23325	MAT 5:22	Avata na oroko nemokena eminge resena, ningivu! Mave nunda namendighae beisiga use, janje eko arira amo, God nunda ari eko oimi, kau komana dari ambari da kaugo ava kotarira. Nu aindae sedo, amboda numokena ategi arira. O mave nunda namendikena jijivu sarira amo, nu budo ya kaniseremane da dombuda koto arera. O mave jijivu sise nunda namendikena sarira, ‘Nane saono bu mindase! Guka dagaya futo!’ aminge sarira amo, nu ari ekoko mino mutari vasa a ainda avaraka ava utua beká arira.
23330	MAT 5:27	“Moses geka eni sisira ava, namonde niningudo refera. Amo eviri: ‘Kombo yagera ava erá eove!’ aminge sisira.
23364	MAT 6:13	Erama namane derarikena budo yeose! A Satan da derari aminda, namanendae kosege fetaetesi!’ Kau aminge banungevu!
23406	MAT 7:21	“Oroko evetu genembo digari namokena kori sise, eminge seraera, ‘Bajari! Bajari!’ seraera, avata jo aindae sedo, doyono God da vasada terae arera. Mave God Afa da uju beká ava use irarera ainembo, God da vasa eveva aminda teroro, God ne kaifa ururari irarera.
23498	MAT 10:12	Ne kambo ningiaminda buvareva amo, eminge sise ategi evu, ‘Bajari da dubo jama nemokena furare!’ aminge ategi evu!
23545	MAT 11:17	‘Ne imboe kakatori! Namane esimbuguse yaru divari da kau etera, ne jo namonde divaeri. Amboda, kau ambari budo sorara arigetera, ne jo namonde sorara aeri. Ne beisiga a imboe kakatori!’ amo sasingui eraera. Evetu genembo oroko endada siroredo ireva emo, ne kau daba ava eraeva.
23638	MAT 13:30	Aminge dovu, farava vive eko ainghae dabade irise, safufu ari gido, na bambari kakatokena eminge saono ningarera, ‘Giti yama vive eko tusedo, avarakada dungari dae sedo, sijareva. Amboda yama farava bambudo, nanda kamboda fitareva!’ vare numamoá aminge setira. Kotugo God da natofo+, nenda irari kau amingori,” Iesu aminge sisira.
23706	MAT 15:4	God eminge sisira: ‘Nei nimamo kakara use, nenda geka ava ningivu!’ A eni mo: ‘Mave noi o numamokena jijivu sarira amo, devu ambare!’
23789	MAT 17:20	Aminge setero, Iesu namanekena sisira, “Nenda tumondari jo inono irae, ava sedo, seteva, nu jo jebugaeri. Kotovo dae resena. Nenda tumondari itako, kau ika maine ainda vuji da kaugo ava iraetira amo, ne doriri oindae, ‘Darige yasi, sovenikena fetase!’ saeteva amo, nu amingaeti. Ne rejo saeteva amo, siroraeti.
23824	MAT 18:28	“Avata genemboá aira, nunda komana eni tambira. Nunda komana amo genembo aikena K1,000 avavaga mutaetira. Genemboá nunda komana ava tambudo, duboda safuse setira, “Nanda moni+ bofu baoneta!’
23916	MAT 21:21	Ategi etero, nu sisira, “Na geka beká nemokena resena. Ne tumondareva, a jo itako manamana ae areva amo, na rea eteno kayuyukena siroretira, kau daba aminga ava, nene saovo sirorarira. A eni mo: ne tumonduse, doriri oindae, ‘Darige yasi evada tifughase!’ saeteva amo, God sonembari, doriri omo darige ya evada tifugharira.
23933	MAT 21:38	Avata vare kaifa kakato ne mandiá gosuse tofo tofo se ningeri, ‘Mandi omo, vare einda numamo da mandiri. Amboda vare emo, nune barira. Ava sedo fuvu, namonde nu daoro ambari, vare emo namondeda tofodae baore!’ ne aminge seteri.
