95	GEN 4:15	“Aga met a,” kanan Diyos, “tan mo way mamse en sik-a, maibaes si biyag di pito ay ipogaw.” Et minalkaanas Cain ta adi peslen di mangabet en sisya.
369	GEN 15:8	“Aw, Kangatoan ay Diyos,” kanan Abram, “ngem intoy pangammoak pay ay okaek?”
376	GEN 15:15	Ngem emey pay dedan sin pitlon di ganak, asi da mantaoli sin ili ay nay, ta dowan masepsep din kinamanagbasol di Amorreo ay man-ilis na et kapilitan ay dosaek daida. Siya sa di mapasamak sin polim, ngem mo sik-a pay, makamakay ka, asi ka matey et iponpon daka. Laton ay adi ka edasan din ligat ay doy,” kanan Diyos.
395	GEN 16:13	Pag et waday inpangadan Hagar en Diyos ay kangalat na. Kanana, “Sik-a din Diyos ay Makaila,” tan kananas nemnem na, “Inilak si Diyos ay omil-ila ngem nay matmatagoak pay laeng.”
417	GEN 17:19	“Aw pay dedan,” kanan Diyos, “ngem wada met pay laeng di ianak Sara ay lalaki et ngadanan yos Isaac. Daida met sin poli na di manawid sin intolag ko en sik-a ay adi masoksokatan.
430	GEN 18:5	Enak aben man-otos kanen yo ta way ikileg yo sin pandanan yo si awni. Tan malaydanak sin inmalian yos na.” “Aw kod kayman,” kanan da.
434	GEN 18:9	Idi nakakan da pay, kanan da en Abraham, “Into pay si Sara ay asawam?” “Dooy sin tolda yan,” kanana.
440	GEN 18:15	Asi et insaot Sara tan emegyat iman, yan kanana, “Aga kadi, adiak nasiyek.” “Nasiyek ka met,” kanan Diyos ay sinombat.
454	GEN 18:29	Nankali kasin si Abraham yan kanana, “Mo kaspangarigan wada di opatapolo anggoy?” “May ngarud,” kanan Diyos, “mo wada di opatapolo, adiak pay dosaen din ili da.”
455	GEN 18:30	Kanan Abraham kasin, “Apo, adi ka kod omibongbonget sin nay ay kasinak ibaga en sik-a. Ngem into et ya wada anggoy di tolonpo?” “Mo way datngak ay tolonpo, adiak dosaen din ili da,” kanan aben Diyos.
456	GEN 18:31	Kanan kasin Abraham, “Apo, pasinsiyaam kod kasin din kinatoled ko, tan wada pay di ibagak. Mo kaspangarigan dowanpo anggoy di datngam?” “Mo dowanpo di wadas di, adiak aben dosaen din ili da,” kanan Diyos.
556	GEN 22:8	“Si Diyos met laeng di makaammos di,” kanan Abraham ay sinombat. Et intoloy da ay dowa ay mantikid.
560	GEN 22:12	“Dakey! Adim pespeslen san anak mo, tan nay inammoak ay dadlon mon patien si Diyos, tan sana ay adim kinayyawan din laydelaydem ay anak mo en sisya,” kanana.
600	GEN 24:8	Yan mo sigaana pay ay makialis na, mawaswas din isapatam ay sana. Basta adim koyogen anak kos di,” kanan Abraham.
606	GEN 24:14	Sapay koma ta mo kanak sin balasang en, ‘Ibabam kod san kolim ta man-inomak,’ yan kanana en, ‘Aw adi, asiak aben isakdoan din kamel mo,’ sapay koma ta din mangwanis di et siya di din pinilim ay asawaen Isaac. Mo say mapasamak, say pangammoak ay am-amagem din inkarim en Abraham ay apok,” kanana ay nangikararag.
610	GEN 24:18	“Aw adi ay apo,” kanana. Kaibaba sin koli sin padanga na ta way iyat na ay man-inom.
625	GEN 24:33	Pag nan isango di kanen da. Asi et kanan din bag-en Abraham, “Awni kod. Adiak mangan enggana ay ibagak din panggep ko ay inmalis na.” “May, ibagam,” kanan Laban.
657	GEN 24:65	yan dinamag na sin bag-en, “Sino din lalaki ay doy ay omas-asag-en ay omabet?” “Din anak di apok,” kanana ay sinombat. Isonga nilingban Rebeka din mata nas sokdong, tan say ogalin di babassang isdi.
