23275	MAT 3:14	Yoniꞌa Yisasifena “Tina fale-oka-tegahue. Nagaila kagaya tina fale-na-tanageno kanale hileꞌasine naꞌa higeka nagaifena ‘Tina fale-nato.’ huka nehane?” huno hie.
23334	MAT 5:31	Nayona mani kea hagetama havimainae. “Nagoꞌa vayaꞌmoꞌyama aꞌamima hu-tesayana ani vayaꞌmoꞌya aꞌamimofena ‘Ago hu-negatoe.’ huno avona kaeno amino.” huno hu-maineane.
23389	MAT 7:4	Naꞌa higeka nega-fufena ‘Kaulagafitila havi yana ali-talegahue.’ huka nehananagi kagaikaꞌa kaulagafina nagola muki yosa-lapagefa hane.
23518	MAT 10:32	Yisasiꞌa mage huno hie “Nagoꞌa kanomoꞌa veaꞌmogami amaulagafi nagaifema ‘Yisasina naguꞌa amitafa hu-mainoe.’ huno hu-falote hisigeꞌnahena nagaya ikapinaga mainea Nenafa aulagafina agaifena ‘Nagai nafaꞌne maine.’ huꞌna hu-falote hugahue.
23538	MAT 11:10	Yonife huꞌya nayona Anumaya Koti autaꞌmafina mage huꞌya kae-malenayane ‘Haviho nagaya Anumaya Kotiꞌna aliꞌya kanoꞌnimona hu-tesugeno uhagotegatenoꞌma visana kana valino ali-hilato huga-tegahie.’ huno kae-maleneane.
23585	MAT 12:27	Nagaifena ‘Kagaya Pielesepulimo tokiyaleti anati-neꞌatalane.’ hutama hayanagi tamakaitami anagatamimoꞌa Kefo Avamula anati-talageno Pielesepulimo amakaila amaya nehio? Ani anagatamia amakaiꞌami manima haya kea ali fako huꞌya tamave-neliye.
23595	MAT 12:37	Hu-mainesana keleti Anumaya Kotiꞌa kagaifena ‘Havi kavala ohunane.’ huno hu-ga-tegahianagi hu-mainesana keleti ‘Kefo ya hu-mainane.’ huno hu-ga-tegahie.”
23646	MAT 13:38	Mukiꞌa ma mopa ani hoyae. Anumaya Kotife ‘Kava yagai-lato.’ huꞌya nehaya veala ani kanale avina mainae. Satani kema akave nemalaya veala havi ino mainae.
23707	MAT 15:5	Hu-maineanagi tamakaya mage hutama nehae “Nago kanomoꞌa itaꞌafoꞌamogani anaya hisia monema hanesigenoꞌma itaꞌafoꞌamoganima anaya ohinunoꞌa mage huno hisie ‘Ani monea Anumaya Kotina amisua yane huꞌna hu-mainoe.’ huno hinunoꞌa nefana aya huno agia alisaga ohisie.” hutama nehae. Ani ke nehutama tamakinagomogami auꞌavala akaveꞌma malaya yafe “Anumaya Koti kea afa ya kana nehie.” nehutama alitama neꞌatagayae.
23760	MAT 16:19	Nagaya Anumaya Kotiꞌma kava yagai-mainea kumaꞌma yakisana ki nofila kamigahue. Kagaya ma mopafi maineka ‘Ma yana atafa hutama tokiya vaiho.’ huka hisanana Anumaya Kotiꞌa agaiꞌenena ikapinaga ‘Ani yana atafa hu-liho.’ huno hugahie. Kagaya ma mopafi nago yafema ‘Afaꞌa ataleho.’ hukama hisanana Anumaya Kotiꞌa agaiꞌenena ikapinaga aniꞌa hugahie.” huno hie.
23787	MAT 17:18	Higeno avaleno egeno Yisasiꞌa anima agupi mainea Kefo Avamufena ke-makino ‘Ataleka hati-lavio.’ huno hutegeno hati-lavigeno aupaꞌa ani nafaꞌnemona kanale hu-tene.”
23845	MAT 19:14	Ke-amakiyanagi Yisasiꞌa mage huno hie “Amatalegeꞌya nagaitega eho. Nafaꞌneyaga nagaite esaya yafena kahegi oꞌama-teho. Naꞌa huꞌya nafaꞌnemogami avamete maisaya veaꞌmoꞌya mage hugahae ‘Tagaya tokiyatia omalenegi Anumaya Kotiga kava yagai-lato.’ huꞌya hugahae.” huno hu-maine.
23854	MAT 19:23	Vigeno Yisasiꞌa agaiꞌaenema tokaeꞌya nemaiya anagafe mage huno hie “Tamage huꞌna tamaha-nepauve mukiꞌa mone afenoꞌyaꞌamima hanesia veaꞌmoꞌya tusiꞌa kasageke huꞌya Anumaya Kotife ‘Kava yagai-lato.’ huꞌya hugahae.