23945	MAT 22:4	Etero, kini nu saramana kakato mendeni sekago diriguse, eminge setira, ‘Eminge sevu, evetu genembo ningore, “Nanda kirumo simbugeteno irira. Burumakava (steers) a burumakava da mamandi (calves) evevago ava de ojetero irira. Roera isasambu simbugetero irira. Ava sedo, evetu fitari da kirumo ari dae erera. Ne fuvu!” aminge sevu!’ kini aminge setira.
23950	MAT 22:9	Oroko emo yasivu, emboro teria aminda ise, evetu genembo mavejuá tambareva, ava aghi evu!’ aminge setira.
23978	MAT 22:37	Iesu mino sisira: “‘Ninda Bajari God kena, ninda dubo a ninda kotari isasambuimi futuse, nusuka numoá ava, dubo bu gogoghombaresa!’
24026	MAT 23:39	Geka beká: amboda ne na jo gae irovo, na reighi emo doyono, nesuka irise dubo jovereghedo, nati joká dorurovo gido, na jovereghe foa buvono, ne ategi emingareva, ‘Orokaiva! God ni esimbugetiri, nunda javoda refesa! Orokaiva!’ nandae aminge ategi use nati joká dorurovo, furono gareva,” Iesu aminge setiri dadabusira.
24049	MAT 24:23	“Sifo aminda, mave nemokena sarira, ‘God namondeda ari ekokodae, Genembo eni mutari dae sisira amo, eviri. Fuvu gaove!’ sarira. O ‘Numo omindari,’ aminge sarira amo, erá tumondeove!
24083	MAT 25:6	“Tumba soroda, ‘Fuvu! Genembo evirere, tambove!’ kori aminge siri ningido,
24085	MAT 25:8	Vitiri, munju kikitako amo, ne eredo nenda kokomanakena seteri, ‘Nenda uvu itako namane sonembevu!’ ne aminge setero,
24086	MAT 25:9	ade jamena munju eveva amo, ne seteri, ‘Tefo. Emo jo namonde dabade baoro inono ae arira. Ne yasivu, bisnis (business) embokena seka ombove!’ ne aminge seteri.
24088	MAT 25:11	“Guro gajetiri ainda amboda, ade jamena mendeni amo ojera buvudo, ajagha fetedo kori seteri, ‘Bajari, Bajari, guro afige, namane terore!’ aminge seteri.
24098	MAT 25:21	“Aminge setiri ningido, nunda bajari numokena setira, ‘Aiyakoe beká resena! Ni e gogoghombetesi. Ni saramana kato evevagori. Nanda roera jo digari iraeko mutena ava, nangedo eteso digetiri besi. Ava sedo, oroko nanda roera digari ava mutono, nine kaifa aresa. Fu, nangae dabade ivuga aore!’ aminge setira.
24100	MAT 25:23	“Aminge setiri ningido, nunda bajari numokena setira, ‘Aiyakoe beká resena! Ni e gogoghombetesi. Ni saramana kato evevagori. Nanda gugua jo digari iraeko mutena ava, nangedo eteso digetiri besi! Ava sedo, oroko nanda roera digari ava mutono, nine kaifa aresa. Fu, nangae dabade ivuga aore!’ aminge setira.
24104	MAT 25:27	Ava sedo, ni nange nanda moni evia bu ya banikada (bank) fitaso, aminda irari saramana ururoro, ainda baako sirorari, na jovereghe foa bae eteni!’ aminge sedo,
24107	MAT 25:30	Avori, genembo guka dagayaó sandi bu yasivu, fugovo ajagha ya tumbada irise, aminda sorara use dika ghininji ghananja ghuse irare!’ saramana kakato da bajari aminge sedo tano etira,” Iesu aminge sisira.
