54	GEN 2:23	Bi oloto i giuna gado, “Eee! Niga waivinina siliena ba tagu siliegu, bi tubuḡina ba tagu tubuḡigu. Tana yài isana waivini banina tana olotomo a voiye. Tana oloto giligilinemo Maimaituwa i voiye.”
467	GEN 19:9	Kamaina bi tedi ena giu ai munena gado, “Ku moito liya! Tam tautavatava niga ḡome kuna tava bi bena kwai badabada. Niganana ka voiyem te kwai nuwatoi gulatana, kaka mba lavedi labu!” Kamaina bi Loti a dudu waipaili bi manunubidi a saḡa te maso gudu a doupapa.
475	GEN 19:17	Kamaina bi aneya ḡemota i giuna gado, “Ko velau te ko yawasana! Ko velavelau mote koma tinamuli bi koma velau moito wapumo, male ko peki bi ko nawa otana oyamo.”
549	GEN 22:1	Kauwa matabudi mulidimo Maimaituwa Eiblaḡam i laulubuna gado, “Eiblaḡam!” Bi Eiblaḡam ena giu i waimunena gado, “Tagu niga!”
555	GEN 22:7	Bi Aisik i giuna gado, “Tamagu!” Bi Eiblaḡam ena giu i waimunena gado, “Koko bai?” Aisik i waitalayena gado, “Tada kai bwainina bi kai matana ani waikalakabina te legaudi bi sipu ani gabuḡosa bamo?”
559	GEN 22:11	Bi Bada ena aneya malamo i binau yovona lisinemo gado, “Eiblaḡam! Eiblaḡam!” Bi Eiblaḡam i giuna gado, “Tagu niga.”
689	GEN 25:30	Kamaina bi tana Deikap i giuwena gado, “Tagu kanipeki i laukauwegu, gwadai sabasabana kuna ḡiuḡiuna, waiḡapa kwa tala natome bi yà kani!” Taunana aubaina tedi Iso isana ḡesauna a sakona Edom.
691	GEN 25:32	Bi Iso i giuna gado, “Ei kwa kitagu! Tagu ḡotona te kani pekina yà peki. Niga budelina bai visuvisuna ya vitegu?”
1162	GEN 39:12	Ḡome Potipa mwanena Diyousep ena gala dabanemo i kotekotena kaididi bi i giuwena gado, “Kwa nato ta kena!” Bi Diyousep i daboka bi i naila vanuwa i lau potiyovo kamaḡe. Bi Potipa mwanena Diyousep ena gala i solu kamaḡe bi i kaididi.
1263	GEN 42:10	Bi tedi a giuna gado, “Mm bada geḡa! Tama em taupaula ke tava kani ka gimeli.”
1563	EXO 2:8	Bi tana giu i wai munena gado, “Emaso, ku nawa!” Kamaina bi gomana nuvuna i nawa te tinaotina i wai doli tavaite.
1591	EXO 3:11	Bi geḡa te Mousis Maimaituwa i giuwena gado, “Bai! Tagu mote bai yà sibe, te maso yà nawa ḡalibona lisinemo bi Islael lavedi Idipmo yà kapotiyovodi.”
1903	EXO 14:13	Bi Mousis lava i giuwedina gado, “Koma naila! Nuwemi ya lautou bi koi nuwabagibagi te Bada bai ya voiyena ko kita. Noi lavedi mani Idip ko kitekitedina ba muliḡa mote koma kita munaḡedi.
1932	EXO 15:11	‘Oo Bada bamo mote diyammo maimaituwa ḡesau mai tam? Geḡa, geḡa ota! Oo Bada tam giukauwa te namalim waiyawa i ḡailisi gulata bi anisove kauwidi kwa voivoiyedi.
