23236	MAT 1:23	Ey jun ix k'opo ix, c'am to chi yil-le sba yetoj junoj winaj, pero oj pitzc'u a jun unin yin. Ja' jun unin oj aloj tu', winaj unin. Emanuel oj yija, ẍi yul An Juun Tz'ibebil can oj. Emanuel chi yal yel oc apnoj: Ey ec' Dios ketoj.
23245	MAT 2:7	Catu' jix yawten eb ilom weycan, eb chi yij pax yin mago naj Herodes tu' yin ewantajil, catu' jix sk'anlen naj tet eb: —¿Bak'ini tax jix x'ox a sba jun weycan tu'? ẍi naj tet eb.
23264	MAT 3:3	Ja' ton naj Juan ti' jix al-le yin naj yin ey oj to yu naj ẍejab Dios chi yij Isaías, yet jix yalon can jaxca ti' yul An Juun Tz'ibebil can oj: Ey jun mac txequel bey cusiltaj tx'otx' oj yal yin ipal jaxca ti': “Jaxca chi yun swa'nele junoj be yet chi jul junoj yaaw, quey tu' che yute je wa'nen je beybal, yutol oj jul naj Kaawil” quey tu' oj yute yaloni, ẍi yul An Juun Tz'ibebil can oj.
23281	MAT 4:3	Jix apni naj diablo tu' sc'atan naj, yu yak'len yijban naj yin spenail, catu' jix yaloni: —Tutun tol Sc'aal jaach Dios, al tet wan ch'en ti' tol chi oc ch'en yin panil, ẍi naj tet Jesús.
23547	MAT 11:19	Ja' yet jix jin jul xin, jain Ak'bil Wopiso yu Dios xol eb ket animail an. Jainti', chin lowi, chi wuq'ue. Pero ẍi eb win an: “Ja' Jesús tu', asan c'al lo' c'al uq'ue vino chi yoche. Yamigo sba naj yetoj eb tejom el tolabal, c'al yetoj wan xa eb pena sbeybal,” ẍi eb win an. Yal c'al tzet chi kune, pena che yal kin. Pero ja' eb ey oc sjelanil Dios yin, chi txeclo el eb tu' yin tzet chi el yuneni, ẍi Jesús tet eb.
23569	MAT 12:11	Catu' jix tak'wi Jesús tu' tet eb: —K'inaloj ta ey junoj jex chi to junoj je me' yul junoj jolan yet sc'ual xewilal, ¿tumi c'am chi to je yi' atej?
23694	MAT 14:28	Catu' jix yalon naj Pedro tu' tet Jesús: —Wuẍtaj, ta yel jaach, chej jin bey yiban ja', catu' chin to e ach tu' an, ẍi naj tet Jesús.
23696	MAT 14:30	Ja' yet jix yabeni tol caw jow ka'e', jix xiw a oj. Jix yabeni, tol lalan spax ey xol ja', yuxan jix a yaw: —Wuẍtaj, col jin an, ẍi naj tet Jesús.
23892	MAT 20:31	Catu' jix tenchanele eb yu eb ánima tu', yet watx' chi tz'ini eb. Pero tol yel xa c'al jix a sjowal yel yaw eb: —Mamin, jaach yic'aal naj David, ok' ja c'ul kin on, ẍi eb tet Jesús junel xa.
23915	MAT 21:20	Ja' yet jix yilon eb scuywom jun tu', caw jix q'uey a sc'ul eb: —¿Tzet jix yun staj el jun te' ti' yin junoj txolan? ẍi eb jix sk'anlen eb tet Jesús.
23928	MAT 21:33	Ab wej jun xa k'aneal oj waltej ti' an xin: Ey jun winaj jix yaw uva bey sat jun x'otx', catu' jix oc colal yinlaj. Jix swa'nen jun jolan bey oj stec' el yal yuva tu'. Jix tz'ajon pax a jun ilbal uva xol tu'. Jix lawi tu' xin, jix yaon can toj jun x'otx' tu' yetoj c'al yawo maanil tet wan eb mulnawom winaj. Catu' jix to ec'ab bey jun xa lugar naat.
23982	MAT 22:41	Yaman to ec' eb fariseo tu', catu' jix sk'anlen Jesús tet eb:
24017	MAT 23:30	Catu' che yalon pax oj: “K'inaloj ta ey jon xa yet jix ec' eb kichmam yet peyxa tu', ma mi cu oc yetoj eb jix mak'on cam wan eb ẍejab Dios,” je chi.