24121	MAT 25:44	kini nu aminge sari dadabari, ne mino numokena sarera, ‘Bajari, nange resesi? Ni vasa reda ighoi itatameso, namane ni gido jo sonembae useri? Ni nanjigo feso gido, namane ni jo sonembae useri? Ni nanjigo embo boka tefo ireso o kae budo fasireso o diburada ireso, namane jo joka edo ni sonembae useri? Se ningore!’ aminge sarera.
24271	MAT 28:7	Oroko nembo totoi jovereghe yasivu, nunda ambo jimbikena eminge saove: ‘Nu ambarida ghe jebugedo eretira. Eredo, nu giti Frovensi Galilee aminda erira. Ava sedo, ne eredo nunda amboda yasivu, aminda tambove!’ aminge sevu, nunda ambo jimbi ningore! Avori, resena evia, erá kotae eove!” aminge sisira.
24421	MRK 4:29	Safufu eari gido, ‘Bambari da sifo buviro!’ sedo, genembo nunda saramana kakato dirigeari, ya kaiyaimi dive bamburaera. Kau daba aminga ava, evetu genembo mendeni tuturo edo, God da Geka niningurureoro, tumondari siroreari, ne foama nunda sasingu eraera,” aminge sisira.
24542	MRK 7:10	Na redae aminge reseni? Ijugaono gareva. God setiri, Moses eminge sisira: ‘Nei nimamo kakara use, nenda geka ava ningivu!’ A eni mo: ‘Mave noi o numamokena jijivu sarira amo, devu ambare!’ Moses aminge sisira.
24712	MRK 11:3	Vujegururovo, mave nemokena bureguse, ‘Redae vujegerevu!’ sarira amo, eminge sevu, ‘Bajari nu uju erira. Itako deinghari dadabari, oroko bu foa eminda fitarera,’ aminge sevu!”
24732	MRK 11:23	Mave nunda dubo jokái tumonde gogoghombuse, ‘Na rea sarena amo, sirorarira,’ kotarira amo, God nu sonembari sirorarira. A gido, mave tumonduse doriri ovia gosuse, ‘Darige yasi, evada tifughase!’ sarira amo, God sonembari, doriri omo ya evada tifugharira.
24749	MRK 12:7	Avata vare kaifa kakato ne numoá gosuse, tofo tofo se ningeri, ‘Mandi omo, vare einda numamo da mandiri. Amboda vare emo, nune barira. Ava sedo fuvu, namonde nu daoro ambari, vare emo namondeda tofodae baore!’ aminge se ningido,
24771	MRK 12:29	Setiri, Iesu mino sisira, “Mindafu beká mo eviri: ‘Israel embo, nemokena resena, ningivu! Bajari God nusuka numoá namondeda Bajariri. Namondeda Bajari God kena ninda dubo, fakina, a kotari isasambuimi futuse, nusuka numoá dubo bu gogoghombaresa!’
24773	MRK 12:31	Agho Dari teria setena, ainda kaugo eni mo eviri: ‘Ni tofo dubo buraesa, kau daba aminga ava, ninda komana barago dubo baresa!’ Agho Dari etoto resena emo, mindafu bekári, mendeni mo veveyakori,” aminge sisira.
24807	MRK 13:21	“Sifo aminda, mave nemokena, ‘God namondeda ari ekokodae Genembo eni mutari sisira amo, eviri. Fuvu gaove!’ sarira. O, ‘Numo omindari. Yasivu gaove!’ sarira amo, erá tumondeove!
24822	MRK 13:36	Ni aviruraso na jovereghe furarena amo, jo eveva iraeri! Ava sedo, kaifa e gogoghombe!’ aminge setira.
24844	MRK 14:21	God da Geka jokáda rea gembero irira amo, eviri: ‘Evetu Genembo da Koro ambarira!’ aminge gefuseri. A nu aminge sirorarira. Avata, genembo mave aito ari ambarira amo, nu mema a bouvu teriago beká barira,” Iesu aminge sisira.