1951	EXO 16:3	Bi Islael lavedi a giuwedina gado, “I visu te tama maso Idipmo, Bada nimanemo ke peki! Ḡome ba musala gulewidi ke miya waikwaivivilidi bi ke kanikanina ema ḡowana luvanemo bi tam kalakalalenemo kunai doli tavaitemai bi kani ka pekipeki.”
1986	EXO 17:2	Taunana aubaina tedi Mousis vaitena ai kagiu bi a giuwena gado, “Gauba ku vitemai, ka tego!” Bi Mousis i giuwedina gado, “Temi bai aubaina ko giugiuvitavitala bi kota Bada ko wai laulubu?”
2443	EXO 32:4	Kamaina bi tana gold i legaudi te i gabu waiwelowelodi te kau natuna aluwina i voiye. Laḡannemo lava matabudi koikoitauna a kitakita ba a binauna gado, “Oo, mani Islael, niga maimaituwana taunana Idipmo i kapotiyovoda!”
2465	EXO 32:26	Kamaina bi Mousis ḡalavu lovolovotavinemo i moito bi i binauna gado, “Mabai bi Bada ena yawanimo ba lisigumo ko nato!” Kamaina bi Livai damna noponemo olooloto a nato lisinemo ai ḡemotidi.
2470	EXO 32:31	Kamaina bi Mousis i saḡa i nawa Bada lisinemo bi i waibaḡana gado, “Aiyo! Niga lavedi ba kauwa gebogebo otina a voiye. Tedi taudiḡa edi maimaituwa goldimo a voiye bi a laulauduneye.
4315	NUM 20:3	Tedi Mousis a giuvitavitalena gado, “Tama maso nove Bada mayavaina palaina mataetinemo laḡannmo ema lava a pekipeki maso matabumai ḡome ke peki kovi!
5038	DEU 4:32	“Laḡannemo Bada emi Maimaituwa temi Idipmo ena ḡailisimo i kapotiyovomi, te temi aubaimi mataila bi anisove kauwidi i voiyedi, Idip lisidimo. Tana mulimimo i moito bi wainuwatoi dididiga i vitedi. Kota oya Sainai dabanemo kai vavavaninemo i giu yovo lisimimo. Bi temi i voiyemi te ena lava otimi kona tubuḡa bi mote ko peki. Niganana emi noḡota ya munaḡa nove wala Maimaituwa dobumo lava i voivoiyena laḡanina ko noḡoti. Bamo mai dobu isuna te isuna kauwidi a tubuḡa, ee geḡa? Geḡa mote bamo! Bamo mai maimaituwa ḡesaudi mainana anisove kauwedi a voiyedi, ee geḡa? Geḡa mote bamo.
7282	1SA 3:4	Kamaina bi Bada, Samuwel i binauwena gado, “Samuwel!” Ḡome Samuwel ena giu i wai munena gado, “Tagu niga.”
7284	1SA 3:6	Bi Bada i binau munaḡana gado, “Samuwel!” Bi ḡome tana i kena moito te i munaḡa Eli lisinemo bi i waitalayena gado, “Tam kuna binauwegu aubaina e nato.” Bi tana i giuwena gado, “Tagu mote yà binauwem, ku munaḡa kwa kena.”
7390	1SA 8:19	Ḡome lava Samuwel ena giuvavasaḡa vaiyena a daboka bi a giuna gado, “Geḡa! Tama ka ḡoeḡoena ḡalibona yai badaemai.
7439	1SA 10:19	Tagu taunana Maimaituwa, emi pilipilimo bi emi wainuwatoimo ei yawasanimi. Temi kona dabokegu bi kona giuna gado, ‘Tama ḡalibona ka ḡoeḡoe te yai badayemai!’ Taunana aubaina matabumi emi kalinaḡa bi emi damḡa koi ḡemotimi tagu emi Bada lisigumo.”
