438	GEN 18:13	Eme Wofuŋzi Abraham ʒiŋuc wiocnerâ âzâcnewec: “Sara e wemocte ʒiŋuc muhuc gâwiekac: ‘No ŋokac qizec ekicnezi jâmbomac motec sâcne kiweckerâ ropemu?’
639	GEN 24:47	Tarame wiocnehuc mupac: ‘Go more naru?’ Eki mujec: ‘No Betuele ere otâ, e ine Naho â Milika jahere ŋokâ.’ Iŋuc nazame maŋŋuruc sâkenao râepac â megâŋ ine meombâŋ‐ticnao hecnepe fejec,
1298	GEN 43:7	Mume mumbiŋ: “Ŋic e nâŋe nâŋâcne â wiacfâc‐nâŋec ŋoŋere mu indiŋ enârehuc muwec: ‘Mamac‐ŋeŋic jukac me? Erâ ɋaŋeŋic moc jukac me weniŋuc?’ Iŋuc eme juŋgopeneŋ sâc irec dâŋ âzâcne‐fârembeŋ. Eme eki, ‘Ɋaŋeŋic jowa warenʒepieŋ,’ iŋuc muocmu, i wemocko mananʒapeŋ.”
1344	GEN 44:19	Bomboŋ‐nâŋec go kiŋaŋŋicfâcge ʒiŋuc muhuc wio‐nâremeŋ: ‘Ŋoŋe mamac‐ŋeŋic me ɋaŋeŋic moc jukac me?’
1593	EXO 3:13	Eme Mosezi Anutu âzâcnewec: “No Israe ŋic jaŋerao ra fisirâ ʒiŋuc jazapemu, ‘Mimiŋnefâc‐nâŋec jaŋere Anutuzi ŋoŋerao sorecnukac,’ eme jaŋe, ‘Anutu ʒâŋene mo?’ iŋuc muhuc wio‐narepie weniŋuc jazapemu?”
1843	EXO 12:26	Eme naru motecfâc‐ŋeŋic jaŋe, ‘I fuŋne weniŋucte eeŋgopieŋ?’ iŋuc wio‐ŋarepie
1882	EXO 13:14	Eme juku ʒâhec ŋokâfâc‐ŋeŋic ʒiŋuc wio‐ŋareŋimu: ‘Wiac i fuŋne weniŋucte eeŋgopieŋ?’ Eme ʒiŋuc jazanʒepieŋ: ‘Wofuŋ e mesanaŋ‐ticnezi Aigita kâpâcwâru fickonec batarac‐nâporâ jowac‐nâpome wahambeŋ.
1902	EXO 14:12	Nâŋe ocna Aigita mâreŋko ʒiŋuc mi gazambeŋ me, ‘Go behec‐nâpotec nâŋe sifu Aigita ŋic kiŋaŋ qajarenʒepeneŋ?’ Nâŋe Aigita ŋic jaŋere kiŋaŋ qahuc junʒapeŋ muzac afecke‐nârezac, ʒi ine mâreŋ burocnao hâmo sipiric enaŋmu ekac.”
2451	EXO 32:12	Go iŋuc etec Aigita ŋic jaŋe ʒiŋuc muniŋmu i: ‘Imac‐jopaocte manasuhuc tiki mâreŋko bacjopa rawec, ehuc mâreŋkonec bâsirowec‐jopaocte iŋuc hâcne ewec?’ Irec sifu ŋicfâcge jaŋere buge sâqoreme mana uruetec kimbeŋgere ʒoc qaʒuezejec.
3490	LEV 25:20	Ŋoŋe ʒiŋuc muniŋmu mecne: ‘Nâŋe jara namba 7 ira he sarac â qa roro mi ehuc wemo wiac moc nâ bac enaŋmu?’
4037	NUM 11:12	Noni neŋgoc‐jeŋic jukopac me? Me noni bâfuac‐joparâ mâreŋko râec‐jopapo irec go ʒiŋuc nazakomec: ‘Go ŋokac moczi kogoc‐ticne hâpo heâroŋ ecneekac irec sâc ŋic ʒi jaŋe ejarehuc mamacfâc‐jeŋic mâreŋ biŋe qajarepo ira jowac‐jopa razemec?’
5108	DEU 6:20	“Juku ŋokâfâc‐ŋeŋic jaŋe ʒiŋuc mecne wio‐ŋareniŋmu: ‘Wofuŋ Anutu‐nâŋeczi mumutaniŋ â mumutâc dâŋ erâ dâŋsanaŋ ŋaza mutâc ewec irec fuŋne weniŋuc fokac?’