25102	LUK 3:8	Ágido, dubo jovereghedo, veka eveva use irivu! Erá eminge seove! ‘Abraham namanenda abua gido, God namane uju eraira!’ aminge erá seove! God nu uju aetira amo, nu sari ghamana iritirira eimi, Abraham da sasingu jinaeteri. God evetu genembo da oro aindae, jo kotae eraira. Mavejo Israel embo o oro eni amo, God jo kotae eraira.
25155	LUK 4:23	Iesu nemokena sisira, “Ne rea kotise, uju ereva amo, na kasama erena. Amo, namokena eminge sari dae ereva, ‘Geka tege beká sirorariá setesa amo, reighi Kaponiam aminda rea eteso binó setero niningusera ava, sekago eminda ururaso namane gido, tumondaore!’
25237	LUK 6:22	Ni Evetu Genembo da Koro+ tumonderaesa aindae sedo, evetu genembo ni imboe edo ighagha use, nindae aji sise, ‘Ni ekori!’ sarera amo, ni ivugaghae iraetesi. Aji sari kakato resena einda nombuamane, God da ferovetakena kau daba ava edo ghuseri. Ne ava edo gharera amo, ni ivuga beká ava use, yaru divaetesi. Ainda beká mo: God utu ominda, nimokena mino eveva mutari baresa.
25261	LUK 6:46	“Ne redae nandae ‘Bajari, Bajari!’ sise, nanda geka jo ningae eraevu?
25296	LUK 7:32	Nemo sasingako da kaugori. Aminge resena da beká mo, eviri. Sasingako ne ofotighida yaru use tofo tofo beisiga use, ghoghora sirureoro ningiraera, ‘Ne imboe kakatori! Namane esimbuguse yaru divari da kau etera ava, ne jo namonde divaeri. Amboda, kau ambari budo sorara arigetera, ne jo namonde sorara aeri. Ne beisiga a imboe kakatori!’ Amo, sasingui eraera. Evetu genembo oroko endada siroredo ireva emo, ne kau daba ava eraeva.
25306	LUK 7:42	Amboda, ne mino mutari bune jaredo setero, genembo amo setira, ‘Avorasi, erá koteove!’ aminge setira. Avori, Simon, kote gi! Ni erekotesa: nengae bera amo, mavejo moni mutari kato ava dubo bu gogoghomberi? K500 mutiri bira avori, ai? K5,000 mutiri bira avori?” aminge sisira.
25437	LUK 10:5	Ne kambo ningiaminda ya buvareva amo, eminge sise ategi evu, ‘Bajari da dubo jama nemokena furare!’
25459	LUK 10:27	Aminge setiri, genemboá Iesu kena sisira: “‘Ninda Bajari God kena ninda dubo, fakina a kotari isasambuimi futuse, nusuka numoá ava dubo bu gogoghombaresa.’ A eni mo: ‘Ni tofo dubo buraesa, kau daba aminga ava, ninda komana barago dubo baresa!’ Avakori,” aminge setiri,
25547	LUK 12:19	Itono dadabari, na tofo mandi sarena, ‘Makoeé redae edo, roera eveva gaveva sifo ghousa yari ava inono edo, mindi dandido ghuse, ã divu fusedo ghuse irarena!’ aminge setiri,
25594	LUK 13:7	Tava e gae bune jaredo, nunda vare kaifa katokena setira, ‘Na mofi evia, beká jo jighari gae irise, ghaeko etodaba dadabetira. Nu irarira amo, enda fafama ari veka mendeni jo viti jighae arira. Ava sedo, je fugaresa!’
25612	LUK 13:25	Kambo numamo eredo guro gajari, ne ya buvudo goingoinghuse, ‘Bajari, guro afige!’ sareva amo, nu sarira, ‘Ne reda ghe ojeva ava, na erebunena. Yasivu, ajagha fetove! Ne ari ekoko embori!’ ava sarira.