7444	1SA 10:24	Kamaina bi Samuwel lava matabudi i giuwedina gado, “Niga taunana olotona Bada i vine te emi ḡalibona. Islael lavada nopodemo mote mai bamo olooloto ḡesaudi mainana!” Bi lava matabudi a binauna gado, “Ḡalibonana kwalabu wapawapa mainana ya miya.”
8016	1SA 31:4	Kamaina bi Sol ena tauwaiḡaviya bi kota ena mada tauavalina i giuwena gado, “Em kepata kwa soluvai bi kwai pekigu! Mote yà ḡoe te Filistiya lavedi Maimaituwa mote tausibena, sai namaḡegu bi sai pekigu.” Bi ena pawasi tauavalina Sol waipekina i naile. Ḡome Sol ena kepata i soluvai bi taunaḡa bwaganemo i gwali bi i kuluva te i waisuna munaḡe.
8841	1KI 3:22	Bi waivini ḡesau i giuna gado, “Geḡa! Gomana yawayawasanina ba tagu natugu bi gomana pekipekina ba tam natum.” Bi waivini dolidolina i giubagibagina gado, “Geḡa! Gomana yawayawasanina ba tagu natugu bi gomana pekipekina ba tam natum.” Bi ḡome ḡalibona matanemo ai kagiu.
8845	1KI 3:26	Bi gomana tina otina natuna nuwana i poya kauwe bi ḡalibona i giuwena gado, “Aee, ḡalibona, avena, gomana yawayawasanina waivinina ko vite.” Bi waivinina ḡesauna i giuna gado, “Geḡa, ko koisena labu te kainuwakava!”
9168	1KI 12:14	Bi tana lava valivaliudi edi giu i kaiwata bi lava i giuwedina gado, “Tagu ba nuwagu bagibagina mote mai tamagu! Tamagu noya dididigina i vitemi bi tagu ba noya dididigi otina yà vitemi. Tana madamo i kwapumi bi tagu ba mada wai gedegedelidimo yà kwapumi.”
9170	1KI 12:16	Sauginemo Islael lavedi a kita te ḡalibona mote kalinedi i vaiye ba a giuwena gado, “Tada mote Diyesi natuna Deivida ena dam isuna! Tada mote tana ena dam isuna. Islael lavada ḡesauda ta munaḡa eda dobuḡa, Deivida itana Liyabwam ena lava otidi taudiḡa yai badayedi!” Kamaina bi Islael lavedi a munaḡa edi malagaiḡa.
9333	1KI 17:13	Bi Elaidiya iwape i giuwena gado, “Geḡa, mote kumai nuwaboya! Islael edi Maimaituwa i giu te falawa bi olip masina dubidi mote sima kovi, eete Maimaituwa nabu ya giukamaḡe yovoḡe dobumo. Bi kwa nawa vanuwemo te kuna giugiuna mainana kwa voiye bi dolina buledi ḡaubona aubaigu kwa gei buka. Bi nevana tam bi natum aubaimi kwa buka.”
9341	1KI 17:21	Bi tana ma faiona gomana i ḡomotawi bi Bada lisinemo i laupalina gado, “Aee, Bada egu Maimaituwa, gomana yawasina kwa vite munaḡe!”
9343	1KI 17:23	Kamaina bi Elaidiya gomana i avali yovoḡe vanuwa dibunemo bi tinana i vite bi i giuwena gado, “Natum kwa kita i yawasana munaḡa!”
9370	1KI 18:26	Kamaina bi kau a vai bi a kanonoḡi bi olta dabanemo a sako. Bi a laulau palina maimaituwa Bal isanemo olaolalemo eete suwalamodo bi kota a binabinauna gado, “Oo Bal, ema pali kwa vaiye!” Bi olta a voivoiyena a bigabiga wai kwaivivili. Bi Bal mote kalinedi i vaiye bi mote bai i tubuḡa.
