57	GEN 3:1	Asi et wada di eweg ay kasisikapan sin am-in ay atap ay pinarsuan Diyos. Waday esay agew, kanan din eweg sin babai, “Ay siya od ay inbagan Diyos ay maiparit ay mangan kayo sin olay sino ay lames di kaiw ay wadas na?”
67	GEN 3:11	Kanan Diyos en sisya, “Intoy nangammoam ay nakalabos ka? Ay tan nangan ka sin lames di kaiw ay inparit ko en dakayo?”
69	GEN 3:13	Asi pag kanan Diyos sin babai, “Apay nga say inamag mo di?” Sinongbatan din babai, “Inmietek tomet din eweg, isonga kinan ko din lames di kaiw ay doy.”
89	GEN 4:9	Siya pay di kanan Diyos en Cain, “Intoy kad-an iyogtan mo ay si Abel?” “Toan adi. Ay tan sak-en od di makaammo en sisya?” kanana.
369	GEN 15:8	“Aw, Kangatoan ay Diyos,” kanan Abram, “ngem intoy pangammoak pay ay okaek?”
390	GEN 16:8	Kanan din anghel, “Hagar ay bag-en Sarai, intoy napoam ya intoy emeyam?” Songbatana pay yan kanana, “Ilaylayawak si Sarai ay apok.”
434	GEN 18:9	Idi nakakan da pay, kanan da en Abraham, “Into pay si Sara ay asawam?” “Dooy sin tolda yan,” kanana.
453	GEN 18:28	Ngem into et ya waday opatapolo ya lima ay nalinteg ay ipogaw, ay bakasem pay laeng din intiro ay ili gapo ta kolang di lima anggoy?” “Maga,” kanan Diyos ay sinombat. “Adiak pay dosaen din ili da mo waday datngak ay opatapolo ya lima ay ipogaw ay adi naitapi sin basol di odom.”
454	GEN 18:29	Nankali kasin si Abraham yan kanana, “Mo kaspangarigan wada di opatapolo anggoy?” “May ngarud,” kanan Diyos, “mo wada di opatapolo, adiak pay dosaen din ili da.”
455	GEN 18:30	Kanan Abraham kasin, “Apo, adi ka kod omibongbonget sin nay ay kasinak ibaga en sik-a. Ngem into et ya wada anggoy di tolonpo?” “Mo way datngak ay tolonpo, adiak dosaen din ili da,” kanan aben Diyos.
456	GEN 18:31	Kanan kasin Abraham, “Apo, pasinsiyaam kod kasin din kinatoled ko, tan wada pay di ibagak. Mo kaspangarigan dowanpo anggoy di datngam?” “Mo dowanpo di wadas di, adiak aben dosaen din ili da,” kanan Diyos.
457	GEN 18:32	Kasin pay nankalis Abraham yan kanana, “Apo, adi ka kod omibongbonget, tan si naey met di omanongos ay ibagak. Into et ya sinpo anggoy di wada?” Kanan Diyos, “Olay mo sinpo anggoy ay siged di datngak isdi, laton ay adiak dosaen din ili da begew en daida.”
549	GEN 22:1	Idi inmey di pigay tawen, kanan Diyos en padasenas Abraham. Isonga inayaganas sisya ay nangwani, “Ay Abraham.” “Ay way ibagam, Apo?” kanana ay sinombat.
555	GEN 22:7	nankalis Isaac yan kanana, “Ay ama!” “Sino di?” kanan Abraham. “Naey di pantagos apoy ya kaiw, ngem into ngay din anak di karnero ay idaton ta?” kanan Isaac.
559	GEN 22:11	Ngem kabogaw din anghel en Diyos ay napod langit yan kanana, “Ay Abraham, Abraham!” “Apay mo?” kanana ay sinombat.
597	GEN 24:5	Sinongbatan din bag-ena yan kanana, “Et intoy iyat ko ngay mo sigaan din balasang ay komaan sin ili na ay makiali en sak-en isna? Ay asiak koyogen din anak mo ay emey sidi?”