25614	LUK 13:27	nu sekago sarira, ‘Ne reda ghe ojeva ava, na erebunena. Ne ari ekoko embori. Yasivu!’ aminge sarira.
25622	LUK 13:35	Ava sedo, God nunda kambo+ nenda jokáda irira ava, do dumbari, ne tefo irareva. Na jo totoi gae areva. Sifo amboda ne dubo jovereghedo nandae eminge ategi areva, ‘Orokaiva! God ni esimbugetiri nunda javoda refesa! Orokaiva!’ nandae aminge ategi use nati joká dorurovo, na fururono gareva,” aminge sisira.
25632	LUK 14:10	Erá meka geose dae sise, ni kirumo mindari dae sedo, ya tinguda anumbaetesi. Amingaresa amo, kirumo da bajariá foa, ‘Nanda komana, ere fu, soroda anumbase!’ aminge sarira. Sari ni aminguse, natofo da dombuda ivuga aresa.
25643	LUK 14:21	Ne isambu aminge setero ningido, saramana katoá jovereghedo aira, nunda bajarikena osa setiri ningido, janje eko edo, nunda saramana kato aikena setira, ‘Totoi yasi, evetu genembo emboroda tava ase! Makasi embo, evetu genembo daguna, a diti digoide isambu aghi edo unumbe bu furase!’ aminge setiri aira.
25663	LUK 15:6	kamboda yarira. Ya buvudo, nunda kokomana a nunda nano namendi aghi ari furoro sarira, ‘Nanda sifi (sheep) baghimbetira ava tambudo, ivuga beká ava use dubo jama erena. Ava sedo, namonde gumema use umo arera!’ aminge sarira.
25669	LUK 15:12	sifo eni, mandi amboi eredo numamokena setira, ‘Afa, ninda gugua ambaso baetera ava, oroko soro use, nanda boanda mutaso barena!’ aminge setiri, numamo amingedo mandi ambo aikena, nunda boanda mutiri bira.
25695	LUK 16:6	‘Na orivi (olive) da muka, 3,700 lita (litres) ava mutaeteni,’ aminge setiri, saramana katoá numokena setira, ‘Fefa na nindae gefusena, eviri. Totoi anumbedo, 3,700 ghajedo, do vose 1,850 ava gembu ijoghako are!’ aminge setira.
25696	LUK 16:7	Sedo, genembo enikena setira, ‘Nanda bajarikena mo, mino nanjogo mutaetesi?’ setiri, nu setira, ‘Na farava, 37,000 lita (litres) ava mutaeteni,’ aminge setiri, saramana katoá numokena geka daba ava setira, ‘Ninda fefa eviri. 37,000 ghajedo, do vose 29,600 ava gembu, ijoghako are!’ aminge setira.
25713	LUK 16:24	kori setira, ‘Afa Abraham oó, na joka e! Na eminda avaraka jokáda mema itatamerena ava sedo, Lazarus dirige foa, nunda ungo konsirariimi uvuda fatido, bu nanda avivada sasaka are!’
25725	LUK 17:5	Sifo eni, Bajari da ambo jimbi numokena siseri, “Dengoro indaso, namane tumondari da emboro ava kasama e gogoghombarera!” aminge setero, Bajari nemokena sisira, “Nenda tumondari kitako, kau ika maine da vuji da kaugo ava iraetira amo, ika teria gavideá a gido saetevu, ‘Usumbe yasi, evada tifughase!’ Aminge saeteva amo, nu amingaeti,” aminge sisira.
25743	LUK 17:23	Evetu genembo mendeni sarera, ‘Fuvu, eminda gaove!’ o ‘Yasivu, ominda gaove!’ sarera. Erama nenda geka ava tumonduse yeove!
25813	LUK 19:13	Nu jo yae irise, giti aghi etiri, nunda saramana kakato mendeni ghabu sovenisoveni ava, ojighera numokena totorugetero, moni+ inono K10,000 avavaga budo, daba daba mutiri beri. Bero gido, kotofukoá nemokena setira, ‘Na irurono, moni eimi bisnis (business) edo, nanda moni mendeni buvu!’ aminge sedo, nu dodo aira.
