599	GEN 24:7	Wofuŋ, sambâŋte Anutu hâcne, mamac‐nanere fickonec â mame sâkofâc‐nane jaŋere mâreŋkonec jowacnu warewec eki dâŋ mupaŋkehuc ʒiŋuc nazawec: ‘Ɋâricfâcge jaŋe mâreŋ ʒi hâcne jarepemu.’ Wofuŋ eki hâcne ŋokâ‐nanere ŋonâŋ moc mâreŋ irecnec bâfuacmurâ aŋelo‐ticne ecneme bânie‐gareocmu.
630	GEN 24:38	Go mamac‐nanere haeo â mame sâkofâc‐nane jaŋerao ŋokâ‐nanere ŋonâŋ moc bâfuazemec.’
631	GEN 24:39	Iŋuc mume no bomboŋ‐nane ʒiŋuc âzâcnepo: ‘Ŋokac e mi mecne afeckerâ bâjâpecnuocmu.’
633	GEN 24:41	Go iŋuc etec mumupaŋ dâŋ i fârinehec eme taraocmu. Me mame sâkofâc‐nane jaŋerao fisitec ŋokac sakare‐garepie mumupaŋgezi fârimâc eme irec manabâc mi ezemec.’
636	GEN 24:44	ʒiŋuc bâtikierâ nazaocmu: “Nâc, eha kamelefâcge iŋuc jaha fia‐jarepe nânʒepieŋ.” Iŋuc mume ere mupemu: Wofuŋzi bomboŋ‐nanere ŋokac biŋe bâwosâewec hâcne.’
637	GEN 24:45	No maŋnanezi iŋuc muhuc mutarahape Rebekazi opâ kiruŋ hâpo fârâ opâ ʒâŋeo hurâ opâ fiajec. Eme no ʒiŋuc âzâcnepac: ‘Opâ narec nâpe.’
638	GEN 24:46	Mupe izia opâ kiruŋ rorâ mujec: ‘Nâc, ehame kamelefâcge fia‐jarepe nânʒepieŋ wâc.’ Iŋuc mume napac â eki kamele gumec‐jopajec wâc.
639	GEN 24:47	Tarame wiocnehuc mupac: ‘Go more naru?’ Eki mujec: ‘No Betuele ere otâ, e ine Naho â Milika jahere ŋokâ.’ Iŋuc nazame maŋŋuruc sâkenao râepac â megâŋ ine meombâŋ‐ticnao hecnepe fejec,
735	GEN 27:7	‘Go qowi moc baware‐narerâ nânâ aŋacne rike‐naretec hâmoczi mi rocnuha Wofuŋte maio jambuŋguzepac.’
885	GEN 31:11	Eme Anuture aŋelozi ʒiŋuc nazawec: ‘Jakobo!’ Eme no âzâcnepo: ‘No ʒi.’
903	GEN 31:29	Eme ʒi wiac i me i kosa eŋarezo murâ tâpiri mi basazapo. Mamacgere Anutuzi ine ŋafeo qatara‐narehuc ʒiŋuc mujec: ‘Go Jakobo dâŋ i me i moc mucnezicte rucge bazemec.’
1285	GEN 42:32	Nâŋe hahac ɋa 12 mamac‐nâŋecte ŋokâfâc, mocjahazi mârâc jaha sifuckewec â ɋaʒâc‐nâŋec e ine Kanaaŋ mâreŋko mamac‐nâŋechec jukac.’
1294	GEN 43:3	Mume Judazi ʒiŋuc âzâcnewec: “Ŋic e dâŋ mupaŋkehuc ʒiŋuc nâzâwec: ‘Ŋoŋe ɋaŋeŋic tâmiric nore maio mocwâc mi fuanʒepieŋ.’
1345	GEN 44:20	Eme nâŋe bomboŋ‐nâŋec go ʒiŋuc gazambeŋ: ‘Nâŋe mamac‐nâŋec jukac, erâ ŋicqizec erâ juha ɋaʒâc‐nâŋec moc fuawec. E hahac fuŋfuŋ‐ticne hâmowec. Neŋgoc‐jekiczi motec jajahec sawa rocjofawecte e mocsâkoa hâcne jukac, eme irec mamacnezi ere boc ecneekac.’
