3246	LEV 17:10	“‘Mo sino en dakayo ay Israelita ono mangili ay makitetee en dakayo di mangisida si dada, dokogan Diyos sisya et ipowira na sin ipogaw na.
3291	LEV 19:9	“‘Mo man-ani kayo sin payew yo, adi yon palaloan ay anien din wadas benget na ya sageyen din nilabsan yo.
3293	LEV 19:11	“‘Siya abe ay masapol ay adi yon ak-akewan, sosowitiken ono iet-etekan di ib-a yo.
3295	LEV 19:13	“‘Mo wada abe di poldiyaen yo, adi yo taktaken ay mangidawat si lagbo da olay pay mo sinlabi, tan mo taktaken yo et kaman yo met laeng sinowitik ono inakewan si daida.
3297	LEV 19:15	“‘Mo wada di kasoen yo, din kosto koma di iyat yo ay mangowis. Adi yon pabpaboran di nabiteg yan adi yo aben palaloan ay patgen di baknang.
3299	LEV 19:17	“‘Mo wada di pansaksakitan di nemnem yo si ib-a yo, adi yo ililiget, mo adi et mankakapya kayo ta say adi kayo manbasbasol begew en daida.
3313	LEV 19:31	“‘Adi kayo manpasip-ok ono manpatolong si man-gengey, tan komadodogis kayo begew met laeng en daida. Say patien yo din nay inbagak, tan sak-en si Yahweh ay Diyos yo.
3314	LEV 19:32	“‘Mo pay abe din nankakay ya nankababkes, patgen ya dayawen yos daida. Patgen yo ay sipapakombaba si sak-en ay Diyos yo, tan sak-en si Yahweh.
3315	LEV 19:33	“‘Adi yo palpaligaten din mangili ay makiili en dakayo.
3317	LEV 19:35	“‘Adi yo sowitiken di ib-a yo si baken kosto ay panlokod, kiloan ono salopan,
3406	LEV 23:3	“‘Mabalin ay man-obla kayo si enem ay agew, ngem nemnemnemen yo ay sin maikapito ay agew, maga di man-obla, tan din agew ay nay et naitoding para en Diyos. Isonga olay mo into di kad-an yo, siya na di agew ay pan-ibbayan yo ya say masinopan yo ay mandayaw en Diyos.’”
3407	LEV 23:4	“‘Naey da din nasantoan ay fiesta ay inbilin Diyos, et say masinopan yo ay mandayaw en sisya sin kostokosto ay agew ay tinodingana.
3412	LEV 23:9	“‘Et mo wada kayo sin ili ay idawat ko en dakayo, iey yo sin padi din omona ay tan-ay mo man-ani kayo.
3418	LEV 23:15	“‘Manlogi sin agew ay pangidatonan yo sin omona ay nasingay ay apit yo, manbilang kayo si opatapolo ya siyam ay agew.
3425	LEV 23:22	“‘Mo man-ani kayo sin payew yo, adi yo palaloan ay anien din wadas benget na ya sageyen di labsan yo. Bay-an yo ta waday okan di nabiteg ya mangili. Tongpalen yo na tan sak-en si Yahweh ay Diyos yo.’”
3426	LEV 23:23	“‘Din omona ay agew sin maikapito ay bowan et nabanol ay agew ay pan-ibbayan yo. Mo dengngen yo di tanggoyob, masinop kayo ay mandayaw.
3429	LEV 23:26	“‘Mo manpitsa 10 sin maikapito ay bowan, siya na di agew ay malinisan di basbasol di ipogaw. Sin siya di ay agew, adi kayo mangan, mo adi et masinop kayo ay mandayaw ya man-idaton si mapooan para en Diyos.
3436	LEV 23:33	“‘Mo makdeng ay man-ani kayo, silibraren yo din fiesta ay makwani en Ab-abong ay pandaydayawan yo en Diyos. Pito ay agew di kabayag na ay manlogi sin maikasinpo ya lima ay agew di maikapito ay bowan. Sin damo ay agew, adi yo amagen di obla yo, mo adi et masinop kayo ay mandayaw. Man-a kayo si kamayatan ay prutas, tobon di palma, pangan di masaybog ay kaiw, ya napintas ay molmola ay gomabay sin kad-an di ginawang, et ilogi yo ay mansilibrar sin fiesta. Inagew ay man-idaton kayo si mapooan para en Diyos si pito ay agew. Et mo pay ta sin maikawao ay agew, masinop kayo ay mandaydayaw kasin ya man-idaton kayo abe si mapooan. Adi yo amagen di obla yo sin agew ay nay. Masapol abe ay man-iyan kayo am-in ay Israelita sin amagen yo ay ab-abong sin nay pito ay agew ta say maammoan di poli yo ay nanbebeeyen Diyos din aap-o da si ab-abong sin nangibelaana en daida ed Egipto. Tongpalen yo na ay bilin ya siya abe din poli yo si eng-enggana. Siya na di kanan Yahweh ay Diyos yo. “‘Si da doy ngarud din nasantoan ay fiesta ay masapol ay tongpalen yo. Nabanol dadi ay masinsinopan ya pandaydayawan yo panggep si pan-idatonan si makan, apit, arak, daton ay mapooan, ya odom ay daton para en Diyos sin kosto ay agew ay maibagayan da. Maitapi dadi ay fiesta sin agew ay pan-ibbayan, et di maitapi abe sin datdaton yo ay doy et din sigod pay dedan ay idatdaton yo ay mapos nemnem yo ya din inkari yo ay datdaton en Diyos.’”
