23336	MAT 5:33	“Moses geka eni abuamanekena sisira ava, namonde niningudo refera. Amo eviri: ‘Ni Bajari da javoda rea ari saresa amo, amingaresa. Jo doyae aresa.’ Abuamane aminge sedo ghuseri.
23337	MAT 5:34	Avata oroko na nemokena eminge resena, ningivu! Ninda geka tumondaoro dae sedo beka gagojuse, jo Bajari da javoda beka gajae aresa. Ni tefo ‘Ai, amingarena.’ sedo amingaresa, o ‘Tefo, jo ae arena,’ sedo doyaresa. Ni jo Baiboro (Bible) da javo sise, beka gajae aresa.
23340	MAT 5:37	Amo, ni eminge saresa, ‘Ai, amingarena,’ o ‘Tefo, jo amingae arena.’ Tufako aminge saresa amo, inono arira. O ni evetu genembo mendeni da javoda beka gajaresa, ainda susu mo Satan ri,” Iesu aminge sisira.
23461	MAT 9:13	Avata kotugo yasivu, God da Geka emo kotise kasama e gogoghombaove! ‘Nanda uju beká mo, joka ariri. Jo namokena joba mutari iraeri.’ Ava sedo, ari ekoko embodae joka use irareva! Evetu genembo mendeni nenda kotari mo, ‘Ne jo ari ekoko embo irae,’ ava koteraera. Evetu genembo amo, na jo aghi ae arena. O evetu genembo mendeni ne kasama eraera, ‘Ne ari ekoko embori.’ Evetu genembo amo, na uju use aghi eraena,” Iesu aminge sisira.
23547	MAT 11:19	O Evetu Genembo da Koro+ foa bayau rise vaini (wine) rirureari gido seraeva, ‘Genemboé givu! Nu bayau mindari kato, a vaini (wine) da oduso katori. Nu evetu genembo eko beká aikena, komana eraira.’ Evetu genembo oroko endada siroredo ireva emo, ne aminguse beisiga eraeva. Avata na eminge resena. Na mavejori, a John mavejori, ava evetu genembo duboi kotarera amo, ne kasama arera,” Iesu aminge sisira.
23602	MAT 12:44	Tava e bune jaredo eminge sarira, ‘Na eminda birurughuse iria jararena amo, jovereghe ya nanda kambo manai aminda terarena.’ Aminge sedo, jovereghe ya nunda kambo manaiá tambarira. kambo amo, nasara tafono etero eveva edo irira. Kau, kambo joká seghe gogho eraera aminga ava, genembo da dubo jokáda tambarira.
23779	MAT 17:10	Setiri, Peter, James, a John numokena ategi useri, “Moses da Geka ijuga kakato+ eminge seraera: ‘Elijah giti endada ireira ava, sekago jovereghe furarira ainda amboda, God Genembo eni mutari sisira amo, sirorarira.’ Amo redae aminge seraeri?” ne aminge ategi useri.
23829	MAT 18:33	Na nindae joka etena, kau daba aminga ava, ni komanadae joka aetesi.’
23835	MAT 19:4	Aminge setero, Iesu sisira, “God geka setiri Moses gefusira amo, tegutusevu, ai? Geka amo eviri: ‘Tuturoda, God utu enda etiri sirorusira. Ainda sifoda, nu setiri, genembo evetughae siroruseri.’
23836	MAT 19:5	A geka eni mo: ‘Aindae sedo, genembo noi numamo dodo evetu fitido, nengae tamo fisi dabako arera.’ Amo God da Gekari.
23871	MAT 20:10	Ava futiri, saramana giti tuturo etera aimi, gido koteteri, ‘Avose, namonde mino+ itako teria barera tanojo.’ Avata nu mino kau daba ava, nemokena mutira.
23898	MAT 21:3	Nengae amingururovo, mave nendae ategi arira amo, eminge sevu, ‘Bajari donki (donkey) evia uju erira.’ Aminge sareva amo, nu ‘avori’ sari nengae budo furareva,” Iesu aminge sisira.