1346	GEN 44:21	Goki ine kiŋaŋŋicfâcge nâŋe ʒiŋuc nâzâmeŋ: ‘Ŋoŋe jowapie wareme honezepac.’
1347	GEN 44:22	Nâŋe ine bomboŋ‐nâŋec go ʒiŋuc gazambeŋ: ‘Motec e mamac‐ticne sâcne mi beheocmu, beheme muzac mamac‐ticnezi hâmozac.’
1350	GEN 44:25	Eme juku mamac‐nâŋeczi ʒiŋuc nâzâwec: ‘Ŋoŋe nânâ‐nâŋec furine baniŋte mocwâc ranʒepieŋ.’
1351	GEN 44:26	Iŋuc mume ʒiŋuc âzâcnembeŋ: ‘Nâŋe mâc mi ranaŋmu. Ɋaʒâc‐nâŋec e nâŋehec mâmâc ranaŋte mana‐nâretec sâcne ranaŋmu. E tâmiric ine ŋic ere maio sâcne mocwâc mi fuanaŋmu.’
1354	GEN 44:29	Eme ʒi jukac e wâc nowac ropie wiac moc fuacneme no jaŋɋâŋheczi busâqocko hâmope kiŋnane ŋoŋere faio feocmu.’
1357	GEN 44:32	Kiŋaŋŋicge no, motec ere riŋ ropemurâ mamac‐nanerao ʒiŋuc mupaŋkepo: ‘No mi bârisie‐garepemuo ine gore maio kiŋhec jaha juhape hâmoc dameŋ‐nane maickezejec.’
1370	GEN 45:11	Go ira juhaŋtec hone jauŋ egarepemu, i roroczi ʒuhuckerâ jara 5 foha go â wiacfâcge erâ wiac jugarekac sasawa ŋoŋe tac qararacne erâ junʒipiŋte iŋuc ezemec.’
1377	GEN 45:18	mamac‐ŋeŋic â ŋonâŋ naru motecfâc‐ŋeŋic norao jowac‐jopa warenʒepieŋ. Eme Aigita mâreŋko mâriri sâko fokac i hâcne ŋarepe mâreŋ ʒirec nânâ qowi nâ bac enʒepieŋ.’
1419	GEN 46:32	Erâ jaŋe lama soŋaŋ juhuc bulimakao gie baeŋgopieŋ wâc, irec lama â bulimakaofâc‐jeŋic â wiac‐jeŋic sasawa amec‐jopa warembiŋ.’
1421	GEN 46:34	iŋuc wio‐ŋareme ʒiŋuc âzâcnenʒepieŋ: ‘Kiŋaŋ qaqafâcge nâŋe mamacfâc‐nâŋec jaŋe iŋucne ɋie‐nâŋeckonecteaŋ qowi gie bapa jumbeŋzi jueŋgopeneŋ.’ Ŋoŋe iŋuc âzâcnepie Goseŋ mâreŋko juniŋte mana‐ŋareocmu; i Aigita ŋic jaŋe lama bulimakao soŋaŋ jaŋere manapie mamakâcne eekac irec.”
1456	GEN 48:4	ʒiŋuc nazawec: ‘Manakic, no basawecgupe sawe mâririackezemec, erâ go ŋicguru sâko ehaŋtec ɋâricfâcge jaŋe mâreŋ ʒi jarepe jaŋere biŋe esanaŋkezejec.’
1524	GEN 50:17	‘Josefe âzâcnenʒepieŋ, hahacfâcge nâŋe wiac hehesicne egarembeŋ kiŋ bahac‐nâŋec i sifu behezemec.’ Irec numu‐gareŋgopeneŋ hâcne, mamacgere Anutu ere kiŋaŋ qaqafâc juŋgopeneŋte kiŋnâŋec behezemec.” Josefezi dâŋ i manarâ kiowec.
1595	EXO 3:15	Erâ Mose ʒuhuckerâ âzâcnewec: “Israe ŋic ʒiŋuc jazazemec, ‘Wofuŋ, mimiŋnefâc‐ŋeŋic Abraham, Isaka â Jakobo jaŋere Anutu, eki ŋoŋerao sorecnukac.’ Izi ʒâŋe‐nane fofo sanaŋ ekac, mimiŋzi ɋâric ʒâŋe‐nane iŋuc hâcne muhuc junʒepieŋ.