3528	LEV 26:3	“‘Mo tongtongpalen yo din linteg ya bilbilin ko,
3531	LEV 26:6	“‘Siya abe ay panturayek di talna sin ili yo, et maseyep kayo ay maga di pan-egyatan yo tan kaanek din maangat ay aanimal sin kad-an yo ya maga abe di en mangobat en dakayo.
3543	LEV 26:18	“‘Et mo makdeng am-in dadi ay ligat yan adi yo pay laeng patien sak-en, dosaek si dakayo si mamin pito di dagsena begew sin basbasol yo.
23636	MAT 13:28	“‘Waday nangililiget en datako ay nangamag sidi,’ kanana ay sinombat. “‘Ay laydem ay en kami kamasan?’ kanan da.
23868	MAT 20:7	“‘Maga di mamoldiya en dakami ngay,’ kanan da ay sinombat. “‘May,’ kanan aben din nakin nom-a, ‘en kayo aben makiobla sin kaobasak.’
23874	MAT 20:13	“‘Dengngem na ay ib-a,’ kanan din nakin nom-a sin esa en daida. ‘Adiak met sinowitik dakayo, tan nantolag takos esa ay denario, ay baken siya?
23978	MAT 22:37	Kanan Jesus, “‘Masapol ay imongsan mo di am-in ay nemnem ya laing mo ay manglaylayad en Diyos ay Apom.’
24086	MAT 25:9	“‘Adi mabalin,’ kanan din nanemneman ay sinombat. ‘Adi omanay din reserba mi en datako am-in. En kayo sin kantina ta manlako kayo.’
25719	LUK 16:30	“‘Aw kayman, apo Abraham,’ kanan aben din baknang, ‘ngem adi met omanay sa. Mo wada koma di mapo sin kad-an di natey ay emey en daida, ibabawi da din basbasol da.’
25826	LUK 19:26	“‘Yan aw adi,’ kanan din Ari ay sinombat, ‘tan tet-ewa met ay olay sino di waday kabaelana et matobtoban din wada en sisya, ngem din magay kabaelana et mataoli din olay at-atik ay wada en sisya.
27780	ACT 22:8	“‘Sino ka ay Apo?’ kanak. “‘Sak-en si Jesus ay taga-Nazaret ay palpaligatem,’ kanana.
30789	REV 2:4	“‘Ngem wada di panigaak sin kabibiyag yo et siya na. Adi yo laylayden sak-en ya din gagait yo ay kaman koma din sigod ay layad yo.
30799	REV 2:14	“‘Ngem wada di at-atik ay panigaak sin kabibiyag yo, tan wada da di naitatapi en dakayo ay mangon-onod sin initdon Balaam ed idi. Si Balaam et initdo na en Balak di amagena ta masolisog di Israelita ay manbasol. Isonga inawis nas daida ay makikan si naidaton si sinan didiyos ya manaag si baken dan asawa.
30805	REV 2:20	“‘Ngem wada pay dedan di panigaak sin kabibiyag yo, tan inpalpalobos yo din naitatapian din sana ay babai ay si Jezebel en dakayo. Kankanana en pankalkalian Diyos sisya, ngem begew sin it-itdo na, aw-awisena din mansilsilbi en sak-en ta daddaagen da di baken dan asawa ya mangmangan das makan ay naidaton sin sinan didiyos.
30809	REV 2:24	“‘Ngem di odom en dakayo issa ed Tiatira et adi kayo nasangsangaw sin lawa ay it-itdo na ay sana ya magay inadal yo sin kanan da en naoneg ay mait-itdo ay napo en Satanas. Isonga adiak tapian din on-onodan yo ay bilbilin.
30818	REV 3:4	“‘Ngem wada pay di at-atik en dakayo issan ed Sardis ay adi namansaan di bado na. Sin tapin di agew, makikadkadwa da en sak-en ay manbabados mankilat, tan maikari da ay mangiyat sidi.
30823	REV 3:9	“‘Dengngen yo na. Waday Judio issa ay kaman dan naitatapi sin gimong Satanas, tan kankanan da en ipogaw Diyos daida, ngem etek da, tan baken tet-ewa. Awni et pilitek daida ay emey mandokmog sin sangoanan yo, et say pangammoan da ay laydelaydek dakayo.