691	GEN 25:32	“Aw a, tan magay silbi na met laeng mo mateyak si dagaang,” kinwanin Esau.
748	GEN 27:20	Kanan aben ama na, “Aye! Indateng mo kayman ay dagos mo?” “Aw, tan binmadang si Yahweh ay Diyos mo,” kanan Jacob ay sinombat.
752	GEN 27:24	ngem kanana kasin ay nangipoot, “Ay si Esau ka tet-ewa?” “Aw yan,” kanan Jacob.
956	GEN 32:28	“Sinoy ngadan mo?” kanan din lalaki. “Si Jacob,” insongbat na.
1097	GEN 37:13	Kanan Jacob en Jose, “Laydek ay emey ka ed Sekem ay pangipaspastolan di papangoam sin karnero ya kalding.” “Aw adi,” kanana ay sinombat.
1181	GEN 40:8	“Aw ngarud, tan nan-iitaw kami ay dowa ed labi, yan maga polos di makaiolog sin layden di iitaw mi ay kalien,” kanan da. “Si Diyos anggoy di mangidawat si laing ay mangiolog sin iitaw. Ibaga yo kod en sak-en din iniitaw yo ay sana,” kanan Jose.
1185	GEN 40:12	“Siya na di olog na,” kanan Jose ay nanongbat. “Din toloy panga na ay doy yan toloy agew di,
1188	GEN 40:15	Tan pilit ay inmitagtag da dedan sin ilin di Hebreo, yan olay isnan ed Egipto, maga polos di inamag ko si omanay si maibalodak,” kanan Jose.
1232	GEN 41:36	Tan mo say iyat mo di, mawaday reserba takos makan yan maga di madagaangan mo domteng din pito ay tawen ay betil,” kanan Jose.
1260	GEN 42:7	Idi inilan Jose din aag-i na, naimatonana ay dagos, ngem nginalat nas daida ay kaman dan mangili yan kanana ay namodtak, “Intoy napoan yo?” “Napo kami ed Canaan ay en manaoy,” kanan da ay sinombat,
1263	GEN 42:10	“Aga met ay apo,” kanan da. “Ibilang min awak mi ay bag-en mo yan tet-ewa met ay din panggep mi anggoy ay inmalis na et ta manlako kamis kanen mi.
1265	GEN 42:12	“Ado na! Inmali kayo isna ta siimen yo nan ili mi,” kanan Jose ay sinombat.
1267	GEN 42:14	“Iso met,” kanan pay Jose. “Ispay kayo tet-ewa.
1287	GEN 42:34	Asi kayo mantaolis na ay mangitakin sin inoodi ay iyogtan yo ay sana ta say pangammoak ay baken kayon ispay. Asiak ipataoli din nababalod ay agi yo et olay intoy em-emeyan yos na ay manlakos kanen yo,’ kanana,” kanan din aag-in Jose ay nangistorya.
1298	GEN 43:7	“Aw kayman,” kanan da ay sinombat, “ngem inpidwapidwan din turay ay sana ay manalodsod maipanggep en dakami ya din pamilya mi. ‘Ay dedas ama yo? Ay wada pay di agi yo?’ kanana. Kapilitan ay songbatan mi din salodsod na. Ay tan ammo mi ay ibaga na ay ton-oden mis Benjamin?”
1319	GEN 43:28	“Aw yan, din baam ay si ama mi et laton ay mabikas pay laeng,” kanan da ay sinombat dowan dan kasin mandokmog ay mangidayaw en sisya.
1563	EXO 2:8	“Aw kod, emey ka,” kanan din anak di ari ay sinombat et ena inayagan si ina da.
1574	EXO 2:19	“Aw, tan waday taga-Egipto ay binmadang idi pakaanen din odom ay manpaspastol si dakami dowana et iman isakdoan ya painomen din animal tako,” kanan da ay nanongbat.
1721	EXO 8:6	“Si bigat,” kanan din ari ay nanongbat et pag kanan Moses, “May, si bigat, ta say maammoam ay magay makaiso en Yahweh ay Diyos mi.
1807	EXO 10:29	“Tet-ewa san kanam,” kanan Moses, “tan adi kan to ilaen kasin si sak-en.”
1884	EXO 13:16	Siya na di kaman sinyal ay maipeey sin takkay ya kitong ay mangipanpanemnem sin inyat Diyos ay nangipango en datako ay komaan ed Egipto babaen sin nakaskasdaaw ay panakabalina.’ Say ibaga yo di sin an-ak yo,” kanan Moses en daida.
5950	JOS 5:14	“Aga, sak-en di pangolon di sosoldadon Diyos,” kanan din lalaki ay sana. Kadokmog ay nanyakog-ong si Josue sin lota ay nangdayaw en sisya. “Esaak ay baam, apo. Nasasaganaak ay manongpal sin bilin mo,” kanan Josue.