24052	MAT 24:26	Yuxan, ta ey eb oj alon jaxca ti' e ex: “Ila, ey ec' Cristo bey cusiltaj tx'otx',” ta ẍi eb, caw c'am chex to je yila. Ta ey eb chi alon pax jaxca ti': “Ila ey ec' naj bey jun na,” ta ẍi eb, man je cha' je yabe.
24083	MAT 25:6	Pero ja' yet chuman wal ak'bal, ey jun mac jix awi tet eb: “Tol chi jul naj oj nupi tu'. Asi' cha' wej naj,” ẍi tet eb.
24088	MAT 25:11	Ja' yet jix jul eb ix c'am sna'bal tu', jix to awi octoj eb: “Mamin, Mamin, jajon octoj,” ẍi eb.
24089	MAT 25:12	Pero jix yalon eltej naj tet eb: “C'amaj. Caw yel chi wal e ex, ma jex wotaj an,” ẍi eltej naj tet eb.
24114	MAT 25:37	Catu' ja' eb watx' sbeybal sattaj Dios tu', oj tak'woj eb e in jaxca ti' an: “Mamin, ¿bak'ini ey ja wail jix kila, c'al ja tajin ti'al tu'? Toj ey tzet jix kak' e ach.
24124	MAT 26:1	Ja' yet jix lawi yalon Jesús wan ti' tet eb ánima, jix yalon jaxca ti' tet eb scuywom:
24145	MAT 26:22	Caw jix cus a sc'ul eb yet jix yaben eb jun tu'. Yuxan jun jun eb jix sk'anle yab eb tet: —Wuẍtaj, ¿man mi jain oj wun jun tu'? ẍi eb yin jun junal tet Jesús.
24149	MAT 26:26	Ja' yet lalan slow Jesús yetoj eb scuywom tu', catu' jix yi'on a ixim pan. Jix yalon yu diosal tet Dios yu ixim. Catu' jix spo'on ec' xol eb tu'. Catu' jix yalon tet eb: —Low wej. Jin mimanil jun ti', ẍi Jesús tet eb.
24161	MAT 26:38	Jix yalon Jesús tet eb: —Ian chin cam yu cus c'ulal chi wab an. Canan nej titi'. Iquis ojab jex wetoj an, ẍi Jesús tet eb.
24163	MAT 26:40	Jix lawi tu' xin, jix jul junel xa bey jix can can eb oxwan tu', catu' jix yiloni, lalan swey eb. Yuxan jix yal tet naj Pedro: —¿Tumi c'am chi ske' je tec'ba je ba tet weyan junoj hora wetoj an?
24194	MAT 26:71	Lalan xa wal yeltoj bey spuertail tu', catu' jix yilon jun xa ix, jix yalon ix tet eb yaman ec' oj: —Ja' ton jun winaj ti', yetbi sba yetoj naj Jesús a Nazaret, ẍi ix.
24211	MAT 27:13	Yuxan jix yal naj Pilato tet Jesús junel xa: —¿Tumi c'am cha wab wan chi yal eb ja win ti'? ẍi naj tet Jesús.
24215	MAT 27:17	Ja' yet jix yamba sba conob tu', jix sk'anlen Pilato tet eb: —¿Mac junoj che yoche chin jajel oj, jam naj Barrabás, ma ja' Jesús, jun chi al-le Cristoal? ẍi naj tet eb.
24219	MAT 27:21	Jix sk'anlen el naj yaaw tu' junel xa tet conob: —¿Mac junoj eb cawan ti' che yoche chin jajle el oj? ẍi naj tet eb. —Ja' naj Barrabás chi koche cha jaj el oj, ẍi eb.
24221	MAT 27:23	—¿Tzet yetal junoj pena jix sey yun jix je yil xin? ẍi naj tet eb. Pero tu' c'al jix a sjowal yel yaw eb yaloni: —Tol chi cam yin culus, ẍi eb.
24244	MAT 27:46	Ja' c'al oc yet a las tres tu', jix el yaw Jesús yin ipal: —Elí, Elí, ¿lama sabactani? ẍi Jesús. Chi yal yel oc apnoj: Jaach jin Diosal, Jaach jin Diosal, ¿tzet yuxan chin ja bej can jin txojli?
