7210	RUT 4:18	Mina bi Perez di vata ni raroda reyadi vene: Perez bi Hezron di baba,
23235	MAT 1:22	Mina tau vakoi vata niyadi bi beika Varika amiye yaku ini ago niyo amiye rofu niyo bi rama aego:
23243	MAT 2:5	Ina vene yaku nikabai reyadi, “Bethlehem ri Judea gagani ideri, ini adina Sei di ago niyo amiye yaku bi makai bura reyo:
23255	MAT 2:17	Makai dudu beika Sei di ago niyo amiye Jeremiah yaku niyo bi rama aeyo:
23261	MAT 2:23	taoni yokoi roka Nazareth ri amegamo. Ye Sei di ago nidedi vene di ago bi rama aeyo: “Ina bi Nazareth amiye vo nigedi.”
23264	MAT 3:3	Mina bi amiye kaere Sei di ago niyo amiye Isaiah yaku ina rofu makai niyo: “Amiye yokoi di goroka bi gagani autu sanari raka nido, ‘Varika amiye di ida dogo resi ini dibo ida moi rorobo rifa!’”
23284	MAT 4:6	niyo, “Ya Sei di mida vonisi, ya kaya maku ne, adina Sei di agori bura reyo bi: ‘Sei yaku ini naivo naivo vima ago gira mago ya dada; ma ini vana dudu ya moi odoro rigedi, yi yuka foreri de tagi magiya.’”
23292	MAT 4:14	Mina reyo bi beika Sei yaku ini ago niyo amiye Isaiah rofu niyo bi moi rama aegi ma niyo:
23305	MAT 5:2	Ma oteimagasa, makai niyo:
23360	MAT 6:9	Mina dada yomakai usa usa nifa: ‘Uni Baba omari ameisa amiye: Yi roka bi kikifa iniye;
23382	MAT 6:31	“Mina dada ya kaya nigika mokena toe ga refa: ‘Una bi beika iruku ma koru irigifa?’ o ‘Una bi beika varuka akugifa?’
23419	MAT 8:5	Iesu Capernaum ri okiyori, Rome di iya rededi vene di ourefeidena amiye yokoi Iesu rofu niguyaguya regasa niyo:
23461	MAT 9:13	Va disi mina ago di ini adina vei mona refa: ‘Na bi iriyeduka ura reida ma ori sisika rena bi de.’ Adina na bi mokena rorobo vene rofu disi raka nigi de okiyaka, idu vegu no rededi vene rofu okiyaka.”
23488	MAT 10:2	Ye mina nifeidena vene 12 di roka roka bi: ouresi bi Simon (ini roka yokoi bi Peter) ma ini usika Andrew; Zebedee di mida mida James ma ini dubuini John;
23491	MAT 10:5	Iesu yaku mina amiye 12 bi ago gira masi vava dudu nifeideyo: “Tutubena idana vene di gagani o Samaria vene di taoniri bi dibo ga refa.
23532	MAT 11:4	Kamini nikabai resi niyo, “Bosi John rofu beika neidegasa veyadi mina nifa:
23535	MAT 11:7	Ye mina vene diyadiri, Iesu yaku amiye tau gade John fafau ago nigi kora reyo: “Ya bi beika vegi gagani autu sanari boyadi? Doi iye aura yaku moi raudai redo mina vegika ba?
23538	MAT 11:10	Mina amiye bi kaere bi bura reyo: ‘Sei yaku makai niyo, nai ago moi raga redo amiye yi budari nifeidegida. Yi ida moi dogo rego.’
23575	MAT 12:17	Mina bi moi rama aeyaine beika Sei di ago niyo amiye Isaiah yaku niyo:
23611	MAT 13:3	Kamini mokena ago dudu ago tau gade nioteimasi makai niyo: “Amiye yokoi ini yo varigi diyo.
23621	MAT 13:13	Mina resi ina vene rofu bi mokena ago dudu ago nida: adina vededi, idu vei mama de rededi. Neidededi, idu neidei mama de rededi, ma diba de nidedi.
