7137	RUT 1:8	Kamini Naomi yaku ini radini remanu rofu niyo, “Ya remanu yi nono di yavari dairigedi. Varika amiye buni tora gade ya rofu moi ogau rebigo, na rofu ma yi muyenari regamadi kana.
7138	RUT 1:9	Varika amiye ya remanu rofu yi gado variyaganedi rumana bouna ya mago.” Kamini ina remanu fuka reyo ma rema remanu isaka nigasa
7143	RUT 1:14	Mina neideyadiri dudusa isaka niyadi. Kamini Orpah yaku ini radini fuka resi yuata niyo, idu Ruth yaku ini radini moi gira reyo.
7170	RUT 2:19	Naomi yaku ini radini nikaiteyo, “Ya bi gua goinari butu butu reyo? Kaere di sanari moimai reyo? Mina amiye kaere yaku ya vei mama riyo ina rofu bi buni tora gade mago!” Mina usi Ruth yaku ini radini nioteimaro kaere amiye di sanari moimai regamo. Niyo, “Mina amiye gua inasa moimai reyaka di roka bi Boaz.”
7172	RUT 2:21	Kamini Moab rema Ruth yaku niyo, “Boaz yaku ka na rofu niyo, ‘Nai moimai venesa amegiya bogo nai barley moimai rededi mina moi koina regedi.’”
7190	RUT 3:16	Kamini Ruth okiyo ma ini radini yaku nikaiteyo, “Nai vefa, gokai dibo reyo?” Resi Boaz yaku beika tau reyo mina nioteimasi
7192	RUT 3:18	Kamini Naomi ya niyo, “Nai vefa, tua re, ve kumo gabi beika vata nigo. Boaz bi asa moina de koderi mina ago gua moi rorobo rego.”
7197	RUT 4:5	Kamini Boaz yaku niyo, “Mina kono Naomi rofu voi regiya medari bi, Ruth kaere bi Moab rema ma obu niyo ka voi moigiya mini. Makai regiyari bi mina kono di muyeyo amiye di rokasa amebigo.”
7201	RUT 4:9	Kamini Boaz yaku tora vene ma amiye tau rofu niyo, “Gua vesi neideyadi na yaku Elimelech, Chilion ma Mahlon di gugura tau Naomi rofu voi reyaka.
7206	RUT 4:14	Kamini rema vene yaku Naomi nioteimaradi, “Varika amiye buni tora gade masifa, kaere bi mina medari usika ourena toe erufudo amiyesa ya ferei tavoi de reyo. Ina bi Israel gaganiri ini roka tora niyaine!
23214	MAT 1:1	Mina bi Iesu Keriso di tutubena imito rina sina; ina bi David di tutubena, kaere bi Abraham di tutubena.
23229	MAT 1:16	Jacob bi Joseph di baba, Mary di maruka ina rofu Iesu vata niyo kaere roka niyadi bi Keriso.
23230	MAT 1:17	Ye Abraham gutuna deyo David di tutubena bi 14; David gutuna amiye nifeideyadi ma Babylon ri amegamadi di tutubena ka bi 14, ma amiye nifeideyadi ma Babylon ri amegamadi gutuna Keriso vata niyo di tutubena ka 14.
23231	MAT 1:18	Ye, Iesu Keriso ini gokai vata niyo bi yomakai. Ini nono Mary bi Joseph nikau reyadi, idu gogo amena koderi bi, ma iniye Vima kikifa di vava dudu rivo niyo.
23241	MAT 2:3	Kini Herod mina sina neideyori, uka kenoka yaku no niyo, ma Jerusalem ri amiye tau vakoi ka makai reyadi.
23242	MAT 2:4	Dada Sei ma amiye utari naivo vene di varika vene ma Sei di ago gira oteimana vene tau vakoi nirutu resi nikaiteyo, “Keriso bi goinari vata nigo?”