657	GEN 24:65	yan dinamag na sin bag-en, “Sino din lalaki ay doy ay omas-asag-en ay omabet?” “Din anak di apok,” kanana ay sinombat. Isonga nilingban Rebeka din mata nas sokdong, tan say ogalin di babassang isdi.
681	GEN 25:22	Sin daan da pay laeng bemelaan, nansinikil da sin eges na, isonga kananas nemnem na, “Apay nas mapaspasamak en sak-en mo?” Et nankararag en Diyos ay nangipoot.
702	GEN 26:9	Inpaayag na si Isaac yan kanana, “Kambaw asawam yan apay nga inbagam en iyogtan mo?” Songbatan Isaac yan kanana, “Tan ninemnem ko ay amangan mo pomse da gapo en sisya.”
746	GEN 27:18	Idi indateng pay Jacob sin kad-an ama na, kanana, “Naeyak ay ama.” “Sino ka od ay anak ko?” kanan ama na.
748	GEN 27:20	Kanan aben ama na, “Aye! Indateng mo kayman ay dagos mo?” “Aw, tan binmadang si Yahweh ay Diyos mo,” kanan Jacob ay sinombat.
956	GEN 32:28	“Sinoy ngadan mo?” kanan din lalaki. “Si Jacob,” insongbat na.
1100	GEN 37:16	“An-anapek din aag-ik ay mangipaspastol sin karnero ya kalding da. Ay ammom di kad-an da?” kanan Jose ay sinombat.
1114	GEN 37:30	Pag en maitapi sin aag-i na yan kanana, “Naiwed si iyogtan tako ngay! Intoy iyat ko pay?”
1136	GEN 38:16	Et sinmag-en si Juda en sisya sin igid di kalsada yan tinolag na ay mandaag da, tan adi na inmatonan ay sisya baw din innapo na. Pag kanan Tamar, “Sino ngin di idawat mon sak-en ta asi ta mandaag?”
1141	GEN 38:21	Nandamag si Hira sin lallalaki ed Enaim yan kanana, “Into din hostess ay doy ay manseseed sin segpan di ili?” Ngem kanan da, “Maga met di hostess isna.”
1180	GEN 40:7	yan kanana en daida, “Apay nga mansasadot kayo ed wani?”
1260	GEN 42:7	Idi inilan Jose din aag-i na, naimatonana ay dagos, ngem nginalat nas daida ay kaman dan mangili yan kanana ay namodtak, “Intoy napoan yo?” “Napo kami ed Canaan ay en manaoy,” kanan da ay sinombat,
1281	GEN 42:28	Kinaliana din aag-i na yan kanana, “Ilan yo kadi! Intaoli dan pilak ko! Naey sinan sakok.” Isonga palalo ay madandanagan da, yan man-asisin-eng das egyat da yan kanan da, “Ay apaw na! Sino ngin na ay inamag Diyos en datako?”
1298	GEN 43:7	“Aw kayman,” kanan da ay sinombat, “ngem inpidwapidwan din turay ay sana ay manalodsod maipanggep en dakami ya din pamilya mi. ‘Ay dedas ama yo? Ay wada pay di agi yo?’ kanana. Kapilitan ay songbatan mi din salodsod na. Ay tan ammo mi ay ibaga na ay ton-oden mis Benjamin?”
1318	GEN 43:27	Kinomosta nas daida et pag nan kanan, “Ay deda din ama yo ay nakay ay inbaga yo en sak-en ed idi? Ay mabikas pay laeng?”
1362	GEN 45:3	Asi pag kanan Jose sin aag-i na, “Sak-en si Jose. Ay deda pay laeng si amak?” Ngem adi da makasongbat, tan enggay nasngang da sin egyat da en sisya.
1429	GEN 47:8	pag kanan din ari, “Pigay tawen mo?”
1522	GEN 50:15	Idi nakdeng ay natey si ama da, nanngangalat din aag-in Jose yan kanan da, “Into et ya malmaliget pay laeng si Jose en datako et ibaes na din lawa ay inamag tako en sisya ed idi?”
1551	EXO 1:18	Idi siya di, inpaayag din ari din dowa ay sana ay manpapaanak et kanana, “Apay nga say inamag yo na? Apay nga adi yon pinse din maianak ay lallalaki?”
