23215	MAT 1:2	Ibutumy ilabiebohonimy arelyykre. Juhuu tybynimy arelyykre idi iriòrenimy: Abraõ, Ijai, Ijaò,
23216	MAT 1:3	Juda, Peresi, (Peresi seriòre tahe Zera inire. Isereny tahe Tamara inire.) Esraõ,
23217	MAT 1:4	Araõ, Aminadabe, Nasaõ, Salmaõ,
23218	MAT 1:5	Boasi, (Raabe, Boasise rare.) Obede, Rute, Ijese, Kie.
23221	MAT 1:8	Idi Asa, Josafa, Joraõ,
23222	MAT 1:9	Uzia, Jòtaõ, Aka, Ezekia,
23223	MAT 1:10	Ezekia, Manase, Amo,
23224	MAT 1:11	Josia, Jekonia, taseriòre‑wana.
23225	MAT 1:12	Babilonia‑ribi rohonyreu tahe tiiboho reare, Jekonia riòre wahe: Salatieli (Tii Babilonia‑ki reare.) Zorobabe,
23226	MAT 1:13	Abiude, Eliaki, Azo,
23227	MAT 1:14	Sadòki, Aki, Eliude,
23228	MAT 1:15	Eliaza, Matỹ, Ijaò,
23229	MAT 1:16	Ijaò tahe Jyje tyby rare, Jyje tahe Marie hãbu. Jesuisi tahe Kristu Deuxu deòdỹỹna rare.
23230	MAT 1:17	Kia labiehekỹ sõwe tahe 14my rare, Abraõ‑ribi Davi‑ò wahe. Tule labieboho 14my rasõwerenyre Davi‑ribi Babilonia hãwã‑ò ridyreny ixideewimy aõkõ ròte‑ò. Ixyby 14my rasõwerenyre. Iribi tahe Jesuisi reare.
23233	MAT 1:20	Kiau ỹju tamy rarybere tarasina‑ki: —Jyje, Davi riòre riòre. Ahãwyy, Marie, biteònyõke. Tuu bexihãwyynykre. Iriòre dori Deuxu Tyytybytyhy riòre rare.
23238	MAT 1:25	Uladu reare xiery tii aõhe rira. Tamy niõ riwahinyre, Jesuisi wahe.
23239	MAT 2:1	Belẽ hãwã‑ki Jesuisi reare, Judeia bede‑ki wahe. Iòlò Herodi iòlòmy raremyhỹ. Iu reareu, Hãbu Erytyhy mahãdu taina tỹmyramy robirenyre. Tai tahe iòlò mahãduõ doidenyde biura‑ribi Jerusalẽ hãwã‑ò.
23242	MAT 2:4	Tahe Herodi ibutumy dinodu mahãdu ributunyre: Xiwena wahidỹỹdu dinodu, bede ywina tyyriti erydu mahãdu tule. Tahe tamyreny rỹỹraxire: —Titxibo Kristu reakemy timybo tyyriti‑ki ròritidỹỹmy roire?
23243	MAT 2:5	Tiiboho tamy rarybere: —Judeia bede‑ki, Belẽ hãwã‑ki wahe. Kia tahe ihetxiu rybedu riritinyre.
23244	MAT 2:6	—Kai Belẽ hãwã mahãdu. Judeia bede hãwãõ. Kai hãwã yja iny rõhõtinyre. Tahe inatyhy aõkõ rare. Kai hãwã nihikỹre. Aribi dori dinoduõ ròhònykre. Wamahãdu iòlòmy ronykre. Idinodumy rarekre, judeu mahãdu dinodu wahe.
23249	MAT 2:11	Heto‑ò rehemynyre. Tahe ralorenyre. Uladu rare Marie‑wana. Tahe tatiowotimy reserenyre riwowydynykemy. Isaureny riraynyre tamy riwahinykremy: womati tỹrỹrỹhỹkỹ, hee aderòna, aderònatyhy wana.
23251	MAT 2:13	Biura mahãdu tahe ròireny rahudi tahe Inynyrỹ ỹju nade Jyje‑ò rybemy, irasina‑ki tamy rarybere: —Ariòre, ise‑wana bidyke Egito bede‑ò. Herodi dori uladu rubudỹỹmy ratxireri. Adee tiu ararybekreule kaò bòdòòseke.
