Anutu ere ʒâŋe mi sipirickezemec, ʒâŋe‐ticne sipirickeocmu ŋic e Wofuŋzi mi akickeocmu.
5067	DEU 5:12	“‘Go sabata hombaŋ i Wofuŋ Anutugezi mutâcne‐garewec irec sâc tiri foocte manasuzemec.
5071	DEU 5:16	“‘Go Wofuŋ Anutugezi mutâcne‐garewec irec sâc neŋgoc mamac jahecge sâsec‐jofazemec; iŋuc ehuc Anutu no mâreŋ râecgupemu ira dameŋ ʒora juhâc qâhâmocmu.
5072	DEU 5:17	“‘Go ʒika mi qazemec.
5073	DEU 5:18	“‘Ŋowe ŋonâŋ ŋohe bebehec mi ezepirec.
5074	DEU 5:19	“‘Go fiuc mi rozemec.
5075	DEU 5:20	“‘Go ŋic âgoge micko âkec mi ecnezemec.
5076	DEU 5:21	“‘Go ŋic âgofâcge jaŋere ŋokac, me fic hae‐jeŋic, me giegaŋ wiac‐jeŋic, me kiŋaŋ qaqafâc‐jeŋic ŋic me ŋokac, me bulimakao â doŋgifâc‐jeŋic, me wiac‐jeŋic i me i irec andac mi ezemec.’
5602	DEU 27:15	“‘Metâ bapa ŋic jaŋe ɋâŋ qâqâtâc wiac bapie Wofuŋzi maname wiac mamakâcne eekac i ŋic moczi moc jâczi me aeŋzi barâ soŋsoŋko heme ŋeocmu ŋic e sâweckenʒepieŋ.’ Iŋuc epie ŋic ŋokac jaŋe ʒeŋgoma dâŋ okacne ʒiŋuc munʒepieŋ: ‘Jâmbomac.’
5603	DEU 27:16	“‘Ŋic moczi neŋgoc mamac jahec‐ticne ʒaubac ejacteocmu e sâweckenʒepieŋ.’ Iŋuc epie ŋic ŋokac jaŋe ʒeŋgoma dâŋ okacne ʒiŋuc munʒepieŋ: ‘Jâmbomac.’
5604	DEU 27:17	“‘Ŋic moczi âgo‐ticnere mâreŋte ma bârârieocmu e sâweckenʒepieŋ.’ Iŋuc epie ŋic ŋokac jaŋe ʒeŋgoma dâŋ okacne ʒiŋuc munʒepieŋ: ‘Jâmbomac.’
5605	DEU 27:18	“‘Ŋic moczi ŋic ʒâŋe tiŋtuŋ moc ecneme hata qâsorieocmu e sâweckenʒepieŋ.’ Iŋuc epie ŋic ŋokac jaŋe ʒeŋgoma dâŋ okacne ʒiŋuc munʒepieŋ: ‘Jâmbomac.’
5606	DEU 27:19	“‘Ŋic moczi ŋic jabane me hozec bekâ jaŋere dâŋ muhasickeocmu e sâweckenʒepieŋ.’ Iŋuc epie ŋic ŋokac jaŋe ʒeŋgoma dâŋ okacne ʒiŋuc munʒepieŋ: ‘Jâmbomac.’
5607	DEU 27:20	“‘Ŋic moczi mamac‐ticnere ŋonâŋhec fohuc mamac‐ticne mimi qaqac ecneocmu e sâweckenʒepieŋ.’ Iŋuc epie ŋic ŋokac jaŋe ʒeŋgoma dâŋ okacne ʒiŋuc munʒepieŋ: ‘Jâmbomac.’
5608	DEU 27:21	“‘Ŋic moczi qowi jaŋehec sasec gie baocmu e sâweckenʒepieŋ.’ Iŋuc epie ŋic ŋokac jaŋe ʒeŋgoma dâŋ okacne ʒiŋuc munʒepieŋ: ‘Jâmbomac.’
5609	DEU 27:22	“‘Ŋic moczi seŋoc‐ticnehec foocmu e sâweckenʒepieŋ.’ Iŋuc epie ŋic ŋokac jaŋe ʒeŋgoma dâŋ okacne ʒiŋuc munʒepieŋ: ‘Jâmbomac.’
5610	DEU 27:23	“‘Ŋic moczi safeŋ‐ticnehec foocmu e sâweckenʒepieŋ.’ Iŋuc epie ŋic ŋokac jaŋe ʒeŋgoma dâŋ okacne ʒiŋuc munʒepieŋ: ‘Jâmbomac.’