1568	EXO 2:13	Kabigatana pay, nanpasyal kasin si Moses sin kad-an di gagait na ay Hebreo, yan inila na di dowa ay Hebreo ay man-ib-ibaw. Kanan Moses sin akin basol, “Apay nga bokboksingem di gait mo?”
1569	EXO 2:14	Kasongbat et din lalaki ay sana yan kanana, “Ay tan sino ka od? Ay sinoy nangidawat si kalintegam ay mangituray ya mangowis en dakami? Ay kanam abe en pomse ka ay kaman din inyat mo sin taga-Egipto ay doy?” Gapo isdi, inmegyat si Moses, tan kananas nemnem na, “Kambaw way nangila sin inamag ko.”
1573	EXO 2:18	Idi somaa da, kanan Reuel ay ama da, “Yan nay dagos nasapa kayo ed wani mo?”
1591	EXO 3:11	Ngem kanan Moses, “Ay siya mo sinoak ta sak-en di makingalat sin ari ya mangibela sin Israelita ed Egipto?”
1593	EXO 3:13	Kanan Moses, “Mo ibagak sin Israelita en, ‘Inbaan din Diyos di aap-o tako si sak-en,’ yan kanan da ay mansalodsod, ‘Sinoy ngadana?’ sinoy ibagak ngin en daida?”
1638	EXO 5:5	Enggay inmad-ado kayo et mo din taga-Egipto yan kanan yo en isaldeng yo din obla yo?”
1647	EXO 5:14	Pakakkaasien din kakapatas ay soplisopliten din Israelita ay nadotokan ay man-imanmandar. Kanan da, “Apay nga baken kosto di kabibilang di inpaamag yo ed nasdem ya ed wani ay baken kaman ed idi?”
1785	EXO 10:7	Asi pay kanan din oopisyal di ari en sisya, “Ay pig-an ngin ay isaldeng nisa ay mangidawdawat si problima en datako? Pangaasim ta palobosam et dedan din Israelita ta emey da mandayaw en Yahweh ay Diyos da. Ay adim pay laeng nadlaw ay enggay nadadael nan ili tako ay Egipto?”
1786	EXO 10:8	Isonga inpaayag din ari da Moses en Aaron et kanana en daida, “Mabalin baw ay emey kayo ta en kayo mandayaw sin Diyos yo. Ngem sino da di emey?”
1945	EXO 15:24	Kanan din ipogaw ay nanriri en Moses, “Into ngin di inomen tako?”
1963	EXO 16:15	Idi ilaen din Israelita, kanan da ay nan-asibaga, “Ay sino pay na?” tan adi da ammo mo sino di. Pag kanan Moses, “Sinay din makan ay indawat Diyos en dakayo.
1986	EXO 17:2	Isonga nanriri da en Moses ay mangwani, “Iyaam dakamis danom ay inomen mi.” Asi et kanan Moses ay nanongbat, “Apay nga ririen yos sak-en? Apay magay talek yo en Diyos ta padpadasen yos sisya?”
1991	EXO 17:7	Asi et nginadanan Moses din lugar ay sana si Massa ya Meriba, tan nanriri din Israelita dowan dan pinadpadas si Diyos ay nangwani, “Into ngin si Diyos?”
2460	EXO 32:21	Makdeng pay di, kanan Moses en Aaron, “Intoy inyat aya da nan ipogaw en sik-a et nay pinalobosam daida ay mangamag isnan palalo ay madagsen ay basol?”
4198	NUM 16:3	Natopog da am-in sin sangoanan da Moses en Aaron et pag dan kanan, “Palalo ay ipapangato yon kaipogaw yo. Am-in met ay Israelita ay naitatapi sin gimong et nasantoan da, et wadas Diyos en datako am-in. Apay nga inbilang yon awak yo ay nangatngato mo din odom ay ipogaw Diyos?”
4217	NUM 16:22	Ngem nandokmog ay nanyakog-ong da Moses en Aaron ay nangwani, “Sik-a ay Diyos di napoan di biyag di am-in ay way leng-ag na. Ay manbonget ka aya sin amin da nan kaipoipogaw olay mo es-esa anggoy di nakabasol?”