23251	MAT 2:13	Kamini mokena vabara vene ferei diyadiri, Varika amiye di naivo naivo vima yaduka dudu ogau nisi Joseph rofu niyo, “Herod bi mina mida umuyegika maina rego, ye dadisi mina mida ma ini nono moigiya ma Egypt urana ori negedi; ye mironari amegedi bogo ya nigida mamo Egypt ferei digedi.”
23257	MAT 2:19	Kamini Herod muyeyori, Varika amiye di naivo naivo vima Joseph rofu Egypt ri yaduka dudu ogau nisi
23266	MAT 3:5	Kamini Jerusalem vene ma Judea gagani tora noibanu vene ma Jordan koru adinari gagani tau amiye vakoi ina rofu baegamadi.
23283	MAT 4:5	Kamini Bodaka yaku Jerusalem taoni kikifari afei bosi Sei nivakena yava tebori moi are resi
23288	MAT 4:10	Kamini nikabai resi niyo, “Satani, na rofu etagae ri, adina yomakai bura reyo, ‘Varika amiye yi Sei nivakesi ina rofu maka naivo re!’”
23289	MAT 4:11	Kamini Bodaka feresi diyo ma Sei di naivo naivo vima yaku okisi nari regamadi.
23304	MAT 5:1	Kamini, Iesu yaku usi diyadi vene tau gade vesi omunari bosi ameyo ma ini usi dina vene ka bi ina rofu boyadi.
23306	MAT 5:3	“Kaere amiye ina diba ini vimari Sei di gugura buni yokoi de bi ada regedi; adina bi Sei di ourefeidena amena sana omari bi ini!
23308	MAT 5:5	Kaere bi ave nidedi ada regedi; ini adina bi mina kono noibanu moigedi!
23309	MAT 5:6	Kaere ini ura bi mokena rorobo rofu rauna rededi kana bi ada regedi; adina ina bi moi vata baegedi!
23310	MAT 5:7	Kaere iriyeduka rena vegu rededi vene bi ada regedi; Sei yaku ini iriyeduka ina fafau rego!
23311	MAT 5:8	Kaere uka kino yokoi de nufa bi ada regedi; ini adina Sei vegedi!
23312	MAT 5:9	Kaere uka amuta rededi vene bi ada regedi; ini adina Sei yaku ini mida mida vo nigo!
23313	MAT 5:10	Kaere vegu rorobo dada esika esika moidedi vene bi ada regedi; ini adina Sei di ourefeidena amena sana omari bi ini!
23322	MAT 5:19	Kaere amiye yaku mina ago gira di ago keika keika yokoi obe resi amiye be ka, ina yaku reyo kana, reyaganedi oteimago bi, Sei yaku ini ourefeidena amena sana omari bi moi keika rigo, idu kaere amiye yaku mina ago gira neidesi amiye be ka oteimabigo, bi Sei yaku ka ini ourefeidena amena sana omari ka ina moi odoro rigo.
23330	MAT 5:27	“Sena nigamadi ma neideyadi, ‘Koa ga re.’
23334	MAT 5:31	“Mina bi sena ka niyadi, ‘Kaere amiye ini rema ferego vonisi, bi rema ferena fefa masi nifeideyainedi.’
23338	MAT 5:35	o kono roka fafau ga nitore refa, adina mina bi ini yuka aena sana; o Jerusalem fafau nitore ga refa, adina mina bi Kini tora di taoni.
23357	MAT 6:6	Idu Sei rofu usa usa nibigediri, bi yi daiyutu ideri dui resi ida biri risi mamo yi Baba rofu usa usa nifa, kaere ya de vegedi. Kamini yi Baba sui dudu beika rededi ya vegasa yi obini ya mago.
23417	MAT 8:3	Kamini Iesu yaku ini vana moi roto risi mina amiye avaka moisi niyo, “Na ura reida; ruaka ni!” Minari maka ini roaitari refera gauka bi ruaka niyo.