1598	EXO 3:18	Eme jaŋe dâŋge manapie fârine eha go Israe ŋic micne jaŋehec Aigita ŋicwofuŋ erao rarâ âzâcnenʒepieŋ, ‘Wofuŋ, Hebiraio ŋic nâŋere Anutu e fua‐nârewec, irec mana‐nâretec nâŋe ʒoaŋ jahec â moc ra juku mâreŋ tuhuo Wofuŋ Anutu‐nâŋec taha bâzi rikecnenʒepeneŋ.’
1641	EXO 5:8	Erâ juwicnao qânâ rikeniŋte mujarekicne ʒare i moc mi bawahahuc ijaha bâfuanʒepieŋ. I jaŋe ojoŋ juhuc ʒiŋuc muŋgopieŋte: ‘Nâŋe ra Anutu‐nâŋec bâzi rikecnenʒepeneŋ.’
1650	EXO 5:17	Eme eki muwec: “Ŋoŋe ŋic ojoŋne, ojoŋ juŋgopieŋ hâcne. Irec muŋgopieŋ, ‘Nâŋe ra Wofuŋ bâzi rikecnenʒepeneŋ.’
1757	EXO 9:14	No dameŋ ʒi hâcne go â wiacfâcge â ŋic gurufâcge wiac hâhâwicne jâmbâŋ eŋarepe ʒiŋuc mana tarazemec: ‘Mâreŋ sâko mâreŋ ira Anutu iŋucne moc mi jujâmbâŋkekac.’
1876	EXO 13:8	Ehame gie bapa ira ŋokâfâc‐ŋeŋic ʒiŋuc jazanʒepieŋ: ‘I Wofuŋzi Aigita mâreŋkonec wahahapene ehâmo‐nârewecte iŋuc fuakac.’
1883	EXO 13:15	Farao e râec‐nâpoocte maŋsanaŋ erâ qikiŋnewecte Wofuŋzi Aigita mâreŋko mârâc fufua sasawa, ŋicte mecne qowire mecne qâhâmoc‐jopa‐fârewec. Eme irec hâcne neŋgoc bumaŋkonec mârâc fufua sasawa i Wofuŋte bâzi rikeeŋgopeneŋ. Mârâc ŋokâfâc‐nâŋec jaŋere kiwiric ine roeŋgopeneŋ.’
1893	EXO 14:3	Farao eki Israe ŋicguru jaŋere ʒiŋuc muocmu hâcne: ‘Mâreŋ burocnezi râreŋ bârâreŋ fokacte jaŋe kosa qac qâsoric ehuc juŋgopieŋ.’
1930	EXO 15:9	Râsizi muwec: ‘No jopa jâpec ejarehuc jowarupe, no mateŋ bâtâc bape andac‐nane omaezejec. No ʒika‐nane bâfeŋnepe menanezi jopa miziezejec.’
2040	EXO 19:13	Ŋic moczi moc mi bâuazejec, bâuame qânâzi hehâmozo me tepezi muru‐hâmozo, ŋic me qowi e moc mi jujâmbâŋkezejec.’ Qeŋ ʒoricne dâŋeme manarâ ine tiki fuŋko warenʒepieŋ.”
2078	EXO 20:26	Go ririo fehuc alata‐nane mi maickezemec, iŋuc etecne alata maŋfuŋnao mimige jaŋgeŋkezacte.’
2462	EXO 32:23	Jaŋe ʒiŋuc nazambiŋ hâcne: ‘Go nemu bâfuac‐jopatec bânie‐nârepie ranʒepeneŋ; Aigita mâreŋkonec jowac‐nâpo warewec, Mose hâcne, ŋic e sifucke wiac moc ewec me weniŋuc i mi manaŋgopeneŋ.’
2463	EXO 32:24	Iŋuc mupie jazapo, ‘Moc e eri wiac golzi bakicne moc bajuekacko hetarazejec.’ Eme narepie ʒocko behepe hume bulimakao qâqâtâc ʒi hâcne fuawec.”
2475	EXO 33:1	Eme Wofuŋzi Mose ʒiŋuc âzâcnewec: “Ajoc, go â ŋicguru Aigita mâreŋkonec jowac‐jopa waremeŋ ŋoŋe ʒirecnec rahuc juku Abraham, Isaka â Jakobo mâreŋ mupaŋke‐jarehuc biŋe qajarepo ira fisinʒepieŋ. Ʒiŋuc hâcne mupaŋke‐jarepo: ‘Ɋâricfâc‐ŋeŋic jarezokopac.’