5130	DEU 7:17	“Ŋoŋe maŋŋeŋiczi ʒiŋuc mecne muniŋmu: ‘Ŋicguru keci jaŋe nâŋere sâc sirickehuc tâpiri sâkohec eŋgopieŋ, irec weniŋuc erâ mâreŋ‐jeŋic ro rauc enaŋmu?’
5407	DEU 18:21	Me ŋoŋe ʒiŋuc mu wioc eniŋmu mecne: ‘Dâŋ i Wofuŋzi muwec me mâcne, i weniŋuc erâ fuŋne mananaŋmu?’
5705	DEU 29:23	Iŋuc honerâ jaŋacne mecne â ŋic gurune gurune jaŋe mecne mâmâc ʒiŋuc mu wioc eniŋmu: ‘Wofuŋ e wemocte mâreŋ ʒira sisipiric iŋucne bâfuawec, â wemocte boc aarickekac?’
5722	DEU 30:12	Sambâŋko mi fokacte ʒiŋuc mi muzo: ‘Mozi ferâ bawaha‐nâreme mana rereŋ enaŋmu?’
5723	DEU 30:13	Me hâwec ocniŋucnao wâc mi fokacte ʒiŋuc mi muzo: ‘Mozi hâwec fotâcnerâ baware‐nâreme mana rereŋ enaŋmu?’
5933	JOS 4:21	Ehuc Israe ŋic ŋokac jazarâ muwec: “Juku ɋâricfâc‐ŋeŋic jaŋe, ‘Qânâ ʒi fuŋne wemocte ŋekac?’ Mamacfâc‐jeŋic iŋuc wio‐jarepie
6455	JOS 22:27	guru jajahec nâŋâcne ma eocte bambeŋ. Erâ ŋic gaŋne gaŋne faicnao fua raniŋmu jaŋere wâc mâmâc ezejec. Wiac izi hâcne ʒiŋuc mutâcne‐jarezejec: Nâŋe Wofuŋ Anutu araŋ bacnehuc qowi bâzi ririke, taha bâzi erâ wama bâzi i bajueŋgopeneŋ wâc. Erâ juku nacnere ŋoŋere ɋâricfâc jaŋe nâŋere ɋâricfâc ʒiŋuc jazanʒipiŋte alata ʒi bakicne: ‘Ŋoŋe Wofuŋhec ʒuʒuhuc‐ŋeŋic moc fokac me?’
6621	JDG 4:20	Iŋuc eme ŋic e ŋokac âzâcnerâ muwec: “Motâcko domazemec. Eme ŋic i me i moczi fisirâ wio‐gareocmu: ‘Ʒira ŋic moc juŋgopieŋ me?’ Eme muzemec, aricne.”
6653	JDG 5:28	“Eme Sisera neŋgoc‐ticne e qâqâtâc kataŋ aaŋ bakicne ira firâ râqârewec. Ehuc muwec: ‘Wemocte ʒika keretac‐ticnezi biac mi warekac? Â wemocte keretac fâfâre becâsic jaŋere kike fânâŋ dameŋ ʒoranehec ekac?’
6758	JDG 9:2	“Ŋoŋe Sikem haere ŋic ŋokac sasawa ʒiŋuc muhuc jazaniŋ: ‘Jeru‐Baali ŋokâfâc‐ticne 70 jaŋe ʒeŋgoma soŋaŋ‐ŋopapie sâckeocmu me mocjahazi soŋaŋ‐ŋopame manapie sâckeocmu?’ Erâ ʒiŋuc i mana‐jâmbâŋkeniŋ: No ŋoŋere siec â biuc jaha.”
6765	JDG 9:9	Mupie oliwa jâczi ʒiŋuc jazawec: ‘Wokemaŋ‐nanezi nemu â ŋic aŋac bâfua‐jareekac i hetararâ ra jâc gâcne fosâoc‐jopapemu me?’
6767	JDG 9:11	Mupie jâmbojâczi jazarâ muwec: ‘No aŋac â fâri‐nane hetararâ ra jâc gâcne fosâoc‐jopapemu me?’
6769	JDG 9:13	Iŋuc mupie waiŋjâczi ʒiŋuc jazawec: ‘Opâ‐nanezi nemu â ŋic maŋ baafec ejareekac i hetararâ ra jâc gâcne fosâoc‐jopapemu me?’