23464	MAT 9:16	“Kamini amiye yokoi bi ruaka ma koitena de varuka tu di varuka kori fafau faniya de rego; adina bi varuka moi rutu rego ma varuka kori uesi rego ma ruba tora nigo.
23475	MAT 9:27	Kamini Iesu yaku mina sana feresi bogamori, ne taufa amiye remanu usi bogasa raka niyadi, “David di tutubena, una iriyeduka re!”
23480	MAT 9:32	Kamini digamadiri, amiye babo kaere bi vima no nufa afei baeyadi.
23487	MAT 10:1	Kamini Iesu ini usi dina vene 12 raka nisi niegogo resi vima no meki resi deda gauka tau vakoi moi buni rigi vava maro.
23523	MAT 10:37	“Kaere amiye ini nono o baba rofu uka tora masi na rofu uka keika mago vene bi nai usi dina bi kode; ma kaere amiye ini rumana o rema mida rofu uka tora masi na rofu uka keika mago, bi nai usi dina bi kode tora.
23525	MAT 10:39	Kaere ini vegu maina rego, bi de moigo, ma kaere na dada ini vegu youfeidego, bi moigo.
23526	MAT 10:40	“Kaere ya moi dui rego, bi na moi dui rego, ma kaere na moi dui rego, bi kaere yaku na nifeideyo moi dui rego.
23527	MAT 10:41	Kaere amiye yaku Sei di ago nido amiye moi dui rego, adina ina bi Sei di ago nido amiye, bi Sei di ago nido amiye di obini moigo. Ma kaere amiye yaku mokena rorobo amiye moi dui rego, adina ina bi mokena rorobo amiye, bi mokena rorobo amiye di obini moigo.
23530	MAT 11:2	Ye John Baptist dibura yavari amesi Keriso yaku beika reyo mina neidegasa ini usi dina vene nifeideyo ma
23532	MAT 11:4	Kamini nikabai resi niyo, “Bosi John rofu beika neidegasa veyadi mina nifa:
23543	MAT 11:15	Kaere neidego, bi neideyaine!
23569	MAT 12:11	Kamini niyo, “Ya kaere yi mamoe yokoi maka nufa Sabati medari kono rubari keto rei nego vonisi, bi moi yakugiya ba ide?
23581	MAT 12:23	Amiye tau gade tururu resi niyadi, “Aiyo, mina bi David di tutubena Keriso, kaere tua resifa ba ide?”
23606	MAT 12:48	Kamini nikabai resi niyo, “Kaere bi nai nono ma kaere bi nai dubuiyaka?”
23611	MAT 13:3	Kamini mokena ago dudu ago tau gade nioteimasi makai niyo: “Amiye yokoi ini yo varigi diyo.
23614	MAT 13:6	Kamini meda are reyori, bi vai taresi abiye niyadi, adina ini daru kono ideri nei mona de reyadi.
23617	MAT 13:9	“Kaere neidego, bi neideyaine!”
23618	MAT 13:10	Kamini ini usi dina vene ina rofu baesi nikaiteyadi, “Beika resi mokena ago dudu ina vene rofu ago nisa?”
23627	MAT 13:19	Kaere amiye yaku Sei di ourefeidena amena sana di ago neidego, idu diba de nigori, bi amiye no yaku baesi beika ini ukari aeyo mina moi digo. Mina bi ida sanari yo variyo kana.
23651	MAT 13:43	Mina usi mokena rorobo vene bi ini Baba di ourefeidena amena sanari meda vabara nido kana vabara nibigedi. Kaere neidego, bi neideyaine!