2486	EXO 33:12	Eme Mose e Wofuŋ âzâcnerâ muwec: “Manakic, go ŋicguru ʒi bacjopa rapemurâ munaremeŋ, erâ mo ŋic mo soretec nohec mâmâc ranacmu, i ine mi mutec manaekopac; kecʒiŋuc ine nazameŋ: ‘No ʒâŋege manaekopac â honeriŋguekopac.’
2949	LEV 8:31	Erâ Mose e Aroŋ â ŋokâfâcne ʒiŋuc jazawec: “Ŋoŋe tutumaŋ qoruc bozere motâcko qowi biuc rikerâ poroŋ mumufirie kâdocko fokac ihec mâmâc nânʒepieŋ. No irec hâcne ʒiŋuc mutâcne‐ŋarepo: ‘Aroŋ go â ŋokâfâcge ŋoŋe nânʒepieŋ.’
3343	LEV 20:24	Ŋoŋe ine dâŋ ʒiŋuc muhuc mupaŋke‐ŋarepo: ‘Ŋoŋe jaŋere mâreŋ susu â baŋac fusucmarâ qâmbâriŋkeekac i hâcne ro rauc epie ŋoŋere biŋe ezejec.’ No Wofuŋ ŋoŋere Anutu, noni hâcne ŋic gurune gurune jaŋere ŋondeŋkonec rowosâec‐ŋopapo.
4038	NUM 11:13	No qowi wenirec bâfuarâ ŋic gumec‐jopape sâcjopa‐fâreocmu? Jaŋe nore maio kiohuc ʒiŋuc hâcne mueŋgopieŋ: ‘Go qowi moc bâfua‐nâretec nânʒepeneŋ.’
4046	NUM 11:21	Mosezi ine ʒiŋuc muwec: “Ŋic nohec hata wareŋgopieŋ jaŋere ʒare i 600 tauseŋ, eme go sifu mukomec: ‘No qowi bâfua‐jarepe nâhuc juhapie mosa moc tarazejec.’
4127	NUM 14:18	‘No kimbeŋ‐nane uneŋne â buuruc‐nane ɋârâŋne, no hehesic â qaqatara‐jeŋic behekopac, kiŋ hureeŋgopieŋ jaŋe ine okacne bazu‐jare rahuc juhape naru motec ŋosafâc‐jeŋic jaŋerao tarazokac.’
4460	NUM 24:13	‘Balake e ficticnao siliwa â gol fusucmarâ fokac i nare tahac eocmuo ine no sifu Wofuŋte dâŋ huckerâ nahacne maŋte wiac biaŋne me sâqocne moc mi epemu. Wofuŋzi dâŋ nazaocmu i sawa mupemu.’
4581	NUM 28:2	“Go Israe ŋic ʒiŋuc mutâcne‐jarezemec: ‘Nore taha bâzi rikepie âsu biaŋ fuaekac i dameŋ mupaŋkekicnao rike râec enʒepieŋ.’
4732	NUM 32:12	Mâc Keniʒi ŋic Jefune ere ŋokâ Kalebe â Nuŋte ŋokâ Josua jahe sawa norao qohota sanaŋkepicte raʒinicmu.’
4902	DEU 1:8	Manaŋgopieŋ, no mâreŋ i hâcne ŋarezo ekopac, irec ŋoŋe raʒirâ, mamac ŋosafâc‐ŋeŋic Abraham, Isaka â Jakobo erâ ɋâricfâc‐jeŋic mâreŋ jarepemurâ mupaŋke‐jarepo i ro rauc enʒepieŋ.’
4908	DEU 1:14	Iŋuc ŋazape dâŋ ʒiŋuc bâtikie‐narembiŋ: ‘Wiac ebac enaŋte nâzâkomec i manapene biaŋkekac.’
4911	DEU 1:17	Ŋoŋe dâŋ ŋifecpeaŋ sawa mi mutaranʒepieŋ; ŋoŋe ŋic fekicne me waha qaqane jaŋere dâŋ sâkoa mananʒepieŋ, ehuc ŋic jaŋere mi hâwic‐ŋopazejec, dâŋ mutaraniŋmu i Anuture manasuhuc mutaranʒepieŋ. Me dâŋ moc manapie ŋemâckeme norao bawarepie manazepac.’