6794	JDG 9:38	Eme Ʒebulizi âzâcnerâ muwec: “Penaroŋ emeŋ irec fârine weni? Go ʒiŋuc mumeŋ: ‘Abimelec e mo, irec nâŋâc e kiŋaŋ qacnenaŋmu?’ Ŋic i jaŋe hâcne goki qaisoc‐jopameŋ. Hurâ jaŋehec ʒika qac.”
7459	1SA 11:12	Iŋuc fuame ŋic ŋokac jaŋe Samue ʒiŋuc âzâcnembiŋ: “Weni jaŋe ʒiŋuc mumbiŋ: ‘Saulozi ŋicwofuŋ sâcne junâreocmu me?’ Ŋic i jaŋe jowac‐jopa warepie qâhâmoc‐jopanaŋ.”
8033	2SA 1:8	Iŋuc mupe ʒiŋuc wio‐narejec, ‘Go mo?’ Eme mupac, ‘No Amaleke ŋic moc.’
8283	2SA 11:21	Jerubese ŋokâ‐ticne Abimelec e mozi qâhâmowec? E ŋokaczi padi qaqanʒaŋ qânâ moc sârockeme waharâ heme Tebezi haeo hâmowec i. Ŋoŋe haesac maŋfuŋko jâmbâŋ wemocte rambiŋ?’ E iŋuc mume ʒiŋuc âzâcnezemec: ‘Kiŋaŋ qaqage Hitiŋic Uria e hâmowec wâc.’”
8311	2SA 12:22	Mupie ʒiŋuc jazawec: “Motec e ɋâricne juha ine ʒiŋuc muhuc nânâ sowa juhuc kiopac: ‘Mozi manakac, Wofuŋzi aki anonoc enarehuc mana‐nareme motec e juocmu mecne?’
8526	2SA 19:13	Ŋoŋe soctofafâc‐nane, erâ nore soc biuc jaha. Ŋoŋe wemocte ŋicwofuŋ no bârisiecnuniŋte dâŋne mi muhuc râpene eŋgopieŋ?’
8733	1KI 1:13	Ajoc, go ʒiŋuczia ŋicwofuŋ Dawidirao rarâ ʒiŋuc âzâcnec: ‘Ŋicwofuŋ‐nane, go mârâc jaha kiŋaŋ naruge no dâŋ ʒiŋuc mupaŋke‐naremeŋ i: “No râriehape ŋokâge Salomozi âkehocnurâ ŋicwofuŋ ŋeŋeo ŋezejec.” Eme ʒi fuŋne weniŋucte Adoniazi ŋicwofuŋ ejec?’
9062	1KI 9:8	Eme fic sesuctac fuame jâuruniŋmu sâc jaŋe bipic tatara ejareha sisi fufuŋgaŋ ehuc ʒiŋuc mu wioc eniŋmu: ‘Wofuŋzi wemocte hae mâreŋ â ufuŋ ʒi wiac iŋucne ejactewec?’
9503	1KI 22:20	Ehame Wofuŋzi muwec, ‘Mozi Ahaba doc bame rarâ Ramoti‐Gileade haeo ʒikao ferâ hâmoocmu?’ Eme moczi dâŋ moc muwec â moczi moc muwec.
9505	1KI 22:22	Iŋuc mume Wofuŋzi wiocnerâ muwec, ‘Wemo wiaczi doc bacmu?’ Mume muwec, ‘No fuarâ porofetefâcne jaŋere micko eeatuc mâro moc epemu.’ Mume Wofuŋzi muwec, ‘Goki hâcne doc batec fârinehec ezejec, irec fuarâ iŋuc ec.’
9540	2KI 1:3	Ehame Wofuŋte aŋelozi Tisibe ŋic moc ʒâŋene Elia ʒiŋuc âzâcnewec: “Ajoc, go faharerâ ra Samaria ŋicwofuŋte kiŋaŋŋicfâc bâfuac‐joparâ ʒiŋuc jazac: ‘Hâc, ŋoŋe manapie Israe mâreŋko Anutu mi jukac irec Ekoroŋte nemu Baali‐Ʒebubu e mu wioc ecneniŋte raŋgopieŋ?’