23253	MAT 2:15	Herodi rubusỹtybymy tahe dòòsedenyde. Tii riwinyre iwese ihetxiu tyyriti rarybere wese, Deuxu rybedu rybe wahe: —Wariòre Egito bede‑ribi nadidyde.
23254	MAT 2:16	Herodi reburere. Biura Hãbu Erytyhy mahãdu dori tii riitxenanyre. Tai ibutumy uladu rirubunyre Belẽ hãwã‑ki, tule ijõ iòhò hãwã‑ki. Ibutumy howỹtòdu rirubunyre inataõ beòra ijõdikeki tahe rirubunyõre. Tai Jesuisi rirubunykemy risỹnyre, iwese tii rareu Biura Hãbu Erytyhy mahãdu tamy rarybere.
23255	MAT 2:17	Kiamy ta rỹire iwese Deuxu rybedu rarybere wese, Jeremia wahe:
23257	MAT 2:19	Herodi tahe rurureu, Inynyrỹ ỹju heka Jyje rasina‑ki tamy nade.
23258	MAT 2:20	Tamy rarybere: —Bòòsebenyke judeu bede‑ò. Uladu ise‑wana bidyke. Kia rirubunykemy risỹnymyhỹré tahe, rurure.
23260	MAT 2:22	Akelau tahe Herodi riòre ronyre iòlòmy, tyby deròwymy. Tai kowa‑ò Jyje ròirenyõre sỹmy. Rasina‑ki rybeõ rieryre Kalileia‑ò ròirenykemy. Tai tahe ròirenyre kowa‑ò.
23263	MAT 3:2	—Deuxu Iòlòna bededỹỹnana iòhòmy ratxireri. Aòraruna‑ribi biixãwibenyke, bexirãhĩke!
23266	MAT 3:5	Ibutumy iny tamy ròirenyre irybe‑ò roholakemy iòhò hãwã‑ribi, Jerusalẽ, Judeia, Jordaõ bero‑ribi wahe.
23268	MAT 3:7	Fariseu mahãdu, saduseu mahãdu doide tamy riratysebenykemy. Kiau Joaõ tamyreny rarybere: —Hemylala mahãdu! Deuxu aõhõkỹmydỹỹnana‑ribi mahenybenyõtyhy. Aõhe inatyhy?
23270	MAT 3:9	Fariseu mahãdu, kaiboho tahõtinytenyte: Abraõ heka inylabiehekỹreny rare. Rikirãhĩõtyhy. Deuxu‑ò kia aõ aõkõ rare. Tamy wikeki mana‑ribi Deuxu heka Abraõ riòkòreõ riwinykre.
23271	MAT 3:10	Woma tahe òwòru‑ribi iòhòmy rỹira. Òwòru bederaty wiwihikỹ ihoõkeki, kedesekre. Rasõkre. Woma heka Deuxu aõhõkỹmydỹỹnana wese rare.
23277	MAT 3:16	Ròratisebenymy rahudi tahe Jesuisi ròtuòra. Biuwetyy rarayre Jesuisi tahe bòtòenimy robire, itxi dobehede, Deuxu Tyytybytyhy wahe. Rybeõ biu‑ribi narybede:
23280	MAT 4:2	Jesuisi heka 40 txumy, 40 rumy heka aõ rirỹsỹõhyy bede idi rỹire. Sõwemy heka rama risamy tai raremyhỹ.
23287	MAT 4:9	Tahe tamy Satanasi rarybere: —Beseke atiowotimy tahe biwawowydynykeki, adee kia ibutumy iòlòna wiwihikỹ ariwahinykre.
23288	MAT 4:10	—Make Satanasi, Jesuisi rarybere: —Tyyriti rarybere: —Deuxu‑ò sohojile deàlàna, wowydyna biwahinyke. Tiile bityhynykre. Deòdu tamy sohojile mabeke.
23290	MAT 4:12	Joaõ òludu heka ròtenawo‑ki ritidira. Kia Jesuisi roholareu, Kalileia bede‑ò ròòsere.
23291	MAT 4:13	Nazare‑ribi rare Kafanaõ hãwã‑ki rasỹnykremy rare. Tii aho‑ki iòhòre, Kalileia aho wahe. Zebulõ bede, Natali bede tahe inatxi hãwã ibiòwa rare.