4915	DEU 1:21	Manaŋgopieŋ, Wofuŋ Anutu‐ŋeŋic e mâreŋ i ŋarezo ekac, irec ŋoŋe Wofuŋ, mamacfâc‐ŋeŋic jaŋere Anutuzi dâŋ ŋazawec irec sâc ehuc ro rauc enʒepieŋ; ehuc mi hâwic‐ŋopaha hâbi gogoroŋ wâc mi enʒepieŋ.’
4916	DEU 1:22	Iŋuc ŋazape ŋoŋe ʒeŋgoma fua‐narehuc ʒiŋuc nazambiŋ: ‘Nâŋâc ŋic sorec‐jopapene bânie rarâ mâreŋ hone tâcnenʒepieŋ, ehuc hata wena raku hae wenimoira fisinaŋmu i hone manac erâ binaŋ banârenʒepieŋ.’
4919	DEU 1:25	Erâ mâreŋ irec jâcfâri wiac gâcne rorâ bafisi‐nârembiŋ, ehuc dâŋ binaŋ ʒiŋuc enârembiŋ: ‘Wofuŋ Anutu‐nâŋeczi mâreŋ nâre tahac ekac i mâreŋ biaŋne jâmbâŋ.’
4925	DEU 1:31	Erâ mâreŋ burocnao ʒiŋuc honembiŋ wâc: Ŋic moczi ŋokâ‐ticne âsi qataŋ ecneekac irec sâc jaha Wofuŋ Anutu‐ŋeŋiczi âsi qataŋ eŋare warehuc juha hae mâreŋ ʒira fisimbiŋ.’
4930	DEU 1:36	Jefunere ŋokâ Kalebe eki ine maŋticne hâcbuc jaha Wofuŋ norao râeme foekac, erâ mâreŋ i wâc âtewec; irec e jahacne â ɋâricfâcne jaŋe sawa mana‐jarepe mâreŋ i honenʒoŋgopieŋ.’
4934	DEU 1:40	Ŋoŋe ine mâreŋ burocnao risierâ raniŋte Hâwec Bâbâroŋkopec ranʒepieŋ.’
4935	DEU 1:41	“Iŋuc ŋazape dâŋ kecʒiŋuc bâtikie‐narembiŋ: ‘Nâŋe sâqocne bahuc Wofuŋ bunao bambeŋ, irec Wofuŋ Anutu‐nâŋeczi dâŋ nâzâ mutâc ewec irec sâc jaha ehuc ferâ ʒika qanʒepeneŋ.’ Ŋoŋe sasawa iŋuc muhuc ʒikare wiac rofârerâ tiki mâreŋko feraniŋte manapie afeckewec.
4936	DEU 1:42	Iŋuc epie Wofuŋzi ʒiŋuc nazawec: ‘Go ʒiŋuc jazac: No ŋondeŋ‐ŋeŋicko mi juhape râsifâc‐ŋeŋic jaŋe ŋopanʒipiŋte ʒika qazo mi fenʒepieŋ.’
4947	DEU 2:7	No Wofuŋ Anutu‐ŋeŋiczi wiac ebac ehuc jumbiŋ sasawa i jambuŋke‐ŋarepo, ehuc mâreŋ burocne ʒi fotâcnehuc juhapie hone manac eŋareekopac wâc; no Wofuŋ Anutu‐ŋeŋiczi jara 40 sâko ŋoŋehec juhape wiac moc mi basambiŋ.’
4949	DEU 2:9	Ehame Wofuŋzi kecʒiŋuc nazawec: ‘Ŋoŋe Moabi ŋic maŋbâiŋ ejarehuc ʒika mi qanʒepieŋ; no Ari hae Lotire ɋâricfâc jaŋe jarepe ro rauc embiŋ, irec Moabi ŋic jaŋere mâreŋ dâkâne ŋarepe moc mi rauckeniŋmu.’
4953	DEU 2:13	‘Irec ŋoŋe ʒi faharerâ raku Ʒerede opâ fotâcneniŋ.’ Wofuŋzi iŋuc nâzâme nâŋâc raku Ʒerede opâ fotâcnembeŋ.
4959	DEU 2:19	Jâururâ raku Amoŋŋic jaŋere mâreŋ bâqiŋkerâ maŋbâiŋ ejarehuc ʒika mi qanʒepieŋ; no mâreŋ‐jeŋic Lotire ɋâricfâc jaŋe jarepe ro rauc embiŋte Amoŋŋic jaŋere mâreŋ dâkâne ŋarepe ro rauc moc mi eniŋmu.’