10951	1CH 21:12	Jara jahec â moc roroc fuaocte mukic? Me mosa jahec â moc kisâfâcge jaŋe bâqiŋguhuc kikeo kikeo egareniŋte mukic? Me ʒoaŋ gie bapa jahec â moc Wofuŋte ʒika, hucukic mimicne moc hâcne, i mâreŋ ʒira fuame Wofuŋte aŋelozi Israe mâreŋ sâc ima gie baocte mukic?’ Irec sorecnujec erao dâŋ okacne weniŋuc barâ risiepemu i aimuŋ jaha manatâc qâtâc eku mupaŋkec.”
11350	2CH 7:21	Ehame ufuŋ ʒâŋe biŋe rara sâkonehec ʒi hatapecne izi me izi fotâcnehuc hone warec erâ ʒiŋuc wionʒoŋgopieŋ: ‘Wofuŋzi wemocte hae mâreŋ â ufuŋ ʒi wiac iŋucne ejactewec?’
11566	2CH 18:19	Ehame Wofuŋzi muwec, ‘Mozi Ahaba doc bame rarâ Ramoti‐Gileade haeo ʒikao ferâ hâmoocmu?’ Eme moczi dâŋ moc muwec â moczi moc muwec.
11567	2CH 18:20	Ehame mâro moczi fuarâ Wofuŋte maio domahuc muwec, ‘Noni doc bapemu.’ Iŋuc mume Wofuŋzi wiocnerâ muwec, ‘Wemo wiaczi doc bacmu?’
13067	JOB 9:12	E wiac i me i nâwoc rozo mume mozi aka hecneocmu? Me mozi ʒiŋuc moc wiocneocmu: ‘Go wemo wiac ekomec?’
13329	JOB 19:28	Ŋoŋe ʒiŋuc muŋgopieŋ: ‘Nâŋe weniŋuc erâ bâʒâickenaŋmu?’ Erâ ‘Ʒârâ ʒâpâ fuacnekac irec fuŋne i e jahacnao fokac.’
13337	JOB 20:7	erâ sifu jaŋe jaŋacne ho iŋucne ʒaŋke omaec eniŋmu, ehame honec‐jopa jumbieŋ jaŋe ʒiŋuc mu wioc eniŋmu: ‘Jaŋe wena?’
13387	JOB 21:28	Ŋoŋe ʒiŋuc muhuc wioŋgopieŋ: ‘Ŋic fekicne ere fic wena? Â ŋic hehesicnezi ŋec juc eekac ere boze wena?’
13406	JOB 22:13	Goki ine ʒiŋuc mu wioc ekomec: ‘Anutuzi wemo wiac moc manaekac? E karoraczi foŋkeha fimârâŋkehuc honec‐nâporâ dâŋnâŋec sâcne mutaraocmu me?’
13832	JOB 38:35	Me bâbâriczi bâricneocte âzâcnetec sâcne waha fua‐garerâ ʒiŋuc gazaocmu: ‘No gore kiŋaŋ qapemurâ warekopac hâcne?’
13929	JOB 42:3	Go ʒiŋuc wio‐narekomec: ‘Ŋic mamana tâmiric go wemocte maŋɋârâŋ‐nanere manabâc ekomec?’ Irec ʒiŋuc muhuc gazakopac: No wiac fuŋne fuŋne â mâsi wiac qeŋ bipineheczi mamana‐nane sirickeekac irec fuŋne mi mana tarahuc mutuc erâ dâŋ musifuckepo.
18641	ISA 45:10	Jei, mozi mamac ʒiŋuc âzâcneocmu: ‘Ɋâric wemocte bâfuakic?’ Me neŋgoc âzâcneocmu: ‘Go wemocte motec kiweckerâ rokomec?’”
18859	ISA 58:3	Eha ʒiŋuc wioeŋgopieŋ: ‘Nâŋe sowa juhapene wemocte mi honec‐nâpoekic â sahac‐nâŋec bâʒâickepene wemocte hone manac mi eekic?’ Manaŋgopieŋ, sowa juju dameŋ‐ŋeŋicko aŋac‐ŋeŋicte gie baeŋgopieŋ, ehuc gieŋicfâc‐ŋeŋic bâʒâic‐jopaeŋgopieŋ.
19040	JER 2:6	Ehuc ʒiŋuc moc mi mumbiŋ, ‘Aigita mâreŋkonec jowac‐nâpome wefumbeŋ â mâreŋ sawao, mâreŋ burocne hârâc‐ticnehec kereŋne â dapâcnehec, ŋiczi sicne fotâc me ŋec juc mi eeŋgopieŋko jowa qataŋ enârewec, Wofuŋ e wena?’