24274	MAT 28:10	Jix yalon Jesús tet eb: —Manchej jex xiwi. Asi' al wej tet eb wuẍtaj c'al tet eb wanab, tol chi to eb bey Galilea. Ja' titu' oj yil eb win an, ẍi Jesús tet eb.
24322	MRK 1:38	Catu' jix yalon naj tet eb: —Toon nej bey wan aldea cawil-laj ti', tol oj toj wal can el sk'ane Dios xol-laj ánima. Yutol yu jun ti', yuxan jix jin jul an, ẍi Jesús tet eb.
24324	MRK 1:40	Ey jun winaj jix apni sc'atan Jesús, ya' ey yu jun tujan ya'bil chi k'a'toj ánima yu, chi yij lepra. Jix ey kaan jun winaj tu', jix yaloni: —Ta chi yal ja c'ul, chi ske' ja wak'on can wa'xoj jin c'ul, ẍi naj tet Jesús.
24325	MRK 1:41	Ja' Jesús, jix ok' sc'ul yin naj, catu' jix sbatxba oc sk'ab naj yiban naj: —Chi yal jin c'ul. Tol chi wak' can wa'xoj ja c'ul, ẍi Jesús tet naj.
24327	MRK 1:43	Catu' jix chejle pax naj yu Jesús. Catu' jix cam al-le can tet naj jaxca ti' yu Jesús:
24337	MRK 2:8	Yotaj xa pax Jesús tzet chi sna' eb, yu jun tu', yuxan jix yal tet eb: —¿Tzet yuxan quey tu' che na' jaxca tu'?
24341	MRK 2:12	Jix a xa c'al waan naj yet jun txolan tu'. Jix yi'on a sweyub naj. T'anan oc eb, catu' jix pax naj. Tuxa c'al jix q'uey can a sc'ul eb masanil. Jix yalon watx' k'ane eb tet Dios: —Caw c'am bey chi kil junoj tzet yetal jaxca ti', ẍi xa c'al eb.
24343	MRK 2:14	Lalan sbeyi, catu' jix yilon yin jun naj chi ijon Leví, sc'aal naj Alfeo. Chotan ey bey chi tejwi el tolabal tet eb ánima: —Tzajloan, cuywan wintaj an, ẍi Jesús tet naj. Catu' jix a waan oj, jix tzajlo yintaj naj cuywoj.
24346	MRK 2:17	Ja' yet jix yaben Jesús jaxca tu', jix yalon tet eb: —K'inaloj ta ey ec' junoj anwam tinani', ¿toj ey yopiso yu eb watx' sc'ul? Asan yu eb ya' ey, ja' eb tu' ey yopiso yu. Quey jin pax tu', man yu oj wawten eb watx' sbeybal sna'oni, yuxan jix jin jul an, pero yu wawten eb chi yotajnen el sba tol penawom eb, ẍi Jesús.
24373	MRK 3:16	Ja' sbi eb ti' slacawanil: Simón, naj jix yij can a Pedro yu Jesús.
24380	MRK 3:23	Catu' jix awteletej eb yu Jesús tu'. Catu' jix yalontej wan k'ane tet eb: —Ja' Satanás tu', ¿tumi oj yujte el eb pena espíritu tu'?
24390	MRK 3:33	Catu' jix yalon tet eb: —¿Mac txequel jin txutx che na', mac txequel eb wuẍtaj an? ẍi naj tet eb.
24391	MRK 3:34	Catu' jix ec' t'anan oj xol-laj eb chotan ey scawilal tu'. Jix yaloni: —Ja' ton eb ti', jaxca jin txutx yei, ja' ton eb ti' jaxca wuẍtaj yei.
24402	MRK 4:10	Ja' yet man xa ey oj ec' eb ánima tu' sc'atan Jesús, jix sk'anlen el eb scuywom slacawanil tet naj, c'al eb ey ec' scawilal: —¿Tzet wal chi yal yel oc apnoj jun k'ane jix ja wal ti'? ẍi eb tet naj.
24403	MRK 4:11	Catu' jix yalon naj tet eb: —Asan e ex chi x'ox Dios wan tzet yetal tol c'am to mac otajneni, yet watx' chi na'cha el je yu tzet chi yun yoc Dios je Yaawil oj. Pero ja' tet eb comon ánima, asan wan k'ane tx'oxom el cuybanile chi wal tet,
24418	MRK 4:26	Jix yal pax tej Jesús jaxca ti' tet eb: —Oj waltej e ex tzet oj yun yel oc eb chi oc Dios Yaawil oj. K'inaloj junoj winaj chi txi'on jinat sat x'otx'.