23855	MAT 19:24	Nagoꞌene tamaha-nepauve nagola pulumaka kana afumo agia kemolomoꞌa nekaꞌyamo kapima hai-falesiana afaꞌa yoꞌyo huno hai-falegahianagi mukiꞌa mone afenoꞌyaꞌamima hanesia veaꞌmoya Anumaya Kotife ‘Kava yagai-lato.’ huꞌya kasageke-voke hugahae.” huno hu-maine.
23926	MAT 21:31	Hana nafaꞌnemo nefa kea ali hipoꞌya hu-maine? huno hama-vi-gegeꞌya “Hagote nafaꞌnemoꞌe.” huꞌya hageno Yisasiꞌa mage huno hie “Tamage-lafa huꞌna tamaha-nepauve musufayama nehuꞌya vaya amaugafaleti takesi mone ali-liteꞌya nehaya vayaꞌene moli hu-liteꞌya nehaya aꞌneyagaene hagoteꞌya tamakaseꞌya Anumaya Kotifena ‘Kava yagai-lato.’ huꞌya nehae.
23937	MAT 21:42	Hageno Yisasiꞌa mage huno hama-paiye ani yafena Anumaya Koti avopina ago hapali-mainao? Mage huno hu-maineane “Vayaꞌmoꞌya yafa noma kigahena nago yafafena ‘Haviya hu-maine.’ huꞌya atalenayanagi haenagaꞌa ani yafamofena ‘Tusiꞌa kanale yafane.’ huꞌya nomo aye-tagenale malenae. Anumayamoꞌa ani avamete hu-mainegeta ageteta tusiꞌa kanaleꞌyanagino tamaꞌyo aiya kava nehie huta nehune.” huno kae-maleneane.
24003	MAT 23:16	Avoꞌnio tamakaila tamaulaga asu hu-mainegetama veafena “Kaana tamave-ligahune.” hutama nehaya vayaꞌmogatama kaꞌye ho. Mage hutama nehae “Nagoꞌa veaꞌmoꞌya ‘Ala mono nomo agile hu-lokiya vaiꞌna tamagelafa nehue.’ hunoꞌma hisiana ‘Afa ke kana hu-maine.’ hutama hu-mainagi nagoꞌa veaꞌmoꞌya ‘Ani mono nopima kanileta yafatetiꞌma talo hu-malenaya yamo agile hu-lokiya vaiꞌna tamagelafa nehue.’ hunoꞌma hisiana ani kema hisia kanomoꞌa hia kea hu-lama huno hino.” hutama nehae.
24183	MAT 26:60	Atiyayana omaigeꞌya kasagoꞌya vayaꞌmoꞌya havige huꞌya Yisasifena huteꞌya haenaga tole kanolatana he-tiꞌana Yisasifena mage huꞌana haꞌe “Ma kanomoꞌa mage huno hu-maine ‘Nagaya Anumaya Kotina ala mono nomaꞌa aliꞌna lagape ai-taleꞌna tagufa (3) kanale ani nona eteꞌna ki-talegahue.’ huno hu-maine.” huꞌana haꞌe.
24217	MAT 27:19	Huteno kaiyeke hu-ma-tesia siale mainegeno aꞌamoꞌa nago kanomofe “Mage huka hapaiyo.” huno hu-tegeno eaꞌamo mage huno hie “Akamoꞌa mage huno hie ‘Namona fatago kanogi afaꞌa atalo. Nagaya meni kegela tusiya huno koli nagesa hia himona agaitela age-mainoe.’ huno higeꞌna me kaha-nepauve.” huno hie.
24238	MAT 27:40	Mage huꞌya hae “Oho kagaya ‘Ala mono nona aliꞌna lagape ai-taleteꞌna tagufa (3) kanale eteꞌna ki-talegahue.’ huka nehana kano mainane? Kagaya Anumaya Koti nafaꞌne mainenukahena menia yafaga yosa ataleka elavika kagaikaꞌa kaugafa aligatio.” huꞌya hae.
24260	MAT 27:62	Sapati kanahe haviꞌya kavela talo tala hu-maleꞌya faeteꞌya kotigeꞌya ala mono note kava vayaꞌene Falasia vayaꞌene ala kanoa Pailatite mage huꞌya me hae “Ala kanomogae tagaya ago havune anima havigeꞌage kanomoꞌa afaꞌama mainea kanafina mage huno taha-pai-maine ‘Nagaya tagufa (3) kanale maiteꞌna komufitila he-tigahue.’ huno hu-maine.
25509	LUK 11:35	Tamakesa havilama hiho ‘Nagupinaga aivasa hu-maine.’ hutamama hisayana asu huno haniki-mainesia yafe hisagi kava yagaitama maiho.