23973	MAT 22:32	‘God, nembuamane Abraham, Isaac, a Jacob anakora endada irise tumonduse iriara, a kotugo oroko tumonduse irera amo, namori.’ God aminge sisira aindae, namonde kasama erera: ambari embo mo jo amboro dadabaeri. Ava sedo evetu genembo isambu, ambari embo a jebuga embo isasambu, God da dombuda jebuga irera,” Iesu aminge setiri,
23980	MAT 22:39	Nunda Agho Dari setena ainda kaugo eni mo, eviri: ‘Ni tofo dubo buraesa, kau daba aminga ava, ninda komana barago dubo baresa.’
24041	MAT 24:15	(Iesu da geka eregefena evia, mave tegarira amo, nu ningido kote simbugare dae sise resena.) Aminge sise, Iesu sisira, “God da feroveta Daniel nu eminge sisira, ‘Amboda roera eko beká ava bu foa fitoro, God da vasa kakara nunda Kambo+ joká aminda fetari, aimi bebeta arira.’ Ava bu foa fitoro fetirari,
24052	MAT 24:26	“Setena, daba ava sari dae erena. Evetu genembo mendeni eredo eminge sarera, ‘Keriso reighi uvu irae da vasa aminda irira.’ Aminge sarera amo, erá aminda gari dae yeove! O eminge sarera, ‘Keriso ominda jungedo irira.’ Aminge sarera amo, nenda geka erá tumondeove!
24058	MAT 24:32	Aminge sise, Iesu sisira, “Ika kayuyu da ijugaboro ava kasama evu! Ika amo tuturo edo, tunó seka yaughururari gareva amo, ne kasama areva, ‘Borija da sifo buvira ava sedo, beká jighari da sifo utua erira.’
24059	MAT 24:33	Kau daba aminga ava, roera setena ava sirorurari gareva amo, ne kasama areva, ‘Sifo utua iri, tuturo ari dae erira.’
24074	MAT 24:48	O saramana kato nu genembo eko iraetira amo, nu eminge kotaeti, ‘Nanda bajari jo totoi furae, ghousa futo irarira, tano.’
24097	MAT 25:20	Saramana kato K30,000 bira amo, aira teredo, K30,000 etiri sirorusira ava, futuse setira, ‘Ninda K30,000 futusesa amo, eviri. Kotugo K30,000 emo, nane saramana eteno siroretira.’
24099	MAT 25:22	“Kotugo setiri, saramana kato K12,000 bira amo, aira teredo setira, ‘Ninda K12,000 futusesa amo, eviri. Kotugo K12,000 emo, nane saramana eteno siroretira.’
24385	MRK 3:28	Avori, Moses da Geka ijuga kakato+ giti eminge siseri, “Iesu mo, sukarui asugusira,” siseri. Setero, aindae sedo, Iesu eminge sisira, “Kote givu! Na nemokena geka beká resena! Mave ari eko eni edo o geka eko eni sedo, amboda God kena vujegarira amo, God nunda ari eko amo kote doyarira. Avata ne eminge seraeva, ‘Iesu nu jo Asisi Kakara da saramana ae eraira; numo Satan da fakinaimi eraira.’ Ne aminge sise, Asisi Kakara da javo eko eraeva. A kotugo, mave Asisi Kakara da javo eko arira amo, God nunda ari eko amo jo kote doyae arira, sifo ghousa evia irarira,” aminge sisira.
24404	MRK 4:12	Aminge ijugeraena da beká mo eviri: ‘Erama nenda dubo joveregheuri gido, God nenda ari ekoko kote doyeure dae sise, ne garera, avata ne jo gi gogoghombae arera. Ne dengoroi ningarera, avata ne jo ningi kasama e gogoghombae arera.’ God da Geka ava kotise kasiaimi ijugeraena,” aminge setiri dadabusira.
24539	MRK 7:7	Ne na tumonde baingheraera, avata beká eni tefo bekári. Ne aminda sonemba eni jo bae arera. Ainda beká mo: ne evetu genembo da kotari ava, ne nanda Agho Dariva sise ijugeraera.’ Geka amo God setiri, Isaiah nendae sedo gefusira.
24618	MRK 9:11	Se nininguse, numokena ategi useri, “Moses da Geka ijuga kakato+ eminge seraera, ‘Elijah giti endada ireira amo, sekago jovereghe furarira ainda amboda, Genembo God mutari sisira amo, sirorarira.’ Amo redae aminge seraeri?”