9371	1KI 18:27	Bi suwala modo palatinemo Elaidiya i wai namaḡedina gado, “Kalinemi dididiginemo ko laupali! Giukauwa te tana maimaituwa! Augunai male ya wai nuwanoḡonoḡota gulata ee i nawa ginamuli ee bamo ya nawanawa ee ya kenakena te ko lainuwesi.”
9383	1KI 18:39	Bi sauginemo lava matabudi a kitakita ba a laudulu yovo doḡamo bi kalinedi dididiginemo a binauna gado, “Bada tana taunana Maimaituwa! Bada tana taunana Maimaituwa!”
9567	2KI 2:12	Elisa mainana i kitakita ba i binauna gado, “Aiyoi Tamagu! Tamagu! Islael edi seliot bi osi tauvelauyedi tagu e kitedi.” Bi Elaidiya mote i kita munaḡe. Kamaina te nuwaboya matailina ba ena kwama i lisi labu.
9570	2KI 2:15	Bi Delikomo ḡome taugiuwatana dubudi bi tedi ḡotona manekemo, a kita te bai i tubuḡa bi a giuna gado, “Elaidiya ena ḡailisi ba niganana i damana Elisa lisinemo!” Kamaina bi a nawa Elisa lisinemo bi matanemo a laudune yovo doḡamo,
9650	2KI 4:43	Bi ena taupaula i giuna gado, “Waye! Niga mote luvana te lava 100 sa kani.” Bi Elisa i giuna gado, “Bada i giu te lava sa kani bi mulinemo kani nevana ya kena gwasa, taunana aubaina kwa vitedi.”
12503	NEH 8:6	Esla Maimaituwa saḡasaḡa guletina i kasaḡesaḡe bi lava matabudi nimedi a kailagetidi, bi Bada a lauduneye bi a giuna gado, “Giukauwa! Giukauwa!”
12912	JOB 3:4	Mba laḡanna ba yai boimatuwa! Maimaituwa noke nuwana ya yavuḡa, ḡome mote yanayana ima kena.
12941	JOB 4:7	Kwai nuwa noḡonoḡota! Lava visu tauvoiyena mote ima peki. Kuna kita Maimaituwa mote lava edi yawasana didimanidi ima kagebogebodi.
13930	JOB 42:4	Kuna giuna gado, ‘Diyoba, kwai beyavaiya bi yà giu! Yài talayem bi egu giu kwaimune.’
14311	PSA 27:9	Tagu em taupaula, mote kuma medi bi kuma miya tautauliyegu, mote kuma kandavonegu! Tam kunai yawasanigu, bi laḡan matabuna kwa sagusagugu. Taunana aubaina mote kuma gose kamaḡegu!
14314	PSA 27:12	Mba ḡaviidi kaiyovu giudimo sa waiwavugu, tedi sa ḡoeḡoena sa kagebogebogu, taunana aubaina kuma kita kamaḡedi sima vunugu!
14729	PSA 51:6	Tagu gebogebo taumḡa lisimmo e voiye, egu kauwa matammo i gebo. Taunana aubaina kuna giuweguna gado, ‘Tam gebogebo kuna voiye!’ Mba kuna giukauwa. Sauginemo kuna kovoḡiguna, mba kauwa didimanina kuna voiye.
15446	PSA 90:3	Tam lava kuna giuwemaina gado, “Ko munaḡa doḡamo! Bi doḡamo kuna voivoiyemaina kota kamunaḡa.”
15456	PSA 90:13	Oo Bada kwa nato munaḡa! Tama em taupaula, kwa launuwatoitoiyemai. Lisimaimo mote kuma medi gulata.
15577	PSA 100:3	Ko sibe te Bada tana Maimaituwa! Tana i voiyeda te tada tana ena lava bi ya kitakitawatada, maibena tauḡamo ena sipu ya labelabedina.
16314	PSA 139:7	Bi em Aluwa mote yàma naile kamaḡe bamo yàma nawa. Bamo mote gabu mainana te yà kandavona. Bamo yà nawana ba laḡan matabuna tam diyagumo!