23293	MAT 4:15	—Zebulõ bede, Natali bede, Jordaõ bero kowawe‑ribi ijà‑ò. Ahohokỹry‑ki. Kai judeukõdu mahãdu bede rare, Kalileia wahe.
23296	MAT 4:18	Kalileia aho ijàti‑ki Jesuisi rariamy ratximyhỹ. Tahe inatxi waxidu seriòremy robire, Simaõ Pedro, tule Andre ijõre. Rià‑di utura rimymyhỹreny.
23301	MAT 4:23	Ibutumy Kalileia bedey‑ki Jesuisi rariamyhỹre. Tii judeu dohodỹỹna heto‑ki rarybemyhỹre. Deuxu Iòlònamy ritỹnynymyhỹre, Rybe Wihikỹ Tỹmyra wahe. Sõwemy webinadu mahãdu riteytenyre.
23302	MAT 4:24	Jesuisimy iny relyyre ibutumy hãwã hãwã‑ki Siria bede ibutumy. Tai tahe sõwemy webinadu mahãdu didydenyde tamy, iny tyytybybina‑di, iny iumy imyremyrehekỹ wahe. Jesuisi ibutumy iny riteytenyre.
23303	MAT 4:25	Iny sõwehekỹ riheludunyre, Kalileia bede‑ribi, Debòwiò hãwã‑ribi, Jerusalẽ‑ribi, Judeia bede‑ribi, tule Jordaõ bero kowa‑ribi.
23304	MAT 5:1	Jesuisi inymy sõwemy robireu, raòwònyre hãwãlò ratya‑ò, Ierydỹỹna mahãdu tamy doidenyde. Taile rierynadỹỹnymy ronymyhỹre.
23306	MAT 5:3	Deuxuko‑ki iny ibinamy rỹimyhỹre. Kia iny tuu rexierymyhỹre, teysatyhy rare. Tii deysana sõwemy tai ratximyhỹre, Deuxu Iòlòna heka ihõrõrenymy rarekre.
23308	MAT 5:5	Kia inytyhy‑di widee ratxireri, tii heka teysahyymy ratximyhỹre. Ibutumy heka iny ihõrõlehekỹle rỹirakre. Bede bede heka ihõrõmy rarekre teysamy rarekre.
23312	MAT 5:9	Inyõ ywina‑di wiwana rỹirake teysamy rarekre. Ywinaõ‑di rarekré, teysamy rarekre. Tii dori rarinikre: Deuxu riòremy.
23313	MAT 5:10	Inyõ aõhõkỹmy dỹỹnana reuròkeki, tii dori òbitimy rurukeki, tii tulesỹ teysamy rarekre. Deuxu Iòlòna dori ihõrõmy rarekre.
23314	MAT 5:11	Inyõ umyreny relyykeki uritere hekỹle. Ruirybe‑di umyreny relyykeki, aõhõkỹmydỹỹnana adee riwahinykre wana, tai tahe beysakre. Awimy mohõtinykre. Kai dori biu‑ò mahenykre. Tai tahe beysakre kai awimy nohõtykre. Uritere nohõti rosarenyõmy. Kia wese tule Deuxu rybemy rybedu aõhõkỹmy rotỹỹnyre.
23316	MAT 5:13	Kaiboho heka saawesemy atximahãtenyte, jyyra wesemy wahe bede mahãdu iny‑ò, kai dori kiamy bede mahãdu tewiòhenanyte. Auri tahe urihimyò biõnonykeki tahe aurihixina heka urihimyòlemy releke. Kaa jyyra urile idi adehu rỹikre iny ityre rariakremy. Awiòhedỹỹna biõnonykeki tahe aõma aõkõ beleke.
23317	MAT 5:14	Kai loosòna wesemy atximahãte kabede mahãdu iny‑ò. Hãwãõ hãwãlò ratyy‑ki roikeki, tiu heka rexiwòõtyhy itỹnyhyy roimyhỹke. Loosònaõ iny ritoosònykeki, tule heka tiu heka hyna rawoõ‑ki roiõtyhy roosòmy. Aõma roosònanymyhỹre ibutu heto jurajuramy heka ibutu ritxuxanymyhỹre. Aõma tamana‑ki rỹimyhỹreki wahe.