4965	DEU 2:25	No miŋecgac hâcne fuŋkerâ, sambâŋ rurumaŋnao ŋic gurune gurune juraŋgopieŋ jaŋe ejarepe ŋoŋere hâwic‐jopaha bipic tatara ejarezejec. Jaŋe ŋoŋere biŋe manarâ ɋarac ɋarac qahuc maŋjeŋic gâckezejec.’
4969	DEU 2:29	Esaure ɋâricfâc Seiri tiki mâreŋko juŋgopieŋ â Moabi ŋic Ari haeo juhuc mana‐nârembiŋ, iŋuc jaha mana‐nârehaŋ mâreŋge kikezi fotâcnerâ raku Jordaŋ opâ qarâ Wofuŋ Anutu‐nâŋeczi mâreŋ nâre tahac ekac ira raʒinʒepeneŋ.’
4971	DEU 2:31	Eme Wofuŋzi kecʒiŋuc nazawec: ‘Manakic, no Sihoŋ â mâreŋ‐ticne i meŋeŋicko râezo ekopac, irec ŋoŋe fuŋkerâ mâreŋ‐ticne ro rauc enʒepieŋ.’
4979	DEU 3:2	Wofuŋzi ine kecʒiŋuc nazawec: ‘Ŋoŋe ere mi hâwic‐ŋopaoc, noni hâcne e jahacne â ŋicfâc‐ticne erâ mâreŋ‐ticne meŋeŋicko râe‐fârekopac. Irec ŋoŋe Amori ŋicwofuŋ Sihoŋ e Hesiboŋ haeo juhame wiac ecnembiŋ sâc ijaha Ogo ecnenʒepieŋ.’
4997	DEU 3:20	Eme Wofuŋzi ŋoŋe wama bâfua‐ŋarewec iŋuc jaha qomâfâc‐ŋeŋic jaŋe bâfua‐jareocmu. Eme Wofuŋ Anutu‐ŋeŋiczi Jordaŋ opâ ocniŋucnao mâreŋ jare tahac ekac i ro rauc efarenʒepieŋ. Iŋuc epie tarame ŋoŋe ru sâc mâreŋ kâdoc qaŋarepo ʒira risienʒepieŋ.’
4999	DEU 3:22	Irec ŋoŋe jaŋere mi hâwic‐ŋopazejec; Wofuŋ Anutu‐ŋeŋic e bafic‐ŋopahuc iŋuc hâcne eocmu.’
5002	DEU 3:25	Irec mana‐narehaŋ Jordaŋ opâ ocniŋucnao mâreŋ biaŋ fokac, tiki mâreŋ biaŋne â Lebanoŋ tiki hâcne, i honezepac.’
5005	DEU 3:28	Josua ine mu baafec ecnerâ hâbidâŋ âzâcnetec ŋic ŋokac micne bajarehuc opâ fotâcnerâ, mâreŋ honecmu i bâtâc bajareme ro rauc enʒepieŋ.’
5012	DEU 4:6	Irec ŋoŋe mana rereŋ eniŋ. Iŋuc epie ŋic gurune gurune jaŋe dâŋsanaŋ i mana‐fârerâ ŋoŋere manapie ŋic maŋɋârâŋ â mamanahec eha ʒiŋuc muŋareniŋmu: ‘Opoŋ, ŋicguru keci jaŋe jâmbomac maŋɋârâŋ â mamanahec juŋgopieŋ.’
5076	DEU 5:21	“‘Go ŋic âgofâcge jaŋere ŋokac, me fic hae‐jeŋic, me giegaŋ wiac‐jeŋic, me kiŋaŋ qaqafâc‐jeŋic ŋic me ŋokac, me bulimakao â doŋgifâc‐jeŋic, me wiac‐jeŋic i me i irec andac mi ezemec.’
5082	DEU 5:27	Irec go bembeŋko rarâ Wofuŋ Anutu‐nâŋecte dâŋ manazemec, erâ dâŋ gazaocmu sâc i risie nâzâtec mana rereŋ enʒepeneŋ.’
5086	DEU 5:31	Go gahac ine ʒira nore maŋfuŋko domazemec, eme no sâcmutâc dâŋ â dâŋsanaŋ erâ mumutâc dâŋ sasawa qazu‐jarecmu i gazapemu. Eme jaŋe mâreŋ jarepe ro rauc eniŋmu ira juhuc mana rereŋ enʒepieŋ.’