17847	ISA 6:8	Ḡome Bada e vaiye i giugiuna gado, “Aiyai yà giukamaḡe? Bi aiyai aubaida ya nawa?” Bi e giuna gado, “Tagu niga ku giukamaḡegu!”
17905	ISA 9:5	Bada gomana olotona i viteda! Lisidemo i tubuḡa! Bi waibada kaka ya vai bi yai badaeda. Niga isedidi gomana a vite Taukadidimana visuvisuna, Maimaituwa Ḡaiḡailisina, Tamada Miyamiya Nonoḡina bi Nuwauba Badana.
18394	ISA 35:4	Nainaili kaipotedi kwa giuwedina gado, “Ko ḡailisi bi koma naila! Emi Maimaituwa ya nato, bi yai yawasanimi, bi mulimimo ya moito bi emi ḡaviya ya kovoḡi gulatedi.”
18774	ISA 52:8	Koi beyavaiya tauwaikoyaḡem ma yasisidi sa salesale gulata! Bi Bada ena nato munaḡa Saiyonmo mata otimimo ko kita.
18775	ISA 52:9	Lava miyamiyemi koi ḡemotimi bi ko yasisi gulata! Banina Yelusalem dobuna kaka lolalolana, Bada i wai sasalane, bi lava i wai nuwaubedi.
19021	JER 1:6	Bi tagu e giuna gado, “Mm Bada, tagu gomana ḡaubogu, mote luvana te aubaim yà gagali!”
19023	JER 1:8	Niga mainana Bada i giu, lava mote kuma nailedi, tagu tam vaitem bi yà moito galamem!”
19504	JER 20:13	Bada lisinemo ko sale, bi ko kasaḡesaḡe! Sauginemo gebo lavedi, lava waiyamoyamonidi sa lau kivigebogeboyedina, ba Bada nimedimo ya kabi bi yai yawasanidi.”
20380	LAM 1:1	Oo Yelusalem wala mote niga mainana, bi niganana lavam i wai geḡa! Wala ba dobu matabudi a sanasanadadem, bi niganana kitam maibena iwape. Tam wala kitam maibena ḡalibona mwanena bi niganana kitam maibena taupaulayababa.
22610	JON 1:10	Laḡannemo i giugiuwedi ba tedi a naila gulata bi ai talayena gado, “Kauwa kana gebo kuna voiye!” Waga taunoyaena a sibe te tana Bada i nainaile kamaḡe banina tana kaikana i gei giuwedi.
23077	ZEC 9:9	Saiyon lavemi, ko yasisi gulata bi Yelusalem lavemi, ko binau gulata! Emi ḡalibona ya natonato ko kita! Ena kauwa didimanina bi ena ḡaviya i lauyovoḡedi. Bi i sako yovoḡe te donki lau ewalinemo i gelu bi donkina dabanaḡa ya natonato.
24304	MRK 1:20	Laḡannemo wagamo i kitekitedi te i yogedi, “Ko nato ko kaiwatagu!” Ḡome tamedi Diyebedi bi tausagudi wagamo a gosedi bi Yesu a kaiwata.
24309	MRK 1:25	Yesu aluwa gebogebona i giuwena gado, “Kumiya moimoisili bi oloto ku potiyovo kamaḡe!”
24325	MRK 1:41	Yesu oloto i kita te i launuwatoiye, bi nimana i tuḡu te i taukoni bi i giuwena gado, “Kamaina yà ḡoeḡoena, kwa yawasana!”
24343	MRK 2:14	Tana i nawanawa te Alupias natuna Livai i kita, takis anilaitupana vanuwinemo i miyamiya. Kamaina bi Yesu i giuwena gado, “Ku kaiwatagu!” Livai i miya moito te Yesu i kaiwata.