23322	MAT 5:19	Inyõ tõhõti urihimyò bede ywina rosakeki rexidelenymyhỹre iny ribedeerynyõkemy iny ritohonyõmyhỹkemy. Hãbu tahe iyjamy Deuxuko‑ò rarekre, Deuxuko‑txi. Inyõ rityhynymyhỹre irybe iny rybedeerynymyhỹre. Tii tahe Deuxu Iòlòna‑ò nihikỹmy rarekre.
23325	MAT 5:22	Tahe warybe urihimyò iwitxira bede ywina‑ribi. Kai inyõ‑ò maraykynykeki. Tai tahe brebunahakỹ‑ki tate. Abiòwa‑ò bininikeki itxỹtemy. Tamy kai marybekeki: —Kai aõki awiõre. Tai tahe akỹnadykre heka aõma ywisidỹỹduko‑ò araòwynykre. Inyõ‑ò kai makyaranynykeki kai brebuna‑ki texilòròmy tate. Kai inyõ deramy mabekeki uriteremy nodu tamy marybekeki, tai brebuna‑ki tate. Inyõ òsỹny aradykre wisidỹỹdu mahãdu‑ò. Inydee ratyhymy mabeke wana aõkõ raremy marybekeki, heòty kõnana bede‑ò make lau brebuna‑ki tate. Iòhãrure kai heòty bede‑ò makemy.
23328	MAT 5:25	Aõma tai tahe iòraru‑ki aòludumy relera wana. Tamy behemynyke aõma timybo tii‑wana widi biywinykemy timybo adeve biòwynykemy tamy heka bitobiny òrale heka aõma rieryke urenana. Aradyhemy aõma ywisidỹỹna ube‑ò, idi ywisidỹỹna mahãdu, idi soldado. Tai tahe bitobinyke bede rierykemy.
23332	MAT 5:29	Arueõ òraruna‑txi araatykeki, bitake. Awityhymy biu‑ki malòke kawesekile heka awire, Deuxusỹ‑ò malòke wahe. Arue wiòmy tahe awiõmy biu‑txi arue yremy heòty bede‑ò make tahe ibinatyhyre.
23338	MAT 5:35	Kiamy uritere rybeõmy bedebrò‑ki aõkõ aõ biwinykemy aõmy mabekemy. Bede dori Deuxu idi ratximyhỹre rare. Deuxu waa elehyna dori bede rare. Jerusalẽ hãwãbrò‑ki tule aõkõ, tii dori Iòlòtyhy hãwã rare.
23340	MAT 5:37	Aõma araykywydynakile heka tuu riwitxiranykemy idi tahõtinymyhỹte. Kiamy heka tarybemahãte iwidỹỹnamy teuremy tarybemyhỹte: —Kohe, kiale ariwinykremy marybeke ada aõkõre, ariwinyõtyhymy aõbo. Kiamy marybekeki iratylemy kohe, aõkõre myỹ aõbo. Sõwemy marybekeki tahe aõbina binahakỹle heka ròhònykre.
23341	MAT 5:38	Ihetxiu bede ywina ròhònyre. Inyõ witxira rueõ ribinadỹỹnykeki, iny witxira tule iwesele riwinyke. Kia widỹỹdu rue heka ribinadỹỹnyke. Rue heka wilemy raòwynyre rueõwilemy. Juhu tasỹ ỹjuõlemy raòwynyre. Jiarỹ tahe rebedeerynyre kawesemy.
23342	MAT 5:39	Inyõ aõbinamy adee riwinykeki, aõ aõkõ tamy biwinyke. Inyõ aòsỹny rihetenykeki, tule iwyò‑di beake rehetenykemy.
23347	MAT 5:44	Tahe iwitxiramy ararybekre. Aòludu heka arabedeerynyke. Tukumy mabekemy inyõ aõhõkỹmydỹỹnana rotỹỹnyreri wana tamy rexitòenyke. Kia wese‑ki heka inytyby riòremy mabeke, Deuxu riòremy wahe. Tii dori juu riòlòdỹỹnymyhỹre inybina tyre‑ki wahe. Tule iny wiwihikỹ tule‑ki aõma biu heka tule riteònymyhỹre. Aõma iny òbitikõdu mahãdu tule‑ò. Tule òbiti mahãdu tule riteònymyhỹre. Aõma tukumy ahãte sohoji ratximyhỹre sohojile kai itukukeki. Kia heka awi aõkõ rare ibutumy òraru mahãdu heka tule riwinyremyhỹre kia wese. Aõma urile rybedỹỹ azry mahãdu, Aseriòre mahãdu.