24431	MRK 4:39	Catu' jix a waan Jesús tu', jix stenon oc tucan jun ka'e' tu'. Jix yalon pax tet ja' mar: —Ocan tucan oj, ẍi naj tet ja'. Jaxca tu' xin, jix oc tucan jun ka'e' tu', jix num ey masanil.
24432	MRK 4:40	Catu' jix yalon tet eb scuywom: —¿Tzet yuxan caw chex xiwi? ¿Tzet yuxan c'am che yaoc je c'ul win an? ẍi naj tet eb.
24433	MRK 4:41	Tu' c'al jix q'uey a sc'ul eb yu sic'lebil. Catu' jix yalon eb: —¿Tzet la ye jun winaj ti'? Ila chi sjije ka'e' c'al ja' mar tzet chi yala, ẍi eb.
24445	MRK 5:12	Jix oc tean eb pena espíritu tu' yin Jesús. Jix yalon eb: —Chej jon can toj xol no' txitam tu', yet watx' jaxa yin no' chi cu oc can oj, ẍi eb tet naj.
24461	MRK 5:28	Yutol jix sna' ix: “Asanne c'al jin mitx'on nioj sti' spichil naj, oj wa'xoj can jin c'ul,” ẍi ix.
24468	MRK 5:35	Lalan to yalon Jesús, catu' jix apni wan eb jix bet bey sna naj yaawil snail sculto eb Israel tu'. Jix yalon eb tet naj: —Ja' ix ja cutz'in ma'eal cam ix. Na'ba xa c'al mi chi to yetne sba naj Cuywam ti' to yiloni, ẍi eb tet naj.
24474	MRK 5:41	Jix oc mitx'an yin sk'ab ix, catu' jix yalon tet ix jaxca ti': —Talita cumi, ẍi. Chi yal yel oc apnoj: “Jaach unin, jain chi wal e ach an, aan waan oj.”
24491	MRK 6:15	Ey wan xa xin, jix yal eb jaxca ti': —Ja' jun tu', ja' naj Elías, ẍi eb. Ey wan xa jix aloni: —Ja' junoj eb ẍejab Dios, jaxca eb yet peyxa, ẍi eb.
24492	MRK 6:16	Ja' yet jix yaben naj Herodes wan ti', jix yaloni: —Ja' jun chi yal eb tu', ja' naj Juan, jun jix wak' i'le el sjolom. Ja' ton jix pitzc'u a xol eb camnaj, ẍi naj.
24499	MRK 6:23	Jix sloctej sbi Dios, catu' jix yak'on sti' tet ix, jix yaloni: —Yal c'al tzet yetal junoj cha k'an e in an, oj wak' e ach. Cax c'al snan oj bey ey jin oc yaawilal ti', oj wak' an, ẍi naj.
24513	MRK 6:37	—Ak' wej low eb jaexti', ẍi Jesús tet eb scuywom tu'. Catu' jix yalon eb tet: —¿Chi to cu man junoj caab cien quetzal, ch'al tu', catu' chi kak'on low eb? ẍi eb.
24514	MRK 6:38	—¿Jayeb ixim pan i'bil oc je yu? Sey wej ila, ẍi naj tet eb. Jix yilon eb, catu' jix yalon eb tet naj: Asan joeb ixim ketbi, yetoj cac'on no' pescado, ẍi eb tet naj.
24538	MRK 7:6	Catu' jix yalon Jesús tet eb jaxca ti': —Jaexti' caw caab sat jex. Yel ton ta' tzet albil can yu Isaías je yin, yet jix s'iben can jaxca ti' yul An Juun Tz'ibebil can oj: Ja' wan ánima ti', yin c'al ch'an sti' eb ey oc swatx' k'ane chi yal e in an. Pero naat el sna'bal eb win an.
24549	MRK 7:17	Catu' jix el Jesús tu' xol eb ánima tu', catu' jix octoj yul na yetoj eb scuywom tu'. Jix sk'anlen el eb tet naj: —¿Tzet chi yal yel oc apnoj jun cuybanile jix ja wal ti'? ẍi eb tet naj.
24552	MRK 7:20	Jix yalon pax jun xa ti' tet eb: —Ja' wan tzet chi tit yin cu na'bal, ja' chi cu tz'ilbinentoj yul sat Dios.