25596	LUK 13:9	Malesugeno nago kafuleꞌma alagaꞌa ayesio? Oꞌayesigeka afaꞌa atagi-talegane.’ huno humaine.”
25890	LUK 20:42	Anumaya Kotifena yagame kae-malenaya avona Tevitiꞌa mage huno humaineane ‘Anumaya Kotiꞌa Anumayanimofena mage huno humaine ‘Tamaga nayatega ala vaya mainalega siale mopale emainesanageꞌna kame vayakaꞌa kaiyafi amatesugeꞌya kagaife ‘Ago tagasane.’ huꞌya hugahae.’ huno kae-maleneane.’
25915	LUK 21:20	“Kasagoꞌya kame ati vayaꞌmoꞌya Yelusalemu kumaꞌma kove kove hisagetama agesayana ani kumala ‘Ali hagagi-talegahae.’ hutama tamakesa havigahae.
26017	LUK 23:13	Pailatiꞌa mono note kava vayafeꞌene Yuta vayaꞌmogami kava vayafeꞌene vayaꞌyagamogamifeꞌene ke higeꞌya melitalu hageno mage huno hamapaiye “Tamakaya ma kanomofena ‘Kefo kava huno veafena ‘Kamani vayaꞌmogami kea neꞌataletama havi kava hiho.’ huno hamapai-maine.’ hutama nehutama nagaifena kaiyeke hutesane hutama avaletama ayanagi nagaya tamakai tamaulagafima havigoana ‘Kefo kavaꞌma humaine.’ hutama haya kavala tamage huno kefo kavala ohune huꞌna nehue.
26237	JHN 4:12	Yekopuꞌa, taginagomo ani kagemuyola tamineane. Yekopuꞌa nafaꞌneyagaꞌaene agaiꞌa afuyagaene ani komufitila ne-mainae. ‘Agaila agase-mainoe.’ huka nehapio?” huno hie.
26357	JHN 6:31	Nayona taginagomoꞌya vaya omai kotega maineꞌya nago kavela agia manae nehaya kave ne-mainayane huno kae-maleneane ‘Ikapinagati maya amamigeꞌya ne-mainae.’ huno kaemaleneane.” huꞌya nehae.
26445	JHN 7:48	Ifi nagoꞌa kava vayapi Falasia vayapi ‘Yisasifena haviꞌya amakupi maleꞌya amameti hu-mainae.’ huꞌya haya kea havimainafi?
26550	JHN 9:41	Havigageno Yisasiꞌa mage huno hie “Tamaulagamoꞌa asuma hu-mainesina kefo yatamia omalesinagi tamakaya ‘Taulagamoꞌa kali kali hu-maine.’ hutama haya yafe kefo yatamimoꞌa hane.” huno hu-maine.
26676	JHN 12:27	Yisasiꞌa mage huno nehie “Nagai naguꞌamoꞌa tusiya huno kanaꞌage nehigeꞌna kasagoꞌya nagesa nehavugi naꞌane huꞌna hisue? ‘Nenafaga menia nagai naugafaleꞌma faloteꞌma hugahema nehia yana ali-talo.’ hisufi? Aꞌao nagaya ani nagata aisia yapi maigahe emainoe.
26810	JHN 16:15	Hugahianagi mukiꞌa Nenafaꞌma malenea yana nagaiꞌniꞌa yamaꞌage fatago huno hanea yafe mage hu-mainoe ‘Alu Aotage Avamuꞌmoꞌa amisua kea alino tamakaila me lamaha-paigahie.’ huꞌna hu-mainoe.”
27658	ACT 19:4	Hageno Poloꞌa mage huno hie “Yoniꞌa mage nehuno tina falematene ‘Kefo yatamihena tamakuꞌa aiyahae hisageꞌna tina fale-lamategahue.’ huno nehuno veala mage huno hamapai-maine ‘Nagai nakavelaga esia kanomofe, havitama tamakupi maletama tametiti hiho.’ huno humaineana Yisasife huno humaineane.”
27831	ACT 23:29	Avaleꞌna lavi-maineꞌna havuana amakaiꞌami ‘Kahegi kea atagae-maine.’ huꞌya hayanagi falisia augafa havi kavala ohune. Nofi hutesua augafa kefo yaꞌenena tamage huno ohune.
31072	REV 18:10	Ani veaꞌmoꞌya agatama aiya yama alia yafena tusiꞌa koli huteꞌya aluꞌale hetiꞌya maineꞌya mage huꞌya hugahae ‘Vaeha tahau hane tahau hane Papilonia ala kumala tokiyaꞌage kumaꞌmogagi nagoke yagefi kaugafa kagata yana anonakaꞌa ago ali-mainane.’ huꞌya hutegahae.