25814	LUK 19:14	Avori, nunda natofo nu imboe eteri. Ava sedo nu dodo iri, ne eredo aghi kakato mutero nunda amboda aera buvudo, eminge seteri, ‘Namane nu imboe erera! Nu jo jovereghe foa namanenda kini (king) ae arira!’
25823	LUK 19:23	Ava sedo, ni nange, nanda moni evia bu ya banikada (bank) fitaso, aminda irari saramana ururoro ainda baako sirorari, na jovereghe foa baeteni!’ aminge sedo
25824	LUK 19:24	jovereghe, nunda mendeni aminda fetirara aikena setira, ‘Ne moni numokena ava saghimbe budo, saramana kato moni ghabu sovenisoveni ava rurusira, aikena mutuvu bare!’ aminge setira.
25862	LUK 20:14	Avata vare kaifa kakato ne numoá gosuse, tofo tofo se ningeri, ‘Mandi omo, vare einda numamo da mandiri. Amboda vare emo, nune barira. Ava sedo fuvu, namonde nu daoro ambari, vare emo namondeda tofodae baore!’ aminge sedo,
25984	LUK 22:51	Etiri, Iesu sisira, “Erá amingeove!’ Sedo, saramana kato da dengoro bu fitiri takegha usira.
26034	LUK 23:30	Sifo aminda, natofo isambu oju use, nange ambaetera ava kotise, doriri a enda jiro fumbari aikena sarera, ‘Fu, namanenda etoda dudo fatase! Fu, namane gagara ase!’
26278	JHN 4:53	aminge setero, mandi ainda numamo kotisira, “Arie! Iesu, ‘Ninda mandi jo ambae arira!’ siri, nanda mandi sifo daba aminda jebugumuta,” ava kotise, nunda natofode dabade Iesu tumonduseri.
26290	JHN 5:11	Aminge setero, genemboá sisira, “Genembo mave namo setiri jebugetena aimi, ‘Ninda ghaito gaghe bu yasi!’ setiri, na amingerena.”
26520	JHN 9:11	Setero, genemboá sisira, “Genembo javo Iesu, namokena fira kosiva endada edo aimi budo, nanda ditida davedo setira, ‘Yasi, reighi javo Sailoam da uvu bogu aminda, dombu seghase!’ setira. Aminge setiri, na eredo aena segheno ainghae dabade, diti afigetiri eregosena,” aminge sisira.
26746	JHN 14:9	Aminge setiri, Iesu sisira, “Philip, namonde dabade sifo ghousa evia deingheraera. Ni na kasama eresa. Mave nu na giraira amo, nu God Afa barago giraira. Ava sedo, erá, ‘God Afa ijugaso gaone!’ ava seose!
26952	JHN 20:16	Aminge setiri, Iesu numokena sisira, “Mary!” Setiri ningido, numokena jovereghedo, Jusi embo da gekaimi, “Rabonai!” sisira. (Ainda tuka mo, namondeda gekaimi, ‘Ijuga Kato!’ seraera.)
27188	ACT 7:3	Gosiri, God sisira, ‘Ninda oro a reighi dodo yasi, reighi eni mutono, aminda dighi anumbase!’
27198	ACT 7:13	Era buvudo, bayau ombudo jovereghe fuseri. Ainda amboda, sekago iseri. Era buvero, Joseph nemokena sisira, ‘Na nenda mandakorasi, erama na buneove!’ aminge setiri, Pharaoh nu Joseph da natofo ava kasama usira.
27213	ACT 7:28	Ni Egypt embo sife doreso na gosumutani. Ava sedo, na erá dereose!’
27219	ACT 7:34	Nanda natofo da mema a nenda irari eko beká Egypt aminda ava eregosena. Nenda sorara ava ningido, nemo sonembari dae refena. Ni fu, nane dirigaono Egypt aminda yase!’ aminge sisira.