24596	MRK 8:27	Jix lawi jun tu', jix ec' Jesús yetoj eb scuywom bey wan aldealaj bey conob Cesarea yet Filipos. Jix sk'anlen naj yul-laj be tet eb: —¿Mac jin txequel yalon eb ánima che yabe? ẍi Jesús tet eb.
24603	MRK 8:34	Catu' jix yawten eb scuywom c'al eb ánima. Jix yalon tet eb: —Ta ey mac chi yoche chi ec' c'al cuywoj wintaj an, sowalil ojab man xa yetoj sba yul yet. Yab ojab eb sya'il wu an, cax c'al chi ale oc eb yin culus. Ta bejan sc'ul eb jaxca tu', ec' ojab c'al eb cuywoj wintaj an.
24618	MRK 9:11	Catu' jix sk'anlen el eb jun ti' tet naj: —Ja' eb cuywam yin sley Moisés chi yal eb jaxca ti': “Ja' Elías, sowalil oj baboj jul oj,” ẍi eb. ¿Tzet yuxan chi yal eb jaxca tu'? ẍi eb tet naj.
24631	MRK 9:24	Catu' jix a yaw smam naj unin tu' yin ipal: —Chi waoc yin jin c'ul an. Ocan wetoj catu' chi a c'al can waon oc yin jin c'ul, ẍi naj.
24636	MRK 9:29	Catu' jix yalon naj tet eb: —Ja' jun tujan pena espíritu tu', man comon oj chi eli. Asan ta chex txali, catu' che yijle nocha je ba chi ske' je yi'on el oj, ẍi Jesús tet eb.
24661	MRK 10:4	Catu' jix yalon eb: —Ja' Moisés tu', albil can yu, tol chi ske' yak'on yuunal po'lebail junoj winaj tet yistil, catu' chi spo'len sba eb, ẍi eb tet naj.
24674	MRK 10:17	Lalan xa sto Jesús yul be, catu' ey jun winaj caw ani ye jix apni sc'atan. Jix ey kaan sattaj naj, catu' jix yaloni: —Mamin, jaach watx' cuywam, chin k'anle e ach an, ¿tzet yetal sowalil chi wun an, catu' chin cha'on jin k'inal tol ey c'al yin tobal k'inal? ẍi naj tet Jesús.
24685	MRK 10:28	Catu' jix yalon Pedro tu' tet naj: —Wuẍtaj, jaonti', jix cu bej can masanil cu tzettaj yetal, catu' jix cu ec' c'al cuywoj ja wintaj, ẍi naj tet Jesús.
24705	MRK 10:48	Ec'al mac jix tenchanen naj Bartimeo tu', yet watx' chi tz'ini naj. Pero tol jix a can yel yaw naj: —Jaach yic'aal David, c'am mi chi ok' ja c'ul win an, ẍi naj tet Jesús.
24706	MRK 10:49	Catu' jix oc tucan Jesús tu', jix yaloni: —Awte wej tej naj e in an, ẍi naj tet eb tzajan oc yintaj. Catu' jix awteletej naj tu': —Tzalaan. Aan waan oj. Sebach, ẍi Jesús, ẍi eb tet.
24712	MRK 11:3	Ta ey mac chi alon jaxca ti' e ex: “¿Tzet yuxan che ti el no?” ta ẍi, quey ti' che yute je yaloni, “Tol oj oc yopiso no' yu naj Kaawil. Eyman oj jul kak' can no',” je chi, ẍi naj tet eb.
24740	MRK 11:31	Catu' jix c'oli yalon eb xol tu', catu' jix yalon eb jaxca ti': —¿Tzet wal chi kute kalon tet? Ta chi kal tol ja' Dios jix ak'on yopiso naj, ja' xam yalon e on: “¿Tzet yuxan ma je ya pax oc yin je c'ul xin?” ẍi mi.
24835	MRK 14:12	Ja' yet sbabel sc'ual jun k'in yet chi lo'le ixim pan c'am yich, yet chi ak'le cam no' me' yet pascua, jix yak' k'anlebal eb scuywom tu' tet Jesús: —¿Beytu' cha woche chi cu to cu wa'ne junoj lugar bey oj cu lowoj, yu cu na'ontej pascua ti'? ẍi eb tet Jesús.