4322	NUM 20:10	Tinopog da Moses en Aaron din am-in ay Israelita et pag kanan Moses, “Dengngen yo nan ibagak, dakayo ay nariri ay ipogaw! Ay piliten yos dakami ay mangipabala si danom isnan bato ta waday inomen yo?”
4385	NUM 22:9	Sin labi ay doy, nginalat Diyos si Balaam ay kanana, “Ay sino nan lallalaki ay sangailim?”
4404	NUM 22:28	Pag pankalien Diyos din dangki et kananan Balaam, “Ay sino ngin di inamag ko si gapo ay sinmoplitam si namitlo?”
5949	JOS 5:13	Idi wada pay laeng da Josue sin sag-en di Jerico, bigla et ay inila na di esa ay lalaki ay pinmipika sin sangoanana ay nananggen si kampilan. Inmasag-en si Josue et kanana, “Ay esa ka sin soldado mi, ono esa ka ay kaibaw mi?”
6685	JDG 6:29	Kanan da ay nan-asibaga, “Sino ngata di nangamag isna?” Idi dinamdamag da, naammoan da ay si Gideon ay anak Joas di nangamag.
6914	JDG 14:3	Ngem kanan da ama na, “Apay nga mangasawa kas anak di baken nakogit ay Filisteo? Ay tan maga aya di mapilim si kapolian tako ono iib-a tako ay Israelita?” Ngem kanan Samson en ama na, “Sisya met di laydek ay ton-oden yo ta asawaek.”
6926	JDG 14:15	Sin maikap-at ay agew, kanan da sin asawan Samson, “Sikapam si asawam ta ibaga nan sik-a di songbat din bontiya na. Mo sigaam, pooan mis sik-a ya din pamilyam ta matey kayo am-in. Ay inmayag kayo baw ta pabitegen yos dakami?”
6929	JDG 14:18	Idi dandani ay madipos di agew sin maikapito, kanan din man-ili en Samson, “Ay baken anig di kakam-isan? Ay baken od layon di kapipigsaan?” Kanan Samson en daida, “Mo adi kayon in-alado din bakak, Adi kayo koman nasongbatan din bontiyak.”
6941	JDG 15:10	isonga kanan din man-ili ed Juda, “Apay ngin ay inmali kayo ay mangobat en dakami?” Songbatan pay din Filisteo yan kanan da, “Inmali kami ay en manpap en Samson ta ibalod mi ya ibaes mi din inamag nan dakami.”
6942	JDG 15:11	Siya di inmey di tolon gasot ay lalaki ay taga-Juda sin liyang sin deppas ed Etam et kanan da en Samson, “Ay adi ka ayan ammo ay din Filisteo di mangituray en datako? Ay sino ngin nas inamag mo en dakami?” Ngem kanan Samson, “Inbaes ko met anggoy din inyat da en sak-en.”
6949	JDG 15:18	Palalo di bigaw Samson, isonga kanana ay nan-adawag en Diyos, “Indawat mo kayman nan nakaskasdaaw ay nangabakak, ngem ay mateyak ed wani si bigaw ko ta dompap da nan baken nakogit ay Filisteo?”
6957	JDG 16:6	Idi siya di, kanan Delila en Samson, “Pangaasim kod ta ibagam en sak-en di poon san nakaskasdaaw ay bikas mo. Mo kaspangarigan way manglayad ay mamalod en sik-a, intoy iyat na ngin ta say maabak ka?”
7222	1SA 1:8	Et kanayon abe ay damagen Elkana, “Apay nga man-og-oga ka ya sigaam ay mangan? Sinoy gapo ay kanayon ay pansasadotam? Ay bakenak ayan napatpateg en sik-a mo sinpo ay anak?”
7228	1SA 1:14	isonga kananan sisya, “Ay nabeteng ka? Pig-an pay ay maimosngan ka ya isaldeng mo san kabebeteng mo?”
7294	1SA 3:16	ngem kinalian Eli sisya ay kanana, “Ay anak ko ay Samuel.” “Sinoy ibagam?” kanan Samuel ay nanongbat.