24619	MRK 9:12	Aminge setero, Iesu nemokena sisira, “Moses da Geka ijuga kakato+ aminge seraera, ainda beká mo eviri. Elijah nu giti foama, Evetu Genembo da Koro+ dae emboro rerebuse, roera simbugaeti. Avata na nemokena eminge resena. Elijah nu anakora fusira. Fusira amo, God da Geka nundae rea resira ava, numokena sirorusira. Elijah jovereghe fira iriri, evetu genembo nu budo nenda uju ava use, mema mutero itatamusira. A kotugo, Evetu Genembo da Koro+ ava kote givu! God da Geka nundae nange resi? Ava givu! ‘Evetu Genembo da Koro+ foa buvari gido, evetu genembo nu imboe edo, mema a bouvu mutoro itatamarira.’ God da Geka nundae aminge resira amo, redae resi? Ava kotovo dae resena,” Iesu aminge sisira.
24664	MRK 10:7	God da Geka eminge resira: ‘Aindae sedo, genembo noi numamo dodo evetu fitido, nengae tamo fisi dabako arera.’ aminge resira. Ava sedo, evetu genemboghae nenda irari, jo nunda nunda iraeri. Nenda irari dabakori.
24726	MRK 11:17	Aminguse, nu nemokena dengoro induduse sisira, “God setiri nunda geka jokáda geka eni gembero irira amo eviri: ‘Nanda kambo mo, evetu genembo isambu endada irera, nenda banungari da kambori.’ God aminge sisira. Avata ne teredo amingevo, kambo emo kau tafasara kakato da dobo a beku da kau avaga edo irira,”
24761	MRK 12:19	“Ijuga Kato, God setiri, Moses nu namondeda Agho Dari emo gefusira: ‘Genembo mave evetu fitari, mandi sasingu jo sirorae iroro, genemboá ambari nunda rori irarira amo, nunda ambo bego eniimi, roriá fitarira. Genembo ambududurusira, ainda veka sirorare dae sedo, amingarira.’
24768	MRK 12:26	“Kotugo, ambari embo ambarida ghe jebugedo erarera, ainda geka eni sari dae erena. Ningivu! Ne God da Geka Moses da buku jokáda irira, a tegutusevu, ai? Ika orobu veveyako ainda jokáda avaraka gambudo bubura iri Moses gosusira amo, God nu Moses da nombuamane anakora sirivo usera aindae, geka evia Moses kena setiri nunda bukuda gefusira: ‘God, nembuamane, Abraham, Isaac, a Jacob anakora endada irise tumonduse iriara, a kotugo oroko tumonduse irera amo, namori.’ God aminge sisira aindae, namonde kasama erera: ambari embo mo jo amboro dadabaeri.
24774	MRK 12:32	Setiri, Moses da Geka ijuga katoimi sisira, “Ijuga Kato, ni geka se gogoghombetesi! ‘God nu dabakori, eni tefori.’ A nu geka bekári. A kotugo, ‘namonde dubo, fakina, a kotari isasambuimi futuse, nu dubo bu gogoghombarera,’ a ‘namonde totofo dubo buraera, komana kau daba ava dubo barera,’ amo, mindafu bekári.
24777	MRK 12:35	Iesu nu God da Kambo+ aminda ijuguse sisira, “Moses da Geka ijuga kakato+ ne seraera, ‘God evetu genembo sonembuse, Genembo eni mutari dae sisira amo, David da mandiri.’ Amo nange reseri? Kote givu!
24814	MRK 13:28	“Ika kayuyu da ijugaboro ava kasama evu! Ika amo tuturo edo, tunó seka yaughururari gareva amo, ne kasama areva, ‘Borija da sifo buvira ava sedo, beká jighari da sifo utua erira.’
24815	MRK 13:29	Kau daba aminga ava, roera setena ava sirorurari gareva amo, ne kasama areva, ‘Sifo utua iri, tuturo ari dae erira.’
25009	LUK 1:47	Nanda asisiimi ivuga erira. Ainda susu mo: na sabuari, avata God Fakina Kato namo kotedo sonembuse veka eveva erira. Ava sedo, orokoá evetu genembo tuturo edo, nandae sarera, ‘God Mary esimbugusira.’ Nunda javo kakara bekári.