6499	JOS 24:21	“Aga, mansilbi kamin Diyos,” kinwani da ay sinombat.
6500	JOS 24:22	Kanan Josue en daida, “Dakayo met laeng di manistigo ay pinili yo ay mansilbi en Diyos.” “Aw, dakami di tistigo,” kinwani da.
6501	JOS 24:23	“Iwasit yo ngarud din sinan didiyos di odom ay nasyon ay wadan dakayo yan ikari yo ay magay dayawen yo mo adi si Yahweh ay Diyos tako ay Israelita,” kanan Josue ay nangibilin.
6674	JDG 6:18	Pangaasim ta adi ka pay laeng komakkaan ta enak man-a si makan ay idaton kon sik-a.” “May, isnaak enggana ay mantaoli ka,” kanana.
6932	JDG 15:1	Idi baken onay nabayag, sin pinag-aanis bakakew, nan-as Samson si anak di kalding ta ena ilaen si asawa na. Kanana, “Senggepak sin kowarton asawak,” ngem adi pinalobosan din aman di babai.
7237	1SA 1:23	“May ngarud,” kanan Elkana ay nanongbat, “mo intoy kosto si pannemnem mo, say amagem. Mantetee ka enggana ay posotem. Sapay koma ta ipatongpal Diyos san karim.” Et nantee si Hanna sin beey da ay namaspasoso ya nangay-ayowan sin anak na.
7288	1SA 3:10	En pinmikas Diyos sin kad-an Samuel yan kinaliana ay kaman sin damo. “Samuel, Samuel,” kinwani na. Songbatan pay Samuel yan kanana, “Sino di? Tan nay mandengdengeak ay baam.”
7578	1SA 15:16	“Iginek mo!” kanan Samuel en Saulo. “Ibagak en sik-a di inpaammon Diyos en sak-en ed labi.” “Dad-atem kod,” kanan Saulo ay nanongbat.
7659	1SA 17:39	Idi in-amag David dadi, asi nan isiket din kampilan yan ipadas na ay idad-an, maikawa tan adi nan inpaingsa. Kanana en Saulo, “Maikawaak tan bakenak dedan nairuam,” isonga kinaana.
8234	2SA 9:4	“Intoy kad-ana?” pinoot din ari. “Wada sin beey Makir ay anak Ammiel ed Lodebar,” kanan Ziba.
9370	1KI 18:26	Et ina da din baka yan insagana da. Nankararag da en Baal manipod sin agsapa enggana sin alas dosi. “Ay Baal, songbatam kod nan kararag mi,” kanan da ay nangibogbogaw dowan dan manaytayaw ay manliked sin altar ay inamag da, ngem magay nanongbat sin kararag da.
9378	1KI 18:34	“Say iyat yo kasin,” kanana et pinidwa da. Binilina kasin daida et say inyat da si maikapitlo.
9474	1KI 21:20	Pinatin Elias din intogon Diyos. Idi inilan Ahab sisya, kanana, “Dinteng mo baw sak-en, sik-a ay omiibaw.” “Aw yan,” kanan Elias ay nanongbat. “Et gapo ta inpakat mon kabaelam ay mangamag si lawa sin pangilan Diyos,
9650	2KI 4:43	“Ngem adi met omanay sa si sin-gasot ay ipogaw,” kanana ay sinombat. Kanan aben Eliseo, “Idawat mo od en daida, tan inbagan Diyos ay mangan da ay kosto yan wada pay di mabay-an.”
9670	2KI 5:19	“Somaa ka ay natalna di nemnem mo,” kanan Elias. Siya di, nanlobwat da Naaman ay somaa. Adi da onay inmaddawi
10116	2KI 20:14	Idi siya di, inmey din mamadto ay si Isaias en Hezekias yan kanana ay nandamag, “Intoy napoan dadi ay ipogaw, ya sinoy kanan da en sik-a?” “Napo da sin addawi ay ili ay Babilonia,” kanan Hezekias ay nanongbat.
10117	2KI 20:15	“Yan sinoy inila da sin palasyom?” kanan Isaias. “Inila da am-in. Maga di kinabaknang ko ay adiak inpaila en daida,” insongbat Hezekias.