24353	MRK 2:24	Taunana aubaina Palisi Yesu a giuwena gado, “Ei! Mba tama ema waiḡake te em tauwaikaiwatana mote maso mai a voiye waiyawasi laḡannemo.”
24430	MRK 4:38	Bi Yesu waga mulinemo kunuwana dabanemo i kenakena. Kamaina bi ena tauwaikaiwatana tana a lainuwesi bi a giuwena gado, “Tauwailovelove tam kwai nuwaboyaeda ee geḡa? Niga ta peki!”
24598	MRK 8:29	Bi i wai tala munaḡedina gado, “Temi bainewa ko noḡonoḡoti, te tagu aiyai?” Bi Pita i giuna gado, “Tam ba Keliso Maimaituwa ena Vinevine!”
24602	MRK 8:33	Yesu i tauvitale bi ena tauwaikaiwatana i kitedi bi Pita lisinemo i kaipasina, “Seitani! Ku taulia muligumo. Mba noḡotidi mote Maimaituwa lisinaḡa sima yovoyovo bi lava edi noḡota mainana.”
24614	MRK 9:7	Kamaina bi giyou i laumaḡata bi i suma tawedi bi kalina dididigina giyouḡa i yovona gado, “Niga taunana tagu Natugu, nuwagu taulaukwasilina. Koi beyavaiye kauwe!”
24626	MRK 9:19	Yesu i giuwedina gado, “Ei, temi mote koma wai sumaḡa! Vaitemi te alamiya! Yaḡolo te emi vita yà ava'avali? Gomenina ko natome lisigumo.”
24631	MRK 9:24	Noi taunana te gomana tamana i kaiḡabalana gado, “Aee, yà waisumaḡa bi egu sumaḡa mote i didiga. Kwa sagugu te egu sumaḡa ya didiga!”
24632	MRK 9:25	Yesu i kita te lava kumna a tavatava taunana aubaina Yesu aluwa gebogebona i giuwena gado, “Tam beyapotapota bi gumgum aluwina yà kwavikwavim te noi taunana gomana kwa gose kamaḡe, mote kuma saḡa munaḡa gomana noponemo!”
24704	MRK 10:47	Sauginemo tana Nasalet Yesuna giuna i vaivaiye ba binau i waitubuna gado, “Yesu Deivida Natuna kwa lau nuwatoitoiyegu!”
24705	MRK 10:48	Lava wapewapedi ḡome Batimiyas a kaipasine, “Ku miya moimoisili!” Bi tana yaḡolo te kalinana dididiginemo i binabinau gado, “Deivida Natuna kwa lau nuwatoitoiyegu!”
24719	MRK 11:10	Ka kavisuvisuna Bada isanemo ya natonatona Deivida ena tubulelesemo Maimaituwa ta kasaḡesaḡe, noke malamo!”
24723	MRK 11:14	Yesu kai damaya i pasilina gado, “Mote aiyai kaka votam ima kani munaḡe!” Mai i giugiu ba ena tauwaikaiwatana ena giu a vaiye.
24803	MRK 13:17	Bi mba laḡandimo vesavesala bwagebwagedi bi vaivaisu lisidimo ba i gebo gulata!
24804	MRK 13:18	Taunana aubaina ko laupali gulata te niga kauwidi mote bodubodu laḡandimo sima tubuḡa!
24821	MRK 13:35	Koi kita kauwa! Bai aubaina, mote ko sibe te bai laḡannemo vanuwa taniwagina ya tava, bamoda aubigamo ee dudubala modonemo ee kamkam ya ḡabaḡaba ee olaolalemo suwala ya lovolovotava.
24823	MRK 13:37	Bai yà giugiuwemina ba mainana lava ḡesaudi yà giugiuwedi: Koi kita kauwa!”
24829	MRK 14:6	Bi Yesu i giuwedina gado, “Ko kita kamaḡe! Bai aubaina ko kaka nuwalaḡalaḡa? Tana kauwa visuvisuna tagu aubaigu i voiye.