23622	MAT 13:14	Isaiah, Sei di ago niyo amiye, yaku beika vata nigo ago niyo bi makai rama aeyo: ‘Ya bi neidebigedi, idu diba de nigedi; ya bi vebigedi, idu vei mama de regedi,
23632	MAT 13:24	Iesu yaku mokena ago yokoi dudusa nioteimaro: “Sei di ourefeidena amena sana omari bi amiye yokoi yoyava buni ini murori variyo kana.
23638	MAT 13:30	Ferefo kumo vakoi bogedi butu rena medari mamo. Mirona medari mamo butu rededi vene nigida: Oruma siko butu resi origi rugurugu dudu mitai regedi, idu witi rama butu resi nai totoa yavari moi baegedi.’”
23639	MAT 13:31	Dudusa mokena ago yokoi ina vene rofu nioteimaro: “Sei di ourefeidena amena sana omari bi mastadi di yoyava kana; amiye yokoi yaku moisi ini murori variyo.
23641	MAT 13:33	Ma mokena ago yokoi nioteimaro: “Sei di ourefeidena amena sana omari bi yeast kana; ye rema yokoi yaku moisi farava siua tora regode sa moi foyomai reyo bogo mina yeast yaku farava tau vakoi moi uruyo.”
23643	MAT 13:35	Ye beika Sei di ago niyo amiye yaku niyo bi rama aeyo: “Na bi mokena ago dudu ago nigida; Na yaku kono riyori gutuna sui niyadi beika baika bi niokugida.”
23648	MAT 13:40	Mina oruma no butu resi itari ori kamu regedi kana, meda bae koina nigori bi makai:
23657	MAT 13:49	Mina bi gokai vata nigo meda bae koina nigori: Sei di naivo naivo vima yaku desi vegu no vene mokena rorobo vene di ideri moi etagae risi
23709	MAT 15:7	Ya ofarosi vene! Isaiah bi rama nisi ya vene dada Sei di ago niyo bi:
23854	MAT 19:23	Ye ini usi dina vene rofu niyo, “Rama ya nida: gugura tau gade amiye yaku Sei di ourefeidena amena sana omari dui rena bi gira iniye.
23855	MAT 19:24	Dudusa nida: kamelo yaku niduru nemokori dui rego bi aita, idu gugura tau gade amiye yaku Sei di ourefeidena amena sanari dui rena bi gira iniye.”
23899	MAT 21:4	Mina vata niyo, bi beika Sei di ago niyo amiye yaku niyo bi bae rama aeyo:
23901	MAT 21:6	Ye ini usi dina vene feresi niyo kana reyadi:
23928	MAT 21:33	“Mokena ago yokoi neidefo: Yava biyaguna amiye yokoi bi waini meko muro varisi kota mina buru risi waini meko itei rina di kono ruba goesi ota rina vene di fata risi muro nari rena vene be ini nanaka moigika nimasi yava ika oto diyo.
23946	MAT 22:5	Idu neidena de resi diyadi: yokoi bi ini murori diyo ma yokoi bi voi resi sero regi diyo,
23976	MAT 22:35	ma ina yokoi kaere bi ago gira oteimana amiye yaku ini uka maina regika nivegasa nikaiteyo:
23980	MAT 22:39	Ma usi bi ouresi kana: ‘Ya kaya uka maisa kana, yi atafu amedo amiye uka magiya.’
23985	MAT 22:44	‘Varika amiye yaku nai Varika amiye rofu niyo: Nai vana rama eta rofu ameinu re bogo na yaku yi tuma vene yi yuka aena sana kana rigida mamo.’
24004	MAT 23:17	Ya ne taufa ada de vene! Goina bi tora iniye: goro ba Sei nivakena yava yaku mina goro moi akeke rido ba?
24006	MAT 23:19	Ya ne taufa amiye! Goina bi tora iniye: Gugura ba ori sisika rena fore fata yaku mina gugura mana moi akeke rido ba?