25025	LUK 1:63	Etero, Zechariah nu roera eni mutoro mandi da javo gembari dae ungoi etiri gido, mutero bu eminge gefusira: ‘Nunda javo mo, John ri.’ Aminge gembiri gido, natofo isambu dudukughuseri.
25142	LUK 4:10	Jaunghaso dae resena ainda susu mo, God da Geka eminge resira: ‘God nunda aneya ni kaifa aoro dae sedo, dengoro indarira.’
25298	LUK 7:34	O Evetu Genembo da Koro+ mo, foa bayau rise vaini (wine) rirureari gido seraeva, ‘Genemboé givu! Nu bayau mindari kato, ã vaini (wine) da oduso katori. Nu evetu genembo eko beká aikena, komana eraira.’ Evetu genembo oroko endada siroredo ireva emo, ne aminguse beisiga eraeva.
25442	LUK 10:10	O ne ya reighi eninda buvovo, natofo ne ighagha use, nendae nati joká jo dae arera amo, emboroda fetedo evetu genembo da dombuda eminge sevu, ‘God ne kaifa ari dae setira avata, ighagha eteva ava sedo, nu minonda ne ighagha arira. Ava kasama aovo dae sedo, namane nenda reighi einda fonja atada emo, danghaoro vosarira.’
25459	LUK 10:27	Aminge setiri, genemboá Iesu kena sisira: “‘Ninda Bajari God kena ninda dubo, fakina a kotari isasambuimi futuse, nusuka numoá ava dubo bu gogoghombaresa.’ A eni mo: ‘Ni tofo dubo buraesa, kau daba aminga ava, ninda komana barago dubo baresa!’ Avakori,” aminge setiri,
25480	LUK 11:6	Nanda komana eni oroko nembo esa ojighira. Avata na bayau tefori.’
25498	LUK 11:24	Aminge sise, Iesu sisira, “Genembo enikena sukarui asugetiri ireira ava, sukaru aimi eredo, genembo da jokáda ghe buvudo, ya reighi uvu a evetu genembo irae da vasa aminda birurughuse deingharira, jangutari vasa tambari dae. Tava use deinghuse iria jaredo, eminge sarira, ‘Na eminda birurughuse iria jararena amo, jovereghe ya nanda kambo manai aminda terarena.’
25523	LUK 11:49	Nene amingeraeva aindae, God da Dubo Kotari aimi setiri eminge gefusira: ‘Na nemokena nanda feroveta a nanda aghi kakato dirigaono yama buvudo, nanda javoda siruroro ningido, ne mendeni mo sandi bu daoro sirivo arera, a mendenikena fakarago use bouvu mutoro mema itatamarera.’
25619	LUK 13:32	Iesu nemokena sisira, “Yasivu, gambari sinoá saovo ningare: ‘Na oroko ã sifode, sukaru bu fugono evetu genembo da jokáda ghe foa buvarera, a saono evetu genembo jebugarera. Edo ojina nanda saramana aono dadabarira.’
25640	LUK 14:18	nu aminge setiri, natofo isambu nenda darige yari da geka eminge sedo gheteri. Eni setira, ‘E gita! Na vare ombena ava ya garena. Ava sedo, na kirumo aminda jo yae arena.’
25641	LUK 14:19	Eniá setira, ‘E gita! Na burumakava (oxen) ghabu sovenisoveni ava ombena amo, evevari ai ekori, ava ya gari dae erena. Ava sedo, na kirumo aminda, jo yae arena.’
25642	LUK 14:20	A eni mo setira, ‘E gita! Na evetu fifitumutani. Ava sedo, na kirumo aminda jo yae arena.’
25666	LUK 15:9	Torughedo, nunda biká bimono, nunda jao tatodae aghi ari furoro sarira, ‘Na ivuga beká ava erena. Nanda moni baghimbetira ava torugheteni. Ava sedo, namonde gumema use umo arera.’
25684	LUK 15:27	Setiri, nu setira, ‘Ninda mandako oroko ojira buvira. Nu jebuga ojira buviri aindae sedo, nimamo burumakava da mandi (calf) unduse ireira ava, dedo ojetira.’ aminge setiri ningido,
25687	LUK 15:30	O saone? Nanda namendi amo, nu kombo yagera use ninda gugua soesa etiri dadabetira. Etiri dadabetiri, jovereghe ojighira buviri, burumakava da mandi evevago ava nundae sedo, dedo ojetesi.’