14705	PSA 50:5	“Ayagan yo din napodno ay ipogaw ko,” kanana, “din nakitolag en sak-en babaen si datdaton da.”
15154	PSA 77:4	Mo nemnemek sik-a, “Ay apaw na,” kanak, tan dadlonak nadismaya.
15926	PSA 116:10	Intoltoloy ko ay nantalek olay mo kankanak sin nemnem ko, “Palalo nan ligat ko,”
15952	PSA 118:15	Dengngen yo din bogaw di Israelita ay wada sin tolda ay panbeeyan da ay manlaylayad sin nangabakan da. “Nakaskasdaaw din panakabalin Diyos,” kanan da.
16158	PSA 122:1	Maragsakanak idi inmawis da, “Emey tako sin beey en Diyos,” kanan da.
16293	PSA 137:3	Ngem din akin balod en dakami ay taga-Babilonia, kanan da en ikantaan mis daida. “Ikantaan yos dakami si maipanggep ed Zion,” kanan da.
16297	PSA 137:7	Dosaem koma ay Diyos din taga-Edom gapo sin inamag da, tan sin naabakan di Zion et malaylaydan da. “Bakasen yo, bakasen yo,” ibogbogaw da.
16412	PSA 146:1	Madaydayaw din Apo! “Daydayawem sisya,” kanak sin awak ko.
18801	ISA 54:8	Sinkaattikan ay binaybay-ak sik-a gapo sin palalo ay bonget kon sik-a, ngem ipailak ton sik-a di magay pap-eng na ay layad ya seg-ang ko,” kanan Diyos ay nangsobot en sik-a.
18823	ISA 55:13	Awni et say gomabay di mapteng ya way silbi na ay kaiw ay maisokat sin pagat. Et danay di pannemneman di ipogaw si eng-enggana sin inamag ko,” kinwanin Diyos.
18856	ISA 57:21	Magay talna sin mangam-amag si lawa,” siya nay kanan Diyos.
18991	ISA 65:25	Awni et man-okob di atap ay aso si anak di karnero. Din layon yan mangan das nabeas ay kaman baka, yan din eweg, tapok di kanena. Magay komat ono domadael sin nasantoan ay dontog ko,” kanan Diyos.
19004	ISA 66:13	Awni et liwliwaek dakayo ed Jerusalem ay kaman din iyat di ina sin nadakdake ay anak na,” kanan Diyos.
19557	JER 23:4	Man-isaadak si tuturay ay mangayowan en daida et magay pan-egyatan da ya magay malitaw en daida. Adi da aben madisdismaya,” kanan Diyos.
19617	JER 25:14	Gon-gonaak daida insigon sin inam-amag da ay mismo, et ad-ado di nasyon ya nankapipigsa ay aari ay mangibag-en met laeng en daida,” kinwanin Diyos.
20950	EZK 18:32	Adiak malaydan sin kateyan di olay sino ay ipogaw, isonga manbabawi kayo ta matago kayo,” kanan din Kangatoan ay Diyos.
21525	EZK 39:8	Magay dowadowa ay mapasamak am-in dana,” kanan Yahweh ay Diyos.
21900	DAN 3:24	Pag et kapika din ari ay palalo ay masmasdaaw yan kanana sin oopisyal na, “Ay baken ayan tolo da din lalaki ay binalod ya intep-a tako sin apoy?” “Aw yan, apo ari,” kanan da ay nanongbat.
21924	DAN 4:15	Siya sa di iniitaw ko,” kanan Ari Nebukadnezzar. “Beltesazzar, ed wani ibagam di olog na. Tan magay makaiolog sin amin ay mamagbaga isnan intiro ay iturayak. Ngem kabaelam ay ibaga tan wadan sik-a din laing di nasantoan ay kadiyodiyos.”
22154	DAN 12:4	“Ngem sik-a ay Daniel, timbream din libro ta mapaneknekan ay kosto din linaona enggana sin maodi ay timpo. Tan ad-adon to di manganaanap si katapian di ammo da,” kanan din anghel.
22337	HOS 13:2	Yan ed wani, sepsepsepen da din basol da. Tan din nalaing ay manpanpanday et am-amagen da din palata da si didiyosen ay nas-et di amag na. Kanan da, “Man-idaton tako en daida,” dowan dan ongoan din didiyosen da ay sana ay sinan baka.
22423	JOL 4:11	Dalasen yo ay omali, dakayo am-in ay nasyon sin nanniliked ta masinop kayo sin tanap.’” “Apo Diyos, ibaam koma din sosoldadom ay en mangobat en daida,” kinwanin di mamadto.
23103	ZEC 11:6	“Tan enggay adiak seg-angan din ipogaw sin ili ay sana. Sak-en ay mismo di mangipolang en daida sin panakabalin di turay ya ari da. Dadaelen din tuturay ay nay din ili et maga di isalakan ko,” kinwanin Diyos.