24023	MAT 23:36	Rama ya nida: mina tau vakoi bi gua amededi vene fafau yarego!
24041	MAT 24:15	“Bura veisa amiye bi ada yora niyaine: Sei di ago niyo amiye Daniel yaku sena vegu no iniye redo amiye rofu niyo. Mina dada mina amiye akeke sanari are rego vegediri,
24171	MAT 26:48	Kamini siri rego amiye yaku gokai rego di ida bi sena masi niyo: “Kaere amiye fuka regida bi mini; moi gira refa!”
24186	MAT 26:63	Idu Iesu bi bere niyo ma Sei ma amiye utari naivo amiye tora yaku niyo, “Toga amedo Sei di roka dudu ya nida ya gua ofa ofa de nigiya: una ni ya bi Keriso, Sei di mida ba?”
24187	MAT 26:64	Ma nikabai reyo, “Ya yaku niyo kana. Idu ya nida: Gua gutuna bi Amiye di mida Vava iniye amiye di vana rama rofu ameinu resi oma di seuya odoro debigo ma vegedi!”
24198	MAT 26:75	ma Peter yaku Iesu beika vata nigo di ago niyo mina mokeyo: “Kokoro raka nina koderi, uru regode na nisui regiya.” Ye etofaro yakusi isaka no iniye iniye niyo.
24207	MAT 27:9	Mina usi beika Sei di ago niyo amiye Jeremiah yaku niyo bi bae rama aeyo: “Ye siriva fore 30 moiyadi; mina bi Israel vene be yaku ini davana reyadi kana.
24217	MAT 27:19	Kamini bi ini kota rena fata ameinu reyori, ini rema yaku ago nifeideyo: “Mina mokena rorobo amiye rofu bi beika yokoi ina rofu ga re. Adina na bi gua yaduka veyakari, nai mokena yaku esika esika na maro ina dada.”
24235	MAT 27:37	Ini ada odoro bi ini no nikake regi bi yomakai bura reyadi: “Mina bi Iesu, Jew vene di kini.”
24239	MAT 27:41	Mina ida yokoi makari Sei ma amiye utari naivo vene di varika vene ma ago gira oteimana venesa ma tora vene ka nikurugasa nigamadi:
24286	MRK 1:2	Sei di ago niyo amiye Isaiah yaku bura reyo kana: “Sei yaku makai niyo, ‘Nai ago moi raga redo amiye yi budari nifeidegida. Yi ida moi dogo rego.’
24373	MRK 3:16	Ye ini amiye 12 auba reyo bi mini: Simon (Iesu ini roka maro bi Peter);
24394	MRK 4:2	Kamini mokena ago dudu ago tau gade nioteimasi niyo:
24418	MRK 4:26	Iesu yaku dudusa niyo, “Sei di ourefeidena amena sana bi yomakai: Amiye yaku konori yo makudo kana.
24423	MRK 4:31	Mina bi yomakai: Mastadi di yoya konori bi keika keika iniye. Amiye yokoi konori variyo kana.
24538	MRK 7:6	Ye nikabai resi niyo, “Isaiah bi rama nisi ya ofarosi vene dada, Sei di ago nisi bura reyo bi mini: ‘Mina vene bi ini afiye dudu na kikifa rededi, idu ini uka na rofu bi maike tora.
24553	MRK 7:21	Adina amiye di uka ideri gutuna yakudedi bi mini: mokena no, mena de vene koa rena, duma duma rena, amiye umuyena, mena vene koa rena,
24676	MRK 10:19	Ya ya diba ago gira di ago bi: ‘Amiye umuyena ga re; koa ga re; duma duma ga re; amiye di vegu fafau ofa ofa ago ga ni; amiye rofu moi ofa nina ga re; yi nono baba emagui re.’”
24743	MRK 12:1	Kamini mokena ago nigi kora reyo: “Amiye yokoi bi waini meko di muro varisi kota mina buru risi waini meko etei rina di kono ruba goesi ota rina vene di fata risi muro nari rena vene be ini nanaka nimasi yava ika oto diyo.
24761	MRK 12:19	Resi nikaitegasa niyadi, “Oteimana amiye, Moses yaku una rofu bura reyo bi: ‘Amiye kaere ini dubuini muyesi ini rema ferego, idu mida bi koina, mina amiye bi ini obu mesi ini dubuini di mida moiyainedi.’