7442	1SA 10:22	isonga kanan da en Diyos, “Ay inmalis sisya?” Pag kanan Diyos ay nanongbat, “Wadas Saulo ay nantatabon sin likod di nakapin ay karga.”
7498	1SA 13:11	Ngem kanan Samuel, “Ay sino pay nas inamag mo?” Kanan Saulo ay nanongbat, “Tan enggay to met ay tomaynan din sosoldado yan maga ka pay laeng sin timpo ay inbagam ay domatngam dowan et masinsinop din Filisteo ed Micmas.
7576	1SA 15:14	Ngem kanan Samuel, “Et apay ngarud san madmadngek ay kalin di karnero ya kangan di baka?”
7581	1SA 15:19	Ngem apay nga adi kan tinongpal din inbilin Diyos? Apay nga inalistoam ay nan-a sin sinamsam mo ay sanikwa da et inamag mo di baken kosto sin pangilan Diyos?”
7599	1SA 16:2	Ngem kanan Samuel, “Intoy iyat ko ngin ay emey yan mo dengngen Saulo et pomse?” Kanan Diyos, “Man-a ka si bomalasang ay baka yan kanam en inmey kas di ay man-idaton en Diyos.
7601	1SA 16:4	Tinongpal Samuel din inbilin Diyos. Idi dinmateng ed Betlehem, manpayegpeg din papangolon di ili ay mangabat en sisya yan kanan da ay nansalodsod, “Apo, ay mayat di panggep mo en dakami sin inmaliam ay nay?”
7608	1SA 16:11	Ay anggoy dana si an-ak mo?” kanana ay nansalodsod. Kanan Jesse ay nanongbat, “Wada pay laeng din kaiyogtanan, ngem wada ay mangay-ayowan si karnero.” Kanan Samuel, “En ka ipaayag tan adi takon ilogi ay man-idaton ya mangan enggana ay domateng.”
7649	1SA 17:29	Kanan David, “Ay sino od di inamag ko? Ay maiparit aya di pankaliak?”
7776	1SA 21:2	Inmey si David ed Nob sin kad-an Ahimelek ay padi. Manpayegpeg sisya ay nangabat en David yan kanana, “Apay nga es-esam ay magay intakin mos gait mo?”
7858	1SA 24:17	Idi nakdeng ay inbagan David di, kanan Saulo ay nanpoot, “Ay sik-a ay anak ay David san mankalkali?” Pag nan ipigsa ay nan-oga.
7914	1SA 26:6	Idi siya di, nandamag si David en Ahimelek ay Heteo ya si Abisai ay anak Zeruyas ya agin Joab. Kanana, “Sino di komoyog ay emey sin kampon Saulo?” “Sak-en,” kanan Abisai ay sinombat.
7922	1SA 26:14	Pag nan kanan ay nangibogaw en daida, “Abner, apay nga adi kan somongbat?” Songbatan pay Abner yan kanana, “Sino ka ay bomogbogaw ay mamalaga sin ari?”
7924	1SA 26:16	Lawa sas inyat mo. Dadlon tet-ewa ay lebbeng na ay matey kayo am-in, tan adi yo dedan binantayan din apo yo ay dinotokan Diyos ay manturay. Estem ay ilaen. Intoy kad-an din gayang di ari ya din panpeypey-an si danom ay wada koma sin toktokana?”
7925	1SA 26:17	Inmatonan Saulo din kalin David yan kanana, “Anak ko ay David, ay sik-a san mankalkali?” Songbatan pay David yan kanana, “Aw, sak-en, Apo ari!”
8169	2SA 6:9	Siya et di, inmegyat si David en Diyos yan kanana, “Intoy iyat ko pay ay mangitakin sin Baol di Tolagan?”
8232	2SA 9:2	Sin doy ay timpo, wada di baa sin pamilyan Saulo ay manngadan si Ziba. Inayagan da ta manpaila en David, pag nan kanan en sisya, “Ay sik-a si Ziba?” Songbatana pay yan kanana, “Aw apo, naeyak ay mansilbi en sik-a.”
8233	2SA 9:3	Kanan din ari ay nansalodsod, “Ay maga di nabay-an sin pamilyan Saulo si mabalin ay pangipailaak si seg-ang ay kaman din seg-ang Diyos?” Kanan Ziba ay nanongbat, “Wada pay laeng di esa sin an-ak Jonatan ay napengkey di dowa ay siki na.”