24842	MRK 14:19	Catu' jix cus a eb yet jix yaben jun k'ane tu' eb. Yuxan jun junal jix yute sk'anlen el eb tet: —¿Man mi jain oj ti'? ẍi eb yin jun junal.
24845	MRK 14:22	Lalan slow eb, jix yi'on a ixim pan Jesús. Jix yalon yu diosal yu ixim. Jix lawi tu' jix spo'on ey oj, jix yak'on tet eb: —Lo' wej, ja' ton jin mimanil ti', ẍi Jesús tet eb.
24854	MRK 14:31	Pero Ja' naj Pedro tu' xin, jix stec'ba c'al sba yaloni, tol oj stec'ba sba: —Cax c'al oj jin cam ja wetoj an, pero tutun ma jaach wi' el win an, ẍi naj tet Jesús. Jun laan c'al yalon eb scuywom tu' masanil jaxca tu'.
24884	MRK 14:61	Pero tz'in c'al ẍi, ma c'al tak'woj. Catu' jix yalon naj tet Jesús junel xa: —¿Tumi jaach Cristo jaachti'? ¿Tumi jaach Sc'aal jaach Dios, naj chi al-le watx' k'ane yin? ẍi naj tet Jesús.
24888	MRK 14:65	Jix lawi c'al jun tu', ey eb jix tz'ubli oc yin. Catu' jix smajchen sat naj eb, jix c'oli smak'on naj eb. Catu' jix sk'anlen el eb tet: —Na' el oj, mac jix jaach mak'oni, ẍi eb tet Jesús. Jix lawi jun tu', catu' ja' eb policía jix mak'on naj sic'lebil.
24893	MRK 14:70	Pero jix yi' pax el yin junel xa. Jun jix to txolan tu', jix yalon pax eb ey ec' titu' tet: —Caw yel, jaachti' ja wetbi ja ba yetoj eb yutol a Galilea jaach. [Ilala, laan ja k'anab yetoj eb a Galilea,] ẍi eb tet naj.
24894	MRK 14:71	Catu' jix c'oli sk'anontej sjowal sc'ul Dios yiban naj Pedro tu'. Jix slocontej sbi Dios, jix yaloni: —Ja' jun winaj che yal tu', caw man wotaj an, ẍi naj tet eb.
24907	MRK 15:12	Catu' jix sk'anlen Pilato tu' tet eb ánima tu' junel xa: —¿Tzet che yoche chi wute pax naj che yal oc je Reyal oj tu' xin? ẍi naj tet eb.
24909	MRK 15:14	—Pero, ¿tzet yetal junoj pena jix sey yun jix je yil xin? ẍi naj tet eb. Tol jix a c'al yaw eb yaloni: —Culusne naj, ẍi eb.
24917	MRK 15:22	Ja' bey jun lugar chi yij Gólgota, ja' tu' jix yi'toj Jesús eb tu'. Gólgota chi yal yel oc apnoj: Slugaril Sbajil Jolome.
24929	MRK 15:34	Yet xa c'al jun txolan tu', jix a yaw Jesús yin ipal: —Eloí, Eloí, ¿lama sabactani? ẍi a oj. Chi yal yel oc apnoj: Jaach jin Diosal, Jaach jin Diosal, ¿tzet yuxan chin ja bej can jin txojli?
24931	MRK 15:36	Jix lawi tu', ey jun winaj ani stoi, jix c'al apni titu', catu' jix yaon eytoj jun tzet chi lababi xol vinagre. Jix yaon oc xam jun te' a, catu' jix yaon atoj yin sti' Jesús, jix yaloni: —Yil xa sba, oj kila ta oj jul i'le eytej naj yu Elías tu', ẍi.
24948	MRK 16:6	Catu' jix yalon jun ángel tu' tet eb ix: —Manchej jex xiwi. Jaexti', ja' Jesús a Nazaret che sey ec' oj, jun jix ale oc yin culus. Jix pitzc'u a oj. C'am xa mac ey ec' yul ch'en ti'. Il wej bey jix jul ale octej naj yu eb ti'.
24981	LUK 1:19	Jix yalon jun ángel tu' tet naj: —Jain, Gabriel jin an. Yak'omal jin servil Dios an. Jain jix jin chejletej yu jul walon jun k'ane ti' e ach an.
25000	LUK 1:38	Catu' jix tak'wi ix María: —Ẍejab Kaawil wei, yuxan ske' ojab jaxca jix ja wal tu', ẍi ix tet jun ángel tu': Jix lawi tu' xin, catu' jix to jun ángel tu'.