27224	ACT 7:39	Gefusira avata, natofo Moses da Geka jo ningae useri. Ne Moses ighagha edo eredo, Egypt aminda jovereghe yari dae use, Moses da koro Aaron kena siseri, ‘Moses nu God ghae geka sise jo furae irira. Nu furarira, ai? Jo furae arira? Ava sedo, namonde God doyore! Ni aurii namondeda ove keve simbugaso, namondeda gode eni siroredo, nu namondeda giti jijighururari yaore!’ aminge siseri.
27383	ACT 11:7	Goseno, beka namokena eminge siri nininguseni, ‘Peter, eredo de oje mindi!’
27385	ACT 11:9	beka sekago utuda ghe sisira, ‘God roera mindaso dae sarira amo, erá ekova seose!’ aminge sedo, umbu etodaba naká geka daba ava sisira. Setiri dadabetiri, roera isambu jovereghe utuda vitisira.
27388	ACT 11:12	Buvurutero, Asisi Kakara namokena sisira, ‘Ni gitofudae erá dubo mema eose! Ni eredo, nemonde dabade yasivu!’ aminge setiri, namondeda natofo gegenembo 7 eminda fetirera aimi eredo, namane gitofude dabade reighi Sesaria aminda era buvudo, Cornelius da kamboda teteruseri.
27614	ACT 17:22	Reighi Ereafagas aminda, Paul nu kaniseremane da dombuda eredo sisira, “Athens embo eminda totorugeteva, ne ategi beká ava erena. Na nenda reighi eminda deinghuse nenda banungari vasa digari eretafena. Ava sedo, na kasama erena, ne sukaru a gode mendeni mendeni kakara use banungeraeva. Na eminda deinghuse, banungari da olta (altar) eni tafumutani. Tambudo, ainda javo mave gembiri irira ava gosumutani. Ainda javo amo eviri: ‘Bajari, Ni Ireso Itatamedo Javo Bunise, Ninda Olta Tefo Fifiterera, Gi!’ Ne gode bunise banungeraeva ainda bino ava, oroko sari dae erena.
27714	ACT 20:20	Na sifo ghousa evia, evetu genembo isambu sonembari dae sedo, nanda kotari isagha sedo ghuseni. Natofo isambu da dombuda a evetu genembo da kamboda, natofo nange ningido jebugaetera ava kotise, na geka eveva a geka fakarago ava sedo ghuseni. Na Jusi embokena a Jusi embo da gitofukena eminge sedo ghuseni, ‘Nenda ari ekoko God kena vujege dodo Bajari Iesu tumondevu!’
27785	ACT 22:13	Nune fira tere namokena fetedo sisira, ‘Nanda namendi, diti eveva ari sekago gaso dae resena!’ aminge siri, nanda diti afigetiri nu gosuseni.
27793	ACT 22:21	Bajari sisira, ‘Ni yaso dae sedo, na ni dirigeteni. Ni yasi! Reighi mendeni mendeni soka beká aminda, ninda natofo Jusi embo da gitofukena vironu saso ningore!’ aminge sisira.”
28269	ROM 10:13	A kotugo, God da Geka aindae eminge resira: “Evetu genembo mave nundae javono gatise, ‘Arie, nanda Bajari!’ sarera amo, ne jebuga evovodae irari ava tuve barera,” God da Geka aminge resira.
30823	REV 3:9	Kote givu! Na kasama erena: evetu genembo mendeni era, gungubo sise eminge siseri, ‘Namane Jusi embori. Ava sedo, namanenda geka ningivu!’ aminge siseri. Avata geka bekári: nemo Satan da mendeniri. Avori, na saono gungubo kakatoá ya buvudo, nenda ata duruda tumonde bainghururoro gareva. Nanda natofo, na nemoá dubo buraena. Ava ijugururono, gungubo kakato amo nemokena gosuse kasama arera.