19042	JER 2:8	Taha bapa jaŋe ʒiŋuc mu wioc mi embiŋ, ‘Wofuŋ e wena?’ Sâcmutâc dâŋ mamana jaŋe mi mana taracnumbiŋ, soŋaŋ jaŋe râpecnumbiŋ, porofete jaŋe Baali nemu ere ʒâŋeo findaŋdâŋ mumbiŋ, ehuc bafic‐jopaniŋte tâpiri mi fojareekac jaŋerao qohotambiŋ.
19065	JER 2:31	O mâreŋ ʒirec rune, ŋoŋe Wofuŋ nore dâŋ mananiŋ: No Israe kikefuŋ ŋoŋe mâreŋ burocne me mâreŋ dapâc qisiric iŋucne moc eŋarehuc jupo me? Ŋicfâc‐nane, ŋoŋe wemocte ʒiŋuc muŋgopieŋ: ‘Nâŋe rambaŋko juŋgopeneŋ, irec gorao mi risie fanaŋmu?’
19076	JER 3:5	Go mamana sâqoc tatara tâmiric enarecmurâ mukic, â aaricgezi tofamâc foraocte mukomec me?’ Jâmbomac, go iŋuc hâcne muekic, erâ ine sâqocne bazore manatec mi quŋkeekac.”
19146	JER 5:19	‘Wofuŋ Anutu‐nâŋec e wemocte wiac i sasawa enârewec?’ Ŋic jaŋe iŋuc mu wioc epie ʒiŋuc jazazemec: ‘Ŋoŋe no behecnurâ ŋaŋacne mâreŋko nemu jabane kiŋaŋ qajarembiŋ, iŋuc jaha mâreŋ moc ŋaŋac rune mi juŋgopieŋko ŋic furune kiŋaŋ qajarenʒepieŋ.’”
19228	JER 8:6	No hazec râerâ manapo: Jaŋe burecdâŋ muhuc jueŋgopieŋ, moczi moc hehesic‐ticnere busâqoc moc mi manaekac, ehuc wemocko muzac, ‘Jei, no weniŋuc epo?’ Aricne, ʒeŋgoma becâsiczi ʒikao kosa gasacke sâqoreeŋgopieŋ irec sâc hata‐jeŋicko fâro rahuc qâsorieeŋgopieŋ.
19230	JER 8:8	“Ŋoŋe wemocko ʒiŋuc muniŋmu, ‘Nâŋe maŋɋârâŋhec â Wofuŋte sâcmutâc dâŋ i fonârekac wâc?’ Manaŋgopieŋ, qâqâreŋ ŋic jaŋe dâŋ hetikiehuc qâreŋkepie burecdâŋ ewec.
19347	JER 13:12	“Jeremia, go Israe ŋic ʒiŋuc jazac: ‘Wofuŋ, Israere Anutu e kecʒiŋuc mukac: “Waiŋ kiruŋ sasawa ira waiŋ opâ qapie hurâ fusucmaekac.” ’ Eme jaŋe ʒiŋuc gazaniŋmu: ‘Waiŋ kiruŋ sasawa ira waiŋ opâ qapene huocmu i nâŋe moc kâuc baŋgopeneŋ me?’
19415	JER 16:10	“Eme dâŋ i sasawa ŋicguru keci jazatec ʒiŋuc wio‐gareniŋmu: ‘Wofuŋ e wemocte wiac hâhâwicne sâko keci fai‐nâŋecko fefâreocte muwec, nâŋe wemo kiŋ bahac moc bâfuahuc Wofuŋ Anutu‐nâŋec bunao bambeŋ?’
19522	JER 21:13	“Manakic, wâneŋko haroŋaŋ faio ŋesanaŋkeekic hae go hâcne râsi egarezo mukopac, Wofuŋ nore dâŋ iŋuc. Ŋoŋe hâcne mueŋgopieŋ, ‘Mozi râsi enâreocmu? Mozi ficsanaŋ‐nâŋecko wefuocmu?’
19586	JER 23:33	“Jeremia, go ŋicguru keci jaŋe, me porofete moczi, me taha bapa moczi ʒiŋuc mu wioc egareniŋmu, ‘Wofuŋte tagi i wemo wiac mo?’ ine jazazemec, ‘Tagi i ŋoŋe hâcne, no hetara behec eŋarepemu.’ Wofuŋ nore dâŋ iŋuc.