23162	MAL 1:4	Mo kanan din taga-Edom ay polin Esau, “Nadadael din il-ili tako ngem bangonen tako kasin,” kanan Diyos ay Kangatoan ay Turay, “Olay amagen da ngem dadaelek kasin. Mangadanan dan to si managbasol ay nasyon ya ipogaw ay kaliliget Diyos si eng-enggana.
23236	MAT 1:23	“Mawad-an di esa ay balasang ay magay nangiwgiwit en sisya, et man-anak si lalaki ay mangadanan si Immanuel,” di olog na et “wadas Diyos en datako.”
23243	MAT 2:5	“Ed Betlehem isnan nay ay probinsiya ay Judea,” kanan da ay sinombat. “Tan siya na di inpaisolat Diyos sin mamadto ed nabaon ay kanana,
23285	MAT 4:7	“Aw kayman,” kanan Jesus ay sinombat, “ngem din naisolat ay kalin Diyos et kanana abe en, ‘Adi yo padpadasen si Diyos ay Apo yo.’”
23421	MAT 8:7	“En ta ngarud ta kaanek sakit na,” kanan Jesus.
23446	MAT 8:32	“May, en kayo,” kanan Jesus. Isonga tinaynan da din lallalaki, et en da kinmapet sin bibisaang. Pag tomanagtag din bibisaang ay namallalong et pag dan maekgas sin lebeng et nalned da.
23457	MAT 9:9	Maaw-awni pay sin pandad-anan Jesus, inila na di mansingsingil si bowis ay manngadan si Mateo ay tinmotokdo sin opisina na. “Manbalin ka et si pasolot ko,” kanan Jesus. Kapikas Mateo et nakiey en sisya.
23476	MAT 9:28	Intoltoloy Jesus ay mandan enggana ay somawang sin beey ay emeyana et sinenggep. Sinenggep abe din dowa ay nagodab. Pag nan kanan en daida, “Ay patien yo ay kabaelak ay mangaan sin godab yo?” “Aw, Apo,” kanan da.
23695	MAT 14:29	“Omali ka,” kanana. Pag komaan si Pedro sin bangka et inlogi na ay mandan ay emey en Jesus.
23727	MAT 15:25	Ngem din babai ay doy et inmey pay dedan nandokmog sin sangoanan Jesus. “Apo, bomadang ka paabe,” kanana.
23729	MAT 15:27	“Siya kayman, Apo,” kanan din babai, “ngem olay din aso et kanen da din mogay ay matekdag mo mangmangan din among da.”
23735	MAT 15:33	“Aw kayman,” kanan din papasolot na, “ngem intoy pangaan tako pay si omanay ay kanen da, tan nay met ay naidodolin isna?”
23755	MAT 16:14	“Wada di mangwani en sik-a si Juan ay Mamonbonyag. Kanan di odom en sik-a si Elias, yan kanan aben di odom en sik-a si Jeremias ono odom ay mamadto ed nabaon,” insongbat da.
23756	MAT 16:15	“Ngem dakayo pay,” kanan Jesus, “sinoy pangwani yo en sak-en?”
23780	MAT 17:11	“Tet-ewa iman din it-itdo da ay sana,” kanan Jesus ay sinombat.
23789	MAT 17:20	“Tan kolang di pammati yo,” kanan Jesus ay sinombat. “Tet-ewa nan ibagak en dakayo ay olay mo kitkittoy di pammati yo ay kaman din kakitkittoyan ay bin-i, mabalin ay kanan yo sin dontog ay nay, ‘Demenden kas di,’ et demenden tet-ewa. Maga polos di adi yo kabaelan!
23794	MAT 17:25	“Aw yan,” kanan Pedro. Senggep pay si Pedro sin beey ay kad-an Jesus, nangon-onas Jesus ay mankali yan kanana, “Ay Simon, sinoy pannemnem mo? Intoy pansingsingilan di aari isnan daga si bowis? Ay sin an-ak da ono odom ay ipogaw?”
23795	MAT 17:26	“Sin odom adi ay ipogaw,” kanan Pedro. Kanan aben Jesus, “Mo siya sa ngarud, adi masapol ay manbayad din an-ak da.
23818	MAT 18:22	“Adiak kanan en mamin pito anggoy mo adi et mamin pitopolo ay pito,” kanan Jesus ay sinombat.
23838	MAT 19:7	“Aw ngin kayman,” kanan da. “Ngem apay ngarud ay ipalobos di linteg Moses ay idawtan di lalaki di asawa na si kasolatan ay mangipaneknek ay nansian da, pag nan pakaanen?”