25690	LUK 16:1	Iesu nunda ambo jimbikena sisira, “Genembo eni, nunda bajari da gugua roera a bisnis (business) isambu kaifa edo ghetira. Sifo eni, evetu genembo eniimi ojira, genembo ainda bajarikena aji sise setira, ‘Ninda saramana kato bagia eraira.’
25691	LUK 16:2	Aminge setiri ningido, nunda bajari aghi etiri ojira buviri numokena setira, ‘Ni saramana etesa ainda jokáda, dara etesi. Ava sedo, doyaresa. Ninda buku roera isambu simbuge mutaso barena.’ Aminge setiri,
25693	LUK 16:4	Na emingarena. Na oroko nanda kokomana sonembarena. Ainda amboda, na saramana doyarena amo, ne na sonembuse, nenda kamboda uvu bayau kaifa ururoro irarena.’
25715	LUK 16:26	A eni mo, namondeda soroda, govi tomanako irira. Namane nemokena jo sembi yae arera. A nembarago namanekena jo sembu furae areva.’
25717	LUK 16:28	nanda nano namendi ghabu soveni aikena dengoro indaeti. Indari ningido, nenda ari ekoko vujegaeteri. Erama vasa eko eminda fureore dae sise resena.’
25728	LUK 17:8	Ai, ne eminge sise seraeva tano, ‘Ni yasi, nanda bayau iti bu foa mutaso mindone! Amingaso dadabari, ya bayau mindi jebugase.’
25846	LUK 19:46	Ondise, nemokena sisira, “God setiri nunda Geka jokáda geka eni gembero irira amo, eviri: ‘Nanda Kambo+ mo, banungari da kambori.’ God aminge sisira. Avata ne teredo amingevo, kambo emo kau tafasara kakato da dobo a beku da kau avago edo irira!” aminge sisira.
25865	LUK 20:17	Setero, evetu genembo mendeni, nu nange imboe edo ighagha arera, ava kasama aoro dae sedo, Iesu dombu gongosedo natofokena sisira, “Aminge sareva amo, kote givu! God da Geka evia resira, einda tuka mo rejori? ‘Ghamana eni, kambo itari kakatoi imboe edo fugutusera ava, Bajari nune budo tutumbidae sedo fiti simbugedo, aminda tuturo edo, nunda kambo itari dae erira.’ God da Geka aminge resira.
25876	LUK 20:28	“Ijuga Kato, God setiri, Moses nu namondedae Agho Dari evia gefusira: ‘Genembo mave evetu fitido, mandi sasingu jo sirorae iroro ambarira amo, nunda ambo bego eniimi roriá, ambari embo ainda veka sirorare dae sedo, fitarira.’
25885	LUK 20:37	Kotugo, evetu genembo ambarida ghe jebugedo erarera ava, Moses numbarago tofo mandi ijugusira. Avaraka ika veveyako ainda jokáda gambudo bubura iri gosusira ainda sifoda, Moses da nombuamane anakora sirivo usera aindae, God nu geka evia setiri Moses gefusira: ‘God, nembuamane Abraham, Isaac, a Jacob anakora endada irise, tumonduse iriara, ã kotugo oroko tumonduse irera amo, namori.’
25903	LUK 21:8	Aminge ategi etero, Iesu nemokena sisira, “Ditii gosuse kaifa evu! Erama, evetu genembo mendeni nemo dederuse gungubo sarera, ava tumondeove! Ainda tuka mo: evetu genembo digari foama, gungubo eminge sarera, ‘Evetu Genembo da Koro+ namori,’ o ‘Sifo buvira.’ Aminge sarera amo, nenda geka erama ningido, ainda amboda amboda eove!
25915	LUK 21:20	“Gitofu da isoro kakatoimi, Jerusalem jimbe birurughururoro gareva amo, ne kasama areva, ‘Jerusalem oroko ava de bejedo sosighi arera.’
25926	LUK 21:31	Kau daba aminga ava, roera setena ava sirorurari gareva amo, ne kasama areva, ‘God nunda natofo+ kaifa ari da sifo ojighira utua erira.’