19588	JER 23:35	Ŋaŋackoaŋ nazaŋ gazaŋ ehuc mu wioc ʒiŋuc enʒepieŋ: ‘Wofuŋzi dâŋ weniŋuc bâtikiewec?’ Me ‘Wofuŋzi dâŋ weniŋuc muwec?’
19590	JER 23:37	Irec porofete ʒiŋuc mu wioc ecnezemec: ‘Wofuŋ e dâŋ weniŋuc bâtikie‐garewec?’ Me ‘Wofuŋ e dâŋ weniŋuc muwec?’
20163	JER 48:14	“Ŋoŋe wemo‐ŋeŋiczi ʒiŋuc muniŋmu: ‘Nâŋe ŋic qac momorihec â ʒikaŋic fârine?’
20168	JER 48:19	Aroe haere ŋecjucfâc, ŋoŋe hatamecko ra ʒâŋe fipie raoc! Ehuc ŋic ŋokac wisehuc juŋgopieŋ jaŋe wio‐jarehuc muniŋ, ‘Wemo wiac moc fuawec?’
20758	EZK 12:9	“Ŋicte ɋâric, Israe kikefuŋ qaqatarahec jaŋe go ʒiŋuc mi wio‐garembiŋ me: ‘Go wemo wiac ekomec?’
20937	EZK 18:19	“Ŋoŋe ʒiŋuc mecne wioŋgopieŋ: ‘Ŋokâ e wemocte mamac‐ticnere kiŋte erâ mi bâtiŋnezo?’ Iŋuc wioŋgopieŋ ŋoŋe ʒiŋuc mananiŋ: Ŋokâ e wiac tiŋne â fâretiŋ jaha ebac ehuc mumutâc dâŋnane mana maŋ ewec â sâcmutâc‐nane aijakic jaha bâjâpewecte jujâmbâŋkezejec.
21235	EZK 28:9	Eme go nemu aricne, ŋic sawa juekiczi, sifu qa sipiric egarepie, jaŋere maio ʒiŋuc ʒuhuckerâ sâcne mucmu me: ‘No nemu?’
21359	EZK 33:10	“Ŋicte ɋâric, go Israe kikefuŋ ʒiŋuc jazac: Ŋoŋe ʒiŋuc hâcne mueŋgopieŋ: ‘Qaqatara â hehesic‐nâŋeczi bâmâc‐nâpoekacte irec erâ hâmo sipiric eeŋgopeneŋ, irec weniŋuc sâcne junaŋmu?’
21484	EZK 37:18	Ehame ŋicfâcge jaŋe ʒiŋuc wio‐gareniŋmu: ‘Go wiac keci irec fuŋne sâcne mi nâzâcmu me?’
21507	EZK 38:13	Ehame Seba â Dedaŋ erâ Tarasisi haeonec âbârâ gie bapa ŋic â haefâc‐ticne sasawa jaŋe ʒiŋuc mu wioc egareniŋmu: ‘Go mafa wiac‐nâŋec nâwoc rozo murâ waremeŋ me? Go wiac fiuckerâ bawisecmurâ momorifâcge hetumaŋ‐jopameŋ me? Go siliwa â gol erâ bulimakao â wâcwiac gâcne amecke wisecmurâ ware fisimeŋ me?’
22529	AMO 6:10	Eme ŋic hâmokicne mocte soctofazi qâŋɋâŋ duckeocte fickonec bawahahuc fic tuturuŋnao moc ŋeocmu e ʒiŋuc wiocneocmu: “Gohec moczi moc jukac me?’ Mume muocmu: “Aricne”; ehuc ʒuhuckerâ muocmu: “Dâŋ behec, ʒi Wofuŋte ʒâŋe mumune mi ekac.”
22788	NAM 3:7	Eme honecguniŋmu jaŋe râpecguhuc muniŋmu: ‘Niniwe hae e imackekicne, mozi ere busâqoc moc manaocmu?’ Bâbâmiriŋ ŋic wenirec bâfuac‐joparâ ejarepe ra bâmiriŋkeniŋmu?”
22956	ZEC 1:9	Iŋuc honerâ ʒiŋuc wiopac: ‘O bomboŋ‐nane, jaŋere fuŋne weniŋuc?’ Iŋuc wiope aŋelo nohec dâŋejec eki ʒiŋuc nazajec: ‘No fuŋne‐jeŋic gaza gowatuc epemu.’