5611	DEU 27:24	“‘Ŋic moczi ŋic âgo‐ticne soŋsoŋko qâhâmoocmu e sâweckenʒepieŋ.’ Iŋuc epie ŋic ŋokac jaŋe ʒeŋgoma dâŋ okacne ʒiŋuc munʒepieŋ: ‘Jâmbomac.’
5612	DEU 27:25	“‘Ŋic moczi ŋic moc kiŋ tâmiric qâhâmoocte furine râcnepie roocmu e sâweckenʒepieŋ.’ Iŋuc epie ŋic ŋokac jaŋe ʒeŋgoma dâŋ okacne ʒiŋuc munʒepieŋ: ‘Jambomac.’
5613	DEU 27:26	“‘Ŋic moczi sâcmutâc dâŋ ʒi reŋkehuc mi bajuocmu e sâweckenʒepieŋ.’ Iŋuc epie ŋic ŋokac jaŋe ʒeŋgoma dâŋ okacne ʒiŋuc munʒepieŋ: ‘Jâmbomac.’
5783	DEU 32:23	“‘No mupe fai‐jeŋicko sisipiriczi sisipiric feocmu, ehame tepe motec‐nanezi jaŋere faio qâtâcne‐fârepemu.
5799	DEU 32:39	“‘Ŋoŋe ʒi mana taraniŋ: No mocjahazi Wofuŋ jukopac, nore râpeo Anutu moc mi jukac. Noni hâcne ŋic qâhâmoc‐jopaekopac erâ mocwâc bâɋârec‐jopaekopac; no ʒâpâ joparâ mocwâc bâpiaŋ‐jopaekopac, ehame ŋic moczi moc nore meonec sâcne mi batarac‐jopaocmu.
9164	1KI 12:10	Iŋuc wio‐jareme e jahacnehec fua sokac embiŋ ŋicmotec i jaŋe ʒiŋuc âzâcnembiŋ: “‘Mamacgezi tagi bâmâmâcke‐nârewec â goki ine baafecke‐nârezemec,’ ŋic dâŋ iŋuc gazambieŋ jaŋe ʒiŋuc jazazemec: ‘Memotec‐nanere ɋâfoŋne i mamac‐nanere ombâŋ sirickekac.
19086	JER 3:15	“‘Erâ no maŋnanezi mana ʒiziwec‐jopaekopac, ŋic iŋucne hâcne soŋaŋ râec‐jopape jaŋe mamana â maŋɋârâŋhec juhuc soŋaŋ‐ŋopanʒepieŋ.
19090	JER 3:19	“‘Eme ʒiŋuc manapo: No ŋokâ‐nane mugarehuc mâreŋ fâri biaŋ jâmbâŋ moc ŋicguru gâcne jaŋere sâc sirickekac i hâcne garepemu. Erâ ʒiŋuc wâc manapo: “Mamac‐nane”, go iŋuc munarehuc bâjâpecnuhuc juku mocwâc mi râpecnucmu.
19529	JER 22:6	Wofuŋ no Juda ŋicwofuŋ erific‐ticnere ʒiŋuc mukopac: “‘No gore manape Gileade mâreŋ iŋucne â Lebanoŋ tiki botâŋne irec sâc ekomec; ʒi ine ima bacgupe hae sesucne â tuhutac erâ fozemec.
19531	JER 22:8	“‘Eme ŋicne ŋicne guru sâko jaŋe hae ʒi jâuruhuc jaŋackoaŋ muc manac erâ ʒiŋuc muniŋmu: “Wofuŋ e fuŋne weniŋucte hae sâko keci wiac iŋucne ecnewec?”
19836	JER 32:36	“‘Hae ʒi ʒika â roroc â huc hâmoczi qakume Babe ŋicwofuŋ ere meo feocmu’, ŋoŋe iŋuc mueŋgopieŋ, Wofuŋ Israere Anutu noni ine hae irec dâŋ ʒiŋuc mukopac:
26472	JHN 8:22	Iŋuc mume Judaŋic jaŋe mumbiŋ, “‘No ra jupemu ira wemocko fâniŋmu’, iŋuc wemocte mukac? Sahac‐ticne qarâ hâmoocte mukac me weniŋuc?”
26813	JHN 16:18	Iŋuc murâ harierâ mumbiŋ: “‘Dameŋ bembeŋne fokac,’ iŋuc wemocte mukac, nâŋe kâuc baŋgopeneŋ.”
30809	REV 2:24	“‘Tiatira haeonec ŋic gâcne ŋoŋe burecdâŋ i qikiŋneeŋgopieŋ, ehuc ŋic gâcne, Sataŋte fuŋne mana utuckeeŋgopeneŋ mueŋgopieŋ, jaŋe mi bafic‐jopaeŋgopieŋ, ŋoŋere mupe mananiŋ: No tagi gâcne fai‐ŋeŋicko mi râeckopac.