25968	LUK 22:35	Ainda amboda, Iesu nemokena sisira, “Ne giti dirigeteno iseva amo, ne javo, ata asugari, a roera isambu dodo isevu. Roera inono etiri isevu, ai tefo?” aminge setiri, ne siseri, ‘Inono bekári.’
26107	LUK 24:47	Evetu genembo nange nenda ari ekoko vujegaoro, God nenda ari ekoko, Genembo ainda javoda kote doyarira ava, osa siruroro evetu genembo isasambu ningarera. Jerusalem eminda tuturo edo, amboda ya reighi isasambu endada irera, aminda buvudo, osa sise, vironu siruroro ningarera.’
26146	JHN 1:33	Na nu jo kasama ae umutani. Avata God na uvuimi bafataito aono dae sedo dirigusira aimi, namokena sisira, ‘Asisi Kakara vose foa Genembo mavekena asugedo irari garesa amo, Genembo amo, nu Asisi Kakara da fakinaimi, evetu genembo bafataito use irarira.’
26245	JHN 4:20	Namane Samaria embo da abuamane rea sedo ghusera amo, eviri, ‘Namane, doriri fetiriri eregosesa ominda God tumonde bainghedo ghaeteri.’ Avata ne Jusi embo, nene seraeva amo, ‘God tumonde bainghari da vasa beká mo, Jerusalem ri!’”
26498	JHN 8:48	Iesu aminge setiri, Jusi embo da babojegari siseri, “Namanenda mendenii, sukaru nimokena asugedo irariá simutari. A namanenda mendeni simutara amo, ‘Ni namondeda gitofu Samaria embo ainda kau, ava use iresa.’ Aminge simutara amo, geka beká simutari. Ni aminguse iresa.”
26502	JHN 8:52	Aminge setiri, Jusi embo da babojegari numokena siseri, “Orokoá geka seso ningido, namane kasama e gogoghomberera: sukaru nimokena asugedo irira, amo geka bekári. Ni setesi, ‘Nanda geka mave ningido amingarira amo, nu jo ambae arira.’ Aminge setesa amo, jo geka iraeri. Namondeda abua Abraham mo, nu ambududurusira. A feroveta isambu, ne sirivo useri. Aminge setesa amo, inono, ni abua Abraham darigedo genembo teria etesi. A nu fiteso vose, genembo kitako etira. Amo jo geka beká iraeri. Ava sedo, isagha se ningore! Ni erekotesa, ni mavejori? Ava se ningore!”
26732	JHN 13:33	Nanda sasingu, namo, jo namonde dabade sifo ghousa irae arera. Na giti rea Jusi embo da babojegarikena sisena ava, kau daba ava oroko nemokena resena, ‘Na reda yarena aminda, jo nene yari da kaugo mo iraeri.’
27011	ACT 1:19	Amingetiri, Jerusalem embo ava ningido, vare ainda javo ‘Akeldama’ jijighuseri. Ainda tuka mo, ‘Ororo da Vareri.’ Ava sedo, David God Da Yaru Buku aminda gefusira ava, isagha usira.
27012	ACT 1:20	Amo, eminge gefusira: ‘Nunda nati, evetu genembo isambu taraghe tefo aeteri, eni aminda jo irae aeteri.’ A eni mo: ‘Nunda saramana da vasa ava, genembo eniimi barira.’
27102	ACT 4:11	Iesu nange nange ighagha aovo ambari, nunda bino mindafu ari namonde nunda duro gaetera ava, God anakora kasiaimi setiri eminge gefuseri: ‘Ghamana eni, kambo itari kakatoi imboe edo fugutusera ava Bajari nune budo, tutumbidae sedo fiti simbugedo, aminda tuturo edo nunda kambo itari dae erira.’
27127	ACT 4:36	Amingero, butu Cyprus embo genembo eni javo Joseph, nunda oro javo Levi, ai irei. Nune eredo nunda vare oriro edo, moni budo ambo jimbikena futusira. Ambo jimbi ne nunda javo seka Barnabas jijighuseri. Ainda tuka mo: ‘Dubo Jama Mutari Katori.’