23350	MAT 5:47	Tulesỹ kia aõma aõkõ rare aõma tule heka judeukõdu mahãdu dori tule riwinyke, tii Deuxu rierykõre.
23353	MAT 6:2	Kai biwahinykeu iny adee aõmybo rurumyhỹreó. Uritere ibutumy iny itxerenamy iwahidỹỹõmyhỹ. Inyõ‑ò òbiti mahãdumy riwisỹnymyhỹre mahãdu, kia wesemy heka tii riwinymyhỹre heka. Dohodỹỹmy heto‑ki tuu riwinymyhỹre kia wesemy tule ibutumy hãwãhãkỹ ruetyawetyamy tuu riwinyrerimy ihỹre. Inatyhy dori adee rarybereri: —Aõma wahisidỹỹnatyhymy heka adee rarybereri: —Wahisidỹỹnaõ ixidee ritamyhỹre. Aõbo Deuxu wahisidỹỹnaõ heka adee riwahinyõtyhy. Tai heka Deuxu wahisidỹỹnatyhy riwahinyõtyhy tamyreny. Iny‑ò aõ biwahinykeki, abiòatyhy‑ò belyyõke. Wasilemy tamyreny awiòhedỹỹna biwahinyke. Iny tybyreny dori ibutumy aõna aõna ròtena rieryre aõwahisidỹỹna adee kidiwahinykre.
23359	MAT 6:8	Inytybyreny dori rierymyhỹre aõmybo iny raraykynymyhỹré. Inyboho heka rexitòenymyhỹreu rierymyhỹre aõmybo inyboho rurumyhỹrenyre. Iny sõwemy rarybemyhỹrele aõkõ heka tii roholamyhỹre. Aõmybo iny rurumyhỹrenyre, heka bexitòenybenyke. Kia wese:
23360	MAT 6:9	Wahareny, biu‑ki atximahãte. Anityhy iny ibutumy rityhynykemy idi rierykemy watxireri.
23364	MAT 6:13	Isiratyhy urihixina‑ribi heka biwayrubunyke, òraruna‑txi reseke lau. Aõna aõna bina‑ò bidiwaijebenyke. Iòlòna, ruru, loosòna heka ahõrõhyy rare. Kie.
23370	MAT 6:19	Aõna aõna butudỹỹõmy tyy, nieru, aõna aõna wiwihikỹ butudỹỹõmy kabede‑ki. Txudòera dori ibutumy kabede‑ki tuu riroxike aõna aõnamy. Aõma rararỹỹnyke iaõmydỹỹna ibutumy rararỹỹnyke rahuke. Wasidu tamy ralòke. Iaõmydỹỹna‑ò sõweò wyremy rasinyke iaõmydỹỹna‑di.
23376	MAT 6:25	Tai heka tuu rarybereri adeereny. Uritere nohõtiyreõmy arỹsỹnamy tule atyymy, idi matykynykemy. Aumy dori rỹsỹna ratyre aõnityhymy ratximyhỹre. Tule aumy tyky ratyre aõnimy ratximyhỹre.
23377	MAT 6:26	Nawii‑di inihe betehebenyke. Tiiboho heka aõòworumy aõkõ ròbròmyhỹrenyre. Aramyre heka aõma tarỹsỹna wydymy bederahymy tarỹsỹna riyrubunyõhyymyhỹre heto nihikỹ‑ò. Deuxu biu‑ki ratximyhỹré heka nawii riyrubunymyhỹre irỹsỹna tamy riwahinymyhỹre. Kaiboho tahe iratyretyhy toite, Deuxu‑ki wahe.
23378	MAT 6:27	Sõwetyhymy maraykywydynanykeki aõbohe, arumy aõbo arirarehemy mariake. Aõkõre.
23381	MAT 6:30	Deuxu heka noijasa ritykynymyhỹre aõma noijasa heka wijilemy idi ihỹre. Biurasòmy tahe ixãwilemy reamyhỹre, risõra. Tii heka tyky adee kidiwahinykre. Nohõtiyreõmy tahe. Tii dori adee kidiwahinykre tykyõ. Aityhyna dori ibutetyhyre heka.