24773	MRK 12:31	Ma mina usi bi yomini: ‘Ya kaya uka maisa kana, yi atafu amedo amiye uka magiya.’ Ago gira tora yokoi de, mina remanu maka.”
24778	MRK 12:36	David iniye Vima kikifa di vava dudu niyo: ‘Varika amiye yaku nai Varika amiye rofu niyo: Nai vana rama eta rofu ameinu re bogo na yaku yi tuma vene yi yuka aena sana kana rigida mamo.’
24780	MRK 12:38	Ye ini oteimana ago bi yomini: “Vei mona refo ago gira oteimana vene rofu, kaere varuka doba dudu nana regika ma maketiri amiye yaku ago buni dudu matagini reyagane,
24800	MRK 13:14	“Bura veisa amiye bi ada yora niyaine: Ye vegu no iniye redo amiye are ga reyaine sanari are rego vegediri, bi ya kaere Judea gaganiri, bi omuna rofu ori difa.
24820	MRK 13:34	Mina bi amiye yokoi yava ika oto dina kana: Ini yava feresi ini moimai rei tavoi rededi vene vanari aesi ina yokoi yokoi bi ini moimai neinei mago. Ye yava ida vena nari rego amiye maka bi nioteimago, nemoko kikigasa amego.
24823	MRK 13:37	Beika ya vene rofu ya nida, amiye tau rofu nigida: nemoko kikifo!”
24921	MRK 15:26	Ini no nikake regi bi yomakai bura reyadi: “Jew vene di kini.”
24959	MRK 16:17	Kaere mokena vari gira aegedi, bi mina rebe dudu auta regedi: nai roka dudu vima no meki resi ago ruaka dudu ago nigedi;
25029	LUK 1:67	Vima kikifa yaku John di baba di uka vata baeyo dada, Sei di ago niyo:
25054	LUK 2:12	Gokai vei mama rigedi di ida bi yomakai: Rumana mida keika baku regedi, boromakau di iruku irina maua ideri varedo, varuka dudu fafa riyadi.”
25055	LUK 2:13	Kamini, minari maka, omari naivo naivo vima tau gade gade ogau nisi mina naivo naivo vimasa, Sei rofu nivakena resi yauta nigamadi:
25070	LUK 2:28	Kamini Simeon yaku mina mida keika moisi buda aesi Sei rofu buni tora gade masi niyo:
25073	LUK 2:31	Ya sena amiye tau vakoi di neri mina vegu dogo reyo:
25098	LUK 3:4	Sei di ago niyo amiye Isaiah di bukari bura resi niyo kana: “Amiye yokoi di goroka bi gagani autu sanari raka nido, ‘Varika amiye di ida dogo resi ini dibo ida moi rorobo rifa.
25149	LUK 4:17	Ina vene yaku Isaiah, Sei di ago niyo amiye, di buka maradi. Kamini buka uforo resi bura reyadi sana baku resi vesi niyo:
25166	LUK 4:34	“Aee, Iesu Nazareth amiye, una rofu bi beika ura reisa? Ya bi una moi no regika okiyo ba? Na na diba ya bi kaere: ya bi Sei di Kikifa amiye!”
25228	LUK 6:13	Ari uveyori, ini usi dina vene raka nisi 12 auba resi ini roka bi nifeidena vene vo nisi maro:
25242	LUK 6:27	“Idu na neidededi vene ya rofu nida: yi tuma vene uka masi ya rofu gubuyo rededi vene fafau buni refa.
25286	LUK 7:22	Kamini nikabai resi niyo, “Bosi John rofu beika vegasa neideyadi mina nifa: ne taufa vene dudusa gagani vededi, yuka no vene nana rededi, refera nufa vene bi moi ruaka riyo, anema kora vene bi neidededi, muyena vene bi veguri edadiyo, ma ago buni bi irava vene rofu nirausi reyo.