25025	LUK 1:63	Catu' jix sk'anon nioj tzet yetal bey chi tz'ibe ey tu'. Catu' jix s'iben ey oj: “Juan chi yij sbi jun unin ti',” jix s'iben ey oj. Tuxa c'al jix q'uey a sc'ul masanil eb yet jix yilon jun tu'.
25052	LUK 2:10	Pero jix yal naj ángel tu' tet eb naj: —Manchej jex xiwi, yutol i'bil jun caw watx' k'ane wu an. Yu jun k'ane ti' oj tzalaboj masanil eb ánima yin tobal k'inal.
25136	LUK 4:4	Jix yalon Jesús tet naj: —Ja' yul An Juun Tz'ibebil can oj chi alon jaxca ti': “Man asanne oj yu lo'be yuxan iquis jon. Pero chi cu iquisbi pax ec' yu sk'ane Dios,” quey tu' yalon yul An Juun, ẍi Jesús tet naj diablo.
25144	LUK 4:12	Jix yalon pax Jesús tet naj: —Pero chi yal pax yul An Juun Tz'ibebil can tu' jaxca ti': “Manchej ja wak'len ja wijban ja Dios, Kaawil,” ẍi yul An Juun tu', ẍi Jesús tet naj.
25184	LUK 5:8	Ja' yet jix yilon naj Simón Pedro jun tu', jix ey kaan sattaj Jesús. Jix yalon tet: —Mamin, c'am mi chach el jin c'atan an, yutol jainti', caw penawom jin an, ẍi naj tet Jesús.
25212	LUK 5:36	Catu' jix yalontej jun xa k'ane tet eb: —C'am junoj jon chi cu lot' el nioj yin junoj cu ac' pichil catu' chi kaon oc snipil oj junoj xil pichile. Ta ey bey quey tu' chi kute xin, chi ketne el an ac' tu'. Yetoj pax oj, man watx' oj yili an xil tu' yu an ac' snipil tu'.
25218	LUK 6:3	Catu' jix yalon Jesús tet eb: —¿Tumi c'am to bey che yil tzet chi yal yul An Juun Tz'ibebil can oj, tzet jix yun naj David junel yet peyxa, yet jix tit swail yetoj eb yetbi naj?
25220	LUK 6:5	Catu' jix yalon pax oj: —Jainti', chi ske' walon tzet chi ske' el kunen yet sc'ual xewilal, yutol Ak'bil Wopiso yu Dios xol eb ket animail, ẍi Jesús tet eb fariseo tu':
25270	LUK 7:6	Jix to Jesús yetoj eb. Pero txenxane yapni eb bey sna tu', jix ẍejon jaywan eb yamigo naj capitán tu' sc'atan Jesús tu'. Jix yalon eb jaxca ti' tet Jesús: —Ẍi naj e ach jaxca ti': “Mamin, manchej ja wetne ja ba ja jul jin c'atan an, yutol man jin moo oj chach octoj yul jin na.
25280	LUK 7:16	Ja' yet jix yilon eb ánima jun ti', caw jix xiw a eb smasanil. Jix yalon watx' k'ane tet Dios: —Ja' jun ẍejab Dios jix ẍejtej cu xol wej ti', caw miman yel oc apnoj, ẍi eb. Jix yalon pax eb jaxca ti': —Caw jix jul Dios colwa kin, jaon sconob Dios jon ti', ẍi eb.
25284	LUK 7:20	Yuxan, ja' yet jix apni eb sc'atan Jesús jix yalon eb jaxca ti' tet Jesús: —Ja' naj Juan Bautista jix cu chejontej e ach ti' on, yu cu k'anle e ach ta jaach Cristo jaach, ta jaach lalan jaach kechbanen ja jul on, ma ey junoj xa chi kechbane sjul on xin, ẍi eb tet Jesús.
25298	LUK 7:34	Ja' yet jix jin jul xin, jain Ak'bil Wopiso yu Dios xol eb ket animail ti'. Jainti' chin lowi, chi wuq'ue. Pero jaex che yal jaxca ti' win an: “Ja' naj Jesús tu', lo' c'al chi yoche chi yune', chi uc'wi pax vino. Yamigo sba naj yetoj eb tejom el tolabal, c'al yetoj wan xa eb pena sbeybal,” je chi win an.