23134	ZEC 13:6	‘Hâc, eme amecgao wemo wicrâfâ fokac?’ Ŋic moczi porofete moc iŋuc wiocneme dâŋ ʒiŋuc bâtikiecneocmu: ‘Âgofâc‐nane jaŋere ficko qaqac epene fua‐narewec.’”
23164	MAL 1:6	“Ŋokâzi mamac‐ticne sâseekac, â kiŋaŋ qaqazi bomboŋ‐ticne araŋ bacneekac. Eme no Mamac juipiehape mozi sâsecnuekac? Â bomboŋ juipiehape mozi araŋ banareekac? Anutu Tâpiri Ɋuŋɋasaŋ Wofuŋ noni, ʒâŋe‐nane qaisockeeŋgopieŋ taha bapa ŋoŋe hâcne iŋuc ŋazakopac. Ŋoŋe ine muŋgopieŋ: ‘Nâŋe weniŋuc ehuc ʒâŋege qaisockeeŋgopeneŋ?’
23165	MAL 1:7	Irec ʒiŋuc ŋazape: Ŋoŋe taha wiac sâqorekicne alata‐naneo râehuc iŋuc hâcne eeŋgopieŋ. Ehuc ʒiŋuc mu wioc eeŋgopieŋ: ‘Nâŋe weniŋuc epene wâwânâŋnehec eekac?’ Ŋoŋe ʒiŋuc manaŋgopieŋte wâwânâŋnehec ekac: ‘Wofuŋte alata i gâc sâcne hecnezo.’
23196	MAL 3:7	Ŋoŋe mamacfâc‐ŋeŋic jumbiŋ dameŋ ira hâcne dâŋsanaŋ‐nane qâsuahuc mana rereŋ mi embiŋzi ewareeŋgopieŋ. Irec norao risiepie maic‐ŋopapemu, Anutu Tâpiri Ɋuŋɋasaŋ Wofuŋ nore dâŋ iŋuc. Ŋoŋe ine muŋgopieŋ: ‘Hâc, nâŋe mi behecgumbeŋ, irec weniŋuc erâ gorao risienaŋmu?’
23197	MAL 3:8	Ŋiczi Anutu no sâcne eatucnuniŋmu me? Ŋoŋe hâcne iŋuc enareeŋgopieŋ. Iŋuc mupe ʒiŋuc mueŋgopieŋ: ‘Hâc, nâŋe weniŋuc ehuc eatucgueŋgopeneŋ?’ Ŋoŋe teŋkonec wâŋ â taha wiac furu jaha mi râehuc iŋuc eeŋgopieŋ hâcne.
23202	MAL 3:13	Wofuŋzi ʒiŋuc mukac: “Ŋoŋe pepecdâŋ enareeŋgopieŋ, iŋuc ŋazape dâŋ okacne ʒiŋuc bâtikie‐nareŋgopieŋ: ‘Hâc, nâŋe weniŋuc ehuc pepecdâŋ egareeŋgopeneŋ?’
23382	MAT 6:31	Irec ŋoŋe mu mezac ehuc ʒiŋuc boc mi munʒepieŋ: ‘Wemo wiac ba nâc enaŋmu, wemo wiac rojunaŋmu?’
23407	MAT 7:22	Ŋic bocjahazi dameŋ sâkoo ʒiŋuc nazanʒoŋgopieŋ: ‘Wofuŋ‐nâŋec, hâc, nâŋe gore micte ŋic miti mi jazambeŋ? Me gore micte demoŋ mi jâpe‐jarembeŋ? Me gore micte gie sâko mi bambeŋ?’
23635	MAT 13:27	Eme kiŋaŋ motec jaŋe i honerâ gie rune âzâcne mumbiŋ, ‘Bomboŋ‐nâŋec, go giegao hândâŋ biaŋne sasawa râemeŋ, ehame hofâ wenirec fuakac?’
23636	MAT 13:28	Wiocnepie muwec, ‘I râsi moczi tieme fuawec.’ Mume wiocnembiŋ, ‘Eme weniŋuc, ra unuckerâ behenaŋ me?’
23867	MAT 20:6	Eme 5 kilok ehame mocwâc rarâ ŋic gâcne gie tâmiric mâc juhapie bâfuac‐joparâ jazawec, ‘Ŋoŋe wemocte ʒoaŋ ʒora qâoma ehuc juhapie hae owâekac?’
23873	MAT 20:12	ehuc mumbiŋ, ‘Ʒâhec fisimbieŋ gie mâc âruckembieŋ, â nâŋe ine ʒoaŋ bâroŋ gieo ʒâic fâro manahuc domahapene ŋafejec, ehame wemocte ʒâhec jaŋehec sâc mocjaha nârekic?’