25291	LUK 7:27	Mina amiye bi kaere bi bura reyo: ‘Sei yaku makai niyo; nai ago moi raga redo amiye bi yi budari nifeidegida. Yi ida moi dogo rego.’
25316	LUK 8:2	ma rema bedakai, kaere bi Iesu yaku vima no meki reyo, ma be bi ini gauka moi buni riyo: Mary, kaere ini roka bi Magdalene, ina rofu bi, Iesu yaku vima no 7 ini roaitari meki rei yakuyo.
25318	LUK 8:4	Taoni neinei vene tau gade gade ina rofu baesi egogo reyadiri, bi mokena ago yokoi niyo:
25325	LUK 8:11	“Mina mokena ago di adina bi yomini: yo bi Sei di ago.
25373	LUK 9:3	Ye ka niyo, “Gugura yokoi ida di ga moifa: yukana bi de, dura bi de, iruku bi de, fore bi de, ma varuka remanu bi de.
25476	LUK 11:2	Iesu yaku ina vene rofu niyo, “Usa usa nigediri, bi yomakai nifa: ‘Baba: Yi roka bi kikifa iniye; yi ourefeidena amena sana bi deyaine.
25483	LUK 11:9	“Ye ya vene rofu nida: Usa nifa kumo ya mago; maina refa kumo baku regedi; raka nifa kumo ya rofu ida vena moi ekego.
25524	LUK 11:50	Dada Sei yaku kono riyo medari gutuna kaere Sei di ago niyadi vene tau gade umuyeyadi, gua amededi vene bi ini kaunava baku regedi:
25533	LUK 12:5	Idu ya oteimagida kaere rofu ori regedi: Sei rofu ori refa, kaere bi ya umuyesi gabi ita mokari makugo di vava nufa, rama ina rofu maka ori refa!
25544	LUK 12:16	Kamini Iesu yaku mokena ago yokoi ina rofu niyo: “Gugura tau amiye, ini kono fafauri, muro iruku tora gade iniye rama niyo.
25546	LUK 12:18	Resi niyo, ‘Yomakai regida: nai iruku aena sana ukero vau resi tora risi nai iruku ma sogona tau gade minari aegida.
25549	LUK 12:21	Resi Iesu ini sina ni vau regi reyo, “Amiye rofu bi makai: kaere bi beika baika tau inaike moiyo, idu Sei di mokenari, bi beika baika tau de moiyo.”
25555	LUK 12:27	Sufari farofaro bi gokai bodedi, mina vefa: moimai de resi varuka de ridedi. Idu ya nida, kini Solomon di varuka burefe tau ka bi mina sufari farofaro kana de.
25561	LUK 12:33	Yi beika baika nufa, bi sero resi fore bi irava vene mafa. Yi beika baika tau omari aefa: mironari fore pausi de no nigedi, ma duma amiye moigi anua rego, ma nurina ka de moi no rigo. Ye toga koina de nigedi.
25581	LUK 12:53	Iniye iniye utama okuyaganedi: baba ini rumana midasa, rumana mida ini babasa; nono ini vefasa, vefa ini nonosa; radiyaka tora ini radiyakasa, radiyaka ini radiyaka torasa.”
25593	LUK 13:6	Resi Iesu yaku mina mokena ago ina vene rofu nigi kora reyo: “Amiye yokoi ini waini murori fuka yabo yokoi variyo ma bodo mina rama be ba de vegika boyo. Idu be de baku reyo.
25608	LUK 13:21	Ina bi yeast kana: ye rema yokoi yaku moisi farava siua tora regodesa moi foyoma reyo boyo mina yeast yaku farava moi uruyo mamo.”
25619	LUK 13:32	Ma nikabai resi niyo, “Bosi mina sufa auna mina nifa: ‘Na bi gua ma agiya vima no meki rei feidesi gauka vene moi buni rigida, ma aineka mamo nai moimai koina nigo.’
25629	LUK 14:7	Iesu yaku raka niyadi vene be veyo, amena sana burefe maina regamadi, dada mina mokena ago ina vene rofu niyo:
25660	LUK 15:3	Ye Iesu yaku mina mokena ago ina vene rofu niyo: