9	GEN 1:9	Gei God ga helekai, “Nia wai i lala di langi gi lloomoi gi di gowaa e dahi, gei tenua gi gila aga”, ge di maa gu i golo.
14	GEN 1:14	Gei God ga helekai, “Nia maahina gi i golo i di gili di langi, e wwae di aa mo di boo, e haga modongoohia nia madagoaa, nia laangi mono ngadau.
15	GEN 1:15	Nia maa e hai gi maahina i di gili di langi e inaina henuailala”, ge nia maa gu i golo.
32	GEN 2:1	Nia mee huogodoo ala i di gili di langi i nua mo i henuailala nei guu lawa huogodoo.
43	GEN 2:12	Nia goolo e kida i tenua deelaa, mono daubigi laagau ala e hai nia lolo kala, mono hadu ‘onyx’ dingidingia hagalabagau.
74	GEN 3:18	Nia gelegele gaa hai ana geinga tomo mono laagau duduia, gei goe gaa gai au huwa laagau lodo geinga.
90	GEN 4:10	Gei Dimaadua ga helekai, “Goe ne hai di huaidu mada ngauhou deenei eimaha? Nia dodo o do duaahina le e dangidangi aga gi di Au i lodo di gelegele, e hai gadoo be di lee e gahigahi, e hiihai gi di tala di hui.
96	GEN 4:16	Gei Cain gaa hana gi daha mo Dimaadua, gaa noho i tenua go Nod dela i bahi i dua o Eden.
102	GEN 4:22	Zillah ga haanau dana dama daane go Tubal Cain, dela nogo hai ana hagadilinga goloo dogi mai nia baalanga mmee mo nia baalanga. Tuaahina ahina o Tubal Cain la go Naamah.
108	GEN 5:2	Mee ne hai meemaa taane mo di ahina, ga haga humalia meemaa ga haga ingoo bolo “Nia Daangada”)
110	GEN 5:4	Nomuli, Adam ga mouli i nia ngadau e 800, gaa hai labelaa ana dama
128	GEN 5:22	Nomuli Enoch ga mouli hai hoo gi God nia ngadau e 300, gaa hai labelaa ana dama.
135	GEN 5:29	ga helekai, “Mai di gelegele dela ne hagahalauwa go Dimaadua, di tama deenei ga haga dagaloaha gidaadou gi daha mo tadau haingadaa.” Gei mee ga haga ingoo a mee bolo Noah.
138	GEN 5:32	I muli Noah ne 500 ono ngadau, mee gaa hai ana dama daane dogodolu go Shem, Ham mo Japheth.
146	GEN 6:8	Gei Dimaadua le e manawa lamalia gi Noah.
147	GEN 6:9	Deenei di kai o Noah. Mee ana dama daane dogodolu, Shem, Ham mo Japheth. Noah tangada haihai mee donu, go mee hua dela nogo humalia i di madagoaa deelaa. Mee e mouli hai hoo ang gi God.
151	GEN 6:13	God ga helekai gi Noah, “Au gu hagamaanadu bolo Au ga daaligi nia daangada huogodoo gi mmademmade. Au ga hagammaa digaula gi daha, idimaa, henuailala la gu honu hua i nadau hai huaidu.
155	GEN 6:17	Au ga haga hali mai agu wai gi henuailala gaa hai henuailala gi doloo, e hagammaa gi daha nia mee ala e mouli huogodoo. Nia mee huogodoo i henuailala la gaa mmade,
160	GEN 6:22	Malaa, Noah guu hai gii hai be nnelekai a God ala ne hai gi mee.
161	GEN 7:1	Dimaadua ga helekai gi Noah, “Ulu gi lodo di boodi mo digau doo hale huogodoo. Au gu gidee Au bolo ma kooe hua i hongo henuailala hagatau dela e hai au mee e donu.
164	GEN 7:4	Nia laangi e hidu i golo, gei Au ga hagau mai dagu uwa dela gaa doo nia aa mo nia boo e mada haa, e daaligi nia mee huogodoo ala e mouli ala ne hai ko Au.”