23876	MAT 20:15	No nahacne wiaczi iŋuc me iŋuc me iŋuc ezo murâ sâcne mi epemu me? Go buafec‐nanere erâ iiŋguuŋ ejarekomec me?’
23920	MAT 21:25	Johane Miti Opâ gie‐ticne i wenirec fuawec, sambâŋkonec me ŋickonec?” Iŋuc muhuc wio‐jareme jaŋe, dâŋ wenimoi munaŋ, muhuc maŋguru erâ ʒiŋuc mumbiŋ: “Nâŋâc ‘sambâŋkonec fuawec’ iŋuc mupene muocmu ‘Hâc, eme wemocte dâŋticne mi manambiŋ?’
23953	MAT 22:12	erâ ʒiŋuc âzâcnewec: ‘Âgo, go weniŋuc erâ hombaŋ ŋaqi tâmiric wefu ŋekomec?’ Mume ŋic e fâsâerâ ŋewec.
24116	MAT 25:39	Me wena moc hucko me kâpâcwâru ficko ŋehaŋtec iqicgumbeŋ?’
24121	MAT 25:44	Iŋuc jazame qanaopec jaŋe ʒiŋuc muniŋmu: ‘Wofuŋ, go wena moc nânâ opâ tâmiric, me ŋaqi fic hae tâmiric jutecne hone qâoma egarembeŋ? Me wena moc hucko me kâpâcwâru ficko fohaŋtec hone takic egarembeŋ?’
24740	MRK 11:31	Iŋuc jazame jaŋackoaŋ ʒiŋuc muhuc nazaŋ gazaŋ embiŋ: “Nâŋâc sambâŋkonec fuawec iŋuc mupene muocmu ‘Hâc, eme wemocte dâŋticne mi mana ʒakiembiŋ?’
24837	MRK 14:14	erâ ficko feme ferâ fic rune ʒiŋuc âzâcnenic: ‘Qaqazu e gore ʒiŋuc mukac, fic maŋne wena motecfâc‐nane jaŋehec aakic lama nanaŋmu?’
25545	LUK 12:17	Eme maŋticnezi ʒiŋuc muwec: ‘Wenac epemu? Kise fârine sâko fic wena guruckepe?’
25548	LUK 12:20	Iŋuc mume Anutuzi ʒiŋuc âzâcnewec: ‘Mutuc go, ŋafe ʒi jaha jujuge gowac rozo. Eme wiac râe qâzuc emeŋ i more eocmu?’
25550	LUK 12:22	Erâ motecfâcne ʒiŋuc jazawec: “Irec hâcne ŋazakopac, ŋoŋe juju‐ŋeŋicte mana mezac ehuc ʒiŋuc mi munʒepieŋ: ‘Wemo wiac ba nâc enaŋmu?’ Me sahac‐ŋeŋicte mu heŋɋâŋ ehuc ʒiŋuc mi munʒepieŋ: ‘Wemo wiac rojunaŋmu?’
25557	LUK 12:29	Irec ŋoŋe maŋbahac‐ŋopame ʒiŋuc boc mi munʒepieŋ: ‘Wemo wiac ba nâc enaŋmu?’
25612	LUK 13:25	Fic rune e motâc herâ ki bame ŋoŋe fisirâ râpenao domahuc heickerâ ʒiŋuc muniŋmu: ‘Wofuŋ, motâc ronârec.’ Mupie ʒiŋuc ŋazaocmu: ‘No ŋoŋere kâuc bakopac, ŋoŋe wenirec?’
25653	LUK 14:31	Ŋicwofuŋ moczi ŋicwofuŋ âgo‐ticne qaocte onʒoŋ jaha râsi mi raocmu. E qanaŋ ʒiŋuc muocmu: ‘Nâŋe ʒi afecne juŋgopeneŋzi ocni bocjaha juŋgopieŋ jaŋe sâcne jopanaŋmu me mâcne?’
25683	LUK 15:26	kiŋaŋ motec moc ecneme fisime mu wioc ecnerâ muwec: ‘Wiac i wemocte?’
25694	LUK 16:5	Iŋuc murâ bomboŋ‐ticnere tofa bajumbiŋ i jaŋe buc buc hefârec‐jopawec. Ehuc moc wiocnerâ muwec, ‘Bomboŋ‐nanere tofa gorao wezimuc fokac?’