8236	2SA 9:6	Idi domateng si Mefiboset ay anak Jonatan ay anak Saulo sin kad-an David, nanyakog-ong ay mangipaila si pangdayaw na. Kanan David, “Ay sik-a si Mefiboset?” Songbatana pay yan kanana, “Aw apo, sak-en nan baam.”
8272	2SA 11:10	Idi ammoan David ay adi sinmaa si Urias, kanana, “Apay nga adi ka sinmaa yan nabayag ay inmaddawi ka sin beey mo?”
8308	2SA 12:19	Inilan David ay man-aayasak din oopisyal na, yan naawatana ay natey din anak, isonga nansalodsod ay kanana, “Ay natey din anak?” “Aw,” kanan da ay nanongbat.
9160	1KI 12:6	Nakikali si Rehoboam sin papangolo ay nansilsilbi en Solomon idi matmatago pay laeng. Kanana ay nanpoot, “Sino di maibaga yo ay isongbat ko sin ipogaw?”
9163	1KI 12:9	“Sinoy maibaga yo ay isongbat ko sin kanan di ipogaw ay palag-anek din obla da?” kanana.
9338	1KI 17:18	Kanan din babai en Elias, “Sik-a ay ipogaw Diyos, sino pay di gapo ay say inamag mo nan sak-en? Ay inmali ka ay mangipanemnem en Diyos sin basbasol ko ta say matey din anak ko?”
9340	1KI 17:20	Kanana ay nanpakaasi en Diyos, “Yahweh ay Diyos ko, ay olay nan balo ay pakidagdagosak yan paligatem tan nay adi kan naseg-ang sin anak na?”
9399	1KI 19:9	Sinenggep si esa ay liyang et isdi ay naseyep sin labi. Kanan Diyos en sisya, “Sinoy am-amagem isna ay Elias?”
9403	1KI 19:13	Idi dengngen Elias din ayasak, in-opop na din tak-ep di bado na sin ropa na, pag bomala et pinmika sin segpan di liyang. Pag et waday kali ay kanana, “Sinoy am-amagem isna ay Elias?”
9459	1KI 21:5	Idi sinenggep si Jezebel ay asawa na, kanana, “Ay sinoy gapo ay masmasadot ka ya sigaam ay mangan?”
9558	2KI 2:3	Wada di grupon di mamadto ay mantee isdi ay inmey en Eliseo yan kanan da, “Ay ammom ay alaen Diyos din apom ay isian en sik-a ed wani ay agew?” Kanan Eliseo, “Aw, ammok ngem adi takon ap-apaten sa.”
9560	2KI 2:5	Wadas di di mantee ay grupon di mamadto ay nansalodsod en Eliseo, “Ay ammom ay alaen Diyos din apom et isianan sik-a ed wani ay agew?” Kanan Eliseo, “Aw, ammok ngem adi takon ap-apaten sa.”
9569	2KI 2:14	Inseppat na sin danom din nag-as ay badon Elias yan kanana, “Intoy kad-an pay Yahweh ay Diyos en Elias?” Idi sineppat na din danom, nansian et nandan ay nanbalasat.
9621	2KI 4:14	Dinamag Eliseo en Gehazi, “Sino ngin ngarud di maidawat ko?” Kanan Gehazi, “Magay anak da yan enggay nakay si asawa na.”
9672	2KI 5:21	Et inapayaw Gehazi da Naaman. Idi tinamang Naaman sisya ay managtagtag ay omasag-en, kadisaag sin kalisa na et inabat na yan kanana, “Sinoy napasamak?”
9676	2KI 5:25	Makdeng pay di, inmey sin kad-an Eliseo ay apo na. “Gehazi, intoy inmeyam?” kanan Eliseo yan kanan Gehazi ay nanongbat, “Maga met di inmeyak, apo.”
9683	2KI 6:5	Idi man-getgetad din esa, nalokmos din wasay et nag-as sin posong, isonga kanana, “Apo, ay ta et na! Intoy iyat ko pay yan owat kon binolod?”