23382	MAT 6:31	Tahe raykyõmy nohõtiõmy titxiribibo arỹsỹna bidiwykré, atyky amona.
23388	MAT 7:3	Kai heka òwòru nihikỹereõ arue‑ki ijõdikeki, aõherekibo bederarasi sõmo‑di inywitxira rue‑ribi bitakemy atxiteri.
23392	MAT 7:7	Rexitòenykeki tahe bitake kia. Biekeki tahe tai mahake. Bihetenykeki heka iny adee riraynyke ijòtòbòna. Inyõ heka Tyby‑ò rỹsỹnaõmy rexitòenykeki, mana heka tyby tamy riwahinyõtyhy.
23396	MAT 7:11	Kai aõna aõna wiwihikỹ biwahinyke heka teerymyhỹte auladu‑ò wahe, hãbu òrarudu hãrele wahe. Aõbo heka tule Deuxu inytybyreny inydeereny riwahinyke aõna aõnaõ wihikỹõ. Rexitòenykeki tahe tamy ariwahinyke. Inytybyreny heka tamy riwahinyke. Iwese iny witxira teyrubunymahãte wesele heka iny araywinymy ixi‑di tahõtinymahãte wese.
23397	MAT 7:12	Tule kai aõwiwi inyõ ixidee aõhebo rotỹỹnymyhỹkemy taruterí, kiaweselemy tamy botỹỹnymahãke. Kia heka Moisesi bede ywina tyyriti‑ki roire. Kiale Deuxumy rybedu mahãdu ribedeerynyre.
23402	MAT 7:17	Tii heka bierybenyke aõhebo rotỹỹnyre wana teerytenyte. Tii heka riitxenanyõtyhy kia aõma matyty matynimy heka tiu biitxenanyõtyhy. Tule betehekeki, bierybenyke aõwesele heka òwòruõ bierybenyke. Aõma bederatyõ birỹsỹkeki tiu heka bederaty wihikỹõ arỹsỹõna òwòru ratyy‑ò, bederatybinahakỹ tule rierykre.
23405	MAT 7:20	Kia weselemy heka iny teerytenyte. Aõhebo iny rotỹỹnyke wahe. Tai tahe terytenyte heka, tetehetenyterikile wahe. Òbiti mahãdu wesemy rarybemyhỹre. Tahe òbitimy aõkõre ihỹre. Sõwemy heka iny tawedumy riwaninire. Ihãrele tahe biu‑ò ralòõtyhy. Deuxu tyhydỹỹdule tahe ralokre. Ywisidỹỹnatxu heka kawesemy wadee rarybekre.
23407	MAT 7:22	Sõwemy iny wahe: —Wanyrỹ, Wanyrỹ, jiarỹ hewa iny iwitxira sõwemy aijyy rarybemy rare wahe. Tule heka tyytybybina reteònymy rarewãhã. Tule deytena wiwihikỹ heka ani‑di rewinymyhỹre.
23408	MAT 7:23	Tai tahe jiarỹ tamy ararybekre heka: —Kõrehe, kaiboho aõ wamahãdumy aõkõ atximahãte. Umy reerykõre. Waribi bexitake. Aòraruna dori sõwere.
23410	MAT 7:25	Biu heka beòra heka rariamyhỹre. Iu tahe biu rejuxunymyhỹre, yhy rebonyre. Tahe tiu reseõtyhy manatyre‑ki dori riwinyre.
23412	MAT 7:27	Biu risebenykeu, beòra rareareu, yhy rebonyreu tahe iheto reseke, ibutumy iõre, rahura.
23415	MAT 8:1	Tiu hãwãlò‑ribi dobehedeu, sõwemy heka iny ihemy doidemyde webinadu, tybina heka tamy nade.
23417	MAT 8:3	—Wadee awire, arateytenykre. Tahe tamy tebò ritytere tamy reerimy. Ityybinana riteytenyre.
23418	MAT 8:4	Tahe Jesuisi tamy rarybere: —Boholakre, iny‑ò uritere rybeõmy. Kai tahe makre xiwena wahidỹỹdu‑ò xiwenaõ biwahinykre. Idi tahe Moisesi bede ywina raryberewesemy xiwenaõ biwahinykre. Kai tahe iny rierykemy heka yteny ratximyhỹre.