165	GEN 7:5	Noah guu hai nia mee huogodoo Dimaadua ne helekai gi mee bolo gi heia.
166	GEN 7:6	Noah la gu ono lau ono ngadau i di madagoaa toloo ne hanimoi gi henuailala.
168	GEN 7:8	Nia manu daane mo nia manu ahina i nia manu huogodoo dolodolo mo mamaangi, tei mee hua be nia manu madammaa be hagalee madammaa,
169	GEN 7:9	gu ulu gi lodo di boodi gi baahi o Noah be nia helekai a God ne hai.
170	GEN 7:10	Nia laangi e hidu nomuli, gei toloo gaa dau.
171	GEN 7:11	Di madagoaa Noah ne ono lau ono ngadau, i di madangaholu maa hidu laangi o di lua malama, gei nia gowaa ala e hali mai nia wai o lala henuailala gu mahuge mai nia wai, gei di langi i nua gu mahuge,
173	GEN 7:13	Di laangi deelaa, gei Noah mo dono lodo gaa hula gi lodo di boodi mo nau dama daane dogodolu go Shem, Ham mo Japheth, mo nadau lodo.
175	GEN 7:15	Nia manu daane mono manu ahina dagi lua mai i nia manu mouli huogodoo guu hula gi lodo di boodi i muli o Noah,
176	GEN 7:16	guu hai be nia helekai a God ala ne hai. Gei Dimaadua guu tai di bontai i tua o Noah.
178	GEN 7:18	Nia wai la ga honu aga, gei di boodi la gu maanu i hongo tai.
181	GEN 7:21	Nia mee huogodoo ala e mouli i hongo henuailala la guu mmade. Nia manu mamaangi mono manu dolodolo mono daangada la guu mmade.
182	GEN 7:22	Nia mee huogodoo ala e dogidogi i hongo henuailala la guu mmade.
183	GEN 7:23	Dimaadua gu hagahuaidu nia mee ala e mouli, nia daangada, nia manu dolodolo mono manu mamaangi. Digau ala ne dubu, la go Noah mo digau ala i baahi o mee i lodo di boodi.
184	GEN 7:24	Nia wai digi haneia gi lala i nia laangi e lau madalima.
185	GEN 8:1	God hagalee de langahia Ia Noah mo nia manu huogodoo ala nogo i dono baahi i lodo di boodi, gei Mee gaa hai dana madangi gii gono, gei nia wai la ga daamada ga bagu mai.
186	GEN 8:2	Nia madagoaa ala e hali mai nia wai i lala henuailala mo nia bontai ala i di langi la guu tai, gei nia uwa guu maa,
190	GEN 8:6	Muli nia laangi e mada haa, gei Noah gaa huge di bontai dulii di boodi,
192	GEN 8:8	Di madagoaa hua deelaa, gei Noah ga hagau dana mwuroi belee mmada be nia wai la gu bagu ia.
193	GEN 8:9	Nia wai le e honu hua igolo e gahu tenua, gei di mwuroi la digi gida dono gowaa e dogo ieia, geia ga maangi labelaa gi di boodi, gei Noah ga daahi dono lima gi mee, ga dahi mai a mee gi lodo.
195	GEN 8:11	Di mwuroi ga maangi mai labelaa gi mee i di hiahi, e gaamai dana lau olib i dono ngudu. Gei Noah gu iloo hua bolo nia wai la guu bagu.
197	GEN 8:13	Noah ne ono lau maa dahi ono ngadau di laangi matagidagi di tahi malama, gei nia wai la gu hagalee, gei Noah gaa huge di uhi o di boodi ga madamada ga gidee ia bolo di gelegele la gu maangoo mai.
199	GEN 8:15	God ga helekai gi Noah,
202	GEN 8:18	Gei Noah mo dono lodo, ana dama daane mo nadau lodo ga ulu gi daha mo di boodi.
203	GEN 8:19	Nia manu dolodolo huogodoo mono manu mamaangi gu ulu mai gi daha mo di boodi i hagabuulinga manu.
204	GEN 8:20	Noah gaa bae dana gowaa dudu tigidaumaha ang gi Dimaadua. Mee gaa kae ana manu dagi dahi mai i lodo nia hagadilinga manu madammaa, nia manu dolodolo mono manu mamaangi, gaa dudu nia maa i hongo di gowaa dudu tigidaumaha.
207	GEN 9:1	God ne haga maluagina a Noah mo ana dama daane, ga helekai, “Heia godou dama gii logo, gei godou hagadili ga mouli i hongo henuailala hagatau.
208	GEN 9:2	Nia manu dolodolo huogodoo mono manu mamaangi mono iga ga mouli ga mmaadagu i goodou. Digaula huogodoo la gaa noho i lala godou mogobuna.
212	GEN 9:6	Nia daangada la ne hai gii hai be God, malaa, tangada ma ga daaligi dana dangada gii made, geia e daaligi labelaa go tuai dangada gii made.
214	GEN 9:8	God ga helekai gi Noah mo ana dama daane,
224	GEN 9:18	Nia dama daane a Noah ala ne ulu mai gi daha mo di boodi la go Shem, Ham mo Japheth. (Ham la go tamana o Canaan).
225	GEN 9:19	Nia dama daane dogodolu a Noah aanei la go nia maadua mmaadua o digau huogodoo o henuailala.
226	GEN 9:20	Noah la tangada hai hadagee deelaa go tangada ne daamada ne dogi dana hadagee waini matagidagi.
230	GEN 9:24	Di madagoaa Noah ne ala aga ga iloo ia di hai a dana dama daane dulii dela ne hai ang gi deia,
234	GEN 9:28	Muli toloo damana ne hai, gei Noah ne mouli nia ngadau labelaa e dolu lau madalima (350),
236	GEN 10:1	Aanei nia hagadili o nia dama daane Noah, go Shem, Ham mo Japheth. Digau dogodolu aanei guu hai nadau dama daane i muli toloo.
237	GEN 10:2	Nia dama daane o Japheth la go Gomer, Magog, Madai, Javan, Tubal, Meshech, mo Tiras. Digaula nia maadua mmaadua ni digau ala e hai hegau gi nadau ingoo.
238	GEN 10:3	Nia hagadili Gomer la nia daangada o Ashkenaz, Riphath mo Togarmah.
239	GEN 10:4	Nia hagadili o Javan la go nia daangada o Elishah, Spain, Cyprus mo Rhodes.
241	GEN 10:6	Nia dama daane o Ham la go Cush, Egypt, Libya mo Canaan. Digaula la nia maadua mmaadua ni digau ala e hai hegau gi nadau ingoo.
242	GEN 10:7	Nia hagadili o Cush la nia daangada o Seba, Havilah, Sabtah, Raamah, mo Sabteca. Nia hagadili o Raamah la nia daangada o Sheba mo Dedan.
243	GEN 10:8	Cush dana dama daane go Nimrod, dela ne hai tangada dauwa aamua matagidagi o henuailala.
244	GEN 10:9	Mai di hagamaamaa Dimaadua, Nimrod guu hai tangada e iloo huoloo di puupuu mee, dela e helekai ai nia daangada, “Dimaadua gi heia goe gii hai be Nimrod dela e iloo huoloo di puu mee!”
246	GEN 10:11	Mai tenua deelaa, mee ne hana gi Assyria, ga haga duu aga nia waahale Nineveh, Rehoboth Ir, Calah,
247	GEN 10:12	mo Resen, dela i mehanga Nineveh mo di waahale damana go Calah.
248	GEN 10:13	Nia hagadili o Egypt la nia daangada o Lydia, Anam, Lehab, Naphtuh,
250	GEN 10:15	Nia dama daane Canaan la go Sidon, di ulu madua, mo Heth. Digaula la nia maadua mmaadua o digau ala e hai hegau gi nau ingoo.
253	GEN 10:18	Arvad, Zemar mo Hamath. Nia madawaawa Canaan le e modoho gi daha,
257	GEN 10:22	Nia dama daane Shem la go Elam, Asshur, Arpachshad, Lud mo Aram. Digaula la nia maadua mmaadua o digau ala e hai hegau gi nadau ingoo.
258	GEN 10:23	Nia hagadili o Aram la nia daangada o Uz, Hul, Gether mo Meshech.
261	GEN 10:26	Nia hagadili o Joktan la nia daangada o Almodad, Sheleph, Hazarmaveth, Jerah,
267	GEN 10:32	Digau huogodoo aanei la nia hagadili ni Noah, e noho i nnenua e hagatau gii hai be nia adu laini madawaawa hai geegee. I muli toloo, nia daangada o henuailala huogodoo la ne hidi mai i nia dama daane a Noah.
277	GEN 11:10	Aanei la nia hagadili o Shem. Nia ngadau e lua i muli toloo, gei Shem gu 100 ono ngadau, guu hai dana dama daane go Arpachshad.
278	GEN 11:11	Nomuli gei mee ga mouli nia ngadau e 500, gaa hai labelaa ana dama.
280	GEN 11:13	Nomuli, mee ga mouli nia ngadau e 403, gaa hai labelaa ana dama.
282	GEN 11:15	Nomuli, mee ga mouli nia ngadau e 403, gaa hai labelaa ana dama.
284	GEN 11:17	Nomuli, mee ga mouli nia ngadau e 430, gaa hai labelaa ana dama.
286	GEN 11:19	Nomuli, Peleg ga mouli nia ngadau e 209, gaa hai labelaa ana dama.
288	GEN 11:21	Nomuli, mee ga mouli nia ngadau e 207, gaa hai labelaa ana dama.
289	GEN 11:22	Serug ne 30 ono ngadau, gaa hai dana dama daane go Nahor.
290	GEN 11:23	Nomuli, mee ga mouli nia ngadau e 200, gaa hai labelaa ana dama.
291	GEN 11:24	Nahor ne 29 ono ngadau, gaa hai dana dama daane go Terah.
292	GEN 11:25	Nomuli, mee ga mouli nia ngadau e 119, gaa hai labelaa ana dama.
293	GEN 11:26	Muli Terah ne 70 ono ngadau, gei mee gaa hai tamana ni Abram, Nahor mo Haran.
294	GEN 11:27	Deenei di hagadili o Terah, dela go tamana o Abram, Nahor mo Haran. Haran go tamana o Lot.
296	GEN 11:29	Abram gaa hai dono lodo gi Sarai, gei Nahor gaa hai dono lodo gi Milcah, tama ahina Haran, dela hogi tamana labelaa ni Iscah.
308	GEN 12:9	Nomuli gei mee ga haga menege, gaa hana gi nia gowaa ala i golo adu gi di bahi i ngaaga o Canaan.
322	GEN 13:3	Nomuli gei mee ga hagadau adu i nia guongo ala i golo, gaa dau loo i Bethel. Mee gaa dau adu loo gi di gowaa i mehanga Bethel mo Ai, i di gowaa nogo noho iei mee i mua,
338	GEN 14:1	Nia king e haa go Amraphel di king o Babylonia, Arioch di king o Ellasar, Chedorlaomer di king o Elam, mo Tidal di king o Goiim,
340	GEN 14:3	Nia king e lima aanei guu buni ngaadahi gu haga puni nadau gau dauwa i di gowaa mehanga gonduu o Siddim, dela dolomeenei go di Tai Mmade.
344	GEN 14:7	Nomuli gei digaula ga loomoi labelaa gi Kadesh (dela e iloo labelaa bolo go En Mishpat), gaa kumi nia gowaa huogodoo o digau Amalek, gei gu haga magedaa digau Amor ala e noho i Hazazon Tamar.
346	GEN 14:9	gi nia king o Elam, Goiim, Babylonia mo Ellasar. Nia king e lima e hai baahi gi nia king e haa.
348	GEN 14:11	Nia king e haa guu kae nia mee huogodoo ala i Sodom mo Gomorrah ngaadahi mono meegai, guu kae guu hula.
365	GEN 15:4	Nomuli gei mee ga longono ia Dimaadua e helekai, “Di hege deenei go Eliezer la hagalee hai mee gi au mee. Dau dama donu dela di tama e kae do maluagina.”
429	GEN 18:4	Nnoo mua gi gaamai nia wai e tono godou wae, goodou ga hagamolooloo i kinei i lala di laagau deenei.