27190	ACT 7:5	Fira buviri, God enda ijuguse, mutari dae sedo beka gagojusira. Avata sifo aminda, enda o rejo eni jo mutaeri. Abraham noaro mandi sasingu jo fumbae iriri, God Abraham kena sisira, ‘Enda evia nindae mutono irari, amboda ninda sasingu siroraoro, ninda imemesirii barera,’ aminge sise, nu gekaé barago ijugusira, ‘Ninda imemesiri sifo amboda reighi emo dodo yama, reighi soka aminda sabua+ arera. Reighi da kokotofu saoro, ninda imemesiri saramana janjagu use irarera. Amingururoro, ghaeko 400 ava dadabarira. Dadabari ainda amboda, na reighi da kokotofu setena, ainda ari ekoko da mino mutono, ninda imemesiri saramana janjagu use irarera dodo, aminda ghe buvudo foa reighi eminda namokena banungarera.’
27222	ACT 7:37	Moses resena eimi sisira, ‘God nunda feroveta eni namongoá, dirigari yama namondeda natofo jokáda sirorarira.’
27465	ACT 13:34	Kotugo God nange sari, Iesu ambarida ghe jebuge eredo irari nunda tamo jo betae arira ainda geka ava, God setiri nunda mendeni eminge gefuseri: ‘Na nange David kaifa use esimbuge gogoghombusena aminga ava, ni barago kaifa use esimbugarena.’
27620	ACT 17:28	Kotugo nenda vironu kakato mendeni daba ava kasama edo eminge gefuseri: ‘Fakina numokena ghedo foa gheraira, a namonde nunda fakinaimi setiri jebuga irera.’ A geka eni mo gefuseri: ‘Namonde isambu nunda sasinguri.’
27756	ACT 21:24	Ava sedo, ni nemonde dabade ya, Moses da agho dari rejo resira ava simbugedo, ne nenda beo arugururoro, ainda joba da sino fuka nine ombaresa. Amingaresa amo, evetu genembo isambu kasama arera: ‘Amo, gungubo siseri. Paul nu Moses da agho dari kaifa eraira.’
27782	ACT 22:10	Na ategi useni, ‘Bajari, na nangareni?’ Seteno, Bajari namokena sisira, ‘Ni ere fetedo yasi! Reighi Damascus aminda teraso, God ninda saramana rea aso dae gategusira ava, amboda enii foa saoro ningaresa.’
27905	ACT 26:14	Namane isambu endada du fafasuseri. Du fafasetero, beka utuda ghe namokena siri nininguseni. Namane Israel embo da gekaimi eminge sisira, ‘Saul, Saul, ni redae namokena dubo mema futuse fakarago eraesi? Aminguse, ni tofo mandi mema eretafesi.’
28443	1CO 1:12	Ne beisiga eminge eraeva: “Nenda mendeni seraera, ‘Na Paul da ambo jimbi eniri.’ A mendeni, ‘Na Apollos da ambo jimbi eniri.’ seraera. A mendeni, ‘Na Peter da ambo jimbi eniri.’ seraera. A kotugo mendeni seraera, ‘Na Keriso da ambo jimbi eniri.’”
30070	HEB 3:8	erama gogore edo, God ighagha eove dae sise resena. Kau nembuamane usera aminga ava, erá eove dae sise resena. Nembuamane usera aindae, God eminge resira, ‘Ne reighi uvu a evetu genembo irae da vasa aminda, na ighagha edo, nanda fakina ava ijujuseri. Ne ghaeko 40 ainda jokáda nange nanda fakinaimi tavo eno gosusera ava kotae edo, nanda fakina ava sekago ijujuseri.’
30072	HEB 3:10	Na aindae sedo, nembuamanedae janje eko etiri siseni, ‘Ne na sifo ghousa ighagha eraera, a nanda sari ava jo ningae eraera.’
31069	REV 18:7	Babylon embo totofo nenda duroá irari dae sedo, gugua a roera evevago ava dere ruruse dubo jama tambudo ghuseri. Oroko, roera dere budo ghusera, ainda mino mutari dae sedo, nemokena mema a dara mindafu ava mutovo barera. Ai resira amo: ne gogore edo totofo nenda reighidae sakai sise, eminge seraera, ‘Namondeda reighi kau kotofu evetu kuini (queen) seraera avavagori. Nu usasa a ivugaghaeri. Nu jo evetu rori da kaugo iraeri. Namonde reighi eminda, jo sorara use dubo mema itatamae arera.’