23421	MAT 8:7	Tai tahe Jesuisi tamy rarybere: —Rakakre, tai ariteyteynykre.
23422	MAT 8:8	Idi soldado wedu rariwyònyre: —Aõkõre, Kai hãbu wiwihikỹ tate. Jiarỹ tahe hãbu aõ aõkõmy jiarỹ watxiwãhãre. Waheto‑ò manalòõtyhy. Karibile marybekre tamy taile taile tahe wadeòdu reytekre.
23423	MAT 8:9	Jiarỹ dori reyryre. Jiarỹ heka tule hãbu weduõmy watxiwãhãre. Soldado heka sõwemy riwatyhynymyhỹre. Iny sohoji‑ò aõma rakremy rarybemyhỹré heka, ramymyhỹre. Tule ijõ dee rarybemyhỹre: —Manake, tai tahe namyhỹde. Ijõ dee rarybemyhỹre wana: —Kai biwinyke, idi riwinymyhỹre.
23424	MAT 8:10	Tai tahe Jesuisi ribedeòtiidỹỹnyre irybe‑ki wahe. Tahe rarybere erydỹỹna mahãdu‑ò: —Judeu mahãduy‑ki tai rahaõre ijõ‑ki kahãbu wesemy inatyhynana sõwereki. Sõwemy heka judeukõdu mahãdu rityynykre kia weselemy. Ijõ txu aõ wiji aõkõ heka riroxirenyke: Abraõ, Ijai, Ijaò‑wana biu‑ki heka riroxirenyke bede ludu iny mahãdu‑wana.
23427	MAT 8:13	Taita Jesuisi soldado dinodu‑ò rarybere: —Makre, timybo wiji tahõtinymy tetyhynyte wesemy heka rarekre. Iurele teòdu reytere.
23430	MAT 8:16	Txiorotyhymy inyõ didyde aõma tyytybybina nihikỹ‑di ratximyhỹõ. Iu Jesuisi sohoji rybeõmy rarybereu tahe aõwesele iribi ròhònyre. Kia webinadu didyde, tule reytere.
23433	MAT 8:19	Tai judeu mahãdu, bede ywina bederydỹỹduõ tamy rarybere: —Awana arakre titxibo makreu heka ahekile anakre.
23434	MAT 8:20	Tahe Jesuisi dirawyònyde tamy heka rarybereri: —Ijòrò heka ihãloo dire, ibỹtỹ dire, nawii bỹtỹ isỹ dire. Tahe jiarỹ, Deuxu Riòre Hãbutyhyhykỹ wahe, wahetoõre, waherinaõre.
23435	MAT 8:21	Ka ijõ iheludu mahãduõ tamy rarybere: —Wanyrỹ, waha heka rurura. Tai heka juhuu arituunykre.
23436	MAT 8:22	Tamy rarybere: —Manake, wijile biwaheludunyke. Rubuõmy rỹira, rubu mahãdu heka rituunykemy idi ratxireri.
23439	MAT 8:25	Tai tahe ierydỹỹna mahãdu heka riixixadỹỹnyre. Tamy raryberenyre: —Biwayrubunyke, Wanyrỹ. Aõkõkeki, rukururenykre.
23440	MAT 8:26	Jesuisi tamyreny rarybere: —Aõherekibo kaiboho taberutenyteri? Aityhyna sõwe aõkõ atxitenyteri. Jesuisi tahe rỹimy reare. Yhy debure‑ò, òbò‑ò rarybere: —Biyryke, bede binahakỹ. Tahe aõwesele ibutumy riyryra.
23441	MAT 8:27	Ierydỹỹna mahãdu urile ribedeòtiinyre. Tiiboho raryberenyre: —Aõhãbubo tii ihỹre. Òbò, tahe yhy‑wana tamy roholare. Iwese tii rarybere wese rityhynyre. Irybemynale riwinyre.
23443	MAT 8:29	Aõwesele heka ryrymy roirenyre Jesuisi‑ò rarybekremy: —Aõwe wadireny tate, Deuxu Riòre? Kai aõbina binahakỹmy wahõrõdỹỹõmykre.
23445	MAT 8:31	Tyytybybina tahe Jesuisi‑ò rexitòenyre: —Biwatòenybenykeki, ixỹni jurawomy aralorenykemy biwateònyke.