24844	MRK 14:21	Maibena wala a gilugilumina noponemo te Tana Taunana Natuna kaka ya peki. Bi i gebo kauwa te oloto aiyai Tana Taunana Natuna ya kaisoluye! Mba olotona avena te maso i tubuḡa.”
24852	MRK 14:29	Tana mainana i giugiu ba Pita ena giu i wai munena gado, “Egu lava ḡesaudi male sa velau sa nawa bi tagu ba mote yàma gosem!”
24859	MRK 14:36	Kamaina bi i laupalina gado, “Tamagu, Tamagu! Bai matabuna tam lisimmo i tekateka. Niga wainuwatoina leduna lisigumo kwa kaikamaḡe. Bi geḡa te mote tagu egu ḡowana bi tam em ḡowana.”
24865	MRK 14:42	Ko moito! Ta nawa, ko kita, oloto taukaisoluḡegu kaikana i tava!”
24868	MRK 14:45	Noi taunana a tavatava, te Diudas i nawa ota Yesu lisinemo bi i giuwena gado, “Tauwailovelove!” bi i waisuluve.
24899	MRK 15:4	Kamaina bi Paelat Yesu i waitala munaḡena gado, “Ei, tam bai kwa giuwe ee geḡa? Kwa vaiye kauwa wapewapedi gebogebodimo sa wai wavum!”
24908	MRK 15:13	Bi tedi a binauna gado, “Ku tupalatu!”
24909	MRK 15:14	Bi Paelat i waitalayedina gado, “Bi bai aubaina? Bai gebona i voiye?” Bi kota a binau gulatana gado, “Ku tupalatu!”
24913	MRK 15:18	Kamaina bi ai gwaigwaiye bi lisinemo a binauna gado, “Ebom, Diu edi ḡalibona!”
24921	MRK 15:26	Bi kai selipapinemo wai gwaigwai giuna a gilumina gado, “Niga Diu edi ḡalibona!” bi kununa kavalinemo a sako.
24924	MRK 15:29	Tedi mabai a velavelau teiyaḡina ba ai diboḡi, iwedi ai kwadekwadedi bi a giugiuna gado, “Emata! Tam walanamo kuna giu te Maimaituwa ena vanuwa kwa koisuwasuwa bi laḡan faiona nopodimo kwa keli munaḡe.
24925	MRK 15:30	Niganana ku waiyawasani munaḡem bi kolosi modonaḡa kwa yovo!”
24926	MRK 15:31	Kauwina ḡemoḡemotinemo pilipilisi edi babada bi waiḡake tauwailovelovena Yesu ai namaḡe bi tedi taudiḡa a wai gwaigwaiyena gado, “Lava ḡesaudi i wai yawasanidi bi tana mote ḡemoḡemotina te imai yawasani munaḡe!
24934	MRK 15:39	Ḡome ḡaviḡaviyidi edi bada kolosi pakanemo i moimoitona i kita te bainewa Yesu i peki, kamaina bi i giuna gado, “Giukauwa te niga lavana Maimaituwa natuna!”
24948	MRK 16:6	Kamaina bi i giuwedina gado, “Koma nainaila! Temi ba Nasalet Yesuna tupatupalatuna ko tavutavuḡe. Tana mote niga ḡome, kaikana pekimo i kenamoito. Ko kita, niga taubeu gabukavanaḡa.
26993	ACT 1:1	Aisii, Tiopilas! Egu buka dolinemo e gilugilumina, ba Yesu ena noya bi ena wailovelove i wai waitubuna e gilumiwata.
27032	ACT 2:14	Ḡome Pita bi giugiukamaḡedi 11 vaitedi a moito bi Pita kalinana dididiginemo lava i giuwedina gado, “Temi Diu bi ma baibaimiḡa Yelusalemmo ko miyamiyana, koi beyavaiya kauwa bi bai yà giuwemi!