23661	MAT 13:53	Kamini Iesu mina mokena ago ni vau regasa bi mina sana feresi boyo.
23684	MAT 14:18	Kamini niyo, “Mina na rofu moi baefa.”
23695	MAT 14:29	Ina yaku niyo, “Baevo!” Kamini Peter boutiri gutuna soka resi Iesu urana koru fafau nana rei boyo.
23698	MAT 14:32	Kamini boutiri keu reyadiri, aura amuta niyo.
23700	MAT 14:34	Kamini moka daidai tora ugasi bi Gennesaret gaganiri utae riyadi,
23706	MAT 15:4	Adina Sei yaku niyo, ‘Yi nono baba emagui re,’ ma ‘Kaere yaku nono o baba nikiraini rego, bi umuyeyaine.’
23712	MAT 15:10	Kamini amiye tau gade raka niegogo resi niyo, “Neidesi diba nifa!
23714	MAT 15:12	Kamini ini usi dina vene baesi nikaiteyadi, “Pharisee vene mina ago neidegasa uka kenoka reyadi, bi diba niyo ba ide?”
23726	MAT 15:24	Kamini nikabai reyo, “Na bi Israel vene, kaere bi mamoe boiyo reyadi kana, ina rofu maka nifeideyo.”
23729	MAT 15:27	Kamini niyo, “Varika amiye, rama nisa, idu auna ka ini varika amiye di teiborori iruku bubudo yarededi ka iridedi.”
23732	MAT 15:30	Kamini amiye tau gade gade ina rofu baesi yuka no, ne taufa, yuka kevo, babo vene ma amiye tau gade be afei baesi ini yuka adinari aeyadi ma moi buni riyo.
23734	MAT 15:32	Kamini Iesu ini usi dina vene raka niegogo resi niyo, “Na bi mina vene tau gade rofu iriyeduka reida, adina bi nasa sena meda regodenu ameyadi ma irigedi iruku bi koina. Na ura de reida rauna nifeidegida ma digedi, bi idau muyei tamatama regedi baebu.”
23741	MAT 15:39	Kamini amiye tau gade nifeidesi boutiri keu risi Magadan gaganiri neyo.
23745	MAT 16:4	Vegu no resi mokena vari gira de aesi gua amededi vene yaku rebe nikaitededi; rebe yokoi de mago, idu Jonah rofu vata niyo rebe mina maka maro.” Kamini mina vene feresi boyo.
23746	MAT 16:5	Kamini ini usi dina vene moka daidai tora ugasi berou eta rofu boi negasa beredi bado moina bi toto niyadi.
23754	MAT 16:13	Kamini Iesu Caesarea Philippi gagani baesi ini usi dina vene nikaiteyo, “Amiye yaku nidedi Amiye di mida bi kaere, vo nidedi?”
23757	MAT 16:16	Ye Simon Peter nikabai resi niyo, “Ya bi Keriso, toga amedo Sei di mida.”
23761	MAT 16:20	Mina usi ini usi dina vene ago maro bi amiye yokoi ga nioteimaragane ina bi Keriso.
23763	MAT 16:22	Kamini Peter yaku moi etagae risi besenai ago magi kora resi niyo, “Varika amiye, Sei mina biri riyaine; makai bi toga ya rofu vata ga niyaine!”
23765	MAT 16:24	Resi ini usi dina vene rofu niyo, “Kaere amiye ini ura bi na usi digo vonisi, bi ina kaya toto nisi ini satauro moisi na usi baeyaine.
23770	MAT 17:1	Kamini meda 6 koina niyori Iesu yaku Peter, James ma ini dubuini John afesi omuna tora yokoiri inaike maka boyadi.
23779	MAT 17:10	Kamini ini usi dina vene yaku nikaiteyadi, “Ye beika resi ago gira oteimana vene yaku nidedi Elijah siko deyaine?”
23783	MAT 17:14	Kamini amiye tau gade rofu baeyadiri, amiye yokoi baesi Iesu di budari ini efuka imisi
23794	MAT 17:25	Ina yaku niyo, “Yo.” Peter yava ideri baeyori, Iesu ina siko ago niyo, “Simon beika mokeisa? Kono di kini bi ini davana ma takesi bi kaere rofu butu rededi—iniye di ini amiye rofu ba amiye bedakai rofu?”
23828	MAT 18:32	Kamini ini varika amiye yaku mina moimai rei tavoi redo amiye raka nisi niyo, ‘Ya bi moimai rei tavoi redo amiye no! Yi beika fore tau vakoi moiyo bi na rofu usa niyo dada ferei tavoi reyaka.
23832	MAT 19:1	Kamini Iesu mina sina nigamo koina niyori, Galilee feresi Jordan koru di berou eta rofu Judea gaganiri boi neyo.
23836	MAT 19:5	Ka niyo, ‘Mina dada rumana ini nono baba feresi etagae rigo ini remasa roaita gogo nigedi.’
23843	MAT 19:12	Adina rumana be bi mena anua rededi, adina be bi makai vata niyadi dada; be bi makai amiye riyadi dada; ma be bi makai iniye riyadi, Sei di ourefeidena amena sana oma rofu dada. Kaere mina ago neidegasa moigo vonisi, buni bi moiyaine.”
23858	MAT 19:27	Kamini Peter nikabai reyo, “Ve kumo, uni beika baika tau vakoi feresi ya usi diyafa! Ye bi beika moigifa?”
23878	MAT 20:17	Kamini Jerusalem bogasa idau ini usi dina vene 12 moi etagae risi nana uyai regasa sina nimaro,
23881	MAT 20:20	Kamini Zebedee di mida mida ini nonosa Iesu rofu baeyadi ma ini budari efuka meimisi ini beika ura rededi usa niyo.
23890	MAT 20:29	Kamini Jericho feresi yakuyadiri, amiye tau gade usi boyadi.
23896	MAT 21:1	Kamini Jerusalem ri bae ekaira resi Bethphage, Olive yabo di omuna adinari boyadiri, Iesu bi ini usi dina amiye remanu nifeidesi
23904	MAT 21:9	Kamini amiye tau gade fogori be bi ouregamadi ma be bi usi digamadi ma raka nigamadi, “David di tutubena di roka moi odoro ri! Sei buni tora gade mado, kaere bi Varika amiye di rokari baedo! Sei oma odoro iniyeri di roka moi odoro ri!”
23907	MAT 21:12	Kamini bi Sei nivakena yava dui resi bi sero rena vene ma voi rena vene tau gade umeki rei feideyo. Fore senesi rena vene di teiboro ma pune erena sero rena vene di amena fata moi evairo reyo.
23912	MAT 21:17	Kamini ina vene feresi taoni yakusi Bethany urana diyo. Mina urusa mironari vareyo.
23918	MAT 21:23	Kamini Sei nivakena yavari dui resi oteimagamori, Sei ma amiye utari naivo vene di varika vene ma tora vene ina rofu baesi nikaiteyadi, “Beika vava dudu mina vegu reisa? Ma kaere yaku mina vava ya maro?”
23931	MAT 21:36	Kamini dudusa ini moimai rei tavoi rededi vene be nifeideyo, ouresi kana de, idu gua bi besa, ma muro nari rededi vene yaku ouresi reyadi kana reyadi.
23948	MAT 22:7	Kamini kini bi gubuyo resi ini iya rededi vene nifeideyo ma mina umuyededi vene u vau resi ini taoni ori kamu reyadi.
23954	MAT 22:13	Kamini kini yaku ini naivo rededi vene rofu niyo, ‘Yuka vana misi mukunari maku nefa. Mironari amiye ini gade giko nigedi ma isaka nigo.’”
23962	MAT 22:21	Ye nikabai reyadi, “Caesar di.” Kamini niyo, “Mina dada beika Caesar di, bi Caesar mafa, ma beika Sei di, bi Sei mafa.”
23983	MAT 22:42	niyo, “Keriso rofu bi beika mokededi bi rama? Ina bi kaere di tutubena?” Ye nikabai reyadi, “Ina bi David di tutubena.”
23988	MAT 23:1	Kamini Iesu yaku amiye tau ma ini usi dina vene rofu nisi