5113	DEU 6:25	Eme Wofuŋ Anutu‐nâŋec e sâcmutâc keci nâzâ mutâc ewec i ere maio aijakic jaha mana rereŋ efârepene irec erâ mana‐nâreme kiŋnâŋec taraocmu.’
5156	DEU 8:17	Ŋoŋe ʒiŋuc munʒipiŋte rucgereŋ‐ŋeŋic banʒepieŋ: ‘Menâŋec â tâpiri‐nâŋecte fârine mâriri sâko ʒi bâfuaŋgopeneŋ hâcne.’
5163	DEU 9:4	“Wofuŋzi ŋic keci jaŋe ʒâŋe fai‐ŋeŋicko jopa qâtâtiec ejareme maŋŋeŋiczi kecʒiŋuc mi munʒepieŋ: ‘Wofuŋ e tiŋne juju‐nâŋecte erâ mâreŋ ʒi ro rauc enaŋte bacnâpo warewec.’ Aricne, Wofuŋ e ŋic gurune gurune keci jaŋe hehesic‐jeŋicte erâ ʒâŋe fai‐ŋeŋicko jopa jâpec ejareocnu.
5171	DEU 9:12	Ehuc ʒiŋuc nazawec: ‘Ajoc, go ŋicfâcge Aigita mâreŋkonec bacjopa waremeŋ jaŋe wiac mamakâcne eŋgopieŋte biac faharerâ huc. Jaŋe hata jaza jowatuc epo i biac râpeckehuc aeŋzi ɋâŋ qâqâtâc moc bambiŋ.’
5173	DEU 9:14	Irec behehaŋ bâsirowec‐jopape ʒâŋe biŋe‐jeŋic mâreŋko omaezejec; ehame go basawecgupe jaŋere sâc sirickehuc ŋicguru kâcɋene â tâpiri sâkohec ezemec.’
5188	DEU 9:29	Jaŋe ŋicfâcge â ʒâŋetucfâcge tâpiri sâko â mesanaŋgezi jowac‐jopa wahameŋ hâcne.’
5190	DEU 10:2	Eme qorac tapa qanʒaŋnemeŋ irec fainao dâŋqâreŋ fowec ijaha qâreŋkepe katapa maŋko râetec huzejec.’
5199	DEU 10:11	Wofuŋ e iŋuc erâ ʒiŋuc nazawec: ‘Ajoc, go faharerâ ŋic micne bajaretec hata ʒuhuckerâ raku mamacfâc‐jeŋic mâreŋ mupaŋke‐jarepo ira fisirâ ro rauc enʒepieŋ.’
5272	DEU 12:30	Ehuc jaŋe sirowe‐fârehapie ŋoŋe dockerâ jaŋere kike hata bâjâpehuc nemufâc‐jeŋic jaŋere ʒiŋuc mu wioc enʒipiŋte rucŋeŋic banʒepieŋ: ‘Ŋic gurune gurune keci jaŋe weniŋuc erâ nemufâc‐jeŋic araŋ bajarembiŋ. Jaŋe embiŋ sâc ijaha ezo muŋgopeneŋ.’
5276	DEU 13:3	Izi juku fârine fuame ʒiŋuc muocmu: ‘Nemu furune bâjâpec‐jopahuc kiŋaŋ qajarenʒepieŋ.’
5280	DEU 13:7	“Neŋgocgere ŋokâ, hahacge hâcne, me gahacne ŋokâ me otâge me joroc ŋonâŋge me âgo fâri‐jâmbâŋge, ŋic ŋokac i jaŋe eatucguhuc ʒiŋuc gazaniŋmu: ‘Ajoc, nâŋâc nemu gâcne kiŋaŋ qajarenaŋ.’ Go gahacne â mamacfâcge ŋoŋe ine nemu i moc mi manac‐jopaeŋgopieŋ.
5287	DEU 13:14	Ŋic repic qapicne gâcne ŋondeŋ‐ŋeŋickoneczi fuarâ hae rune eatuc‐jopahuc ʒiŋuc muŋgopieŋ: ‘Ajoc, nâŋâc ra nemu gâcne kiŋaŋ qajarenaŋ.’ Ŋoŋe ine nemu i jaŋe moc mi manac‐jopaeŋgopieŋ.
5330	DEU 15:9	Maŋŋeŋiczi dâŋ sâqocne manasuhuc ʒiŋuc munʒipiŋte rucŋeŋic banʒepieŋ: ‘Jara 7, tofa bebehe jara hâcne maickekac.’ Ŋoŋe iŋuc murâ qomâfâc‐ŋeŋic ʒâŋe ʒârâ honec‐jopahuc wiac moc mi jareniŋmuo ine jaŋe Wofuŋ kio wâwâsic ecnepie ŋoŋerao kiŋnehec eocmu.
5380	DEU 17:14	“Ŋoŋe Wofuŋ Anutu‐ŋeŋiczi hae mâreŋ ŋare tahac eocmu ira fisirâ ro rauc erâ juku ʒiŋuc muniŋmu: ‘Ŋic gurune gurune rârec‐nâporâ juhuc mâsi eeŋgopieŋ iŋuc jaha ehuc ŋicwofuŋ moc âkendâŋnepene junârezejec.’
5402	DEU 18:16	Ŋoŋe Horebe tikio tutumaŋ sâko ehuc Wofuŋ Anutu‐ŋeŋic wira wâwâsic ecnembiŋ irec sâc hâcne fuaocmu. Ŋoŋe ʒiŋuc hâcne mumbiŋ: ‘Nâŋe hâmonʒipeŋte Wofuŋ Anutu‐nâŋecte dâŋmarac mocwâc mi mananʒepeneŋ â ʒocbâruŋ sâko‐ticne mocwâc mi honenʒepeneŋ.’
5406	DEU 18:20	Me porofete moc e maŋfefe ehuc noni dâŋ âzâcne mutâc mi ecnehape e jahacne maŋte nore ʒâŋeo me nemu jaŋere ʒâŋeo ɋetickehuc dâŋ muocmu e hâmozejec.’
5408	DEU 18:22	Irec ʒiŋuc mananiŋ: Porofete moc e nore ʒâŋeo dâŋ mume fâri tâmiric eme honerâ munʒepieŋ: ‘Dâŋ i Wofuŋzi mi muwec.’ Eme porofete e maŋfefe ehuc dâŋ muwecte ere mi hâwic‐ŋopazejec.
5436	DEU 20:7	Me ŋic moc e ŋokac biŋe‐ticne mi rowecko ʒikao hâmome ŋic moczi rozacte risiezejec.’
5437	DEU 20:8	Jaŋe momori ŋic iŋuc jazahuc ʒuhuckerâ ʒiŋuc jazanʒepieŋ wâc: ‘Ŋic moc e maŋticne goroŋkeme hâwickeocmu e risiezejec; e maŋ gogoroŋ ecneme âgofâcne jaŋere maŋ iŋuc jaha ezacte iŋuc ezejec.’
5469	DEU 21:20	Ehuc soŋaŋ micne ʒiŋuc jazazepirec: ‘Ŋokâ‐nâhec ʒi e motec râŋgeŋne â qaqatarane, e dâŋnâhec moc mi reŋkeekac; e nâ araŋ ehuc opâ sanaŋ âmbâŋ nâekac.’
5486	DEU 22:14	ehuc mimi qaqa ecnerâ qorickehuc ʒiŋuc muocmu: ‘No ŋokac ʒi rorâ ehec fohuc ʒiŋuc hone tarakopac: E ŋokac ʒeŋoŋ mocwâc mi jukac.’
5489	DEU 22:17	mimi qaqa ecnehuc ʒiŋuc mukac: Naruge e ŋokac ʒeŋoŋ mocwâc mi jukac, no fuŋne‐ticne iŋuc honekopac.’ Iŋuc muhuc neŋgoc mamac jahe fofo qoruc i haere soŋaŋ jaŋere maio qaratiezepirec.
5556	DEU 25:7	Me ŋic e hahac‐ticnere hozec qikiŋneme ine ŋokac e soŋaŋ micne jaŋerao rarâ ʒiŋuc jazazejec: ‘Ŋowe‐nanere ɋa e hahac‐ticnere ʒâŋezi Israe ŋondeŋko ʒuhuckerâ foocte mi ecnekac, ehuc hahac‐ticnere gie tofa i norao baocte takickekac.’
5557	DEU 25:8	Iŋuc jazame haere soŋaŋ micne jaŋe ŋic e hefârehuc dâŋ âzâcnenʒepieŋ. Eme ŋic e sifu sanaŋkehuc ʒiŋuc muocmu mecne: ‘No ŋokac e rozore takicnukac.’